| Library / Tipiṭaka / д̇ибидага • Tipiṭaka / вимад̇ивинод̣̇аний-дийгаа • Vimativinodanī-ṭīkā |
гусасан̇гааманавад̇т̇угат̇ааван̣н̣анаа
Kusasaṅkāmanavatthukathāvaṇṇanā
138. б̣аласаад̇и б̣алзна. саадаго бхависсад̇и, г̇ан̣хиссаамийд̇и анааг̇ад̇аважанам̣ басиб̣б̣агаг̇г̇ахан̣ад̇о бурзд̇арам̣ самуббаннабаригаббад̣̇ассанавасзна вуд̇д̇ам̣. г̇ахан̣агкан̣з бана ‘‘саадаго жз, г̇ан̣хаамий’’д̇и басиб̣б̣агам̣ г̇ан̣хаад̇ийд̇и звамзд̇т̇а ад̇хиббааяо г̇ахзд̇аб̣б̣о, на бана б̣ахи нийхарид̇ваа саадагабхаавам̣ н̃ад̇ваа г̇ахзссаамийд̇и, д̇знааха ‘‘уд̣̇д̇хаарзязва баарааж̇ига’’нд̇и. ид̇арат̇аа ‘‘ид̣̇аани на г̇ан̣хаами, бажчаа анд̇хагаарз ж̇аад̇з виж̇аананагаалз ваа г̇ан̣хиссаами, ид̣̇аани ологзнд̇о вияа хад̇т̇аг̇ад̇ам̣ гаромий’’д̇и г̇ан̣ханд̇ассааби г̇ахан̣агкан̣з авахааро бхавзяяа, на жа д̇ам̣ яуд̇д̇ам̣ д̇ад̣̇аа г̇ахан̣з саннидтаанаабхааваа. саннидтаабагажзд̇анааяа зва хи баан̣аад̇ибаад̇аад̣̇иагусалам̣ вияа. на хи ‘‘бажчаа вад̇хиссаамий’’д̇и баан̣ам̣ г̇ан̣ханд̇асса д̇ад̣̇зва д̇асмим̣ мад̇зби баан̣аад̇ибаад̇о ход̇и вад̇хагажзд̇анааяа баяог̇асса агад̇ад̇д̇аа, звамид̇хааби ад̇т̇ан̇г̇ад̇з суурияз авахариссаамийд̇иаад̣̇инаа гаалабаригаббанавасзна таанаа жаавид̇зби д̇ад̣̇ааби авахааро на ход̇и огаасабаригаббз (баараа. адта. 1.138) вияа, д̇асмим̣ бана яат̇аабаригаббид̇адтаанз гаалз ааг̇ад̇з бхан̣д̣ам̣ бхуумияам̣ анигкибид̇вааби т̇зяяажид̇д̇зна г̇ажчад̇о бад̣̇аваарзна авахаарод̇и кааяад̇и. д̇асмаа бхан̣д̣абаригаббо огаасабаригаббо гаалабаригаббод̇и д̇ивид̇хоби баригаббо г̇ахзд̇аб̣б̣о. адтагат̇ааяам̣ бана огаасабаригаббз самод̇хаанзд̇ваа гаалабаригаббо висум̣ на вуд̇д̇од̇и амхаагам̣ канд̇и, виймам̣сид̇ваа г̇ахзд̇аб̣б̣ам̣. бад̣̇аваарзна гаарзд̇аб̣б̣од̇и бхуумияам̣ анигкибид̇ваа виймам̣сид̇ад̇д̇аа вуд̇д̇ам̣. барияудтид̇од̇и ануб̣ад̣̇д̇хо.
138.Balasāti balena. Sāṭako bhavissati, gaṇhissāmīti anāgatavacanaṃ pasibbakaggahaṇato puretaraṃ samuppannaparikappadassanavasena vuttaṃ. Gahaṇakkhaṇe pana ‘‘sāṭako ce, gaṇhāmī’’ti pasibbakaṃ gaṇhātīti evamettha adhippāyo gahetabbo, na pana bahi nīharitvā sāṭakabhāvaṃ ñatvā gahessāmīti, tenāha ‘‘uddhāreyeva pārājika’’nti. Itarathā ‘‘idāni na gaṇhāmi, pacchā andhakāre jāte vijānanakāle vā gaṇhissāmi, idāni olokento viya hatthagataṃ karomī’’ti gaṇhantassāpi gahaṇakkhaṇe avahāro bhaveyya, na ca taṃ yuttaṃ tadā gahaṇe sanniṭṭhānābhāvā. Sanniṭṭhāpakacetanāya eva hi pāṇātipātādiakusalaṃ viya. Na hi ‘‘pacchā vadhissāmī’’ti pāṇaṃ gaṇhantassa tadeva tasmiṃ matepi pāṇātipāto hoti vadhakacetanāya payogassa akatattā, evamidhāpi atthaṅgate sūriye avaharissāmītiādinā kālaparikappanavasena ṭhānā cāvitepi tadāpi avahāro na hoti okāsaparikappe (pārā. aṭṭha. 1.138) viya, tasmiṃ pana yathāparikappitaṭṭhāne kāle āgate bhaṇḍaṃ bhūmiyaṃ anikkhipitvāpi theyyacittena gacchato padavārena avahāroti khāyati. Tasmā bhaṇḍaparikappo okāsaparikappo kālaparikappoti tividhopi parikappo gahetabbo. Aṭṭhakathāyaṃ pana okāsaparikappe samodhānetvā kālaparikappo visuṃ na vuttoti amhākaṃ khanti, vīmaṃsitvā gahetabbaṃ. Padavārena kāretabboti bhūmiyaṃ anikkhipitvā vīmaṃsitattā vuttaṃ. Pariyuṭṭhitoti anubaddho.
баригаббо д̣̇иссад̇ийд̇и г̇ахан̣агкан̣з баригаббо д̣̇иссад̇и, на д̇ад̣̇аа д̇зсам̣ мад̇зна авахаарод̇и д̣̇ассзд̇и. д̣̇исваа хадад̇д̇аа баригаббаавахааро на д̣̇иссад̇ийд̇и бажчаа бана б̣ахи виймам̣сид̇ваа саадагабхаавам̣ н̃ад̇ваа д̇ад̇о бажчаа т̇зяяажид̇д̇зна хадад̇д̇аа буб̣б̣з гад̇асса баригаббасса авахаараанан̇г̇ад̇д̇аа ‘‘суд̇д̇а’’нд̇и н̃ад̇ваа харан̣з вияа т̇зяяаавахааро зва сияаа. д̇асмаа баригаббаавахааро на д̣̇иссад̇и. саадаго жз бхависсад̇ийд̇иаад̣̇игасса баригаббасса д̇ад̣̇аа авиж̇ж̇амаанад̇д̇аа гзвалам̣ авахааро зва, на баригаббаавахаарод̇и ад̇хиббааяо, д̇зна бхан̣д̣абаригаббаавахаарасса ‘‘саадаго жз бхависсад̇и, г̇ахзссаамий’’д̇и звам̣ бхан̣д̣асаннидтаанаабхаавагкан̣зязва бавад̇д̇им̣ д̣̇ассзд̇и, д̇знааха ‘‘яам̣ баригаббид̇ам̣, д̇ам̣ ад̣̇идтам̣ баригаббид̇абхаавз тид̇ам̣язва уд̣̇д̇харанд̇асса авахааро’’д̇и. яад̣̇и звам̣ гасмаа огаасабааббаавахааро бхан̣д̣ам̣ д̣̇исваа авахаранд̇асса баригаббаавахааро сияаад̇и? нааяам̣ д̣̇осо абхан̣д̣ависаяад̇д̇аа д̇асса баригаббасса, буб̣б̣зва д̣̇исваа н̃аад̇абхан̣д̣ассзва хи огаасабаригаббо вуд̇д̇о. д̇ам̣ ман̃н̃амаано д̇ам̣ авахарийд̇и ид̣̇ам̣ суд̇д̇ам̣ гин̃жааби ‘‘д̇ан̃н̃звзд̇а’’нд̇и нияамзд̇ваа г̇ан̣ханд̇асса васзна вуд̇д̇ам̣, д̇ат̇ааби ‘‘д̇ан̃жз г̇ан̣хиссаамий’’д̇и звам̣ бавад̇д̇з имасмим̣ баригаббзби ‘‘г̇ан̣хиссаамий’’д̇и г̇ахан̣з нияамасаб̣бхааваа авахаарад̇т̇асаад̇хагам̣ ход̇ийд̇и уд̣̇д̇хадам̣, д̇знзва ‘‘самзд̇ий’’д̇и вуд̇д̇ам̣.
Parikappo dissatīti gahaṇakkhaṇe parikappo dissati, na tadā tesaṃ matena avahāroti dasseti. Disvā haṭattā parikappāvahāro na dissatīti pacchā pana bahi vīmaṃsitvā sāṭakabhāvaṃ ñatvā tato pacchā theyyacittena haṭattā pubbe katassa parikappassa avahārānaṅgattā ‘‘sutta’’nti ñatvā haraṇe viya theyyāvahāro eva siyā. Tasmā parikappāvahāro na dissati. Sāṭako ce bhavissatītiādikassa parikappassa tadā avijjamānattā kevalaṃ avahāro eva, na parikappāvahāroti adhippāyo, tena bhaṇḍaparikappāvahārassa ‘‘sāṭako ce bhavissati, gahessāmī’’ti evaṃ bhaṇḍasanniṭṭhānābhāvakkhaṇeyeva pavattiṃ dasseti, tenāha ‘‘yaṃ parikappitaṃ, taṃ adiṭṭhaṃ parikappitabhāve ṭhitaṃyeva uddharantassa avahāro’’ti. Yadi evaṃ kasmā okāsapaappāvahāro bhaṇḍaṃ disvā avaharantassa parikappāvahāro siyāti? Nāyaṃ doso abhaṇḍavisayattā tassa parikappassa, pubbeva disvā ñātabhaṇḍasseva hi okāsaparikappo vutto. Taṃ maññamāno taṃ avaharīti idaṃ suttaṃ kiñcāpi ‘‘taññeveta’’nti niyametvā gaṇhantassa vasena vuttaṃ, tathāpi ‘‘tañce gaṇhissāmī’’ti evaṃ pavatte imasmiṃ parikappepi ‘‘gaṇhissāmī’’ti gahaṇe niyamasabbhāvā avahāratthasādhakaṃ hotīti uddhaṭaṃ, teneva ‘‘sametī’’ti vuttaṃ.
гзжийд̇и махааадтагат̇ааяамзва згажжз аажарияаа. махаабажжарияам̣ банаад̇иаад̣̇инааби гзживаад̣̇о г̇аараяхо, махааадтагат̇ааваад̣̇ова яуд̇д̇ад̇арод̇и д̣̇ассзд̇и.
Kecīti mahāaṭṭhakathāyameva ekacce ācariyā. Mahāpaccariyaṃ panātiādināpi kecivādo gārayho, mahāaṭṭhakathāvādova yuttataroti dasseti.
алан̇гаарабхан̣д̣анд̇и ан̇г̇улимуд̣̇д̣̇игаад̣̇и. гусам̣ баад̇зд̇ваад̇и вилийвамаяам̣ ваа д̇аалабан̣н̣аад̣̇имаяам̣ ваа гад̇асан̃н̃аан̣ам̣ баад̇зд̇ваа. барагодтаасад̇о гусз уд̣̇д̇хадзби на д̇аава гусасса баривад̇д̇анам̣ ж̇аад̇анд̇и вуд̇д̇ам̣ ‘‘уд̣̇д̇хаарз рагкад̇ий’’д̇и. хад̇т̇ад̇о муд̇д̇амад̇д̇з баарааж̇иганд̇и иминаа таанаажааванам̣ д̇хуранигкзбан̃жа винаа гусасан̇гааманам̣ наама висум̣ згояам̣ авахаарод̇и д̣̇ассзд̇и. саб̣б̣зби хи авахаараа саахад̇т̇игаан̣ад̇д̇игаад̇хиббааяаяог̇зхи нибпаад̣̇ияамаанаа ад̇т̇ад̇о таанаажааванад̇хуранигкзбагусасан̇гааманзсу д̇ийсу самосаранд̇ийд̇и д̣̇адтаб̣б̣ам̣. ид̇аро д̇асса бхааг̇ам̣ уд̣̇д̇харад̇и, уд̣̇д̇хаарз баарааж̇иганд̇и буримасса ад̇д̇ано годтаасз аалаяасса авиг̇ад̇ад̇д̇аа вуд̇д̇ам̣, аалаяз бана саб̣б̣ат̇аа асад̇и авахааро на ход̇и, д̇знааха ‘‘вижинид̇аавасзсам̣ г̇ан̣ханд̇ассааби авахааро над̇т̇зваа’’д̇и.
Alaṅkārabhaṇḍanti aṅgulimuddikādi. Kusaṃ pātetvāti vilīvamayaṃ vā tālapaṇṇādimayaṃ vā katasaññāṇaṃ pātetvā. Parakoṭṭhāsato kuse uddhaṭepi na tāva kusassa parivattanaṃ jātanti vuttaṃ ‘‘uddhāre rakkhatī’’ti. Hatthato muttamatte pārājikanti iminā ṭhānācāvanaṃ dhuranikkhepañca vinā kusasaṅkāmanaṃ nāma visuṃ ekoyaṃ avahāroti dasseti. Sabbepi hi avahārā sāhatthikāṇattikādhippāyayogehi nipphādiyamānā atthato ṭhānācāvanadhuranikkhepakusasaṅkāmanesu tīsu samosarantīti daṭṭhabbaṃ. Itaro tassa bhāgaṃ uddharati, uddhāre pārājikanti purimassa attano koṭṭhāse ālayassa avigatattā vuttaṃ, ālaye pana sabbathā asati avahāro na hoti, tenāha ‘‘vicinitāvasesaṃ gaṇhantassāpi avahāro natthevā’’ti.
нааяам̣ мамаад̇и ж̇аананд̇обийд̇и зд̇т̇а би-сад̣̇д̣̇зна д̇ад̇т̇а взмад̇игоби худ̇ваа т̇зяяажид̇д̇зна г̇ан̣ханд̇оби сан̇г̇аяхад̇и. сивзяяаганд̇и сивирадтз ж̇аад̇ам̣.
Nāyaṃ mamāti jānantopīti ettha pi-saddena tattha vematikopi hutvā theyyacittena gaṇhantopi saṅgayhati. Siveyyakanti siviraṭṭhe jātaṃ.
140-1. габбияам̣ гаараабзд̇ваад̇и бажаабзд̇ваа. д̇асмим̣ баажид̇д̇ияанд̇и ад̣̇иннаад̣̇аанабхаавзна сахабаяог̇ассааби абхааваа д̣̇уггадам̣ на вуд̇д̇анд̇и взд̣̇ид̇аб̣б̣ам̣. аан̣ад̇д̇зхийд̇и саммад̇зна аан̣ад̇д̇зхи. аан̣ад̇д̇знаад̇и саамигзхи аан̣ад̇д̇зна. бхан̣д̣ад̣̇зяяанд̇и саммад̇аад̣̇ийхи д̣̇иннад̇д̇аа на барааж̇игам̣ ж̇аад̇ам̣, асанд̇ам̣ буг̇г̇алам̣ вад̇ваа г̇ахид̇ад̇д̇аа бана бхан̣д̣ад̣̇зяяам̣ вуд̇д̇ам̣. ан̃н̃зна д̣̇ияяамаананд̇и саммад̇аад̣̇ийхи жад̇уухи ан̃н̃зна д̣̇ияяамаанам̣. г̇ан̣ханд̇од̇и ‘‘абарасса бхааг̇ам̣ д̣̇зхий’’д̇и вад̇ваа г̇ан̣ханд̇о. абарассаад̇и асанд̇ам̣ буг̇г̇алам̣ ад̣̇ассзд̇ваа бана ‘‘абарам̣ бхааг̇ам̣ д̣̇зхий’’д̇и ваа гуудавассаани г̇ан̣зд̇ваа ваа г̇ан̣хад̇о г̇ихисанд̇агз сааминаа жа ‘‘имасса д̣̇зхий’’д̇и звам̣ аан̣ад̇д̇зна жа д̣̇иннз бхан̣д̣ад̣̇зяяамби на ход̇и, сан̇гхасанд̇агз бана ход̇ийд̇и имам̣ висзсам̣ д̣̇ассзд̇ум̣ асаммад̇зна ваа анаан̣ад̇д̇зна ваад̇иаад̣̇и буна вуд̇д̇ам̣. ид̇арзхи д̣̇ияяамаананд̇и саммад̇зна аан̣ад̇д̇зна ваа д̣̇ияяамаанам̣. звам̣ г̇ан̣хад̇од̇и ‘‘абарамби бхааг̇ам̣ д̣̇зхий’’д̇и вад̇ваа гуудавассаани г̇ан̣зд̇ваа ваа г̇ан̣хад̇о. саамигзна банаад̇и зд̇т̇а бана-сад̣̇д̣̇о висзсад̇т̇аж̇од̇аго, д̇зна ‘‘абарамби бхааг̇ам̣ д̣̇зхий’’д̇и ваа гуудавассаани г̇ан̣зд̇ваа ваа г̇ан̣ханд̇з саамигзна саяам̣ д̣̇знд̇з ваа д̣̇аабзнд̇з ваа висзсо ад̇т̇ийд̇и вуд̇д̇ам̣ ход̇и. суд̣̇иннанд̇и бхан̣д̣ад̣̇зяяам̣ на ход̇ийд̇и ад̇хиббааяо. хздтаа бана саамигзна д̇зна аан̣ад̇д̇зна ваа д̣̇ияяамаанам̣ г̇ихисанд̇агам̣ ‘‘абарасса бхааг̇ам̣ д̣̇зхий’’д̇и вад̇ваа г̇ан̣хад̇о абарасса абхаавад̇о саамисанд̇агамзва ход̇ийд̇и бхан̣д̣ад̣̇зяяам̣ ж̇аад̇ам̣, ид̇ха бана д̇зхиязва д̣̇ияяамаанам̣ ‘‘абарамби бхааг̇ам̣ д̣̇зхий’’д̇и вад̇ваа ваа гуудавассаани г̇ан̣зд̇ваа ваа г̇ан̣хад̇о ‘‘д̣̇зхий’’д̇и вуд̇д̇ад̇д̇аа ан̃н̃аад̇агавин̃н̃ад̇д̇имад̇д̇ам̣ табзд̇ваа бхан̣д̣ад̣̇зяяам̣ на ход̇ийд̇и суд̣̇иннамзваад̇и вуд̇д̇ам̣. ассаамигзна бана аан̣ад̇д̇зна д̣̇иннам̣ бхан̣д̣ам̣ г̇ан̣хад̇о бхан̣д̣ад̣̇зяяамзваад̇и вад̣̇анд̇и, бад̇д̇ажад̇уггз вияа авахаарад̇аавзд̇т̇а яуд̇д̇аа, сан̇гхасанд̇агз бана ‘‘д̣̇зхий’’д̇и вуд̇д̇зби саамигасса гассажи абхааваа саммад̇зна д̣̇иннзби бхан̣д̣ад̣̇зяяам̣ вуд̇д̇анд̇и г̇ахзд̇аб̣б̣ам̣.
140-1.Kappiyaṃ kārāpetvāti pacāpetvā. Tasmiṃ pācittiyanti adinnādānabhāvena sahapayogassāpi abhāvā dukkaṭaṃ na vuttanti veditabbaṃ. Āṇattehīti sammatena āṇattehi. Āṇattenāti sāmikehi āṇattena. Bhaṇḍadeyyanti sammatādīhi dinnattā na parājikaṃ jātaṃ, asantaṃ puggalaṃ vatvā gahitattā pana bhaṇḍadeyyaṃ vuttaṃ. Aññena diyyamānanti sammatādīhi catūhi aññena diyyamānaṃ. Gaṇhantoti ‘‘aparassa bhāgaṃ dehī’’ti vatvā gaṇhanto. Aparassāti asantaṃ puggalaṃ adassetvā pana ‘‘aparaṃ bhāgaṃ dehī’’ti vā kūṭavassāni gaṇetvā vā gaṇhato gihisantake sāminā ca ‘‘imassa dehī’’ti evaṃ āṇattena ca dinne bhaṇḍadeyyampi na hoti, saṅghasantake pana hotīti imaṃ visesaṃ dassetuṃ asammatena vā anāṇattena vātiādi puna vuttaṃ. Itarehi diyyamānanti sammatena āṇattena vā diyyamānaṃ. Evaṃ gaṇhatoti ‘‘aparampi bhāgaṃ dehī’’ti vatvā kūṭavassāni gaṇetvā vā gaṇhato. Sāmikena panāti ettha pana-saddo visesatthajotako, tena ‘‘aparampi bhāgaṃ dehī’’ti vā kūṭavassāni gaṇetvā vā gaṇhante sāmikena sayaṃ dente vā dāpente vā viseso atthīti vuttaṃ hoti. Sudinnanti bhaṇḍadeyyaṃ na hotīti adhippāyo. Heṭṭhā pana sāmikena tena āṇattena vā diyyamānaṃ gihisantakaṃ ‘‘aparassa bhāgaṃ dehī’’ti vatvā gaṇhato aparassa abhāvato sāmisantakameva hotīti bhaṇḍadeyyaṃ jātaṃ, idha pana tehiyeva diyyamānaṃ ‘‘aparampi bhāgaṃ dehī’’ti vatvā vā kūṭavassāni gaṇetvā vā gaṇhato ‘‘dehī’’ti vuttattā aññātakaviññattimattaṃ ṭhapetvā bhaṇḍadeyyaṃ na hotīti sudinnamevāti vuttaṃ. Assāmikena pana āṇattena dinnaṃ bhaṇḍaṃ gaṇhato bhaṇḍadeyyamevāti vadanti, pattacatukke viya avahāratāvettha yuttā, saṅghasantake pana ‘‘dehī’’ti vuttepi sāmikassa kassaci abhāvā sammatena dinnepi bhaṇḍadeyyaṃ vuttanti gahetabbaṃ.
146-9. аахараабзнд̇зсу бхан̣д̣ад̣̇зяяанд̇и ‘‘г̇ахид̇з ад̇д̇амано ход̇ий’’д̇и важанад̇о анад̇д̇аманасса санд̇агам̣ г̇ахид̇амби буна д̣̇аад̇аб̣б̣амзваад̇и вуд̇д̇ам̣. ‘‘саммукийбхууд̇зхи бхааж̇зд̇аб̣б̣а’’нд̇и важанад̇о бхааж̇анийяабхан̣д̣ам̣ убажаарасиймадтаанамзва баабун̣аад̇ийд̇и ааха ‘‘анд̇оубажаарасиймааяам̣ тид̇ассзва г̇ахзд̇ум̣ ваддад̇ий’’д̇и. бхан̣д̣ад̣̇зяяанд̇и убхиннам̣ саалаяабхаавзби жорасса ад̣̇ад̇ваа саамигассзва д̣̇аад̇аб̣б̣ам̣ жорзнааби саамигассзва д̣̇аад̇аб̣б̣ад̇о. зсзва наяод̇и бам̣сугууласан̃н̃ааяа г̇ахид̇з бхан̣д̣ад̣̇зяяам̣, т̇зяяажид̇д̇зна баарааж̇иганд̇и ад̇т̇о.
146-9.Āharāpentesu bhaṇḍadeyyanti ‘‘gahite attamano hotī’’ti vacanato anattamanassa santakaṃ gahitampi puna dātabbamevāti vuttaṃ. ‘‘Sammukhībhūtehi bhājetabba’’nti vacanato bhājanīyabhaṇḍaṃ upacārasīmaṭṭhānameva pāpuṇātīti āha ‘‘antoupacārasīmāyaṃ ṭhitasseva gahetuṃ vaṭṭatī’’ti. Bhaṇḍadeyyanti ubhinnaṃ sālayabhāvepi corassa adatvā sāmikasseva dātabbaṃ corenāpi sāmikasseva dātabbato. Eseva nayoti paṃsukūlasaññāya gahite bhaṇḍadeyyaṃ, theyyacittena pārājikanti attho.
вудтаханд̇зсууд̇и г̇аамам̣ чад̣д̣зд̇ваа балааяанд̇зсу. ависзсзнаад̇и сауссаахад̇аад̣̇ивисзсам̣ абараамасид̇ваа сааман̃н̃ад̇о. сауссаахамад̇д̇амзва аабад̇д̇ибхаавасса бамаан̣ам̣ саамигаанам̣ барижчиннабхаавад̇о. д̇ад̇од̇и г̇ан̣асанд̇агаад̣̇ид̇о. гуласан̇г̇ахан̣ад̇т̇ааяа д̣̇зд̇ийд̇и бам̣сугуулависсаасигаад̣̇исан̃н̃ааяа г̇ахзд̇ваа д̣̇зд̇и, д̇ад̣̇аа гуласан̇г̇ахабажжаяаа жа д̣̇уггадам̣ бхан̣д̣ад̣̇зяяан̃жа, т̇зяяажид̇д̇з бана сад̇и гуласан̇г̇ахан̣ад̇т̇ааяа г̇ан̣хад̇оби баарааж̇игамзва. уунабан̃жамаасагаад̣̇ийсу гулад̣̇уусагад̣̇уггадзна сад̣̇д̇хим̣ т̇уллажжаяад̣̇уггадаани. сзнаасанад̇т̇ааяа нияамид̇анд̇и ид̣̇ам̣ иссаравад̇ааяа д̣̇ад̣̇ад̇о т̇уллажжаяад̣̇ассанад̇т̇ам̣ вуд̇д̇ам̣. ид̇арабажжаяад̇т̇ааяа д̣̇иннамби ат̇зяяажид̇д̇зна иссаравад̇ааяа гуласан̇г̇ахан̣ад̇т̇ааяа ваа н̃аад̇агаад̣̇ийнам̣ ваа д̣̇ад̣̇ад̇о д̣̇уггадам̣ бхан̣д̣ад̣̇зяяан̃жа ход̇зва. иссаравад̇ааяаад̇и ‘‘маяи д̣̇знд̇з го ниваарзссад̇и, ахамзвзд̇т̇а бамаан̣а’’нд̇и звам̣ ад̇д̇ано иссарияабхаавзна. т̇уллажжаяанд̇и гуласан̇г̇ахан̣ад̇т̇ааяа ваа ан̃н̃ат̇аа ваа гааран̣зна д̣̇ад̣̇ад̇о сзнаасанад̇т̇ааяа нияамид̇асса г̇арубхан̣д̣ад̇ааяа т̇уллажжаяам̣ бхан̣д̣ад̣̇зяяан̃жа. г̇ийваад̇и зд̇т̇а сзнаасанад̇т̇ааяа нияамид̇з т̇уллажжаязна сад̣̇д̇хим̣ г̇ийваа, ид̇арасмим̣ д̣̇уггадзна сад̣̇д̇хинд̇и взд̣̇ид̇аб̣б̣ам̣. сукаад̣̇ид̇амзваад̇и анд̇оубажаарасиймааяам̣ тад̇ваа бхааж̇зд̇ваа ад̇д̇ано санд̇агам̣ гад̇ваа каад̣̇ид̇ад̇д̇аа вуд̇д̇ам̣. сан̇гхиган̃хи вихаарабадиб̣ад̣̇д̇хам̣ взбхан̇г̇ияам̣ б̣ахиубажаарасиймадтам̣ бхан̣д̣ам̣ анд̇оубажаарадтзхи бхигкуухи зва бхааж̇зд̇аб̣б̣ам̣, на б̣ахи тид̇зхи убажаарасиймааяа бхааж̇зд̇аб̣б̣анд̇и.
Vuṭṭhahantesūti gāmaṃ chaḍḍetvā palāyantesu. Avisesenāti saussāhatādivisesaṃ aparāmasitvā sāmaññato. Saussāhamattameva āpattibhāvassa pamāṇaṃ sāmikānaṃ paricchinnabhāvato. Tatoti gaṇasantakādito. Kulasaṅgahaṇatthāya detīti paṃsukūlavissāsikādisaññāya gahetvā deti, tadā kulasaṅgahapaccayā ca dukkaṭaṃ bhaṇḍadeyyañca, theyyacitte pana sati kulasaṅgahaṇatthāya gaṇhatopi pārājikameva. Ūnapañcamāsakādīsu kuladūsakadukkaṭena saddhiṃ thullaccayadukkaṭāni. Senāsanatthāya niyamitanti idaṃ issaravatāya dadato thullaccayadassanatthaṃ vuttaṃ. Itarapaccayatthāya dinnampi atheyyacittena issaravatāya kulasaṅgahaṇatthāya vā ñātakādīnaṃ vā dadato dukkaṭaṃ bhaṇḍadeyyañca hoteva. Issaravatāyāti ‘‘mayi dente ko nivāressati, ahamevettha pamāṇa’’nti evaṃ attano issariyabhāvena. Thullaccayanti kulasaṅgahaṇatthāya vā aññathā vā kāraṇena dadato senāsanatthāya niyamitassa garubhaṇḍatāya thullaccayaṃ bhaṇḍadeyyañca. Gīvāti ettha senāsanatthāya niyamite thullaccayena saddhiṃ gīvā, itarasmiṃ dukkaṭena saddhinti veditabbaṃ. Sukhāditamevāti antoupacārasīmāyaṃ ṭhatvā bhājetvā attano santakaṃ katvā khāditattā vuttaṃ. Saṅghikañhi vihārapaṭibaddhaṃ vebhaṅgiyaṃ bahiupacārasīmaṭṭhaṃ bhaṇḍaṃ antoupacāraṭṭhehi bhikkhūhi eva bhājetabbaṃ, na bahi ṭhitehi upacārasīmāya bhājetabbanti.
150. ‘‘вуд̇д̇о важ̇ж̇змий’’д̇и вуд̇д̇абхигкусмим̣ ‘‘вуд̇д̇о важ̇ж̇зхий’’д̇и вуд̇д̇асса бажчаа уббаж̇ж̇анагабаарааж̇игаад̣̇ид̣̇осааробанад̇о, г̇ахадтаанам̣ ваа ‘‘бхад̣̇анд̇аа абарижчзд̣̇ам̣ гад̇ваа вад̣̇анд̇ий’’д̇и звам̣ д̣̇осааробанад̇о.
150. ‘‘Vutto vajjemī’’ti vuttabhikkhusmiṃ ‘‘vutto vajjehī’’ti vuttassa pacchā uppajjanakapārājikādidosāropanato, gahaṭṭhānaṃ vā ‘‘bhadantā aparicchedaṃ katvā vadantī’’ti evaṃ dosāropanato.
153-5. чаад̇аж̇жхад̇д̇анд̇и д̇зна чаад̇зна ж̇игхажчааяа уд̣̇араг̇г̇инаа жхад̇д̇ам̣, д̣̇ад̣дхам̣ бийл̣ид̇анд̇и ад̇т̇о. д̇хануганд̇и куд̣̇д̣̇агад̇ханусан̣таанам̣ лаг̇г̇анагад̣̇ан̣д̣ам̣. мад̣̇д̣̇анд̇о г̇ажчад̇и, бхан̣д̣ад̣̇зяяанд̇и зд̇т̇а згасуугараг̇гханагабхан̣д̣ам̣ д̣̇аад̇аб̣б̣ам̣ згасмим̣ б̣анд̇хз ан̃н̃зсам̣ д̇ад̇т̇а аб̣аж̇жханад̇о. ад̣̇уухаланд̇и яанд̇абаасаан̣о, язна аж̇жход̇т̇адад̇д̇аа миг̇аа балааяид̇ум̣ на саггонд̇и. бажчаа г̇ажчад̇ийд̇и д̇зна гад̇абаяог̇зна аг̇анд̇ваа бажчаа саяамзва г̇ажчад̇и, хздтаа вуд̇д̇зсуби ийд̣̇исзсу таанзсу зсзва наяо. рагкам̣ яаажид̇ваад̇и рааж̇абурисаанам̣ санд̇игам̣ г̇анд̇ваа ануд̣̇д̣̇исса рагкам̣ яаажид̇ваа. гумийнамуканд̇и гумийнасса анд̇о мажчаанам̣ бависанамукам̣.
153-5.Chātajjhattanti tena chātena jighacchāya udaragginā jhattaṃ, daḍḍhaṃ pīḷitanti attho. Dhanukanti khuddakadhanusaṇṭhānaṃ lagganakadaṇḍaṃ. Maddanto gacchati, bhaṇḍadeyyanti ettha ekasūkaragghanakabhaṇḍaṃ dātabbaṃ ekasmiṃ bandhe aññesaṃ tattha abajjhanato. Adūhalanti yantapāsāṇo, yena ajjhotthaṭattā migā palāyituṃ na sakkonti. Pacchā gacchatīti tena katapayogena agantvā pacchā sayameva gacchati, heṭṭhā vuttesupi īdisesu ṭhānesu eseva nayo. Rakkhaṃ yācitvāti rājapurisānaṃ santikaṃ gantvā anuddissa rakkhaṃ yācitvā. Kumīnamukhanti kumīnassa anto macchānaṃ pavisanamukhaṃ.
156. т̇зраананд̇и ааг̇анд̇угад̇т̇зраанам̣. д̇зсамбийд̇и ааваасигабхигкуунамби. барибхог̇ад̇т̇ааяаад̇и сан̇гхигз гад̇д̇аб̣б̣авид̇хим̣ гад̇ваа барибхун̃ж̇анад̇т̇ааяа. г̇ахан̣зд̇и баатасзсо д̣̇адтаб̣б̣о. яад̇т̇аад̇и яасмим̣ ааваасз. ан̃н̃зсанд̇и ан̃н̃зсам̣ ааг̇анд̇угаанам̣. д̇зсуби ааг̇анд̇угаа аниссараад̇и сзнаасанз ниранд̇арам̣ васанд̇аанам̣ жийварад̇т̇ааяа д̣̇ааяагзхи бхигкуухи ваа нияамзд̇ваа д̣̇иннад̇д̇аа бхааж̇зд̇ваа каад̣̇ид̇ум̣ аниссараа, ааг̇анд̇угзхиби ижчанд̇зхи д̇асмим̣ вихаарз вассаанаад̣̇ийсу бависид̇ваа жийварад̇т̇ааяа г̇ахзд̇аб̣б̣ам̣. д̇зсам̣ гад̇игааяа таад̇аб̣б̣анд̇и саб̣б̣аани палаапалаани абхааж̇зд̇ваа ‘‘зд̇д̇агзсу ругкзсу палаани бхааж̇зд̇ваа барибхун̃ж̇иссаама, ан̃н̃зсу палаапалзхи сзнаасанаани бадиж̇аг̇г̇иссаамаа’’д̇и ваа, ‘‘бин̣д̣абаад̇аад̣̇ибажжаяам̣ самбаад̣̇зссаамаа’’д̇и ваа, ‘‘гин̃жиби абхааж̇зд̇ваа жад̇убажжаяад̇т̇ааязва убанзмаа’’д̇и ваа звам̣ саммаа убанзнд̇аанам̣ ааваасигаанам̣ гад̇игааяа ааг̇анд̇угзхи таад̇аб̣б̣ам̣. махааадтагат̇ааяам̣ ‘‘аниссараа’’д̇и важанзна д̣̇ийбид̇о зва ад̇т̇о, махаабажжарияам̣ жад̇уннам̣ бажжаяаананд̇иаад̣̇инаа вид̇т̇аарзд̇ваа д̣̇ассид̇о. барибхог̇авасзнзваад̇и зд̇т̇а зва-сад̣̇д̣̇о адтаанаббаяуд̇д̇о, барибхог̇авасзна д̇амзва бхааж̇зд̇ваад̇и яож̇зд̇аб̣б̣ам̣. зд̇т̇аад̇и зд̇асмим̣ вихаарз, радтз ваа.
156.Therānanti āgantukattherānaṃ. Tesampīti āvāsikabhikkhūnampi. Paribhogatthāyāti saṅghike kattabbavidhiṃ katvā paribhuñjanatthāya. Gahaṇeti pāṭhaseso daṭṭhabbo. Yatthāti yasmiṃ āvāse. Aññesanti aññesaṃ āgantukānaṃ. Tesupi āgantukā anissarāti senāsane nirantaraṃ vasantānaṃ cīvaratthāya dāyakehi bhikkhūhi vā niyametvā dinnattā bhājetvā khādituṃ anissarā, āgantukehipi icchantehi tasmiṃ vihāre vassānādīsu pavisitvā cīvaratthāya gahetabbaṃ. Tesaṃ katikāya ṭhātabbanti sabbāni phalāphalāni abhājetvā ‘‘ettakesu rukkhesu phalāni bhājetvā paribhuñjissāma, aññesu phalāphalehi senāsanāni paṭijaggissāmā’’ti vā, ‘‘piṇḍapātādipaccayaṃ sampādessāmā’’ti vā, ‘‘kiñcipi abhājetvā catupaccayatthāyeva upanemā’’ti vā evaṃ sammā upanentānaṃ āvāsikānaṃ katikāya āgantukehi ṭhātabbaṃ. Mahāaṭṭhakathāyaṃ ‘‘anissarā’’ti vacanena dīpito eva attho, mahāpaccariyaṃ catunnaṃ paccayānantiādinā vitthāretvā dassito. Paribhogavasenevāti ettha eva-saddo aṭṭhānappayutto, paribhogavasena tameva bhājetvāti yojetabbaṃ. Etthāti etasmiṃ vihāre, raṭṭhe vā.
сзнаасанабажжаяанд̇и сзнаасанан̃жа д̇ад̣̇ад̇т̇ааяа нияамзд̇ваа табид̇ан̃жа. згам̣ ваа д̣̇вз ваа варасзнаасанаани табзд̇ваад̇и вуд̇д̇амзвад̇т̇ам̣ буна б̣яад̇ирзгамукзна д̣̇ассзд̇ум̣ ‘‘муулавад̇т̇ужчзд̣̇ам̣ бана гад̇ваа на убанзд̇аб̣б̣а’’нд̇и вуд̇д̇ам̣, сзнаасанасан̇каад̇авад̇т̇уно муулажчзд̣̇ам̣ гад̇ваа саб̣б̣аани сзнаасанаани на виссаж̇ж̇зд̇аб̣б̣аанийд̇и ад̇т̇о. гзжи банзд̇т̇а ‘‘згам̣ ваа д̣̇вз ваа варасзнаасанаани табзд̇ваа лаамагад̇о бадтааяа виссаж̇ж̇знд̇зхиби сзнаасанабхуумияо на виссаж̇ж̇зд̇аб̣б̣аад̇и аяамад̇т̇о вуд̇д̇о’’д̇и вад̣̇анд̇и, д̇амби яуд̇д̇амзва имассааби ад̇т̇асса авассам̣ вад̇д̇аб̣б̣ад̇о, ид̇арат̇аа гзжи саха вад̇т̇унааби виссаж̇ж̇зд̇аб̣б̣ам̣ ман̃н̃зяяум̣.
Senāsanapaccayanti senāsanañca tadatthāya niyametvā ṭhapitañca. Ekaṃ vā dve vā varasenāsanāni ṭhapetvāti vuttamevatthaṃ puna byatirekamukhena dassetuṃ ‘‘mūlavatthucchedaṃ pana katvā na upanetabba’’nti vuttaṃ, senāsanasaṅkhātavatthuno mūlacchedaṃ katvā sabbāni senāsanāni na vissajjetabbānīti attho. Keci panettha ‘‘ekaṃ vā dve vā varasenāsanāni ṭhapetvā lāmakato paṭṭhāya vissajjentehipi senāsanabhūmiyo na vissajjetabbāti ayamattho vutto’’ti vadanti, tampi yuttameva imassāpi atthassa avassaṃ vattabbato, itarathā keci saha vatthunāpi vissajjetabbaṃ maññeyyuṃ.
бан̣н̣ам̣ ааробзд̇ваад̇и ‘‘зд̇д̇агз ругкз рагкид̇ваа д̇ад̇о зд̇д̇агам̣ г̇ахзд̇аб̣б̣а’’нд̇и бан̣н̣ам̣ ааробзд̇ваа. нимид̇д̇асан̃н̃ам̣ гад̇ваад̇и сан̇гзд̇ам̣ гад̇ваа. д̣̇аарагаад̇и д̇зсам̣ буд̇д̇анад̇д̇аад̣̇аяо яз гзжи г̇обзнд̇и, д̇з саб̣б̣зби ид̇ха ‘‘д̣̇аарагаа’’д̇и вуд̇д̇аа. д̇ад̇од̇и яат̇аавуд̇д̇ад̣̇аарусамбхаарад̇о. аабужчид̇ваад̇и гаарагасан̇гхам̣ аабужчид̇ваа. д̇ам̣ саб̣б̣амби аахарид̇ваад̇и анаабужчид̇вааби д̇аавагаалигам̣ аахарид̇ваа. аяамзва бхигку иссарод̇иаад̣̇ид̇о бадтааяа ад̇д̇ано санд̇агзхи д̣̇аарусамбхаараад̣̇ийхи жа гаараабид̇ад̇д̇аа бадиж̇аг̇г̇ид̇ад̇д̇аа жа сан̇гхигасзнаасанз бхааг̇ид̇ааяа жа аяамзва иссаро, на жа со д̇ад̇о вудтаабзд̇аб̣б̣од̇и вуд̇д̇ам̣ ход̇и. уд̣̇агабууж̇анд̇и жзд̇ияан̇г̇ан̣з син̃жанаад̣̇ибууж̇ам̣. вад̇д̇асийсзнаад̇и гзвалам̣ сад̣̇д̇хааяа, на взд̇анаад̣̇иад̇т̇ааяа. савад̇т̇уганд̇и саха бхуумияаа. гудданд̇и г̇зхабхид̇д̇им̣. баагааранд̇и баригкзбабаагаарам̣. д̇ад̇од̇и чад̣д̣ид̇авихаарад̇о. д̇ад̇о аахарид̇ваа сзнаасанам̣ гад̇ам̣ ход̇ийд̇и сааманд̇аг̇аамаваасийхи бхигкуухи чад̣д̣ид̇авихаарад̇о д̣̇аарусамбхаараад̣̇им̣ аахарид̇ваа сзнаасанам̣ гад̇ам̣ ход̇и.
Paṇṇaṃ āropetvāti ‘‘ettake rukkhe rakkhitvā tato ettakaṃ gahetabba’’nti paṇṇaṃ āropetvā. Nimittasaññaṃ katvāti saṅketaṃ katvā. Dārakāti tesaṃ puttanattādayo ye keci gopenti, te sabbepi idha ‘‘dārakā’’ti vuttā. Tatoti yathāvuttadārusambhārato. Āpucchitvāti kārakasaṅghaṃ āpucchitvā. Taṃ sabbampi āharitvāti anāpucchitvāpi tāvakālikaṃ āharitvā. Ayameva bhikkhu issarotiādito paṭṭhāya attano santakehi dārusambhārādīhi ca kārāpitattā paṭijaggitattā ca saṅghikasenāsane bhāgitāya ca ayameva issaro, na ca so tato vuṭṭhāpetabboti vuttaṃ hoti. Udakapūjanti cetiyaṅgaṇe siñcanādipūjaṃ. Vattasīsenāti kevalaṃ saddhāya, na vetanādiatthāya. Savatthukanti saha bhūmiyā. Kuṭṭanti gehabhittiṃ. Pākāranti parikkhepapākāraṃ. Tatoti chaḍḍitavihārato. Tato āharitvā senāsanaṃ kataṃ hotīti sāmantagāmavāsīhi bhikkhūhi chaḍḍitavihārato dārusambhārādiṃ āharitvā senāsanaṃ kataṃ hoti.
157. ‘‘буг̇г̇алигабарибхог̇зна барибхун̃ж̇ад̇ий’’д̇и вуд̇д̇амад̇т̇ам̣язва баагадам̣ гаад̇ум̣ ‘‘ааг̇ад̇ааг̇ад̇аанам̣ вуд̣дхад̇араанам̣ на д̣̇зд̇ий’’д̇и вуд̇д̇ам̣. жад̇убхааг̇ауд̣̇агасамбхиннзд̇и жад̇уд̇т̇абхааг̇зна самбхиннз. баал̣ияам̣ ‘‘анаабад̇д̇и, бхигкавз, баарааж̇игассаа’’д̇и (баараа. 157) саамигзхи т̇уллананд̣̇ам̣ уд̣̇д̣̇исса зд̇иссаа хад̇т̇з д̣̇иннад̇д̇аа, ат̇зяяажид̇д̇зна барибхун̃ж̇ид̇ад̇д̇аа жа вуд̇д̇ам̣. т̇зяяажид̇д̇зна барибхуд̇д̇зби жассаа бхан̣д̣ад̣̇зяяамзва убанигкид̇д̇абхан̣д̣адтаанияад̇д̇аа. од̣̇анабхааж̇анийяавад̇т̇усминд̇и ‘‘абарасса бхааг̇ам̣ д̣̇зхий’’д̇и ааг̇ад̇авад̇т̇усмим̣ (баараа. 141).
157. ‘‘Puggalikaparibhogena paribhuñjatī’’ti vuttamatthaṃyeva pākaṭaṃ kātuṃ ‘‘āgatāgatānaṃ vuḍḍhatarānaṃ na detī’’ti vuttaṃ. Catubhāgaudakasambhinneti catutthabhāgena sambhinne. Pāḷiyaṃ ‘‘anāpatti, bhikkhave, pārājikassā’’ti (pārā. 157) sāmikehi thullanandaṃ uddissa etissā hatthe dinnattā, atheyyacittena paribhuñjitattā ca vuttaṃ. Theyyacittena paribhuttepi cassā bhaṇḍadeyyameva upanikkhittabhaṇḍaṭṭhāniyattā. Odanabhājanīyavatthusminti ‘‘aparassa bhāgaṃ dehī’’ti āgatavatthusmiṃ (pārā. 141).
159. д̇асса гуласса анугамбааяа басаад̣̇аанурагкан̣ад̇т̇ааяаад̇иаад̣̇инаа гуласан̇г̇ахад̇т̇ам̣ наагаасийд̇и д̣̇ассзд̇и. ‘‘яаава д̣̇аарагаа баасаад̣̇ам̣ аароханд̇и, д̇аава баасаад̣̇о д̇зсам̣ санд̇игз ход̇уу’’д̇и буб̣б̣з гаалабарижчзд̣̇ам̣ гад̇ваа ад̇хидтид̇ад̇д̇аа зва яат̇аагаалабарижчзд̣̇амзва д̇ад̇т̇а д̇идтад̇и, д̇ад̇о барам̣ баасаад̣̇о саяамзва яат̇аатаанам̣ г̇ажчад̇и, д̇ат̇ааг̇аманан̃жа ид̣̇д̇хивиссаж̇ж̇анзна сан̃ж̇аад̇ам̣ вияа ход̇ийд̇и вуд̇д̇ам̣ ‘‘т̇зро ид̣̇д̇хим̣ бадисам̣харий’’д̇и. яасмаа звам̣ ид̣̇д̇хивид̇хан̃аан̣зна гаронд̇асса гааяаважийбаяог̇аа на санд̇и т̇зяяажид̇д̇ан̃жа над̇т̇и баасаад̣̇ассзва вижаарид̇ад̇д̇аа, д̇асмаа ‘‘зд̇т̇а авахааро над̇т̇ий’’д̇и т̇зро звамагаасийд̇и д̣̇адтаб̣б̣ам̣. ат̇а ваа д̣̇аарагзсу анугамбааяа аанаяанад̇т̇амзва баасаад̣̇з убанийд̇з баасз б̣ад̣̇д̇хасуугараад̣̇ийнам̣ аамисам̣ д̣̇ассзд̇ваа таанаажааванам̣ вияа гарамараанийд̇зсу д̣̇аарагзсу баасаад̣̇ам̣ аарул̣хзсуби буна бадисам̣харан̣з жа ид̇ха авахааро над̇т̇и гаарун̃н̃аад̇хиббааяад̇д̇аа, бхан̣д̣ад̣̇зяяамби на ход̇и гааяаважийбаяог̇аабхааваа. гааяаважийбаяог̇з сад̇иязва хи аабад̇д̇и бхан̣д̣ад̣̇зяяам̣ ваа ход̇и, д̇знзва бхаг̇аваа ‘‘анаабад̇д̇и, бхигкавз, ат̇зяяажид̇д̇ассаа’’д̇иаад̣̇им̣ авад̇ваа ‘‘анаабад̇д̇и, бхигкавз, ид̣̇д̇химасса ид̣̇д̇хивисаяз’’д̇и (баараа. 159) зд̇д̇агамзва авожа. ид̣̇д̇хивисаязд̇и жзд̇т̇а барабхан̣д̣аад̣̇ааяагагааяаважийбаяог̇аасамудтаабагасса гзвалам̣ манод̣̇вааригасса ат̇зяяажид̇д̇абхууд̇асса ид̣̇д̇хижид̇д̇асса висаяз аабад̇д̇и наама над̇т̇ийд̇и ад̇хиббааяо г̇ахзд̇аб̣б̣о. гим̣ бана бадигкид̇д̇ам̣ ид̣̇д̇хибаадихаарияам̣ гаад̇ум̣ ваддад̇ийд̇и жод̣̇анам̣ санд̇хааяааха ‘‘ийд̣̇исааяа ад̇хидтаанид̣̇д̇хияаа анаабад̇д̇ий’’д̇и. ‘‘анаабад̇д̇и, бхигкавз, ид̣̇д̇химасса ид̣̇д̇хивисаяз’’д̇и хи иминааязва суд̇д̇зна ад̇хидтаанид̣̇д̇хияаа аббадигкид̇д̇абхааво сиж̇жхад̇и. ад̇д̇ано багад̇иван̣н̣ам̣ авиж̇ахид̇ваа б̣ахид̣̇д̇хаа хад̇т̇иаад̣̇ид̣̇ассанам̣, ‘‘згоби худ̇ваа б̣ахуд̇хаа ход̇ий’’д̇и (д̣̇ий. ни. 1.238, 239; ма. ни. 1.147; бади. ма. 1.102) ааг̇ад̇ан̃жа ад̇хидтаанавасзна нибпаннад̇д̇аа ад̇хидтаанид̣̇д̇хи наама, ‘‘со багад̇иван̣н̣ам̣ виж̇ахид̇ваа гумаарагаван̣н̣ам̣ ваа д̣̇ассзд̇и, нааг̇аван̣н̣ам̣…бз… вивид̇хамби сзнааб̣яуухам̣ д̣̇ассзд̇ий’’д̇и (бади. ма. 3.13) звам̣ ааг̇ад̇аа ид̣̇д̇хи багад̇иван̣н̣авиж̇аханавигааравасзна бавад̇д̇ад̇д̇аа вигуб̣б̣анид̣̇д̇хи наама. ад̇д̇ано бана багад̇ируубам̣ яат̇аасабхаавзна табзд̇ваава б̣ахи хад̇т̇иаад̣̇ид̣̇ассанам̣ вигуб̣б̣анид̣̇д̇хи наама на ход̇и, ад̇д̇ано руубамзва хад̇т̇иаад̣̇ируубзна ниммаанам̣ вигуб̣б̣анид̣̇д̇хийд̇и взд̣̇ид̇аб̣б̣ам̣.
159.Tassakulassa anukampāya pasādānurakkhaṇatthāyātiādinā kulasaṅgahatthaṃ nākāsīti dasseti. ‘‘Yāva dārakā pāsādaṃ ārohanti, tāva pāsādo tesaṃ santike hotū’’ti pubbe kālaparicchedaṃ katvā adhiṭṭhitattā eva yathākālaparicchedameva tattha tiṭṭhati, tato paraṃ pāsādo sayameva yathāṭhānaṃ gacchati, tathāgamanañca iddhivissajjanena sañjātaṃ viya hotīti vuttaṃ ‘‘thero iddhiṃ paṭisaṃharī’’ti. Yasmā evaṃ iddhividhañāṇena karontassa kāyavacīpayogā na santi theyyacittañca natthi pāsādasseva vicāritattā, tasmā ‘‘ettha avahāro natthī’’ti thero evamakāsīti daṭṭhabbaṃ. Atha vā dārakesu anukampāya ānayanatthameva pāsāde upanīte pāse baddhasūkarādīnaṃ āmisaṃ dassetvā ṭhānācāvanaṃ viya karamarānītesu dārakesu pāsādaṃ āruḷhesupi puna paṭisaṃharaṇe ca idha avahāro natthi kāruññādhippāyattā, bhaṇḍadeyyampi na hoti kāyavacīpayogābhāvā. Kāyavacīpayoge satiyeva hi āpatti bhaṇḍadeyyaṃ vā hoti, teneva bhagavā ‘‘anāpatti, bhikkhave, atheyyacittassā’’tiādiṃ avatvā ‘‘anāpatti, bhikkhave, iddhimassa iddhivisaye’’ti (pārā. 159) ettakameva avoca. Iddhivisayeti cettha parabhaṇḍādāyakakāyavacīpayogāsamuṭṭhāpakassa kevalaṃ manodvārikassa atheyyacittabhūtassa iddhicittassa visaye āpatti nāma natthīti adhippāyo gahetabbo. Kiṃ pana paṭikkhittaṃ iddhipāṭihāriyaṃ kātuṃ vaṭṭatīti codanaṃ sandhāyāha ‘‘īdisāya adhiṭṭhāniddhiyā anāpattī’’ti. ‘‘Anāpatti, bhikkhave, iddhimassa iddhivisaye’’ti hi imināyeva suttena adhiṭṭhāniddhiyā appaṭikkhittabhāvo sijjhati. Attano pakativaṇṇaṃ avijahitvā bahiddhā hatthiādidassanaṃ, ‘‘ekopi hutvā bahudhā hotī’’ti (dī. ni. 1.238, 239; ma. ni. 1.147; paṭi. ma. 1.102) āgatañca adhiṭṭhānavasena nipphannattā adhiṭṭhāniddhi nāma, ‘‘so pakativaṇṇaṃ vijahitvā kumārakavaṇṇaṃ vā dasseti, nāgavaṇṇaṃ…pe… vividhampi senābyūhaṃ dassetī’’ti (paṭi. ma. 3.13) evaṃ āgatā iddhi pakativaṇṇavijahanavikāravasena pavattattā vikubbaniddhi nāma. Attano pana pakatirūpaṃ yathāsabhāvena ṭhapetvāva bahi hatthiādidassanaṃ vikubbaniddhi nāma na hoti, attano rūpameva hatthiādirūpena nimmānaṃ vikubbaniddhīti veditabbaṃ.
барааж̇ид̇агилзсзнаад̇и виж̇ид̇агилзсзна, ниггилзсзнаад̇и ад̇т̇о. ид̇хаад̇и имасмим̣ саасанз, д̇зна д̣̇уд̇ияабаарааж̇игасигкаабад̣̇зна самам̣ ан̃н̃ам̣ анзганаяавогин̣н̣ам̣ г̇амбхийрад̇т̇авинижчаяам̣ гин̃жи сигкаабад̣̇ам̣ на виж̇ж̇ад̇ийд̇и яож̇анаа. д̇ад̇т̇а ад̇т̇о наама баал̣иад̇т̇о, винижчаяо баал̣имуд̇д̇агавинижчаяо, д̇з г̇амбхийраа яасмим̣, д̇ам̣ г̇амбхийрад̇т̇авинижчаяам̣. вад̇т̇умхи од̇ин̣н̣зд̇и жод̣̇анаавасзна ваа ад̇д̇анаава ад̇д̇ано вийд̇иггамаарожанавасзна ваа сан̇гхамаж̇жхз ад̣̇иннаад̣̇аанавад̇т̇усмим̣ од̇ин̣н̣з. зд̇т̇аад̇и од̇ин̣н̣авад̇т̇умхи. винижчаяод̇и аабад̇д̇аанаабад̇д̇инияаманам̣. габбиязби жа вад̇т̇усминд̇и ад̇д̇анаа г̇ахзд̇ум̣ яуд̇д̇з маад̇аабид̇аад̣̇ийнам̣ санд̇агзби.
Parājitakilesenāti vijitakilesena, nikkilesenāti attho. Idhāti imasmiṃ sāsane, tena dutiyapārājikasikkhāpadena samaṃ aññaṃ anekanayavokiṇṇaṃ gambhīratthavinicchayaṃ kiñci sikkhāpadaṃ na vijjatīti yojanā. Tattha attho nāma pāḷiattho, vinicchayo pāḷimuttakavinicchayo, te gambhīrā yasmiṃ, taṃ gambhīratthavinicchayaṃ. Vatthumhi otiṇṇeti codanāvasena vā attanāva attano vītikkamārocanavasena vā saṅghamajjhe adinnādānavatthusmiṃ otiṇṇe. Etthāti otiṇṇavatthumhi. Vinicchayoti āpattānāpattiniyamanaṃ. Kappiyepi ca vatthusminti attanā gahetuṃ yutte mātāpitādīnaṃ santakepi.
ид̇и саманд̇абаасаад̣̇игааяа винаяадтагат̇ааяа вимад̇ивинод̣̇анияам̣
Iti samantapāsādikāya vinayaṭṭhakathāya vimativinodaniyaṃ
д̣̇уд̇ияабаарааж̇игаван̣н̣анаанаяо нидтид̇о.
Dutiyapārājikavaṇṇanānayo niṭṭhito.
Related texts:
д̇ибидага (муула) • Tipiṭaka (Mūla) / винаяабидага • Vinayapiṭaka / махаавибхан̇г̇а • Mahāvibhaṅga / 2. д̣̇уд̇ияабаарааж̇игам̣ • 2. Dutiyapārājikaṃ
адтагат̇аа • Aṭṭhakathā / винаяабидага (адтагат̇аа) • Vinayapiṭaka (aṭṭhakathā) / махаавибхан̇г̇а-адтагат̇аа • Mahāvibhaṅga-aṭṭhakathā / 2. д̣̇уд̇ияабаарааж̇игам̣ • 2. Dutiyapārājikaṃ
дийгаа • Tīkā / винаяабидага (дийгаа) • Vinayapiṭaka (ṭīkā) / саарад̇т̇ад̣̇ийбаний-дийгаа • Sāratthadīpanī-ṭīkā / винийд̇авад̇т̇уван̣н̣анаа • Vinītavatthuvaṇṇanā
дийгаа • Tīkā / винаяабидага (дийгаа) • Vinayapiṭaka (ṭīkā) / важ̇ираб̣уд̣̇д̇хи-дийгаа • Vajirabuddhi-ṭīkā / гусасан̇гааманавад̇т̇угат̇ааван̣н̣анаа • Kusasaṅkāmanavatthukathāvaṇṇanā
