| Library / Tipiṭaka / திபிடக • Tipiṭaka / அங்கு³த்தரனிகாய (அட்ட²கதா²) • Aṅguttaranikāya (aṭṭhakathā) |
(13) 3. குஸினாரவக்³கோ³
(13) 3. Kusināravaggo
1. குஸினாரஸுத்தவண்ணனா
1. Kusinārasuttavaṇṇanā
124. ததியஸ்ஸ பட²மே குஸினாராயந்தி ஏவங்னாமகே நக³ரே. ப³லிஹரணே வனஸண்டே³தி ஏவங்னாமகே வனஸண்டே³. தத்த² கிர பூ⁴தப³லிகரணத்த²ங் ப³லிங் ஹரந்தி, தஸ்மா ப³லிஹரணந்தி வுச்சதி. ஆகங்க²மானோதி இச்ச²மானோ. ஸஹத்தா²தி ஸஹத்தே²ன. ஸம்பவாரேதீதி அலங் அலந்தி வாசாய சேவ ஹத்த²விகாரேன ச படிக்கி²பாபேதி. ஸாது⁴ வத மாயந்தி ஸாது⁴ வத மங் அயங். க³தி²தோதி தண்ஹாகே³தே⁴ன க³தி²தோ. முச்சி²தோதி தண்ஹாமுச்ச²னாயயேவ முச்சி²தோ. அஜ்ஜோ²பன்னோதி தண்ஹாய கி³லித்வா பரினிட்ட²பெத்வா பவத்தோ. அனிஸ்ஸரணபஞ்ஞோதி ச²ந்த³ராக³ங் பஹாய ஸங்கட்³டி⁴த்வா பரிபு⁴ஞ்ஜந்தோ நிஸ்ஸரணபஞ்ஞோ நாம ஹோதி, அயங் ந தாதி³ஸோ, ஸச்ச²ந்த³ராகோ³ பரிபு⁴ஞ்ஜதீதி அனிஸ்ஸரணபஞ்ஞோ. ஸுக்கபக்கோ² வுத்தவிபரியாயேன வேதி³தப்³போ³. நெக்க²ம்மவிதக்காத³யோ பனெத்த² மிஸ்ஸகா கதி²தாதி வேதி³தப்³பா³.
124. Tatiyassa paṭhame kusinārāyanti evaṃnāmake nagare. Baliharaṇe vanasaṇḍeti evaṃnāmake vanasaṇḍe. Tattha kira bhūtabalikaraṇatthaṃ baliṃ haranti, tasmā baliharaṇanti vuccati. Ākaṅkhamānoti icchamāno. Sahatthāti sahatthena. Sampavāretīti alaṃ alanti vācāya ceva hatthavikārena ca paṭikkhipāpeti. Sādhu vata māyanti sādhu vata maṃ ayaṃ. Gathitoti taṇhāgedhena gathito. Mucchitoti taṇhāmucchanāyayeva mucchito. Ajjhopannoti taṇhāya gilitvā pariniṭṭhapetvā pavatto. Anissaraṇapaññoti chandarāgaṃ pahāya saṃkaḍḍhitvā paribhuñjanto nissaraṇapañño nāma hoti, ayaṃ na tādiso, sacchandarāgo paribhuñjatīti anissaraṇapañño. Sukkapakkho vuttavipariyāyena veditabbo. Nekkhammavitakkādayo panettha missakā kathitāti veditabbā.
Related texts:
திபிடக (மூல) • Tipiṭaka (Mūla) / ஸுத்தபிடக • Suttapiṭaka / அங்கு³த்தரனிகாய • Aṅguttaranikāya / 1. குஸினாரஸுத்தங் • 1. Kusinārasuttaṃ
டீகா • Tīkā / ஸுத்தபிடக (டீகா) • Suttapiṭaka (ṭīkā) / அங்கு³த்தரனிகாய (டீகா) • Aṅguttaranikāya (ṭīkā) / 1-2. குஸினாரஸுத்தாதி³வண்ணனா • 1-2. Kusinārasuttādivaṇṇanā
