| Library / Tipiṭaka / ತಿಪಿಟಕ • Tipiṭaka / ಕಥಾವತ್ಥುಪಾಳಿ • Kathāvatthupāḷi |
೧೩. ತೇರಸಮವಗ್ಗೋ
13. Terasamavaggo
(೧೨೭) ೨. ಕುಸಲಪಟಿಲಾಭಕಥಾ
(127) 2. Kusalapaṭilābhakathā
೬೫೮. ಕಪ್ಪಟ್ಠೋ ಕುಸಲಂ ಚಿತ್ತಂ ನ ಪಟಿಲಭೇಯ್ಯಾತಿ? ಆಮನ್ತಾ। ಕಪ್ಪಟ್ಠೋ ದಾನಂ ದದೇಯ್ಯಾತಿ? ಆಮನ್ತಾ। ಹಞ್ಚಿ ಕಪ್ಪಟ್ಠೋ ದಾನಂ ದದೇಯ್ಯ, ನೋ ಚ ವತ ರೇ ವತ್ತಬ್ಬೇ – ‘‘ಕಪ್ಪಟ್ಠೋ ಕುಸಲಂ ಚಿತ್ತಂ ನ ಪಟಿಲಭೇಯ್ಯಾ’’ತಿ।
658. Kappaṭṭho kusalaṃ cittaṃ na paṭilabheyyāti? Āmantā. Kappaṭṭho dānaṃ dadeyyāti? Āmantā. Hañci kappaṭṭho dānaṃ dadeyya, no ca vata re vattabbe – ‘‘kappaṭṭho kusalaṃ cittaṃ na paṭilabheyyā’’ti.
ಕಪ್ಪಟ್ಠೋ ಕುಸಲಂ ಚಿತ್ತಂ ನ ಪಟಿಲಭೇಯ್ಯಾತಿ? ಆಮನ್ತಾ। ಕಪ್ಪಟ್ಠೋ ಚೀವರಂ ದದೇಯ್ಯ…ಪೇ॰… ಪಿಣ್ಡಪಾತಂ ದದೇಯ್ಯ…ಪೇ॰… ಸೇನಾಸನಂ ದದೇಯ್ಯ…ಪೇ॰… ಗಿಲಾನಪಚ್ಚಯಭೇಸಜ್ಜಪರಿಕ್ಖಾರಂ ದದೇಯ್ಯ … ಖಾದನೀಯಂ ದದೇಯ್ಯ… ಭೋಜನೀಯಂ ದದೇಯ್ಯ… ಪಾನೀಯಂ ದದೇಯ್ಯ… ಚೇತಿಯಂ ವನ್ದೇಯ್ಯ… ಚೇತಿಯೇ ಮಾಲಂ ಆರೋಪೇಯ್ಯ… ಗನ್ಧಂ ಆರೋಪೇಯ್ಯ… ವಿಲೇಪನಂ ಆರೋಪೇಯ್ಯ…ಪೇ॰… ಚೇತಿಯಂ ಅಭಿದಕ್ಖಿಣಂ 1 ಕರೇಯ್ಯಾತಿ? ಆಮನ್ತಾ। ಹಞ್ಚಿ ಕಪ್ಪಟ್ಠೋ ಚೇತಿಯಂ ಅಭಿದಕ್ಖಿಣಂ ಕರೇಯ್ಯ, ನೋ ಚ ವತ ರೇ ವತ್ತಬ್ಬೇ – ‘‘ಕಪ್ಪಟ್ಠೋ ಕುಸಲಂ ಚಿತ್ತಂ ನ ಪಟಿಲಭೇಯ್ಯಾ’’ತಿ…ಪೇ॰…।
Kappaṭṭho kusalaṃ cittaṃ na paṭilabheyyāti? Āmantā. Kappaṭṭho cīvaraṃ dadeyya…pe… piṇḍapātaṃ dadeyya…pe… senāsanaṃ dadeyya…pe… gilānapaccayabhesajjaparikkhāraṃ dadeyya … khādanīyaṃ dadeyya… bhojanīyaṃ dadeyya… pānīyaṃ dadeyya… cetiyaṃ vandeyya… cetiye mālaṃ āropeyya… gandhaṃ āropeyya… vilepanaṃ āropeyya…pe… cetiyaṃ abhidakkhiṇaṃ 2 kareyyāti? Āmantā. Hañci kappaṭṭho cetiyaṃ abhidakkhiṇaṃ kareyya, no ca vata re vattabbe – ‘‘kappaṭṭho kusalaṃ cittaṃ na paṭilabheyyā’’ti…pe….
೬೫೯. ಕಪ್ಪಟ್ಠೋ ಕುಸಲಂ ಚಿತ್ತಂ ಪಟಿಲಭೇಯ್ಯಾತಿ? ಆಮನ್ತಾ। ತತೋ ವುಟ್ಠಾನಂ ಕುಸಲಂ ಚಿತ್ತಂ ಪಟಿಲಭೇಯ್ಯಾತಿ? ಆಮನ್ತಾ। ರೂಪಾವಚರಂ…ಪೇ॰… ಅರೂಪಾವಚರಂ…ಪೇ॰… ಲೋಕುತ್ತರಂ ಕುಸಲಂ ಚಿತ್ತಂ ಪಟಿಲಭೇಯ್ಯಾತಿ? ನ ಹೇವಂ ವತ್ತಬ್ಬೇ…ಪೇ॰…।
659. Kappaṭṭho kusalaṃ cittaṃ paṭilabheyyāti? Āmantā. Tato vuṭṭhānaṃ kusalaṃ cittaṃ paṭilabheyyāti? Āmantā. Rūpāvacaraṃ…pe… arūpāvacaraṃ…pe… lokuttaraṃ kusalaṃ cittaṃ paṭilabheyyāti? Na hevaṃ vattabbe…pe….
ಕುಸಲಪಟಿಲಾಭಕಥಾ ನಿಟ್ಠಿತಾ।
Kusalapaṭilābhakathā niṭṭhitā.
Footnotes:
Related texts:
ಅಟ್ಠಕಥಾ • Aṭṭhakathā / ಅಭಿಧಮ್ಮಪಿಟಕ (ಅಟ್ಠಕಥಾ) • Abhidhammapiṭaka (aṭṭhakathā) / ಪಞ್ಚಪಕರಣ-ಅಟ್ಠಕಥಾ • Pañcapakaraṇa-aṭṭhakathā / ೨. ಕುಸಲಪಟಿಲಾಭಕಥಾವಣ್ಣನಾ • 2. Kusalapaṭilābhakathāvaṇṇanā
