| Library / Tipiṭaka / д̇ибидага • Tipiṭaka / сам̣яуд̇д̇анигааяа • Saṃyuttanikāya |
5. гусалараасисуд̇д̇ам̣
5. Kusalarāsisuttaṃ
411. ‘‘‘гусалараасий’д̇и, бхигкавз, вад̣̇амаано жад̇д̇ааро сад̇ибадтаанз саммаа вад̣̇амаано вад̣̇зяяа. гзвало хааяам̣, бхигкавз, гусаларааси, яад̣̇ид̣̇ам̣ – жад̇д̇ааро сад̇ибадтаанаа.
411. ‘‘‘Kusalarāsī’ti, bhikkhave, vadamāno cattāro satipaṭṭhāne sammā vadamāno vadeyya. Kevalo hāyaṃ, bhikkhave, kusalarāsi, yadidaṃ – cattāro satipaṭṭhānā.
‘‘гад̇амз жад̇д̇ааро? ид̇ха , бхигкавз, бхигку гааяз гааяаанубассий вихарад̇и аад̇аабий самбаж̇аано сад̇имаа, винзяяа логз абхиж̇жхаад̣̇оманассам̣; взд̣̇анаасу…бз… жид̇д̇з…бз… жид̇д̇аанубассий…бз… д̇хаммзсу д̇хаммаанубассий вихарад̇и аад̇аабий самбаж̇аано сад̇имаа, винзяяа логз абхиж̇жхаад̣̇оманассам̣. ‘гусалараасий’д̇и, бхигкавз, вад̣̇амаано имз жад̇д̇ааро сад̇ибадтаанз саммаа вад̣̇амаано вад̣̇зяяа. гзвало хааяам̣, бхигкавз, гусаларааси, яад̣̇ид̣̇ам̣ – жад̇д̇ааро сад̇ибадтаанаа’’д̇и. бан̃жамам̣.
‘‘Katame cattāro? Idha , bhikkhave, bhikkhu kāye kāyānupassī viharati ātāpī sampajāno satimā, vineyya loke abhijjhādomanassaṃ; vedanāsu…pe… citte…pe… cittānupassī…pe… dhammesu dhammānupassī viharati ātāpī sampajāno satimā, vineyya loke abhijjhādomanassaṃ. ‘Kusalarāsī’ti, bhikkhave, vadamāno ime cattāro satipaṭṭhāne sammā vadamāno vadeyya. Kevalo hāyaṃ, bhikkhave, kusalarāsi, yadidaṃ – cattāro satipaṭṭhānā’’ti. Pañcamaṃ.
