| Library / Tipiṭaka / д̇ибидага • Tipiṭaka / милинд̣̇абан̃хабаал̣и • Milindapañhapāḷi |
3. гусалаагусалаб̣алавад̇арабан̃хо
3. Kusalākusalabalavatarapañho
3. ‘‘бханд̇з нааг̇асзна, гад̇амам̣ ад̇химад̇д̇ам̣ б̣алавад̇арам̣ гусалам̣ ваа агусалам̣ ваа’’д̇и? ‘‘гусалам̣, махаарааж̇а, ад̇химад̇д̇ам̣ б̣алавад̇арам̣, но д̇ат̇аа агусала’нд̇и. ‘‘наахам̣, бханд̇з нааг̇асзна, д̇ам̣ важанам̣ самбадижчаами ‘гусалам̣ ад̇химад̇д̇ам̣ б̣алавад̇арам̣, но д̇ат̇аа агусала’нд̇и, д̣̇иссанд̇и, бханд̇з нааг̇асзна, ид̇ха баан̣аад̇ибаад̇ино ад̣̇иннаад̣̇ааяино гаамзсумижчаажаарино мусааваад̣̇ино г̇аамагхаад̇игаа бант̇ад̣̇уусагаа нзгад̇игаа ван̃жанигаа, саб̣б̣з д̇з д̇аавад̇агзна баабзна лабханд̇и хад̇т̇ажчзд̣̇ам̣ баад̣̇ажчзд̣̇ам̣ хад̇т̇абаад̣̇ажчзд̣̇ам̣ ган̣н̣ажчзд̣̇ам̣ наасажчзд̣̇ам̣ ган̣н̣анаасажчзд̣̇ам̣ б̣илан̇г̇ат̇аалигам̣ сан̇камун̣д̣игам̣ раахумукам̣ ж̇од̇имаалигам̣ хад̇т̇абаж̇ж̇од̇игам̣ зрагавад̇д̇игам̣ жийрагаваасигам̣ зн̣зяяагам̣ б̣ал̣исамам̣сигам̣ гахаабан̣игам̣ каараабад̇ажчигам̣ балигхабаривад̇д̇игам̣ балаалабийтагам̣ д̇ад̇д̇знаби д̇злзна осин̃жанам̣ сунакзхиби каад̣̇аабанам̣ ж̇ийвасуулааробанам̣ асинааби сийсажчзд̣̇ам̣, гзжи рад̇д̇им̣ баабам̣ гад̇ваа рад̇д̇им̣ язва вибаагам̣ анубхаванд̇и, гзжи рад̇д̇им̣ гад̇ваа д̣̇иваа язва анубхаванд̇и, гзжи д̣̇иваа гад̇ваа д̣̇иваа язва анубхаванд̇и, гзжи д̣̇иваа гад̇ваа рад̇д̇им̣ язва анубхаванд̇и, гзжи д̣̇вз д̇аяо д̣̇ивасз вийд̇ивад̇д̇з анубхаванд̇и, саб̣б̣зби д̇з д̣̇идтзва д̇хаммз вибаагам̣ анубхаванд̇и. ад̇т̇и бана, бханд̇з нааг̇асзна, гожи згасса ваа д̣̇виннам̣ ваа д̇ин̣н̣ам̣ ваа жад̇уннам̣ ваа бан̃жаннам̣ ваа д̣̇асаннам̣ ваа сад̇асса ваа сахассасса ваа сад̇асахассасса ваа сабариваарам̣ д̣̇аанам̣ д̣̇ад̇ваа д̣̇идтад̇хаммигам̣ бхог̇ам̣ ваа яасам̣ ваа сукам̣ ваа анубхавид̇аа сийлзна ваа убосат̇агаммзна ваа’’д̇и?
3. ‘‘Bhante nāgasena, katamaṃ adhimattaṃ balavataraṃ kusalaṃ vā akusalaṃ vā’’ti? ‘‘Kusalaṃ, mahārāja, adhimattaṃ balavataraṃ, no tathā akusala’nti. ‘‘Nāhaṃ, bhante nāgasena, taṃ vacanaṃ sampaṭicchāmi ‘kusalaṃ adhimattaṃ balavataraṃ, no tathā akusala’nti, dissanti, bhante nāgasena, idha pāṇātipātino adinnādāyino kāmesumicchācārino musāvādino gāmaghātikā panthadūsakā nekatikā vañcanikā, sabbe te tāvatakena pāpena labhanti hatthacchedaṃ pādacchedaṃ hatthapādacchedaṃ kaṇṇacchedaṃ nāsacchedaṃ kaṇṇanāsacchedaṃ bilaṅgathālikaṃ saṅkhamuṇḍikaṃ rāhumukhaṃ jotimālikaṃ hatthapajjotikaṃ erakavattikaṃ cīrakavāsikaṃ eṇeyyakaṃ baḷisamaṃsikaṃ kahāpaṇikaṃ khārāpatacchikaṃ palighaparivattikaṃ palālapīṭhakaṃ tattenapi telena osiñcanaṃ sunakhehipi khādāpanaṃ jīvasūlāropanaṃ asināpi sīsacchedaṃ, keci rattiṃ pāpaṃ katvā rattiṃ yeva vipākaṃ anubhavanti, keci rattiṃ katvā divā yeva anubhavanti, keci divā katvā divā yeva anubhavanti, keci divā katvā rattiṃ yeva anubhavanti, keci dve tayo divase vītivatte anubhavanti, sabbepi te diṭṭheva dhamme vipākaṃ anubhavanti. Atthi pana, bhante nāgasena, koci ekassa vā dvinnaṃ vā tiṇṇaṃ vā catunnaṃ vā pañcannaṃ vā dasannaṃ vā satassa vā sahassassa vā satasahassassa vā saparivāraṃ dānaṃ datvā diṭṭhadhammikaṃ bhogaṃ vā yasaṃ vā sukhaṃ vā anubhavitā sīlena vā uposathakammena vā’’ti?
‘‘ад̇т̇и, махаарааж̇а , жад̇д̇ааро бурисаа д̣̇аанам̣ д̣̇ад̇ваа сийлам̣ самаад̣̇ияид̇ваа убосат̇агаммам̣ гад̇ваа д̣̇идтзва д̇хаммз д̇знзва сарийрад̣̇зхзна д̇ид̣̇асабурз самануббад̇д̇аа’’д̇и 1. ‘‘го жа го жа бханд̇з’’д̇и? ‘‘манд̇хаад̇аа, махаарааж̇а, рааж̇аа, ними рааж̇аа, саад̇хийно рааж̇аа, г̇уд̇д̇ило жа г̇анд̇хаб̣б̣о’’д̇и.
‘‘Atthi, mahārāja , cattāro purisā dānaṃ datvā sīlaṃ samādiyitvā uposathakammaṃ katvā diṭṭheva dhamme teneva sarīradehena tidasapure samanuppattā’’ti 2. ‘‘Ko ca ko ca bhante’’ti? ‘‘Mandhātā, mahārāja, rājā, nimi rājā, sādhīno rājā, guttilo ca gandhabbo’’ti.
‘‘бханд̇з нааг̇асзна, анзгзхи д̇ам̣ бхавасахассзхи анд̇арид̇ам̣, д̣̇виннамбзд̇ам̣ амхаагам̣ 3 барогкам̣, яад̣̇и самад̇т̇оси вад̇д̇амаанагз бхавз бхаг̇авад̇о д̇харамаанагаалз гат̇зхий’’д̇и? ‘‘вад̇д̇амаанагзби, махаарааж̇а, бхавз бун̣н̣аго д̣̇аасо т̇зрасса саарибуд̇д̇асса бхож̇анам̣ д̣̇ад̇ваа д̇ад̣̇ахзва сздтидтаанам̣ аж̇жхубаг̇ад̇о, со зд̇арахи бун̣н̣аго сздтийд̇и бан̃н̃ааяи, г̇обааламаад̇аа д̣̇звий ад̇д̇ано гзсз виггин̣ид̇ваа лад̣̇д̇хзхи адтахи гахаабан̣зхи т̇зрасса махаагажжааяанасса ад̇д̇адтамагасса бин̣д̣абаад̇ам̣ д̣̇ад̇ваа д̇ад̣̇ахзва ран̃н̃о жанд̣̇абаж̇ж̇од̇асса 4 аг̇г̇амахзсидтаанам̣ бад̇д̇аа. суббияаа убаасигаа ан̃н̃ад̇арасса г̇илаанабхигкуно ад̇д̇ано уурумам̣сзна бадижчаад̣̇анийяам̣ д̣̇ад̇ваа д̣̇уд̇ияад̣̇ивасз язва руул̣хаван̣аа сан̃чавий 5 арог̇аа ж̇аад̇аа. маллигаа д̣̇звий бхаг̇авад̇о аабхид̣̇осигам̣ гуммаасабин̣д̣ам̣ д̣̇ад̇ваа д̇ад̣̇ахзва ран̃н̃о госаласса аг̇г̇амахзсий ж̇аад̇аа. сумано маалаагааро адтахи суманабубпамудтийхи бхаг̇аванд̇ам̣ бууж̇зд̇ваа д̇ам̣ д̣̇ивасам̣ язва махаасамбад̇д̇им̣ бад̇д̇о. згасаадаго б̣раахман̣о уд̇д̇арасаадагзна бхаг̇аванд̇ам̣ бууж̇зд̇ваа д̇ам̣ д̣̇ивасам̣ язва саб̣б̣адтагам̣ лабхи, саб̣б̣збзд̇з, махаарааж̇а, д̣̇идтад̇хаммигам̣ бхог̇ан̃жа яасан̃жа анубхавим̣суу’’д̇и.
‘‘Bhante nāgasena, anekehi taṃ bhavasahassehi antaritaṃ, dvinnampetaṃ amhākaṃ 6 parokkhaṃ, yadi samatthosi vattamānake bhave bhagavato dharamānakāle kathehī’’ti? ‘‘Vattamānakepi, mahārāja, bhave puṇṇako dāso therassa sāriputtassa bhojanaṃ datvā tadaheva seṭṭhiṭṭhānaṃ ajjhupagato, so etarahi puṇṇako seṭṭhīti paññāyi, gopālamātā devī attano kese vikkiṇitvā laddhehi aṭṭhahi kahāpaṇehi therassa mahākaccāyanassa attaṭṭhamakassa piṇḍapātaṃ datvā tadaheva rañño candapajjotassa 7 aggamahesiṭṭhānaṃ pattā. Suppiyā upāsikā aññatarassa gilānabhikkhuno attano ūrumaṃsena paṭicchādanīyaṃ datvā dutiyadivase yeva rūḷhavaṇā sañchavī 8 arogā jātā. Mallikā devī bhagavato ābhidosikaṃ kummāsapiṇḍaṃ datvā tadaheva rañño kosalassa aggamahesī jātā. Sumano mālākāro aṭṭhahi sumanapupphamuṭṭhīhi bhagavantaṃ pūjetvā taṃ divasaṃ yeva mahāsampattiṃ patto. Ekasāṭako brāhmaṇo uttarasāṭakena bhagavantaṃ pūjetvā taṃ divasaṃ yeva sabbaṭṭhakaṃ labhi, sabbepete, mahārāja, diṭṭhadhammikaṃ bhogañca yasañca anubhaviṃsū’’ti.
‘‘бханд̇з нааг̇асзна, вижинид̇ваа бариязсид̇ваа ча ж̇анз язва ад̣̇д̣̇асаасий’’д̇и. ‘‘аама, махаарааж̇аа’’д̇и. ‘‘д̇зна хи, бханд̇з нааг̇асзна, агусалам̣ язва ад̇химад̇д̇ам̣ б̣алавад̇арам̣, но д̇ат̇аа гусалам̣. ахан̃хи, бханд̇з нааг̇асзна, згад̣̇ивасам̣ язва д̣̇асаби бурисз бассаами баабасса гаммасса вибаагзна суулзсу ааробзнд̇з, вийсамби д̇им̣самби жад̇д̇аалийсамби бан̃н̃аасамби бурисасад̇амби бурисасахассамби бассаами баабасса гаммасса вибаагзна суулзсу ааробзнд̇з. нанд̣̇агуласса, бханд̇з нааг̇асзна, бхад̣̇д̣̇асаало наама сзнаабад̇ибуд̇д̇о ахоси. д̇зна жа ран̃н̃аа жанд̣̇аг̇уд̇д̇зна сан̇г̇аамо самубаб̣яуул̣хо ахоси. д̇асмим̣ ко бана, бханд̇з нааг̇асзна, сан̇г̇аамз убхад̇о б̣алагааяз асийд̇игаб̣анд̇харуубаани ахзсум̣, згасмим̣ гира сийсагаб̣анд̇хз барибаад̇з 9 згам̣ габ̣анд̇харуубам̣ удтахад̇и, саб̣б̣збзд̇з баабассзва гаммасса вибаагзна анаяаб̣яасанам̣ аабаннаа. иминааби, бханд̇з нааг̇асзна, гааран̣зна бхан̣аами агусалам̣ язва ад̇химад̇д̇ам̣ б̣алавад̇арам̣, но д̇ат̇аа гусала’’нд̇и.
‘‘Bhante nāgasena, vicinitvā pariyesitvā cha jane yeva addasāsī’’ti. ‘‘Āma, mahārājā’’ti. ‘‘Tena hi, bhante nāgasena, akusalaṃ yeva adhimattaṃ balavataraṃ, no tathā kusalaṃ. Ahañhi, bhante nāgasena, ekadivasaṃ yeva dasapi purise passāmi pāpassa kammassa vipākena sūlesu āropente, vīsampi tiṃsampi cattālīsampi paññāsampi purisasatampi purisasahassampi passāmi pāpassa kammassa vipākena sūlesu āropente. Nandakulassa, bhante nāgasena, bhaddasālo nāma senāpatiputto ahosi. Tena ca raññā candaguttena saṅgāmo samupabyūḷho ahosi. Tasmiṃ kho pana, bhante nāgasena, saṅgāme ubhato balakāye asītikabandharūpāni ahesuṃ, ekasmiṃ kira sīsakabandhe paripāte 10 ekaṃ kabandharūpaṃ uṭṭhahati, sabbepete pāpasseva kammassa vipākena anayabyasanaṃ āpannā. Imināpi, bhante nāgasena, kāraṇena bhaṇāmi akusalaṃ yeva adhimattaṃ balavataraṃ, no tathā kusala’’nti.
‘‘суяяад̇и, бханд̇з нааг̇асзна, имасмим̣ б̣уд̣̇д̇хасаасанз госалзна ран̃н̃аа асад̣̇исад̣̇аанам̣ д̣̇инна’’нд̇и? ‘‘аама, махаарааж̇а, суяяад̇ий’’д̇и. ‘‘аби ну ко, бханд̇з нааг̇асзна, госаларааж̇аа д̇ам̣ асад̣̇исам̣ д̣̇аанам̣ д̣̇ад̇ваа д̇ад̇онид̣̇аанам̣ ган̃жи д̣̇идтад̇хаммигам̣ бхог̇ам̣ ваа яасам̣ ваа сукам̣ ваа бадилабхий’’д̇и 11? ‘‘на хи, махаарааж̇аа’’д̇и. ‘‘яад̣̇и, бханд̇з нааг̇асзна, госаларааж̇аа зваруубам̣ ануд̇д̇арам̣ д̣̇аанам̣ д̣̇ад̇вааби на лабхи 12 д̇ад̇онид̣̇аанам̣ ган̃жи д̣̇идтад̇хаммигам̣ бхог̇ам̣ ваа яасам̣ ваа сукам̣ ваа, д̇зна хи, бханд̇з нааг̇асзна, агусалам̣ язва ад̇химад̇д̇ам̣ б̣алавад̇арам̣, но д̇ат̇аа гусала’’нд̇и.
‘‘Suyyati, bhante nāgasena, imasmiṃ buddhasāsane kosalena raññā asadisadānaṃ dinna’’nti? ‘‘Āma, mahārāja, suyyatī’’ti. ‘‘Api nu kho, bhante nāgasena, kosalarājā taṃ asadisaṃ dānaṃ datvā tatonidānaṃ kañci diṭṭhadhammikaṃ bhogaṃ vā yasaṃ vā sukhaṃ vā paṭilabhī’’ti 13? ‘‘Na hi, mahārājā’’ti. ‘‘Yadi, bhante nāgasena, kosalarājā evarūpaṃ anuttaraṃ dānaṃ datvāpi na labhi 14 tatonidānaṃ kañci diṭṭhadhammikaṃ bhogaṃ vā yasaṃ vā sukhaṃ vā, tena hi, bhante nāgasena, akusalaṃ yeva adhimattaṃ balavataraṃ, no tathā kusala’’nti.
‘‘барид̇д̇ад̇д̇аа, махаарааж̇а, агусалам̣ киббам̣ барин̣амад̇и, вибулад̇д̇аа гусалам̣ д̣̇ийгхзна гаалзна барин̣амад̇и, убамааяаби, махаарааж̇а, зд̇ам̣ убабаригкид̇аб̣б̣ам̣. яат̇аа, махаарааж̇а, абаранд̇з ж̇анабад̣̇з гумуд̣̇абхан̣д̣игаа наама д̇хан̃н̃аж̇аад̇и маасалуунаа 15 анд̇ог̇зхаг̇ад̇аа ход̇и, саалаяо чаббан̃жамаасзхи барин̣аманд̇и , гим̣ банзд̇т̇а, махаарааж̇а, анд̇арам̣ го висзсо гумуд̣̇абхан̣д̣игааяа жа саалийнан̃жаа’’д̇и? ‘‘барид̇д̇ад̇д̇аа, бханд̇з, гумуд̣̇абхан̣д̣игааяа, вибулад̇д̇аа жа саалийнам̣. саалаяо, бханд̇з нааг̇асзна, рааж̇аарахаа рааж̇абхож̇анам̣, гумуд̣̇абхан̣д̣игаа д̣̇аасагаммагараанам̣ бхож̇ана’’нд̇и. ‘‘звамзва ко, махаарааж̇а, барид̇д̇ад̇д̇аа агусалам̣ киббам̣ барин̣амад̇и, вибулад̇д̇аа гусалам̣ д̣̇ийгхзна гаалзна барин̣амад̇ий’’д̇и.
‘‘Parittattā, mahārāja, akusalaṃ khippaṃ pariṇamati, vipulattā kusalaṃ dīghena kālena pariṇamati, upamāyapi, mahārāja, etaṃ upaparikkhitabbaṃ. Yathā, mahārāja, aparante janapade kumudabhaṇḍikā nāma dhaññajāti māsalūnā 16 antogehagatā hoti, sālayo chappañcamāsehi pariṇamanti , kiṃ panettha, mahārāja, antaraṃ ko viseso kumudabhaṇḍikāya ca sālīnañcā’’ti? ‘‘Parittattā, bhante, kumudabhaṇḍikāya, vipulattā ca sālīnaṃ. Sālayo, bhante nāgasena, rājārahā rājabhojanaṃ, kumudabhaṇḍikā dāsakammakarānaṃ bhojana’’nti. ‘‘Evameva kho, mahārāja, parittattā akusalaṃ khippaṃ pariṇamati, vipulattā kusalaṃ dīghena kālena pariṇamatī’’ti.
‘‘яам̣ д̇ад̇т̇а, бханд̇з нааг̇асзна, киббам̣ барин̣амад̇и, д̇ам̣ наама логз ад̇химад̇д̇ам̣ б̣алавад̇арам̣, д̇асмаа агусалам̣ б̣алавад̇арам̣, но д̇ат̇аа гусалам̣. яат̇аа наама, бханд̇з нааг̇асзна, яо гожи яод̇хо махад̇имахааяуд̣̇д̇хам̣ бависид̇ваа бадисад̇д̇ум̣ убагажчагз г̇ахзд̇ваа аагад̣дхид̇ваа киббад̇арам̣ саамино убанзяяа, со яод̇хо логз самад̇т̇о сууро наама. яо жа бхисагго киббам̣ саллам̣ уд̣̇д̇харад̇и рог̇амабанзд̇и, со бхисагго чзго наама. яо г̇ан̣аго сийгхасийгхам̣ г̇ан̣зд̇ваа киббам̣ д̣̇ассаяад̇и, со г̇ан̣аго чзго наама. яо малло киббам̣ бадималлам̣ угкибид̇ваа уд̇д̇аанагам̣ баад̇зд̇и, со малло самад̇т̇о сууро наама. звамзва ко, бханд̇з нааг̇асзна, яам̣ киббам̣ барин̣амад̇и гусалам̣ ваа агусалам̣ ваа, д̇ам̣ логз ад̇химад̇д̇ам̣ б̣алавад̇ара’’нд̇и.
‘‘Yaṃ tattha, bhante nāgasena, khippaṃ pariṇamati, taṃ nāma loke adhimattaṃ balavataraṃ, tasmā akusalaṃ balavataraṃ, no tathā kusalaṃ. Yathā nāma, bhante nāgasena, yo koci yodho mahatimahāyuddhaṃ pavisitvā paṭisattuṃ upakacchake gahetvā ākaḍḍhitvā khippataraṃ sāmino upaneyya, so yodho loke samattho sūro nāma. Yo ca bhisakko khippaṃ sallaṃ uddharati rogamapaneti, so bhisakko cheko nāma. Yo gaṇako sīghasīghaṃ gaṇetvā khippaṃ dassayati, so gaṇako cheko nāma. Yo mallo khippaṃ paṭimallaṃ ukkhipitvā uttānakaṃ pāteti, so mallo samattho sūro nāma. Evameva kho, bhante nāgasena, yaṃ khippaṃ pariṇamati kusalaṃ vā akusalaṃ vā, taṃ loke adhimattaṃ balavatara’’nti.
‘‘убхаяамби д̇ам̣, махаарааж̇а, гаммам̣ самбарааяавзд̣̇анийяамзва, аби жа ко агусалам̣ сааваж̇ж̇ад̇ааяа кан̣зна д̣̇идтад̇хаммавзд̣̇анийяам̣ ход̇и, буб̣б̣агзхи, махаарааж̇а, кад̇д̇иязхи табид̇о зсо нияамо ‘яо баан̣ам̣ ханад̇и, со д̣̇ан̣д̣аарахо…бз… яо ад̣̇иннам̣ аад̣̇ияад̇и…бз… яо барад̣̇аарам̣ г̇ажчад̇и…бз… яо мусаа бхан̣ад̇и…бз… яо г̇аамам̣ гхаад̇зд̇и…бз… яо бант̇ам̣ д̣̇уусзд̇и…бз… яо нигад̇им̣ гарод̇и…бз… яо ван̃жанам̣ гарод̇и, со д̣̇ан̣д̣аарахо вад̇хид̇аб̣б̣о чзд̇д̇аб̣б̣о бхзд̇д̇аб̣б̣о ханд̇аб̣б̣о’д̇и. д̇ам̣ д̇з убаад̣̇ааяа вижинид̇ваа вижинид̇ваа д̣̇ан̣д̣знд̇и вад̇хзнд̇и чинд̣̇анд̇и бхинд̣̇анд̇и хананд̇и жа, аби ну, махаарааж̇а, ад̇т̇и гзхижи табид̇о нияамо ‘яо д̣̇аанам̣ ваа д̣̇зд̇и, сийлам̣ ваа рагкад̇и, убосат̇агаммам̣ ваа гарод̇и, д̇асса д̇ханам̣ ваа яасам̣ ваа д̣̇аад̇аб̣б̣а’нд̇и; аби ну д̇ам̣ вижинид̇ваа вижинид̇ваа д̇ханам̣ ваа яасам̣ ваа д̣̇знд̇и, жорасса гад̇агаммасса вад̇хаб̣анд̇ханам̣ вияаа’’д̇и? ‘‘на хи, бханд̇з’’д̇и. ‘‘яад̣̇и, махаарааж̇а, д̣̇ааяагаанам̣ вижинид̇ваа вижинид̇ваа д̇ханам̣ ваа яасам̣ ваа д̣̇ад̣̇зяяум̣, гусаламби д̣̇идтад̇хаммавзд̣̇анийяам̣ бхавзяяа, яасмаа жа ко, махаарааж̇а, д̣̇ааяагз на вижинанд̇и ‘д̇ханам̣ ваа яасам̣ ваа д̣̇ассаамаа’д̇и, д̇асмаа гусалам̣ на д̣̇идтад̇хаммавзд̣̇анийяам̣. иминаа, махаарааж̇а, гааран̣зна агусалам̣ д̣̇идтад̇хаммавзд̣̇анийяам̣, самбарааязва со ад̇химад̇д̇ам̣ б̣алавад̇арам̣ взд̣̇анам̣ взд̣̇аяад̇ий’’д̇и. ‘‘саад̇ху, бханд̇з нааг̇асзна, д̇аваад̣̇исзна б̣уд̣̇д̇химанд̇зна винаа нзсо бан̃хо суниб̣б̣зтияо, логигам̣, бханд̇з нааг̇асзна, логуд̇д̇арзна вин̃н̃аабид̇а’’нд̇и.
‘‘Ubhayampi taṃ, mahārāja, kammaṃ samparāyavedanīyameva, api ca kho akusalaṃ sāvajjatāya khaṇena diṭṭhadhammavedanīyaṃ hoti, pubbakehi, mahārāja, khattiyehi ṭhapito eso niyamo ‘yo pāṇaṃ hanati, so daṇḍāraho…pe… yo adinnaṃ ādiyati…pe… yo paradāraṃ gacchati…pe… yo musā bhaṇati…pe… yo gāmaṃ ghāteti…pe… yo panthaṃ dūseti…pe… yo nikatiṃ karoti…pe… yo vañcanaṃ karoti, so daṇḍāraho vadhitabbo chettabbo bhettabbo hantabbo’ti. Taṃ te upādāya vicinitvā vicinitvā daṇḍenti vadhenti chindanti bhindanti hananti ca, api nu, mahārāja, atthi kehici ṭhapito niyamo ‘yo dānaṃ vā deti, sīlaṃ vā rakkhati, uposathakammaṃ vā karoti, tassa dhanaṃ vā yasaṃ vā dātabba’nti; api nu taṃ vicinitvā vicinitvā dhanaṃ vā yasaṃ vā denti, corassa katakammassa vadhabandhanaṃ viyā’’ti? ‘‘Na hi, bhante’’ti. ‘‘Yadi, mahārāja, dāyakānaṃ vicinitvā vicinitvā dhanaṃ vā yasaṃ vā dadeyyuṃ, kusalampi diṭṭhadhammavedanīyaṃ bhaveyya, yasmā ca kho, mahārāja, dāyake na vicinanti ‘dhanaṃ vā yasaṃ vā dassāmā’ti, tasmā kusalaṃ na diṭṭhadhammavedanīyaṃ. Iminā, mahārāja, kāraṇena akusalaṃ diṭṭhadhammavedanīyaṃ, samparāyeva so adhimattaṃ balavataraṃ vedanaṃ vedayatī’’ti. ‘‘Sādhu, bhante nāgasena, tavādisena buddhimantena vinā neso pañho sunibbeṭhiyo, lokikaṃ, bhante nāgasena, lokuttarena viññāpita’’nti.
гусалаагусалаб̣алавад̇арабан̃хо д̇ад̇ияо.
Kusalākusalabalavatarapañho tatiyo.
Footnotes:
