| Library / Tipiṭaka / තිපිටක • Tipiṭaka / සාරත්‌ථදීපනී-ටීකා • Sāratthadīpanī-ṭīkā |
කුසලවාරකථාවණ්‌ණනා
Kusalavārakathāvaṇṇanā
303. සඞ්‌ඝස්‌ස සම්‌මුඛා පටිඤ්‌ඤාතෙ තං පටිජානනං සඞ්‌ඝසම්‌මුඛතා නාම. තස්‌ස පටිජානනචිත්‌තං සන්‌ධාය ‘‘සම්‌මුඛාවිනයො කුසලො’’තිආදි වුත්‌තන්‌ති වදන්‌ති. නත්‌ථි සම්‌මුඛාවිනයො අකුසලොති ධම්‌මවිනයපුග්‌ගලසම්‌මුඛතාහි තිවඞ්‌ගිකො සම්‌මුඛාවිනයො එතෙහි විනා නත්‌ථි. තත්‌ථ කුසලචිත්‌තෙහි කරණකාලෙ කුසලො, අරහන්‌තෙහි කරණකාලෙ අබ්‍යාකතො. එතෙසං සඞ්‌ඝසම්‌මුඛතාදීනං අකුසලපටිපක්‌ඛත්‌තා අකුසලස්‌ස සම්‌භවො නත්‌ථි, තස්‌මා ‘‘නත්‌ථි සම්‌මුඛාවිනයො අකුසලො’’ති වුත්‌තං. ‘‘යෙභුය්‍යසිකා අධම්‌මවාදීහි වූපසමනකාලෙ, ධම්‌මවාදීනම්‌පි අධම්‌මවාදිම්‌හි සලාකග්‌ගාහාපකෙ ජාතෙ අකුසලා. සතිවිනයො අනරහතො සඤ්‌චිච්‌ච සතිවිනයදානෙ අකුසලො. අමූළ්‌හවිනයො අනුම්‌මත්‌තකස්‌ස දානෙ, පටිඤ්‌ඤාතකරණං මූළ්‌හස්‌ස අජානතො පටිඤ්‌ඤාය කරණෙ, තස්‌සපාපියසිකා සුද්‌ධස්‌ස කරණෙ, තිණවත්‌ථාරකං මහාකලහෙ සඤ්‌චිච්‌ච කරණෙ ච අකුසලං. සබ්‌බත්‌ථ අරහතො වසෙනෙව අබ්‍යාකත’’න්‌ති සබ්‌බමෙතං ගණ්‌ඨිපදෙසු වුත්‌තං.
303. Saṅghassa sammukhā paṭiññāte taṃ paṭijānanaṃ saṅghasammukhatā nāma. Tassa paṭijānanacittaṃ sandhāya ‘‘sammukhāvinayo kusalo’’tiādi vuttanti vadanti. Natthi sammukhāvinayo akusaloti dhammavinayapuggalasammukhatāhi tivaṅgiko sammukhāvinayo etehi vinā natthi. Tattha kusalacittehi karaṇakāle kusalo, arahantehi karaṇakāle abyākato. Etesaṃ saṅghasammukhatādīnaṃ akusalapaṭipakkhattā akusalassa sambhavo natthi, tasmā ‘‘natthi sammukhāvinayo akusalo’’ti vuttaṃ. ‘‘Yebhuyyasikā adhammavādīhi vūpasamanakāle, dhammavādīnampi adhammavādimhi salākaggāhāpake jāte akusalā. Sativinayo anarahato sañcicca sativinayadāne akusalo. Amūḷhavinayo anummattakassa dāne, paṭiññātakaraṇaṃ mūḷhassa ajānato paṭiññāya karaṇe, tassapāpiyasikā suddhassa karaṇe, tiṇavatthārakaṃ mahākalahe sañcicca karaṇe ca akusalaṃ. Sabbattha arahato vaseneva abyākata’’nti sabbametaṃ gaṇṭhipadesu vuttaṃ.
Related texts:
තිපිටක (මූල) • Tipiṭaka (Mūla) / විනයපිටක • Vinayapiṭaka / පරිවාරපාළි • Parivārapāḷi / 13. කුසලවාරො • 13. Kusalavāro
ටීකා • Tīkā / විනයපිටක (ටීකා) • Vinayapiṭaka (ṭīkā) / වජිරබුද්‌ධි-ටීකා • Vajirabuddhi-ṭīkā / අධිකරණපරියායවාරාදිවණ්‌ණනා • Adhikaraṇapariyāyavārādivaṇṇanā
ටීකා • Tīkā / විනයපිටක (ටීකා) • Vinayapiṭaka (ṭīkā) / විමතිවිනොදනී-ටීකා • Vimativinodanī-ṭīkā / සමථසම්‌මුඛාවිනයවාරාදිවණ්‌ණනා • Samathasammukhāvinayavārādivaṇṇanā
