Library / Tipiṭaka / ਤਿਪਿਟਕ • Tipiṭaka / ਅਪਦਾਨ-ਅਟ੍ਠਕਥਾ • Apadāna-aṭṭhakathā

    ੬. ਕੁਸੁਮਾਸਨਿਯਤ੍ਥੇਰਅਪਦਾਨવਣ੍ਣਨਾ

    6. Kusumāsaniyattheraapadānavaṇṇanā

    ਨਗਰੇ ਧਞ੍ਞવਤਿਯਾਤਿਆਦਿਕਂ ਆਯਸ੍ਮਤੋ ਕੁਸੁਮਾਸਨਿਯਤ੍ਥੇਰਸ੍ਸ ਅਪਦਾਨਂ। ਅਯਮ੍ਪਿ ਪੁਰਿਮਜਿਨવਰੇਸੁ ਕਤਾਧਿਕਾਰੋ ਤਤ੍ਥ ਤਤ੍ਥ ਭવੇ વਿવਟ੍ਟੂਪਨਿਸ੍ਸਯਾਨਿ ਪੁਞ੍ਞਾਨਿ ਉਪਚਿਨਨ੍ਤੋ વਿਪਸ੍ਸਿਸ੍ਸ ਭਗવਤੋ ਕਾਲੇ ਬ੍ਰਾਹ੍ਮਣਕੁਲੇ ਨਿਬ੍ਬਤ੍ਤੋ વਿਞ੍ਞੁਤਂ ਪਤ੍ਤੋ ਮਹਦ੍ਧਨੋ ਮਹਾਭੋਗੋ ਤਿਣ੍ਣਂ વੇਦਾਨਂ ਪਾਰਂ ਗਤੋ ਬ੍ਰਾਹ੍ਮਣਸਿਪ੍ਪੇਸੁ ਕੋਟਿਪ੍ਪਤ੍ਤੋ ਸਕਪਰਸਮਯਕੁਸਲੋ ਮਾਤਾਪਿਤਰੋ ਪੂਜੇਤੁਕਾਮੋ ਪਞ੍ਚ ਉਪ੍ਪਲਕਲਾਪੇ ਅਤ੍ਤਨੋ ਸਮੀਪੇ ਠਪੇਤ੍વਾ ਨਿਸਿਨ੍ਨੋ ਭਿਕ੍ਖੁਸਙ੍ਘਪਰਿવੁਤਂ વਿਪਸ੍ਸਿਂ ਭਗવਨ੍ਤਂ ਆਗਚ੍ਛਨ੍ਤਂ ਦਿਸ੍વਾ ਨੀਲਪੀਤਾਦਿਘਨਬੁਦ੍ਧਰਸ੍ਮਿਯੋ ਚ ਦਿਸ੍વਾ ਪਸਨ੍ਨਮਾਨਸੋ ਆਸਨਂ ਪਞ੍ਞਾਪੇਤ੍વਾ ਤਤ੍ਥ ਤਾਨਿ ਪੁਪ੍ਫਾਨਿ ਸਨ੍ਥਰਿਤ੍વਾ ਭਗવਨ੍ਤਂ ਤਤ੍ਥ ਨਿਸੀਦਾਪੇਤ੍વਾ ਸਕਘਰੇ ਮਾਤੁ ਅਤ੍ਥਾਯ ਪਟਿਯਤ੍ਤਾਨਿ ਸਬ੍ਬਾਨਿ ਖਾਦਨੀਯਭੋਜਨੀਯਾਨਿ ਗਹੇਤ੍વਾ ਸਪਰਿવਾਰਂ ਭਗવਨ੍ਤਂ ਸਹਤ੍ਥੇਨ ਸਨ੍ਤਪ੍ਪੇਨ੍ਤੋ ਭੋਜੇਸਿ। ਭੋਜਨਾવਸਾਨੇ ਏਕਂ ਉਪ੍ਪਲਹਤ੍ਥਂ ਅਦਾਸਿ। ਤੇਨ ਸੋਮਨਸ੍ਸਜਾਤੋ ਪਤ੍ਥਨਂ ਅਕਾਸਿ। ਭਗવਾਪਿ ਅਨੁਮੋਦਨਂ ਕਤ੍વਾ ਪਕਾਮਿ। ਸੋ ਤੇਨ ਪੁਞ੍ਞੇਨ ਦੇવਮਨੁਸ੍ਸੇਸੁ ਦ੍વੇ ਸਮ੍ਪਤ੍ਤਿਯੋ ਅਨੁਭવਿਤ੍વਾ ਇਮਸ੍ਮਿਂ ਬੁਦ੍ਧੁਪ੍ਪਾਦੇ ਸਾવਤ੍ਥਿਯਂ વਿਭવਸਮ੍ਪਨ੍ਨੇ ਏਕਸ੍ਮਿਂ ਕੁਲੇ ਨਿਬ੍ਬਤ੍ਤੋ વਿਞ੍ਞੁਤਂ ਪਤ੍ਤੋ ਭੋਗਯਸੇਹਿ વਡ੍ਢਿਤੋ ਕਾਮੇਸੁ ਆਦੀਨવਂ ਦਿਸ੍વਾ ਘਰਾવਾਸਂ ਪਹਾਯ ਪਬ੍ਬਜਿਤੋ ਨਚਿਰਸ੍ਸੇવ ਅਰਹਾ ਅਹੋਸਿ।

    Nagare dhaññavatiyātiādikaṃ āyasmato kusumāsaniyattherassa apadānaṃ. Ayampi purimajinavaresu katādhikāro tattha tattha bhave vivaṭṭūpanissayāni puññāni upacinanto vipassissa bhagavato kāle brāhmaṇakule nibbatto viññutaṃ patto mahaddhano mahābhogo tiṇṇaṃ vedānaṃ pāraṃ gato brāhmaṇasippesu koṭippatto sakaparasamayakusalo mātāpitaro pūjetukāmo pañca uppalakalāpe attano samīpe ṭhapetvā nisinno bhikkhusaṅghaparivutaṃ vipassiṃ bhagavantaṃ āgacchantaṃ disvā nīlapītādighanabuddharasmiyo ca disvā pasannamānaso āsanaṃ paññāpetvā tattha tāni pupphāni santharitvā bhagavantaṃ tattha nisīdāpetvā sakaghare mātu atthāya paṭiyattāni sabbāni khādanīyabhojanīyāni gahetvā saparivāraṃ bhagavantaṃ sahatthena santappento bhojesi. Bhojanāvasāne ekaṃ uppalahatthaṃ adāsi. Tena somanassajāto patthanaṃ akāsi. Bhagavāpi anumodanaṃ katvā pakāmi. So tena puññena devamanussesu dve sampattiyo anubhavitvā imasmiṃ buddhuppāde sāvatthiyaṃ vibhavasampanne ekasmiṃ kule nibbatto viññutaṃ patto bhogayasehi vaḍḍhito kāmesu ādīnavaṃ disvā gharāvāsaṃ pahāya pabbajito nacirasseva arahā ahosi.

    ੬੫. ਸੋ ਅਪਰਭਾਗੇ ਪੁਬ੍ਬੇ ਕਤਕੁਸਲਂ ਪੁਬ੍ਬੇਨਿવਾਸਞਾਣੇਨ ਸਰਿਤ੍વਾ ਸੋਮਨਸ੍ਸਪ੍ਪਤ੍ਤੋ ਪੁਬ੍ਬਚਰਿਤਾਪਦਾਨਂ ਪਕਾਸੇਨ੍ਤੋ ਨਗਰੇ ਧਞ੍ਞવਤਿਯਾਤਿਆਦਿਮਾਹ। ਧਞ੍ਞਾਨਂ ਪੁਞ੍ਞવਨ੍ਤਾਨਂ ਖਤ੍ਤਿਯਬ੍ਰਾਹ੍ਮਣਗਹਪਤਿਮਹਾਸਾਲਾਨਂ ਅਨੇਕੇਸਂ ਕੁਲਾਨਂ ਆਕਰਤ੍ਤਾ ਧਞ੍ਞવਤੀ, ਅਥ વਾ ਮੁਤ੍ਤਾਮਣਿਆਦਿਸਤ੍ਤਰਤਨਾਨਂ ਸਤ੍ਤવਿਧਧਞ੍ਞਾਨਂ ਉਪਭੋਗਪਰਿਭੋਗਾਨਂ ਆਕਰਤ੍ਤਾ ਧਞ੍ਞવਤੀ, ਅਥ વਾ ਧਞ੍ਞਾਨਂ ਬੁਦ੍ਧਪਚ੍ਚੇਕਬੁਦ੍ਧਖੀਣਾਸવਾਨਂ વਸਨਟ੍ਠਾਨਂ ਆਰਾਮવਿਹਾਰਾਦੀਨਂ ਆਕਰਤ੍ਤਾ ਧਞ੍ਞવਤੀ, ਤਸ੍ਸਾ ਧਞ੍ਞવਤਿਯਾ। ਨਗਰਨ੍ਤਿ ਪਤ੍ਥੇਨ੍ਤਿ ਏਤ੍ਥ ਉਪਭੋਗਪਰਿਭੋਗਤ੍ਥਿਕਾ ਜਨਾਤਿ ਨਗਰਂ, ਨ ਗਚ੍ਛਤੀਤਿ વਾ ਨਗਂ, ਰਾਜਯੁવਰਾਜਮਹਾਮਤ੍ਤਾਦੀਨਂ વਸਨਟ੍ਠਾਨਂ। ਨਗਂ ਰਾਤਿ ਆਦਦਾਤਿ ਗਣ੍ਹਾਤੀਤਿ ਨਗਰਂ, ਰਾਜਾਦੀਨਂ વਸਨਟ੍ਠਾਨਸਮੂਹਭੂਤਂ ਪਾਕਾਰਪਰਿਖਾਦੀਹਿ ਪਰਿਕ੍ਖਿਤ੍ਤਂ ਪਰਿਚ੍ਛਿਨ੍ਨਟ੍ਠਾਨਂ ਨਗਰਂ ਨਾਮਾਤਿ ਅਤ੍ਥੋ। ਨਗਰੇ ਯਦਾ ਅਹਂ વਿਪਸ੍ਸਿਸ੍ਸ ਭਗવਤੋ ਸਨ੍ਤਿਕੇ ਬ੍ਯਾਕਰਣਂ ਅਲਭਿਂ, ਤਦਾ ਤਸ੍ਮਿਂ ਧਞ੍ਞવਤਿਯਾ ਨਗਰੇ ਬ੍ਰਾਹ੍ਮਣੋ ਅਹੋਸਿਨ੍ਤਿ ਸਮ੍ਬਨ੍ਧੋ। ਸੇਸਂ ਸਬ੍ਬਤ੍ਥ ਉਤ੍ਤਾਨਮੇવਾਤਿ।

    65. So aparabhāge pubbe katakusalaṃ pubbenivāsañāṇena saritvā somanassappatto pubbacaritāpadānaṃ pakāsento nagare dhaññavatiyātiādimāha. Dhaññānaṃ puññavantānaṃ khattiyabrāhmaṇagahapatimahāsālānaṃ anekesaṃ kulānaṃ ākarattā dhaññavatī, atha vā muttāmaṇiādisattaratanānaṃ sattavidhadhaññānaṃ upabhogaparibhogānaṃ ākarattā dhaññavatī, atha vā dhaññānaṃ buddhapaccekabuddhakhīṇāsavānaṃ vasanaṭṭhānaṃ ārāmavihārādīnaṃ ākarattā dhaññavatī, tassā dhaññavatiyā. Nagaranti patthenti ettha upabhogaparibhogatthikā janāti nagaraṃ, na gacchatīti vā nagaṃ, rājayuvarājamahāmattādīnaṃ vasanaṭṭhānaṃ. Nagaṃ rāti ādadāti gaṇhātīti nagaraṃ, rājādīnaṃ vasanaṭṭhānasamūhabhūtaṃ pākāraparikhādīhi parikkhittaṃ paricchinnaṭṭhānaṃ nagaraṃ nāmāti attho. Nagare yadā ahaṃ vipassissa bhagavato santike byākaraṇaṃ alabhiṃ, tadā tasmiṃ dhaññavatiyā nagare brāhmaṇo ahosinti sambandho. Sesaṃ sabbattha uttānamevāti.

    ਕੁਸੁਮਾਸਨਿਯਤ੍ਥੇਰਅਪਦਾਨવਣ੍ਣਨਾ ਸਮਤ੍ਤਾ।

    Kusumāsaniyattheraapadānavaṇṇanā samattā.







    Related texts:



    ਤਿਪਿਟਕ (ਮੂਲ) • Tipiṭaka (Mūla) / ਸੁਤ੍ਤਪਿਟਕ • Suttapiṭaka / ਖੁਦ੍ਦਕਨਿਕਾਯ • Khuddakanikāya / ਅਪਦਾਨਪਾਲ਼ਿ • Apadānapāḷi / ੬. ਕੁਸੁਮਾਸਨਿਯਤ੍ਥੇਰਅਪਦਾਨਂ • 6. Kusumāsaniyattheraapadānaṃ


    © 1991-2023 The Titi Tudorancea Bulletin | Titi Tudorancea® is a Registered Trademark | Terms of use and privacy policy
    Contact