| Library / Tipiṭaka / तिपिटक • Tipiṭaka / संयुत्तनिकाय • Saṃyuttanikāya |
१२. कुसीतमूलकसुत्तं
12. Kusītamūlakasuttaṃ
१०६. सावत्थियं विहरति…पे॰… ‘‘धातुसोव, भिक्खवे, सत्ता संसन्दन्ति समेन्ति। कुसीता कुसीतेहि सद्धिं संसन्दन्ति समेन्ति; मुट्ठस्सतिनो मुट्ठस्सतीहि सद्धिं संसन्दन्ति समेन्ति; दुप्पञ्ञा दुप्पञ्ञेहि सद्धिं संसन्दन्ति समेन्ति; आरद्धवीरिया आरद्धवीरियेहि सद्धिं संसन्दन्ति समेन्ति; उपट्ठितस्सतिनो उपट्ठितस्सतीहि सद्धिं संसन्दन्ति समेन्ति; पञ्ञवन्तो पञ्ञवन्तेहि सद्धिं संसन्दन्ति समेन्तीति…पे॰…। द्वादसमं।
106. Sāvatthiyaṃ viharati…pe… ‘‘dhātusova, bhikkhave, sattā saṃsandanti samenti. Kusītā kusītehi saddhiṃ saṃsandanti samenti; muṭṭhassatino muṭṭhassatīhi saddhiṃ saṃsandanti samenti; duppaññā duppaññehi saddhiṃ saṃsandanti samenti; āraddhavīriyā āraddhavīriyehi saddhiṃ saṃsandanti samenti; upaṭṭhitassatino upaṭṭhitassatīhi saddhiṃ saṃsandanti samenti; paññavanto paññavantehi saddhiṃ saṃsandanti samentīti…pe…. Dvādasamaṃ.
दुतियो वग्गो।
Dutiyo vaggo.
तस्सुद्दानं –
Tassuddānaṃ –
सत्तिमा सनिदानञ्च, गिञ्जकावसथेन च।
Sattimā sanidānañca, giñjakāvasathena ca;
हीनाधिमुत्ति चङ्कमं, सगाथा अस्सद्धसत्तमं॥
Hīnādhimutti caṅkamaṃ, sagāthā assaddhasattamaṃ.
अस्सद्धमूलका पञ्च, चत्तारो अहिरिकमूलका।
Assaddhamūlakā pañca, cattāro ahirikamūlakā;
अनोत्तप्पमूलका तीणि, दुवे अप्पस्सुतेन च॥
Anottappamūlakā tīṇi, duve appassutena ca.
कुसीतं एककं वुत्तं, सुत्तन्ता तीणि पञ्चका।
Kusītaṃ ekakaṃ vuttaṃ, suttantā tīṇi pañcakā;
बावीसति वुत्ता सुत्ता, दुतियो वग्गो पवुच्चतीति॥
Bāvīsati vuttā suttā, dutiyo vaggo pavuccatīti.
Related texts:
अट्ठकथा • Aṭṭhakathā / सुत्तपिटक (अट्ठकथा) • Suttapiṭaka (aṭṭhakathā) / संयुत्तनिकाय (अट्ठकथा) • Saṃyuttanikāya (aṭṭhakathā) / ८-१२. अस्सद्धमूलकसुत्तादिवण्णना • 8-12. Assaddhamūlakasuttādivaṇṇanā
टीका • Tīkā / सुत्तपिटक (टीका) • Suttapiṭaka (ṭīkā) / संयुत्तनिकाय (टीका) • Saṃyuttanikāya (ṭīkā) / ८-१२. अस्सद्धमूलकसुत्तादिवण्णना • 8-12. Assaddhamūlakasuttādivaṇṇanā
