| Library / Tipiṭaka / д̇ибидага • Tipiṭaka / гат̇аавад̇т̇убаал̣и • Kathāvatthupāḷi |
14. жуд̣̇д̣̇асамаваг̇г̇о
14. Cuddasamavaggo
(136) 1. гусалаагусалабадисанд̣̇аханагат̇аа
(136) 1. Kusalākusalapaṭisandahanakathā
686. агусаламуулам̣ бадисанд̣̇ахад̇и гусаламууланд̇и? ааманд̇аа. яаа агусаласса уббаад̣̇ааяа аавадданаа…бз… бан̣ид̇хи, саава гусаласса уббаад̣̇ааяа аавадданаа…бз… бан̣ид̇хийд̇и? на хзвам̣ вад̇д̇аб̣б̣з…бз….
686. Akusalamūlaṃ paṭisandahati kusalamūlanti? Āmantā. Yā akusalassa uppādāya āvaṭṭanā…pe… paṇidhi, sāva kusalassa uppādāya āvaṭṭanā…pe… paṇidhīti? Na hevaṃ vattabbe…pe….
агусаламуулам̣ бадисанд̣̇ахад̇и гусаламуулам̣, на вад̇д̇аб̣б̣ам̣ – ‘‘яаа агусаласса уббаад̣̇ааяа аавадданаа…бз… бан̣ид̇хи, саава гусаласса уббаад̣̇ааяа аавадданаа…бз… бан̣ид̇хий’’д̇и? ааманд̇аа. гусалам̣ анааваддзнд̇асса 1 уббаж̇ж̇ад̇и …бз… аббан̣ид̣̇аханд̇асса уббаж̇ж̇ад̇ийд̇и? на хзвам̣ вад̇д̇аб̣б̣з…бз… нану гусалам̣ ааваддзнд̇асса уббаж̇ж̇ад̇и…бз… бан̣ид̣̇аханд̇асса уббаж̇ж̇ад̇ийд̇и? ааманд̇аа. хан̃жи гусалам̣ ааваддзнд̇асса уббаж̇ж̇ад̇и…бз… бан̣ид̣̇аханд̇асса уббаж̇ж̇ад̇и, но жа вад̇а рз вад̇д̇аб̣б̣з – ‘‘агусаламуулам̣ бадисанд̣̇ахад̇и гусаламуула’’нд̇и.
Akusalamūlaṃ paṭisandahati kusalamūlaṃ, na vattabbaṃ – ‘‘yā akusalassa uppādāya āvaṭṭanā…pe… paṇidhi, sāva kusalassa uppādāya āvaṭṭanā…pe… paṇidhī’’ti? Āmantā. Kusalaṃ anāvaṭṭentassa 2 uppajjati …pe… appaṇidahantassa uppajjatīti? Na hevaṃ vattabbe…pe… nanu kusalaṃ āvaṭṭentassa uppajjati…pe… paṇidahantassa uppajjatīti? Āmantā. Hañci kusalaṃ āvaṭṭentassa uppajjati…pe… paṇidahantassa uppajjati, no ca vata re vattabbe – ‘‘akusalamūlaṃ paṭisandahati kusalamūla’’nti.
687. агусаламуулам̣ бадисанд̣̇ахад̇и гусаламууланд̇и? ааманд̇аа. агусаламуулам̣ аяонисо манасигарод̇о уббаж̇ж̇ад̇ийд̇и? ааманд̇аа. гусалам̣ аяонисо манасигарод̇о уббаж̇ж̇ад̇ийд̇и? на хзвам̣ вад̇д̇аб̣б̣з…бз… нану гусалам̣ яонисо манасигарод̇о уббаж̇ж̇ад̇ийд̇и? ааманд̇аа. хан̃жи гусалам̣ яонисо манасигарод̇о уббаж̇ж̇ад̇и, но жа вад̇а рз вад̇д̇аб̣б̣з – ‘‘агусаламуулам̣ бадисанд̣̇ахад̇и гусаламуула’’нд̇и.
687. Akusalamūlaṃ paṭisandahati kusalamūlanti? Āmantā. Akusalamūlaṃ ayoniso manasikaroto uppajjatīti? Āmantā. Kusalaṃ ayoniso manasikaroto uppajjatīti? Na hevaṃ vattabbe…pe… nanu kusalaṃ yoniso manasikaroto uppajjatīti? Āmantā. Hañci kusalaṃ yoniso manasikaroto uppajjati, no ca vata re vattabbe – ‘‘akusalamūlaṃ paṭisandahati kusalamūla’’nti.
агусаламуулам̣ бадисанд̣̇ахад̇и гусаламууланд̇и? ааманд̇аа. гаамасан̃н̃ааяа ананд̇араа нзгкаммасан̃н̃аа уббаж̇ж̇ад̇и, б̣яаабаад̣̇асан̃н̃ааяа ананд̇араа аб̣яаабаад̣̇асан̃н̃аа уббаж̇ж̇ад̇и, вихим̣саасан̃н̃ааяа ананд̇араа авихим̣саасан̃н̃аа уббаж̇ж̇ад̇и, б̣яаабаад̣̇асса ананд̇араа мзд̇д̇аа уббаж̇ж̇ад̇и, вихим̣сааяа ананд̇араа гарун̣аа уббаж̇ж̇ад̇и, арад̇ияаа ананд̇араа муд̣̇ид̇аа уббаж̇ж̇ад̇и, бадигхасса ананд̇араа убзгкаа уббаж̇ж̇ад̇ийд̇и? на хзвам̣ вад̇д̇аб̣б̣з…бз….
Akusalamūlaṃ paṭisandahati kusalamūlanti? Āmantā. Kāmasaññāya anantarā nekkhammasaññā uppajjati, byāpādasaññāya anantarā abyāpādasaññā uppajjati, vihiṃsāsaññāya anantarā avihiṃsāsaññā uppajjati, byāpādassa anantarā mettā uppajjati, vihiṃsāya anantarā karuṇā uppajjati, aratiyā anantarā muditā uppajjati, paṭighassa anantarā upekkhā uppajjatīti? Na hevaṃ vattabbe…pe….
688. гусаламуулам̣ бадисанд̣̇ахад̇и агусаламууланд̇и? ааманд̇аа. яаа гусаласса уббаад̣̇ааяа аавадданаа…бз… бан̣ид̇хи, саава агусаласса уббаад̣̇ааяа аавадданаа…бз… бан̣ид̇хийд̇и? на хзвам̣ вад̇д̇аб̣б̣з…бз….
688. Kusalamūlaṃ paṭisandahati akusalamūlanti? Āmantā. Yā kusalassa uppādāya āvaṭṭanā…pe… paṇidhi, sāva akusalassa uppādāya āvaṭṭanā…pe… paṇidhīti? Na hevaṃ vattabbe…pe….
гусаламуулам̣ бадисанд̣̇ахад̇и агусаламуулам̣, на вад̇д̇аб̣б̣ам̣ – ‘‘яаа гусаласса уббаад̣̇ааяа аавадданаа…бз… бан̣ид̇хи, саава агусаласса уббаад̣̇ааяа аавадданаа…бз… бан̣ид̇хий’’д̇и? ааманд̇аа. агусалам̣ анааваддзнд̇асса уббаж̇ж̇ад̇и…бз… аббан̣ид̣̇аханд̇асса уббаж̇ж̇ад̇ийд̇и? на хзвам̣ вад̇д̇аб̣б̣з…бз… нану агусалам̣ ааваддзнд̇асса уббаж̇ж̇ад̇и…бз… бан̣ид̣̇аханд̇асса уббаж̇ж̇ад̇ийд̇и? ааманд̇аа. хан̃жи агусалам̣ ааваддзнд̇асса уббаж̇ж̇ад̇и…бз… бан̣ид̣̇аханд̇асса уббаж̇ж̇ад̇и, но жа вад̇а рз вад̇д̇аб̣б̣з – ‘‘гусаламуулам̣ бадисанд̣̇ахад̇и агусаламуула’’нд̇и.
Kusalamūlaṃ paṭisandahati akusalamūlaṃ, na vattabbaṃ – ‘‘yā kusalassa uppādāya āvaṭṭanā…pe… paṇidhi, sāva akusalassa uppādāya āvaṭṭanā…pe… paṇidhī’’ti? Āmantā. Akusalaṃ anāvaṭṭentassa uppajjati…pe… appaṇidahantassa uppajjatīti? Na hevaṃ vattabbe…pe… nanu akusalaṃ āvaṭṭentassa uppajjati…pe… paṇidahantassa uppajjatīti? Āmantā. Hañci akusalaṃ āvaṭṭentassa uppajjati…pe… paṇidahantassa uppajjati, no ca vata re vattabbe – ‘‘kusalamūlaṃ paṭisandahati akusalamūla’’nti.
689. гусаламуулам̣ бадисанд̣̇ахад̇и агусаламууланд̇и? ааманд̇аа. гусалам̣ яонисо манасигарод̇о уббаж̇ж̇ад̇ийд̇и? ааманд̇аа. агусалам̣ яонисо манасигарод̇о уббаж̇ж̇ад̇ийд̇и? на хзвам̣ вад̇д̇аб̣б̣з…бз… нану агусалам̣ аяонисо манасигарод̇о уббаж̇ж̇ад̇ийд̇и? ааманд̇аа. хан̃жи агусалам̣ аяонисо манасигарод̇о уббаж̇ж̇ад̇и, но жа вад̇а рз вад̇д̇аб̣б̣з – ‘‘гусаламуулам̣ бадисанд̣̇ахад̇и агусаламуула’’нд̇и.
689. Kusalamūlaṃ paṭisandahati akusalamūlanti? Āmantā. Kusalaṃ yoniso manasikaroto uppajjatīti? Āmantā. Akusalaṃ yoniso manasikaroto uppajjatīti? Na hevaṃ vattabbe…pe… nanu akusalaṃ ayoniso manasikaroto uppajjatīti? Āmantā. Hañci akusalaṃ ayoniso manasikaroto uppajjati, no ca vata re vattabbe – ‘‘kusalamūlaṃ paṭisandahati akusalamūla’’nti.
гусаламуулам̣ бадисанд̣̇ахад̇и агусаламууланд̇и? ааманд̇аа. нзгкаммасан̃н̃ааяа ананд̇араа гаамасан̃н̃аа уббаж̇ж̇ад̇и, аб̣яаабаад̣̇асан̃н̃ааяа ананд̇араа б̣яаабаад̣̇асан̃н̃аа уббаж̇ж̇ад̇и, авихим̣саасан̃н̃ааяа ананд̇араа вихим̣саасан̃н̃аа уббаж̇ж̇ад̇и, мзд̇д̇ааяа ананд̇араа б̣яаабаад̣̇о уббаж̇ж̇ад̇и, гарун̣ааяа ананд̇араа вихим̣саа уббаж̇ж̇ад̇и, муд̣̇ид̇ааяа ананд̇араа арад̇и уббаж̇ж̇ад̇и, убзгкааяа ананд̇араа бадигхам̣ уббаж̇ж̇ад̇ийд̇и? на хзвам̣ вад̇д̇аб̣б̣з…бз….
Kusalamūlaṃ paṭisandahati akusalamūlanti? Āmantā. Nekkhammasaññāya anantarā kāmasaññā uppajjati, abyāpādasaññāya anantarā byāpādasaññā uppajjati, avihiṃsāsaññāya anantarā vihiṃsāsaññā uppajjati, mettāya anantarā byāpādo uppajjati, karuṇāya anantarā vihiṃsā uppajjati, muditāya anantarā arati uppajjati, upekkhāya anantarā paṭighaṃ uppajjatīti? Na hevaṃ vattabbe…pe….
690. на вад̇д̇аб̣б̣ам̣ – ‘‘агусаламуулам̣ бадисанд̣̇ахад̇и гусаламуулам̣, гусаламуулам̣ бадисанд̣̇ахад̇и агусаламуула’’нд̇и? ааманд̇аа. нану яасмим̣язва вад̇т̇усмим̣ раж̇ж̇ад̇и д̇асмин̃н̃зва вад̇т̇усмим̣ вираж̇ж̇ад̇и, яасмим̣язва вад̇т̇усмим̣ вираж̇ж̇ад̇и д̇асмин̃н̃зва вад̇т̇усмим̣ раж̇ж̇ад̇ийд̇и? ааманд̇аа. хан̃жи яасмин̃н̃зва вад̇т̇усмим̣ раж̇ж̇ад̇и д̇асмин̃н̃зва вад̇т̇усмим̣ вираж̇ж̇ад̇и, яасмин̃н̃зва вад̇т̇усмим̣ вираж̇ж̇ад̇и д̇асмин̃н̃зва вад̇т̇усмим̣ раж̇ж̇ад̇и, д̇зна вад̇а рз вад̇д̇аб̣б̣з – ‘‘агусаламуулам̣ бадисанд̣̇ахад̇и гусаламуулам̣, гусаламуулам̣ бадисанд̣̇ахад̇и агусаламуула’’нд̇и.
690. Na vattabbaṃ – ‘‘akusalamūlaṃ paṭisandahati kusalamūlaṃ, kusalamūlaṃ paṭisandahati akusalamūla’’nti? Āmantā. Nanu yasmiṃyeva vatthusmiṃ rajjati tasmiññeva vatthusmiṃ virajjati, yasmiṃyeva vatthusmiṃ virajjati tasmiññeva vatthusmiṃ rajjatīti? Āmantā. Hañci yasmiññeva vatthusmiṃ rajjati tasmiññeva vatthusmiṃ virajjati, yasmiññeva vatthusmiṃ virajjati tasmiññeva vatthusmiṃ rajjati, tena vata re vattabbe – ‘‘akusalamūlaṃ paṭisandahati kusalamūlaṃ, kusalamūlaṃ paṭisandahati akusalamūla’’nti.
гусалаагусалабадисанд̣̇аханагат̇аа нидтид̇аа.
Kusalākusalapaṭisandahanakathā niṭṭhitā.
Footnotes:
Related texts:
адтагат̇аа • Aṭṭhakathā / абхид̇хаммабидага (адтагат̇аа) • Abhidhammapiṭaka (aṭṭhakathā) / бан̃жабагаран̣а-адтагат̇аа • Pañcapakaraṇa-aṭṭhakathā / 1. гусалаагусалабадисанд̣̇аханагат̇ааван̣н̣анаа • 1. Kusalākusalapaṭisandahanakathāvaṇṇanā
дийгаа • Tīkā / абхид̇хаммабидага (дийгаа) • Abhidhammapiṭaka (ṭīkā) / бан̃жабагаран̣а-мууладийгаа • Pañcapakaraṇa-mūlaṭīkā / 1. гусалаагусалабадисанд̣̇аханагат̇ааван̣н̣анаа • 1. Kusalākusalapaṭisandahanakathāvaṇṇanā
дийгаа • Tīkā / абхид̇хаммабидага (дийгаа) • Abhidhammapiṭaka (ṭīkā) / бан̃жабагаран̣а-анудийгаа • Pañcapakaraṇa-anuṭīkā / 1. гусалаагусалабадисанд̣̇аханагат̇ааван̣н̣анаа • 1. Kusalākusalapaṭisandahanakathāvaṇṇanā
