| Library / Tipiṭaka / තිපිටක • Tipiṭaka / පඤ්‌චපකරණ-අට්‌ඨකථා • Pañcapakaraṇa-aṭṭhakathā |
6. කුසලකථාවණ්‌ණනා
6. Kusalakathāvaṇṇanā
844-846. ඉදානි කුසලකථා නාම හොති. තත්‌ථ අනවජ්‌ජම්‌පි කුසලං ඉට්‌ඨපාකම්‌පි. අනවජ්‌ජං නාම කිලෙසවිප්‌පයුත්‌තං. අයං නයො ඨපෙත්‌වා අකුසලං සබ්‌බධම්‌මෙ භජති. ඉට්‌ඨවිපාකං නාම ආයතිං උපපත්‌තිපවත්‌තෙසු ඉට්‌ඨඵලනිප්‌ඵාදකං පුඤ්‌ඤං. අයං නයො කුසලත්‌තිකෙ ආදිපදමෙව භජති. යෙසං පන ඉමං විභාගං අග්‌ගහෙත්‌වා අනවජ්‌ජභාවමත්‌තෙනෙව නිබ්‌බානං කුසලන්‌ති ලද්‌ධි, සෙය්‍යථාපි අන්‌ධකානං, තෙසං ඉට්‌ඨවිපාකට්‌ඨෙන නිබ්‌බානස්‌ස කුසලතාභාවං දීපෙතුං පුච්‌ඡා සකවාදිස්‌ස, අත්‌තනො ලද්‌ධිවසෙන පටිඤ්‌ඤා ඉතරස්‌ස. සෙසමිධාපි හෙට්‌ඨා වුත්‌තනයත්‌තා උත්‌තානත්‌ථමෙවාති.
844-846. Idāni kusalakathā nāma hoti. Tattha anavajjampi kusalaṃ iṭṭhapākampi. Anavajjaṃ nāma kilesavippayuttaṃ. Ayaṃ nayo ṭhapetvā akusalaṃ sabbadhamme bhajati. Iṭṭhavipākaṃ nāma āyatiṃ upapattipavattesu iṭṭhaphalanipphādakaṃ puññaṃ. Ayaṃ nayo kusalattike ādipadameva bhajati. Yesaṃ pana imaṃ vibhāgaṃ aggahetvā anavajjabhāvamatteneva nibbānaṃ kusalanti laddhi, seyyathāpi andhakānaṃ, tesaṃ iṭṭhavipākaṭṭhena nibbānassa kusalatābhāvaṃ dīpetuṃ pucchā sakavādissa, attano laddhivasena paṭiññā itarassa. Sesamidhāpi heṭṭhā vuttanayattā uttānatthamevāti.
කුසලකථාවණ්‌ණනා.
Kusalakathāvaṇṇanā.
Related texts:
තිපිටක (මූල) • Tipiṭaka (Mūla) / අභිධම්‌මපිටක • Abhidhammapiṭaka / කථාවත්‌ථුපාළි • Kathāvatthupāḷi / (191) 6. කුසලකථා • (191) 6. Kusalakathā
ටීකා • Tīkā / අභිධම්‌මපිටක (ටීකා) • Abhidhammapiṭaka (ṭīkā) / පඤ්‌චපකරණ-මූලටීකා • Pañcapakaraṇa-mūlaṭīkā / 6. කුසලකථාවණ්‌ණනා • 6. Kusalakathāvaṇṇanā
ටීකා • Tīkā / අභිධම්‌මපිටක (ටීකා) • Abhidhammapiṭaka (ṭīkā) / පඤ්‌චපකරණ-අනුටීකා • Pañcapakaraṇa-anuṭīkā / 6. කුසලකථාවණ්‌ණනා • 6. Kusalakathāvaṇṇanā
