| Library / Tipiṭaka / д̇ибидага • Tipiṭaka / милинд̣̇абан̃хабаал̣и • Milindapañhapāḷi |
7. гусалаагусаласамависамабан̃хо
7. Kusalākusalasamavisamapañho
7. ‘‘бханд̇з нааг̇асзна ‘гусалагаариссаби агусалагаариссаби вибааго самасамо, уд̣̇ааху гожи висзсо ад̇т̇ий’д̇и? ‘‘ад̇т̇и, махаарааж̇а, гусаласса жа агусаласса жа висзсо, гусалам̣, махаарааж̇а, сукавибаагам̣ саг̇г̇асам̣вад̇д̇анигам̣, агусалам̣ д̣̇угкавибаагам̣ нираяасам̣вад̇д̇анига’’нд̇и.
7. ‘‘Bhante nāgasena ‘kusalakārissapi akusalakārissapi vipāko samasamo, udāhu koci viseso atthī’ti? ‘‘Atthi, mahārāja, kusalassa ca akusalassa ca viseso, kusalaṃ, mahārāja, sukhavipākaṃ saggasaṃvattanikaṃ, akusalaṃ dukkhavipākaṃ nirayasaṃvattanika’’nti.
‘‘бханд̇з нааг̇асзна, д̇умхз бхан̣ат̇а ‘д̣̇звад̣̇ад̇д̇о зганд̇аган̣хо, зганд̇аган̣хзхи д̇хаммзхи саманнааг̇ад̇о, б̣од̇хисад̇д̇о зганд̇асугго, зганд̇асуггзхи д̇хаммзхи саманнааг̇ад̇о’д̇и. буна жа д̣̇звад̣̇ад̇д̇о бхавз бхавз яасзна жа багкзна жа б̣од̇хисад̇д̇зна самасамо ход̇и, гад̣̇аажи ад̇хигад̇аро ваа. яад̣̇аа д̣̇звад̣̇ад̇д̇о наг̇арз б̣аараан̣асияам̣ б̣рахмад̣̇ад̇д̇асса ран̃н̃о бурохид̇абуд̇д̇о ахоси, д̇ад̣̇аа б̣од̇хисад̇д̇о чавагажан̣д̣аало ахоси виж̇ж̇аад̇харо, виж̇ж̇ам̣ бариж̇аббид̇ваа агаалз амб̣апалаани ниб̣б̣ад̇д̇зси, зд̇т̇а д̇аава б̣од̇хисад̇д̇о д̣̇звад̣̇ад̇д̇ад̇о ж̇аад̇ияаа нихийно яасзна жа нихийно.
‘‘Bhante nāgasena, tumhe bhaṇatha ‘devadatto ekantakaṇho, ekantakaṇhehi dhammehi samannāgato, bodhisatto ekantasukko, ekantasukkehi dhammehi samannāgato’ti. Puna ca devadatto bhave bhave yasena ca pakkhena ca bodhisattena samasamo hoti, kadāci adhikataro vā. Yadā devadatto nagare bārāṇasiyaṃ brahmadattassa rañño purohitaputto ahosi, tadā bodhisatto chavakacaṇḍālo ahosi vijjādharo, vijjaṃ parijappitvā akāle ambaphalāni nibbattesi, ettha tāva bodhisatto devadattato jātiyā nihīno yasena ca nihīno.
‘‘буна жабарам̣ яад̣̇аа д̣̇звад̣̇ад̇д̇о рааж̇аа ахоси махаа махийбад̇и саб̣б̣агаамасаман̇г̇ий, д̇ад̣̇аа б̣од̇хисад̇д̇о д̇ассуубабхог̇о ахоси хад̇т̇инааг̇о саб̣б̣алагкан̣асамбанно, д̇асса жааруг̇ад̇ивилаасам̣ асахамаано рааж̇аа вад̇хамижчанд̇о хад̇т̇аажарияам̣ звамавожа ‘асигкид̇о д̇з, аажарияа, хад̇т̇инааг̇о, д̇асса аагаасаг̇аманам̣ наама гааран̣ам̣ гарохий’д̇и, д̇ад̇т̇аби д̇аава б̣од̇хисад̇д̇о д̣̇звад̣̇ад̇д̇ад̇о ж̇аад̇ияаа нихийно лаамаго д̇иражчаанаг̇ад̇о.
‘‘Puna caparaṃ yadā devadatto rājā ahosi mahā mahīpati sabbakāmasamaṅgī, tadā bodhisatto tassūpabhogo ahosi hatthināgo sabbalakkhaṇasampanno, tassa cārugativilāsaṃ asahamāno rājā vadhamicchanto hatthācariyaṃ evamavoca ‘asikkhito te, ācariya, hatthināgo, tassa ākāsagamanaṃ nāma kāraṇaṃ karohī’ti, tatthapi tāva bodhisatto devadattato jātiyā nihīno lāmako tiracchānagato.
‘‘буна жабарам̣ яад̣̇аа д̣̇звад̣̇ад̇д̇о мануссо ахоси баванз надтааяиго, д̇ад̣̇аа б̣од̇хисад̇д̇о махаабат̇авий наама маггадо ахоси, зд̇т̇аби д̇аава д̣̇иссад̇и висзсо мануссасса жа д̇иражчаанаг̇ад̇асса жа, д̇ад̇т̇аби д̇аава б̣од̇хисад̇д̇о д̣̇звад̣̇ад̇д̇ад̇о ж̇аад̇ияаа нихийно.
‘‘Puna caparaṃ yadā devadatto manusso ahosi pavane naṭṭhāyiko, tadā bodhisatto mahāpathavī nāma makkaṭo ahosi, etthapi tāva dissati viseso manussassa ca tiracchānagatassa ca, tatthapi tāva bodhisatto devadattato jātiyā nihīno.
‘‘буна жабарам̣ яад̣̇аа д̣̇звад̣̇ад̇д̇о мануссо ахоси сон̣уд̇д̇аро наама нзсаад̣̇о б̣алаваа б̣алавад̇аро нааг̇аб̣ало, д̇ад̣̇аа б̣од̇хисад̇д̇о чад̣̇д̣̇анд̇о наама нааг̇арааж̇аа ахоси. д̇ад̣̇аа со луд̣̇д̣̇аго д̇ам̣ хад̇т̇инааг̇ам̣ гхаад̇зси, д̇ад̇т̇аби д̇аава д̣̇звад̣̇ад̇д̇ова ад̇хигад̇аро.
‘‘Puna caparaṃ yadā devadatto manusso ahosi soṇuttaro nāma nesādo balavā balavataro nāgabalo, tadā bodhisatto chaddanto nāma nāgarājā ahosi. Tadā so luddako taṃ hatthināgaṃ ghātesi, tatthapi tāva devadattova adhikataro.
‘‘буна жабарам̣ яад̣̇аа д̣̇звад̣̇ад̇д̇о мануссо ахоси ванажараго анигзд̇аваасий, д̇ад̣̇аа б̣од̇хисад̇д̇о сагун̣о ахоси д̇ид̇д̇иро манд̇аж̇жхааяий, д̇ад̣̇ааби со ванажараго д̇ам̣ сагун̣ам̣ гхаад̇зси, д̇ад̇т̇аби д̇аава д̣̇звад̣̇ад̇д̇ова ж̇аад̇ияаа ад̇хигад̇аро.
‘‘Puna caparaṃ yadā devadatto manusso ahosi vanacarako aniketavāsī, tadā bodhisatto sakuṇo ahosi tittiro mantajjhāyī, tadāpi so vanacarako taṃ sakuṇaṃ ghātesi, tatthapi tāva devadattova jātiyā adhikataro.
‘‘буна жабарам̣ яад̣̇аа д̣̇звад̣̇ад̇д̇о галааб̣у наама гаасирааж̇аа 1 ахоси, д̇ад̣̇аа б̣од̇хисад̇д̇о д̇аабасо ахоси канд̇иваад̣̇ий. д̇ад̣̇аа со рааж̇аа д̇асса д̇аабасасса гуд̣̇д̇хо хад̇т̇абаад̣̇з вам̣сагал̣ийрз вияа чзд̣̇аабзси, д̇ад̇т̇аби д̇аава д̣̇звад̣̇ад̇д̇о язва ад̇хигад̇аро ж̇аад̇ияаа жа яасзна жа.
‘‘Puna caparaṃ yadā devadatto kalābu nāma kāsirājā 2 ahosi, tadā bodhisatto tāpaso ahosi khantivādī. Tadā so rājā tassa tāpasassa kuddho hatthapāde vaṃsakaḷīre viya chedāpesi, tatthapi tāva devadatto yeva adhikataro jātiyā ca yasena ca.
‘‘буна жабарам̣ яад̣̇аа д̣̇звад̣̇ад̇д̇о мануссо ахоси ванажаро, д̇ад̣̇аа б̣од̇хисад̇д̇о нанд̣̇ияо наама ваанаринд̣̇о ахоси, д̇ад̣̇ааби со ванажаро д̇ам̣ ваанаринд̣̇ам̣ гхаад̇зси сад̣̇д̇хим̣ маад̇араа ганидтабхаад̇игзна жа, д̇ад̇т̇аби д̇аава д̣̇звад̣̇ад̇д̇о язва ад̇хигад̇аро ж̇аад̇ияаа.
‘‘Puna caparaṃ yadā devadatto manusso ahosi vanacaro, tadā bodhisatto nandiyo nāma vānarindo ahosi, tadāpi so vanacaro taṃ vānarindaṃ ghātesi saddhiṃ mātarā kaniṭṭhabhātikena ca, tatthapi tāva devadatto yeva adhikataro jātiyā.
‘‘буна жабарам̣ яад̣̇аа д̣̇звад̣̇ад̇д̇о мануссо ахоси ажзлаго гаарамбхияо наама, д̇ад̣̇аа б̣од̇хисад̇д̇о бан̣д̣араго наама нааг̇арааж̇аа ахоси, д̇ад̇т̇аби д̇аава д̣̇звад̣̇ад̇д̇о язва ад̇хигад̇аро ж̇аад̇ияаа.
‘‘Puna caparaṃ yadā devadatto manusso ahosi acelako kārambhiyo nāma, tadā bodhisatto paṇḍarako nāma nāgarājā ahosi, tatthapi tāva devadatto yeva adhikataro jātiyā.
‘‘буна жабарам̣ яад̣̇аа д̣̇звад̣̇ад̇д̇о мануссо ахоси баванз ж̇адилаго, д̇ад̣̇аа б̣од̇хисад̇д̇о д̇ажчаго наама махаасуугаро ахоси, д̇ад̇т̇аби д̇аава д̣̇звад̣̇ад̇д̇о язва ж̇аад̇ияаа ад̇хигад̇аро.
‘‘Puna caparaṃ yadā devadatto manusso ahosi pavane jaṭilako, tadā bodhisatto tacchako nāma mahāsūkaro ahosi, tatthapi tāva devadatto yeva jātiyā adhikataro.
‘‘буна жабарам̣ яад̣̇аа д̣̇звад̣̇ад̇д̇о жзд̇ийсу суурабарижаро наама рааж̇аа ахоси убари бурисамад̇д̇з г̇аг̇анз взхаасан̇г̇амо, д̇ад̣̇аа б̣од̇хисад̇д̇о габило наама б̣раахман̣о ахоси, д̇ад̇т̇аби д̇аава д̣̇звад̣̇ад̇д̇о язва ад̇хигад̇аро ж̇аад̇ияаа жа яасзна жа.
‘‘Puna caparaṃ yadā devadatto cetīsu sūraparicaro nāma rājā ahosi upari purisamatte gagane vehāsaṅgamo, tadā bodhisatto kapilo nāma brāhmaṇo ahosi, tatthapi tāva devadatto yeva adhikataro jātiyā ca yasena ca.
‘‘буна жабарам̣ яад̣̇аа д̣̇звад̣̇ад̇д̇о мануссо ахоси саамо наама, д̇ад̣̇аа б̣од̇хисад̇д̇о руру наама миг̇арааж̇аа ахоси, д̇ад̇т̇аби д̇аава д̣̇звад̣̇ад̇д̇о язва ж̇аад̇ияаа ад̇хигад̇аро.
‘‘Puna caparaṃ yadā devadatto manusso ahosi sāmo nāma, tadā bodhisatto ruru nāma migarājā ahosi, tatthapi tāva devadatto yeva jātiyā adhikataro.
‘‘буна жабарам̣ яад̣̇аа д̣̇звад̣̇ад̇д̇о мануссо ахоси луд̣̇д̣̇аго баванажаро, д̇ад̣̇аа б̣од̇хисад̇д̇о хад̇т̇инааг̇о ахоси, со луд̣̇д̣̇аго д̇асса хад̇т̇инааг̇асса сад̇д̇агкад̇д̇ум̣ д̣̇анд̇з чинд̣̇ид̇ваа хари, д̇ад̇т̇аби д̇аава д̣̇звад̣̇ад̇д̇о язва яонияаа ад̇хигад̇аро.
‘‘Puna caparaṃ yadā devadatto manusso ahosi luddako pavanacaro, tadā bodhisatto hatthināgo ahosi, so luddako tassa hatthināgassa sattakkhattuṃ dante chinditvā hari, tatthapi tāva devadatto yeva yoniyā adhikataro.
‘‘буна жабарам̣ яад̣̇аа д̣̇звад̣̇ад̇д̇о син̇г̇аало ахоси кад̇д̇ияад̇хаммо, со яаавад̇аа ж̇амб̣уд̣̇ийбз бад̣̇зсарааж̇аано д̇з саб̣б̣з ануяуд̇д̇з агааси, д̇ад̣̇аа б̣од̇хисад̇д̇о вид̇хуро наама бан̣д̣ид̇о ахоси, д̇ад̇т̇аби д̇аава д̣̇звад̣̇ад̇д̇о язва яасзна ад̇хигад̇аро.
‘‘Puna caparaṃ yadā devadatto siṅgālo ahosi khattiyadhammo, so yāvatā jambudīpe padesarājāno te sabbe anuyutte akāsi, tadā bodhisatto vidhuro nāma paṇḍito ahosi, tatthapi tāva devadatto yeva yasena adhikataro.
‘‘буна жабарам̣ яад̣̇аа д̣̇звад̣̇ад̇д̇о хад̇т̇инааг̇о худ̇ваа ладугигааяа сагун̣игааяа буд̇д̇агз гхаад̇зси, д̇ад̣̇аа б̣од̇хисад̇д̇оби хад̇т̇инааг̇о ахоси яуут̇абад̇и, д̇ад̇т̇а д̇аава убхоби д̇з самасамаа ахзсум̣.
‘‘Puna caparaṃ yadā devadatto hatthināgo hutvā laṭukikāya sakuṇikāya puttake ghātesi, tadā bodhisattopi hatthināgo ahosi yūthapati, tattha tāva ubhopi te samasamā ahesuṃ.
‘‘буна жабарам̣ яад̣̇аа д̣̇звад̣̇ад̇д̇о яагко ахоси ад̇хаммо наама, д̇ад̣̇аа б̣од̇хисад̇д̇оби яагко ахоси д̇хаммо наама, д̇ад̇т̇аби д̇аава убхоби самасамаа ахзсум̣.
‘‘Puna caparaṃ yadā devadatto yakkho ahosi adhammo nāma, tadā bodhisattopi yakkho ahosi dhammo nāma, tatthapi tāva ubhopi samasamā ahesuṃ.
‘‘буна жабарам̣ яад̣̇аа д̣̇звад̣̇ад̇д̇о наавиго ахоси бан̃жаннам̣ гуласад̇аанам̣ иссаро, д̇ад̣̇аа б̣од̇хисад̇д̇оби наавиго ахоси бан̃жаннам̣ гуласад̇аанам̣ иссаро, д̇ад̇т̇аби д̇аава убхоби самасамаа ахзсум̣.
‘‘Puna caparaṃ yadā devadatto nāviko ahosi pañcannaṃ kulasatānaṃ issaro, tadā bodhisattopi nāviko ahosi pañcannaṃ kulasatānaṃ issaro, tatthapi tāva ubhopi samasamā ahesuṃ.
‘‘буна жабарам̣ яад̣̇аа д̣̇звад̣̇ад̇д̇о сад̇т̇аваахо ахоси бан̃жаннам̣ сагадасад̇аанам̣ иссаро, д̇ад̣̇аа б̣од̇хисад̇д̇оби сад̇т̇аваахо ахоси бан̃жаннам̣ сагадасад̇аанам̣ иссаро, д̇ад̇т̇аби д̇аава убхоби самасамаа ахзсум̣.
‘‘Puna caparaṃ yadā devadatto satthavāho ahosi pañcannaṃ sakaṭasatānaṃ issaro, tadā bodhisattopi satthavāho ahosi pañcannaṃ sakaṭasatānaṃ issaro, tatthapi tāva ubhopi samasamā ahesuṃ.
‘‘буна жабарам̣ яад̣̇аа д̣̇звад̣̇ад̇д̇о саако наама миг̇арааж̇аа ахоси, д̇ад̣̇аа б̣од̇хисад̇д̇оби ниг̇род̇хо наама миг̇арааж̇аа ахоси, д̇ад̇т̇аби д̇аава убхоби самасамаа ахзсум̣.
‘‘Puna caparaṃ yadā devadatto sākho nāma migarājā ahosi, tadā bodhisattopi nigrodho nāma migarājā ahosi, tatthapi tāva ubhopi samasamā ahesuṃ.
‘‘буна жабарам̣ яад̣̇аа д̣̇звад̣̇ад̇д̇о саако наама сзнаабад̇и ахоси, д̇ад̣̇аа б̣од̇хисад̇д̇оби ниг̇род̇хо наама рааж̇аа ахоси, д̇ад̇т̇аби д̇аава убхоби самасамаа ахзсум̣.
‘‘Puna caparaṃ yadā devadatto sākho nāma senāpati ahosi, tadā bodhisattopi nigrodho nāma rājā ahosi, tatthapi tāva ubhopi samasamā ahesuṃ.
‘‘буна жабарам̣ яад̣̇аа д̣̇звад̣̇ад̇д̇о кан̣д̣ахаало наама б̣раахман̣о ахоси, д̇ад̣̇аа б̣од̇хисад̇д̇о жанд̣̇о наама рааж̇агумааро ахоси, д̇ад̣̇аа со кан̣д̣ахаало язва ад̇хигад̇аро.
‘‘Puna caparaṃ yadā devadatto khaṇḍahālo nāma brāhmaṇo ahosi, tadā bodhisatto cando nāma rājakumāro ahosi, tadā so khaṇḍahālo yeva adhikataro.
‘‘буна жабарам̣ яад̣̇аа д̣̇звад̣̇ад̇д̇о б̣рахмад̣̇ад̇д̇о наама рааж̇аа ахоси, д̇ад̣̇аа б̣од̇хисад̇д̇о д̇асса буд̇д̇о махаабад̣̇умо наама гумааро ахоси, д̇ад̣̇аа со рааж̇аа сагабуд̇д̇ам̣ жорабабаад̇з кибаабзси, яад̇о гуд̇ожи бид̇аава буд̇д̇аанам̣ ад̇хигад̇аро ход̇и висидтод̇и, д̇ад̇т̇аби д̇аава д̣̇звад̣̇ад̇д̇о язва ад̇хигад̇аро.
‘‘Puna caparaṃ yadā devadatto brahmadatto nāma rājā ahosi, tadā bodhisatto tassa putto mahāpadumo nāma kumāro ahosi, tadā so rājā sakaputtaṃ corapapāte khipāpesi, yato kutoci pitāva puttānaṃ adhikataro hoti visiṭṭhoti, tatthapi tāva devadatto yeva adhikataro.
‘‘буна жабарам̣ яад̣̇аа д̣̇звад̣̇ад̇д̇о махаабад̇аабо наама рааж̇аа ахоси, д̇ад̣̇аа б̣од̇хисад̇д̇о д̇асса буд̇д̇о д̇хаммабаало наама гумааро ахоси, д̇ад̣̇аа со рааж̇аа сагабуд̇д̇асса хад̇т̇абаад̣̇з сийсан̃жа чзд̣̇аабзси, д̇ад̇т̇аби д̇аава д̣̇звад̣̇ад̇д̇о язва уд̇д̇аро ад̇хигад̇аро.
‘‘Puna caparaṃ yadā devadatto mahāpatāpo nāma rājā ahosi, tadā bodhisatto tassa putto dhammapālo nāma kumāro ahosi, tadā so rājā sakaputtassa hatthapāde sīsañca chedāpesi, tatthapi tāva devadatto yeva uttaro adhikataro.
аж̇ж̇зд̇арахи убхоби сагяагулз ж̇ааяим̣су. б̣од̇хисад̇д̇о б̣уд̣̇д̇хо ахоси саб̣б̣ан̃н̃уу логанааяаго, д̣̇звад̣̇ад̇д̇о д̇асса д̣̇зваад̇ид̣̇звасса саасанз баб̣б̣аж̇ид̇ваа ид̣̇д̇хим̣ ниб̣б̣ад̇д̇зд̇ваа б̣уд̣̇д̇хаалаяам̣ агааси. гим̣ ну ко, бханд̇з нааг̇асзна, яам̣ маяаа бхан̣ид̇ам̣, д̇ам̣ саб̣б̣ам̣ д̇ат̇ам̣ уд̣̇ааху вид̇ат̇а’’нд̇и?
Ajjetarahi ubhopi sakyakule jāyiṃsu. Bodhisatto buddho ahosi sabbaññū lokanāyako, devadatto tassa devātidevassa sāsane pabbajitvā iddhiṃ nibbattetvā buddhālayaṃ akāsi. Kiṃ nu kho, bhante nāgasena, yaṃ mayā bhaṇitaṃ, taṃ sabbaṃ tathaṃ udāhu vitatha’’nti?
‘‘яам̣ д̇вам̣, махаарааж̇а, б̣ахувид̇хам̣ гааран̣ам̣ осаарзси, саб̣б̣ам̣ д̇ам̣ д̇ат̇зва, но ан̃н̃ат̇аа’’д̇и. ‘‘яад̣̇и, бханд̇з нааг̇асзна, ган̣хоби суггоби самасамаг̇ад̇игаа хонд̇и, д̇зна хи гусаламби агусаламби самасамавибаагам̣ ход̇ий’’д̇и? ‘‘на хи, махаарааж̇а, гусаламби агусаламби самасамавибаагам̣ ход̇и, на хи, махаарааж̇а, д̣̇звад̣̇ад̇д̇о саб̣б̣аж̇анзхи бадивируд̣̇д̇хо, б̣од̇хисад̇д̇знзва бадивируд̣̇д̇хо. яо д̇асса б̣од̇хисад̇д̇зна бадивируд̣̇д̇хо, со д̇асмим̣ д̇асмим̣ язва бхавз бажжад̇и палам̣ д̣̇зд̇и. д̣̇звад̣̇ад̇д̇оби, махаарааж̇а, иссарияз тид̇о ж̇анабад̣̇зсу аарагкам̣ д̣̇зд̇и, сзд̇ум̣ сабхам̣ бун̃н̃асаалам̣ гаарзд̇и, саман̣аб̣раахман̣аанам̣ габан̣ад̣̇д̇хигаван̣иб̣б̣агаанам̣ наат̇аанаат̇аанам̣ яат̇аабан̣ихид̇ам̣ д̣̇аанам̣ д̣̇зд̇и. д̇асса со вибаагзна бхавз бхавз самбад̇д̇ияо бадилабхад̇и. гассзд̇ам̣, махаарааж̇а, саггаа вад̇д̇ум̣ винаа д̣̇аанзна д̣̇амзна сам̣яамзна убосат̇агаммзна самбад̇д̇им̣ анубхависсад̇ийд̇и?
‘‘Yaṃ tvaṃ, mahārāja, bahuvidhaṃ kāraṇaṃ osāresi, sabbaṃ taṃ tatheva, no aññathā’’ti. ‘‘Yadi, bhante nāgasena, kaṇhopi sukkopi samasamagatikā honti, tena hi kusalampi akusalampi samasamavipākaṃ hotī’’ti? ‘‘Na hi, mahārāja, kusalampi akusalampi samasamavipākaṃ hoti, na hi, mahārāja, devadatto sabbajanehi paṭiviruddho, bodhisatteneva paṭiviruddho. Yo tassa bodhisattena paṭiviruddho, so tasmiṃ tasmiṃ yeva bhave paccati phalaṃ deti. Devadattopi, mahārāja, issariye ṭhito janapadesu ārakkhaṃ deti, setuṃ sabhaṃ puññasālaṃ kāreti, samaṇabrāhmaṇānaṃ kapaṇaddhikavaṇibbakānaṃ nāthānāthānaṃ yathāpaṇihitaṃ dānaṃ deti. Tassa so vipākena bhave bhave sampattiyo paṭilabhati. Kassetaṃ, mahārāja, sakkā vattuṃ vinā dānena damena saṃyamena uposathakammena sampattiṃ anubhavissatīti?
‘‘яам̣ бана д̇вам̣, махаарааж̇а, звам̣ вад̣̇зси ‘д̣̇звад̣̇ад̇д̇о жа б̣од̇хисад̇д̇о жа згад̇о анубаривад̇д̇анд̇ий’д̇и, со на ж̇аад̇исад̇асса ажжаязна самааг̇амо ахоси, на ж̇аад̇исахассасса ажжаязна, на ж̇аад̇исад̇асахассасса ажжаязна, гад̣̇аажи гарахажи б̣ахуунам̣ ахорад̇д̇аанам̣ ажжаязна самааг̇амо ахоси. яам̣ банзд̇ам̣, махаарааж̇а, бхаг̇авад̇аа гаан̣агажчабобамам̣ убад̣̇ассид̇ам̣ мануссад̇д̇аббадилаабхааяа, д̇ат̇уубамам̣, махаарааж̇а, имзсам̣ самааг̇амам̣ д̇хаарзхи.
‘‘Yaṃ pana tvaṃ, mahārāja, evaṃ vadesi ‘devadatto ca bodhisatto ca ekato anuparivattantī’ti, so na jātisatassa accayena samāgamo ahosi, na jātisahassassa accayena, na jātisatasahassassa accayena, kadāci karahaci bahūnaṃ ahorattānaṃ accayena samāgamo ahosi. Yaṃ panetaṃ, mahārāja, bhagavatā kāṇakacchapopamaṃ upadassitaṃ manussattappaṭilābhāya, tathūpamaṃ, mahārāja, imesaṃ samāgamaṃ dhārehi.
‘‘на, махаарааж̇а, б̣од̇хисад̇д̇асса д̣̇звад̣̇ад̇д̇знзва сад̣̇д̇хим̣ самааг̇амо ахоси, т̇зроби, махаарааж̇а, саарибуд̇д̇о анзгзсу ж̇аад̇исад̇асахассзсу б̣од̇хисад̇д̇асса бид̇аа ахоси, махаабид̇аа ахоси, жуул̣абид̇аа ахоси , бхаад̇аа ахоси, буд̇д̇о ахоси, бхааг̇инзяяо ахоси, мид̇д̇о ахоси.
‘‘Na, mahārāja, bodhisattassa devadatteneva saddhiṃ samāgamo ahosi, theropi, mahārāja, sāriputto anekesu jātisatasahassesu bodhisattassa pitā ahosi, mahāpitā ahosi, cūḷapitā ahosi , bhātā ahosi, putto ahosi, bhāgineyyo ahosi, mitto ahosi.
‘‘б̣од̇хисад̇д̇оби, махаарааж̇а, анзгзсу ж̇аад̇исад̇асахассзсу т̇зрасса саарибуд̇д̇асса бид̇аа ахоси, махаабид̇аа ахоси, жуул̣абид̇аа ахоси, бхаад̇аа ахоси, буд̇д̇о ахоси, бхааг̇инзяяо ахоси , мид̇д̇о ахоси, саб̣б̣зби, махаарааж̇а, сад̇д̇анигааяабарияаабаннаа сам̣саарасод̇амануг̇ад̇аа сам̣саарасод̇зна вуяханд̇аа аббиязхиби биязхиби самааг̇ажчанд̇и. яат̇аа, махаарааж̇а, уд̣̇агам̣ сод̇зна вуяхамаанам̣ сужиасужигаляаан̣абаабагзна самааг̇ажчад̇и, звамзва ко, махаарааж̇а, саб̣б̣зби сад̇д̇анигааяабарияаабаннаа сам̣саарасод̇амануг̇ад̇аа сам̣саарасод̇зна вуяханд̇аа аббиязхиби биязхиби самааг̇ажчанд̇и. д̣̇звад̣̇ад̇д̇о, махаарааж̇а, яагко самаано ад̇д̇анаа ад̇хаммо барз ад̇хаммз нияож̇зд̇ваа сад̇д̇абан̃н̃аасавассагодияо садти жа вассасад̇асахассаани махаанираяз бажжи , б̣од̇хисад̇д̇оби, махаарааж̇а, яагко самаано ад̇д̇анаа д̇хаммо барз д̇хаммз нияож̇зд̇ваа сад̇д̇абан̃н̃аасавассагодияо садти жа вассасад̇асахассаани саг̇г̇з мод̣̇и саб̣б̣агаамасаман̇г̇ий, аби жа, махаарааж̇а, д̣̇звад̣̇ад̇д̇о имасмим̣ бхавз б̣уд̣̇д̇хам̣ анаасаад̣̇анийяамаасаад̣̇аяид̇ваа самаг̇г̇ан̃жа сан̇гхам̣ бхинд̣̇ид̇ваа бат̇авим̣ баависи, д̇ат̇ааг̇ад̇о б̣уж̇жхид̇ваа саб̣б̣ад̇хаммз бариниб̣б̣уд̇о убад̇хисан̇каяз’’д̇и. ‘‘саад̇ху, бханд̇з нааг̇асзна, звамзд̇ам̣ д̇ат̇аа самбадижчаамий’’д̇и.
‘‘Bodhisattopi, mahārāja, anekesu jātisatasahassesu therassa sāriputtassa pitā ahosi, mahāpitā ahosi, cūḷapitā ahosi, bhātā ahosi, putto ahosi, bhāgineyyo ahosi , mitto ahosi, sabbepi, mahārāja, sattanikāyapariyāpannā saṃsārasotamanugatā saṃsārasotena vuyhantā appiyehipi piyehipi samāgacchanti. Yathā, mahārāja, udakaṃ sotena vuyhamānaṃ suciasucikalyāṇapāpakena samāgacchati, evameva kho, mahārāja, sabbepi sattanikāyapariyāpannā saṃsārasotamanugatā saṃsārasotena vuyhantā appiyehipi piyehipi samāgacchanti. Devadatto, mahārāja, yakkho samāno attanā adhammo pare adhamme niyojetvā sattapaññāsavassakoṭiyo saṭṭhi ca vassasatasahassāni mahāniraye pacci , bodhisattopi, mahārāja, yakkho samāno attanā dhammo pare dhamme niyojetvā sattapaññāsavassakoṭiyo saṭṭhi ca vassasatasahassāni sagge modi sabbakāmasamaṅgī, api ca, mahārāja, devadatto imasmiṃ bhave buddhaṃ anāsādanīyamāsādayitvā samaggañca saṅghaṃ bhinditvā pathaviṃ pāvisi, tathāgato bujjhitvā sabbadhamme parinibbuto upadhisaṅkhaye’’ti. ‘‘Sādhu, bhante nāgasena, evametaṃ tathā sampaṭicchāmī’’ti.
гусалаагусаласамависамабан̃хо сад̇д̇амо.
Kusalākusalasamavisamapañho sattamo.
Footnotes:
