| Library / Tipiṭaka / তিপিটক • Tipiṭaka / অঙ্গুত্তরনিকায (টীকা) • Aṅguttaranikāya (ṭīkā) |
(১৩) ৩. কুসিনারৰগ্গো
(13) 3. Kusināravaggo
১-২. কুসিনারসুত্তাদিৰণ্ণনা
1-2. Kusinārasuttādivaṇṇanā
১২৪-১২৫. ততিযস্স পঠমে তণ্হাগেধেন গথিতোতি তণ্হাবন্ধনেন বদ্ধো। তণ্হামুচ্ছনাযাতি তণ্হায ৰসেন মুচ্ছাপত্তিযা। মুচ্ছিতোতি মুচ্ছং মোহং পমাদং আপন্নো। অজ্ঝোপন্নোতি অধিওপন্নো। তণ্হায অধিভৰিত্ৰা অজ্ঝোত্থটো গিলিত্ৰা পরিনিট্ঠপেত্ৰা ৰিয ঠিতো। তেনাহ ‘‘অজ্ঝোপন্নোতি তণ্হায গিলিত্ৰা পরিনিট্ঠপেত্ৰা পৰত্তো’’তি। অনাদীনৰদস্সাৰীতি গথিতাদিভাৰেন পরিভোগে আদীনৰমত্তম্পি ন পস্সতি। নিস্সরণপঞ্ঞোতি অযমত্থো আহারপরিভোগেতি তত্থ পযোজনপরিচ্ছেদিকা ‘‘যাৰদেৰ ইমস্স কাযস্স ঠিতিযা’’তিআদিনা (ম॰ নি॰ ১.২৩; ২.২৪; ৩.৭৫; সং॰ নি॰ ৪.১২০; অ॰ নি॰ ৬.৫৮; ৮.৯) পৰত্তা আহারপটিবদ্ধছন্দরাগনিস্সরণভূতা পঞ্ঞা অস্স অত্থীতি নিস্সরণপঞ্ঞো। সেসমেত্থ উত্তানমেৰ। দুতিযে নত্থি ৰত্তব্বং।
124-125. Tatiyassa paṭhame taṇhāgedhena gathitoti taṇhābandhanena baddho. Taṇhāmucchanāyāti taṇhāya vasena mucchāpattiyā. Mucchitoti mucchaṃ mohaṃ pamādaṃ āpanno. Ajjhopannoti adhiopanno. Taṇhāya adhibhavitvā ajjhotthaṭo gilitvā pariniṭṭhapetvā viya ṭhito. Tenāha ‘‘ajjhopannoti taṇhāya gilitvā pariniṭṭhapetvā pavatto’’ti. Anādīnavadassāvīti gathitādibhāvena paribhoge ādīnavamattampi na passati. Nissaraṇapaññoti ayamattho āhāraparibhogeti tattha payojanaparicchedikā ‘‘yāvadeva imassa kāyassa ṭhitiyā’’tiādinā (ma. ni. 1.23; 2.24; 3.75; saṃ. ni. 4.120; a. ni. 6.58; 8.9) pavattā āhārapaṭibaddhachandarāganissaraṇabhūtā paññā assa atthīti nissaraṇapañño. Sesamettha uttānameva. Dutiye natthi vattabbaṃ.
কুসিনারসুত্তাদিৰণ্ণনা নিট্ঠিতা।
Kusinārasuttādivaṇṇanā niṭṭhitā.
Related texts:
তিপিটক (মূল) • Tipiṭaka (Mūla) / সুত্তপিটক • Suttapiṭaka / অঙ্গুত্তরনিকায • Aṅguttaranikāya
১. কুসিনারসুত্তং • 1. Kusinārasuttaṃ
২. ভণ্ডনসুত্তং • 2. Bhaṇḍanasuttaṃ
অট্ঠকথা • Aṭṭhakathā / সুত্তপিটক (অট্ঠকথা) • Suttapiṭaka (aṭṭhakathā) / অঙ্গুত্তরনিকায (অট্ঠকথা) • Aṅguttaranikāya (aṭṭhakathā)
১. কুসিনারসুত্তৰণ্ণনা • 1. Kusinārasuttavaṇṇanā
২. ভণ্ডনসুত্তৰণ্ণনা • 2. Bhaṇḍanasuttavaṇṇanā
