| Library / Tipiṭaka / д̇ибидага • Tipiṭaka / ан̇г̇уд̇д̇аранигааяа (адтагат̇аа) • Aṅguttaranikāya (aṭṭhakathā) |
6. гусинаарасуд̇д̇аван̣н̣анаа
6. Kusinārasuttavaṇṇanā
76. чадтз убавад̇д̇анзд̇и баажийнаг̇ад̇ааяа саалабанд̇ияаа уд̇д̇арзна нивад̇д̇ид̇ваа тид̇ааяа взмаж̇жхадтаанз. анд̇арзна яамагасаалаананд̇и д̣̇виннам̣ сааларугкаанам̣ анд̇арз. ган̇каад̇и д̣̇взл̣хагам̣. вимад̇ийд̇и винижчид̇ум̣ асамад̇т̇ад̇аа. ‘‘б̣уд̣̇д̇хо ну ко на б̣уд̣̇д̇хо ну ко, д̇хаммо ну ко на д̇хаммо ну ко, сан̇гхо ну ко на сан̇гхо ну ко, маг̇г̇о ну ко на маг̇г̇о ну ко, бадибад̣̇аа ну ко на бадибад̣̇аа ну ко’’д̇и яасса сам̣саяо уббаж̇ж̇зяяа, д̇ам̣ во вад̣̇аами бужчат̇а, бхигкавзд̇и аяамзд̇т̇а сан̇кзбад̇т̇о. сад̇т̇уг̇ааравзнаби на бужчзяяаат̇аад̇и ‘‘маяам̣ сад̇т̇у санд̇игз баб̣б̣аж̇имха, жад̇д̇ааро бажжаяааби но сад̇т̇у санд̇агаава. д̇з маяам̣ зд̇д̇агам̣ гаалам̣ ган̇кам̣ агад̇ваа на арахаама аж̇ж̇а бажчимз гаалз ган̇кам̣ гаад̇у’’нд̇и сажз звам̣ сад̇т̇ари г̇ааравзна на бужчат̇а. сахааяагоби, бхигкавз, сахааяагасса аарожзд̇ууд̇и д̇умхаагам̣ яо яасса бхигкусса санд̣̇идто самбхад̇д̇о, со д̇асса аарожзд̇у, ахам̣ згасса бхигкусса гат̇зссаами, д̇асса гат̇ам̣ суд̇ваа саб̣б̣з нигган̇каа бхават̇аад̇и д̣̇ассзд̇и. звам̣ басаннод̇и звам̣ сад̣̇д̣̇ахаами аханд̇и ад̇т̇о. н̃аан̣амзваад̇и нигган̇кабхаавабажжагкагаран̣ан̃аан̣ам̣язва зд̇т̇а д̇ат̇ааг̇ад̇асса, на сад̣̇д̇хаамад̇д̇анд̇и ад̇т̇о. имзсан̃хи, аананд̣̇аад̇и имзсам̣ анд̇осаан̣ияам̣ нисиннаанам̣ бан̃жаннам̣ бхигкусад̇аанам̣. яо бажчимагод̇и яо г̇ун̣авасзна бажчимаго, аананд̣̇ад̇т̇зрам̣язва санд̇хааяааха.
76. Chaṭṭhe upavattaneti pācīnagatāya sālapantiyā uttarena nivattitvā ṭhitāya vemajjhaṭṭhāne. Antarena yamakasālānanti dvinnaṃ sālarukkhānaṃ antare. Kaṅkhāti dveḷhakaṃ. Vimatīti vinicchituṃ asamatthatā. ‘‘Buddho nu kho na buddho nu kho, dhammo nu kho na dhammo nu kho, saṅgho nu kho na saṅgho nu kho, maggo nu kho na maggo nu kho, paṭipadā nu kho na paṭipadā nu kho’’ti yassa saṃsayo uppajjeyya, taṃ vo vadāmi pucchatha, bhikkhaveti ayamettha saṅkhepattho. Satthugāravenapi na puccheyyāthāti ‘‘mayaṃ satthu santike pabbajimha, cattāro paccayāpi no satthu santakāva. Te mayaṃ ettakaṃ kālaṃ kaṅkhaṃ akatvā na arahāma ajja pacchime kāle kaṅkhaṃ kātu’’nti sace evaṃ satthari gāravena na pucchatha. Sahāyakopi, bhikkhave, sahāyakassa ārocetūti tumhākaṃ yo yassa bhikkhussa sandiṭṭho sambhatto, so tassa ārocetu, ahaṃ ekassa bhikkhussa kathessāmi, tassa kathaṃ sutvā sabbe nikkaṅkhā bhavathāti dasseti. Evaṃ pasannoti evaṃ saddahāmi ahanti attho. Ñāṇamevāti nikkaṅkhabhāvapaccakkhakaraṇañāṇaṃyeva ettha tathāgatassa, na saddhāmattanti attho. Imesañhi, ānandāti imesaṃ antosāṇiyaṃ nisinnānaṃ pañcannaṃ bhikkhusatānaṃ. Yo pacchimakoti yo guṇavasena pacchimako, ānandattheraṃyeva sandhāyāha.
Related texts:
д̇ибидага (муула) • Tipiṭaka (Mūla) / суд̇д̇абидага • Suttapiṭaka / ан̇г̇уд̇д̇аранигааяа • Aṅguttaranikāya / 6. гусинаарасуд̇д̇ам̣ • 6. Kusinārasuttaṃ
дийгаа • Tīkā / суд̇д̇абидага (дийгаа) • Suttapiṭaka (ṭīkā) / ан̇г̇уд̇д̇аранигааяа (дийгаа) • Aṅguttaranikāya (ṭīkā) / 6. гусинаарасуд̇д̇аван̣н̣анаа • 6. Kusinārasuttavaṇṇanā
