| Library / Tipiṭaka / д̇ибидага • Tipiṭaka / бан̃жабагаран̣а-адтагат̇аа • Pañcapakaraṇa-aṭṭhakathā |
14. жуд̣̇д̣̇асамаваг̇г̇о
14. Cuddasamavaggo
1. гусалаагусалабадисанд̣̇аханагат̇ааван̣н̣анаа
1. Kusalākusalapaṭisandahanakathāvaṇṇanā
686-690. ид̣̇аани гусалаагусалабадисанд̣̇аханагат̇аа наама ход̇и. д̇ад̇т̇а гусалам̣ ваа агусаласса, агусалам̣ ваа гусаласса ананд̇араа уббаж̇ж̇анагам̣ наама над̇т̇ийд̇и д̇зсам̣ ан̃н̃аман̃н̃ам̣ бадисанд̇хаанам̣ на яуж̇ж̇ад̇и. яз бана яасмаа згавад̇т̇усмин̃н̃зва раж̇ж̇ад̇и вираж̇ж̇ад̇и жа, д̇асмаа д̇ам̣ ан̃н̃аман̃н̃ам̣ бадисанд̣̇ахад̇ийд̇и лад̣̇д̇хим̣ г̇ахзд̇ваа тид̇аа, сзяяат̇ааби махаасан̇гхигаа; д̇з санд̇хааяа бужчаа сагаваад̣̇исса; бадин̃н̃аа ид̇арасса. аавадданаа бан̣ид̇хийд̇и убхаяам̣ ааваж̇ж̇анассзва наамам̣. д̇ан̃хи бхаван̇г̇ам̣ ааваддзд̇ийд̇и аавадданаа. бхаван̇г̇аарамман̣ад̇о ан̃н̃асмим̣ аарамман̣з жид̇д̇ам̣ бан̣ид̣̇ахад̇и табзд̇ийд̇и бан̣ид̇хи. гусалам̣ анааваддзнд̇ассаад̇и яам̣ д̇ам̣ агусалаананд̇арам̣ бадисанд̣̇аханд̇ам̣ гусалам̣ уббаж̇ж̇ад̇и, д̇ам̣ анааваддзнд̇асса уббаж̇ж̇ад̇ийд̇и бужчад̇и. ид̇аро бана винаа ааваж̇ж̇анзна гусаласса уббад̇д̇им̣ абассанд̇о бадигкибад̇и. гусалам̣ аяонисо манасигарод̇од̇и ид̣̇ам̣ яад̣̇и агусалаананд̇арам̣ гусалам̣ уббаж̇ж̇зяяа, агусалассзва ааваж̇ж̇анзна аяонисо манасигарод̇о уббаж̇ж̇зяяаад̇и жод̣̇анад̇т̇ам̣ вуд̇д̇ам̣. сзсам̣ яат̇аабаал̣имзва нияяаад̇и. нану яасмим̣язва вад̇т̇усминд̇и важанам̣ згаарамман̣з сарааг̇авирааг̇уббад̇д̇им̣ д̣̇ийбзд̇и, на гусалаагусалаанам̣ ананд̇арад̇ам̣, д̇асмаа асаад̇хаганд̇и.
686-690. Idāni kusalākusalapaṭisandahanakathā nāma hoti. Tattha kusalaṃ vā akusalassa, akusalaṃ vā kusalassa anantarā uppajjanakaṃ nāma natthīti tesaṃ aññamaññaṃ paṭisandhānaṃ na yujjati. Ye pana yasmā ekavatthusmiññeva rajjati virajjati ca, tasmā taṃ aññamaññaṃ paṭisandahatīti laddhiṃ gahetvā ṭhitā, seyyathāpi mahāsaṅghikā; te sandhāya pucchā sakavādissa; paṭiññā itarassa. Āvaṭṭanā paṇidhīti ubhayaṃ āvajjanasseva nāmaṃ. Tañhi bhavaṅgaṃ āvaṭṭetīti āvaṭṭanā. Bhavaṅgārammaṇato aññasmiṃ ārammaṇe cittaṃ paṇidahati ṭhapetīti paṇidhi. Kusalaṃ anāvaṭṭentassāti yaṃ taṃ akusalānantaraṃ paṭisandahantaṃ kusalaṃ uppajjati, taṃ anāvaṭṭentassa uppajjatīti pucchati. Itaro pana vinā āvajjanena kusalassa uppattiṃ apassanto paṭikkhipati. Kusalaṃ ayoniso manasikarototi idaṃ yadi akusalānantaraṃ kusalaṃ uppajjeyya, akusalasseva āvajjanena ayoniso manasikaroto uppajjeyyāti codanatthaṃ vuttaṃ. Sesaṃ yathāpāḷimeva niyyāti. Nanu yasmiṃyeva vatthusminti vacanaṃ ekārammaṇe sarāgavirāguppattiṃ dīpeti, na kusalākusalānaṃ anantarataṃ, tasmā asādhakanti.
гусалаагусалабадисанд̣̇аханагат̇ааван̣н̣анаа.
Kusalākusalapaṭisandahanakathāvaṇṇanā.
Related texts:
д̇ибидага (муула) • Tipiṭaka (Mūla) / абхид̇хаммабидага • Abhidhammapiṭaka / гат̇аавад̇т̇убаал̣и • Kathāvatthupāḷi / (136) 1. гусалаагусалабадисанд̣̇аханагат̇аа • (136) 1. Kusalākusalapaṭisandahanakathā
дийгаа • Tīkā / абхид̇хаммабидага (дийгаа) • Abhidhammapiṭaka (ṭīkā) / бан̃жабагаран̣а-мууладийгаа • Pañcapakaraṇa-mūlaṭīkā / 1. гусалаагусалабадисанд̣̇аханагат̇ааван̣н̣анаа • 1. Kusalākusalapaṭisandahanakathāvaṇṇanā
дийгаа • Tīkā / абхид̇хаммабидага (дийгаа) • Abhidhammapiṭaka (ṭīkā) / бан̃жабагаран̣а-анудийгаа • Pañcapakaraṇa-anuṭīkā / 1. гусалаагусалабадисанд̣̇аханагат̇ааван̣н̣анаа • 1. Kusalākusalapaṭisandahanakathāvaṇṇanā
