| Library / Tipiṭaka / д̇ибидага • Tipiṭaka / ан̇г̇уд̇д̇аранигааяа • Aṅguttaranikāya |
10. гусийд̇аарамбхавад̇т̇усуд̇д̇ам̣
10. Kusītārambhavatthusuttaṃ
80. 1 ‘‘адтимаани , бхигкавз, гусийд̇авад̇т̇ууни. гад̇амаани адта? ид̇ха, бхигкавз, бхигкунаа гаммам̣ гад̇д̇аб̣б̣ам̣ ход̇и. д̇асса звам̣ ход̇и – ‘гаммам̣ ко мз гад̇д̇аб̣б̣ам̣ бхависсад̇и. гаммам̣ ко бана мз гаронд̇асса гааяо гиламиссад̇и. ханд̣̇аахам̣ нибаж̇ж̇аамий’д̇и. со нибаж̇ж̇ад̇и, на вийрияам̣ аарабхад̇и аббад̇д̇асса бад̇д̇ияаа анад̇хиг̇ад̇асса ад̇хиг̇амааяа асажчигад̇асса сажчигирияааяа. ид̣̇ам̣, бхигкавз, батамам̣ гусийд̇авад̇т̇у.
80.2 ‘‘Aṭṭhimāni , bhikkhave, kusītavatthūni. Katamāni aṭṭha? Idha, bhikkhave, bhikkhunā kammaṃ kattabbaṃ hoti. Tassa evaṃ hoti – ‘kammaṃ kho me kattabbaṃ bhavissati. Kammaṃ kho pana me karontassa kāyo kilamissati. Handāhaṃ nipajjāmī’ti. So nipajjati, na vīriyaṃ ārabhati appattassa pattiyā anadhigatassa adhigamāya asacchikatassa sacchikiriyāya. Idaṃ, bhikkhave, paṭhamaṃ kusītavatthu.
‘‘буна жабарам̣, бхигкавз, бхигкунаа гаммам̣ гад̇ам̣ ход̇и. д̇асса звам̣ ход̇и – ‘ахам̣ ко гаммам̣ агаасим̣. гаммам̣ ко бана мз гаронд̇асса гааяо гиланд̇о. ханд̣̇аахам̣ нибаж̇ж̇аамий’д̇и. со нибаж̇ж̇ад̇и, на вийрияам̣ аарабхад̇и аббад̇д̇асса бад̇д̇ияаа анад̇хиг̇ад̇асса ад̇хиг̇амааяа асажчигад̇асса сажчигирияааяа. ид̣̇ам̣, бхигкавз, д̣̇уд̇ияам̣ гусийд̇авад̇т̇у.
‘‘Puna caparaṃ, bhikkhave, bhikkhunā kammaṃ kataṃ hoti. Tassa evaṃ hoti – ‘ahaṃ kho kammaṃ akāsiṃ. Kammaṃ kho pana me karontassa kāyo kilanto. Handāhaṃ nipajjāmī’ti. So nipajjati, na vīriyaṃ ārabhati appattassa pattiyā anadhigatassa adhigamāya asacchikatassa sacchikiriyāya. Idaṃ, bhikkhave, dutiyaṃ kusītavatthu.
‘‘буна жабарам̣, бхигкавз, бхигкунаа маг̇г̇о г̇анд̇аб̣б̣о ход̇и. д̇асса звам̣ ход̇и – ‘маг̇г̇о мз г̇анд̇аб̣б̣о бхависсад̇и. маг̇г̇ам̣ ко бана мз г̇ажчанд̇асса гааяо гиламиссад̇и. ханд̣̇аахам̣ нибаж̇ж̇аамий’д̇и. со нибаж̇ж̇ад̇и, на вийрияам̣ аарабхад̇и аббад̇д̇асса бад̇д̇ияаа анад̇хиг̇ад̇асса ад̇хиг̇амааяа асажчигад̇асса сажчигирияааяа. ид̣̇ам̣, бхигкавз, д̇ад̇ияам̣ гусийд̇авад̇т̇у.
‘‘Puna caparaṃ, bhikkhave, bhikkhunā maggo gantabbo hoti. Tassa evaṃ hoti – ‘maggo me gantabbo bhavissati. Maggaṃ kho pana me gacchantassa kāyo kilamissati. Handāhaṃ nipajjāmī’ti. So nipajjati, na vīriyaṃ ārabhati appattassa pattiyā anadhigatassa adhigamāya asacchikatassa sacchikiriyāya. Idaṃ, bhikkhave, tatiyaṃ kusītavatthu.
‘‘буна жабарам̣, бхигкавз, бхигкунаа маг̇г̇о г̇ад̇о ход̇и. д̇асса звам̣ ход̇и – ‘ахам̣ ко маг̇г̇ам̣ аг̇амаасим̣. маг̇г̇ам̣ ко бана мз г̇ажчанд̇асса гааяо гиланд̇о. ханд̣̇аахам̣ нибаж̇ж̇аамий’д̇и. со нибаж̇ж̇ад̇и, на вийрияам̣ аарабхад̇и аббад̇д̇асса бад̇д̇ияаа анад̇хиг̇ад̇асса ад̇хиг̇амааяа асажчигад̇асса сажчигирияааяа. ид̣̇ам̣ бхигкавз, жад̇уд̇т̇ам̣ гусийд̇авад̇т̇у.
‘‘Puna caparaṃ, bhikkhave, bhikkhunā maggo gato hoti. Tassa evaṃ hoti – ‘ahaṃ kho maggaṃ agamāsiṃ. Maggaṃ kho pana me gacchantassa kāyo kilanto. Handāhaṃ nipajjāmī’ti. So nipajjati, na vīriyaṃ ārabhati appattassa pattiyā anadhigatassa adhigamāya asacchikatassa sacchikiriyāya. Idaṃ bhikkhave, catutthaṃ kusītavatthu.
‘‘буна жабарам̣, бхигкавз, бхигку г̇аамам̣ ваа ниг̇амам̣ ваа бин̣д̣ааяа жаранд̇о на лабхад̇и луукасса ваа бан̣ийд̇асса ваа бхож̇анасса яаавад̣̇ад̇т̇ам̣ баарибуурим̣. д̇асса звам̣ ход̇и – ‘ахам̣ ко г̇аамам̣ ваа ниг̇амам̣ ваа бин̣д̣ааяа жаранд̇о наалад̇т̇ам̣ луукасса ваа бан̣ийд̇асса ваа бхож̇анасса яаавад̣̇ад̇т̇ам̣ баарибуурим̣. д̇асса мз гааяо гиланд̇о агамман̃н̃о. ханд̣̇аахам̣ нибаж̇ж̇аамий’д̇и. со нибаж̇ж̇ад̇и, на вийрияам̣ аарабхад̇и…бз… ид̣̇ам̣, бхигкавз, бан̃жамам̣ гусийд̇авад̇т̇у.
‘‘Puna caparaṃ, bhikkhave, bhikkhu gāmaṃ vā nigamaṃ vā piṇḍāya caranto na labhati lūkhassa vā paṇītassa vā bhojanassa yāvadatthaṃ pāripūriṃ. Tassa evaṃ hoti – ‘ahaṃ kho gāmaṃ vā nigamaṃ vā piṇḍāya caranto nālatthaṃ lūkhassa vā paṇītassa vā bhojanassa yāvadatthaṃ pāripūriṃ. Tassa me kāyo kilanto akammañño. Handāhaṃ nipajjāmī’ti. So nipajjati, na vīriyaṃ ārabhati…pe… idaṃ, bhikkhave, pañcamaṃ kusītavatthu.
‘‘буна жабарам̣, бхигкавз, бхигку г̇аамам̣ ваа ниг̇амам̣ ваа бин̣д̣ааяа жаранд̇о лабхад̇и луукасса ваа бан̣ийд̇асса ваа бхож̇анасса яаавад̣̇ад̇т̇ам̣ баарибуурим̣. д̇асса звам̣ ход̇и – ‘ахам̣ ко г̇аамам̣ ваа ниг̇амам̣ ваа бин̣д̣ааяа жаранд̇о алад̇т̇ам̣ луукасса ваа бан̣ийд̇асса ваа бхож̇анасса яаавад̣̇ад̇т̇ам̣ баарибуурим̣. д̇асса мз гааяо г̇аруго агамман̃н̃о маасаажид̇ам̣ ман̃н̃з. ханд̣̇аахам̣ нибаж̇ж̇аамий’д̇и. со нибаж̇ж̇ад̇и, на вийрияам̣ аарабхад̇и…бз… ид̣̇ам̣, бхигкавз, чадтам̣ гусийд̇авад̇т̇у.
‘‘Puna caparaṃ, bhikkhave, bhikkhu gāmaṃ vā nigamaṃ vā piṇḍāya caranto labhati lūkhassa vā paṇītassa vā bhojanassa yāvadatthaṃ pāripūriṃ. Tassa evaṃ hoti – ‘ahaṃ kho gāmaṃ vā nigamaṃ vā piṇḍāya caranto alatthaṃ lūkhassa vā paṇītassa vā bhojanassa yāvadatthaṃ pāripūriṃ. Tassa me kāyo garuko akammañño māsācitaṃ maññe. Handāhaṃ nipajjāmī’ti. So nipajjati, na vīriyaṃ ārabhati…pe… idaṃ, bhikkhave, chaṭṭhaṃ kusītavatthu.
‘‘буна жабарам̣, бхигкавз, бхигкуно уббанно ход̇и аббамад̇д̇аго ааб̣аад̇хо. д̇асса звам̣ ход̇и – ‘уббанно ко мз аяам̣ аббамад̇д̇аго ааб̣аад̇хо ад̇т̇и габбо нибаж̇ж̇ид̇ум̣. ханд̣̇аахам̣ нибаж̇ж̇аамий’д̇и. со нибаж̇ж̇ад̇и, на вийрияам̣ аарабхад̇и…бз… ид̣̇ам̣, бхигкавз, сад̇д̇амам̣ гусийд̇авад̇т̇у.
‘‘Puna caparaṃ, bhikkhave, bhikkhuno uppanno hoti appamattako ābādho. Tassa evaṃ hoti – ‘uppanno kho me ayaṃ appamattako ābādho atthi kappo nipajjituṃ. Handāhaṃ nipajjāmī’ti. So nipajjati, na vīriyaṃ ārabhati…pe… idaṃ, bhikkhave, sattamaṃ kusītavatthu.
‘‘буна жабарам̣, бхигкавз, бхигку г̇илаанаа вудтид̇о 3 ход̇и ажиравудтид̇о г̇злан̃н̃аа. д̇асса звам̣ ход̇и – ‘ахам̣ ко г̇илаанаа вудтид̇о ажиравудтид̇о г̇злан̃н̃аа. д̇асса мз гааяо д̣̇уб̣б̣ало агамман̃н̃о. ханд̣̇аахам̣ нибаж̇ж̇аамий’д̇и . со нибаж̇ж̇ад̇и, на вийрияам̣ аарабхад̇и аббад̇д̇асса бад̇д̇ияаа анад̇хиг̇ад̇асса ад̇хиг̇амааяа асажчигад̇асса сажчигирияааяа. ид̣̇ам̣, бхигкавз, адтамам̣ гусийд̇авад̇т̇у. имаани ко, бхигкавз, адта гусийд̇авад̇т̇ууни.
‘‘Puna caparaṃ, bhikkhave, bhikkhu gilānā vuṭṭhito 4 hoti aciravuṭṭhito gelaññā. Tassa evaṃ hoti – ‘ahaṃ kho gilānā vuṭṭhito aciravuṭṭhito gelaññā. Tassa me kāyo dubbalo akammañño. Handāhaṃ nipajjāmī’ti . So nipajjati, na vīriyaṃ ārabhati appattassa pattiyā anadhigatassa adhigamāya asacchikatassa sacchikiriyāya. Idaṃ, bhikkhave, aṭṭhamaṃ kusītavatthu. Imāni kho, bhikkhave, aṭṭha kusītavatthūni.
5 ‘‘адтимаани , бхигкавз, аарамбхавад̇т̇ууни. гад̇амаани адта? ид̇ха, бхигкавз, бхигкунаа гаммам̣ гад̇д̇аб̣б̣ам̣ ход̇и. д̇асса звам̣ ход̇и – ‘гаммам̣ ко мз гад̇д̇аб̣б̣ам̣ бхависсад̇и. гаммам̣ ко маяаа гаронд̇зна на сугарам̣ б̣уд̣̇д̇хаанам̣ саасанам̣ манаси гаад̇ум̣. ханд̣̇аахам̣ бадигажжзва вийрияам̣ аарабхаами аббад̇д̇асса бад̇д̇ияаа анад̇хиг̇ад̇асса ад̇хиг̇амааяа асажчигад̇асса сажчигирияааяаа’д̇и. со вийрияам̣ аарабхад̇и аббад̇д̇асса бад̇д̇ияаа анад̇хиг̇ад̇асса ад̇хиг̇амааяа асажчигад̇асса сажчигирияааяа. ид̣̇ам̣, бхигкавз, батамам̣ аарамбхавад̇т̇у.
6 ‘‘Aṭṭhimāni , bhikkhave, ārambhavatthūni. Katamāni aṭṭha? Idha, bhikkhave, bhikkhunā kammaṃ kattabbaṃ hoti. Tassa evaṃ hoti – ‘kammaṃ kho me kattabbaṃ bhavissati. Kammaṃ kho mayā karontena na sukaraṃ buddhānaṃ sāsanaṃ manasi kātuṃ. Handāhaṃ paṭikacceva vīriyaṃ ārabhāmi appattassa pattiyā anadhigatassa adhigamāya asacchikatassa sacchikiriyāyā’ti. So vīriyaṃ ārabhati appattassa pattiyā anadhigatassa adhigamāya asacchikatassa sacchikiriyāya. Idaṃ, bhikkhave, paṭhamaṃ ārambhavatthu.
‘‘буна жабарам̣, бхигкавз, бхигкунаа гаммам̣ гад̇ам̣ ход̇и. д̇асса звам̣ ход̇и – ‘ахам̣ ко гаммам̣ агаасим̣. гаммам̣ ко банаахам̣ гаронд̇о наасагким̣ б̣уд̣̇д̇хаанам̣ саасанам̣ манаси гаад̇ум̣. ханд̣̇аахам̣ вийрияам̣ аарабхаами аббад̇д̇асса бад̇д̇ияаа анад̇хиг̇ад̇асса ад̇хиг̇амааяа асажчигад̇асса сажчигирияааяаа’д̇и. со вийрияам̣ аарабхад̇и. ид̣̇ам̣, бхигкавз, д̣̇уд̇ияам̣ аарамбхавад̇т̇у.
‘‘Puna caparaṃ, bhikkhave, bhikkhunā kammaṃ kataṃ hoti. Tassa evaṃ hoti – ‘ahaṃ kho kammaṃ akāsiṃ. Kammaṃ kho panāhaṃ karonto nāsakkhiṃ buddhānaṃ sāsanaṃ manasi kātuṃ. Handāhaṃ vīriyaṃ ārabhāmi appattassa pattiyā anadhigatassa adhigamāya asacchikatassa sacchikiriyāyā’ti. So vīriyaṃ ārabhati. Idaṃ, bhikkhave, dutiyaṃ ārambhavatthu.
‘‘буна жабарам̣, бхигкавз, бхигкунаа маг̇г̇о г̇анд̇аб̣б̣о ход̇и. д̇асса звам̣ ход̇и – маг̇г̇о ко мз г̇анд̇аб̣б̣о бхависсад̇и. маг̇г̇ам̣ ко бана мз г̇ажчанд̇зна на сугарам̣ б̣уд̣̇д̇хаанам̣ саасанам̣ манаси гаад̇ум̣. ханд̣̇аахам̣ вийрияам̣…бз… ид̣̇ам̣, бхигкавз, д̇ад̇ияам̣ аарамбхавад̇т̇у.
‘‘Puna caparaṃ, bhikkhave, bhikkhunā maggo gantabbo hoti. Tassa evaṃ hoti – maggo kho me gantabbo bhavissati. Maggaṃ kho pana me gacchantena na sukaraṃ buddhānaṃ sāsanaṃ manasi kātuṃ. Handāhaṃ vīriyaṃ…pe… idaṃ, bhikkhave, tatiyaṃ ārambhavatthu.
‘‘буна жабарам̣, бхигкавз, бхигкунаа маг̇г̇о г̇ад̇о ход̇и. д̇асса звам̣ ход̇и – ахам̣ ко маг̇г̇ам̣ аг̇амаасим̣. маг̇г̇ам̣ ко банаахам̣ г̇ажчанд̇о наасагким̣ б̣уд̣̇д̇хаанам̣ саасанам̣ манаси гаад̇ум̣. ханд̣̇аахам̣ вийрияам̣ аарабхаами…бз… ид̣̇ам̣, бхигкавз, жад̇уд̇т̇ам̣ аарамбхавад̇т̇у.
‘‘Puna caparaṃ, bhikkhave, bhikkhunā maggo gato hoti. Tassa evaṃ hoti – ahaṃ kho maggaṃ agamāsiṃ. Maggaṃ kho panāhaṃ gacchanto nāsakkhiṃ buddhānaṃ sāsanaṃ manasi kātuṃ. Handāhaṃ vīriyaṃ ārabhāmi…pe… idaṃ, bhikkhave, catutthaṃ ārambhavatthu.
‘‘буна жабарам̣, бхигкавз, бхигку г̇аамам̣ ваа ниг̇амам̣ ваа бин̣д̣ааяа жаранд̇о на лабхад̇и луукасса ваа бан̣ийд̇асса ваа бхож̇анасса яаавад̣̇ад̇т̇ам̣ баарибуурим̣. д̇асса звам̣ ход̇и – ахам̣ ко г̇аамам̣ ваа ниг̇амам̣ ваа бин̣д̣ааяа жаранд̇о наалад̇т̇ам̣ луукасса ваа бан̣ийд̇асса ваа бхож̇анасса яаавад̣̇ад̇т̇ам̣ баарибуурим̣. д̇асса мз гааяо лахуго гамман̃н̃о. ханд̣̇аахам̣ вийрияам̣ аарабхаами…бз… ид̣̇ам̣, бхигкавз, бан̃жамам̣ аарамбхавад̇т̇у.
‘‘Puna caparaṃ, bhikkhave, bhikkhu gāmaṃ vā nigamaṃ vā piṇḍāya caranto na labhati lūkhassa vā paṇītassa vā bhojanassa yāvadatthaṃ pāripūriṃ. Tassa evaṃ hoti – ahaṃ kho gāmaṃ vā nigamaṃ vā piṇḍāya caranto nālatthaṃ lūkhassa vā paṇītassa vā bhojanassa yāvadatthaṃ pāripūriṃ. Tassa me kāyo lahuko kammañño. Handāhaṃ vīriyaṃ ārabhāmi…pe… idaṃ, bhikkhave, pañcamaṃ ārambhavatthu.
‘‘буна жабарам̣, бхигкавз, бхигку г̇аамам̣ ваа ниг̇амам̣ ваа бин̣д̣ааяа жаранд̇о лабхад̇и луукасса ваа бан̣ийд̇асса ваа бхож̇анасса яаавад̣̇ад̇т̇ам̣ баарибуурим̣. д̇асса звам̣ ход̇и – ахам̣ ко г̇аамам̣ ваа ниг̇амам̣ ваа бин̣д̣ааяа жаранд̇о алад̇т̇ам̣ луукасса ваа бан̣ийд̇асса ваа бхож̇анасса яаавад̣̇ад̇т̇ам̣ баарибуурим̣. д̇асса мз гааяо б̣алаваа гамман̃н̃о. ханд̣̇аахам̣ вийрияам̣ аарабхаами…бз… ид̣̇ам̣, бхигкавз, чадтам̣ аарамбхавад̇т̇у.
‘‘Puna caparaṃ, bhikkhave, bhikkhu gāmaṃ vā nigamaṃ vā piṇḍāya caranto labhati lūkhassa vā paṇītassa vā bhojanassa yāvadatthaṃ pāripūriṃ. Tassa evaṃ hoti – ahaṃ kho gāmaṃ vā nigamaṃ vā piṇḍāya caranto alatthaṃ lūkhassa vā paṇītassa vā bhojanassa yāvadatthaṃ pāripūriṃ. Tassa me kāyo balavā kammañño. Handāhaṃ vīriyaṃ ārabhāmi…pe… idaṃ, bhikkhave, chaṭṭhaṃ ārambhavatthu.
‘‘буна жабарам̣, бхигкавз, бхигкуно уббанно ход̇и аббамад̇д̇аго ааб̣аад̇хо. д̇асса звам̣ ход̇и – уббанно ко мз аяам̣ аббамад̇д̇аго ааб̣аад̇хо. таанам̣ ко банзд̇ам̣ виж̇ж̇ад̇и яам̣ мз ааб̣аад̇хо бавад̣дхзяяа. ханд̣̇аахам̣ бадигажжзва вийрияам̣ аарабхаами…бз… ид̣̇ам̣, бхигкавз, сад̇д̇амам̣ аарамбхавад̇т̇у.
‘‘Puna caparaṃ, bhikkhave, bhikkhuno uppanno hoti appamattako ābādho. Tassa evaṃ hoti – uppanno kho me ayaṃ appamattako ābādho. Ṭhānaṃ kho panetaṃ vijjati yaṃ me ābādho pavaḍḍheyya. Handāhaṃ paṭikacceva vīriyaṃ ārabhāmi…pe… idaṃ, bhikkhave, sattamaṃ ārambhavatthu.
‘‘буна жабарам̣, бхигкавз, бхигку г̇илаанаа вудтид̇о ход̇и ажиравудтид̇о г̇злан̃н̃аа. д̇асса звам̣ ход̇и – ‘ахам̣ ко г̇илаанаа вудтид̇о ажиравудтид̇о г̇злан̃н̃аа. таанам̣ ко банзд̇ам̣ виж̇ж̇ад̇и яам̣ мз ааб̣аад̇хо бажжуд̣̇аавад̇д̇зяяа. ханд̣̇аахам̣ бадигажжзва вийрияам̣ аарабхаами аббад̇д̇асса бад̇д̇ияаа анад̇хиг̇ад̇асса ад̇хиг̇амааяа асажчигад̇асса сажчигирияааяаа’д̇и. со вийрияам̣ аарабхад̇и аббад̇д̇асса бад̇д̇ияаа анад̇хиг̇ад̇асса ад̇хиг̇амааяа асажчигад̇асса сажчигирияааяа. ид̣̇ам̣, бхигкавз, адтамам̣ аарамбхавад̇т̇у. имаани ко, бхигкавз, адта аарамбхавад̇т̇ууний’’д̇и. д̣̇асамам̣.
‘‘Puna caparaṃ, bhikkhave, bhikkhu gilānā vuṭṭhito hoti aciravuṭṭhito gelaññā. Tassa evaṃ hoti – ‘ahaṃ kho gilānā vuṭṭhito aciravuṭṭhito gelaññā. Ṭhānaṃ kho panetaṃ vijjati yaṃ me ābādho paccudāvatteyya. Handāhaṃ paṭikacceva vīriyaṃ ārabhāmi appattassa pattiyā anadhigatassa adhigamāya asacchikatassa sacchikiriyāyā’ti. So vīriyaṃ ārabhati appattassa pattiyā anadhigatassa adhigamāya asacchikatassa sacchikiriyāya. Idaṃ, bhikkhave, aṭṭhamaṃ ārambhavatthu. Imāni kho, bhikkhave, aṭṭha ārambhavatthūnī’’ti. Dasamaṃ.
яамагаваг̇г̇о д̇ад̇ияо.
Yamakavaggo tatiyo.
д̇ассуд̣̇д̣̇аанам̣ –
Tassuddānaṃ –
д̣̇вз сад̣̇д̇хаа д̣̇вз маран̣ассад̇ий, д̣̇вз самбад̣̇аа ат̇аабарз;
Dve saddhā dve maraṇassatī, dve sampadā athāpare;
ижчаа алам̣ барихаанам̣, гусийд̇аарамбхавад̇т̇уунийд̇и.
Icchā alaṃ parihānaṃ, kusītārambhavatthūnīti.
Footnotes:
Related texts:
адтагат̇аа • Aṭṭhakathā / суд̇д̇абидага (адтагат̇аа) • Suttapiṭaka (aṭṭhakathā) / ан̇г̇уд̇д̇аранигааяа (адтагат̇аа) • Aṅguttaranikāya (aṭṭhakathā) / 10. гусийд̇аарамбхавад̇т̇усуд̇д̇аван̣н̣анаа • 10. Kusītārambhavatthusuttavaṇṇanā
дийгаа • Tīkā / суд̇д̇абидага (дийгаа) • Suttapiṭaka (ṭīkā) / ан̇г̇уд̇д̇аранигааяа (дийгаа) • Aṅguttaranikāya (ṭīkā) / 1-10. сад̣̇д̇хаасуд̇д̇аад̣̇иван̣н̣анаа • 1-10. Saddhāsuttādivaṇṇanā
