| Library / Tipiṭaka / д̇ибидага • Tipiṭaka / ан̇г̇уд̇д̇аранигааяа (дийгаа) • Aṅguttaranikāya (ṭīkā) |
6. гусинаарасуд̇д̇аван̣н̣анаа
6. Kusinārasuttavaṇṇanā
76. чадтз наг̇арам̣ бависид̇угаамаа уяяаанад̇о убзжжа вад̇д̇анд̇и г̇ажчанд̇и зд̇знаад̇и убавад̇д̇анам̣. яат̇зва хи галамб̣анад̣̇ид̇ийрад̇о рааж̇амаад̇увихаарад̣̇ваарзна т̇уубаараамам̣ г̇анд̇аб̣б̣ам̣ ход̇и, звам̣ хиран̃н̃авад̇игааяа бааримад̇ийрад̇о саалаванам̣ уяяаанам̣, яат̇аа анураад̇хабурасса т̇уубаараамо д̣̇агкин̣абажчимад̣̇исааяа, звам̣ д̇ам̣ уяяаанам̣ гусинаарааяа д̣̇агкин̣абажчимад̣̇исааяа ход̇и. яат̇аа т̇уубаараамад̇о д̣̇агкин̣ад̣̇ваарзна наг̇арам̣ бависанамаг̇г̇о баажийнамуко г̇анд̇ваа уд̇д̇арзна нивад̇д̇ад̇и, звам̣ уяяаанад̇о саалабанд̇и баажийнамукаа г̇анд̇ваа уд̇д̇арзна нивад̇д̇аа, д̇асмаа д̇ам̣ ‘‘убавад̇д̇ана’’нд̇и вужжад̇и. анд̇арзд̇и д̣̇виннам̣ сааларугкаанам̣ взмаж̇жхз. д̇ад̇т̇а хи бан̃н̃аабияамаанасса ман̃жасса згаа саалабанд̇и сийсабхааг̇з ход̇и, згаа баад̣̇абхааг̇з. д̇ад̇раби зго д̇арун̣асаало сийсабхааг̇асса аасанно ход̇и, зго баад̣̇абхааг̇асса. абижа яамагасаалаа наама муулаканд̇хавидабабад̇д̇зхи ан̃н̃аман̃н̃ам̣ сам̣сиб̣б̣ид̇ваа тид̇асаалаад̇иби вад̣̇анд̇и.
76. Chaṭṭhe nagaraṃ pavisitukāmā uyyānato upecca vattanti gacchanti etenāti upavattanaṃ. Yatheva hi kalambanaditīrato rājamātuvihāradvārena thūpārāmaṃ gantabbaṃ hoti, evaṃ hiraññavatikāya pārimatīrato sālavanaṃ uyyānaṃ, yathā anurādhapurassa thūpārāmo dakkhiṇapacchimadisāya, evaṃ taṃ uyyānaṃ kusinārāya dakkhiṇapacchimadisāya hoti. Yathā thūpārāmato dakkhiṇadvārena nagaraṃ pavisanamaggo pācīnamukho gantvā uttarena nivattati, evaṃ uyyānato sālapanti pācīnamukhā gantvā uttarena nivattā, tasmā taṃ ‘‘upavattana’’nti vuccati. Antareti dvinnaṃ sālarukkhānaṃ vemajjhe. Tattha hi paññāpiyamānassa mañcassa ekā sālapanti sīsabhāge hoti, ekā pādabhāge. Tatrapi eko taruṇasālo sīsabhāgassa āsanno hoti, eko pādabhāgassa. Apica yamakasālā nāma mūlakhandhaviṭapapattehi aññamaññaṃ saṃsibbitvā ṭhitasālātipi vadanti.
д̣̇взл̣хаганд̇и д̣̇вид̇хааг̇аахо, анзгам̣саг̇г̇ааход̇и ад̇т̇о. вимад̇ийд̇и сам̣саяаабад̇д̇ийд̇и ааха ‘‘винижчид̇ум̣ асамад̇т̇ад̇аа’’д̇и. д̇ам̣ во вад̣̇аамийд̇и д̇ам̣ сам̣саяаванд̇ам̣ бхигкум̣ санд̇хааяа во д̇умхз вад̣̇аамийд̇и. нигган̇кабхаавабажжагкагаран̣анд̇и б̣уд̣̇д̇хаад̣̇ийсу д̇зсам̣ бхигкуунам̣ нигган̇кабхаавасса бажжагкагаарияаа яаат̇аавад̇о д̇амад̇т̇ам̣ бадивиж̇жхид̇ваа тид̇ам̣ саб̣б̣ан̃н̃уд̇ан̃н̃аан̣амзва. зд̇т̇аад̇и зд̇асмим̣ ад̇т̇з.
Dveḷhakanti dvidhāgāho, anekaṃsaggāhoti attho. Vimatīti saṃsayāpattīti āha ‘‘vinicchituṃ asamatthatā’’ti. Taṃ vo vadāmīti taṃ saṃsayavantaṃ bhikkhuṃ sandhāya vo tumhe vadāmīti. Nikkaṅkhabhāvapaccakkhakaraṇanti buddhādīsu tesaṃ bhikkhūnaṃ nikkaṅkhabhāvassa paccakkhakāriyā yāthāvato tamatthaṃ paṭivijjhitvā ṭhitaṃ sabbaññutaññāṇameva. Etthāti etasmiṃ atthe.
гусинаарасуд̇д̇аван̣н̣анаа нидтид̇аа.
Kusinārasuttavaṇṇanā niṭṭhitā.
Related texts:
д̇ибидага (муула) • Tipiṭaka (Mūla) / суд̇д̇абидага • Suttapiṭaka / ан̇г̇уд̇д̇аранигааяа • Aṅguttaranikāya / 6. гусинаарасуд̇д̇ам̣ • 6. Kusinārasuttaṃ
адтагат̇аа • Aṭṭhakathā / суд̇д̇абидага (адтагат̇аа) • Suttapiṭaka (aṭṭhakathā) / ан̇г̇уд̇д̇аранигааяа (адтагат̇аа) • Aṅguttaranikāya (aṭṭhakathā) / 6. гусинаарасуд̇д̇аван̣н̣анаа • 6. Kusinārasuttavaṇṇanā
