| Library / Tipiṭaka / ਤਿਪਿਟਕ • Tipiṭaka / ਪਞ੍ਚਪਕਰਣ-ਅਟ੍ਠਕਥਾ • Pañcapakaraṇa-aṭṭhakathā |
੧੪. ਚੁਦ੍ਦਸਮવਗ੍ਗੋ
14. Cuddasamavaggo
੧. ਕੁਸਲਾਕੁਸਲਪਟਿਸਨ੍ਦਹਨਕਥਾવਣ੍ਣਨਾ
1. Kusalākusalapaṭisandahanakathāvaṇṇanā
੬੮੬-੬੯੦. ਇਦਾਨਿ ਕੁਸਲਾਕੁਸਲਪਟਿਸਨ੍ਦਹਨਕਥਾ ਨਾਮ ਹੋਤਿ। ਤਤ੍ਥ ਕੁਸਲਂ વਾ ਅਕੁਸਲਸ੍ਸ, ਅਕੁਸਲਂ વਾ ਕੁਸਲਸ੍ਸ ਅਨਨ੍ਤਰਾ ਉਪ੍ਪਜ੍ਜਨਕਂ ਨਾਮ ਨਤ੍ਥੀਤਿ ਤੇਸਂ ਅਞ੍ਞਮਞ੍ਞਂ ਪਟਿਸਨ੍ਧਾਨਂ ਨ ਯੁਜ੍ਜਤਿ। ਯੇ ਪਨ ਯਸ੍ਮਾ ਏਕવਤ੍ਥੁਸ੍ਮਿਞ੍ਞੇવ ਰਜ੍ਜਤਿ વਿਰਜ੍ਜਤਿ ਚ, ਤਸ੍ਮਾ ਤਂ ਅਞ੍ਞਮਞ੍ਞਂ ਪਟਿਸਨ੍ਦਹਤੀਤਿ ਲਦ੍ਧਿਂ ਗਹੇਤ੍વਾ ਠਿਤਾ, ਸੇਯ੍ਯਥਾਪਿ ਮਹਾਸਙ੍ਘਿਕਾ; ਤੇ ਸਨ੍ਧਾਯ ਪੁਚ੍ਛਾ ਸਕવਾਦਿਸ੍ਸ; ਪਟਿਞ੍ਞਾ ਇਤਰਸ੍ਸ। ਆવਟ੍ਟਨਾ ਪਣਿਧੀਤਿ ਉਭਯਂ ਆવਜ੍ਜਨਸ੍ਸੇવ ਨਾਮਂ। ਤਞ੍ਹਿ ਭવਙ੍ਗਂ ਆવਟ੍ਟੇਤੀਤਿ ਆવਟ੍ਟਨਾ। ਭવਙ੍ਗਾਰਮ੍ਮਣਤੋ ਅਞ੍ਞਸ੍ਮਿਂ ਆਰਮ੍ਮਣੇ ਚਿਤ੍ਤਂ ਪਣਿਦਹਤਿ ਠਪੇਤੀਤਿ ਪਣਿਧਿ। ਕੁਸਲਂ ਅਨਾવਟ੍ਟੇਨ੍ਤਸ੍ਸਾਤਿ ਯਂ ਤਂ ਅਕੁਸਲਾਨਨ੍ਤਰਂ ਪਟਿਸਨ੍ਦਹਨ੍ਤਂ ਕੁਸਲਂ ਉਪ੍ਪਜ੍ਜਤਿ, ਤਂ ਅਨਾવਟ੍ਟੇਨ੍ਤਸ੍ਸ ਉਪ੍ਪਜ੍ਜਤੀਤਿ ਪੁਚ੍ਛਤਿ। ਇਤਰੋ ਪਨ વਿਨਾ ਆવਜ੍ਜਨੇਨ ਕੁਸਲਸ੍ਸ ਉਪ੍ਪਤ੍ਤਿਂ ਅਪਸ੍ਸਨ੍ਤੋ ਪਟਿਕ੍ਖਿਪਤਿ। ਕੁਸਲਂ ਅਯੋਨਿਸੋ ਮਨਸਿਕਰੋਤੋਤਿ ਇਦਂ ਯਦਿ ਅਕੁਸਲਾਨਨ੍ਤਰਂ ਕੁਸਲਂ ਉਪ੍ਪਜ੍ਜੇਯ੍ਯ, ਅਕੁਸਲਸ੍ਸੇવ ਆવਜ੍ਜਨੇਨ ਅਯੋਨਿਸੋ ਮਨਸਿਕਰੋਤੋ ਉਪ੍ਪਜ੍ਜੇਯ੍ਯਾਤਿ ਚੋਦਨਤ੍ਥਂ વੁਤ੍ਤਂ। ਸੇਸਂ ਯਥਾਪਾਲ਼ਿਮੇવ ਨਿਯ੍ਯਾਤਿ। ਨਨੁ ਯਸ੍ਮਿਂਯੇવ વਤ੍ਥੁਸ੍ਮਿਨ੍ਤਿ વਚਨਂ ਏਕਾਰਮ੍ਮਣੇ ਸਰਾਗવਿਰਾਗੁਪ੍ਪਤ੍ਤਿਂ ਦੀਪੇਤਿ, ਨ ਕੁਸਲਾਕੁਸਲਾਨਂ ਅਨਨ੍ਤਰਤਂ, ਤਸ੍ਮਾ ਅਸਾਧਕਨ੍ਤਿ।
686-690. Idāni kusalākusalapaṭisandahanakathā nāma hoti. Tattha kusalaṃ vā akusalassa, akusalaṃ vā kusalassa anantarā uppajjanakaṃ nāma natthīti tesaṃ aññamaññaṃ paṭisandhānaṃ na yujjati. Ye pana yasmā ekavatthusmiññeva rajjati virajjati ca, tasmā taṃ aññamaññaṃ paṭisandahatīti laddhiṃ gahetvā ṭhitā, seyyathāpi mahāsaṅghikā; te sandhāya pucchā sakavādissa; paṭiññā itarassa. Āvaṭṭanā paṇidhīti ubhayaṃ āvajjanasseva nāmaṃ. Tañhi bhavaṅgaṃ āvaṭṭetīti āvaṭṭanā. Bhavaṅgārammaṇato aññasmiṃ ārammaṇe cittaṃ paṇidahati ṭhapetīti paṇidhi. Kusalaṃ anāvaṭṭentassāti yaṃ taṃ akusalānantaraṃ paṭisandahantaṃ kusalaṃ uppajjati, taṃ anāvaṭṭentassa uppajjatīti pucchati. Itaro pana vinā āvajjanena kusalassa uppattiṃ apassanto paṭikkhipati. Kusalaṃ ayoniso manasikarototi idaṃ yadi akusalānantaraṃ kusalaṃ uppajjeyya, akusalasseva āvajjanena ayoniso manasikaroto uppajjeyyāti codanatthaṃ vuttaṃ. Sesaṃ yathāpāḷimeva niyyāti. Nanu yasmiṃyeva vatthusminti vacanaṃ ekārammaṇe sarāgavirāguppattiṃ dīpeti, na kusalākusalānaṃ anantarataṃ, tasmā asādhakanti.
ਕੁਸਲਾਕੁਸਲਪਟਿਸਨ੍ਦਹਨਕਥਾવਣ੍ਣਨਾ।
Kusalākusalapaṭisandahanakathāvaṇṇanā.
Related texts:
ਤਿਪਿਟਕ (ਮੂਲ) • Tipiṭaka (Mūla) / ਅਭਿਧਮ੍ਮਪਿਟਕ • Abhidhammapiṭaka / ਕਥਾવਤ੍ਥੁਪਾਲ਼ਿ • Kathāvatthupāḷi / (੧੩੬) ੧. ਕੁਸਲਾਕੁਸਲਪਟਿਸਨ੍ਦਹਨਕਥਾ • (136) 1. Kusalākusalapaṭisandahanakathā
ਟੀਕਾ • Tīkā / ਅਭਿਧਮ੍ਮਪਿਟਕ (ਟੀਕਾ) • Abhidhammapiṭaka (ṭīkā) / ਪਞ੍ਚਪਕਰਣ-ਮੂਲਟੀਕਾ • Pañcapakaraṇa-mūlaṭīkā / ੧. ਕੁਸਲਾਕੁਸਲਪਟਿਸਨ੍ਦਹਨਕਥਾવਣ੍ਣਨਾ • 1. Kusalākusalapaṭisandahanakathāvaṇṇanā
ਟੀਕਾ • Tīkā / ਅਭਿਧਮ੍ਮਪਿਟਕ (ਟੀਕਾ) • Abhidhammapiṭaka (ṭīkā) / ਪਞ੍ਚਪਕਰਣ-ਅਨੁਟੀਕਾ • Pañcapakaraṇa-anuṭīkā / ੧. ਕੁਸਲਾਕੁਸਲਪਟਿਸਨ੍ਦਹਨਕਥਾવਣ੍ਣਨਾ • 1. Kusalākusalapaṭisandahanakathāvaṇṇanā
