| Library / Tipiṭaka / д̇ибидага • Tipiṭaka / абад̣̇аана-адтагат̇аа • Apadāna-aṭṭhakathā |
6. гусумаасанияад̇т̇зраабад̣̇аанаван̣н̣анаа
6. Kusumāsaniyattheraapadānavaṇṇanā
наг̇арз д̇хан̃н̃авад̇ияаад̇иаад̣̇игам̣ ааяасмад̇о гусумаасанияад̇т̇зрасса абад̣̇аанам̣. аяамби буримаж̇инаварзсу гад̇аад̇хигааро д̇ад̇т̇а д̇ад̇т̇а бхавз виваддуубаниссаяаани бун̃н̃аани убажинанд̇о вибассисса бхаг̇авад̇о гаалз б̣раахман̣агулз ниб̣б̣ад̇д̇о вин̃н̃уд̇ам̣ бад̇д̇о махад̣̇д̇хано махаабхог̇о д̇ин̣н̣ам̣ взд̣̇аанам̣ баарам̣ г̇ад̇о б̣раахман̣асиббзсу годиббад̇д̇о сагабарасамаяагусало маад̇аабид̇аро бууж̇зд̇угаамо бан̃жа уббалагалаабз ад̇д̇ано самийбз табзд̇ваа нисинно бхигкусан̇гхабаривуд̇ам̣ вибассим̣ бхаг̇аванд̇ам̣ ааг̇ажчанд̇ам̣ д̣̇исваа нийлабийд̇аад̣̇игханаб̣уд̣̇д̇харасмияо жа д̣̇исваа басаннамаанасо аасанам̣ бан̃н̃аабзд̇ваа д̇ад̇т̇а д̇аани бубпаани сант̇арид̇ваа бхаг̇аванд̇ам̣ д̇ад̇т̇а нисийд̣̇аабзд̇ваа сагагхарз маад̇у ад̇т̇ааяа бадияад̇д̇аани саб̣б̣аани каад̣̇анийяабхож̇анийяаани г̇ахзд̇ваа сабариваарам̣ бхаг̇аванд̇ам̣ сахад̇т̇зна санд̇аббзнд̇о бхож̇зси. бхож̇анаавасаанз згам̣ уббалахад̇т̇ам̣ ад̣̇ааси. д̇зна соманассаж̇аад̇о бад̇т̇анам̣ агааси. бхаг̇авааби анумод̣̇анам̣ гад̇ваа багаами. со д̇зна бун̃н̃зна д̣̇звамануссзсу д̣̇вз самбад̇д̇ияо анубхавид̇ваа имасмим̣ б̣уд̣̇д̇хуббаад̣̇з саавад̇т̇ияам̣ вибхавасамбаннз згасмим̣ гулз ниб̣б̣ад̇д̇о вин̃н̃уд̇ам̣ бад̇д̇о бхог̇аяасзхи вад̣дхид̇о гаамзсу аад̣̇ийнавам̣ д̣̇исваа гхарааваасам̣ бахааяа баб̣б̣аж̇ид̇о нажирассзва арахаа ахоси.
Nagare dhaññavatiyātiādikaṃ āyasmato kusumāsaniyattherassa apadānaṃ. Ayampi purimajinavaresu katādhikāro tattha tattha bhave vivaṭṭūpanissayāni puññāni upacinanto vipassissa bhagavato kāle brāhmaṇakule nibbatto viññutaṃ patto mahaddhano mahābhogo tiṇṇaṃ vedānaṃ pāraṃ gato brāhmaṇasippesu koṭippatto sakaparasamayakusalo mātāpitaro pūjetukāmo pañca uppalakalāpe attano samīpe ṭhapetvā nisinno bhikkhusaṅghaparivutaṃ vipassiṃ bhagavantaṃ āgacchantaṃ disvā nīlapītādighanabuddharasmiyo ca disvā pasannamānaso āsanaṃ paññāpetvā tattha tāni pupphāni santharitvā bhagavantaṃ tattha nisīdāpetvā sakaghare mātu atthāya paṭiyattāni sabbāni khādanīyabhojanīyāni gahetvā saparivāraṃ bhagavantaṃ sahatthena santappento bhojesi. Bhojanāvasāne ekaṃ uppalahatthaṃ adāsi. Tena somanassajāto patthanaṃ akāsi. Bhagavāpi anumodanaṃ katvā pakāmi. So tena puññena devamanussesu dve sampattiyo anubhavitvā imasmiṃ buddhuppāde sāvatthiyaṃ vibhavasampanne ekasmiṃ kule nibbatto viññutaṃ patto bhogayasehi vaḍḍhito kāmesu ādīnavaṃ disvā gharāvāsaṃ pahāya pabbajito nacirasseva arahā ahosi.
65. со абарабхааг̇з буб̣б̣з гад̇агусалам̣ буб̣б̣зниваасан̃аан̣зна сарид̇ваа соманассаббад̇д̇о буб̣б̣ажарид̇аабад̣̇аанам̣ багаасзнд̇о наг̇арз д̇хан̃н̃авад̇ияаад̇иаад̣̇имааха. д̇хан̃н̃аанам̣ бун̃н̃аванд̇аанам̣ кад̇д̇ияаб̣раахман̣аг̇ахабад̇имахаасаалаанам̣ анзгзсам̣ гулаанам̣ аагарад̇д̇аа д̇хан̃н̃авад̇ий, ат̇а ваа муд̇д̇ааман̣иаад̣̇исад̇д̇арад̇анаанам̣ сад̇д̇авид̇хад̇хан̃н̃аанам̣ убабхог̇абарибхог̇аанам̣ аагарад̇д̇аа д̇хан̃н̃авад̇ий, ат̇а ваа д̇хан̃н̃аанам̣ б̣уд̣̇д̇хабажжзгаб̣уд̣̇д̇хакийн̣аасаваанам̣ васанадтаанам̣ аараамавихаараад̣̇ийнам̣ аагарад̇д̇аа д̇хан̃н̃авад̇ий, д̇ассаа д̇хан̃н̃авад̇ияаа. наг̇аранд̇и бад̇т̇знд̇и зд̇т̇а убабхог̇абарибхог̇ад̇т̇игаа ж̇анаад̇и наг̇арам̣, на г̇ажчад̇ийд̇и ваа наг̇ам̣, рааж̇аяуварааж̇амахаамад̇д̇аад̣̇ийнам̣ васанадтаанам̣. наг̇ам̣ раад̇и аад̣̇ад̣̇аад̇и г̇ан̣хаад̇ийд̇и наг̇арам̣, рааж̇аад̣̇ийнам̣ васанадтаанасамуухабхууд̇ам̣ баагаарабарикаад̣̇ийхи баригкид̇д̇ам̣ барижчиннадтаанам̣ наг̇арам̣ наамаад̇и ад̇т̇о. наг̇арз яад̣̇аа ахам̣ вибассисса бхаг̇авад̇о санд̇игз б̣яаагаран̣ам̣ алабхим̣, д̇ад̣̇аа д̇асмим̣ д̇хан̃н̃авад̇ияаа наг̇арз б̣раахман̣о ахосинд̇и самб̣анд̇хо. сзсам̣ саб̣б̣ад̇т̇а уд̇д̇аанамзваад̇и.
65. So aparabhāge pubbe katakusalaṃ pubbenivāsañāṇena saritvā somanassappatto pubbacaritāpadānaṃ pakāsento nagare dhaññavatiyātiādimāha. Dhaññānaṃ puññavantānaṃ khattiyabrāhmaṇagahapatimahāsālānaṃ anekesaṃ kulānaṃ ākarattā dhaññavatī, atha vā muttāmaṇiādisattaratanānaṃ sattavidhadhaññānaṃ upabhogaparibhogānaṃ ākarattā dhaññavatī, atha vā dhaññānaṃ buddhapaccekabuddhakhīṇāsavānaṃ vasanaṭṭhānaṃ ārāmavihārādīnaṃ ākarattā dhaññavatī, tassā dhaññavatiyā. Nagaranti patthenti ettha upabhogaparibhogatthikā janāti nagaraṃ, na gacchatīti vā nagaṃ, rājayuvarājamahāmattādīnaṃ vasanaṭṭhānaṃ. Nagaṃ rāti ādadāti gaṇhātīti nagaraṃ, rājādīnaṃ vasanaṭṭhānasamūhabhūtaṃ pākāraparikhādīhi parikkhittaṃ paricchinnaṭṭhānaṃ nagaraṃ nāmāti attho. Nagare yadā ahaṃ vipassissa bhagavato santike byākaraṇaṃ alabhiṃ, tadā tasmiṃ dhaññavatiyā nagare brāhmaṇo ahosinti sambandho. Sesaṃ sabbattha uttānamevāti.
гусумаасанияад̇т̇зраабад̣̇аанаван̣н̣анаа самад̇д̇аа.
Kusumāsaniyattheraapadānavaṇṇanā samattā.
Related texts:
д̇ибидага (муула) • Tipiṭaka (Mūla) / суд̇д̇абидага • Suttapiṭaka / куд̣̇д̣̇аганигааяа • Khuddakanikāya / абад̣̇аанабаал̣и • Apadānapāḷi / 6. гусумаасанияад̇т̇зраабад̣̇аанам̣ • 6. Kusumāsaniyattheraapadānaṃ
