| Library / Tipiṭaka / ತಿಪಿಟಕ • Tipiṭaka / ಪಞ್ಚಪಕರಣ-ಅಟ್ಠಕಥಾ • Pañcapakaraṇa-aṭṭhakathā |
೧೪. ಚುದ್ದಸಮವಗ್ಗೋ
14. Cuddasamavaggo
೧. ಕುಸಲಾಕುಸಲಪಟಿಸನ್ದಹನಕಥಾವಣ್ಣನಾ
1. Kusalākusalapaṭisandahanakathāvaṇṇanā
೬೮೬-೬೯೦. ಇದಾನಿ ಕುಸಲಾಕುಸಲಪಟಿಸನ್ದಹನಕಥಾ ನಾಮ ಹೋತಿ। ತತ್ಥ ಕುಸಲಂ ವಾ ಅಕುಸಲಸ್ಸ, ಅಕುಸಲಂ ವಾ ಕುಸಲಸ್ಸ ಅನನ್ತರಾ ಉಪ್ಪಜ್ಜನಕಂ ನಾಮ ನತ್ಥೀತಿ ತೇಸಂ ಅಞ್ಞಮಞ್ಞಂ ಪಟಿಸನ್ಧಾನಂ ನ ಯುಜ್ಜತಿ। ಯೇ ಪನ ಯಸ್ಮಾ ಏಕವತ್ಥುಸ್ಮಿಞ್ಞೇವ ರಜ್ಜತಿ ವಿರಜ್ಜತಿ ಚ, ತಸ್ಮಾ ತಂ ಅಞ್ಞಮಞ್ಞಂ ಪಟಿಸನ್ದಹತೀತಿ ಲದ್ಧಿಂ ಗಹೇತ್ವಾ ಠಿತಾ, ಸೇಯ್ಯಥಾಪಿ ಮಹಾಸಙ್ಘಿಕಾ; ತೇ ಸನ್ಧಾಯ ಪುಚ್ಛಾ ಸಕವಾದಿಸ್ಸ; ಪಟಿಞ್ಞಾ ಇತರಸ್ಸ। ಆವಟ್ಟನಾ ಪಣಿಧೀತಿ ಉಭಯಂ ಆವಜ್ಜನಸ್ಸೇವ ನಾಮಂ। ತಞ್ಹಿ ಭವಙ್ಗಂ ಆವಟ್ಟೇತೀತಿ ಆವಟ್ಟನಾ। ಭವಙ್ಗಾರಮ್ಮಣತೋ ಅಞ್ಞಸ್ಮಿಂ ಆರಮ್ಮಣೇ ಚಿತ್ತಂ ಪಣಿದಹತಿ ಠಪೇತೀತಿ ಪಣಿಧಿ। ಕುಸಲಂ ಅನಾವಟ್ಟೇನ್ತಸ್ಸಾತಿ ಯಂ ತಂ ಅಕುಸಲಾನನ್ತರಂ ಪಟಿಸನ್ದಹನ್ತಂ ಕುಸಲಂ ಉಪ್ಪಜ್ಜತಿ, ತಂ ಅನಾವಟ್ಟೇನ್ತಸ್ಸ ಉಪ್ಪಜ್ಜತೀತಿ ಪುಚ್ಛತಿ। ಇತರೋ ಪನ ವಿನಾ ಆವಜ್ಜನೇನ ಕುಸಲಸ್ಸ ಉಪ್ಪತ್ತಿಂ ಅಪಸ್ಸನ್ತೋ ಪಟಿಕ್ಖಿಪತಿ। ಕುಸಲಂ ಅಯೋನಿಸೋ ಮನಸಿಕರೋತೋತಿ ಇದಂ ಯದಿ ಅಕುಸಲಾನನ್ತರಂ ಕುಸಲಂ ಉಪ್ಪಜ್ಜೇಯ್ಯ, ಅಕುಸಲಸ್ಸೇವ ಆವಜ್ಜನೇನ ಅಯೋನಿಸೋ ಮನಸಿಕರೋತೋ ಉಪ್ಪಜ್ಜೇಯ್ಯಾತಿ ಚೋದನತ್ಥಂ ವುತ್ತಂ। ಸೇಸಂ ಯಥಾಪಾಳಿಮೇವ ನಿಯ್ಯಾತಿ। ನನು ಯಸ್ಮಿಂಯೇವ ವತ್ಥುಸ್ಮಿನ್ತಿ ವಚನಂ ಏಕಾರಮ್ಮಣೇ ಸರಾಗವಿರಾಗುಪ್ಪತ್ತಿಂ ದೀಪೇತಿ, ನ ಕುಸಲಾಕುಸಲಾನಂ ಅನನ್ತರತಂ, ತಸ್ಮಾ ಅಸಾಧಕನ್ತಿ।
686-690. Idāni kusalākusalapaṭisandahanakathā nāma hoti. Tattha kusalaṃ vā akusalassa, akusalaṃ vā kusalassa anantarā uppajjanakaṃ nāma natthīti tesaṃ aññamaññaṃ paṭisandhānaṃ na yujjati. Ye pana yasmā ekavatthusmiññeva rajjati virajjati ca, tasmā taṃ aññamaññaṃ paṭisandahatīti laddhiṃ gahetvā ṭhitā, seyyathāpi mahāsaṅghikā; te sandhāya pucchā sakavādissa; paṭiññā itarassa. Āvaṭṭanā paṇidhīti ubhayaṃ āvajjanasseva nāmaṃ. Tañhi bhavaṅgaṃ āvaṭṭetīti āvaṭṭanā. Bhavaṅgārammaṇato aññasmiṃ ārammaṇe cittaṃ paṇidahati ṭhapetīti paṇidhi. Kusalaṃ anāvaṭṭentassāti yaṃ taṃ akusalānantaraṃ paṭisandahantaṃ kusalaṃ uppajjati, taṃ anāvaṭṭentassa uppajjatīti pucchati. Itaro pana vinā āvajjanena kusalassa uppattiṃ apassanto paṭikkhipati. Kusalaṃ ayoniso manasikarototi idaṃ yadi akusalānantaraṃ kusalaṃ uppajjeyya, akusalasseva āvajjanena ayoniso manasikaroto uppajjeyyāti codanatthaṃ vuttaṃ. Sesaṃ yathāpāḷimeva niyyāti. Nanu yasmiṃyeva vatthusminti vacanaṃ ekārammaṇe sarāgavirāguppattiṃ dīpeti, na kusalākusalānaṃ anantarataṃ, tasmā asādhakanti.
ಕುಸಲಾಕುಸಲಪಟಿಸನ್ದಹನಕಥಾವಣ್ಣನಾ।
Kusalākusalapaṭisandahanakathāvaṇṇanā.
Related texts:
ತಿಪಿಟಕ (ಮೂಲ) • Tipiṭaka (Mūla) / ಅಭಿಧಮ್ಮಪಿಟಕ • Abhidhammapiṭaka / ಕಥಾವತ್ಥುಪಾಳಿ • Kathāvatthupāḷi / (೧೩೬) ೧. ಕುಸಲಾಕುಸಲಪಟಿಸನ್ದಹನಕಥಾ • (136) 1. Kusalākusalapaṭisandahanakathā
ಟೀಕಾ • Tīkā / ಅಭಿಧಮ್ಮಪಿಟಕ (ಟೀಕಾ) • Abhidhammapiṭaka (ṭīkā) / ಪಞ್ಚಪಕರಣ-ಮೂಲಟೀಕಾ • Pañcapakaraṇa-mūlaṭīkā / ೧. ಕುಸಲಾಕುಸಲಪಟಿಸನ್ದಹನಕಥಾವಣ್ಣನಾ • 1. Kusalākusalapaṭisandahanakathāvaṇṇanā
ಟೀಕಾ • Tīkā / ಅಭಿಧಮ್ಮಪಿಟಕ (ಟೀಕಾ) • Abhidhammapiṭaka (ṭīkā) / ಪಞ್ಚಪಕರಣ-ಅನುಟೀಕಾ • Pañcapakaraṇa-anuṭīkā / ೧. ಕುಸಲಾಕುಸಲಪಟಿಸನ್ದಹನಕಥಾವಣ್ಣನಾ • 1. Kusalākusalapaṭisandahanakathāvaṇṇanā
