| Library / Tipiṭaka / तिपिटक • Tipiṭaka / अङ्गुत्तरनिकाय (टीका) • Aṅguttaranikāya (ṭīkā) |
(१३) ३. कुसिनारवग्गो
(13) 3. Kusināravaggo
१-२. कुसिनारसुत्तादिवण्णना
1-2. Kusinārasuttādivaṇṇanā
१२४-१२५. ततियस्स पठमे तण्हागेधेन गथितोति तण्हाबन्धनेन बद्धो। तण्हामुच्छनायाति तण्हाय वसेन मुच्छापत्तिया। मुच्छितोति मुच्छं मोहं पमादं आपन्नो। अज्झोपन्नोति अधिओपन्नो। तण्हाय अधिभवित्वा अज्झोत्थटो गिलित्वा परिनिट्ठपेत्वा विय ठितो। तेनाह ‘‘अज्झोपन्नोति तण्हाय गिलित्वा परिनिट्ठपेत्वा पवत्तो’’ति। अनादीनवदस्सावीति गथितादिभावेन परिभोगे आदीनवमत्तम्पि न पस्सति। निस्सरणपञ्ञोति अयमत्थो आहारपरिभोगेति तत्थ पयोजनपरिच्छेदिका ‘‘यावदेव इमस्स कायस्स ठितिया’’तिआदिना (म॰ नि॰ १.२३; २.२४; ३.७५; सं॰ नि॰ ४.१२०; अ॰ नि॰ ६.५८; ८.९) पवत्ता आहारपटिबद्धछन्दरागनिस्सरणभूता पञ्ञा अस्स अत्थीति निस्सरणपञ्ञो। सेसमेत्थ उत्तानमेव। दुतिये नत्थि वत्तब्बं।
124-125. Tatiyassa paṭhame taṇhāgedhena gathitoti taṇhābandhanena baddho. Taṇhāmucchanāyāti taṇhāya vasena mucchāpattiyā. Mucchitoti mucchaṃ mohaṃ pamādaṃ āpanno. Ajjhopannoti adhiopanno. Taṇhāya adhibhavitvā ajjhotthaṭo gilitvā pariniṭṭhapetvā viya ṭhito. Tenāha ‘‘ajjhopannoti taṇhāya gilitvā pariniṭṭhapetvā pavatto’’ti. Anādīnavadassāvīti gathitādibhāvena paribhoge ādīnavamattampi na passati. Nissaraṇapaññoti ayamattho āhāraparibhogeti tattha payojanaparicchedikā ‘‘yāvadeva imassa kāyassa ṭhitiyā’’tiādinā (ma. ni. 1.23; 2.24; 3.75; saṃ. ni. 4.120; a. ni. 6.58; 8.9) pavattā āhārapaṭibaddhachandarāganissaraṇabhūtā paññā assa atthīti nissaraṇapañño. Sesamettha uttānameva. Dutiye natthi vattabbaṃ.
कुसिनारसुत्तादिवण्णना निट्ठिता।
Kusinārasuttādivaṇṇanā niṭṭhitā.
Related texts:
तिपिटक (मूल) • Tipiṭaka (Mūla) / सुत्तपिटक • Suttapiṭaka / अङ्गुत्तरनिकाय • Aṅguttaranikāya
१. कुसिनारसुत्तं • 1. Kusinārasuttaṃ
२. भण्डनसुत्तं • 2. Bhaṇḍanasuttaṃ
अट्ठकथा • Aṭṭhakathā / सुत्तपिटक (अट्ठकथा) • Suttapiṭaka (aṭṭhakathā) / अङ्गुत्तरनिकाय (अट्ठकथा) • Aṅguttaranikāya (aṭṭhakathā)
१. कुसिनारसुत्तवण्णना • 1. Kusinārasuttavaṇṇanā
२. भण्डनसुत्तवण्णना • 2. Bhaṇḍanasuttavaṇṇanā
