| Library / Tipiṭaka / তিপিটক • Tipiṭaka / সারত্থদীপনী-টীকা • Sāratthadīpanī-ṭīkā |
কুসলৰারকথাৰণ্ণনা
Kusalavārakathāvaṇṇanā
৩০৩. সঙ্ঘস্স সম্মুখা পটিঞ্ঞাতে তং পটিজাননং সঙ্ঘসম্মুখতা নাম। তস্স পটিজাননচিত্তং সন্ধায ‘‘সম্মুখাৰিনযো কুসলো’’তিআদি ৰুত্তন্তি ৰদন্তি। নত্থি সম্মুখাৰিনযো অকুসলোতি ধম্মৰিনযপুগ্গলসম্মুখতাহি তিৰঙ্গিকো সম্মুখাৰিনযো এতেহি ৰিনা নত্থি। তত্থ কুসলচিত্তেহি করণকালে কুসলো, অরহন্তেহি করণকালে অব্যাকতো। এতেসং সঙ্ঘসম্মুখতাদীনং অকুসলপটিপক্খত্তা অকুসলস্স সম্ভৰো নত্থি, তস্মা ‘‘নত্থি সম্মুখাৰিনযো অকুসলো’’তি ৰুত্তং। ‘‘যেভুয্যসিকা অধম্মৰাদীহি ৰূপসমনকালে, ধম্মৰাদীনম্পি অধম্মৰাদিম্হি সলাকগ্গাহাপকে জাতে অকুসলা। সতিৰিনযো অনরহতো সঞ্চিচ্চ সতিৰিনযদানে অকুসলো। অমূল়্হৰিনযো অনুম্মত্তকস্স দানে, পটিঞ্ঞাতকরণং মূল়্হস্স অজানতো পটিঞ্ঞায করণে, তস্সপাপিযসিকা সুদ্ধস্স করণে, তিণৰত্থারকং মহাকলহে সঞ্চিচ্চ করণে চ অকুসলং। সব্বত্থ অরহতো ৰসেনেৰ অব্যাকত’’ন্তি সব্বমেতং গণ্ঠিপদেসু ৰুত্তং।
303. Saṅghassa sammukhā paṭiññāte taṃ paṭijānanaṃ saṅghasammukhatā nāma. Tassa paṭijānanacittaṃ sandhāya ‘‘sammukhāvinayo kusalo’’tiādi vuttanti vadanti. Natthi sammukhāvinayo akusaloti dhammavinayapuggalasammukhatāhi tivaṅgiko sammukhāvinayo etehi vinā natthi. Tattha kusalacittehi karaṇakāle kusalo, arahantehi karaṇakāle abyākato. Etesaṃ saṅghasammukhatādīnaṃ akusalapaṭipakkhattā akusalassa sambhavo natthi, tasmā ‘‘natthi sammukhāvinayo akusalo’’ti vuttaṃ. ‘‘Yebhuyyasikā adhammavādīhi vūpasamanakāle, dhammavādīnampi adhammavādimhi salākaggāhāpake jāte akusalā. Sativinayo anarahato sañcicca sativinayadāne akusalo. Amūḷhavinayo anummattakassa dāne, paṭiññātakaraṇaṃ mūḷhassa ajānato paṭiññāya karaṇe, tassapāpiyasikā suddhassa karaṇe, tiṇavatthārakaṃ mahākalahe sañcicca karaṇe ca akusalaṃ. Sabbattha arahato vaseneva abyākata’’nti sabbametaṃ gaṇṭhipadesu vuttaṃ.
Related texts:
তিপিটক (মূল) • Tipiṭaka (Mūla) / ৰিনযপিটক • Vinayapiṭaka / পরিৰারপাল়ি • Parivārapāḷi / ১৩. কুসলৰারো • 13. Kusalavāro
টীকা • Tīkā / ৰিনযপিটক (টীকা) • Vinayapiṭaka (ṭīkā) / ৰজিরবুদ্ধি-টীকা • Vajirabuddhi-ṭīkā / অধিকরণপরিযাযৰারাদিৰণ্ণনা • Adhikaraṇapariyāyavārādivaṇṇanā
টীকা • Tīkā / ৰিনযপিটক (টীকা) • Vinayapiṭaka (ṭīkā) / ৰিমতিৰিনোদনী-টীকা • Vimativinodanī-ṭīkā / সমথসম্মুখাৰিনযৰারাদিৰণ্ণনা • Samathasammukhāvinayavārādivaṇṇanā
