| Library / Tipiṭaka / තිපිටක • Tipiṭaka / සංයුත්‌තනිකාය • Saṃyuttanikāya |
12. කුසීතමූලකසුත්‌තං
12. Kusītamūlakasuttaṃ
106. සාවත්‌ථියං විහරති…පෙ.… ‘‘ධාතුසොව, භික්‌ඛවෙ, සත්‌තා සංසන්‌දන්‌ති සමෙන්‌ති. කුසීතා කුසීතෙහි සද්‌ධිං සංසන්‌දන්‌ති සමෙන්‌ති; මුට්‌ඨස්‌සතිනො මුට්‌ඨස්‌සතීහි සද්‌ධිං සංසන්‌දන්‌ති සමෙන්‌ති; දුප්‌පඤ්‌ඤා දුප්‌පඤ්‌ඤෙහි සද්‌ධිං සංසන්‌දන්‌ති සමෙන්‌ති; ආරද්‌ධවීරියා ආරද්‌ධවීරියෙහි සද්‌ධිං සංසන්‌දන්‌ති සමෙන්‌ති; උපට්‌ඨිතස්‌සතිනො උපට්‌ඨිතස්‌සතීහි සද්‌ධිං සංසන්‌දන්‌ති සමෙන්‌ති; පඤ්‌ඤවන්‌තො පඤ්‌ඤවන්‌තෙහි සද්‌ධිං සංසන්‌දන්‌ති සමෙන්‌තීති…පෙ.…. ද්‌වාදසමං.
106. Sāvatthiyaṃ viharati…pe… ‘‘dhātusova, bhikkhave, sattā saṃsandanti samenti. Kusītā kusītehi saddhiṃ saṃsandanti samenti; muṭṭhassatino muṭṭhassatīhi saddhiṃ saṃsandanti samenti; duppaññā duppaññehi saddhiṃ saṃsandanti samenti; āraddhavīriyā āraddhavīriyehi saddhiṃ saṃsandanti samenti; upaṭṭhitassatino upaṭṭhitassatīhi saddhiṃ saṃsandanti samenti; paññavanto paññavantehi saddhiṃ saṃsandanti samentīti…pe…. Dvādasamaṃ.
දුතියො වග්‌ගො.
Dutiyo vaggo.
තස්‌සුද්‌දානං –
Tassuddānaṃ –
සත්‌තිමා සනිදානඤ්‌ච, ගිඤ්‌ජකාවසථෙන ච;
Sattimā sanidānañca, giñjakāvasathena ca;
හීනාධිමුත්‌ති චඞ්‌කමං, සගාථා අස්‌සද්‌ධසත්‌තමං.
Hīnādhimutti caṅkamaṃ, sagāthā assaddhasattamaṃ.
අස්‌සද්‌ධමූලකා පඤ්‌ච, චත්‌තාරො අහිරිකමූලකා;
Assaddhamūlakā pañca, cattāro ahirikamūlakā;
අනොත්‌තප්‌පමූලකා තීණි, දුවෙ අප්‌පස්‌සුතෙන ච.
Anottappamūlakā tīṇi, duve appassutena ca.
කුසීතං එකකං වුත්‌තං, සුත්‌තන්‌තා තීණි පඤ්‌චකා;
Kusītaṃ ekakaṃ vuttaṃ, suttantā tīṇi pañcakā;
බාවීසති වුත්‌තා සුත්‌තා, දුතියො වග්‌ගො පවුච්‌චතීති.
Bāvīsati vuttā suttā, dutiyo vaggo pavuccatīti.
Related texts:
අට්‌ඨකථා • Aṭṭhakathā / සුත්‌තපිටක (අට්‌ඨකථා) • Suttapiṭaka (aṭṭhakathā) / සංයුත්‌තනිකාය (අට්‌ඨකථා) • Saṃyuttanikāya (aṭṭhakathā) / 8-12. අස්‌සද්‌ධමූලකසුත්‌තාදිවණ්‌ණනා • 8-12. Assaddhamūlakasuttādivaṇṇanā
ටීකා • Tīkā / සුත්‌තපිටක (ටීකා) • Suttapiṭaka (ṭīkā) / සංයුත්‌තනිකාය (ටීකා) • Saṃyuttanikāya (ṭīkā) / 8-12. අස්‌සද්‌ධමූලකසුත්‌තාදිවණ්‌ණනා • 8-12. Assaddhamūlakasuttādivaṇṇanā
