| Library / Tipiṭaka / திபிடக • Tipiṭaka / ஸாரத்த²தீ³பனீ-டீகா • Sāratthadīpanī-ṭīkā |
குஸலவாரகதா²வண்ணனா
Kusalavārakathāvaṇṇanā
303. ஸங்க⁴ஸ்ஸ ஸம்முகா² படிஞ்ஞாதே தங் படிஜானநங் ஸங்க⁴ஸம்முக²தா நாம. தஸ்ஸ படிஜானநசித்தங் ஸந்தா⁴ய ‘‘ஸம்முகா²வினயோ குஸலோ’’திஆதி³ வுத்தந்தி வத³ந்தி. நத்தி² ஸம்முகா²வினயோ அகுஸலோதி த⁴ம்மவினயபுக்³க³லஸம்முக²தாஹி திவங்கி³கோ ஸம்முகா²வினயோ ஏதேஹி வினா நத்தி². தத்த² குஸலசித்தேஹி கரணகாலே குஸலோ, அரஹந்தேஹி கரணகாலே அப்³யாகதோ. ஏதேஸங் ஸங்க⁴ஸம்முக²தாதீ³னங் அகுஸலபடிபக்க²த்தா அகுஸலஸ்ஸ ஸம்ப⁴வோ நத்தி², தஸ்மா ‘‘நத்தி² ஸம்முகா²வினயோ அகுஸலோ’’தி வுத்தங். ‘‘யேபு⁴ய்யஸிகா அத⁴ம்மவாதீ³ஹி வூபஸமனகாலே, த⁴ம்மவாதீ³னம்பி அத⁴ம்மவாதி³ம்ஹி ஸலாகக்³கா³ஹாபகே ஜாதே அகுஸலா. ஸதிவினயோ அனரஹதோ ஸஞ்சிச்ச ஸதிவினயதா³னே அகுஸலோ. அமூள்ஹவினயோ அனும்மத்தகஸ்ஸ தா³னே, படிஞ்ஞாதகரணங் மூள்ஹஸ்ஸ அஜானதோ படிஞ்ஞாய கரணே, தஸ்ஸபாபியஸிகா ஸுத்³த⁴ஸ்ஸ கரணே, திணவத்தா²ரகங் மஹாகலஹே ஸஞ்சிச்ச கரணே ச அகுஸலங். ஸப்³ப³த்த² அரஹதோ வஸேனேவ அப்³யாகத’’ந்தி ஸப்³ப³மேதங் க³ண்டி²பதே³ஸு வுத்தங்.
303. Saṅghassa sammukhā paṭiññāte taṃ paṭijānanaṃ saṅghasammukhatā nāma. Tassa paṭijānanacittaṃ sandhāya ‘‘sammukhāvinayo kusalo’’tiādi vuttanti vadanti. Natthi sammukhāvinayo akusaloti dhammavinayapuggalasammukhatāhi tivaṅgiko sammukhāvinayo etehi vinā natthi. Tattha kusalacittehi karaṇakāle kusalo, arahantehi karaṇakāle abyākato. Etesaṃ saṅghasammukhatādīnaṃ akusalapaṭipakkhattā akusalassa sambhavo natthi, tasmā ‘‘natthi sammukhāvinayo akusalo’’ti vuttaṃ. ‘‘Yebhuyyasikā adhammavādīhi vūpasamanakāle, dhammavādīnampi adhammavādimhi salākaggāhāpake jāte akusalā. Sativinayo anarahato sañcicca sativinayadāne akusalo. Amūḷhavinayo anummattakassa dāne, paṭiññātakaraṇaṃ mūḷhassa ajānato paṭiññāya karaṇe, tassapāpiyasikā suddhassa karaṇe, tiṇavatthārakaṃ mahākalahe sañcicca karaṇe ca akusalaṃ. Sabbattha arahato vaseneva abyākata’’nti sabbametaṃ gaṇṭhipadesu vuttaṃ.
Related texts:
திபிடக (மூல) • Tipiṭaka (Mūla) / வினயபிடக • Vinayapiṭaka / பரிவாரபாளி • Parivārapāḷi / 13. குஸலவாரோ • 13. Kusalavāro
டீகா • Tīkā / வினயபிடக (டீகா) • Vinayapiṭaka (ṭīkā) / வஜிரபு³த்³தி⁴-டீகா • Vajirabuddhi-ṭīkā / அதி⁴கரணபரியாயவாராதி³வண்ணனா • Adhikaraṇapariyāyavārādivaṇṇanā
டீகா • Tīkā / வினயபிடக (டீகா) • Vinayapiṭaka (ṭīkā) / விமதிவினோத³னீ-டீகா • Vimativinodanī-ṭīkā / ஸமத²ஸம்முகா²வினயவாராதி³வண்ணனா • Samathasammukhāvinayavārādivaṇṇanā
