| Library / Tipiṭaka / д̇ибидага • Tipiṭaka / ан̇г̇уд̇д̇аранигааяа (адтагат̇аа) • Aṅguttaranikāya (aṭṭhakathā) |
5. аггосаваг̇г̇о
5. Akkosavaggo
4. гусинаарасуд̇д̇аван̣н̣анаа
4. Kusinārasuttavaṇṇanā
44. бан̃жамасса жад̇уд̇т̇з гусинаарааяанд̇и звам̣наамагз наг̇арз. д̣̇звад̇аанам̣ ад̇т̇ааяа б̣алим̣ харанд̇и зд̇т̇аад̇и б̣алихаран̣о, д̇асмим̣ б̣алихаран̣з. ажчид̣̇д̣̇зна аббадимам̣сзнаад̇иаад̣̇ийсу язна гзнажид̣̇зва бахадо ваа ход̇и, взж̇ж̇агаммаад̣̇ийни ваа гад̇аани, д̇асса гааяасамаажааро убажигаад̣̇ийхи кааяид̇ад̇аалабан̣н̣ам̣ вияа чид̣̇д̣̇о жа, бадимасид̇ум̣ яад̇т̇а гад̇т̇ажи г̇ахзд̇ваа аагад̣дхид̇ум̣ саггун̣зяяад̇ааяа бадимам̣со жа ход̇и, вибарийд̇о ажчид̣̇д̣̇о аббадимам̣со наама. важийсамаажааро бана мусааваад̣̇аомасаваад̣̇абзсун̃н̃аамуулагаануд̣̇д̇хам̣санаад̣̇ийхи чид̣̇д̣̇о саббадимам̣со жа ход̇и, вибарийд̇о ажчид̣̇д̣̇о аббадимам̣со. мзд̇д̇ам̣ ну ко мз жид̇д̇анд̇и балиб̣од̇хам̣ чинд̣̇ид̇ваа гаммадтаанабхааванаануяог̇зна ад̇хиг̇ад̇ам̣ мз мзд̇д̇ажид̇д̇ам̣. анаагхаад̇анд̇и аагхаад̇авирахид̇ам̣, вигкамбханзна вихад̇аагхаад̇анд̇и ад̇т̇о. гад̇т̇а вуд̇д̇анд̇и ид̣̇ам̣ сигкаабад̣̇ам̣ гисмим̣ наг̇арз вуд̇д̇ам̣.
44. Pañcamassa catutthe kusinārāyanti evaṃnāmake nagare. Devatānaṃ atthāya baliṃ haranti etthāti baliharaṇo, tasmiṃ baliharaṇe. Acchiddena appaṭimaṃsenātiādīsu yena kenacideva pahaṭo vā hoti, vejjakammādīni vā katāni, tassa kāyasamācāro upacikādīhi khāyitatālapaṇṇaṃ viya chiddo ca, paṭimasituṃ yattha katthaci gahetvā ākaḍḍhituṃ sakkuṇeyyatāya paṭimaṃso ca hoti, viparīto acchiddo appaṭimaṃso nāma. Vacīsamācāro pana musāvādaomasavādapesuññaamūlakānuddhaṃsanādīhi chiddo sappaṭimaṃso ca hoti, viparīto acchiddo appaṭimaṃso. Mettaṃ nu kho me cittanti palibodhaṃ chinditvā kammaṭṭhānabhāvanānuyogena adhigataṃ me mettacittaṃ. Anāghātanti āghātavirahitaṃ, vikkhambhanena vihatāghātanti attho. Kattha vuttanti idaṃ sikkhāpadaṃ kismiṃ nagare vuttaṃ.
гаалзна вагкаамийд̇иаад̣̇ийсу зго згам̣ огаасам̣ гаарзд̇ваа жод̣̇знд̇о гаалзна вад̣̇ад̇и наама. сан̇гхамаж̇жхз ваа г̇ан̣амаж̇жхз ваа салаагаг̇г̇аяааг̇аг̇г̇авид̇аггамаал̣агабхигкаажаарамаг̇г̇ааасанасаалаад̣̇ийсу ваа убадтаагзхи бариваарид̇агкан̣з ваа жод̣̇знд̇о агаалзна вад̣̇ад̇и наама. д̇ажчзна вад̣̇анд̇о бхууд̇зна вад̣̇ад̇и наама. ‘‘д̣̇ахарамахаллагабарисааважарагабам̣сугуулигад̇хаммагат̇игабад̇ируубам̣ д̇ава ид̣̇а’’нд̇и вад̣̇анд̇о парусзна вад̣̇ад̇и наама. гааран̣аниссид̇ам̣ бана гад̇ваа, ‘‘бханд̇з махаллагад̇т̇а, барисааважарагад̇т̇а, бам̣сугуулигад̇т̇а, д̇хаммагат̇игад̇т̇абад̇ируубам̣ д̇умхаагамид̣̇а’’нд̇и вад̣̇анд̇о сан̣хзна вад̣̇ад̇и наама. гааран̣аниссид̇ам̣ гад̇ваа вад̣̇анд̇о ад̇т̇асам̣хид̇зна вад̣̇ад̇и наама. мзд̇д̇ажид̇д̇о вагкаами но д̣̇осанд̇арод̇и мзд̇д̇ажид̇д̇ам̣ бажжубадтабзд̇ваа вагкаами, на д̣̇удтажид̇д̇о худ̇ваа.
Kālena vakkhāmītiādīsu eko ekaṃ okāsaṃ kāretvā codento kālena vadati nāma. Saṅghamajjhe vā gaṇamajjhe vā salākaggayāgaggavitakkamāḷakabhikkhācāramaggaāsanasālādīsu vā upaṭṭhākehi parivāritakkhaṇe vā codento akālena vadati nāma. Tacchena vadanto bhūtena vadati nāma. ‘‘Daharamahallakaparisāvacarakapaṃsukūlikadhammakathikapatirūpaṃ tava ida’’nti vadanto pharusena vadati nāma. Kāraṇanissitaṃ pana katvā, ‘‘bhante mahallakattha, parisāvacarakattha, paṃsukūlikattha, dhammakathikatthapatirūpaṃ tumhākamida’’nti vadanto saṇhena vadati nāma. Kāraṇanissitaṃ katvā vadanto atthasaṃhitena vadati nāma. Mettacitto vakkhāmi no dosantaroti mettacittaṃ paccupaṭṭhapetvā vakkhāmi, na duṭṭhacitto hutvā.
Related texts:
д̇ибидага (муула) • Tipiṭaka (Mūla) / суд̇д̇абидага • Suttapiṭaka / ан̇г̇уд̇д̇аранигааяа • Aṅguttaranikāya / 4. гусинаарасуд̇д̇ам̣ • 4. Kusinārasuttaṃ
дийгаа • Tīkā / суд̇д̇абидага (дийгаа) • Suttapiṭaka (ṭīkā) / ан̇г̇уд̇д̇аранигааяа (дийгаа) • Aṅguttaranikāya (ṭīkā) / 1-8. виваад̣̇асуд̇д̇аад̣̇иван̣н̣анаа • 1-8. Vivādasuttādivaṇṇanā
