| Library / Tipiṭaka / ਤਿਪਿਟਕ • Tipiṭaka / ਕਥਾવਤ੍ਥੁਪਾਲ਼ਿ • Kathāvatthupāḷi |
੧੩. ਤੇਰਸਮવਗ੍ਗੋ
13. Terasamavaggo
(੧੨੭) ੨. ਕੁਸਲਪਟਿਲਾਭਕਥਾ
(127) 2. Kusalapaṭilābhakathā
੬੫੮. ਕਪ੍ਪਟ੍ਠੋ ਕੁਸਲਂ ਚਿਤ੍ਤਂ ਨ ਪਟਿਲਭੇਯ੍ਯਾਤਿ? ਆਮਨ੍ਤਾ। ਕਪ੍ਪਟ੍ਠੋ ਦਾਨਂ ਦਦੇਯ੍ਯਾਤਿ? ਆਮਨ੍ਤਾ। ਹਞ੍ਚਿ ਕਪ੍ਪਟ੍ਠੋ ਦਾਨਂ ਦਦੇਯ੍ਯ, ਨੋ ਚ વਤ ਰੇ વਤ੍ਤਬ੍ਬੇ – ‘‘ਕਪ੍ਪਟ੍ਠੋ ਕੁਸਲਂ ਚਿਤ੍ਤਂ ਨ ਪਟਿਲਭੇਯ੍ਯਾ’’ਤਿ।
658. Kappaṭṭho kusalaṃ cittaṃ na paṭilabheyyāti? Āmantā. Kappaṭṭho dānaṃ dadeyyāti? Āmantā. Hañci kappaṭṭho dānaṃ dadeyya, no ca vata re vattabbe – ‘‘kappaṭṭho kusalaṃ cittaṃ na paṭilabheyyā’’ti.
ਕਪ੍ਪਟ੍ਠੋ ਕੁਸਲਂ ਚਿਤ੍ਤਂ ਨ ਪਟਿਲਭੇਯ੍ਯਾਤਿ? ਆਮਨ੍ਤਾ। ਕਪ੍ਪਟ੍ਠੋ ਚੀવਰਂ ਦਦੇਯ੍ਯ…ਪੇ॰… ਪਿਣ੍ਡਪਾਤਂ ਦਦੇਯ੍ਯ…ਪੇ॰… ਸੇਨਾਸਨਂ ਦਦੇਯ੍ਯ…ਪੇ॰… ਗਿਲਾਨਪਚ੍ਚਯਭੇਸਜ੍ਜਪਰਿਕ੍ਖਾਰਂ ਦਦੇਯ੍ਯ … ਖਾਦਨੀਯਂ ਦਦੇਯ੍ਯ… ਭੋਜਨੀਯਂ ਦਦੇਯ੍ਯ… ਪਾਨੀਯਂ ਦਦੇਯ੍ਯ… ਚੇਤਿਯਂ વਨ੍ਦੇਯ੍ਯ… ਚੇਤਿਯੇ ਮਾਲਂ ਆਰੋਪੇਯ੍ਯ… ਗਨ੍ਧਂ ਆਰੋਪੇਯ੍ਯ… વਿਲੇਪਨਂ ਆਰੋਪੇਯ੍ਯ…ਪੇ॰… ਚੇਤਿਯਂ ਅਭਿਦਕ੍ਖਿਣਂ 1 ਕਰੇਯ੍ਯਾਤਿ? ਆਮਨ੍ਤਾ। ਹਞ੍ਚਿ ਕਪ੍ਪਟ੍ਠੋ ਚੇਤਿਯਂ ਅਭਿਦਕ੍ਖਿਣਂ ਕਰੇਯ੍ਯ, ਨੋ ਚ વਤ ਰੇ વਤ੍ਤਬ੍ਬੇ – ‘‘ਕਪ੍ਪਟ੍ਠੋ ਕੁਸਲਂ ਚਿਤ੍ਤਂ ਨ ਪਟਿਲਭੇਯ੍ਯਾ’’ਤਿ…ਪੇ॰…।
Kappaṭṭho kusalaṃ cittaṃ na paṭilabheyyāti? Āmantā. Kappaṭṭho cīvaraṃ dadeyya…pe… piṇḍapātaṃ dadeyya…pe… senāsanaṃ dadeyya…pe… gilānapaccayabhesajjaparikkhāraṃ dadeyya … khādanīyaṃ dadeyya… bhojanīyaṃ dadeyya… pānīyaṃ dadeyya… cetiyaṃ vandeyya… cetiye mālaṃ āropeyya… gandhaṃ āropeyya… vilepanaṃ āropeyya…pe… cetiyaṃ abhidakkhiṇaṃ 2 kareyyāti? Āmantā. Hañci kappaṭṭho cetiyaṃ abhidakkhiṇaṃ kareyya, no ca vata re vattabbe – ‘‘kappaṭṭho kusalaṃ cittaṃ na paṭilabheyyā’’ti…pe….
੬੫੯. ਕਪ੍ਪਟ੍ਠੋ ਕੁਸਲਂ ਚਿਤ੍ਤਂ ਪਟਿਲਭੇਯ੍ਯਾਤਿ? ਆਮਨ੍ਤਾ। ਤਤੋ વੁਟ੍ਠਾਨਂ ਕੁਸਲਂ ਚਿਤ੍ਤਂ ਪਟਿਲਭੇਯ੍ਯਾਤਿ? ਆਮਨ੍ਤਾ। ਰੂਪਾવਚਰਂ…ਪੇ॰… ਅਰੂਪਾવਚਰਂ…ਪੇ॰… ਲੋਕੁਤ੍ਤਰਂ ਕੁਸਲਂ ਚਿਤ੍ਤਂ ਪਟਿਲਭੇਯ੍ਯਾਤਿ? ਨ ਹੇવਂ વਤ੍ਤਬ੍ਬੇ…ਪੇ॰…।
659. Kappaṭṭho kusalaṃ cittaṃ paṭilabheyyāti? Āmantā. Tato vuṭṭhānaṃ kusalaṃ cittaṃ paṭilabheyyāti? Āmantā. Rūpāvacaraṃ…pe… arūpāvacaraṃ…pe… lokuttaraṃ kusalaṃ cittaṃ paṭilabheyyāti? Na hevaṃ vattabbe…pe….
ਕੁਸਲਪਟਿਲਾਭਕਥਾ ਨਿਟ੍ਠਿਤਾ।
Kusalapaṭilābhakathā niṭṭhitā.
Footnotes:
Related texts:
ਅਟ੍ਠਕਥਾ • Aṭṭhakathā / ਅਭਿਧਮ੍ਮਪਿਟਕ (ਅਟ੍ਠਕਥਾ) • Abhidhammapiṭaka (aṭṭhakathā) / ਪਞ੍ਚਪਕਰਣ-ਅਟ੍ਠਕਥਾ • Pañcapakaraṇa-aṭṭhakathā / ੨. ਕੁਸਲਪਟਿਲਾਭਕਥਾવਣ੍ਣਨਾ • 2. Kusalapaṭilābhakathāvaṇṇanā
