| Library / Tipiṭaka / திபிடக • Tipiṭaka / அங்கு³த்தரனிகாய (அட்ட²கதா²) • Aṅguttaranikāya (aṭṭhakathā) |
10. குஸீதாரம்ப⁴வத்து²ஸுத்தவண்ணனா
10. Kusītārambhavatthusuttavaṇṇanā
80. த³ஸமே குஸீதவத்தூ²னீதி குஸீதஸ்ஸ அலஸஸ்ஸ வத்தூ²னி பதிட்டா², கோஸஜ்ஜகாரணானீதி அத்தோ². கம்மங் கத்தப்³ப³ங் ஹோதீதி சீவரவிசாரணாதி³கம்மங் கத்தப்³ப³ங் ஹோதி. ந வீரியங் ஆரப⁴தீதி து³வித⁴ம்பி வீரியங் நாரப⁴தி. அப்பத்தஸ்ஸாதி ஜா²னவிபஸ்ஸனாமக்³க³ப²லத⁴ம்மஸ்ஸ அப்பத்தஸ்ஸ பத்தியா. அனதி⁴க³தஸ்ஸாதி தஸ்ஸேவ அனதி⁴க³தஸ்ஸ அதி⁴க³மத்தா²ய. அஸச்சி²கதஸ்ஸாதி ததே³வ அஸச்சி²கதஸ்ஸ ஸச்சி²கரணத்தா²ய. இத³ங் பட²மந்தி இத³ங் ‘‘ஹந்தா³ஹங் நிபஜ்ஜாமீ’’தி ஏவங் ஓஸீத³னங் பட²மங் குஸீதவத்து². இமினா நயேன ஸப்³ப³த்த² அத்தோ² வேதி³தப்³போ³. மாஸாசிதகங் மஞ்ஞேதி எத்த² பன மாஸாசிதங் நாம திந்தமாஸோ. யதா² திந்தமாஸோ க³ருகோ ஹோதி, ஏவங் க³ருகோதி அதி⁴ப்பாயோ . கி³லானா வுட்டி²தோ ஹோதீதி கி³லானோ ஹுத்வா பச்சா² வுட்டி²தோ ஹோதி. ஆரம்ப⁴வத்தூ²னீதி வீரியகாரணானி. தேஸம்பி இமினாவ நயேன அத்தோ² வேதி³தப்³போ³. ஸேஸங் ஸப்³ப³த்த² உத்தானமேவாதி.
80. Dasame kusītavatthūnīti kusītassa alasassa vatthūni patiṭṭhā, kosajjakāraṇānīti attho. Kammaṃ kattabbaṃ hotīti cīvaravicāraṇādikammaṃ kattabbaṃ hoti. Na vīriyaṃ ārabhatīti duvidhampi vīriyaṃ nārabhati. Appattassāti jhānavipassanāmaggaphaladhammassa appattassa pattiyā. Anadhigatassāti tasseva anadhigatassa adhigamatthāya. Asacchikatassāti tadeva asacchikatassa sacchikaraṇatthāya. Idaṃ paṭhamanti idaṃ ‘‘handāhaṃ nipajjāmī’’ti evaṃ osīdanaṃ paṭhamaṃ kusītavatthu. Iminā nayena sabbattha attho veditabbo. Māsācitakaṃ maññeti ettha pana māsācitaṃ nāma tintamāso. Yathā tintamāso garuko hoti, evaṃ garukoti adhippāyo . Gilānā vuṭṭhito hotīti gilāno hutvā pacchā vuṭṭhito hoti. Ārambhavatthūnīti vīriyakāraṇāni. Tesampi imināva nayena attho veditabbo. Sesaṃ sabbattha uttānamevāti.
யமகவக்³கோ³ அட்ட²மோ.
Yamakavaggo aṭṭhamo.
Related texts:
திபிடக (மூல) • Tipiṭaka (Mūla) / ஸுத்தபிடக • Suttapiṭaka / அங்கு³த்தரனிகாய • Aṅguttaranikāya / 10. குஸீதாரம்ப⁴வத்து²ஸுத்தங் • 10. Kusītārambhavatthusuttaṃ
டீகா • Tīkā / ஸுத்தபிடக (டீகா) • Suttapiṭaka (ṭīkā) / அங்கு³த்தரனிகாய (டீகா) • Aṅguttaranikāya (ṭīkā) / 1-10. ஸத்³தா⁴ஸுத்தாதி³வண்ணனா • 1-10. Saddhāsuttādivaṇṇanā
