| Library / Tipiṭaka / ติปิฎก • Tipiṭaka / องฺคุตฺตรนิกาย (อฎฺฐกถา) • Aṅguttaranikāya (aṭṭhakathā) |
(๑๓) ๓. กุสินารวโคฺค
(13) 3. Kusināravaggo
๑. กุสินารสุตฺตวณฺณนา
1. Kusinārasuttavaṇṇanā
๑๒๔. ตติยสฺส ปฐเม กุสินารายนฺติ เอวํนามเก นคเรฯ พลิหรเณ วนสเณฺฑติ เอวํนามเก วนสเณฺฑฯ ตตฺถ กิร ภูตพลิกรณตฺถํ พลิํ หรนฺติ, ตสฺมา พลิหรณนฺติ วุจฺจติฯ อากงฺขมาโนติ อิจฺฉมาโนฯ สหตฺถาติ สหเตฺถนฯ สมฺปวาเรตีติ อลํ อลนฺติ วาจาย เจว หตฺถวิกาเรน จ ปฎิกฺขิปาเปติฯ สาธุ วต มายนฺติ สาธุ วต มํ อยํฯ คถิโตติ ตณฺหาเคเธน คถิโตฯ มุจฺฉิโตติ ตณฺหามุจฺฉนายเยว มุจฺฉิโตฯ อโชฺฌปโนฺนติ ตณฺหาย คิลิตฺวา ปรินิฎฺฐเปตฺวา ปวโตฺตฯ อนิสฺสรณปโญฺญติ ฉนฺทราคํ ปหาย สํกฑฺฒิตฺวา ปริภุญฺชโนฺต นิสฺสรณปโญฺญ นาม โหติ, อยํ น ตาทิโส, สจฺฉนฺทราโค ปริภุญฺชตีติ อนิสฺสรณปโญฺญฯ สุกฺกปโกฺข วุตฺตวิปริยาเยน เวทิตโพฺพฯ เนกฺขมฺมวิตกฺกาทโย ปเนตฺถ มิสฺสกา กถิตาติ เวทิตพฺพาฯ
124. Tatiyassa paṭhame kusinārāyanti evaṃnāmake nagare. Baliharaṇe vanasaṇḍeti evaṃnāmake vanasaṇḍe. Tattha kira bhūtabalikaraṇatthaṃ baliṃ haranti, tasmā baliharaṇanti vuccati. Ākaṅkhamānoti icchamāno. Sahatthāti sahatthena. Sampavāretīti alaṃ alanti vācāya ceva hatthavikārena ca paṭikkhipāpeti. Sādhu vata māyanti sādhu vata maṃ ayaṃ. Gathitoti taṇhāgedhena gathito. Mucchitoti taṇhāmucchanāyayeva mucchito. Ajjhopannoti taṇhāya gilitvā pariniṭṭhapetvā pavatto. Anissaraṇapaññoti chandarāgaṃ pahāya saṃkaḍḍhitvā paribhuñjanto nissaraṇapañño nāma hoti, ayaṃ na tādiso, sacchandarāgo paribhuñjatīti anissaraṇapañño. Sukkapakkho vuttavipariyāyena veditabbo. Nekkhammavitakkādayo panettha missakā kathitāti veditabbā.
Related texts:
ติปิฎก (มูล) • Tipiṭaka (Mūla) / สุตฺตปิฎก • Suttapiṭaka / องฺคุตฺตรนิกาย • Aṅguttaranikāya / ๑. กุสินารสุตฺตํ • 1. Kusinārasuttaṃ
ฎีกา • Tīkā / สุตฺตปิฎก (ฎีกา) • Suttapiṭaka (ṭīkā) / องฺคุตฺตรนิกาย (ฎีกา) • Aṅguttaranikāya (ṭīkā) / ๑-๒. กุสินารสุตฺตาทิวณฺณนา • 1-2. Kusinārasuttādivaṇṇanā
