| Library / Tipiṭaka / ਤਿਪਿਟਕ • Tipiṭaka / ਅਙ੍ਗੁਤ੍ਤਰਨਿਕਾਯ (ਅਟ੍ਠਕਥਾ) • Aṅguttaranikāya (aṭṭhakathā) |
੧੦. ਕੁਸੀਤਾਰਮ੍ਭવਤ੍ਥੁਸੁਤ੍ਤવਣ੍ਣਨਾ
10. Kusītārambhavatthusuttavaṇṇanā
੮੦. ਦਸਮੇ ਕੁਸੀਤવਤ੍ਥੂਨੀਤਿ ਕੁਸੀਤਸ੍ਸ ਅਲਸਸ੍ਸ વਤ੍ਥੂਨਿ ਪਤਿਟ੍ਠਾ, ਕੋਸਜ੍ਜਕਾਰਣਾਨੀਤਿ ਅਤ੍ਥੋ। ਕਮ੍ਮਂ ਕਤ੍ਤਬ੍ਬਂ ਹੋਤੀਤਿ ਚੀવਰવਿਚਾਰਣਾਦਿਕਮ੍ਮਂ ਕਤ੍ਤਬ੍ਬਂ ਹੋਤਿ। ਨ વੀਰਿਯਂ ਆਰਭਤੀਤਿ ਦੁવਿਧਮ੍ਪਿ વੀਰਿਯਂ ਨਾਰਭਤਿ। ਅਪ੍ਪਤ੍ਤਸ੍ਸਾਤਿ ਝਾਨવਿਪਸ੍ਸਨਾਮਗ੍ਗਫਲਧਮ੍ਮਸ੍ਸ ਅਪ੍ਪਤ੍ਤਸ੍ਸ ਪਤ੍ਤਿਯਾ। ਅਨਧਿਗਤਸ੍ਸਾਤਿ ਤਸ੍ਸੇવ ਅਨਧਿਗਤਸ੍ਸ ਅਧਿਗਮਤ੍ਥਾਯ। ਅਸਚ੍ਛਿਕਤਸ੍ਸਾਤਿ ਤਦੇવ ਅਸਚ੍ਛਿਕਤਸ੍ਸ ਸਚ੍ਛਿਕਰਣਤ੍ਥਾਯ। ਇਦਂ ਪਠਮਨ੍ਤਿ ਇਦਂ ‘‘ਹਨ੍ਦਾਹਂ ਨਿਪਜ੍ਜਾਮੀ’’ਤਿ ਏવਂ ਓਸੀਦਨਂ ਪਠਮਂ ਕੁਸੀਤવਤ੍ਥੁ। ਇਮਿਨਾ ਨਯੇਨ ਸਬ੍ਬਤ੍ਥ ਅਤ੍ਥੋ વੇਦਿਤਬ੍ਬੋ। ਮਾਸਾਚਿਤਕਂ ਮਞ੍ਞੇਤਿ ਏਤ੍ਥ ਪਨ ਮਾਸਾਚਿਤਂ ਨਾਮ ਤਿਨ੍ਤਮਾਸੋ। ਯਥਾ ਤਿਨ੍ਤਮਾਸੋ ਗਰੁਕੋ ਹੋਤਿ, ਏવਂ ਗਰੁਕੋਤਿ ਅਧਿਪ੍ਪਾਯੋ । ਗਿਲਾਨਾ વੁਟ੍ਠਿਤੋ ਹੋਤੀਤਿ ਗਿਲਾਨੋ ਹੁਤ੍વਾ ਪਚ੍ਛਾ વੁਟ੍ਠਿਤੋ ਹੋਤਿ। ਆਰਮ੍ਭવਤ੍ਥੂਨੀਤਿ વੀਰਿਯਕਾਰਣਾਨਿ। ਤੇਸਮ੍ਪਿ ਇਮਿਨਾવ ਨਯੇਨ ਅਤ੍ਥੋ વੇਦਿਤਬ੍ਬੋ। ਸੇਸਂ ਸਬ੍ਬਤ੍ਥ ਉਤ੍ਤਾਨਮੇવਾਤਿ।
80. Dasame kusītavatthūnīti kusītassa alasassa vatthūni patiṭṭhā, kosajjakāraṇānīti attho. Kammaṃ kattabbaṃ hotīti cīvaravicāraṇādikammaṃ kattabbaṃ hoti. Na vīriyaṃ ārabhatīti duvidhampi vīriyaṃ nārabhati. Appattassāti jhānavipassanāmaggaphaladhammassa appattassa pattiyā. Anadhigatassāti tasseva anadhigatassa adhigamatthāya. Asacchikatassāti tadeva asacchikatassa sacchikaraṇatthāya. Idaṃ paṭhamanti idaṃ ‘‘handāhaṃ nipajjāmī’’ti evaṃ osīdanaṃ paṭhamaṃ kusītavatthu. Iminā nayena sabbattha attho veditabbo. Māsācitakaṃ maññeti ettha pana māsācitaṃ nāma tintamāso. Yathā tintamāso garuko hoti, evaṃ garukoti adhippāyo . Gilānā vuṭṭhito hotīti gilāno hutvā pacchā vuṭṭhito hoti. Ārambhavatthūnīti vīriyakāraṇāni. Tesampi imināva nayena attho veditabbo. Sesaṃ sabbattha uttānamevāti.
ਯਮਕવਗ੍ਗੋ ਅਟ੍ਠਮੋ।
Yamakavaggo aṭṭhamo.
Related texts:
ਤਿਪਿਟਕ (ਮੂਲ) • Tipiṭaka (Mūla) / ਸੁਤ੍ਤਪਿਟਕ • Suttapiṭaka / ਅਙ੍ਗੁਤ੍ਤਰਨਿਕਾਯ • Aṅguttaranikāya / ੧੦. ਕੁਸੀਤਾਰਮ੍ਭવਤ੍ਥੁਸੁਤ੍ਤਂ • 10. Kusītārambhavatthusuttaṃ
ਟੀਕਾ • Tīkā / ਸੁਤ੍ਤਪਿਟਕ (ਟੀਕਾ) • Suttapiṭaka (ṭīkā) / ਅਙ੍ਗੁਤ੍ਤਰਨਿਕਾਯ (ਟੀਕਾ) • Aṅguttaranikāya (ṭīkā) / ੧-੧੦. ਸਦ੍ਧਾਸੁਤ੍ਤਾਦਿવਣ੍ਣਨਾ • 1-10. Saddhāsuttādivaṇṇanā
