| Library / Tipiṭaka / д̇ибидага • Tipiṭaka / ан̇г̇уд̇д̇аранигааяа (адтагат̇аа) • Aṅguttaranikāya (aṭṭhakathā) |
10. гусийд̇аарамбхавад̇т̇усуд̇д̇аван̣н̣анаа
10. Kusītārambhavatthusuttavaṇṇanā
80. д̣̇асамз гусийд̇авад̇т̇уунийд̇и гусийд̇асса аласасса вад̇т̇ууни бад̇идтаа, госаж̇ж̇агааран̣аанийд̇и ад̇т̇о. гаммам̣ гад̇д̇аб̣б̣ам̣ ход̇ийд̇и жийваравижааран̣аад̣̇игаммам̣ гад̇д̇аб̣б̣ам̣ ход̇и. на вийрияам̣ аарабхад̇ийд̇и д̣̇увид̇хамби вийрияам̣ наарабхад̇и. аббад̇д̇ассаад̇и жхаанавибассанаамаг̇г̇апалад̇хаммасса аббад̇д̇асса бад̇д̇ияаа. анад̇хиг̇ад̇ассаад̇и д̇ассзва анад̇хиг̇ад̇асса ад̇хиг̇амад̇т̇ааяа. асажчигад̇ассаад̇и д̇ад̣̇зва асажчигад̇асса сажчигаран̣ад̇т̇ааяа. ид̣̇ам̣ батаманд̇и ид̣̇ам̣ ‘‘ханд̣̇аахам̣ нибаж̇ж̇аамий’’д̇и звам̣ осийд̣̇анам̣ батамам̣ гусийд̇авад̇т̇у. иминаа наязна саб̣б̣ад̇т̇а ад̇т̇о взд̣̇ид̇аб̣б̣о. маасаажид̇агам̣ ман̃н̃зд̇и зд̇т̇а бана маасаажид̇ам̣ наама д̇инд̇амаасо. яат̇аа д̇инд̇амаасо г̇аруго ход̇и, звам̣ г̇аругод̇и ад̇хиббааяо . г̇илаанаа вудтид̇о ход̇ийд̇и г̇илаано худ̇ваа бажчаа вудтид̇о ход̇и. аарамбхавад̇т̇уунийд̇и вийрияагааран̣аани. д̇зсамби иминаава наязна ад̇т̇о взд̣̇ид̇аб̣б̣о. сзсам̣ саб̣б̣ад̇т̇а уд̇д̇аанамзваад̇и.
80. Dasame kusītavatthūnīti kusītassa alasassa vatthūni patiṭṭhā, kosajjakāraṇānīti attho. Kammaṃ kattabbaṃ hotīti cīvaravicāraṇādikammaṃ kattabbaṃ hoti. Na vīriyaṃ ārabhatīti duvidhampi vīriyaṃ nārabhati. Appattassāti jhānavipassanāmaggaphaladhammassa appattassa pattiyā. Anadhigatassāti tasseva anadhigatassa adhigamatthāya. Asacchikatassāti tadeva asacchikatassa sacchikaraṇatthāya. Idaṃ paṭhamanti idaṃ ‘‘handāhaṃ nipajjāmī’’ti evaṃ osīdanaṃ paṭhamaṃ kusītavatthu. Iminā nayena sabbattha attho veditabbo. Māsācitakaṃ maññeti ettha pana māsācitaṃ nāma tintamāso. Yathā tintamāso garuko hoti, evaṃ garukoti adhippāyo . Gilānā vuṭṭhito hotīti gilāno hutvā pacchā vuṭṭhito hoti. Ārambhavatthūnīti vīriyakāraṇāni. Tesampi imināva nayena attho veditabbo. Sesaṃ sabbattha uttānamevāti.
яамагаваг̇г̇о адтамо.
Yamakavaggo aṭṭhamo.
Related texts:
д̇ибидага (муула) • Tipiṭaka (Mūla) / суд̇д̇абидага • Suttapiṭaka / ан̇г̇уд̇д̇аранигааяа • Aṅguttaranikāya / 10. гусийд̇аарамбхавад̇т̇усуд̇д̇ам̣ • 10. Kusītārambhavatthusuttaṃ
дийгаа • Tīkā / суд̇д̇абидага (дийгаа) • Suttapiṭaka (ṭīkā) / ан̇г̇уд̇д̇аранигааяа (дийгаа) • Aṅguttaranikāya (ṭīkā) / 1-10. сад̣̇д̇хаасуд̇д̇аад̣̇иван̣н̣анаа • 1-10. Saddhāsuttādivaṇṇanā
