| Library / Tipiṭaka / திபிடக • Tipiṭaka / அங்கு³த்தரனிகாய (டீகா) • Aṅguttaranikāya (ṭīkā) |
(13) 3. குஸினாரவக்³கோ³
(13) 3. Kusināravaggo
1-2. குஸினாரஸுத்தாதி³வண்ணனா
1-2. Kusinārasuttādivaṇṇanā
124-125. ததியஸ்ஸ பட²மே தண்ஹாகே³தே⁴ன க³தி²தோதி தண்ஹாப³ந்த⁴னேன ப³த்³தோ⁴. தண்ஹாமுச்ச²னாயாதி தண்ஹாய வஸேன முச்சா²பத்தியா. முச்சி²தோதி முச்ச²ங் மோஹங் பமாத³ங் ஆபன்னோ. அஜ்ஜோ²பன்னோதி அதி⁴ஓபன்னோ. தண்ஹாய அதி⁴ப⁴வித்வா அஜ்ஜொ²த்த²டோ கி³லித்வா பரினிட்ட²பெத்வா விய டி²தோ. தேனாஹ ‘‘அஜ்ஜோ²பன்னோதி தண்ஹாய கி³லித்வா பரினிட்ட²பெத்வா பவத்தோ’’தி. அனாதீ³னவத³ஸ்ஸாவீதி க³தி²தாதி³பா⁴வேன பரிபோ⁴கே³ ஆதீ³னவமத்தம்பி ந பஸ்ஸதி. நிஸ்ஸரணபஞ்ஞோதி அயமத்தோ² ஆஹாரபரிபோ⁴கே³தி தத்த² பயோஜனபரிச்சே²தி³கா ‘‘யாவதே³வ இமஸ்ஸ காயஸ்ஸ டி²தியா’’திஆதி³னா (ம॰ நி॰ 1.23; 2.24; 3.75; ஸங்॰ நி॰ 4.120; அ॰ நி॰ 6.58; 8.9) பவத்தா ஆஹாரபடிப³த்³த⁴ச²ந்த³ராக³னிஸ்ஸரணபூ⁴தா பஞ்ஞா அஸ்ஸ அத்தீ²தி நிஸ்ஸரணபஞ்ஞோ. ஸேஸமெத்த² உத்தானமேவ. து³தியே நத்தி² வத்தப்³ப³ங்.
124-125. Tatiyassa paṭhame taṇhāgedhena gathitoti taṇhābandhanena baddho. Taṇhāmucchanāyāti taṇhāya vasena mucchāpattiyā. Mucchitoti mucchaṃ mohaṃ pamādaṃ āpanno. Ajjhopannoti adhiopanno. Taṇhāya adhibhavitvā ajjhotthaṭo gilitvā pariniṭṭhapetvā viya ṭhito. Tenāha ‘‘ajjhopannoti taṇhāya gilitvā pariniṭṭhapetvā pavatto’’ti. Anādīnavadassāvīti gathitādibhāvena paribhoge ādīnavamattampi na passati. Nissaraṇapaññoti ayamattho āhāraparibhogeti tattha payojanaparicchedikā ‘‘yāvadeva imassa kāyassa ṭhitiyā’’tiādinā (ma. ni. 1.23; 2.24; 3.75; saṃ. ni. 4.120; a. ni. 6.58; 8.9) pavattā āhārapaṭibaddhachandarāganissaraṇabhūtā paññā assa atthīti nissaraṇapañño. Sesamettha uttānameva. Dutiye natthi vattabbaṃ.
குஸினாரஸுத்தாதி³வண்ணனா நிட்டி²தா.
Kusinārasuttādivaṇṇanā niṭṭhitā.
Related texts:
திபிடக (மூல) • Tipiṭaka (Mūla) / ஸுத்தபிடக • Suttapiṭaka / அங்கு³த்தரனிகாய • Aṅguttaranikāya
1. குஸினாரஸுத்தங் • 1. Kusinārasuttaṃ
2. ப⁴ண்ட³னஸுத்தங் • 2. Bhaṇḍanasuttaṃ
அட்ட²கதா² • Aṭṭhakathā / ஸுத்தபிடக (அட்ட²கதா²) • Suttapiṭaka (aṭṭhakathā) / அங்கு³த்தரனிகாய (அட்ட²கதா²) • Aṅguttaranikāya (aṭṭhakathā)
1. குஸினாரஸுத்தவண்ணனா • 1. Kusinārasuttavaṇṇanā
2. ப⁴ண்ட³னஸுத்தவண்ணனா • 2. Bhaṇḍanasuttavaṇṇanā
