| Library / Tipiṭaka / তিপিটক • Tipiṭaka / সংযুত্তনিকায • Saṃyuttanikāya |
১২. কুসীতমূলকসুত্তং
12. Kusītamūlakasuttaṃ
১০৬. সাৰত্থিযং ৰিহরতি…পে॰… ‘‘ধাতুসোৰ, ভিক্খৰে, সত্তা সংসন্দন্তি সমেন্তি। কুসীতা কুসীতেহি সদ্ধিং সংসন্দন্তি সমেন্তি; মুট্ঠস্সতিনো মুট্ঠস্সতীহি সদ্ধিং সংসন্দন্তি সমেন্তি; দুপ্পঞ্ঞা দুপ্পঞ্ঞেহি সদ্ধিং সংসন্দন্তি সমেন্তি; আরদ্ধৰীরিযা আরদ্ধৰীরিযেহি সদ্ধিং সংসন্দন্তি সমেন্তি; উপট্ঠিতস্সতিনো উপট্ঠিতস্সতীহি সদ্ধিং সংসন্দন্তি সমেন্তি; পঞ্ঞৰন্তো পঞ্ঞৰন্তেহি সদ্ধিং সংসন্দন্তি সমেন্তীতি…পে॰…। দ্ৰাদসমং।
106. Sāvatthiyaṃ viharati…pe… ‘‘dhātusova, bhikkhave, sattā saṃsandanti samenti. Kusītā kusītehi saddhiṃ saṃsandanti samenti; muṭṭhassatino muṭṭhassatīhi saddhiṃ saṃsandanti samenti; duppaññā duppaññehi saddhiṃ saṃsandanti samenti; āraddhavīriyā āraddhavīriyehi saddhiṃ saṃsandanti samenti; upaṭṭhitassatino upaṭṭhitassatīhi saddhiṃ saṃsandanti samenti; paññavanto paññavantehi saddhiṃ saṃsandanti samentīti…pe…. Dvādasamaṃ.
দুতিযো ৰগ্গো।
Dutiyo vaggo.
তস্সুদ্দানং –
Tassuddānaṃ –
সত্তিমা সনিদানঞ্চ, গিঞ্জকাৰসথেন চ।
Sattimā sanidānañca, giñjakāvasathena ca;
হীনাধিমুত্তি চঙ্কমং, সগাথা অস্সদ্ধসত্তমং॥
Hīnādhimutti caṅkamaṃ, sagāthā assaddhasattamaṃ.
অস্সদ্ধমূলকা পঞ্চ, চত্তারো অহিরিকমূলকা।
Assaddhamūlakā pañca, cattāro ahirikamūlakā;
অনোত্তপ্পমূলকা তীণি, দুৰে অপ্পস্সুতেন চ॥
Anottappamūlakā tīṇi, duve appassutena ca.
কুসীতং এককং ৰুত্তং, সুত্তন্তা তীণি পঞ্চকা।
Kusītaṃ ekakaṃ vuttaṃ, suttantā tīṇi pañcakā;
বাৰীসতি ৰুত্তা সুত্তা, দুতিযো ৰগ্গো পৰুচ্চতীতি॥
Bāvīsati vuttā suttā, dutiyo vaggo pavuccatīti.
Related texts:
অট্ঠকথা • Aṭṭhakathā / সুত্তপিটক (অট্ঠকথা) • Suttapiṭaka (aṭṭhakathā) / সংযুত্তনিকায (অট্ঠকথা) • Saṃyuttanikāya (aṭṭhakathā) / ৮-১২. অস্সদ্ধমূলকসুত্তাদিৰণ্ণনা • 8-12. Assaddhamūlakasuttādivaṇṇanā
টীকা • Tīkā / সুত্তপিটক (টীকা) • Suttapiṭaka (ṭīkā) / সংযুত্তনিকায (টীকা) • Saṃyuttanikāya (ṭīkā) / ৮-১২. অস্সদ্ধমূলকসুত্তাদিৰণ্ণনা • 8-12. Assaddhamūlakasuttādivaṇṇanā
