| Library / Tipiṭaka / തിപിടക • Tipiṭaka / കഥാവത്ഥുപാളി • Kathāvatthupāḷi |
൧൩. തേരസമവഗ്ഗോ
13. Terasamavaggo
(൧൨൭) ൨. കുസലപടിലാഭകഥാ
(127) 2. Kusalapaṭilābhakathā
൬൫൮. കപ്പട്ഠോ കുസലം ചിത്തം ന പടിലഭേയ്യാതി? ആമന്താ. കപ്പട്ഠോ ദാനം ദദേയ്യാതി? ആമന്താ. ഹഞ്ചി കപ്പട്ഠോ ദാനം ദദേയ്യ, നോ ച വത രേ വത്തബ്ബേ – ‘‘കപ്പട്ഠോ കുസലം ചിത്തം ന പടിലഭേയ്യാ’’തി.
658. Kappaṭṭho kusalaṃ cittaṃ na paṭilabheyyāti? Āmantā. Kappaṭṭho dānaṃ dadeyyāti? Āmantā. Hañci kappaṭṭho dānaṃ dadeyya, no ca vata re vattabbe – ‘‘kappaṭṭho kusalaṃ cittaṃ na paṭilabheyyā’’ti.
കപ്പട്ഠോ കുസലം ചിത്തം ന പടിലഭേയ്യാതി? ആമന്താ. കപ്പട്ഠോ ചീവരം ദദേയ്യ…പേ॰… പിണ്ഡപാതം ദദേയ്യ…പേ॰… സേനാസനം ദദേയ്യ…പേ॰… ഗിലാനപച്ചയഭേസജ്ജപരിക്ഖാരം ദദേയ്യ … ഖാദനീയം ദദേയ്യ… ഭോജനീയം ദദേയ്യ… പാനീയം ദദേയ്യ… ചേതിയം വന്ദേയ്യ… ചേതിയേ മാലം ആരോപേയ്യ… ഗന്ധം ആരോപേയ്യ… വിലേപനം ആരോപേയ്യ…പേ॰… ചേതിയം അഭിദക്ഖിണം 1 കരേയ്യാതി? ആമന്താ. ഹഞ്ചി കപ്പട്ഠോ ചേതിയം അഭിദക്ഖിണം കരേയ്യ, നോ ച വത രേ വത്തബ്ബേ – ‘‘കപ്പട്ഠോ കുസലം ചിത്തം ന പടിലഭേയ്യാ’’തി…പേ॰….
Kappaṭṭho kusalaṃ cittaṃ na paṭilabheyyāti? Āmantā. Kappaṭṭho cīvaraṃ dadeyya…pe… piṇḍapātaṃ dadeyya…pe… senāsanaṃ dadeyya…pe… gilānapaccayabhesajjaparikkhāraṃ dadeyya … khādanīyaṃ dadeyya… bhojanīyaṃ dadeyya… pānīyaṃ dadeyya… cetiyaṃ vandeyya… cetiye mālaṃ āropeyya… gandhaṃ āropeyya… vilepanaṃ āropeyya…pe… cetiyaṃ abhidakkhiṇaṃ 2 kareyyāti? Āmantā. Hañci kappaṭṭho cetiyaṃ abhidakkhiṇaṃ kareyya, no ca vata re vattabbe – ‘‘kappaṭṭho kusalaṃ cittaṃ na paṭilabheyyā’’ti…pe….
൬൫൯. കപ്പട്ഠോ കുസലം ചിത്തം പടിലഭേയ്യാതി? ആമന്താ. തതോ വുട്ഠാനം കുസലം ചിത്തം പടിലഭേയ്യാതി? ആമന്താ. രൂപാവചരം…പേ॰… അരൂപാവചരം…പേ॰… ലോകുത്തരം കുസലം ചിത്തം പടിലഭേയ്യാതി? ന ഹേവം വത്തബ്ബേ…പേ॰….
659. Kappaṭṭho kusalaṃ cittaṃ paṭilabheyyāti? Āmantā. Tato vuṭṭhānaṃ kusalaṃ cittaṃ paṭilabheyyāti? Āmantā. Rūpāvacaraṃ…pe… arūpāvacaraṃ…pe… lokuttaraṃ kusalaṃ cittaṃ paṭilabheyyāti? Na hevaṃ vattabbe…pe….
കുസലപടിലാഭകഥാ നിട്ഠിതാ.
Kusalapaṭilābhakathā niṭṭhitā.
Footnotes:
Related texts:
അട്ഠകഥാ • Aṭṭhakathā / അഭിധമ്മപിടക (അട്ഠകഥാ) • Abhidhammapiṭaka (aṭṭhakathā) / പഞ്ചപകരണ-അട്ഠകഥാ • Pañcapakaraṇa-aṭṭhakathā / ൨. കുസലപടിലാഭകഥാവണ്ണനാ • 2. Kusalapaṭilābhakathāvaṇṇanā
