| Library / Tipiṭaka / තිපිටක • Tipiṭaka / අඞ්‌ගුත්‌තරනිකාය (ටීකා) • Aṅguttaranikāya (ṭīkā) |
(13) 3. කුසිනාරවග්‌ගො
(13) 3. Kusināravaggo
1-2. කුසිනාරසුත්‌තාදිවණ්‌ණනා
1-2. Kusinārasuttādivaṇṇanā
124-125. තතියස්‌ස පඨමෙ තණ්‌හාගෙධෙන ගථිතොති තණ්‌හාබන්‌ධනෙන බද්‌ධො. තණ්‌හාමුච්‌ඡනායාති තණ්‌හාය වසෙන මුච්‌ඡාපත්‌තියා. මුච්‌ඡිතොති මුච්‌ඡං මොහං පමාදං ආපන්‌නො. අජ්‌ඣොපන්‌නොති අධිඔපන්‌නො. තණ්‌හාය අධිභවිත්‌වා අජ්‌ඣොත්‌ථටො ගිලිත්‌වා පරිනිට්‌ඨපෙත්‌වා විය ඨිතො. තෙනාහ ‘‘අජ්‌ඣොපන්‌නොති තණ්‌හාය ගිලිත්‌වා පරිනිට්‌ඨපෙත්‌වා පවත්‌තො’’ති. අනාදීනවදස්‌සාවීති ගථිතාදිභාවෙන පරිභොගෙ ආදීනවමත්‌තම්‌පි න පස්‌සති. නිස්‌සරණපඤ්‌ඤොති අයමත්‌ථො ආහාරපරිභොගෙති තත්‌ථ පයොජනපරිච්‌ඡෙදිකා ‘‘යාවදෙව ඉමස්‌ස කායස්‌ස ඨිතියා’’තිආදිනා (ම. නි. 1.23; 2.24; 3.75; සං. නි. 4.120; අ. නි. 6.58; 8.9) පවත්‌තා ආහාරපටිබද්‌ධඡන්‌දරාගනිස්‌සරණභූතා පඤ්‌ඤා අස්‌ස අත්‌ථීති නිස්‌සරණපඤ්‌ඤො. සෙසමෙත්‌ථ උත්‌තානමෙව. දුතියෙ නත්‌ථි වත්‌තබ්‌බං.
124-125. Tatiyassa paṭhame taṇhāgedhena gathitoti taṇhābandhanena baddho. Taṇhāmucchanāyāti taṇhāya vasena mucchāpattiyā. Mucchitoti mucchaṃ mohaṃ pamādaṃ āpanno. Ajjhopannoti adhiopanno. Taṇhāya adhibhavitvā ajjhotthaṭo gilitvā pariniṭṭhapetvā viya ṭhito. Tenāha ‘‘ajjhopannoti taṇhāya gilitvā pariniṭṭhapetvā pavatto’’ti. Anādīnavadassāvīti gathitādibhāvena paribhoge ādīnavamattampi na passati. Nissaraṇapaññoti ayamattho āhāraparibhogeti tattha payojanaparicchedikā ‘‘yāvadeva imassa kāyassa ṭhitiyā’’tiādinā (ma. ni. 1.23; 2.24; 3.75; saṃ. ni. 4.120; a. ni. 6.58; 8.9) pavattā āhārapaṭibaddhachandarāganissaraṇabhūtā paññā assa atthīti nissaraṇapañño. Sesamettha uttānameva. Dutiye natthi vattabbaṃ.
කුසිනාරසුත්‌තාදිවණ්‌ණනා නිට්‌ඨිතා.
Kusinārasuttādivaṇṇanā niṭṭhitā.
Related texts:
තිපිටක (මූල) • Tipiṭaka (Mūla) / සුත්‌තපිටක • Suttapiṭaka / අඞ්‌ගුත්‌තරනිකාය • Aṅguttaranikāya
1. කුසිනාරසුත්‌තං • 1. Kusinārasuttaṃ
2. භණ්‌ඩනසුත්‌තං • 2. Bhaṇḍanasuttaṃ
අට්‌ඨකථා • Aṭṭhakathā / සුත්‌තපිටක (අට්‌ඨකථා) • Suttapiṭaka (aṭṭhakathā) / අඞ්‌ගුත්‌තරනිකාය (අට්‌ඨකථා) • Aṅguttaranikāya (aṭṭhakathā)
1. කුසිනාරසුත්‌තවණ්‌ණනා • 1. Kusinārasuttavaṇṇanā
2. භණ්‌ඩනසුත්‌තවණ්‌ණනා • 2. Bhaṇḍanasuttavaṇṇanā
