| Library / Tipiṭaka / තිපිටක • Tipiṭaka / සංයුත්‌තනිකාය • Saṃyuttanikāya |
5. කුසලරාසිසුත්‌තං
5. Kusalarāsisuttaṃ
411. ‘‘‘කුසලරාසී’ති, භික්‌ඛවෙ, වදමානො චත්‌තාරො සතිපට්‌ඨානෙ සම්‌මා වදමානො වදෙය්‍ය. කෙවලො හායං, භික්‌ඛවෙ, කුසලරාසි, යදිදං – චත්‌තාරො සතිපට්‌ඨානා.
411. ‘‘‘Kusalarāsī’ti, bhikkhave, vadamāno cattāro satipaṭṭhāne sammā vadamāno vadeyya. Kevalo hāyaṃ, bhikkhave, kusalarāsi, yadidaṃ – cattāro satipaṭṭhānā.
‘‘කතමෙ චත්‌තාරො? ඉධ , භික්‌ඛවෙ, භික්‌ඛු කායෙ කායානුපස්‌සී විහරති ආතාපී සම්‌පජානො සතිමා, විනෙය්‍ය ලොකෙ අභිජ්‌ඣාදොමනස්‌සං; වෙදනාසු…පෙ.… චිත්‌තෙ…පෙ.… චිත්‌තානුපස්‌සී…පෙ.… ධම්‌මෙසු ධම්‌මානුපස්‌සී විහරති ආතාපී සම්‌පජානො සතිමා, විනෙය්‍ය ලොකෙ අභිජ්‌ඣාදොමනස්‌සං. ‘කුසලරාසී’ති, භික්‌ඛවෙ, වදමානො ඉමෙ චත්‌තාරො සතිපට්‌ඨානෙ සම්‌මා වදමානො වදෙය්‍ය. කෙවලො හායං, භික්‌ඛවෙ, කුසලරාසි, යදිදං – චත්‌තාරො සතිපට්‌ඨානා’’ති. පඤ්‌චමං.
‘‘Katame cattāro? Idha , bhikkhave, bhikkhu kāye kāyānupassī viharati ātāpī sampajāno satimā, vineyya loke abhijjhādomanassaṃ; vedanāsu…pe… citte…pe… cittānupassī…pe… dhammesu dhammānupassī viharati ātāpī sampajāno satimā, vineyya loke abhijjhādomanassaṃ. ‘Kusalarāsī’ti, bhikkhave, vadamāno ime cattāro satipaṭṭhāne sammā vadamāno vadeyya. Kevalo hāyaṃ, bhikkhave, kusalarāsi, yadidaṃ – cattāro satipaṭṭhānā’’ti. Pañcamaṃ.
