| Library / Tipiṭaka / ਤਿਪਿਟਕ • Tipiṭaka / ਅਙ੍ਗੁਤ੍ਤਰਨਿਕਾਯ (ਅਟ੍ਠਕਥਾ) • Aṅguttaranikāya (aṭṭhakathā) |
੫. ਅਕ੍ਕੋਸવਗ੍ਗੋ
5. Akkosavaggo
੪. ਕੁਸਿਨਾਰਸੁਤ੍ਤવਣ੍ਣਨਾ
4. Kusinārasuttavaṇṇanā
੪੪. ਪਞ੍ਚਮਸ੍ਸ ਚਤੁਤ੍ਥੇ ਕੁਸਿਨਾਰਾਯਨ੍ਤਿ ਏવਂਨਾਮਕੇ ਨਗਰੇ। ਦੇવਤਾਨਂ ਅਤ੍ਥਾਯ ਬਲਿਂ ਹਰਨ੍ਤਿ ਏਤ੍ਥਾਤਿ ਬਲਿਹਰਣੋ, ਤਸ੍ਮਿਂ ਬਲਿਹਰਣੇ। ਅਚ੍ਛਿਦ੍ਦੇਨ ਅਪ੍ਪਟਿਮਂਸੇਨਾਤਿਆਦੀਸੁ ਯੇਨ ਕੇਨਚਿਦੇવ ਪਹਟੋ વਾ ਹੋਤਿ, વੇਜ੍ਜਕਮ੍ਮਾਦੀਨਿ વਾ ਕਤਾਨਿ, ਤਸ੍ਸ ਕਾਯਸਮਾਚਾਰੋ ਉਪਚਿਕਾਦੀਹਿ ਖਾਯਿਤਤਾਲਪਣ੍ਣਂ વਿਯ ਛਿਦ੍ਦੋ ਚ, ਪਟਿਮਸਿਤੁਂ ਯਤ੍ਥ ਕਤ੍ਥਚਿ ਗਹੇਤ੍વਾ ਆਕਡ੍ਢਿਤੁਂ ਸਕ੍ਕੁਣੇਯ੍ਯਤਾਯ ਪਟਿਮਂਸੋ ਚ ਹੋਤਿ, વਿਪਰੀਤੋ ਅਚ੍ਛਿਦ੍ਦੋ ਅਪ੍ਪਟਿਮਂਸੋ ਨਾਮ। વਚੀਸਮਾਚਾਰੋ ਪਨ ਮੁਸਾવਾਦਓਮਸવਾਦਪੇਸੁਞ੍ਞਅਮੂਲਕਾਨੁਦ੍ਧਂਸਨਾਦੀਹਿ ਛਿਦ੍ਦੋ ਸਪ੍ਪਟਿਮਂਸੋ ਚ ਹੋਤਿ, વਿਪਰੀਤੋ ਅਚ੍ਛਿਦ੍ਦੋ ਅਪ੍ਪਟਿਮਂਸੋ। ਮੇਤ੍ਤਂ ਨੁ ਖੋ ਮੇ ਚਿਤ੍ਤਨ੍ਤਿ ਪਲਿਬੋਧਂ ਛਿਨ੍ਦਿਤ੍વਾ ਕਮ੍ਮਟ੍ਠਾਨਭਾવਨਾਨੁਯੋਗੇਨ ਅਧਿਗਤਂ ਮੇ ਮੇਤ੍ਤਚਿਤ੍ਤਂ। ਅਨਾਘਾਤਨ੍ਤਿ ਆਘਾਤવਿਰਹਿਤਂ, વਿਕ੍ਖਮ੍ਭਨੇਨ વਿਹਤਾਘਾਤਨ੍ਤਿ ਅਤ੍ਥੋ। ਕਤ੍ਥ વੁਤ੍ਤਨ੍ਤਿ ਇਦਂ ਸਿਕ੍ਖਾਪਦਂ ਕਿਸ੍ਮਿਂ ਨਗਰੇ વੁਤ੍ਤਂ।
44. Pañcamassa catutthe kusinārāyanti evaṃnāmake nagare. Devatānaṃ atthāya baliṃ haranti etthāti baliharaṇo, tasmiṃ baliharaṇe. Acchiddena appaṭimaṃsenātiādīsu yena kenacideva pahaṭo vā hoti, vejjakammādīni vā katāni, tassa kāyasamācāro upacikādīhi khāyitatālapaṇṇaṃ viya chiddo ca, paṭimasituṃ yattha katthaci gahetvā ākaḍḍhituṃ sakkuṇeyyatāya paṭimaṃso ca hoti, viparīto acchiddo appaṭimaṃso nāma. Vacīsamācāro pana musāvādaomasavādapesuññaamūlakānuddhaṃsanādīhi chiddo sappaṭimaṃso ca hoti, viparīto acchiddo appaṭimaṃso. Mettaṃ nu kho me cittanti palibodhaṃ chinditvā kammaṭṭhānabhāvanānuyogena adhigataṃ me mettacittaṃ. Anāghātanti āghātavirahitaṃ, vikkhambhanena vihatāghātanti attho. Kattha vuttanti idaṃ sikkhāpadaṃ kismiṃ nagare vuttaṃ.
ਕਾਲੇਨ વਕ੍ਖਾਮੀਤਿਆਦੀਸੁ ਏਕੋ ਏਕਂ ਓਕਾਸਂ ਕਾਰੇਤ੍વਾ ਚੋਦੇਨ੍ਤੋ ਕਾਲੇਨ વਦਤਿ ਨਾਮ। ਸਙ੍ਘਮਜ੍ਝੇ વਾ ਗਣਮਜ੍ਝੇ વਾ ਸਲਾਕਗ੍ਗਯਾਗਗ੍ਗવਿਤਕ੍ਕਮਾਲ਼ਕਭਿਕ੍ਖਾਚਾਰਮਗ੍ਗਆਸਨਸਾਲਾਦੀਸੁ વਾ ਉਪਟ੍ਠਾਕੇਹਿ ਪਰਿવਾਰਿਤਕ੍ਖਣੇ વਾ ਚੋਦੇਨ੍ਤੋ ਅਕਾਲੇਨ વਦਤਿ ਨਾਮ। ਤਚ੍ਛੇਨ વਦਨ੍ਤੋ ਭੂਤੇਨ વਦਤਿ ਨਾਮ। ‘‘ਦਹਰਮਹਲ੍ਲਕਪਰਿਸਾવਚਰਕਪਂਸੁਕੂਲਿਕਧਮ੍ਮਕਥਿਕਪਤਿਰੂਪਂ ਤવ ਇਦ’’ਨ੍ਤਿ વਦਨ੍ਤੋ ਫਰੁਸੇਨ વਦਤਿ ਨਾਮ। ਕਾਰਣਨਿਸ੍ਸਿਤਂ ਪਨ ਕਤ੍વਾ, ‘‘ਭਨ੍ਤੇ ਮਹਲ੍ਲਕਤ੍ਥ, ਪਰਿਸਾવਚਰਕਤ੍ਥ, ਪਂਸੁਕੂਲਿਕਤ੍ਥ, ਧਮ੍ਮਕਥਿਕਤ੍ਥਪਤਿਰੂਪਂ ਤੁਮ੍ਹਾਕਮਿਦ’’ਨ੍ਤਿ વਦਨ੍ਤੋ ਸਣ੍ਹੇਨ વਦਤਿ ਨਾਮ। ਕਾਰਣਨਿਸ੍ਸਿਤਂ ਕਤ੍વਾ વਦਨ੍ਤੋ ਅਤ੍ਥਸਂਹਿਤੇਨ વਦਤਿ ਨਾਮ। ਮੇਤ੍ਤਚਿਤ੍ਤੋ વਕ੍ਖਾਮਿ ਨੋ ਦੋਸਨ੍ਤਰੋਤਿ ਮੇਤ੍ਤਚਿਤ੍ਤਂ ਪਚ੍ਚੁਪਟ੍ਠਪੇਤ੍વਾ વਕ੍ਖਾਮਿ, ਨ ਦੁਟ੍ਠਚਿਤ੍ਤੋ ਹੁਤ੍વਾ।
Kālena vakkhāmītiādīsu eko ekaṃ okāsaṃ kāretvā codento kālena vadati nāma. Saṅghamajjhe vā gaṇamajjhe vā salākaggayāgaggavitakkamāḷakabhikkhācāramaggaāsanasālādīsu vā upaṭṭhākehi parivāritakkhaṇe vā codento akālena vadati nāma. Tacchena vadanto bhūtena vadati nāma. ‘‘Daharamahallakaparisāvacarakapaṃsukūlikadhammakathikapatirūpaṃ tava ida’’nti vadanto pharusena vadati nāma. Kāraṇanissitaṃ pana katvā, ‘‘bhante mahallakattha, parisāvacarakattha, paṃsukūlikattha, dhammakathikatthapatirūpaṃ tumhākamida’’nti vadanto saṇhena vadati nāma. Kāraṇanissitaṃ katvā vadanto atthasaṃhitena vadati nāma. Mettacitto vakkhāmi no dosantaroti mettacittaṃ paccupaṭṭhapetvā vakkhāmi, na duṭṭhacitto hutvā.
Related texts:
ਤਿਪਿਟਕ (ਮੂਲ) • Tipiṭaka (Mūla) / ਸੁਤ੍ਤਪਿਟਕ • Suttapiṭaka / ਅਙ੍ਗੁਤ੍ਤਰਨਿਕਾਯ • Aṅguttaranikāya / ੪. ਕੁਸਿਨਾਰਸੁਤ੍ਤਂ • 4. Kusinārasuttaṃ
ਟੀਕਾ • Tīkā / ਸੁਤ੍ਤਪਿਟਕ (ਟੀਕਾ) • Suttapiṭaka (ṭīkā) / ਅਙ੍ਗੁਤ੍ਤਰਨਿਕਾਯ (ਟੀਕਾ) • Aṅguttaranikāya (ṭīkā) / ੧-੮. વਿવਾਦਸੁਤ੍ਤਾਦਿવਣ੍ਣਨਾ • 1-8. Vivādasuttādivaṇṇanā
