| Library / Tipiṭaka / д̇ибидага • Tipiṭaka / важ̇ираб̣уд̣̇д̇хи-дийгаа • Vajirabuddhi-ṭīkā |
гусасан̇гааманавад̇т̇угат̇ааван̣н̣анаа
Kusasaṅkāmanavatthukathāvaṇṇanā
138. махаабажжарияаад̣̇ийсу яам̣ вуд̇д̇ам̣ ‘‘бад̣̇уд̣̇д̇хаарзнзва гаарзд̇аб̣б̣о’’д̇и, д̇ам̣ сувуд̇д̇ам̣. гинд̇у д̇асса баригаббаавахаарагамад̇д̇ам̣ на д̣̇иссад̇ийд̇и д̣̇ассанад̇т̇ам̣ ид̣̇ам̣ вуд̇д̇ам̣. уд̣̇д̇хаарз вааяам̣ аабанно, д̇асмаа д̣̇исваа г̇ажчанд̇о ‘‘бад̣̇уд̣̇д̇хаарзнзва гаарзд̇аб̣б̣о’’д̇и ид̣̇ам̣ д̇ад̇т̇а д̣̇увуд̇д̇анд̇и вуд̇д̇ам̣ ход̇и. гат̇ам̣? ‘‘саадагад̇т̇иго саадагабасиб̣б̣агамзва г̇ахзд̇ваа б̣ахи нигкамид̇ваа саадагабхаавам̣ н̃ад̇ваа ‘бажчаа г̇ан̣хиссаамий’д̇и звам̣ баригаббзд̇ваа г̇ан̣хад̇и, на уд̣̇д̇хаарз зваабаж̇ж̇ад̇и. яад̣̇аа б̣ахи тад̇ваа ‘саадаго аяа’нд̇и д̣̇исваа г̇ажчад̇и, д̇ад̣̇аа бад̣̇уд̣̇д̇хаарзнзва гаарзд̇аб̣б̣о’’д̇и на вуд̇д̇амзд̇ам̣, гинд̇у гин̃жааби баригаббо д̣̇иссад̇и, буб̣б̣абхааг̇з авахаарагкан̣з на д̣̇иссад̇ийд̇и на со баригаббаавахааро, аяамад̇т̇о махааадтагат̇ааяам̣ вуд̇д̇ова, д̇асмаа ‘‘н̃ааяамзваа’’д̇и вад̣̇анд̇и. гамманд̇асаалаа наама гассагаанам̣ ванажчзд̣̇агаанам̣ г̇зхаани. аяам̣ д̇ааваад̇и сажз убажаарасийманд̇иаад̣̇и яаава т̇зраваад̣̇о махааадтагат̇аанаяо, д̇ад̇т̇а гзжи банаад̇иаад̣̇и на г̇ахзд̇аб̣б̣ам̣ т̇зраваад̣̇ад̇д̇аа яуд̇д̇иабхаавад̇о, на хи саахад̇т̇игз звам̣вид̇хаа ад̇т̇асаад̇хагажзд̇анаа ход̇и. аан̣ад̇д̇игз зва ад̇т̇асаад̇хагажзд̇анаа. ‘‘сзсам̣ махаабажжарияам̣ вуд̇д̇знад̇т̇зна самзд̇ий’’д̇и вуд̇д̇ам̣.
138.Mahāpaccariyādīsu yaṃ vuttaṃ ‘‘paduddhāreneva kāretabbo’’ti, taṃ suvuttaṃ. Kintu tassa parikappāvahārakamattaṃ na dissatīti dassanatthaṃ idaṃ vuttaṃ. Uddhāre vāyaṃ āpanno, tasmā disvā gacchanto ‘‘paduddhāreneva kāretabbo’’ti idaṃ tattha duvuttanti vuttaṃ hoti. Kathaṃ? ‘‘Sāṭakatthiko sāṭakapasibbakameva gahetvā bahi nikkhamitvā sāṭakabhāvaṃ ñatvā ‘pacchā gaṇhissāmī’ti evaṃ parikappetvā gaṇhati, na uddhāre evāpajjati. Yadā bahi ṭhatvā ‘sāṭako aya’nti disvā gacchati, tadā paduddhāreneva kāretabbo’’ti na vuttametaṃ, kintu kiñcāpi parikappo dissati, pubbabhāge avahārakkhaṇe na dissatīti na so parikappāvahāro, ayamattho mahāaṭṭhakathāyaṃ vuttova, tasmā ‘‘ñāyamevā’’ti vadanti. Kammantasālā nāma kassakānaṃ vanacchedakānaṃ gehāni. Ayaṃ tāvāti sace upacārasīmantiādi yāva theravādo mahāaṭṭhakathānayo, tattha keci panātiādi na gahetabbaṃ theravādattā yuttiabhāvato, na hi sāhatthike evaṃvidhā atthasādhakacetanā hoti. Āṇattike eva atthasādhakacetanā. ‘‘Sesaṃ mahāpaccariyaṃ vuttenatthena sametī’’ti vuttaṃ.
гусасан̇гааманагаран̣з сажз баро ‘‘нааяам̣ мама санд̇аго’’д̇и ж̇аанаад̇и, ид̇арасса хад̇т̇ад̇о муд̇д̇амад̇д̇з баарааж̇игаабад̇д̇и кийласан̇гааманз вияа. ‘‘ад̇д̇ано санд̇агам̣ сажз ж̇аанаад̇и, на ход̇ий’’д̇и вад̣̇анд̇и. звам̣ санд̇з бан̃жагаани сан̇гараани хонд̇ийд̇и убабаригкид̇аб̣б̣ам̣.
Kusasaṅkāmanakaraṇe sace paro ‘‘nāyaṃ mama santako’’ti jānāti, itarassa hatthato muttamatte pārājikāpatti khīlasaṅkāmane viya. ‘‘Attano santakaṃ sace jānāti, na hotī’’ti vadanti. Evaṃ sante pañcakāni saṅkarāni hontīti upaparikkhitabbaṃ.
140. бараануд̣̇д̣̇аяад̇ааяаад̇и зд̇т̇а бараануд̣̇д̣̇аяад̇ааяа годиббад̇д̇зна бхаг̇авад̇аа гасмаа ‘‘анаабад̇д̇и бзд̇абариг̇г̇ахз д̇иражчаанаг̇ад̇абариг̇г̇ахз’’д̇и (баараа. 131) вуд̇д̇анд̇и жз? бараануд̣̇д̣̇аяад̇ааяа зва. яасса хи баригкаарасса аад̣̇аанз рааж̇аано жорам̣ г̇ахзд̇ваа на хананаад̣̇ийни гарзяяум̣, д̇асмимби наама саман̣о г̇од̇амо баарааж̇игам̣ бан̃н̃абзд̇ваа бхигкум̣ абхигкум̣ гарод̇ийд̇и махааж̇ано бхаг̇авад̇и басаад̣̇ан̃н̃ат̇ад̇д̇ам̣ аабаж̇ж̇ид̇ваа абааяубаг̇о ход̇и. абзд̇абариг̇г̇ахид̇аа ругкаад̣̇ий жа д̣̇уллабхаа, на жа саггаа н̃аад̇унд̇и ругкаад̣̇ийхи баабабхийруго убаасагаж̇ано бадимаагхаражзд̇ияаб̣од̇хигхаравихаараад̣̇ийни агад̇ваа махад̇о бун̃н̃агканд̇хад̇о барихааязяяа. ‘‘ругкамууласзнаасанам̣ бам̣сугуулажийварам̣ ниссааяа баб̣б̣аж̇ж̇аа’’д̇и (махаава. 128) вуд̇д̇аниссаяаа жа аниссаяаа хонд̇и. барабариг̇г̇ахид̇асан̃н̃ино хи бхигкуу ругкамуулабам̣сугуулаани на саад̣̇ияиссанд̇ийд̇и, баб̣б̣аж̇ж̇аа жа на самбхавзяяум̣, саббад̣̇адтагаалз чааригад̇т̇ааяа ругкам̣ аг̇г̇ахзд̇ваа маран̣ам̣ ваа ниг̇ажчзяяум̣, ажчиннажийвараад̣̇игаалз саакаабхан̇г̇аад̣̇им̣ аг̇г̇ахзд̇ваа наг̇г̇аа худ̇ваа д̇ид̇т̇ияалад̣̇д̇химзва сулад̣̇д̇хи вияа д̣̇ийбзнд̇аа вижарзяяум̣, д̇ад̇о д̇ид̇т̇иязсвзва лого басийд̣̇ид̇ваа д̣̇идтиг̇г̇ахан̣ам̣ бад̇ваа сам̣сааракаан̣уго бхавзяяа, д̇асмаа бхаг̇аваа бараануд̣̇д̣̇аяад̇ааяа зва ‘‘анаабад̇д̇и бзд̇абариг̇г̇ахз’’д̇иаад̣̇имаахаад̇и взд̣̇ид̇аб̣б̣ам̣.
140.Parānuddayatāyāti ettha parānuddayatāya koṭippattena bhagavatā kasmā ‘‘anāpatti petapariggahe tiracchānagatapariggahe’’ti (pārā. 131) vuttanti ce? Parānuddayatāya eva. Yassa hi parikkhārassa ādāne rājāno coraṃ gahetvā na hananādīni kareyyuṃ, tasmimpi nāma samaṇo gotamo pārājikaṃ paññapetvā bhikkhuṃ abhikkhuṃ karotīti mahājano bhagavati pasādaññathattaṃ āpajjitvā apāyupago hoti. Apetapariggahitā rukkhādī ca dullabhā, na ca sakkā ñātunti rukkhādīhi pāpabhīruko upāsakajano paṭimāgharacetiyabodhigharavihārādīni akatvā mahato puññakkhandhato parihāyeyya. ‘‘Rukkhamūlasenāsanaṃ paṃsukūlacīvaraṃ nissāya pabbajjā’’ti (mahāva. 128) vuttanissayā ca anissayā honti. Parapariggahitasaññino hi bhikkhū rukkhamūlapaṃsukūlāni na sādiyissantīti, pabbajjā ca na sambhaveyyuṃ, sappadaṭṭhakāle chārikatthāya rukkhaṃ aggahetvā maraṇaṃ vā nigaccheyyuṃ, acchinnacīvarādikāle sākhābhaṅgādiṃ aggahetvā naggā hutvā titthiyaladdhimeva suladdhi viya dīpentā vicareyyuṃ, tato titthiyesveva loko pasīditvā diṭṭhiggahaṇaṃ patvā saṃsārakhāṇuko bhaveyya, tasmā bhagavā parānuddayatāya eva ‘‘anāpatti petapariggahe’’tiādimāhāti veditabbaṃ.
141. абарамби бхааг̇ам̣ д̣̇зхийд̇и ‘‘г̇ахид̇ам̣ вин̃н̃ад̇д̇исад̣̇исад̇д̇аа нзва бхан̣д̣ад̣̇зяяам̣ на баарааж̇ига’’нд̇и ликид̇ам̣, ид̣̇ам̣ багад̇иж̇анз яуж̇ж̇ад̇и. ‘‘сажз бана саамиго ваа д̇зна аан̣ад̇д̇о ваа ‘абарасса сахааяабхигкусса бхааг̇ам̣ зса г̇ан̣хаад̇и яаажад̇и ваа’д̇и яам̣ абарабхааг̇ам̣ д̣̇зд̇и, д̇ам̣ бхан̣д̣ад̣̇зяяа’’нд̇и вад̣̇анд̇и.
141.Aparampibhāgaṃ dehīti ‘‘gahitaṃ viññattisadisattā neva bhaṇḍadeyyaṃ na pārājika’’nti likhitaṃ, idaṃ pakatijane yujjati. ‘‘Sace pana sāmiko vā tena āṇatto vā ‘aparassa sahāyabhikkhussa bhāgaṃ esa gaṇhāti yācati vā’ti yaṃ aparabhāgaṃ deti, taṃ bhaṇḍadeyya’’nti vadanti.
148-9. каад̣̇анд̇асса бхан̣д̣ад̣̇зяяанд̇и жорасса ваа саамигасса ваа самбад̇д̇асса д̣̇иннам̣ суд̣̇иннамзва гира. ависзсзнаад̇и ‘‘уссаахаг̇ад̇аанам̣ ваа’’д̇и авад̇ваа вуд̇д̇ам̣, на хи гад̇ибаяаанам̣ ануссаахад̇ааяа сан̇гхигамасан̇гхигам̣ ход̇и. махааадтагат̇ааяамби ‘‘яад̣̇и сауссаахаава г̇ажчанд̇и, т̇зяяажид̇д̇зна барибхун̃ж̇ад̇о авахааро ход̇ий’’д̇и вуд̇д̇ад̇д̇аа д̇ад̣̇убхаяамзгам̣. чад̣д̣ид̇авихаарз убажаарасиймааяа бамаан̣ам̣ ж̇аанид̇ум̣ на саггаа, аяам̣ бана бхигку убажаарасиймааяа б̣ахи тад̇ваа гхан̣дибахаран̣аад̣̇им̣ гад̇ваа барибхун̃ж̇ад̇и каад̣̇ад̇и, д̇зна звам̣ каад̣̇ид̇ам̣ сукаад̣̇ид̇анд̇и ад̇т̇о. ‘‘ид̇аравихаарз д̇ад̇т̇а д̣̇ид̇д̇авид̇хинаава бадибаж̇ж̇ид̇аб̣б̣а’’нд̇и вуд̇д̇ам̣. ‘‘сукаад̣̇ид̇ам̣ анд̇овихаарад̇д̇аа’’д̇и ликид̇ам̣, ааг̇ад̇аанааг̇ад̇аанам̣ санд̇агад̇д̇аад̇и ‘‘жаад̇уд̣̇д̣̇исасса сан̇гхасса д̣̇змий’’д̇и д̣̇иннад̇д̇аа вуд̇д̇ам̣. звам̣ авад̇ваа ‘‘сан̇гхасса д̣̇змий’’д̇и д̣̇иннамби д̇аад̣̇исамзва. д̇ат̇аа хи б̣ахи тид̇о лаабхам̣ на лабхад̇и бхаг̇авад̇о важанзнаад̇и взд̣̇ид̇аб̣б̣ам̣.
148-9.Khādantassa bhaṇḍadeyyanti corassa vā sāmikassa vā sampattassa dinnaṃ sudinnameva kira. Avisesenāti ‘‘ussāhagatānaṃ vā’’ti avatvā vuttaṃ, na hi katipayānaṃ anussāhatāya saṅghikamasaṅghikaṃ hoti. Mahāaṭṭhakathāyampi ‘‘yadi saussāhāva gacchanti, theyyacittena paribhuñjato avahāro hotī’’ti vuttattā tadubhayamekaṃ. Chaḍḍitavihāre upacārasīmāya pamāṇaṃ jānituṃ na sakkā, ayaṃ pana bhikkhu upacārasīmāya bahi ṭhatvā ghaṇṭipaharaṇādiṃ katvā paribhuñjati khādati, tena evaṃ khāditaṃ sukhāditanti attho. ‘‘Itaravihāre tattha dittavidhināva paṭipajjitabba’’nti vuttaṃ. ‘‘Sukhāditaṃ antovihārattā’’ti likhitaṃ, āgatānāgatānaṃ santakattāti ‘‘cātuddisassa saṅghassa demī’’ti dinnattā vuttaṃ. Evaṃ avatvā ‘‘saṅghassa demī’’ti dinnampi tādisameva. Tathā hi bahi ṭhito lābhaṃ na labhati bhagavato vacanenāti veditabbaṃ.
153. ‘‘мад̇асуугаро’’д̇и важанад̇о д̇амзва ж̇ийванд̇ам̣ бхан̣д̣ад̣̇зяяанд̇и гад̇ваа д̣̇аад̇ум̣ на лабхад̇и. важ̇жхам̣ ваддад̇ийд̇и д̣̇ийбид̇ам̣ ход̇и. мад̣̇д̣̇анд̇о г̇ажчад̇и, бхан̣д̣ад̣̇зяяанд̇и зд̇т̇а гид̇д̇агам̣ бхан̣д̣ад̣̇зяяам̣, на хи саггаа ‘‘зд̇д̇агаа суугараа мад̣̇д̣̇ид̇ваа г̇ад̇аа г̇амиссанд̇ий’’д̇и ж̇аанид̇унд̇и? яад̇д̇агз саамигаанам̣ д̣̇иннз д̇з ‘‘д̣̇иннам̣ мама бхан̣д̣а’’нд̇и д̇уссанд̇и, д̇ад̇д̇агам̣ д̣̇аад̇аб̣б̣ам̣. но жз д̇уссанд̇и, ад̇игганд̇асуугарамуулам̣ д̣̇ад̇ваа гим̣ обаад̇о кан̣ид̇ваа д̣̇аад̇аб̣б̣од̇и? на д̣̇аад̇аб̣б̣о. ат̇а гим̣ жод̣̇ияамаанасса убхиннам̣ д̇хуранигкзбзна баарааж̇игам̣ ход̇ийд̇и? на ход̇и, гзвалам̣ габбияабаригкаарам̣ д̣̇ад̇ваа д̇осзд̇аб̣б̣ова саамиго, зсзва наяо ан̃н̃зсуби зваруубзсууд̇и но д̇аггод̇и аажарияо. ‘‘д̇ад̣̇ахзва ваа д̣̇уд̇ияад̣̇ивасз ваа мад̣̇д̣̇анд̇о г̇ажчад̇ий’’д̇и вуд̇д̇ам̣. г̇умб̣з кибад̇и, бхан̣д̣ад̣̇зяяамзваад̇и авассам̣ бависанагз санд̇хааяа вуд̇д̇ам̣. зд̇т̇а згасмим̣ вихаарз баражаггаад̣̇ибхаяам̣ ааг̇ад̇ам̣. муулавад̇т̇ужчзд̣̇анд̇и ‘‘саб̣б̣асзнаасанам̣ зд̇з иссараа’’д̇и важанад̇о ид̇арз аниссараад̇и д̣̇ийбид̇ам̣ ход̇и.
153.‘‘Matasūkaro’’ti vacanato tameva jīvantaṃ bhaṇḍadeyyanti katvā dātuṃ na labhati. Vajjhaṃ vaṭṭatīti dīpitaṃ hoti. Maddanto gacchati, bhaṇḍadeyyanti ettha kittakaṃ bhaṇḍadeyyaṃ, na hi sakkā ‘‘ettakā sūkarā madditvā gatā gamissantī’’ti jānitunti? Yattake sāmikānaṃ dinne te ‘‘dinnaṃ mama bhaṇḍa’’nti tussanti, tattakaṃ dātabbaṃ. No ce tussanti, atikkantasūkaramūlaṃ datvā kiṃ opāto khaṇitvā dātabboti? Na dātabbo. Atha kiṃ codiyamānassa ubhinnaṃ dhuranikkhepena pārājikaṃ hotīti? Na hoti, kevalaṃ kappiyaparikkhāraṃ datvā tosetabbova sāmiko, eseva nayo aññesupi evarūpesūti no takkoti ācariyo. ‘‘Tadaheva vā dutiyadivase vā maddanto gacchatī’’ti vuttaṃ. Gumbe khipati, bhaṇḍadeyyamevāti avassaṃ pavisanake sandhāya vuttaṃ. Ettha ekasmiṃ vihāre paracakkādibhayaṃ āgataṃ. Mūlavatthucchedanti ‘‘sabbasenāsanaṃ ete issarā’’ti vacanato itare anissarāti dīpitaṃ hoti.
156. аараамарагкагаад̇и виссадтавасзна г̇ахзд̇аб̣б̣ам̣. ад̇хиббааяам̣ н̃ад̇ваад̇и зд̇т̇а яасса д̣̇аанам̣ бадиг̇г̇ан̣ханд̇ам̣ бхигкум̣, бхааг̇ам̣ ваа саамигаа на рагканд̇и на д̣̇ан̣д̣знд̇и, д̇асса д̣̇аанам̣ аббадижчаад̣̇зд̇ваа г̇ахзд̇ум̣ ваддад̇ийд̇и ид̇ха саннидтаанам̣. д̇амби ‘‘на ваддад̇и сан̇гхигз’’д̇и вуд̇д̇ам̣. аяамзва бхигку иссарод̇и яад̇т̇а со ижчад̇и, д̇ад̇т̇а ад̇д̇ан̃аад̇ахзд̇ум̣ лабхад̇и гира ад̇т̇о. абижа ‘‘д̣̇ахаро’’д̇и вад̣̇анд̇и. савад̇т̇уганд̇и саха бхуумияаад̇и вуд̇д̇ам̣ ход̇и. ‘‘г̇арубхан̣д̣ам̣ ход̇ий’’д̇и вад̇ваа ‘‘д̇ин̣амад̇д̇ам̣ бана на д̣̇аад̇аб̣б̣а’’нд̇и вуд̇д̇ам̣, д̇ам̣ гинд̇у г̇арубхан̣д̣анд̇и жз, арагкияааг̇обияадтаанз, винассанагабхаавз жа тид̇ам̣ санд̇хааяа вуд̇д̇ам̣. габбиязби жаад̇и вад̇ваа, авад̇ваа ваа г̇ахан̣аяуд̇д̇з маад̇аад̣̇исанд̇агзби т̇зяяажид̇д̇уббаад̣̇зна. ид̣̇ам̣ бана сигкаабад̣̇ам̣ ‘‘рааж̇аабимзсам̣ абхиббасанно’’д̇и (баараа. 86) важанад̇о лаабхаг̇г̇амахад̇д̇ам̣, взбулламахад̇д̇ан̃жа бад̇д̇агаалз бан̃н̃ад̇д̇анд̇и сид̣̇д̇хам̣.
156.Ārāmarakkhakāti vissaṭṭhavasena gahetabbaṃ. Adhippāyaṃ ñatvāti ettha yassa dānaṃ paṭiggaṇhantaṃ bhikkhuṃ, bhāgaṃ vā sāmikā na rakkhanti na daṇḍenti, tassa dānaṃ appaṭicchādetvā gahetuṃ vaṭṭatīti idha sanniṭṭhānaṃ. Tampi ‘‘na vaṭṭati saṅghike’’ti vuttaṃ. Ayameva bhikkhu issaroti yattha so icchati, tattha attañātahetuṃ labhati kira attho. Apica ‘‘daharo’’ti vadanti. Savatthukanti saha bhūmiyāti vuttaṃ hoti. ‘‘Garubhaṇḍaṃ hotī’’ti vatvā ‘‘tiṇamattaṃ pana na dātabba’’nti vuttaṃ, taṃ kintu garubhaṇḍanti ce, arakkhiyaagopiyaṭṭhāne, vinassanakabhāve ca ṭhitaṃ sandhāya vuttaṃ. Kappiyepi cāti vatvā, avatvā vā gahaṇayutte mātādisantakepi theyyacittuppādena. Idaṃ pana sikkhāpadaṃ ‘‘rājāpimesaṃ abhippasanno’’ti (pārā. 86) vacanato lābhaggamahattaṃ, vepullamahattañca pattakāle paññattanti siddhaṃ.
д̣̇уд̇ияабаарааж̇игаван̣н̣анаа нидтид̇аа.
Dutiyapārājikavaṇṇanā niṭṭhitā.
Related texts:
д̇ибидага (муула) • Tipiṭaka (Mūla) / винаяабидага • Vinayapiṭaka / махаавибхан̇г̇а • Mahāvibhaṅga / 2. д̣̇уд̇ияабаарааж̇игам̣ • 2. Dutiyapārājikaṃ
адтагат̇аа • Aṭṭhakathā / винаяабидага (адтагат̇аа) • Vinayapiṭaka (aṭṭhakathā) / махаавибхан̇г̇а-адтагат̇аа • Mahāvibhaṅga-aṭṭhakathā / 2. д̣̇уд̇ияабаарааж̇игам̣ • 2. Dutiyapārājikaṃ
дийгаа • Tīkā / винаяабидага (дийгаа) • Vinayapiṭaka (ṭīkā) / саарад̇т̇ад̣̇ийбаний-дийгаа • Sāratthadīpanī-ṭīkā / винийд̇авад̇т̇уван̣н̣анаа • Vinītavatthuvaṇṇanā
дийгаа • Tīkā / винаяабидага (дийгаа) • Vinayapiṭaka (ṭīkā) / вимад̇ивинод̣̇аний-дийгаа • Vimativinodanī-ṭīkā / гусасан̇гааманавад̇т̇угат̇ааван̣н̣анаа • Kusasaṅkāmanavatthukathāvaṇṇanā
