| Library / Tipiṭaka / ติปิฎก • Tipiṭaka / องฺคุตฺตรนิกาย (ฎีกา) • Aṅguttaranikāya (ṭīkā) |
(๑๓) ๓. กุสินารวโคฺค
(13) 3. Kusināravaggo
๑-๒. กุสินารสุตฺตาทิวณฺณนา
1-2. Kusinārasuttādivaṇṇanā
๑๒๔-๑๒๕. ตติยสฺส ปฐเม ตณฺหาเคเธน คถิโตติ ตณฺหาพนฺธเนน พโทฺธฯ ตณฺหามุจฺฉนายาติ ตณฺหาย วเสน มุจฺฉาปตฺติยาฯ มุจฺฉิโตติ มุจฺฉํ โมหํ ปมาทํ อาปโนฺนฯ อโชฺฌปโนฺนติ อธิโอปโนฺนฯ ตณฺหาย อธิภวิตฺวา อโชฺฌตฺถโฎ คิลิตฺวา ปรินิฎฺฐเปตฺวา วิย ฐิโตฯ เตนาห ‘‘อโชฺฌปโนฺนติ ตณฺหาย คิลิตฺวา ปรินิฎฺฐเปตฺวา ปวโตฺต’’ติฯ อนาทีนวทสฺสาวีติ คถิตาทิภาเวน ปริโภเค อาทีนวมตฺตมฺปิ น ปสฺสติฯ นิสฺสรณปโญฺญติ อยมโตฺถ อาหารปริโภเคติ ตตฺถ ปโยชนปริเจฺฉทิกา ‘‘ยาวเทว อิมสฺส กายสฺส ฐิติยา’’ติอาทินา (ม. นิ. ๑.๒๓; ๒.๒๔; ๓.๗๕; สํ. นิ. ๔.๑๒๐; อ. นิ. ๖.๕๘; ๘.๙) ปวตฺตา อาหารปฎิพทฺธฉนฺทราคนิสฺสรณภูตา ปญฺญา อสฺส อตฺถีติ นิสฺสรณปโญฺญฯ เสสเมตฺถ อุตฺตานเมวฯ ทุติเย นตฺถิ วตฺตพฺพํฯ
124-125. Tatiyassa paṭhame taṇhāgedhena gathitoti taṇhābandhanena baddho. Taṇhāmucchanāyāti taṇhāya vasena mucchāpattiyā. Mucchitoti mucchaṃ mohaṃ pamādaṃ āpanno. Ajjhopannoti adhiopanno. Taṇhāya adhibhavitvā ajjhotthaṭo gilitvā pariniṭṭhapetvā viya ṭhito. Tenāha ‘‘ajjhopannoti taṇhāya gilitvā pariniṭṭhapetvā pavatto’’ti. Anādīnavadassāvīti gathitādibhāvena paribhoge ādīnavamattampi na passati. Nissaraṇapaññoti ayamattho āhāraparibhogeti tattha payojanaparicchedikā ‘‘yāvadeva imassa kāyassa ṭhitiyā’’tiādinā (ma. ni. 1.23; 2.24; 3.75; saṃ. ni. 4.120; a. ni. 6.58; 8.9) pavattā āhārapaṭibaddhachandarāganissaraṇabhūtā paññā assa atthīti nissaraṇapañño. Sesamettha uttānameva. Dutiye natthi vattabbaṃ.
กุสินารสุตฺตาทิวณฺณนา นิฎฺฐิตาฯ
Kusinārasuttādivaṇṇanā niṭṭhitā.
Related texts:
ติปิฎก (มูล) • Tipiṭaka (Mūla) / สุตฺตปิฎก • Suttapiṭaka / องฺคุตฺตรนิกาย • Aṅguttaranikāya
๑. กุสินารสุตฺตํ • 1. Kusinārasuttaṃ
๒. ภณฺฑนสุตฺตํ • 2. Bhaṇḍanasuttaṃ
อฎฺฐกถา • Aṭṭhakathā / สุตฺตปิฎก (อฎฺฐกถา) • Suttapiṭaka (aṭṭhakathā) / องฺคุตฺตรนิกาย (อฎฺฐกถา) • Aṅguttaranikāya (aṭṭhakathā)
๑. กุสินารสุตฺตวณฺณนา • 1. Kusinārasuttavaṇṇanā
๒. ภณฺฑนสุตฺตวณฺณนา • 2. Bhaṇḍanasuttavaṇṇanā
