| Library / Tipiṭaka / ਤਿਪਿਟਕ • Tipiṭaka / ਅਙ੍ਗੁਤ੍ਤਰਨਿਕਾਯ (ਟੀਕਾ) • Aṅguttaranikāya (ṭīkā) |
੬. ਕੁਸਿਨਾਰਸੁਤ੍ਤવਣ੍ਣਨਾ
6. Kusinārasuttavaṇṇanā
੭੬. ਛਟ੍ਠੇ ਨਗਰਂ ਪવਿਸਿਤੁਕਾਮਾ ਉਯ੍ਯਾਨਤੋ ਉਪੇਚ੍ਚ વਤ੍ਤਨ੍ਤਿ ਗਚ੍ਛਨ੍ਤਿ ਏਤੇਨਾਤਿ ਉਪવਤ੍ਤਨਂ। ਯਥੇવ ਹਿ ਕਲਮ੍ਬਨਦਿਤੀਰਤੋ ਰਾਜਮਾਤੁવਿਹਾਰਦ੍વਾਰੇਨ ਥੂਪਾਰਾਮਂ ਗਨ੍ਤਬ੍ਬਂ ਹੋਤਿ, ਏવਂ ਹਿਰਞ੍ਞવਤਿਕਾਯ ਪਾਰਿਮਤੀਰਤੋ ਸਾਲવਨਂ ਉਯ੍ਯਾਨਂ, ਯਥਾ ਅਨੁਰਾਧਪੁਰਸ੍ਸ ਥੂਪਾਰਾਮੋ ਦਕ੍ਖਿਣਪਚ੍ਛਿਮਦਿਸਾਯ, ਏવਂ ਤਂ ਉਯ੍ਯਾਨਂ ਕੁਸਿਨਾਰਾਯ ਦਕ੍ਖਿਣਪਚ੍ਛਿਮਦਿਸਾਯ ਹੋਤਿ। ਯਥਾ ਥੂਪਾਰਾਮਤੋ ਦਕ੍ਖਿਣਦ੍વਾਰੇਨ ਨਗਰਂ ਪવਿਸਨਮਗ੍ਗੋ ਪਾਚੀਨਮੁਖੋ ਗਨ੍ਤ੍વਾ ਉਤ੍ਤਰੇਨ ਨਿવਤ੍ਤਤਿ, ਏવਂ ਉਯ੍ਯਾਨਤੋ ਸਾਲਪਨ੍ਤਿ ਪਾਚੀਨਮੁਖਾ ਗਨ੍ਤ੍વਾ ਉਤ੍ਤਰੇਨ ਨਿવਤ੍ਤਾ, ਤਸ੍ਮਾ ਤਂ ‘‘ਉਪવਤ੍ਤਨ’’ਨ੍ਤਿ વੁਚ੍ਚਤਿ। ਅਨ੍ਤਰੇਤਿ ਦ੍વਿਨ੍ਨਂ ਸਾਲਰੁਕ੍ਖਾਨਂ વੇਮਜ੍ਝੇ। ਤਤ੍ਥ ਹਿ ਪਞ੍ਞਾਪਿਯਮਾਨਸ੍ਸ ਮਞ੍ਚਸ੍ਸ ਏਕਾ ਸਾਲਪਨ੍ਤਿ ਸੀਸਭਾਗੇ ਹੋਤਿ, ਏਕਾ ਪਾਦਭਾਗੇ। ਤਤ੍ਰਪਿ ਏਕੋ ਤਰੁਣਸਾਲੋ ਸੀਸਭਾਗਸ੍ਸ ਆਸਨ੍ਨੋ ਹੋਤਿ, ਏਕੋ ਪਾਦਭਾਗਸ੍ਸ। ਅਪਿਚ ਯਮਕਸਾਲਾ ਨਾਮ ਮੂਲਖਨ੍ਧવਿਟਪਪਤ੍ਤੇਹਿ ਅਞ੍ਞਮਞ੍ਞਂ ਸਂਸਿਬ੍ਬਿਤ੍વਾ ਠਿਤਸਾਲਾਤਿਪਿ વਦਨ੍ਤਿ।
76. Chaṭṭhe nagaraṃ pavisitukāmā uyyānato upecca vattanti gacchanti etenāti upavattanaṃ. Yatheva hi kalambanaditīrato rājamātuvihāradvārena thūpārāmaṃ gantabbaṃ hoti, evaṃ hiraññavatikāya pārimatīrato sālavanaṃ uyyānaṃ, yathā anurādhapurassa thūpārāmo dakkhiṇapacchimadisāya, evaṃ taṃ uyyānaṃ kusinārāya dakkhiṇapacchimadisāya hoti. Yathā thūpārāmato dakkhiṇadvārena nagaraṃ pavisanamaggo pācīnamukho gantvā uttarena nivattati, evaṃ uyyānato sālapanti pācīnamukhā gantvā uttarena nivattā, tasmā taṃ ‘‘upavattana’’nti vuccati. Antareti dvinnaṃ sālarukkhānaṃ vemajjhe. Tattha hi paññāpiyamānassa mañcassa ekā sālapanti sīsabhāge hoti, ekā pādabhāge. Tatrapi eko taruṇasālo sīsabhāgassa āsanno hoti, eko pādabhāgassa. Apica yamakasālā nāma mūlakhandhaviṭapapattehi aññamaññaṃ saṃsibbitvā ṭhitasālātipi vadanti.
ਦ੍વੇਲ਼੍ਹਕਨ੍ਤਿ ਦ੍વਿਧਾਗਾਹੋ, ਅਨੇਕਂਸਗ੍ਗਾਹੋਤਿ ਅਤ੍ਥੋ। વਿਮਤੀਤਿ ਸਂਸਯਾਪਤ੍ਤੀਤਿ ਆਹ ‘‘વਿਨਿਚ੍ਛਿਤੁਂ ਅਸਮਤ੍ਥਤਾ’’ਤਿ। ਤਂ વੋ વਦਾਮੀਤਿ ਤਂ ਸਂਸਯવਨ੍ਤਂ ਭਿਕ੍ਖੁਂ ਸਨ੍ਧਾਯ વੋ ਤੁਮ੍ਹੇ વਦਾਮੀਤਿ। ਨਿਕ੍ਕਙ੍ਖਭਾવਪਚ੍ਚਕ੍ਖਕਰਣਨ੍ਤਿ ਬੁਦ੍ਧਾਦੀਸੁ ਤੇਸਂ ਭਿਕ੍ਖੂਨਂ ਨਿਕ੍ਕਙ੍ਖਭਾવਸ੍ਸ ਪਚ੍ਚਕ੍ਖਕਾਰਿਯਾ ਯਾਥਾવਤੋ ਤਮਤ੍ਥਂ ਪਟਿવਿਜ੍ਝਿਤ੍વਾ ਠਿਤਂ ਸਬ੍ਬਞ੍ਞੁਤਞ੍ਞਾਣਮੇવ। ਏਤ੍ਥਾਤਿ ਏਤਸ੍ਮਿਂ ਅਤ੍ਥੇ।
Dveḷhakanti dvidhāgāho, anekaṃsaggāhoti attho. Vimatīti saṃsayāpattīti āha ‘‘vinicchituṃ asamatthatā’’ti. Taṃ vo vadāmīti taṃ saṃsayavantaṃ bhikkhuṃ sandhāya vo tumhe vadāmīti. Nikkaṅkhabhāvapaccakkhakaraṇanti buddhādīsu tesaṃ bhikkhūnaṃ nikkaṅkhabhāvassa paccakkhakāriyā yāthāvato tamatthaṃ paṭivijjhitvā ṭhitaṃ sabbaññutaññāṇameva. Etthāti etasmiṃ atthe.
ਕੁਸਿਨਾਰਸੁਤ੍ਤવਣ੍ਣਨਾ ਨਿਟ੍ਠਿਤਾ।
Kusinārasuttavaṇṇanā niṭṭhitā.
Related texts:
ਤਿਪਿਟਕ (ਮੂਲ) • Tipiṭaka (Mūla) / ਸੁਤ੍ਤਪਿਟਕ • Suttapiṭaka / ਅਙ੍ਗੁਤ੍ਤਰਨਿਕਾਯ • Aṅguttaranikāya / ੬. ਕੁਸਿਨਾਰਸੁਤ੍ਤਂ • 6. Kusinārasuttaṃ
ਅਟ੍ਠਕਥਾ • Aṭṭhakathā / ਸੁਤ੍ਤਪਿਟਕ (ਅਟ੍ਠਕਥਾ) • Suttapiṭaka (aṭṭhakathā) / ਅਙ੍ਗੁਤ੍ਤਰਨਿਕਾਯ (ਅਟ੍ਠਕਥਾ) • Aṅguttaranikāya (aṭṭhakathā) / ੬. ਕੁਸਿਨਾਰਸੁਤ੍ਤવਣ੍ਣਨਾ • 6. Kusinārasuttavaṇṇanā
