| Library / Tipiṭaka / តិបិដក • Tipiṭaka / សំយុត្តនិកាយ • Saṃyuttanikāya |
១២. កុសីតមូលកសុត្តំ
12. Kusītamūlakasuttaṃ
១០៦. សាវត្ថិយំ វិហរតិ…បេ.… ‘‘ធាតុសោវ, ភិក្ខវេ, សត្តា សំសន្ទន្តិ សមេន្តិ។ កុសីតា កុសីតេហិ សទ្ធិំ សំសន្ទន្តិ សមេន្តិ; មុដ្ឋស្សតិនោ មុដ្ឋស្សតីហិ សទ្ធិំ សំសន្ទន្តិ សមេន្តិ; ទុប្បញ្ញា ទុប្បញ្ញេហិ សទ្ធិំ សំសន្ទន្តិ សមេន្តិ; អារទ្ធវីរិយា អារទ្ធវីរិយេហិ សទ្ធិំ សំសន្ទន្តិ សមេន្តិ; ឧបដ្ឋិតស្សតិនោ ឧបដ្ឋិតស្សតីហិ សទ្ធិំ សំសន្ទន្តិ សមេន្តិ; បញ្ញវន្តោ បញ្ញវន្តេហិ សទ្ធិំ សំសន្ទន្តិ សមេន្តីតិ…បេ.…។ ទ្វាទសមំ។
106. Sāvatthiyaṃ viharati…pe… ‘‘dhātusova, bhikkhave, sattā saṃsandanti samenti. Kusītā kusītehi saddhiṃ saṃsandanti samenti; muṭṭhassatino muṭṭhassatīhi saddhiṃ saṃsandanti samenti; duppaññā duppaññehi saddhiṃ saṃsandanti samenti; āraddhavīriyā āraddhavīriyehi saddhiṃ saṃsandanti samenti; upaṭṭhitassatino upaṭṭhitassatīhi saddhiṃ saṃsandanti samenti; paññavanto paññavantehi saddhiṃ saṃsandanti samentīti…pe…. Dvādasamaṃ.
ទុតិយោ វគ្គោ។
Dutiyo vaggo.
តស្សុទ្ទានំ –
Tassuddānaṃ –
សត្តិមា សនិទានញ្ច, គិញ្ជកាវសថេន ច;
Sattimā sanidānañca, giñjakāvasathena ca;
ហីនាធិមុត្តិ ចង្កមំ, សគាថា អស្សទ្ធសត្តមំ។
Hīnādhimutti caṅkamaṃ, sagāthā assaddhasattamaṃ.
អស្សទ្ធមូលកា បញ្ច, ចត្តារោ អហិរិកមូលកា;
Assaddhamūlakā pañca, cattāro ahirikamūlakā;
អនោត្តប្បមូលកា តីណិ, ទុវេ អប្បស្សុតេន ច។
Anottappamūlakā tīṇi, duve appassutena ca.
កុសីតំ ឯកកំ វុត្តំ, សុត្តន្តា តីណិ បញ្ចកា;
Kusītaṃ ekakaṃ vuttaṃ, suttantā tīṇi pañcakā;
ពាវីសតិ វុត្តា សុត្តា, ទុតិយោ វគ្គោ បវុច្ចតីតិ។
Bāvīsati vuttā suttā, dutiyo vaggo pavuccatīti.
Related texts:
អដ្ឋកថា • Aṭṭhakathā / សុត្តបិដក (អដ្ឋកថា) • Suttapiṭaka (aṭṭhakathā) / សំយុត្តនិកាយ (អដ្ឋកថា) • Saṃyuttanikāya (aṭṭhakathā) / ៨-១២. អស្សទ្ធមូលកសុត្តាទិវណ្ណនា • 8-12. Assaddhamūlakasuttādivaṇṇanā
ដីកា • Tīkā / សុត្តបិដក (ដីកា) • Suttapiṭaka (ṭīkā) / សំយុត្តនិកាយ (ដីកា) • Saṃyuttanikāya (ṭīkā) / ៨-១២. អស្សទ្ធមូលកសុត្តាទិវណ្ណនា • 8-12. Assaddhamūlakasuttādivaṇṇanā
