| Library / Tipiṭaka / തിപിടക • Tipiṭaka / അങ്ഗുത്തരനികായ (അട്ഠകഥാ) • Aṅguttaranikāya (aṭṭhakathā) |
(൧൩) ൩. കുസിനാരവഗ്ഗോ
(13) 3. Kusināravaggo
൧. കുസിനാരസുത്തവണ്ണനാ
1. Kusinārasuttavaṇṇanā
൧൨൪. തതിയസ്സ പഠമേ കുസിനാരായന്തി ഏവംനാമകേ നഗരേ. ബലിഹരണേ വനസണ്ഡേതി ഏവംനാമകേ വനസണ്ഡേ. തത്ഥ കിര ഭൂതബലികരണത്ഥം ബലിം ഹരന്തി, തസ്മാ ബലിഹരണന്തി വുച്ചതി. ആകങ്ഖമാനോതി ഇച്ഛമാനോ. സഹത്ഥാതി സഹത്ഥേന. സമ്പവാരേതീതി അലം അലന്തി വാചായ ചേവ ഹത്ഥവികാരേന ച പടിക്ഖിപാപേതി. സാധു വത മായന്തി സാധു വത മം അയം. ഗഥിതോതി തണ്ഹാഗേധേന ഗഥിതോ. മുച്ഛിതോതി തണ്ഹാമുച്ഛനായയേവ മുച്ഛിതോ. അജ്ഝോപന്നോതി തണ്ഹായ ഗിലിത്വാ പരിനിട്ഠപേത്വാ പവത്തോ. അനിസ്സരണപഞ്ഞോതി ഛന്ദരാഗം പഹായ സംകഡ്ഢിത്വാ പരിഭുഞ്ജന്തോ നിസ്സരണപഞ്ഞോ നാമ ഹോതി, അയം ന താദിസോ, സച്ഛന്ദരാഗോ പരിഭുഞ്ജതീതി അനിസ്സരണപഞ്ഞോ. സുക്കപക്ഖോ വുത്തവിപരിയായേന വേദിതബ്ബോ. നേക്ഖമ്മവിതക്കാദയോ പനേത്ഥ മിസ്സകാ കഥിതാതി വേദിതബ്ബാ.
124. Tatiyassa paṭhame kusinārāyanti evaṃnāmake nagare. Baliharaṇe vanasaṇḍeti evaṃnāmake vanasaṇḍe. Tattha kira bhūtabalikaraṇatthaṃ baliṃ haranti, tasmā baliharaṇanti vuccati. Ākaṅkhamānoti icchamāno. Sahatthāti sahatthena. Sampavāretīti alaṃ alanti vācāya ceva hatthavikārena ca paṭikkhipāpeti. Sādhu vata māyanti sādhu vata maṃ ayaṃ. Gathitoti taṇhāgedhena gathito. Mucchitoti taṇhāmucchanāyayeva mucchito. Ajjhopannoti taṇhāya gilitvā pariniṭṭhapetvā pavatto. Anissaraṇapaññoti chandarāgaṃ pahāya saṃkaḍḍhitvā paribhuñjanto nissaraṇapañño nāma hoti, ayaṃ na tādiso, sacchandarāgo paribhuñjatīti anissaraṇapañño. Sukkapakkho vuttavipariyāyena veditabbo. Nekkhammavitakkādayo panettha missakā kathitāti veditabbā.
Related texts:
തിപിടക (മൂല) • Tipiṭaka (Mūla) / സുത്തപിടക • Suttapiṭaka / അങ്ഗുത്തരനികായ • Aṅguttaranikāya / ൧. കുസിനാരസുത്തം • 1. Kusinārasuttaṃ
ടീകാ • Tīkā / സുത്തപിടക (ടീകാ) • Suttapiṭaka (ṭīkā) / അങ്ഗുത്തരനികായ (ടീകാ) • Aṅguttaranikāya (ṭīkā) / ൧-൨. കുസിനാരസുത്താദിവണ്ണനാ • 1-2. Kusinārasuttādivaṇṇanā
