| Library / Tipiṭaka / д̇ибидага • Tipiṭaka / д̣̇ийгханигааяа • Dīghanikāya |
5. гуудад̣̇анд̇асуд̇д̇ам̣
5. Kūṭadantasuttaṃ
каан̣умад̇агаб̣раахман̣аг̇ахабад̇игаа
Khāṇumatakabrāhmaṇagahapatikā
323. звам̣ мз суд̇ам̣ – згам̣ самаяам̣ бхаг̇аваа маг̇ад̇хзсу жааригам̣ жарамаано махад̇аа бхигкусан̇гхзна сад̣̇д̇хим̣ бан̃жамад̇д̇зхи бхигкусад̇зхи язна каан̣умад̇ам̣ наама маг̇ад̇хаанам̣ б̣раахман̣аг̇аамо д̇ад̣̇авасари. д̇ад̇ра суд̣̇ам̣ бхаг̇аваа каан̣умад̇з вихарад̇и амб̣аладтигааяам̣. д̇зна ко бана самаязна гуудад̣̇анд̇о б̣раахман̣о каан̣умад̇ам̣ аж̇жхаавасад̇и сад̇д̇уссад̣̇ам̣ сад̇ин̣агадтод̣̇агам̣ сад̇хан̃н̃ам̣ рааж̇абхог̇г̇ам̣ ран̃н̃аа мааг̇ад̇хзна сзниязна б̣имб̣исаарзна д̣̇иннам̣ рааж̇ад̣̇ааяам̣ б̣рахмад̣̇зяяам̣. д̇зна ко бана самаязна гуудад̣̇анд̇асса б̣раахман̣асса махааяан̃н̃о убагкадо ход̇и. сад̇д̇а жа усабхасад̇аани сад̇д̇а жа важчад̇арасад̇аани сад̇д̇а жа важчад̇арийсад̇аани сад̇д̇а жа аж̇асад̇аани сад̇д̇а жа ураб̣бхасад̇аани т̇уун̣уубанийд̇аани хонд̇и яан̃н̃ад̇т̇ааяа.
323. Evaṃ me sutaṃ – ekaṃ samayaṃ bhagavā magadhesu cārikaṃ caramāno mahatā bhikkhusaṅghena saddhiṃ pañcamattehi bhikkhusatehi yena khāṇumataṃ nāma magadhānaṃ brāhmaṇagāmo tadavasari. Tatra sudaṃ bhagavā khāṇumate viharati ambalaṭṭhikāyaṃ. Tena kho pana samayena kūṭadanto brāhmaṇo khāṇumataṃ ajjhāvasati sattussadaṃ satiṇakaṭṭhodakaṃ sadhaññaṃ rājabhoggaṃ raññā māgadhena seniyena bimbisārena dinnaṃ rājadāyaṃ brahmadeyyaṃ. Tena kho pana samayena kūṭadantassa brāhmaṇassa mahāyañño upakkhaṭo hoti. Satta ca usabhasatāni satta ca vacchatarasatāni satta ca vacchatarīsatāni satta ca ajasatāni satta ca urabbhasatāni thūṇūpanītāni honti yaññatthāya.
324. ассосум̣ ко каан̣умад̇агаа б̣раахман̣аг̇ахабад̇игаа – ‘‘саман̣о калу, бхо, г̇од̇амо сагяабуд̇д̇о сагяагулаа баб̣б̣аж̇ид̇о маг̇ад̇хзсу жааригам̣ жарамаано махад̇аа бхигкусан̇гхзна сад̣̇д̇хим̣ бан̃жамад̇д̇зхи бхигкусад̇зхи каан̣умад̇ам̣ ануббад̇д̇о каан̣умад̇з вихарад̇и амб̣аладтигааяам̣. д̇ам̣ ко бана бхаванд̇ам̣ г̇од̇амам̣ звам̣ галяаан̣о гид̇д̇исад̣̇д̣̇о аб̣бхуг̇г̇ад̇о – ‘ид̇иби со бхаг̇аваа арахам̣ саммаасамб̣уд̣̇д̇хо виж̇ж̇аажаран̣асамбанно суг̇ад̇о логавид̣̇уу ануд̇д̇аро бурисад̣̇аммасаарат̇и сад̇т̇аа д̣̇звамануссаанам̣ б̣уд̣̇д̇хо бхаг̇аваа’д̇и . со имам̣ логам̣ сад̣̇звагам̣ самаарагам̣ саб̣рахмагам̣ сассаман̣аб̣раахман̣им̣ баж̇ам̣ сад̣̇звамануссам̣ саяам̣ абхин̃н̃аа сажчигад̇ваа бавзд̣̇зд̇и. со д̇хаммам̣ д̣̇зсзд̇и аад̣̇игаляаан̣ам̣ маж̇жхзгаляаан̣ам̣ барияосаанагаляаан̣ам̣ саад̇т̇ам̣ саб̣яан̃ж̇анам̣ гзвалабарибун̣н̣ам̣ барисуд̣̇д̇хам̣ б̣рахмажарияам̣ багаасзд̇и. саад̇ху ко бана д̇ат̇ааруубаанам̣ арахад̇ам̣ д̣̇ассанам̣ ход̇ий’’д̇и.
324. Assosuṃ kho khāṇumatakā brāhmaṇagahapatikā – ‘‘samaṇo khalu, bho, gotamo sakyaputto sakyakulā pabbajito magadhesu cārikaṃ caramāno mahatā bhikkhusaṅghena saddhiṃ pañcamattehi bhikkhusatehi khāṇumataṃ anuppatto khāṇumate viharati ambalaṭṭhikāyaṃ. Taṃ kho pana bhavantaṃ gotamaṃ evaṃ kalyāṇo kittisaddo abbhuggato – ‘itipi so bhagavā arahaṃ sammāsambuddho vijjācaraṇasampanno sugato lokavidū anuttaro purisadammasārathi satthā devamanussānaṃ buddho bhagavā’ti . So imaṃ lokaṃ sadevakaṃ samārakaṃ sabrahmakaṃ sassamaṇabrāhmaṇiṃ pajaṃ sadevamanussaṃ sayaṃ abhiññā sacchikatvā pavedeti. So dhammaṃ deseti ādikalyāṇaṃ majjhekalyāṇaṃ pariyosānakalyāṇaṃ sātthaṃ sabyañjanaṃ kevalaparipuṇṇaṃ parisuddhaṃ brahmacariyaṃ pakāseti. Sādhu kho pana tathārūpānaṃ arahataṃ dassanaṃ hotī’’ti.
325. ат̇а ко каан̣умад̇агаа б̣раахман̣аг̇ахабад̇игаа каан̣умад̇аа нигкамид̇ваа сан̇гхасан̇гхий г̇ан̣ийбхууд̇аа язна амб̣аладтигаа д̇знубасан̇гаманд̇и.
325. Atha kho khāṇumatakā brāhmaṇagahapatikā khāṇumatā nikkhamitvā saṅghasaṅghī gaṇībhūtā yena ambalaṭṭhikā tenupasaṅkamanti.
326. д̇зна ко бана самаязна гуудад̣̇анд̇о б̣раахман̣о убарибаасаад̣̇з д̣̇иваасзяяам̣ убаг̇ад̇о ход̇и. ад̣̇д̣̇асаа ко гуудад̣̇анд̇о б̣раахман̣о каан̣умад̇агз б̣раахман̣аг̇ахабад̇игз каан̣умад̇аа нигкамид̇ваа сан̇гхасан̇гхий г̇ан̣ийбхууд̇з язна амб̣аладтигаа д̇знубасан̇гаманд̇з. д̣̇исваа кад̇д̇ам̣ ааманд̇зси – ‘‘гим̣ ну ко, бхо кад̇д̇з, каан̣умад̇агаа б̣раахман̣аг̇ахабад̇игаа каан̣умад̇аа нигкамид̇ваа сан̇гхасан̇гхий г̇ан̣ийбхууд̇аа язна амб̣аладтигаа д̇знубасан̇гаманд̇ий’’д̇и?
326. Tena kho pana samayena kūṭadanto brāhmaṇo uparipāsāde divāseyyaṃ upagato hoti. Addasā kho kūṭadanto brāhmaṇo khāṇumatake brāhmaṇagahapatike khāṇumatā nikkhamitvā saṅghasaṅghī gaṇībhūte yena ambalaṭṭhikā tenupasaṅkamante. Disvā khattaṃ āmantesi – ‘‘kiṃ nu kho, bho khatte, khāṇumatakā brāhmaṇagahapatikā khāṇumatā nikkhamitvā saṅghasaṅghī gaṇībhūtā yena ambalaṭṭhikā tenupasaṅkamantī’’ti?
327. ‘‘ад̇т̇и ко, бхо, саман̣о г̇од̇амо сагяабуд̇д̇о сагяагулаа баб̣б̣аж̇ид̇о маг̇ад̇хзсу жааригам̣ жарамаано махад̇аа бхигкусан̇гхзна сад̣̇д̇хим̣ бан̃жамад̇д̇зхи бхигкусад̇зхи каан̣умад̇ам̣ ануббад̇д̇о, каан̣умад̇з вихарад̇и амб̣аладтигааяам̣. д̇ам̣ ко бана бхаванд̇ам̣ г̇од̇амам̣ звам̣ галяаан̣о гид̇д̇исад̣̇д̣̇о аб̣бхуг̇г̇ад̇о – ‘ид̇иби со бхаг̇аваа арахам̣ саммаасамб̣уд̣̇д̇хо виж̇ж̇аажаран̣асамбанно суг̇ад̇о логавид̣̇уу ануд̇д̇аро бурисад̣̇аммасаарат̇и сад̇т̇аа д̣̇звамануссаанам̣ б̣уд̣̇д̇хо бхаг̇аваа’д̇и. д̇амзд̇з бхаванд̇ам̣ г̇од̇амам̣ д̣̇ассанааяа убасан̇гаманд̇ий’’д̇и.
327. ‘‘Atthi kho, bho, samaṇo gotamo sakyaputto sakyakulā pabbajito magadhesu cārikaṃ caramāno mahatā bhikkhusaṅghena saddhiṃ pañcamattehi bhikkhusatehi khāṇumataṃ anuppatto, khāṇumate viharati ambalaṭṭhikāyaṃ. Taṃ kho pana bhavantaṃ gotamaṃ evaṃ kalyāṇo kittisaddo abbhuggato – ‘itipi so bhagavā arahaṃ sammāsambuddho vijjācaraṇasampanno sugato lokavidū anuttaro purisadammasārathi satthā devamanussānaṃ buddho bhagavā’ti. Tamete bhavantaṃ gotamaṃ dassanāya upasaṅkamantī’’ti.
328. ат̇а ко гуудад̣̇анд̇асса б̣раахман̣асса зд̇ад̣̇ахоси – ‘‘суд̇ам̣ ко бана мзд̇ам̣ – ‘саман̣о г̇од̇амо д̇ивид̇хам̣ яан̃н̃асамбад̣̇ам̣ сол̣асабаригкаарам̣ ж̇аанаад̇ий’д̇и. на ко банаахам̣ ж̇аанаами д̇ивид̇хам̣ яан̃н̃асамбад̣̇ам̣ сол̣асабаригкаарам̣. ижчаами жаахам̣ махааяан̃н̃ам̣ яаж̇ид̇ум̣. яам̣нуунаахам̣ саман̣ам̣ г̇од̇амам̣ убасан̇гамид̇ваа д̇ивид̇хам̣ яан̃н̃асамбад̣̇ам̣ сол̣асабаригкаарам̣ бужчзяяа’’нд̇и.
328. Atha kho kūṭadantassa brāhmaṇassa etadahosi – ‘‘sutaṃ kho pana metaṃ – ‘samaṇo gotamo tividhaṃ yaññasampadaṃ soḷasaparikkhāraṃ jānātī’ti. Na kho panāhaṃ jānāmi tividhaṃ yaññasampadaṃ soḷasaparikkhāraṃ. Icchāmi cāhaṃ mahāyaññaṃ yajituṃ. Yaṃnūnāhaṃ samaṇaṃ gotamaṃ upasaṅkamitvā tividhaṃ yaññasampadaṃ soḷasaparikkhāraṃ puccheyya’’nti.
329. ат̇а ко гуудад̣̇анд̇о б̣раахман̣о кад̇д̇ам̣ ааманд̇зси – ‘‘д̇зна хи, бхо кад̇д̇з, язна каан̣умад̇агаа б̣раахман̣аг̇ахабад̇игаа д̇знубасан̇гама. убасан̇гамид̇ваа каан̣умад̇агз б̣раахман̣аг̇ахабад̇игз звам̣ вад̣̇зхи – ‘гуудад̣̇анд̇о, бхо, б̣раахман̣о звамааха – ‘‘ааг̇амзнд̇у гира бхаванд̇о, гуудад̣̇анд̇оби б̣раахман̣о саман̣ам̣ г̇од̇амам̣ д̣̇ассанааяа убасан̇гамиссад̇ий’’’д̇и. ‘‘звам̣, бхо’’д̇и ко со кад̇д̇аа гуудад̣̇анд̇асса б̣раахман̣асса бадиссуд̇ваа язна каан̣умад̇агаа б̣раахман̣аг̇ахабад̇игаа д̇знубасан̇гами. убасан̇гамид̇ваа каан̣умад̇агз б̣раахман̣аг̇ахабад̇игз зд̇ад̣̇авожа – ‘‘гуудад̣̇анд̇о, бхо, б̣раахман̣о звамааха – ‘ааг̇амзнд̇у гира бхонд̇о, гуудад̣̇анд̇оби б̣раахман̣о саман̣ам̣ г̇од̇амам̣ д̣̇ассанааяа убасан̇гамиссад̇ий’’’д̇и.
329. Atha kho kūṭadanto brāhmaṇo khattaṃ āmantesi – ‘‘tena hi, bho khatte, yena khāṇumatakā brāhmaṇagahapatikā tenupasaṅkama. Upasaṅkamitvā khāṇumatake brāhmaṇagahapatike evaṃ vadehi – ‘kūṭadanto, bho, brāhmaṇo evamāha – ‘‘āgamentu kira bhavanto, kūṭadantopi brāhmaṇo samaṇaṃ gotamaṃ dassanāya upasaṅkamissatī’’’ti. ‘‘Evaṃ, bho’’ti kho so khattā kūṭadantassa brāhmaṇassa paṭissutvā yena khāṇumatakā brāhmaṇagahapatikā tenupasaṅkami. Upasaṅkamitvā khāṇumatake brāhmaṇagahapatike etadavoca – ‘‘kūṭadanto, bho, brāhmaṇo evamāha – ‘āgamentu kira bhonto, kūṭadantopi brāhmaṇo samaṇaṃ gotamaṃ dassanāya upasaṅkamissatī’’’ti.
гуудад̣̇анд̇аг̇ун̣агат̇аа
Kūṭadantaguṇakathā
330. д̇зна ко бана самаязна анзгаани б̣раахман̣асад̇аани каан̣умад̇з бадивасанд̇и – ‘‘гуудад̣̇анд̇асса б̣раахман̣асса махааяан̃н̃ам̣ анубхависсаамаа’’д̇и. ассосум̣ ко д̇з б̣раахман̣аа – ‘‘гуудад̣̇анд̇о гира б̣раахман̣о саман̣ам̣ г̇од̇амам̣ д̣̇ассанааяа убасан̇гамиссад̇ий’’д̇и. ат̇а ко д̇з б̣раахман̣аа язна гуудад̣̇анд̇о б̣раахман̣о д̇знубасан̇гамим̣су.
330. Tena kho pana samayena anekāni brāhmaṇasatāni khāṇumate paṭivasanti – ‘‘kūṭadantassa brāhmaṇassa mahāyaññaṃ anubhavissāmā’’ti. Assosuṃ kho te brāhmaṇā – ‘‘kūṭadanto kira brāhmaṇo samaṇaṃ gotamaṃ dassanāya upasaṅkamissatī’’ti. Atha kho te brāhmaṇā yena kūṭadanto brāhmaṇo tenupasaṅkamiṃsu.
331. убасан̇гамид̇ваа гуудад̣̇анд̇ам̣ б̣раахман̣ам̣ зд̇ад̣̇авожум̣ – ‘‘сажжам̣ гира бхавам̣ гуудад̣̇анд̇о саман̣ам̣ г̇од̇амам̣ д̣̇ассанааяа убасан̇гамиссад̇ий’’д̇и? ‘‘звам̣ ко мз, бхо, ход̇и – ‘ахамби саман̣ам̣ г̇од̇амам̣ д̣̇ассанааяа убасан̇гамиссаамий’’’д̇и.
331. Upasaṅkamitvā kūṭadantaṃ brāhmaṇaṃ etadavocuṃ – ‘‘saccaṃ kira bhavaṃ kūṭadanto samaṇaṃ gotamaṃ dassanāya upasaṅkamissatī’’ti? ‘‘Evaṃ kho me, bho, hoti – ‘ahampi samaṇaṃ gotamaṃ dassanāya upasaṅkamissāmī’’’ti.
‘‘маа бхавам̣ гуудад̣̇анд̇о саман̣ам̣ г̇од̇амам̣ д̣̇ассанааяа убасан̇гами. на арахад̇и бхавам̣ гуудад̣̇анд̇о саман̣ам̣ г̇од̇амам̣ д̣̇ассанааяа убасан̇гамид̇ум̣. сажз бхавам̣ гуудад̣̇анд̇о саман̣ам̣ г̇од̇амам̣ д̣̇ассанааяа убасан̇гамиссад̇и, бход̇о гуудад̣̇анд̇асса яасо хааяиссад̇и, саман̣асса г̇од̇амасса яасо абхивад̣дхиссад̇и. яамби бход̇о гуудад̣̇анд̇асса яасо хааяиссад̇и, саман̣асса г̇од̇амасса яасо абхивад̣дхиссад̇и, иминаабан̇г̇зна на арахад̇и бхавам̣ гуудад̣̇анд̇о саман̣ам̣ г̇од̇амам̣ д̣̇ассанааяа убасан̇гамид̇ум̣. саман̣о д̇взва г̇од̇амо арахад̇и бхаванд̇ам̣ гуудад̣̇анд̇ам̣ д̣̇ассанааяа убасан̇гамид̇ум̣ .
‘‘Mā bhavaṃ kūṭadanto samaṇaṃ gotamaṃ dassanāya upasaṅkami. Na arahati bhavaṃ kūṭadanto samaṇaṃ gotamaṃ dassanāya upasaṅkamituṃ. Sace bhavaṃ kūṭadanto samaṇaṃ gotamaṃ dassanāya upasaṅkamissati, bhoto kūṭadantassa yaso hāyissati, samaṇassa gotamassa yaso abhivaḍḍhissati. Yampi bhoto kūṭadantassa yaso hāyissati, samaṇassa gotamassa yaso abhivaḍḍhissati, imināpaṅgena na arahati bhavaṃ kūṭadanto samaṇaṃ gotamaṃ dassanāya upasaṅkamituṃ. Samaṇo tveva gotamo arahati bhavantaṃ kūṭadantaṃ dassanāya upasaṅkamituṃ .
‘‘бхаван̃хи гуудад̣̇анд̇о убхад̇о суж̇аад̇о маад̇ид̇о жа бид̇ид̇о жа сам̣суд̣̇д̇хаг̇ахан̣иго яаава сад̇д̇амаа бид̇аамахаяуг̇аа агкид̇д̇о анубаггудто ж̇аад̇иваад̣̇зна. яамби бхавам̣ гуудад̣̇анд̇о убхад̇о суж̇аад̇о маад̇ид̇о жа бид̇ид̇о жа сам̣суд̣̇д̇хаг̇ахан̣иго яаава сад̇д̇амаа бид̇аамахаяуг̇аа агкид̇д̇о анубаггудто ж̇аад̇иваад̣̇зна, иминаабан̇г̇зна на арахад̇и бхавам̣ гуудад̣̇анд̇о саман̣ам̣ г̇од̇амам̣ д̣̇ассанааяа убасан̇гамид̇ум̣. саман̣о д̇взва г̇од̇амо арахад̇и бхаванд̇ам̣ гуудад̣̇анд̇ам̣ д̣̇ассанааяа убасан̇гамид̇ум̣.
‘‘Bhavañhi kūṭadanto ubhato sujāto mātito ca pitito ca saṃsuddhagahaṇiko yāva sattamā pitāmahayugā akkhitto anupakkuṭṭho jātivādena. Yampi bhavaṃ kūṭadanto ubhato sujāto mātito ca pitito ca saṃsuddhagahaṇiko yāva sattamā pitāmahayugā akkhitto anupakkuṭṭho jātivādena, imināpaṅgena na arahati bhavaṃ kūṭadanto samaṇaṃ gotamaṃ dassanāya upasaṅkamituṃ. Samaṇo tveva gotamo arahati bhavantaṃ kūṭadantaṃ dassanāya upasaṅkamituṃ.
‘‘бхаван̃хи гуудад̣̇анд̇о ад̣дхо махад̣̇д̇хано махаабхог̇о бахууд̇авид̇д̇уубагаран̣о бахууд̇аж̇аад̇аруубараж̇ад̇о…бз…
‘‘Bhavañhi kūṭadanto aḍḍho mahaddhano mahābhogo pahūtavittūpakaraṇo pahūtajātarūparajato…pe…
‘‘бхаван̃хи гуудад̣̇анд̇о аж̇жхааяаго манд̇ад̇харо д̇ин̣н̣ам̣ взд̣̇аанам̣ баараг̇уу санигхан̣д̣угздубхаанам̣ саагкараббабхзд̣̇аанам̣ ид̇ихаасабан̃жамаанам̣ бад̣̇аго взяяаагаран̣о логааяад̇амахаабурисалагкан̣зсу анаваяо…бз…
‘‘Bhavañhi kūṭadanto ajjhāyako mantadharo tiṇṇaṃ vedānaṃ pāragū sanighaṇḍukeṭubhānaṃ sākkharappabhedānaṃ itihāsapañcamānaṃ padako veyyākaraṇo lokāyatamahāpurisalakkhaṇesu anavayo…pe…
‘‘бхаван̃хи гуудад̣̇анд̇о абхируубо д̣̇ассанийяо баасаад̣̇иго барамааяа ван̣н̣абогкарад̇ааяа саманнааг̇ад̇о б̣рахмаван̣н̣ий б̣рахмаважчасий акуд̣̇д̣̇аавагаасо д̣̇ассанааяа…бз…
‘‘Bhavañhi kūṭadanto abhirūpo dassanīyo pāsādiko paramāya vaṇṇapokkharatāya samannāgato brahmavaṇṇī brahmavacchasī akhuddāvakāso dassanāya…pe…
‘‘бхаван̃хи гуудад̣̇анд̇о сийлаваа вуд̣̇д̇хасийлий вуд̣̇д̇хасийлзна саманнааг̇ад̇о…бз…
‘‘Bhavañhi kūṭadanto sīlavā vuddhasīlī vuddhasīlena samannāgato…pe…
‘‘бхаван̃хи гуудад̣̇анд̇о галяаан̣аваажо галяаан̣авааггаран̣о борияаа ваажааяа саманнааг̇ад̇о виссадтааяа анзлаг̇алааяа ад̇т̇асса вин̃н̃аабанияаа…бз…
‘‘Bhavañhi kūṭadanto kalyāṇavāco kalyāṇavākkaraṇo poriyā vācāya samannāgato vissaṭṭhāya anelagalāya atthassa viññāpaniyā…pe…
‘‘бхаван̃хи гуудад̣̇анд̇о б̣ахуунам̣ аажарияабаажарияо д̇ийн̣и маан̣авагасад̇аани манд̇з ваажзд̇и, б̣ахуу ко бана наанаад̣̇исаа наанааж̇анабад̣̇аа маан̣авагаа ааг̇ажчанд̇и бход̇о гуудад̣̇анд̇асса санд̇игз манд̇ад̇т̇игаа манд̇з ад̇хияид̇угаамаа…бз…
‘‘Bhavañhi kūṭadanto bahūnaṃ ācariyapācariyo tīṇi māṇavakasatāni mante vāceti, bahū kho pana nānādisā nānājanapadā māṇavakā āgacchanti bhoto kūṭadantassa santike mantatthikā mante adhiyitukāmā…pe…
‘‘бхаван̃хи гуудад̣̇анд̇о ж̇ин̣н̣о вуд̣̇д̇хо махаллаго ад̣̇д̇хаг̇ад̇о ваяоануббад̇д̇о. саман̣о г̇од̇амо д̇арун̣о жзва д̇арун̣абаб̣б̣аж̇ид̇о жа…бз…
‘‘Bhavañhi kūṭadanto jiṇṇo vuddho mahallako addhagato vayoanuppatto. Samaṇo gotamo taruṇo ceva taruṇapabbajito ca…pe…
‘‘бхаван̃хи гуудад̣̇анд̇о ран̃н̃о мааг̇ад̇хасса сзнияасса б̣имб̣исаарасса саггад̇о г̇аругад̇о маанид̇о бууж̇ид̇о абажид̇о…бз…
‘‘Bhavañhi kūṭadanto rañño māgadhassa seniyassa bimbisārassa sakkato garukato mānito pūjito apacito…pe…
‘‘бхаван̃хи гуудад̣̇анд̇о б̣раахман̣асса богкарасаад̇исса саггад̇о г̇аругад̇о маанид̇о бууж̇ид̇о абажид̇о…бз…
‘‘Bhavañhi kūṭadanto brāhmaṇassa pokkharasātissa sakkato garukato mānito pūjito apacito…pe…
‘‘бхаван̃хи гуудад̣̇анд̇о каан̣умад̇ам̣ аж̇жхаавасад̇и сад̇д̇уссад̣̇ам̣ сад̇ин̣агадтод̣̇агам̣ сад̇хан̃н̃ам̣ рааж̇абхог̇г̇ам̣ ран̃н̃аа мааг̇ад̇хзна сзниязна б̣имб̣исаарзна д̣̇иннам̣ рааж̇ад̣̇ааяам̣ б̣рахмад̣̇зяяам̣. яамби бхавам̣ гуудад̣̇анд̇о каан̣умад̇ам̣ аж̇жхаавасад̇и сад̇д̇уссад̣̇ам̣ сад̇ин̣агадтод̣̇агам̣ сад̇хан̃н̃ам̣ рааж̇абхог̇г̇ам̣, ран̃н̃аа мааг̇ад̇хзна сзниязна б̣имб̣исаарзна д̣̇иннам̣ рааж̇ад̣̇ааяам̣ б̣рахмад̣̇зяяам̣, иминаабан̇г̇зна на арахад̇и бхавам̣ гуудад̣̇анд̇о саман̣ам̣ г̇од̇амам̣ д̣̇ассанааяа убасан̇гамид̇ум̣. саман̣од̇взва г̇од̇амо арахад̇и бхаванд̇ам̣ гуудад̣̇анд̇ам̣ д̣̇ассанааяа убасан̇гамид̇у’’нд̇и.
‘‘Bhavañhi kūṭadanto khāṇumataṃ ajjhāvasati sattussadaṃ satiṇakaṭṭhodakaṃ sadhaññaṃ rājabhoggaṃ raññā māgadhena seniyena bimbisārena dinnaṃ rājadāyaṃ brahmadeyyaṃ. Yampi bhavaṃ kūṭadanto khāṇumataṃ ajjhāvasati sattussadaṃ satiṇakaṭṭhodakaṃ sadhaññaṃ rājabhoggaṃ, raññā māgadhena seniyena bimbisārena dinnaṃ rājadāyaṃ brahmadeyyaṃ, imināpaṅgena na arahati bhavaṃ kūṭadanto samaṇaṃ gotamaṃ dassanāya upasaṅkamituṃ. Samaṇotveva gotamo arahati bhavantaṃ kūṭadantaṃ dassanāya upasaṅkamitu’’nti.
б̣уд̣̇д̇хаг̇ун̣агат̇аа
Buddhaguṇakathā
332. звам̣ вуд̇д̇з гуудад̣̇анд̇о б̣раахман̣о д̇з б̣раахман̣з зд̇ад̣̇авожа –
332. Evaṃ vutte kūṭadanto brāhmaṇo te brāhmaṇe etadavoca –
‘‘д̇зна хи, бхо, мамаби сун̣аат̇а, яат̇аа маяамзва арахаама д̇ам̣ бхаванд̇ам̣ г̇од̇амам̣ д̣̇ассанааяа убасан̇гамид̇ум̣, на д̇взва арахад̇и со бхавам̣ г̇од̇амо амхаагам̣ д̣̇ассанааяа убасан̇гамид̇ум̣. саман̣о калу, бхо, г̇од̇амо убхад̇о суж̇аад̇о маад̇ид̇о жа бид̇ид̇о жа сам̣суд̣̇д̇хаг̇ахан̣иго яаава сад̇д̇амаа бид̇аамахаяуг̇аа агкид̇д̇о анубаггудто ж̇аад̇иваад̣̇зна. яамби, бхо, саман̣о г̇од̇амо убхад̇о суж̇аад̇о маад̇ид̇о жа бид̇ид̇о жа сам̣суд̣̇д̇хаг̇ахан̣иго яаава сад̇д̇амаа бид̇аамахаяуг̇аа агкид̇д̇о анубаггудто ж̇аад̇иваад̣̇зна, иминаабан̇г̇зна на арахад̇и со бхавам̣ г̇од̇амо амхаагам̣ д̣̇ассанааяа убасан̇гамид̇ум̣. ат̇а ко маяамзва арахаама д̇ам̣ бхаванд̇ам̣ г̇од̇амам̣ д̣̇ассанааяа убасан̇гамид̇ум̣.
‘‘Tena hi, bho, mamapi suṇātha, yathā mayameva arahāma taṃ bhavantaṃ gotamaṃ dassanāya upasaṅkamituṃ, na tveva arahati so bhavaṃ gotamo amhākaṃ dassanāya upasaṅkamituṃ. Samaṇo khalu, bho, gotamo ubhato sujāto mātito ca pitito ca saṃsuddhagahaṇiko yāva sattamā pitāmahayugā akkhitto anupakkuṭṭho jātivādena. Yampi, bho, samaṇo gotamo ubhato sujāto mātito ca pitito ca saṃsuddhagahaṇiko yāva sattamā pitāmahayugā akkhitto anupakkuṭṭho jātivādena, imināpaṅgena na arahati so bhavaṃ gotamo amhākaṃ dassanāya upasaṅkamituṃ. Atha kho mayameva arahāma taṃ bhavantaṃ gotamaṃ dassanāya upasaṅkamituṃ.
‘‘саман̣о калу, бхо, г̇од̇амо маханд̇ам̣ н̃аад̇исан̇гхам̣ охааяа баб̣б̣аж̇ид̇о…бз…
‘‘Samaṇo khalu, bho, gotamo mahantaṃ ñātisaṅghaṃ ohāya pabbajito…pe…
‘‘саман̣о калу, бхо, г̇од̇амо бахууд̇ам̣ хиран̃н̃асуван̣н̣ам̣ охааяа баб̣б̣аж̇ид̇о бхуумиг̇ад̇ан̃жа взхаасадтам̣ жа…бз…
‘‘Samaṇo khalu, bho, gotamo pahūtaṃ hiraññasuvaṇṇaṃ ohāya pabbajito bhūmigatañca vehāsaṭṭhaṃ ca…pe…
‘‘саман̣о калу, бхо, г̇од̇амо д̣̇ахарова самаано яуваа сусугаал̣агзсо бхад̣̇рзна яоб̣б̣анзна саманнааг̇ад̇о батамзна ваяасаа аг̇аарасмаа анаг̇аарияам̣ баб̣б̣аж̇ид̇о…бз…
‘‘Samaṇo khalu, bho, gotamo daharova samāno yuvā susukāḷakeso bhadrena yobbanena samannāgato paṭhamena vayasā agārasmā anagāriyaṃ pabbajito…pe…
‘‘саман̣о калу, бхо, г̇од̇амо агаамагаанам̣ маад̇аабид̇уунам̣ ассумукаанам̣ руд̣̇анд̇аанам̣ гзсамассум̣ охаарзд̇ваа гаасааяаани вад̇т̇аани ажчаад̣̇зд̇ваа аг̇аарасмаа анаг̇аарияам̣ баб̣б̣аж̇ид̇о…бз…
‘‘Samaṇo khalu, bho, gotamo akāmakānaṃ mātāpitūnaṃ assumukhānaṃ rudantānaṃ kesamassuṃ ohāretvā kāsāyāni vatthāni acchādetvā agārasmā anagāriyaṃ pabbajito…pe…
‘‘саман̣о калу, бхо, г̇од̇амо абхируубо д̣̇ассанийяо баасаад̣̇иго барамааяа ван̣н̣абогкарад̇ааяа саманнааг̇ад̇о б̣рахмаван̣н̣ий б̣рахмаважчасий акуд̣̇д̣̇аавагаасо д̣̇ассанааяа …бз…
‘‘Samaṇo khalu, bho, gotamo abhirūpo dassanīyo pāsādiko paramāya vaṇṇapokkharatāya samannāgato brahmavaṇṇī brahmavacchasī akhuddāvakāso dassanāya …pe…
‘‘саман̣о калу, бхо, г̇од̇амо сийлаваа арияасийлий гусаласийлий гусаласийлзна саманнааг̇ад̇о…бз…
‘‘Samaṇo khalu, bho, gotamo sīlavā ariyasīlī kusalasīlī kusalasīlena samannāgato…pe…
‘‘саман̣о калу, бхо, г̇од̇амо галяаан̣аваажо галяаан̣авааггаран̣о борияаа ваажааяа саманнааг̇ад̇о виссадтааяа анзлаг̇алааяа ад̇т̇асса вин̃н̃аабанияаа…бз…
‘‘Samaṇo khalu, bho, gotamo kalyāṇavāco kalyāṇavākkaraṇo poriyā vācāya samannāgato vissaṭṭhāya anelagalāya atthassa viññāpaniyā…pe…
‘‘саман̣о калу, бхо, г̇од̇амо б̣ахуунам̣ аажарияабаажарияо…бз…
‘‘Samaṇo khalu, bho, gotamo bahūnaṃ ācariyapācariyo…pe…
‘‘саман̣о калу, бхо, г̇од̇амо кийн̣агаамарааг̇о виг̇ад̇ажаабалло…бз…
‘‘Samaṇo khalu, bho, gotamo khīṇakāmarāgo vigatacāpallo…pe…
‘‘саман̣о калу, бхо, г̇од̇амо гаммаваад̣̇ий гирияаваад̣̇ий абаабабурзгкааро б̣рахман̃н̃ааяа баж̇ааяа…бз…
‘‘Samaṇo khalu, bho, gotamo kammavādī kiriyavādī apāpapurekkhāro brahmaññāya pajāya…pe…
‘‘саман̣о калу, бхо, г̇од̇амо ужжаа гулаа баб̣б̣аж̇ид̇о асамбхиннакад̇д̇ияагулаа…бз…
‘‘Samaṇo khalu, bho, gotamo uccā kulā pabbajito asambhinnakhattiyakulā…pe…
‘‘саман̣о калу, бхо, г̇од̇амо ад̣дхаа гулаа баб̣б̣аж̇ид̇о махад̣̇д̇ханаа махаабхог̇аа…бз…
‘‘Samaṇo khalu, bho, gotamo aḍḍhā kulā pabbajito mahaddhanā mahābhogā…pe…
‘‘саман̣ам̣ калу, бхо, г̇од̇амам̣ д̇ирорадтаа д̇ирож̇анабад̣̇аа бан̃хам̣ бужчид̇ум̣ ааг̇ажчанд̇и…бз…
‘‘Samaṇaṃ khalu, bho, gotamaṃ tiroraṭṭhā tirojanapadā pañhaṃ pucchituṃ āgacchanti…pe…
‘‘саман̣ам̣ калу, бхо, г̇од̇амам̣ анзгаани д̣̇звад̇аасахассаани баан̣зхи саран̣ам̣ г̇ад̇аани…бз…
‘‘Samaṇaṃ khalu, bho, gotamaṃ anekāni devatāsahassāni pāṇehi saraṇaṃ gatāni…pe…
‘‘саман̣ам̣ калу, бхо, г̇од̇амам̣ звам̣ галяаан̣о гид̇д̇исад̣̇д̣̇о аб̣бхуг̇г̇ад̇о – ‘ид̇иби со бхаг̇аваа арахам̣ саммаасамб̣уд̣̇д̇хо виж̇ж̇аажаран̣асамбанно суг̇ад̇о логавид̣̇уу ануд̇д̇аро бурисад̣̇аммасаарат̇и сад̇т̇аа д̣̇звамануссаанам̣ б̣уд̣̇д̇хо бхаг̇аваа’ д̇и…бз…
‘‘Samaṇaṃ khalu, bho, gotamaṃ evaṃ kalyāṇo kittisaddo abbhuggato – ‘itipi so bhagavā arahaṃ sammāsambuddho vijjācaraṇasampanno sugato lokavidū anuttaro purisadammasārathi satthā devamanussānaṃ buddho bhagavā’ ti…pe…
‘‘саман̣о калу, бхо, г̇од̇амо д̣̇вад̇д̇им̣самахаабурисалагкан̣зхи саманнааг̇ад̇о…бз…
‘‘Samaṇo khalu, bho, gotamo dvattiṃsamahāpurisalakkhaṇehi samannāgato…pe…
‘‘саман̣о калу, бхо, г̇од̇амо зхисвааг̇ад̇аваад̣̇ий сакило саммод̣̇аго аб̣бхаагудиго уд̇д̇аанамуко буб̣б̣абхаасий…бз…
‘‘Samaṇo khalu, bho, gotamo ehisvāgatavādī sakhilo sammodako abbhākuṭiko uttānamukho pubbabhāsī…pe…
‘‘саман̣о калу, бхо, г̇од̇амо жад̇уннам̣ барисаанам̣ саггад̇о г̇аругад̇о маанид̇о бууж̇ид̇о абажид̇о…бз…
‘‘Samaṇo khalu, bho, gotamo catunnaṃ parisānaṃ sakkato garukato mānito pūjito apacito…pe…
‘‘саман̣з калу, бхо, г̇од̇амз б̣ахуу д̣̇зваа жа мануссаа жа абхиббасаннаа…бз…
‘‘Samaṇe khalu, bho, gotame bahū devā ca manussā ca abhippasannā…pe…
‘‘саман̣о калу, бхо, г̇од̇амо яасмим̣ г̇аамз ваа ниг̇амз ваа бадивасад̇и на д̇асмим̣ г̇аамз ваа ниг̇амз ваа амануссаа мануссз вихзтзнд̇и…бз…
‘‘Samaṇo khalu, bho, gotamo yasmiṃ gāme vā nigame vā paṭivasati na tasmiṃ gāme vā nigame vā amanussā manusse viheṭhenti…pe…
‘‘саман̣о калу, бхо, г̇од̇амо сан̇гхий г̇ан̣ий г̇ан̣аажарияо бут̇уд̇ид̇т̇агараанам̣ аг̇г̇амагкааяад̇и, яат̇аа ко бана, бхо, зд̇зсам̣ саман̣аб̣раахман̣аанам̣ яат̇аа ваа д̇ат̇аа ваа яасо самуд̣̇ааг̇ажчад̇и, на хзвам̣ саман̣асса г̇од̇амасса яасо самуд̣̇ааг̇ад̇о. ат̇а ко ануд̇д̇арааяа виж̇ж̇аажаран̣асамбад̣̇ааяа саман̣асса г̇од̇амасса яасо самуд̣̇ааг̇ад̇о…бз…
‘‘Samaṇo khalu, bho, gotamo saṅghī gaṇī gaṇācariyo puthutitthakarānaṃ aggamakkhāyati, yathā kho pana, bho, etesaṃ samaṇabrāhmaṇānaṃ yathā vā tathā vā yaso samudāgacchati, na hevaṃ samaṇassa gotamassa yaso samudāgato. Atha kho anuttarāya vijjācaraṇasampadāya samaṇassa gotamassa yaso samudāgato…pe…
‘‘саман̣ам̣ калу, бхо, г̇од̇амам̣ рааж̇аа мааг̇ад̇хо сзнияо б̣имб̣исааро сабуд̇д̇о сабхарияо сабарисо саамажжо баан̣зхи саран̣ам̣ г̇ад̇о…бз…
‘‘Samaṇaṃ khalu, bho, gotamaṃ rājā māgadho seniyo bimbisāro saputto sabhariyo sapariso sāmacco pāṇehi saraṇaṃ gato…pe…
‘‘саман̣ам̣ калу, бхо, г̇од̇амам̣ рааж̇аа басзнад̣̇и госало сабуд̇д̇о сабхарияо сабарисо саамажжо баан̣зхи саран̣ам̣ г̇ад̇о…бз…
‘‘Samaṇaṃ khalu, bho, gotamaṃ rājā pasenadi kosalo saputto sabhariyo sapariso sāmacco pāṇehi saraṇaṃ gato…pe…
‘‘саман̣ам̣ калу, бхо, г̇од̇амам̣ б̣раахман̣о богкарасаад̇и сабуд̇д̇о сабхарияо сабарисо саамажжо баан̣зхи саран̣ам̣ г̇ад̇о…бз…
‘‘Samaṇaṃ khalu, bho, gotamaṃ brāhmaṇo pokkharasāti saputto sabhariyo sapariso sāmacco pāṇehi saraṇaṃ gato…pe…
‘‘саман̣о калу, бхо, г̇од̇амо ран̃н̃о мааг̇ад̇хасса сзнияасса б̣имб̣исаарасса саггад̇о г̇аругад̇о маанид̇о бууж̇ид̇о абажид̇о…бз…
‘‘Samaṇo khalu, bho, gotamo rañño māgadhassa seniyassa bimbisārassa sakkato garukato mānito pūjito apacito…pe…
‘‘саман̣о калу, бхо, г̇од̇амо ран̃н̃о басзнад̣̇исса госаласса саггад̇о г̇аругад̇о маанид̇о бууж̇ид̇о абажид̇о…бз…
‘‘Samaṇo khalu, bho, gotamo rañño pasenadissa kosalassa sakkato garukato mānito pūjito apacito…pe…
‘‘саман̣о калу, бхо, г̇од̇амо б̣раахман̣асса богкарасаад̇исса саггад̇о г̇аругад̇о маанид̇о бууж̇ид̇о абажид̇о…бз…
‘‘Samaṇo khalu, bho, gotamo brāhmaṇassa pokkharasātissa sakkato garukato mānito pūjito apacito…pe…
‘‘саман̣о калу, бхо, г̇од̇амо каан̣умад̇ам̣ ануббад̇д̇о каан̣умад̇з вихарад̇и амб̣аладтигааяам̣. яз ко бана, бхо, гзжи саман̣аа ваа б̣раахман̣аа ваа амхаагам̣ г̇аамакзд̇д̇ам̣ ааг̇ажчанд̇и, ад̇ит̇ий но д̇з хонд̇и. ад̇ит̇ий ко банамхзхи саггаад̇аб̣б̣аа г̇аругаад̇аб̣б̣аа маанзд̇аб̣б̣аа бууж̇зд̇аб̣б̣аа абажзд̇аб̣б̣аа. яамби, бхо, саман̣о г̇од̇амо каан̣умад̇ам̣ ануббад̇д̇о каан̣умад̇з вихарад̇и амб̣аладтигааяам̣, ад̇ит̇имхаагам̣ саман̣о г̇од̇амо. ад̇ит̇и ко банамхзхи саггаад̇аб̣б̣о г̇аругаад̇аб̣б̣о маанзд̇аб̣б̣о бууж̇зд̇аб̣б̣о абажзд̇аб̣б̣о. иминаабан̇г̇зна наарахад̇и со бхавам̣ г̇од̇амо амхаагам̣ д̣̇ассанааяа убасан̇гамид̇ум̣. ат̇а ко маяамзва арахаама д̇ам̣ бхаванд̇ам̣ г̇од̇амам̣ д̣̇ассанааяа убасан̇гамид̇ум̣. зд̇д̇агз ко ахам̣, бхо, д̇асса бход̇о г̇од̇амасса ван̣н̣з барияаабун̣аами, но жа ко со бхавам̣ г̇од̇амо зд̇д̇агаван̣н̣о. абаримаан̣аван̣н̣о хи со бхавам̣ г̇од̇амо’’д̇и.
‘‘Samaṇo khalu, bho, gotamo khāṇumataṃ anuppatto khāṇumate viharati ambalaṭṭhikāyaṃ. Ye kho pana, bho, keci samaṇā vā brāhmaṇā vā amhākaṃ gāmakhettaṃ āgacchanti, atithī no te honti. Atithī kho panamhehi sakkātabbā garukātabbā mānetabbā pūjetabbā apacetabbā. Yampi, bho, samaṇo gotamo khāṇumataṃ anuppatto khāṇumate viharati ambalaṭṭhikāyaṃ, atithimhākaṃ samaṇo gotamo. Atithi kho panamhehi sakkātabbo garukātabbo mānetabbo pūjetabbo apacetabbo. Imināpaṅgena nārahati so bhavaṃ gotamo amhākaṃ dassanāya upasaṅkamituṃ. Atha kho mayameva arahāma taṃ bhavantaṃ gotamaṃ dassanāya upasaṅkamituṃ. Ettake kho ahaṃ, bho, tassa bhoto gotamassa vaṇṇe pariyāpuṇāmi, no ca kho so bhavaṃ gotamo ettakavaṇṇo. Aparimāṇavaṇṇo hi so bhavaṃ gotamo’’ti.
333. звам̣ вуд̇д̇з, д̇з б̣раахман̣аа гуудад̣̇анд̇ам̣ б̣раахман̣ам̣ зд̇ад̣̇авожум̣ – ‘‘яат̇аа ко бхавам̣ гуудад̣̇анд̇о саман̣асса г̇од̇амасса ван̣н̣з бхаасад̇и, ид̇о жзби со бхавам̣ г̇од̇амо яож̇анасад̇з вихарад̇и, аламзва сад̣̇д̇хзна гулабуд̇д̇зна д̣̇ассанааяа убасан̇гамид̇ум̣ аби будосзнаа’’д̇и. ‘‘д̇зна хи, бхо, саб̣б̣зва маяам̣ саман̣ам̣ г̇од̇амам̣ д̣̇ассанааяа убасан̇гамиссаамаа’’д̇и.
333. Evaṃ vutte, te brāhmaṇā kūṭadantaṃ brāhmaṇaṃ etadavocuṃ – ‘‘yathā kho bhavaṃ kūṭadanto samaṇassa gotamassa vaṇṇe bhāsati, ito cepi so bhavaṃ gotamo yojanasate viharati, alameva saddhena kulaputtena dassanāya upasaṅkamituṃ api puṭosenā’’ti. ‘‘Tena hi, bho, sabbeva mayaṃ samaṇaṃ gotamaṃ dassanāya upasaṅkamissāmā’’ti.
махаавиж̇ид̇арааж̇аяан̃н̃агат̇аа
Mahāvijitarājayaññakathā
334. ат̇а ко гуудад̣̇анд̇о б̣раахман̣о махад̇аа б̣раахман̣аг̇ан̣зна сад̣̇д̇хим̣ язна амб̣аладтигаа язна бхаг̇аваа д̇знубасан̇гами, убасан̇гамид̇ваа бхаг̇авад̇аа сад̣̇д̇хим̣ саммод̣̇и . саммод̣̇анийяам̣ гат̇ам̣ сааран̣ийяам̣ вийд̇исаарзд̇ваа згаманд̇ам̣ нисийд̣̇и. каан̣умад̇агааби ко б̣раахман̣аг̇ахабад̇игаа аббзгажжз бхаг̇аванд̇ам̣ абхиваад̣̇зд̇ваа згаманд̇ам̣ нисийд̣̇им̣су; аббзгажжз бхаг̇авад̇аа сад̣̇д̇хим̣ саммод̣̇им̣су, саммод̣̇анийяам̣ гат̇ам̣ сааран̣ийяам̣ вийд̇исаарзд̇ваа згаманд̇ам̣ нисийд̣̇им̣су; аббзгажжз язна бхаг̇аваа д̇знан̃ж̇алим̣ бан̣аамзд̇ваа згаманд̇ам̣ нисийд̣̇им̣су; аббзгажжз наамаг̇од̇д̇ам̣ саавзд̇ваа згаманд̇ам̣ нисийд̣̇им̣су; аббзгажжз д̇ун̣хийбхууд̇аа згаманд̇ам̣ нисийд̣̇им̣су.
334. Atha kho kūṭadanto brāhmaṇo mahatā brāhmaṇagaṇena saddhiṃ yena ambalaṭṭhikā yena bhagavā tenupasaṅkami, upasaṅkamitvā bhagavatā saddhiṃ sammodi . Sammodanīyaṃ kathaṃ sāraṇīyaṃ vītisāretvā ekamantaṃ nisīdi. Khāṇumatakāpi kho brāhmaṇagahapatikā appekacce bhagavantaṃ abhivādetvā ekamantaṃ nisīdiṃsu; appekacce bhagavatā saddhiṃ sammodiṃsu, sammodanīyaṃ kathaṃ sāraṇīyaṃ vītisāretvā ekamantaṃ nisīdiṃsu; appekacce yena bhagavā tenañjaliṃ paṇāmetvā ekamantaṃ nisīdiṃsu; appekacce nāmagottaṃ sāvetvā ekamantaṃ nisīdiṃsu; appekacce tuṇhībhūtā ekamantaṃ nisīdiṃsu.
335. згаманд̇ам̣ нисинно ко гуудад̣̇анд̇о б̣раахман̣о бхаг̇аванд̇ам̣ зд̇ад̣̇авожа – ‘‘суд̇ам̣ мзд̇ам̣, бхо г̇од̇ама – ‘саман̣о г̇од̇амо д̇ивид̇хам̣ яан̃н̃асамбад̣̇ам̣ сол̣асабаригкаарам̣ ж̇аанаад̇ий’д̇и. на ко банаахам̣ ж̇аанаами д̇ивид̇хам̣ яан̃н̃асамбад̣̇ам̣ сол̣асабаригкаарам̣. ижчаами жаахам̣ махааяан̃н̃ам̣ яаж̇ид̇ум̣. саад̇ху мз бхавам̣ г̇од̇амо д̇ивид̇хам̣ яан̃н̃асамбад̣̇ам̣ сол̣асабаригкаарам̣ д̣̇зсзд̇уу’’д̇и.
335. Ekamantaṃ nisinno kho kūṭadanto brāhmaṇo bhagavantaṃ etadavoca – ‘‘sutaṃ metaṃ, bho gotama – ‘samaṇo gotamo tividhaṃ yaññasampadaṃ soḷasaparikkhāraṃ jānātī’ti. Na kho panāhaṃ jānāmi tividhaṃ yaññasampadaṃ soḷasaparikkhāraṃ. Icchāmi cāhaṃ mahāyaññaṃ yajituṃ. Sādhu me bhavaṃ gotamo tividhaṃ yaññasampadaṃ soḷasaparikkhāraṃ desetū’’ti.
336. ‘‘д̇зна хи, б̣раахман̣а, сун̣аахи саад̇хугам̣ манасигарохи, бхаасиссаамий’’д̇и. ‘‘звам̣, бхо’’д̇и ко гуудад̣̇анд̇о б̣раахман̣о бхаг̇авад̇о бажжассоси. бхаг̇аваа зд̇ад̣̇авожа – ‘‘бхууд̇абуб̣б̣ам̣, б̣раахман̣а , рааж̇аа махаавиж̇ид̇о наама ахоси ад̣дхо махад̣̇д̇хано махаабхог̇о бахууд̇аж̇аад̇аруубараж̇ад̇о бахууд̇авид̇д̇уубагаран̣о бахууд̇ад̇ханад̇хан̃н̃о барибун̣н̣агосагодтааг̇ааро. ат̇а ко, б̣раахман̣а, ран̃н̃о махаавиж̇ид̇асса рахог̇ад̇асса бадисаллийнасса звам̣ жзд̇асо баривид̇агго уд̣̇абаад̣̇и – ‘ад̇хиг̇ад̇аа ко мз вибулаа маанусагаа бхог̇аа, маханд̇ам̣ бат̇авиман̣д̣алам̣ абхивиж̇ияа аж̇жхаавасаами , яам̣нуунаахам̣ махааяан̃н̃ам̣ яаж̇зяяам̣, яам̣ мама асса д̣̇ийгхарад̇д̇ам̣ хид̇ааяа сукааяаа’д̇и.
336. ‘‘Tena hi, brāhmaṇa, suṇāhi sādhukaṃ manasikarohi, bhāsissāmī’’ti. ‘‘Evaṃ, bho’’ti kho kūṭadanto brāhmaṇo bhagavato paccassosi. Bhagavā etadavoca – ‘‘bhūtapubbaṃ, brāhmaṇa , rājā mahāvijito nāma ahosi aḍḍho mahaddhano mahābhogo pahūtajātarūparajato pahūtavittūpakaraṇo pahūtadhanadhañño paripuṇṇakosakoṭṭhāgāro. Atha kho, brāhmaṇa, rañño mahāvijitassa rahogatassa paṭisallīnassa evaṃ cetaso parivitakko udapādi – ‘adhigatā kho me vipulā mānusakā bhogā, mahantaṃ pathavimaṇḍalaṃ abhivijiya ajjhāvasāmi , yaṃnūnāhaṃ mahāyaññaṃ yajeyyaṃ, yaṃ mama assa dīgharattaṃ hitāya sukhāyā’ti.
337. ‘‘ат̇а ко, б̣раахман̣а, рааж̇аа махаавиж̇ид̇о бурохид̇ам̣ б̣раахман̣ам̣ ааманд̇зд̇ваа зд̇ад̣̇авожа – ‘ид̇ха маяхам̣, б̣раахман̣а, рахог̇ад̇асса бадисаллийнасса звам̣ жзд̇асо баривид̇агго уд̣̇абаад̣̇и – ад̇хиг̇ад̇аа ко мз вибулаа маанусагаа бхог̇аа , маханд̇ам̣ бат̇авиман̣д̣алам̣ абхивиж̇ияа аж̇жхаавасаами. яам̣нуунаахам̣ махааяан̃н̃ам̣ яаж̇зяяам̣ яам̣ мама асса д̣̇ийгхарад̇д̇ам̣ хид̇ааяа сукааяаа’д̇и. ижчаамахам̣, б̣раахман̣а, махааяан̃н̃ам̣ яаж̇ид̇ум̣. анусаасад̇у мам̣ бхавам̣ яам̣ мама асса д̣̇ийгхарад̇д̇ам̣ хид̇ааяа сукааяаа’’’д̇и.
337. ‘‘Atha kho, brāhmaṇa, rājā mahāvijito purohitaṃ brāhmaṇaṃ āmantetvā etadavoca – ‘idha mayhaṃ, brāhmaṇa, rahogatassa paṭisallīnassa evaṃ cetaso parivitakko udapādi – adhigatā kho me vipulā mānusakā bhogā , mahantaṃ pathavimaṇḍalaṃ abhivijiya ajjhāvasāmi. Yaṃnūnāhaṃ mahāyaññaṃ yajeyyaṃ yaṃ mama assa dīgharattaṃ hitāya sukhāyā’ti. Icchāmahaṃ, brāhmaṇa, mahāyaññaṃ yajituṃ. Anusāsatu maṃ bhavaṃ yaṃ mama assa dīgharattaṃ hitāya sukhāyā’’’ti.
338. ‘‘звам̣ вуд̇д̇з, б̣раахман̣а, бурохид̇о б̣раахман̣о рааж̇аанам̣ махаавиж̇ид̇ам̣ зд̇ад̣̇авожа – ‘бход̇о ко ран̃н̃о ж̇анабад̣̇о саган̣даго сауббийл̣о, г̇аамагхаад̇ааби д̣̇иссанд̇и, ниг̇амагхаад̇ааби д̣̇иссанд̇и, наг̇арагхаад̇ааби д̣̇иссанд̇и , бант̇ад̣̇уханааби д̣̇иссанд̇и. бхавам̣ ко бана рааж̇аа звам̣ саган̣дагз ж̇анабад̣̇з сауббийл̣з б̣алимуд̣̇д̇харзяяа, агижжагаарий асса д̇зна бхавам̣ рааж̇аа. сияаа ко бана бход̇о ран̃н̃о звамасса – ‘‘ахамзд̇ам̣ д̣̇ассукийлам̣ вад̇хзна ваа б̣анд̇хзна ваа ж̇аанияаа ваа г̇арахааяа ваа баб̣б̣ааж̇анааяа ваа самууханиссаамий’’д̇и, на ко банзд̇асса д̣̇ассукийласса звам̣ саммаа самуг̇гхаад̇о ход̇и. яз д̇з хад̇аавасзсагаа бхависсанд̇и, д̇з бажчаа ран̃н̃о ж̇анабад̣̇ам̣ вихзтзссанд̇и. аби жа ко ид̣̇ам̣ сам̣вид̇хаанам̣ ааг̇амма звамзд̇асса д̣̇ассукийласса саммаа самуг̇гхаад̇о ход̇и. д̇зна хи бхавам̣ рааж̇аа яз бход̇о ран̃н̃о ж̇анабад̣̇з уссаханд̇и гасиг̇орагкз, д̇зсам̣ бхавам̣ рааж̇аа б̣ийж̇абхад̇д̇ам̣ ануббад̣̇зд̇у. яз бход̇о ран̃н̃о ж̇анабад̣̇з уссаханд̇и ваан̣иж̇ж̇ааяа, д̇зсам̣ бхавам̣ рааж̇аа баабхад̇ам̣ ануббад̣̇зд̇у. яз бход̇о ран̃н̃о ж̇анабад̣̇з уссаханд̇и рааж̇аборисз, д̇зсам̣ бхавам̣ рааж̇аа бхад̇д̇авзд̇анам̣ багаббзд̇у. д̇з жа мануссаа сагаммабасуд̇аа ран̃н̃о ж̇анабад̣̇ам̣ на вихзтзссанд̇и; махаа жа ран̃н̃о раасиго бхависсад̇и. кзмадтид̇аа ж̇анабад̣̇аа аган̣дагаа ануббийл̣аа. мануссаа муд̣̇аа мод̣̇амаанаа урз буд̇д̇з нажжзнд̇аа абааруд̇агхараа ман̃н̃з вихариссанд̇ий’д̇и. ‘звам̣, бхо’д̇и ко, б̣раахман̣а, рааж̇аа махаавиж̇ид̇о бурохид̇асса б̣раахман̣асса бадиссуд̇ваа яз ран̃н̃о ж̇анабад̣̇з уссахим̣су гасиг̇орагкз, д̇зсам̣ рааж̇аа махаавиж̇ид̇о б̣ийж̇абхад̇д̇ам̣ ануббад̣̇ааси. яз жа ран̃н̃о ж̇анабад̣̇з уссахим̣су ваан̣иж̇ж̇ааяа, д̇зсам̣ рааж̇аа махаавиж̇ид̇о баабхад̇ам̣ ануббад̣̇ааси. яз жа ран̃н̃о ж̇анабад̣̇з уссахим̣су рааж̇аборисз, д̇зсам̣ рааж̇аа махаавиж̇ид̇о бхад̇д̇авзд̇анам̣ багаббзси. д̇з жа мануссаа сагаммабасуд̇аа ран̃н̃о ж̇анабад̣̇ам̣ на вихзтим̣су, махаа жа ран̃н̃о раасиго ахоси. кзмадтид̇аа ж̇анабад̣̇аа аган̣дагаа ануббийл̣аа мануссаа муд̣̇аа мод̣̇амаанаа урз буд̇д̇з нажжзнд̇аа абааруд̇агхараа ман̃н̃з вихарим̣су. ат̇а ко, б̣раахман̣а, рааж̇аа махаавиж̇ид̇о бурохид̇ам̣ б̣раахман̣ам̣ ааманд̇зд̇ваа зд̇ад̣̇авожа – ‘самуухад̇о ко мз бход̇о д̣̇ассукийло, бход̇о сам̣вид̇хаанам̣ ааг̇амма махаа жа мз раасиго. кзмадтид̇аа ж̇анабад̣̇аа аган̣дагаа ануббийл̣аа мануссаа муд̣̇аа мод̣̇амаанаа урз буд̇д̇з нажжзнд̇аа абааруд̇агхараа ман̃н̃з вихаранд̇и. ижчаамахам̣ б̣раахман̣а махааяан̃н̃ам̣ яаж̇ид̇ум̣. анусаасад̇у мам̣ бхавам̣ яам̣ мама асса д̣̇ийгхарад̇д̇ам̣ хид̇ааяа сукааяаа’д̇и.
338. ‘‘Evaṃ vutte, brāhmaṇa, purohito brāhmaṇo rājānaṃ mahāvijitaṃ etadavoca – ‘bhoto kho rañño janapado sakaṇṭako sauppīḷo, gāmaghātāpi dissanti, nigamaghātāpi dissanti, nagaraghātāpi dissanti , panthaduhanāpi dissanti. Bhavaṃ kho pana rājā evaṃ sakaṇṭake janapade sauppīḷe balimuddhareyya, akiccakārī assa tena bhavaṃ rājā. Siyā kho pana bhoto rañño evamassa – ‘‘ahametaṃ dassukhīlaṃ vadhena vā bandhena vā jāniyā vā garahāya vā pabbājanāya vā samūhanissāmī’’ti, na kho panetassa dassukhīlassa evaṃ sammā samugghāto hoti. Ye te hatāvasesakā bhavissanti, te pacchā rañño janapadaṃ viheṭhessanti. Api ca kho idaṃ saṃvidhānaṃ āgamma evametassa dassukhīlassa sammā samugghāto hoti. Tena hi bhavaṃ rājā ye bhoto rañño janapade ussahanti kasigorakkhe, tesaṃ bhavaṃ rājā bījabhattaṃ anuppadetu. Ye bhoto rañño janapade ussahanti vāṇijjāya, tesaṃ bhavaṃ rājā pābhataṃ anuppadetu. Ye bhoto rañño janapade ussahanti rājaporise, tesaṃ bhavaṃ rājā bhattavetanaṃ pakappetu. Te ca manussā sakammapasutā rañño janapadaṃ na viheṭhessanti; mahā ca rañño rāsiko bhavissati. Khemaṭṭhitā janapadā akaṇṭakā anuppīḷā. Manussā mudā modamānā ure putte naccentā apārutagharā maññe viharissantī’ti. ‘Evaṃ, bho’ti kho, brāhmaṇa, rājā mahāvijito purohitassa brāhmaṇassa paṭissutvā ye rañño janapade ussahiṃsu kasigorakkhe, tesaṃ rājā mahāvijito bījabhattaṃ anuppadāsi. Ye ca rañño janapade ussahiṃsu vāṇijjāya, tesaṃ rājā mahāvijito pābhataṃ anuppadāsi. Ye ca rañño janapade ussahiṃsu rājaporise, tesaṃ rājā mahāvijito bhattavetanaṃ pakappesi. Te ca manussā sakammapasutā rañño janapadaṃ na viheṭhiṃsu, mahā ca rañño rāsiko ahosi. Khemaṭṭhitā janapadā akaṇṭakā anuppīḷā manussā mudā modamānā ure putte naccentā apārutagharā maññe vihariṃsu. Atha kho, brāhmaṇa, rājā mahāvijito purohitaṃ brāhmaṇaṃ āmantetvā etadavoca – ‘samūhato kho me bhoto dassukhīlo, bhoto saṃvidhānaṃ āgamma mahā ca me rāsiko. Khemaṭṭhitā janapadā akaṇṭakā anuppīḷā manussā mudā modamānā ure putte naccentā apārutagharā maññe viharanti. Icchāmahaṃ brāhmaṇa mahāyaññaṃ yajituṃ. Anusāsatu maṃ bhavaṃ yaṃ mama assa dīgharattaṃ hitāya sukhāyā’ti.
жад̇убаригкаарам̣
Catuparikkhāraṃ
339. ‘‘д̇зна хи бхавам̣ рааж̇аа яз бход̇о ран̃н̃о ж̇анабад̣̇з кад̇д̇ияаа аануяанд̇аа нзг̇амаа жзва ж̇аанабад̣̇аа жа д̇з бхавам̣ рааж̇аа ааманд̇аяад̇ам̣ – ‘ижчаамахам̣, бхо, махааяан̃н̃ам̣ яаж̇ид̇ум̣, ануж̇аананд̇у мз бхаванд̇о яам̣ мама асса д̣̇ийгхарад̇д̇ам̣ хид̇ааяа сукааяаа’д̇и. яз бход̇о ран̃н̃о ж̇анабад̣̇з амажжаа баарисаж̇ж̇аа нзг̇амаа жзва ж̇аанабад̣̇аа жа…бз… б̣раахман̣амахаасаалаа нзг̇амаа жзва ж̇аанабад̣̇аа жа…бз… г̇ахабад̇инзжаяигаа нзг̇амаа жзва ж̇аанабад̣̇аа жа, д̇з бхавам̣ рааж̇аа ааманд̇аяад̇ам̣ – ‘ижчаамахам̣, бхо, махааяан̃н̃ам̣ яаж̇ид̇ум̣, ануж̇аананд̇у мз бхаванд̇о яам̣ мама асса д̣̇ийгхарад̇д̇ам̣ хид̇ааяа сукааяаа’д̇и. ‘звам̣, бхо’д̇и ко, б̣раахман̣а, рааж̇аа махаавиж̇ид̇о бурохид̇асса б̣раахман̣асса бадиссуд̇ваа яз ран̃н̃о ж̇анабад̣̇з кад̇д̇ияаа аануяанд̇аа нзг̇амаа жзва ж̇аанабад̣̇аа жа, д̇з рааж̇аа махаавиж̇ид̇о ааманд̇зси – ‘ижчаамахам̣, бхо, махааяан̃н̃ам̣ яаж̇ид̇ум̣, ануж̇аананд̇у мз бхаванд̇о яам̣ мама асса д̣̇ийгхарад̇д̇ам̣ хид̇ааяа сукааяаа’’д̇и. ‘яаж̇ад̇ам̣ бхавам̣ рааж̇аа яан̃н̃ам̣, яан̃н̃агаало махаарааж̇аа’д̇и. яз ран̃н̃о ж̇анабад̣̇з амажжаа баарисаж̇ж̇аа нзг̇амаа жзва ж̇аанабад̣̇аа жа…бз… б̣раахман̣амахаасаалаа нзг̇амаа жзва ж̇аанабад̣̇аа жа…бз… г̇ахабад̇инзжаяигаа нзг̇амаа жзва ж̇аанабад̣̇аа жа, д̇з рааж̇аа махаавиж̇ид̇о ааманд̇зси – ‘ижчаамахам̣, бхо , махааяан̃н̃ам̣ яаж̇ид̇ум̣. ануж̇аананд̇у мз бхаванд̇о яам̣ мама асса д̣̇ийгхарад̇д̇ам̣ хид̇ааяа сукааяаа’д̇и. ‘яаж̇ад̇ам̣ бхавам̣ рааж̇аа яан̃н̃ам̣, яан̃н̃агаало махаарааж̇аа’д̇и. ид̇имз жад̇д̇ааро анумад̇ибагкаа д̇ассзва яан̃н̃асса баригкаараа бхаванд̇и.
339. ‘‘Tena hi bhavaṃ rājā ye bhoto rañño janapade khattiyā ānuyantā negamā ceva jānapadā ca te bhavaṃ rājā āmantayataṃ – ‘icchāmahaṃ, bho, mahāyaññaṃ yajituṃ, anujānantu me bhavanto yaṃ mama assa dīgharattaṃ hitāya sukhāyā’ti. Ye bhoto rañño janapade amaccā pārisajjā negamā ceva jānapadā ca…pe… brāhmaṇamahāsālā negamā ceva jānapadā ca…pe… gahapatinecayikā negamā ceva jānapadā ca, te bhavaṃ rājā āmantayataṃ – ‘icchāmahaṃ, bho, mahāyaññaṃ yajituṃ, anujānantu me bhavanto yaṃ mama assa dīgharattaṃ hitāya sukhāyā’ti. ‘Evaṃ, bho’ti kho, brāhmaṇa, rājā mahāvijito purohitassa brāhmaṇassa paṭissutvā ye rañño janapade khattiyā ānuyantā negamā ceva jānapadā ca, te rājā mahāvijito āmantesi – ‘icchāmahaṃ, bho, mahāyaññaṃ yajituṃ, anujānantu me bhavanto yaṃ mama assa dīgharattaṃ hitāya sukhāyā’’ti. ‘Yajataṃ bhavaṃ rājā yaññaṃ, yaññakālo mahārājā’ti. Ye rañño janapade amaccā pārisajjā negamā ceva jānapadā ca…pe… brāhmaṇamahāsālā negamā ceva jānapadā ca…pe… gahapatinecayikā negamā ceva jānapadā ca, te rājā mahāvijito āmantesi – ‘icchāmahaṃ, bho , mahāyaññaṃ yajituṃ. Anujānantu me bhavanto yaṃ mama assa dīgharattaṃ hitāya sukhāyā’ti. ‘Yajataṃ bhavaṃ rājā yaññaṃ, yaññakālo mahārājā’ti. Itime cattāro anumatipakkhā tasseva yaññassa parikkhārā bhavanti.
адта баригкаараа
Aṭṭha parikkhārā
340. ‘‘рааж̇аа махаавиж̇ид̇о адтахан̇г̇зхи саманнааг̇ад̇о, убхад̇о суж̇аад̇о маад̇ид̇о жа бид̇ид̇о жа сам̣суд̣̇д̇хаг̇ахан̣иго яаава сад̇д̇амаа бид̇аамахаяуг̇аа агкид̇д̇о анубаггудто ж̇аад̇иваад̣̇зна абхируубо д̣̇ассанийяо баасаад̣̇иго барамааяа ван̣н̣абогкарад̇ааяа саманнааг̇ад̇о б̣рахмаван̣н̣ий б̣рахмаважчасий акуд̣̇д̣̇аавагаасо д̣̇ассанааяа; ад̣дхо махад̣̇д̇хано махаабхог̇о бахууд̇аж̇аад̇аруубараж̇ад̇о бахууд̇авид̇д̇уубагаран̣о бахууд̇ад̇ханад̇хан̃н̃о барибун̣н̣агосагодтааг̇ааро; б̣алаваа жад̇уран̇г̇инияаа сзнааяа саманнааг̇ад̇о ассавааяа оваад̣̇абадигарааяа сахад̇и 1 ман̃н̃з бажжад̇т̇игз яасасаа; сад̣̇д̇хо д̣̇ааяаго д̣̇аанабад̇и анаавадад̣̇вааро саман̣аб̣раахман̣агабан̣ад̣̇д̇хигаван̣иб̣б̣агаяаажагаанам̣ обаанабхууд̇о бун̃н̃аани гарод̇и; б̣ахуссуд̇о д̇асса д̇асса суд̇аж̇аад̇асса, д̇асса д̇ассзва ко бана бхаасид̇асса ад̇т̇ам̣ ж̇аанаад̇и ‘аяам̣ имасса бхаасид̇асса ад̇т̇о аяам̣ имасса бхаасид̇асса ад̇т̇о’д̇и; бан̣д̣ид̇о, вияад̇д̇о, мзд̇хаавий, бадиб̣ало, ад̇ийд̇аанааг̇ад̇абажжуббаннз ад̇т̇з жинд̇зд̇ум̣. рааж̇аа махаавиж̇ид̇о имзхи адтахан̇г̇зхи саманнааг̇ад̇о. ид̇и имааниби адтан̇г̇аани д̇ассзва яан̃н̃асса баригкаараа бхаванд̇и.
340. ‘‘Rājā mahāvijito aṭṭhahaṅgehi samannāgato, ubhato sujāto mātito ca pitito ca saṃsuddhagahaṇiko yāva sattamā pitāmahayugā akkhitto anupakkuṭṭho jātivādena abhirūpo dassanīyo pāsādiko paramāya vaṇṇapokkharatāya samannāgato brahmavaṇṇī brahmavacchasī akhuddāvakāso dassanāya; aḍḍho mahaddhano mahābhogo pahūtajātarūparajato pahūtavittūpakaraṇo pahūtadhanadhañño paripuṇṇakosakoṭṭhāgāro; balavā caturaṅginiyā senāya samannāgato assavāya ovādapaṭikarāya sahati 2 maññe paccatthike yasasā; saddho dāyako dānapati anāvaṭadvāro samaṇabrāhmaṇakapaṇaddhikavaṇibbakayācakānaṃ opānabhūto puññāni karoti; bahussuto tassa tassa sutajātassa, tassa tasseva kho pana bhāsitassa atthaṃ jānāti ‘ayaṃ imassa bhāsitassa attho ayaṃ imassa bhāsitassa attho’ti; paṇḍito, viyatto, medhāvī, paṭibalo, atītānāgatapaccuppanne atthe cintetuṃ. Rājā mahāvijito imehi aṭṭhahaṅgehi samannāgato. Iti imānipi aṭṭhaṅgāni tasseva yaññassa parikkhārā bhavanti.
жад̇убаригкаарам̣
Catuparikkhāraṃ
341. ‘‘бурохид̇о 3 б̣раахман̣о жад̇ухан̇г̇зхи саманнааг̇ад̇о. убхад̇о суж̇аад̇о маад̇ид̇о жа бид̇ид̇о жа сам̣суд̣̇д̇хаг̇ахан̣иго яаава сад̇д̇амаа бид̇аамахаяуг̇аа агкид̇д̇о анубаггудто ж̇аад̇иваад̣̇зна; аж̇жхааяаго манд̇ад̇харо д̇ин̣н̣ам̣ взд̣̇аанам̣ баараг̇уу санигхан̣д̣угздубхаанам̣ саагкараббабхзд̣̇аанам̣ ид̇ихаасабан̃жамаанам̣ бад̣̇аго взяяаагаран̣о логааяад̇амахаабурисалагкан̣зсу анаваяо; сийлаваа вуд̣̇д̇хасийлий вуд̣̇д̇хасийлзна саманнааг̇ад̇о; бан̣д̣ид̇о вияад̇д̇о мзд̇хаавий батамо ваа д̣̇уд̇ияо ваа суж̇ам̣ баг̇г̇ан̣ханд̇аанам̣. бурохид̇о б̣раахман̣о имзхи жад̇уухан̇г̇зхи саманнааг̇ад̇о. ид̇и имаани жад̇д̇аари ан̇г̇аани д̇ассзва яан̃н̃асса баригкаараа бхаванд̇и.
341. ‘‘Purohito 4 brāhmaṇo catuhaṅgehi samannāgato. Ubhato sujāto mātito ca pitito ca saṃsuddhagahaṇiko yāva sattamā pitāmahayugā akkhitto anupakkuṭṭho jātivādena; ajjhāyako mantadharo tiṇṇaṃ vedānaṃ pāragū sanighaṇḍukeṭubhānaṃ sākkharappabhedānaṃ itihāsapañcamānaṃ padako veyyākaraṇo lokāyatamahāpurisalakkhaṇesu anavayo; sīlavā vuddhasīlī vuddhasīlena samannāgato; paṇḍito viyatto medhāvī paṭhamo vā dutiyo vā sujaṃ paggaṇhantānaṃ. Purohito brāhmaṇo imehi catūhaṅgehi samannāgato. Iti imāni cattāri aṅgāni tasseva yaññassa parikkhārā bhavanti.
д̇иссо вид̇хаа
Tisso vidhā
342. ‘‘ат̇а ко, б̣раахман̣а, бурохид̇о б̣раахман̣о ран̃н̃о махаавиж̇ид̇асса буб̣б̣зва яан̃н̃аа д̇иссо вид̇хаа д̣̇зсзси. сияаа ко бана бход̇о ран̃н̃о махааяан̃н̃ам̣ яидтугаамасса 5 гожид̣̇зва виббадисааро – ‘махаа вад̇а мз бхог̇агканд̇хо виг̇ажчиссад̇ий’д̇и, со бход̇аа ран̃н̃аа виббадисааро на гаран̣ийяо. сияаа ко бана бход̇о ран̃н̃о махааяан̃н̃ам̣ яаж̇амаанасса гожид̣̇зва виббадисааро – ‘махаа вад̇а мз бхог̇агканд̇хо виг̇ажчад̇ий’д̇и, со бход̇аа ран̃н̃аа виббадисааро на гаран̣ийяо. сияаа ко бана бход̇о ран̃н̃о махааяан̃н̃ам̣ яидтасса гожид̣̇зва виббадисааро – ‘махаа вад̇а мз бхог̇агканд̇хо виг̇ад̇о’д̇и, со бход̇аа ран̃н̃аа виббадисааро на гаран̣ийяо’’д̇и. имаа ко, б̣раахман̣а, бурохид̇о б̣раахман̣о ран̃н̃о махаавиж̇ид̇асса буб̣б̣зва яан̃н̃аа д̇иссо вид̇хаа д̣̇зсзси.
342. ‘‘Atha kho, brāhmaṇa, purohito brāhmaṇo rañño mahāvijitassa pubbeva yaññā tisso vidhā desesi. Siyā kho pana bhoto rañño mahāyaññaṃ yiṭṭhukāmassa 6 kocideva vippaṭisāro – ‘mahā vata me bhogakkhandho vigacchissatī’ti, so bhotā raññā vippaṭisāro na karaṇīyo. Siyā kho pana bhoto rañño mahāyaññaṃ yajamānassa kocideva vippaṭisāro – ‘mahā vata me bhogakkhandho vigacchatī’ti, so bhotā raññā vippaṭisāro na karaṇīyo. Siyā kho pana bhoto rañño mahāyaññaṃ yiṭṭhassa kocideva vippaṭisāro – ‘mahā vata me bhogakkhandho vigato’ti, so bhotā raññā vippaṭisāro na karaṇīyo’’ti. Imā kho, brāhmaṇa, purohito brāhmaṇo rañño mahāvijitassa pubbeva yaññā tisso vidhā desesi.
д̣̇аса аагаараа
Dasa ākārā
343. ‘‘ат̇а ко, б̣раахман̣а, бурохид̇о б̣раахман̣о ран̃н̃о махаавиж̇ид̇асса буб̣б̣зва яан̃н̃аа д̣̇асахаагаарзхи бадиг̇г̇аахагзсу виббадисаарам̣ бадивинзси. ‘ааг̇амиссанд̇и ко бход̇о яан̃н̃ам̣ баан̣аад̇ибаад̇иноби баан̣аад̇ибаад̇аа бадивирад̇ааби. яз д̇ад̇т̇а баан̣аад̇ибаад̇ино, д̇зсан̃н̃зва д̇зна. яз д̇ад̇т̇а баан̣аад̇ибаад̇аа бадивирад̇аа, д̇з аараб̣бха яаж̇ад̇ам̣ бхавам̣, саж̇ж̇ад̇ам̣ бхавам̣, мод̣̇ад̇ам̣ бхавам̣, жид̇д̇амзва бхавам̣ анд̇арам̣ басаад̣̇зд̇у. ааг̇амиссанд̇и ко бход̇о яан̃н̃ам̣ ад̣̇иннаад̣̇ааяиноби ад̣̇иннаад̣̇аанаа бадивирад̇ааби…бз… гаамзсу мижчаажаариноби гаамзсумижчаажаараа бадивирад̇ааби… мусааваад̣̇иноби мусааваад̣̇аа бадивирад̇ааби… бисун̣аваажиноби бисун̣ааяа ваажааяа бадивирад̇ааби… парусаваажиноби парусааяа ваажааяа бадивирад̇ааби… сампаббалаабиноби сампаббалаабаа бадивирад̇ааби … абхиж̇жхаалуноби анабхиж̇жхаалуноби… б̣яаабаннажид̇д̇ааби аб̣яаабаннажид̇д̇ааби… мижчаад̣̇идтигааби саммаад̣̇идтигааби…. яз д̇ад̇т̇а мижчаад̣̇идтигаа, д̇зсан̃н̃зва д̇зна. яз д̇ад̇т̇а саммаад̣̇идтигаа, д̇з аараб̣бха яаж̇ад̇ам̣ бхавам̣, саж̇ж̇ад̇ам̣ бхавам̣, мод̣̇ад̇ам̣ бхавам̣, жид̇д̇амзва бхавам̣ анд̇арам̣ басаад̣̇зд̇уу’д̇и. имзхи ко, б̣раахман̣а, бурохид̇о б̣раахман̣о ран̃н̃о махаавиж̇ид̇асса буб̣б̣зва яан̃н̃аа д̣̇асахаагаарзхи бадиг̇г̇аахагзсу виббадисаарам̣ бадивинзси.
343. ‘‘Atha kho, brāhmaṇa, purohito brāhmaṇo rañño mahāvijitassa pubbeva yaññā dasahākārehi paṭiggāhakesu vippaṭisāraṃ paṭivinesi. ‘Āgamissanti kho bhoto yaññaṃ pāṇātipātinopi pāṇātipātā paṭiviratāpi. Ye tattha pāṇātipātino, tesaññeva tena. Ye tattha pāṇātipātā paṭiviratā, te ārabbha yajataṃ bhavaṃ, sajjataṃ bhavaṃ, modataṃ bhavaṃ, cittameva bhavaṃ antaraṃ pasādetu. Āgamissanti kho bhoto yaññaṃ adinnādāyinopi adinnādānā paṭiviratāpi…pe… kāmesu micchācārinopi kāmesumicchācārā paṭiviratāpi… musāvādinopi musāvādā paṭiviratāpi… pisuṇavācinopi pisuṇāya vācāya paṭiviratāpi… pharusavācinopi pharusāya vācāya paṭiviratāpi… samphappalāpinopi samphappalāpā paṭiviratāpi … abhijjhālunopi anabhijjhālunopi… byāpannacittāpi abyāpannacittāpi… micchādiṭṭhikāpi sammādiṭṭhikāpi…. Ye tattha micchādiṭṭhikā, tesaññeva tena. Ye tattha sammādiṭṭhikā, te ārabbha yajataṃ bhavaṃ, sajjataṃ bhavaṃ, modataṃ bhavaṃ, cittameva bhavaṃ antaraṃ pasādetū’ti. Imehi kho, brāhmaṇa, purohito brāhmaṇo rañño mahāvijitassa pubbeva yaññā dasahākārehi paṭiggāhakesu vippaṭisāraṃ paṭivinesi.
сол̣аса аагаараа
Soḷasa ākārā
344. ‘‘ат̇а ко, б̣раахман̣а, бурохид̇о б̣раахман̣о ран̃н̃о махаавиж̇ид̇асса махааяан̃н̃ам̣ яаж̇амаанасса сол̣асахаагаарзхи жид̇д̇ам̣ санд̣̇ассзси самаад̣̇абзси самуд̇д̇зж̇зси самбахам̣сзси сияаа ко бана бход̇о ран̃н̃о махааяан̃н̃ам̣ яаж̇амаанасса гожид̣̇зва вад̇д̇аа – ‘рааж̇аа ко махаавиж̇ид̇о махааяан̃н̃ам̣ яаж̇ад̇и, но жа ко д̇асса ааманд̇ид̇аа кад̇д̇ияаа аануяанд̇аа нзг̇амаа жзва ж̇аанабад̣̇аа жа; ат̇а жа бана бхавам̣ рааж̇аа зваруубам̣ махааяан̃н̃ам̣ яаж̇ад̇ий’д̇и . звамби бход̇о ран̃н̃о вад̇д̇аа д̇хаммад̇о над̇т̇и. бход̇аа ко бана ран̃н̃аа ааманд̇ид̇аа кад̇д̇ияаа аануяанд̇аа нзг̇амаа жзва ж̇аанабад̣̇аа жа . иминаабзд̇ам̣ бхавам̣ рааж̇аа ж̇аанаад̇у, яаж̇ад̇ам̣ бхавам̣, саж̇ж̇ад̇ам̣ бхавам̣, мод̣̇ад̇ам̣ бхавам̣, жид̇д̇амзва бхавам̣ анд̇арам̣ басаад̣̇зд̇у.
344. ‘‘Atha kho, brāhmaṇa, purohito brāhmaṇo rañño mahāvijitassa mahāyaññaṃ yajamānassa soḷasahākārehi cittaṃ sandassesi samādapesi samuttejesi sampahaṃsesi siyā kho pana bhoto rañño mahāyaññaṃ yajamānassa kocideva vattā – ‘rājā kho mahāvijito mahāyaññaṃ yajati, no ca kho tassa āmantitā khattiyā ānuyantā negamā ceva jānapadā ca; atha ca pana bhavaṃ rājā evarūpaṃ mahāyaññaṃ yajatī’ti . Evampi bhoto rañño vattā dhammato natthi. Bhotā kho pana raññā āmantitā khattiyā ānuyantā negamā ceva jānapadā ca . Imināpetaṃ bhavaṃ rājā jānātu, yajataṃ bhavaṃ, sajjataṃ bhavaṃ, modataṃ bhavaṃ, cittameva bhavaṃ antaraṃ pasādetu.
‘‘сияаа ко бана бход̇о ран̃н̃о махааяан̃н̃ам̣ яаж̇амаанасса гожид̣̇зва вад̇д̇аа – ‘рааж̇аа ко махаавиж̇ид̇о махааяан̃н̃ам̣ яаж̇ад̇и, но жа ко д̇асса ааманд̇ид̇аа амажжаа баарисаж̇ж̇аа нзг̇амаа жзва ж̇аанабад̣̇аа жа…бз… б̣раахман̣амахаасаалаа нзг̇амаа жзва ж̇аанабад̣̇аа жа…бз… г̇ахабад̇инзжаяигаа нзг̇амаа жзва ж̇аанабад̣̇аа жа, ат̇а жа бана бхавам̣ рааж̇аа зваруубам̣ махааяан̃н̃ам̣ яаж̇ад̇ий’д̇и. звамби бход̇о ран̃н̃о вад̇д̇аа д̇хаммад̇о над̇т̇и. бход̇аа ко бана ран̃н̃аа ааманд̇ид̇аа г̇ахабад̇инзжаяигаа нзг̇амаа жзва ж̇аанабад̣̇аа жа. иминаабзд̇ам̣ бхавам̣ рааж̇аа ж̇аанаад̇у, яаж̇ад̇ам̣ бхавам̣, саж̇ж̇ад̇ам̣ бхавам̣, мод̣̇ад̇ам̣ бхавам̣, жид̇д̇амзва бхавам̣ анд̇арам̣ басаад̣̇зд̇у.
‘‘Siyā kho pana bhoto rañño mahāyaññaṃ yajamānassa kocideva vattā – ‘rājā kho mahāvijito mahāyaññaṃ yajati, no ca kho tassa āmantitā amaccā pārisajjā negamā ceva jānapadā ca…pe… brāhmaṇamahāsālā negamā ceva jānapadā ca…pe… gahapatinecayikā negamā ceva jānapadā ca, atha ca pana bhavaṃ rājā evarūpaṃ mahāyaññaṃ yajatī’ti. Evampi bhoto rañño vattā dhammato natthi. Bhotā kho pana raññā āmantitā gahapatinecayikā negamā ceva jānapadā ca. Imināpetaṃ bhavaṃ rājā jānātu, yajataṃ bhavaṃ, sajjataṃ bhavaṃ, modataṃ bhavaṃ, cittameva bhavaṃ antaraṃ pasādetu.
‘‘сияаа ко бана бход̇о ран̃н̃о махааяан̃н̃ам̣ яаж̇амаанасса гожид̣̇зва вад̇д̇аа – ‘рааж̇аа ко махаавиж̇ид̇о махааяан̃н̃ам̣ яаж̇ад̇и, но жа ко убхад̇о суж̇аад̇о маад̇ид̇о жа бид̇ид̇о жа сам̣суд̣̇д̇хаг̇ахан̣иго яаава сад̇д̇амаа бид̇аамахаяуг̇аа агкид̇д̇о анубаггудто ж̇аад̇иваад̣̇зна, ат̇а жа бана бхавам̣ рааж̇аа зваруубам̣ махааяан̃н̃ам̣ яаж̇ад̇ий’д̇и. звамби бход̇о ран̃н̃о вад̇д̇аа д̇хаммад̇о над̇т̇и. бхавам̣ ко бана рааж̇аа убхад̇о суж̇аад̇о маад̇ид̇о жа бид̇ид̇о жа сам̣суд̣̇д̇хаг̇ахан̣иго яаава сад̇д̇амаа бид̇аамахаяуг̇аа агкид̇д̇о анубаггудто ж̇аад̇иваад̣̇зна. иминаабзд̇ам̣ бхавам̣ рааж̇аа ж̇аанаад̇у, яаж̇ад̇ам̣ бхавам̣, саж̇ж̇ад̇ам̣ бхавам̣, мод̣̇ад̇ам̣ бхавам̣, жид̇д̇амзва бхавам̣ анд̇арам̣ басаад̣̇зд̇у.
‘‘Siyā kho pana bhoto rañño mahāyaññaṃ yajamānassa kocideva vattā – ‘rājā kho mahāvijito mahāyaññaṃ yajati, no ca kho ubhato sujāto mātito ca pitito ca saṃsuddhagahaṇiko yāva sattamā pitāmahayugā akkhitto anupakkuṭṭho jātivādena, atha ca pana bhavaṃ rājā evarūpaṃ mahāyaññaṃ yajatī’ti. Evampi bhoto rañño vattā dhammato natthi. Bhavaṃ kho pana rājā ubhato sujāto mātito ca pitito ca saṃsuddhagahaṇiko yāva sattamā pitāmahayugā akkhitto anupakkuṭṭho jātivādena. Imināpetaṃ bhavaṃ rājā jānātu, yajataṃ bhavaṃ, sajjataṃ bhavaṃ, modataṃ bhavaṃ, cittameva bhavaṃ antaraṃ pasādetu.
‘‘сияаа ко бана бход̇о ран̃н̃о махааяан̃н̃ам̣ яаж̇амаанасса гожид̣̇зва вад̇д̇аа – ‘рааж̇аа ко махаавиж̇ид̇о махааяан̃н̃ам̣ яаж̇ад̇и но жа ко абхируубо д̣̇ассанийяо баасаад̣̇иго барамааяа ван̣н̣абогкарад̇ааяа саманнааг̇ад̇о б̣рахмаван̣н̣ий б̣рахмаважчасий акуд̣̇д̣̇аавагаасо д̣̇ассанааяа…бз… но жа ко ад̣дхо махад̣̇д̇хано махаабхог̇о бахууд̇аж̇аад̇аруубараж̇ад̇о бахууд̇авид̇д̇уубагаран̣о бахууд̇ад̇ханад̇хан̃н̃о барибун̣н̣агосагодтааг̇ааро…бз… но жа ко б̣алаваа жад̇уран̇г̇инияаа сзнааяа саманнааг̇ад̇о ассавааяа оваад̣̇абадигарааяа сахад̇и ман̃н̃з бажжад̇т̇игз яасасаа…бз… но жа ко сад̣̇д̇хо д̣̇ааяаго д̣̇аанабад̇и анаавадад̣̇вааро саман̣аб̣раахман̣агабан̣ад̣̇д̇хигаван̣иб̣б̣агаяаажагаанам̣ обаанабхууд̇о бун̃н̃аани гарод̇и…бз… но жа ко б̣ахуссуд̇о д̇асса д̇асса суд̇аж̇аад̇асса…бз… но жа ко д̇асса д̇ассзва ко бана бхаасид̇асса ад̇т̇ам̣ ж̇аанаад̇и ‘‘аяам̣ имасса бхаасид̇асса ад̇т̇о, аяам̣ имасса бхаасид̇асса ад̇т̇о’’д̇и…бз… но жа ко бан̣д̣ид̇о вияад̇д̇о мзд̇хаавий бадиб̣ало ад̇ийд̇аанааг̇ад̇абажжуббаннз ад̇т̇з жинд̇зд̇ум̣, ат̇а жа бана бхавам̣ рааж̇аа зваруубам̣ махааяан̃н̃ам̣ яаж̇ад̇ий’д̇и . звамби бход̇о ран̃н̃о вад̇д̇аа д̇хаммад̇о над̇т̇и. бхавам̣ ко бана рааж̇аа бан̣д̣ид̇о вияад̇д̇о мзд̇хаавий бадиб̣ало ад̇ийд̇аанааг̇ад̇абажжуббаннз ад̇т̇з жинд̇зд̇ум̣. иминаабзд̇ам̣ бхавам̣ рааж̇аа ж̇аанаад̇у , яаж̇ад̇ам̣ бхавам̣, саж̇ж̇ад̇ам̣ бхавам̣, мод̣̇ад̇ам̣ бхавам̣, жид̇д̇амзва бхавам̣ анд̇арам̣ басаад̣̇зд̇у.
‘‘Siyā kho pana bhoto rañño mahāyaññaṃ yajamānassa kocideva vattā – ‘rājā kho mahāvijito mahāyaññaṃ yajati no ca kho abhirūpo dassanīyo pāsādiko paramāya vaṇṇapokkharatāya samannāgato brahmavaṇṇī brahmavacchasī akhuddāvakāso dassanāya…pe… no ca kho aḍḍho mahaddhano mahābhogo pahūtajātarūparajato pahūtavittūpakaraṇo pahūtadhanadhañño paripuṇṇakosakoṭṭhāgāro…pe… no ca kho balavā caturaṅginiyā senāya samannāgato assavāya ovādapaṭikarāya sahati maññe paccatthike yasasā…pe… no ca kho saddho dāyako dānapati anāvaṭadvāro samaṇabrāhmaṇakapaṇaddhikavaṇibbakayācakānaṃ opānabhūto puññāni karoti…pe… no ca kho bahussuto tassa tassa sutajātassa…pe… no ca kho tassa tasseva kho pana bhāsitassa atthaṃ jānāti ‘‘ayaṃ imassa bhāsitassa attho, ayaṃ imassa bhāsitassa attho’’ti…pe… no ca kho paṇḍito viyatto medhāvī paṭibalo atītānāgatapaccuppanne atthe cintetuṃ, atha ca pana bhavaṃ rājā evarūpaṃ mahāyaññaṃ yajatī’ti . Evampi bhoto rañño vattā dhammato natthi. Bhavaṃ kho pana rājā paṇḍito viyatto medhāvī paṭibalo atītānāgatapaccuppanne atthe cintetuṃ. Imināpetaṃ bhavaṃ rājā jānātu , yajataṃ bhavaṃ, sajjataṃ bhavaṃ, modataṃ bhavaṃ, cittameva bhavaṃ antaraṃ pasādetu.
‘‘сияаа ко бана бход̇о ран̃н̃о махааяан̃н̃ам̣ яаж̇амаанасса гожид̣̇зва вад̇д̇аа – ‘рааж̇аа ко махаавиж̇ид̇о махааяан̃н̃ам̣ яаж̇ад̇и. но жа квасса бурохид̇о б̣раахман̣о убхад̇о суж̇аад̇о маад̇ид̇о жа бид̇ид̇о жа сам̣суд̣̇д̇хаг̇ахан̣иго яаава сад̇д̇амаа бид̇аамахаяуг̇аа агкид̇д̇о анубаггудто ж̇аад̇иваад̣̇зна; ат̇а жа бана бхавам̣ рааж̇аа зваруубам̣ махааяан̃н̃ам̣ яаж̇ад̇ий’д̇и. звамби бход̇о ран̃н̃о вад̇д̇аа д̇хаммад̇о над̇т̇и. бход̇о ко бана ран̃н̃о бурохид̇о б̣раахман̣о убхад̇о суж̇аад̇о маад̇ид̇о жа бид̇ид̇о жа сам̣суд̣̇д̇хаг̇ахан̣иго яаава сад̇д̇амаа бид̇аамахаяуг̇аа агкид̇д̇о анубаггудто ж̇аад̇иваад̣̇зна. иминаабзд̇ам̣ бхавам̣ рааж̇аа ж̇аанаад̇у, яаж̇ад̇ам̣ бхавам̣, саж̇ж̇ад̇ам̣ бхавам̣, мод̣̇ад̇ам̣ бхавам̣, жид̇д̇амзва бхавам̣ анд̇арам̣ басаад̣̇зд̇у.
‘‘Siyā kho pana bhoto rañño mahāyaññaṃ yajamānassa kocideva vattā – ‘rājā kho mahāvijito mahāyaññaṃ yajati. No ca khvassa purohito brāhmaṇo ubhato sujāto mātito ca pitito ca saṃsuddhagahaṇiko yāva sattamā pitāmahayugā akkhitto anupakkuṭṭho jātivādena; atha ca pana bhavaṃ rājā evarūpaṃ mahāyaññaṃ yajatī’ti. Evampi bhoto rañño vattā dhammato natthi. Bhoto kho pana rañño purohito brāhmaṇo ubhato sujāto mātito ca pitito ca saṃsuddhagahaṇiko yāva sattamā pitāmahayugā akkhitto anupakkuṭṭho jātivādena. Imināpetaṃ bhavaṃ rājā jānātu, yajataṃ bhavaṃ, sajjataṃ bhavaṃ, modataṃ bhavaṃ, cittameva bhavaṃ antaraṃ pasādetu.
‘‘сияаа ко бана бход̇о ран̃н̃о махааяан̃н̃ам̣ яаж̇амаанасса гожид̣̇зва вад̇д̇аа – ‘рааж̇аа ко махаавиж̇ид̇о махааяан̃н̃ам̣ яаж̇ад̇и. но жа квасса бурохид̇о б̣раахман̣о аж̇жхааяаго манд̇ад̇харо д̇ин̣н̣ам̣ взд̣̇аанам̣ баараг̇уу санигхан̣д̣угздубхаанам̣ саагкараббабхзд̣̇аанам̣ ид̇ихаасабан̃жамаанам̣ бад̣̇аго взяяаагаран̣о логааяад̇амахаабурисалагкан̣зсу анаваяо…бз… но жа квасса бурохид̇о б̣раахман̣о сийлаваа вуд̣̇д̇хасийлий вуд̣̇д̇хасийлзна саманнааг̇ад̇о…бз… но жа квасса бурохид̇о б̣раахман̣о бан̣д̣ид̇о вияад̇д̇о мзд̇хаавий батамо ваа д̣̇уд̇ияо ваа суж̇ам̣ баг̇г̇ан̣ханд̇аанам̣, ат̇а жа бана бхавам̣ рааж̇аа зваруубам̣ махааяан̃н̃ам̣ яаж̇ад̇ий’д̇и. звамби бход̇о ран̃н̃о вад̇д̇аа д̇хаммад̇о над̇т̇и. бход̇о ко бана ран̃н̃о бурохид̇о б̣раахман̣о бан̣д̣ид̇о вияад̇д̇о мзд̇хаавий батамо ваа д̣̇уд̇ияо ваа суж̇ам̣ баг̇г̇ан̣ханд̇аанам̣. иминаабзд̇ам̣ бхавам̣ рааж̇аа ж̇аанаад̇у, яаж̇ад̇ам̣ бхавам̣, саж̇ж̇ад̇ам̣ бхавам̣, мод̣̇ад̇ам̣ бхавам̣, жид̇д̇амзва бхавам̣ анд̇арам̣ басаад̣̇зд̇ууд̇и. имзхи ко, б̣раахман̣а, бурохид̇о б̣раахман̣о ран̃н̃о махаавиж̇ид̇асса махааяан̃н̃ам̣ яаж̇амаанасса сол̣асахи аагаарзхи жид̇д̇ам̣ санд̣̇ассзси самаад̣̇абзси самуд̇д̇зж̇зси самбахам̣сзси.
‘‘Siyā kho pana bhoto rañño mahāyaññaṃ yajamānassa kocideva vattā – ‘rājā kho mahāvijito mahāyaññaṃ yajati. No ca khvassa purohito brāhmaṇo ajjhāyako mantadharo tiṇṇaṃ vedānaṃ pāragū sanighaṇḍukeṭubhānaṃ sākkharappabhedānaṃ itihāsapañcamānaṃ padako veyyākaraṇo lokāyatamahāpurisalakkhaṇesu anavayo…pe… no ca khvassa purohito brāhmaṇo sīlavā vuddhasīlī vuddhasīlena samannāgato…pe… no ca khvassa purohito brāhmaṇo paṇḍito viyatto medhāvī paṭhamo vā dutiyo vā sujaṃ paggaṇhantānaṃ, atha ca pana bhavaṃ rājā evarūpaṃ mahāyaññaṃ yajatī’ti. Evampi bhoto rañño vattā dhammato natthi. Bhoto kho pana rañño purohito brāhmaṇo paṇḍito viyatto medhāvī paṭhamo vā dutiyo vā sujaṃ paggaṇhantānaṃ. Imināpetaṃ bhavaṃ rājā jānātu, yajataṃ bhavaṃ, sajjataṃ bhavaṃ, modataṃ bhavaṃ, cittameva bhavaṃ antaraṃ pasādetūti. Imehi kho, brāhmaṇa, purohito brāhmaṇo rañño mahāvijitassa mahāyaññaṃ yajamānassa soḷasahi ākārehi cittaṃ sandassesi samādapesi samuttejesi sampahaṃsesi.
345. ‘‘д̇асмим̣ ко, б̣раахман̣а, яан̃н̃з нзва г̇ааво хан̃н̃им̣су, на аж̇зл̣агаа хан̃н̃им̣су, на гуггудасуугараа хан̃н̃им̣су, на вивид̇хаа баан̣аа сам̣гхаад̇ам̣ аабаж̇ж̇им̣су, на ругкаа чиж̇ж̇им̣су яуубад̇т̇ааяа, на д̣̇аб̣бхаа лууяим̣су б̣арихисад̇т̇ааяа 7. язбисса ахзсум̣ д̣̇аасаад̇и ваа бзссаад̇и ваа гаммагараад̇и ваа, д̇зби на д̣̇ан̣д̣ад̇аж̇ж̇ид̇аа на бхаяад̇аж̇ж̇ид̇аа на ассумукаа руд̣̇амаанаа баригаммаани агам̣су. ат̇а ко яз ижчим̣су, д̇з агам̣су, яз на ижчим̣су, на д̇з агам̣су; яам̣ ижчим̣су, д̇ам̣ агам̣су, яам̣ на ижчим̣су, на д̇ам̣ агам̣су. саббид̇зланаванийд̇ад̣̇ад̇химад̇хупаан̣ид̇зна жзва со яан̃н̃о нидтаанамаг̇амааси.
345. ‘‘Tasmiṃ kho, brāhmaṇa, yaññe neva gāvo haññiṃsu, na ajeḷakā haññiṃsu, na kukkuṭasūkarā haññiṃsu, na vividhā pāṇā saṃghātaṃ āpajjiṃsu, na rukkhā chijjiṃsu yūpatthāya, na dabbhā lūyiṃsu barihisatthāya 8. Yepissa ahesuṃ dāsāti vā pessāti vā kammakarāti vā, tepi na daṇḍatajjitā na bhayatajjitā na assumukhā rudamānā parikammāni akaṃsu. Atha kho ye icchiṃsu, te akaṃsu, ye na icchiṃsu, na te akaṃsu; yaṃ icchiṃsu, taṃ akaṃsu, yaṃ na icchiṃsu, na taṃ akaṃsu. Sappitelanavanītadadhimadhuphāṇitena ceva so yañño niṭṭhānamagamāsi.
346. ‘‘ат̇а ко, б̣раахман̣а, кад̇д̇ияаа аануяанд̇аа нзг̇амаа жзва ж̇аанабад̣̇аа жа, амажжаа баарисаж̇ж̇аа нзг̇амаа жзва ж̇аанабад̣̇аа жа, б̣раахман̣амахаасаалаа нзг̇амаа жзва ж̇аанабад̣̇аа жа, г̇ахабад̇инзжаяигаа нзг̇амаа жзва ж̇аанабад̣̇аа жа бахууд̇ам̣ саабад̇зяяам̣ аад̣̇ааяа рааж̇аанам̣ махаавиж̇ид̇ам̣ убасан̇гамид̇ваа звамаахам̣су – ‘ид̣̇ам̣, д̣̇зва, бахууд̇ам̣ саабад̇зяяам̣ д̣̇зван̃н̃зва уд̣̇д̣̇иссаабхад̇ам̣, д̇ам̣ д̣̇зво бадиг̇г̇ан̣хаад̇уу’д̇и. ‘алам̣, бхо, мамаабид̣̇ам̣ бахууд̇ам̣ саабад̇зяяам̣ д̇хаммигзна б̣алинаа абхисан̇кад̇ам̣; д̇ан̃жа во ход̇у, ид̇о жа бхияяо харат̇аа’д̇и. д̇з ран̃н̃аа бадигкид̇д̇аа згаманд̇ам̣ абаггамма звам̣ самажинд̇зсум̣ – ‘на ко зд̇ам̣ амхаагам̣ бад̇ируубам̣, яам̣ маяам̣ имаани саабад̇зяяаани бунад̣̇зва сагаани гхараани бадихарзяяаама. рааж̇аа ко махаавиж̇ид̇о махааяан̃н̃ам̣ яаж̇ад̇и, ханд̣̇асса маяам̣ ануяааг̇ино хомаа’д̇и.
346. ‘‘Atha kho, brāhmaṇa, khattiyā ānuyantā negamā ceva jānapadā ca, amaccā pārisajjā negamā ceva jānapadā ca, brāhmaṇamahāsālā negamā ceva jānapadā ca, gahapatinecayikā negamā ceva jānapadā ca pahūtaṃ sāpateyyaṃ ādāya rājānaṃ mahāvijitaṃ upasaṅkamitvā evamāhaṃsu – ‘idaṃ, deva, pahūtaṃ sāpateyyaṃ devaññeva uddissābhataṃ, taṃ devo paṭiggaṇhātū’ti. ‘Alaṃ, bho, mamāpidaṃ pahūtaṃ sāpateyyaṃ dhammikena balinā abhisaṅkhataṃ; tañca vo hotu, ito ca bhiyyo harathā’ti. Te raññā paṭikkhittā ekamantaṃ apakkamma evaṃ samacintesuṃ – ‘na kho etaṃ amhākaṃ patirūpaṃ, yaṃ mayaṃ imāni sāpateyyāni punadeva sakāni gharāni paṭihareyyāma. Rājā kho mahāvijito mahāyaññaṃ yajati, handassa mayaṃ anuyāgino homā’ti.
347. ‘‘ат̇а ко, б̣раахман̣а, бурад̇т̇имзна яан̃н̃аваадасса 9 кад̇д̇ияаа аануяанд̇аа нзг̇амаа жзва ж̇аанабад̣̇аа жа д̣̇аанаани бадтабзсум̣. д̣̇агкин̣зна яан̃н̃аваадасса амажжаа баарисаж̇ж̇аа нзг̇амаа жзва ж̇аанабад̣̇аа жа д̣̇аанаани бадтабзсум̣. бажчимзна яан̃н̃аваадасса б̣раахман̣амахаасаалаа нзг̇амаа жзва ж̇аанабад̣̇аа жа д̣̇аанаани бадтабзсум̣. уд̇д̇арзна яан̃н̃аваадасса г̇ахабад̇инзжаяигаа нзг̇амаа жзва ж̇аанабад̣̇аа жа д̣̇аанаани бадтабзсум̣.
347. ‘‘Atha kho, brāhmaṇa, puratthimena yaññavāṭassa 10 khattiyā ānuyantā negamā ceva jānapadā ca dānāni paṭṭhapesuṃ. Dakkhiṇena yaññavāṭassa amaccā pārisajjā negamā ceva jānapadā ca dānāni paṭṭhapesuṃ. Pacchimena yaññavāṭassa brāhmaṇamahāsālā negamā ceva jānapadā ca dānāni paṭṭhapesuṃ. Uttarena yaññavāṭassa gahapatinecayikā negamā ceva jānapadā ca dānāni paṭṭhapesuṃ.
‘‘д̇зсуби ко, б̣раахман̣а, яан̃н̃зсу нзва г̇ааво хан̃н̃им̣су, на аж̇зл̣агаа хан̃н̃им̣су, на гуггудасуугараа хан̃н̃им̣су, на вивид̇хаа баан̣аа сам̣гхаад̇ам̣ аабаж̇ж̇им̣су, на ругкаа чиж̇ж̇им̣су яуубад̇т̇ааяа, на д̣̇аб̣бхаа лууяим̣су б̣арихисад̇т̇ааяа. язби нзсам̣ ахзсум̣ д̣̇аасаад̇и ваа бзссаад̇и ваа гаммагараад̇и ваа, д̇зби на д̣̇ан̣д̣ад̇аж̇ж̇ид̇аа на бхаяад̇аж̇ж̇ид̇аа на ассумукаа руд̣̇амаанаа баригаммаани агам̣су. ат̇а ко яз ижчим̣су, д̇з агам̣су, яз на ижчим̣су, на д̇з агам̣су; яам̣ ижчим̣су, д̇ам̣ агам̣су, яам̣ на ижчим̣су на д̇ам̣ агам̣су. саббид̇зланаванийд̇ад̣̇ад̇химад̇хупаан̣ид̇зна жзва д̇з яан̃н̃аа нидтаанамаг̇амам̣су.
‘‘Tesupi kho, brāhmaṇa, yaññesu neva gāvo haññiṃsu, na ajeḷakā haññiṃsu, na kukkuṭasūkarā haññiṃsu, na vividhā pāṇā saṃghātaṃ āpajjiṃsu, na rukkhā chijjiṃsu yūpatthāya, na dabbhā lūyiṃsu barihisatthāya. Yepi nesaṃ ahesuṃ dāsāti vā pessāti vā kammakarāti vā, tepi na daṇḍatajjitā na bhayatajjitā na assumukhā rudamānā parikammāni akaṃsu. Atha kho ye icchiṃsu, te akaṃsu, ye na icchiṃsu, na te akaṃsu; yaṃ icchiṃsu, taṃ akaṃsu, yaṃ na icchiṃsu na taṃ akaṃsu. Sappitelanavanītadadhimadhuphāṇitena ceva te yaññā niṭṭhānamagamaṃsu.
‘‘ид̇и жад̇д̇ааро жа анумад̇ибагкаа, рааж̇аа махаавиж̇ид̇о адтахан̇г̇зхи саманнааг̇ад̇о, бурохид̇о б̣раахман̣о жад̇уухан̇г̇зхи саманнааг̇ад̇о; д̇иссо жа вид̇хаа аяам̣ вужжад̇и б̣раахман̣а д̇ивид̇хаа яан̃н̃асамбад̣̇аа сол̣асабаригкаараа’’д̇и.
‘‘Iti cattāro ca anumatipakkhā, rājā mahāvijito aṭṭhahaṅgehi samannāgato, purohito brāhmaṇo catūhaṅgehi samannāgato; tisso ca vidhā ayaṃ vuccati brāhmaṇa tividhā yaññasampadā soḷasaparikkhārā’’ti.
348. звам̣ вуд̇д̇з, д̇з б̣раахман̣аа уннаад̣̇ино ужжаасад̣̇д̣̇амахаасад̣̇д̣̇аа ахзсум̣ – ‘‘ахо яан̃н̃о, ахо яан̃н̃асамбад̣̇аа’’д̇и! гуудад̣̇анд̇о бана б̣раахман̣о д̇уун̣хийбхууд̇ова нисинно ход̇и. ат̇а ко д̇з б̣раахман̣аа гуудад̣̇анд̇ам̣ б̣раахман̣ам̣ зд̇ад̣̇авожум̣ – ‘‘гасмаа бана бхавам̣ гуудад̣̇анд̇о саман̣асса г̇од̇амасса субхаасид̇ам̣ субхаасид̇ад̇о нааб̣бханумод̣̇ад̇ий’’д̇и? ‘‘наахам̣, бхо, саман̣асса г̇од̇амасса субхаасид̇ам̣ субхаасид̇ад̇о нааб̣бханумод̣̇аами. муд̣̇д̇хааби д̇асса вибад̇зяяа, яо саман̣асса г̇од̇амасса субхаасид̇ам̣ субхаасид̇ад̇о нааб̣бханумод̣̇зяяа. аби жа мз, бхо, звам̣ ход̇и – саман̣о г̇од̇амо на звамааха – ‘звам̣ мз суд̇а’нд̇и ваа ‘звам̣ арахад̇и бхавид̇у’нд̇и ваа; аби жа саман̣о г̇од̇амо – ‘звам̣ д̇ад̣̇аа ааси, ид̇т̇ам̣ д̇ад̣̇аа ааси’ д̇взва бхаасад̇и. д̇асса маяхам̣ бхо звам̣ ход̇и – ‘ад̣̇д̇хаа саман̣о г̇од̇амо д̇зна самаязна рааж̇аа ваа ахоси махаавиж̇ид̇о яан̃н̃ассаами бурохид̇о ваа б̣раахман̣о д̇асса яан̃н̃асса яааж̇зд̇аа’д̇и. абхиж̇аанаад̇и бана бхавам̣ г̇од̇амо зваруубам̣ яан̃н̃ам̣ яаж̇ид̇ваа ваа яааж̇зд̇ваа ваа гааяасса бхзд̣̇аа барам̣ маран̣аа суг̇ад̇им̣ саг̇г̇ам̣ логам̣ убабаж̇ж̇ид̇аад̇и’’? ‘‘абхиж̇аанаамахам̣, б̣раахман̣а, зваруубам̣ яан̃н̃ам̣ яаж̇ид̇ваа ваа яааж̇зд̇ваа ваа гааяасса бхзд̣̇аа барам̣ маран̣аа суг̇ад̇им̣ саг̇г̇ам̣ логам̣ убабаж̇ж̇ид̇аа, ахам̣ д̇зна самаязна бурохид̇о б̣раахман̣о ахосим̣ д̇асса яан̃н̃асса яааж̇зд̇аа’’д̇и.
348. Evaṃ vutte, te brāhmaṇā unnādino uccāsaddamahāsaddā ahesuṃ – ‘‘aho yañño, aho yaññasampadā’’ti! Kūṭadanto pana brāhmaṇo tūṇhībhūtova nisinno hoti. Atha kho te brāhmaṇā kūṭadantaṃ brāhmaṇaṃ etadavocuṃ – ‘‘kasmā pana bhavaṃ kūṭadanto samaṇassa gotamassa subhāsitaṃ subhāsitato nābbhanumodatī’’ti? ‘‘Nāhaṃ, bho, samaṇassa gotamassa subhāsitaṃ subhāsitato nābbhanumodāmi. Muddhāpi tassa vipateyya, yo samaṇassa gotamassa subhāsitaṃ subhāsitato nābbhanumodeyya. Api ca me, bho, evaṃ hoti – samaṇo gotamo na evamāha – ‘evaṃ me suta’nti vā ‘evaṃ arahati bhavitu’nti vā; api ca samaṇo gotamo – ‘evaṃ tadā āsi, itthaṃ tadā āsi’ tveva bhāsati. Tassa mayhaṃ bho evaṃ hoti – ‘addhā samaṇo gotamo tena samayena rājā vā ahosi mahāvijito yaññassāmi purohito vā brāhmaṇo tassa yaññassa yājetā’ti. Abhijānāti pana bhavaṃ gotamo evarūpaṃ yaññaṃ yajitvā vā yājetvā vā kāyassa bhedā paraṃ maraṇā sugatiṃ saggaṃ lokaṃ upapajjitāti’’? ‘‘Abhijānāmahaṃ, brāhmaṇa, evarūpaṃ yaññaṃ yajitvā vā yājetvā vā kāyassa bhedā paraṃ maraṇā sugatiṃ saggaṃ lokaṃ upapajjitā, ahaṃ tena samayena purohito brāhmaṇo ahosiṃ tassa yaññassa yājetā’’ti.
нижжад̣̇аанаанугулаяан̃н̃ам̣
Niccadānaanukulayaññaṃ
‘‘ад̇т̇и ко, б̣раахман̣а, ан̃н̃о яан̃н̃о имааяа д̇ивид̇хааяа яан̃н̃асамбад̣̇ааяа сол̣асабаригкаарааяа аббадтад̇аро жа аббасамаарамбхад̇аро жа махабпалад̇аро жа махаанисам̣сад̇аро жаа’’д̇и.
‘‘Atthi kho, brāhmaṇa, añño yañño imāya tividhāya yaññasampadāya soḷasaparikkhārāya appaṭṭhataro ca appasamārambhataro ca mahapphalataro ca mahānisaṃsataro cā’’ti.
‘‘гад̇амо бана со, бхо г̇од̇ама, яан̃н̃о имааяа д̇ивид̇хааяа яан̃н̃асамбад̣̇ааяа сол̣асабаригкаарааяа аббадтад̇аро жа аббасамаарамбхад̇аро жа махабпалад̇аро жа махаанисам̣сад̇аро жаа’’д̇и?
‘‘Katamo pana so, bho gotama, yañño imāya tividhāya yaññasampadāya soḷasaparikkhārāya appaṭṭhataro ca appasamārambhataro ca mahapphalataro ca mahānisaṃsataro cā’’ti?
‘‘яаани ко бана д̇аани, б̣раахман̣а, нижжад̣̇аанаани анугулаяан̃н̃аани сийлаванд̇з баб̣б̣аж̇ид̇з уд̣̇д̣̇исса д̣̇ияяанд̇и; аяам̣ ко, б̣раахман̣а, яан̃н̃о имааяа д̇ивид̇хааяа яан̃н̃асамбад̣̇ааяа сол̣асабаригкаарааяа аббадтад̇аро жа аббасамаарамбхад̇аро жа махабпалад̇аро жа махаанисам̣сад̇аро жаа’’д̇и.
‘‘Yāni kho pana tāni, brāhmaṇa, niccadānāni anukulayaññāni sīlavante pabbajite uddissa diyyanti; ayaṃ kho, brāhmaṇa, yañño imāya tividhāya yaññasampadāya soḷasaparikkhārāya appaṭṭhataro ca appasamārambhataro ca mahapphalataro ca mahānisaṃsataro cā’’ti.
‘‘го ну ко, бхо г̇од̇ама, хзд̇у го бажжаяо, язна д̇ам̣ нижжад̣̇аанам̣ анугулаяан̃н̃ам̣ имааяа д̇ивид̇хааяа яан̃н̃асамбад̣̇ааяа сол̣асабаригкаарааяа аббадтад̇аран̃жа аббасамаарамбхад̇аран̃жа махабпалад̇аран̃жа махаанисам̣сад̇аран̃жаа’’д̇и ?
‘‘Ko nu kho, bho gotama, hetu ko paccayo, yena taṃ niccadānaṃ anukulayaññaṃ imāya tividhāya yaññasampadāya soḷasaparikkhārāya appaṭṭhatarañca appasamārambhatarañca mahapphalatarañca mahānisaṃsatarañcā’’ti ?
‘‘на ко, б̣раахман̣а, зваруубам̣ яан̃н̃ам̣ убасан̇гаманд̇и араханд̇о ваа арахад̇д̇амаг̇г̇ам̣ ваа самаабаннаа. д̇ам̣ гисса хзд̇у? д̣̇иссанд̇и хзд̇т̇а, б̣раахман̣а, д̣̇ан̣д̣аббахаарааби г̇алаг̇г̇ахааби, д̇асмаа зваруубам̣ яан̃н̃ам̣ на убасан̇гаманд̇и араханд̇о ваа арахад̇д̇амаг̇г̇ам̣ ваа самаабаннаа. яаани ко бана д̇аани, б̣раахман̣а, нижжад̣̇аанаани анугулаяан̃н̃аани сийлаванд̇з баб̣б̣аж̇ид̇з уд̣̇д̣̇исса д̣̇ияяанд̇и; зваруубам̣ ко, б̣раахман̣а, яан̃н̃ам̣ убасан̇гаманд̇и араханд̇о ваа арахад̇д̇амаг̇г̇ам̣ ваа самаабаннаа. д̇ам̣ гисса хзд̇у? на хзд̇т̇а, б̣раахман̣а, д̣̇иссанд̇и д̣̇ан̣д̣аббахаарааби г̇алаг̇г̇ахааби, д̇асмаа зваруубам̣ яан̃н̃ам̣ убасан̇гаманд̇и араханд̇о ваа арахад̇д̇амаг̇г̇ам̣ ваа самаабаннаа. аяам̣ ко, б̣раахман̣а, хзд̇у аяам̣ бажжаяо, язна д̇ам̣ нижжад̣̇аанам̣ анугулаяан̃н̃ам̣ имааяа д̇ивид̇хааяа яан̃н̃асамбад̣̇ааяа сол̣асабаригкаарааяа аббадтад̇аран̃жа аббасамаарамбхад̇аран̃жа махабпалад̇аран̃жа махаанисам̣сад̇аран̃жаа’’д̇и.
‘‘Na kho, brāhmaṇa, evarūpaṃ yaññaṃ upasaṅkamanti arahanto vā arahattamaggaṃ vā samāpannā. Taṃ kissa hetu? Dissanti hettha, brāhmaṇa, daṇḍappahārāpi galaggahāpi, tasmā evarūpaṃ yaññaṃ na upasaṅkamanti arahanto vā arahattamaggaṃ vā samāpannā. Yāni kho pana tāni, brāhmaṇa, niccadānāni anukulayaññāni sīlavante pabbajite uddissa diyyanti; evarūpaṃ kho, brāhmaṇa, yaññaṃ upasaṅkamanti arahanto vā arahattamaggaṃ vā samāpannā. Taṃ kissa hetu? Na hettha, brāhmaṇa, dissanti daṇḍappahārāpi galaggahāpi, tasmā evarūpaṃ yaññaṃ upasaṅkamanti arahanto vā arahattamaggaṃ vā samāpannā. Ayaṃ kho, brāhmaṇa, hetu ayaṃ paccayo, yena taṃ niccadānaṃ anukulayaññaṃ imāya tividhāya yaññasampadāya soḷasaparikkhārāya appaṭṭhatarañca appasamārambhatarañca mahapphalatarañca mahānisaṃsatarañcā’’ti.
350. ‘‘ад̇т̇и бана, бхо г̇од̇ама, ан̃н̃о яан̃н̃о имааяа жа д̇ивид̇хааяа яан̃н̃асамбад̣̇ааяа сол̣асабаригкаарааяа иминаа жа нижжад̣̇аанзна анугулаяан̃н̃зна аббадтад̇аро жа аббасамаарамбхад̇аро жа махабпалад̇аро жа махаанисам̣сад̇аро жаа’’д̇и?
350. ‘‘Atthi pana, bho gotama, añño yañño imāya ca tividhāya yaññasampadāya soḷasaparikkhārāya iminā ca niccadānena anukulayaññena appaṭṭhataro ca appasamārambhataro ca mahapphalataro ca mahānisaṃsataro cā’’ti?
‘‘ад̇т̇и ко, б̣раахман̣а, ан̃н̃о яан̃н̃о имааяа жа д̇ивид̇хааяа яан̃н̃асамбад̣̇ааяа сол̣асабаригкаарааяа иминаа жа нижжад̣̇аанзна анугулаяан̃н̃зна аббадтад̇аро жа аббасамаарамбхад̇аро жа махабпалад̇аро жа махаанисам̣сад̇аро жаа’’д̇и.
‘‘Atthi kho, brāhmaṇa, añño yañño imāya ca tividhāya yaññasampadāya soḷasaparikkhārāya iminā ca niccadānena anukulayaññena appaṭṭhataro ca appasamārambhataro ca mahapphalataro ca mahānisaṃsataro cā’’ti.
‘‘гад̇амо бана со, бхо г̇од̇ама, яан̃н̃о имааяа жа д̇ивид̇хааяа яан̃н̃асамбад̣̇ааяа сол̣асабаригкаарааяа иминаа жа нижжад̣̇аанзна анугулаяан̃н̃зна аббадтад̇аро жа аббасамаарамбхад̇аро жа махабпалад̇аро жа махаанисам̣сад̇аро жаа’’д̇и?
‘‘Katamo pana so, bho gotama, yañño imāya ca tividhāya yaññasampadāya soḷasaparikkhārāya iminā ca niccadānena anukulayaññena appaṭṭhataro ca appasamārambhataro ca mahapphalataro ca mahānisaṃsataro cā’’ti?
‘‘яо ко, б̣раахман̣а, жаад̇уд̣̇д̣̇исам̣ сан̇гхам̣ уд̣̇д̣̇исса вихаарам̣ гарод̇и, аяам̣ ко , б̣раахман̣а, яан̃н̃о имааяа жа д̇ивид̇хааяа яан̃н̃асамбад̣̇ааяа сол̣асабаригкаарааяа иминаа жа нижжад̣̇аанзна анугулаяан̃н̃зна аббадтад̇аро жа аббасамаарамбхад̇аро жа махабпалад̇аро жа махаанисам̣сад̇аро жаа’’д̇и.
‘‘Yo kho, brāhmaṇa, cātuddisaṃ saṅghaṃ uddissa vihāraṃ karoti, ayaṃ kho , brāhmaṇa, yañño imāya ca tividhāya yaññasampadāya soḷasaparikkhārāya iminā ca niccadānena anukulayaññena appaṭṭhataro ca appasamārambhataro ca mahapphalataro ca mahānisaṃsataro cā’’ti.
351. ‘‘ад̇т̇и бана, бхо г̇од̇ама, ан̃н̃о яан̃н̃о имааяа жа д̇ивид̇хааяа яан̃н̃асамбад̣̇ааяа сол̣асабаригкаарааяа иминаа жа нижжад̣̇аанзна анугулаяан̃н̃зна иминаа жа вихаарад̣̇аанзна аббадтад̇аро жа аббасамаарамбхад̇аро жа махабпалад̇аро жа махаанисам̣сад̇аро жаа’’д̇и?
351. ‘‘Atthi pana, bho gotama, añño yañño imāya ca tividhāya yaññasampadāya soḷasaparikkhārāya iminā ca niccadānena anukulayaññena iminā ca vihāradānena appaṭṭhataro ca appasamārambhataro ca mahapphalataro ca mahānisaṃsataro cā’’ti?
‘‘ад̇т̇и ко, б̣раахман̣а, ан̃н̃о яан̃н̃о имааяа жа д̇ивид̇хааяа яан̃н̃асамбад̣̇ааяа сол̣асабаригкаарааяа иминаа жа нижжад̣̇аанзна анугулаяан̃н̃зна иминаа жа вихаарад̣̇аанзна аббадтад̇аро жа аббасамаарамбхад̇аро жа махабпалад̇аро жа махаанисам̣сад̇аро жаа’’д̇и.
‘‘Atthi kho, brāhmaṇa, añño yañño imāya ca tividhāya yaññasampadāya soḷasaparikkhārāya iminā ca niccadānena anukulayaññena iminā ca vihāradānena appaṭṭhataro ca appasamārambhataro ca mahapphalataro ca mahānisaṃsataro cā’’ti.
‘‘гад̇амо бана со, бхо г̇од̇ама, яан̃н̃о имааяа жа д̇ивид̇хааяа яан̃н̃асамбад̣̇ааяа сол̣асабаригкаарааяа иминаа жа нижжад̣̇аанзна анугулаяан̃н̃зна иминаа жа вихаарад̣̇аанзна аббадтад̇аро жа аббасамаарамбхад̇аро жа махабпалад̇аро жа махаанисам̣сад̇аро жаа’’д̇и?
‘‘Katamo pana so, bho gotama, yañño imāya ca tividhāya yaññasampadāya soḷasaparikkhārāya iminā ca niccadānena anukulayaññena iminā ca vihāradānena appaṭṭhataro ca appasamārambhataro ca mahapphalataro ca mahānisaṃsataro cā’’ti?
‘‘яо ко, б̣раахман̣а, басаннажид̇д̇о б̣уд̣̇д̇хам̣ саран̣ам̣ г̇ажчад̇и, д̇хаммам̣ саран̣ам̣ г̇ажчад̇и, сан̇гхам̣ саран̣ам̣ г̇ажчад̇и; аяам̣ ко, б̣раахман̣а, яан̃н̃о имааяа жа д̇ивид̇хааяа яан̃н̃асамбад̣̇ааяа сол̣асабаригкаарааяа иминаа жа нижжад̣̇аанзна анугулаяан̃н̃зна иминаа жа вихаарад̣̇аанзна аббадтад̇аро жа аббасамаарамбхад̇аро жа махабпалад̇аро жа махаанисам̣сад̇аро жаа’’д̇и.
‘‘Yo kho, brāhmaṇa, pasannacitto buddhaṃ saraṇaṃ gacchati, dhammaṃ saraṇaṃ gacchati, saṅghaṃ saraṇaṃ gacchati; ayaṃ kho, brāhmaṇa, yañño imāya ca tividhāya yaññasampadāya soḷasaparikkhārāya iminā ca niccadānena anukulayaññena iminā ca vihāradānena appaṭṭhataro ca appasamārambhataro ca mahapphalataro ca mahānisaṃsataro cā’’ti.
352. ‘‘ад̇т̇и бана, бхо г̇од̇ама, ан̃н̃о яан̃н̃о имааяа жа д̇ивид̇хааяа яан̃н̃асамбад̣̇ааяа сол̣асабаригкаарааяа иминаа жа нижжад̣̇аанзна анугулаяан̃н̃зна иминаа жа вихаарад̣̇аанзна имзхи жа саран̣аг̇аманзхи аббадтад̇аро жа аббасамаарамбхад̇аро жа махабпалад̇аро жа махаанисам̣сад̇аро жаа’’д̇и?
352. ‘‘Atthi pana, bho gotama, añño yañño imāya ca tividhāya yaññasampadāya soḷasaparikkhārāya iminā ca niccadānena anukulayaññena iminā ca vihāradānena imehi ca saraṇagamanehi appaṭṭhataro ca appasamārambhataro ca mahapphalataro ca mahānisaṃsataro cā’’ti?
‘‘ад̇т̇и ко, б̣раахман̣а, ан̃н̃о яан̃н̃о имааяа жа д̇ивид̇хааяа яан̃н̃асамбад̣̇ааяа сол̣асабаригкаарааяа иминаа жа нижжад̣̇аанзна анугулаяан̃н̃зна иминаа жа вихаарад̣̇аанзна имзхи жа саран̣аг̇аманзхи аббадтад̇аро жа аббасамаарамбхад̇аро жа махабпалад̇аро жа махаанисам̣сад̇аро жаа’’д̇и.
‘‘Atthi kho, brāhmaṇa, añño yañño imāya ca tividhāya yaññasampadāya soḷasaparikkhārāya iminā ca niccadānena anukulayaññena iminā ca vihāradānena imehi ca saraṇagamanehi appaṭṭhataro ca appasamārambhataro ca mahapphalataro ca mahānisaṃsataro cā’’ti.
‘‘гад̇амо бана со, бхо г̇од̇ама, яан̃н̃о имааяа жа д̇ивид̇хааяа яан̃н̃асамбад̣̇ааяа сол̣асабаригкаарааяа иминаа жа нижжад̣̇аанзна анугулаяан̃н̃зна иминаа жа вихаарад̣̇аанзна имзхи жа саран̣аг̇аманзхи аббадтад̇аро жа аббасамаарамбхад̇аро жа махабпалад̇аро жа махаанисам̣сад̇аро жаа’’д̇и?
‘‘Katamo pana so, bho gotama, yañño imāya ca tividhāya yaññasampadāya soḷasaparikkhārāya iminā ca niccadānena anukulayaññena iminā ca vihāradānena imehi ca saraṇagamanehi appaṭṭhataro ca appasamārambhataro ca mahapphalataro ca mahānisaṃsataro cā’’ti?
‘‘яо ко, б̣раахман̣а, басаннажид̇д̇о сигкаабад̣̇аани самаад̣̇ияад̇и – баан̣аад̇ибаад̇аа взраман̣им̣, ад̣̇иннаад̣̇аанаа взраман̣им̣, гаамзсумижчаажаараа взраман̣им̣, мусааваад̣̇аа взраман̣им̣, сураамзраяамаж̇ж̇абамаад̣̇адтаанаа взраман̣им̣. аяам̣ ко, б̣раахман̣а, яан̃н̃о имааяа жа д̇ивид̇хааяа яан̃н̃асамбад̣̇ааяа сол̣асабаригкаарааяа иминаа жа нижжад̣̇аанзна анугулаяан̃н̃зна иминаа жа вихаарад̣̇аанзна имзхи жа саран̣аг̇аманзхи аббадтад̇аро жа аббасамаарамбхад̇аро жа махабпалад̇аро жа махаанисам̣сад̇аро жаа’’д̇и.
‘‘Yo kho, brāhmaṇa, pasannacitto sikkhāpadāni samādiyati – pāṇātipātā veramaṇiṃ, adinnādānā veramaṇiṃ, kāmesumicchācārā veramaṇiṃ, musāvādā veramaṇiṃ, surāmerayamajjapamādaṭṭhānā veramaṇiṃ. Ayaṃ kho, brāhmaṇa, yañño imāya ca tividhāya yaññasampadāya soḷasaparikkhārāya iminā ca niccadānena anukulayaññena iminā ca vihāradānena imehi ca saraṇagamanehi appaṭṭhataro ca appasamārambhataro ca mahapphalataro ca mahānisaṃsataro cā’’ti.
353. ‘‘ад̇т̇и бана, бхо г̇од̇ама, ан̃н̃о яан̃н̃о имааяа жа д̇ивид̇хааяа яан̃н̃асамбад̣̇ааяа сол̣асабаригкаарааяа иминаа жа нижжад̣̇аанзна анугулаяан̃н̃зна иминаа жа вихаарад̣̇аанзна имзхи жа саран̣аг̇аманзхи имзхи жа сигкаабад̣̇зхи аббадтад̇аро жа аббасамаарамбхад̇аро жа махабпалад̇аро жа махаанисам̣сад̇аро жаа’’д̇и?
353. ‘‘Atthi pana, bho gotama, añño yañño imāya ca tividhāya yaññasampadāya soḷasaparikkhārāya iminā ca niccadānena anukulayaññena iminā ca vihāradānena imehi ca saraṇagamanehi imehi ca sikkhāpadehi appaṭṭhataro ca appasamārambhataro ca mahapphalataro ca mahānisaṃsataro cā’’ti?
‘‘ад̇т̇и ко, б̣раахман̣а, ан̃н̃о яан̃н̃о имааяа жа д̇ивид̇хааяа яан̃н̃асамбад̣̇ааяа сол̣асабаригкаарааяа иминаа жа нижжад̣̇аанзна анугулаяан̃н̃зна иминаа жа вихаарад̣̇аанзна имзхи жа саран̣аг̇аманзхи имзхи жа сигкаабад̣̇зхи аббадтад̇аро жа аббасамаарамбхад̇аро жа махабпалад̇аро жа махаанисам̣сад̇аро жаа’’д̇и.
‘‘Atthi kho, brāhmaṇa, añño yañño imāya ca tividhāya yaññasampadāya soḷasaparikkhārāya iminā ca niccadānena anukulayaññena iminā ca vihāradānena imehi ca saraṇagamanehi imehi ca sikkhāpadehi appaṭṭhataro ca appasamārambhataro ca mahapphalataro ca mahānisaṃsataro cā’’ti.
‘‘гад̇амо бана со, бхо г̇од̇ама, яан̃н̃о имааяа жа д̇ивид̇хааяа яан̃н̃асамбад̣̇ааяа сол̣асабаригкаарааяа иминаа жа нижжад̣̇аанзна анугулаяан̃н̃зна иминаа жа вихаарад̣̇аанзна имзхи жа саран̣аг̇аманзхи имзхи жа сигкаабад̣̇зхи аббадтад̇аро жа аббасамаарамбхад̇аро жа махабпалад̇аро жа махаанисам̣сад̇аро жаа’’д̇и?
‘‘Katamo pana so, bho gotama, yañño imāya ca tividhāya yaññasampadāya soḷasaparikkhārāya iminā ca niccadānena anukulayaññena iminā ca vihāradānena imehi ca saraṇagamanehi imehi ca sikkhāpadehi appaṭṭhataro ca appasamārambhataro ca mahapphalataro ca mahānisaṃsataro cā’’ti?
‘‘ид̇ха, б̣раахман̣а, д̇ат̇ааг̇ад̇о логз уббаж̇ж̇ад̇и арахам̣ саммаасамб̣уд̣̇д̇хо…бз… (яат̇аа 190-212 анужчзд̣̇зсу, звам̣ вид̇т̇аарзд̇аб̣б̣ам̣). звам̣ ко, б̣раахман̣а, бхигку сийласамбанно ход̇и…бз… батамам̣ жхаанам̣ убасамбаж̇ж̇а вихарад̇и. аяам̣ ко, б̣раахман̣а, яан̃н̃о буримзхи яан̃н̃зхи аббадтад̇аро жа аббасамаарамбхад̇аро жа махабпалад̇аро жа махаанисам̣сад̇аро жа…бз… д̣̇уд̇ияам̣ жхаанам̣…бз… д̇ад̇ияам̣ жхаанам̣…бз… жад̇уд̇т̇ам̣ жхаанам̣ убасамбаж̇ж̇а вихарад̇и. аяамби ко, б̣раахман̣а, яан̃н̃о буримзхи яан̃н̃зхи аббадтад̇аро жа аббасамаарамбхад̇аро жа махабпалад̇аро жа махаанисам̣сад̇аро жаад̇и. н̃аан̣ад̣̇ассанааяа жид̇д̇ам̣ абхинийхарад̇и абхининнаамзд̇и…бз… аяамби ко, б̣раахман̣а, яан̃н̃о буримзхи яан̃н̃зхи аббадтад̇аро жа аббасамаарамбхад̇аро жа махабпалад̇аро жа махаанисам̣сад̇аро жа…бз… наабарам̣ ид̇т̇ад̇д̇ааяаад̇и баж̇аанаад̇и. аяамби ко, б̣раахман̣а, яан̃н̃о буримзхи яан̃н̃зхи аббадтад̇аро жа аббасамаарамбхад̇аро жа махабпалад̇аро жа махаанисам̣сад̇аро жа. имааяа жа, б̣раахман̣а, яан̃н̃асамбад̣̇ааяа ан̃н̃аа яан̃н̃асамбад̣̇аа уд̇д̇арид̇араа ваа бан̣ийд̇ад̇араа ваа над̇т̇ий’’д̇и.
‘‘Idha, brāhmaṇa, tathāgato loke uppajjati arahaṃ sammāsambuddho…pe… (yathā 190-212 anucchedesu, evaṃ vitthāretabbaṃ). Evaṃ kho, brāhmaṇa, bhikkhu sīlasampanno hoti…pe… paṭhamaṃ jhānaṃ upasampajja viharati. Ayaṃ kho, brāhmaṇa, yañño purimehi yaññehi appaṭṭhataro ca appasamārambhataro ca mahapphalataro ca mahānisaṃsataro ca…pe… dutiyaṃ jhānaṃ…pe… tatiyaṃ jhānaṃ…pe… catutthaṃ jhānaṃ upasampajja viharati. Ayampi kho, brāhmaṇa, yañño purimehi yaññehi appaṭṭhataro ca appasamārambhataro ca mahapphalataro ca mahānisaṃsataro cāti. Ñāṇadassanāya cittaṃ abhinīharati abhininnāmeti…pe… ayampi kho, brāhmaṇa, yañño purimehi yaññehi appaṭṭhataro ca appasamārambhataro ca mahapphalataro ca mahānisaṃsataro ca…pe… nāparaṃ itthattāyāti pajānāti. Ayampi kho, brāhmaṇa, yañño purimehi yaññehi appaṭṭhataro ca appasamārambhataro ca mahapphalataro ca mahānisaṃsataro ca. Imāya ca, brāhmaṇa, yaññasampadāya aññā yaññasampadā uttaritarā vā paṇītatarā vā natthī’’ti.
гуудад̣̇анд̇аубаасагад̇д̇абадивзд̣̇анаа
Kūṭadantaupāsakattapaṭivedanā
354. звам̣ вуд̇д̇з, гуудад̣̇анд̇о б̣раахман̣о бхаг̇аванд̇ам̣ зд̇ад̣̇авожа – ‘‘абхигганд̇ам̣, бхо г̇од̇ама, абхигганд̇ам̣, бхо г̇од̇ама! сзяяат̇ааби бхо г̇од̇ама, ниггуж̇ж̇ид̇ам̣ ваа уггуж̇ж̇зяяа, бадижчаннам̣ ваа виварзяяа, муул̣хасса ваа маг̇г̇ам̣ аажигкзяяа, анд̇хагаарз ваа д̇злабаж̇ж̇од̇ам̣ д̇хаарзяяа ‘жагкуманд̇о руубаани д̣̇агканд̇ий’д̇и; звамзвам̣ бход̇аа г̇од̇амзна анзгабарияааязна д̇хаммо багаасид̇о. зсаахам̣ бхаванд̇ам̣ г̇од̇амам̣ саран̣ам̣ г̇ажчаами д̇хамман̃жа бхигкусан̇гхан̃жа. убаасагам̣ мам̣ бхавам̣ г̇од̇амо д̇хаарзд̇у аж̇ж̇ад̇аг̇г̇з баан̣убзд̇ам̣ саран̣ам̣ г̇ад̇ам̣. зсаахам̣ бхо г̇од̇ама сад̇д̇а жа усабхасад̇аани сад̇д̇а жа важчад̇арасад̇аани сад̇д̇а жа важчад̇арийсад̇аани сад̇д̇а жа аж̇асад̇аани сад̇д̇а жа ураб̣бхасад̇аани мун̃жаами, ж̇ийвид̇ам̣ д̣̇зми, харид̇аани жзва д̇ин̣аани каад̣̇анд̇у, сийд̇аани жа баанийяаани биванд̇у, сийд̇о жа нзсам̣ ваад̇о убавааяад̇уу’’д̇и.
354. Evaṃ vutte, kūṭadanto brāhmaṇo bhagavantaṃ etadavoca – ‘‘abhikkantaṃ, bho gotama, abhikkantaṃ, bho gotama! Seyyathāpi bho gotama, nikkujjitaṃ vā ukkujjeyya, paṭicchannaṃ vā vivareyya, mūḷhassa vā maggaṃ ācikkheyya, andhakāre vā telapajjotaṃ dhāreyya ‘cakkhumanto rūpāni dakkhantī’ti; evamevaṃ bhotā gotamena anekapariyāyena dhammo pakāsito. Esāhaṃ bhavantaṃ gotamaṃ saraṇaṃ gacchāmi dhammañca bhikkhusaṅghañca. Upāsakaṃ maṃ bhavaṃ gotamo dhāretu ajjatagge pāṇupetaṃ saraṇaṃ gataṃ. Esāhaṃ bho gotama satta ca usabhasatāni satta ca vacchatarasatāni satta ca vacchatarīsatāni satta ca ajasatāni satta ca urabbhasatāni muñcāmi, jīvitaṃ demi, haritāni ceva tiṇāni khādantu, sītāni ca pānīyāni pivantu, sīto ca nesaṃ vāto upavāyatū’’ti.
сод̇аабад̇д̇ипаласажчигирияаа
Sotāpattiphalasacchikiriyā
355. ат̇а ко бхаг̇аваа гуудад̣̇анд̇асса б̣раахман̣асса анубуб̣б̣им̣ гат̇ам̣ гат̇зси, сзяяат̇ид̣̇ам̣, д̣̇аанагат̇ам̣ сийлагат̇ам̣ саг̇г̇агат̇ам̣; гаамаанам̣ аад̣̇ийнавам̣ огаарам̣ сам̣гилзсам̣ нзгкаммз аанисам̣сам̣ багаасзси. яад̣̇аа бхаг̇аваа ан̃н̃ааси гуудад̣̇анд̇ам̣ б̣раахман̣ам̣ галлажид̇д̇ам̣ муд̣̇ужид̇д̇ам̣ винийваран̣ажид̇д̇ам̣ уд̣̇аг̇г̇ажид̇д̇ам̣ басаннажид̇д̇ам̣, ат̇а яаа б̣уд̣̇д̇хаанам̣ саамуггам̣сигаа д̇хаммад̣̇зсанаа, д̇ам̣ багаасзси – д̣̇угкам̣ самуд̣̇аяам̣ нирод̇хам̣ маг̇г̇ам̣. сзяяат̇ааби наама суд̣̇д̇хам̣ вад̇т̇ам̣ абаг̇ад̇агаал̣агам̣ саммад̣̇зва раж̇анам̣ бадиг̇г̇ан̣хзяяа, звамзва гуудад̣̇анд̇асса б̣раахман̣асса д̇асмин̃н̃зва аасанз вираж̇ам̣ вийд̇амалам̣ д̇хаммажагкум̣ уд̣̇абаад̣̇и – ‘‘яам̣ гин̃жи самуд̣̇аяад̇хаммам̣, саб̣б̣ам̣ д̇ам̣ нирод̇хад̇хамма’’нд̇и.
355. Atha kho bhagavā kūṭadantassa brāhmaṇassa anupubbiṃ kathaṃ kathesi, seyyathidaṃ, dānakathaṃ sīlakathaṃ saggakathaṃ; kāmānaṃ ādīnavaṃ okāraṃ saṃkilesaṃ nekkhamme ānisaṃsaṃ pakāsesi. Yadā bhagavā aññāsi kūṭadantaṃ brāhmaṇaṃ kallacittaṃ muducittaṃ vinīvaraṇacittaṃ udaggacittaṃ pasannacittaṃ, atha yā buddhānaṃ sāmukkaṃsikā dhammadesanā, taṃ pakāsesi – dukkhaṃ samudayaṃ nirodhaṃ maggaṃ. Seyyathāpi nāma suddhaṃ vatthaṃ apagatakāḷakaṃ sammadeva rajanaṃ paṭiggaṇheyya, evameva kūṭadantassa brāhmaṇassa tasmiññeva āsane virajaṃ vītamalaṃ dhammacakkhuṃ udapādi – ‘‘yaṃ kiñci samudayadhammaṃ, sabbaṃ taṃ nirodhadhamma’’nti.
356. ат̇а ко гуудад̣̇анд̇о б̣раахман̣о д̣̇идтад̇хаммо бад̇д̇ад̇хаммо вид̣̇ид̇ад̇хаммо барияог̇аал̣хад̇хаммо д̇ин̣н̣авижигижчо виг̇ад̇агат̇ам̣гат̇о взсаараж̇ж̇аббад̇д̇о абараббажжаяо сад̇т̇усаасанз бхаг̇аванд̇ам̣ зд̇ад̣̇авожа – ‘‘ад̇хиваасзд̇у мз бхавам̣ г̇од̇амо сваад̇анааяа бхад̇д̇ам̣ сад̣̇д̇хим̣ бхигкусан̇гхзнаа’’д̇и. ад̇хиваасзси бхаг̇аваа д̇ун̣хийбхаавзна.
356. Atha kho kūṭadanto brāhmaṇo diṭṭhadhammo pattadhammo viditadhammo pariyogāḷhadhammo tiṇṇavicikiccho vigatakathaṃkatho vesārajjappatto aparappaccayo satthusāsane bhagavantaṃ etadavoca – ‘‘adhivāsetu me bhavaṃ gotamo svātanāya bhattaṃ saddhiṃ bhikkhusaṅghenā’’ti. Adhivāsesi bhagavā tuṇhībhāvena.
357. ат̇а ко гуудад̣̇анд̇о б̣раахман̣о бхаг̇авад̇о ад̇хиваасанам̣ вид̣̇ид̇ваа удтааяаасанаа бхаг̇аванд̇ам̣ абхиваад̣̇зд̇ваа бад̣̇агкин̣ам̣ гад̇ваа баггаами. ат̇а ко гуудад̣̇анд̇о б̣раахман̣о д̇ассаа рад̇д̇ияаа ажжаязна сагз яан̃н̃аваадз бан̣ийд̇ам̣ каад̣̇анийяам̣ бхож̇анийяам̣ бадияаад̣̇аабзд̇ваа бхаг̇авад̇о гаалам̣ аарожаабзси – ‘‘гаало, бхо г̇од̇ама; нидтид̇ам̣ бхад̇д̇а’’нд̇и.
357. Atha kho kūṭadanto brāhmaṇo bhagavato adhivāsanaṃ viditvā uṭṭhāyāsanā bhagavantaṃ abhivādetvā padakkhiṇaṃ katvā pakkāmi. Atha kho kūṭadanto brāhmaṇo tassā rattiyā accayena sake yaññavāṭe paṇītaṃ khādanīyaṃ bhojanīyaṃ paṭiyādāpetvā bhagavato kālaṃ ārocāpesi – ‘‘kālo, bho gotama; niṭṭhitaṃ bhatta’’nti.
358. ат̇а ко бхаг̇аваа буб̣б̣ан̣хасамаяам̣ ниваасзд̇ваа бад̇д̇ажийварамаад̣̇ааяа сад̣̇д̇хим̣ бхигкусан̇гхзна язна гуудад̣̇анд̇асса б̣раахман̣асса яан̃н̃аваадо д̇знубасан̇гами; убасан̇гамид̇ваа бан̃н̃ад̇д̇з аасанз нисийд̣̇и.
358. Atha kho bhagavā pubbaṇhasamayaṃ nivāsetvā pattacīvaramādāya saddhiṃ bhikkhusaṅghena yena kūṭadantassa brāhmaṇassa yaññavāṭo tenupasaṅkami; upasaṅkamitvā paññatte āsane nisīdi.
ат̇а ко гуудад̣̇анд̇о б̣раахман̣о б̣уд̣̇д̇хаббамукам̣ бхигкусан̇гхам̣ бан̣ийд̇зна каад̣̇анийязна бхож̇анийязна сахад̇т̇аа санд̇аббзси самбаваарзси. ат̇а ко гуудад̣̇анд̇о б̣раахман̣о бхаг̇аванд̇ам̣ бхуд̇д̇аавим̣ онийд̇абад̇д̇абаан̣им̣ ан̃н̃ад̇арам̣ нийжам̣ аасанам̣ г̇ахзд̇ваа згаманд̇ам̣ нисийд̣̇и. згаманд̇ам̣ нисиннам̣ ко гуудад̣̇анд̇ам̣ б̣раахман̣ам̣ бхаг̇аваа д̇хаммияаа гат̇ааяа санд̣̇ассзд̇ваа самаад̣̇абзд̇ваа самуд̇д̇зж̇зд̇ваа самбахам̣сзд̇ваа удтааяаасанаа баггаамийд̇и.
Atha kho kūṭadanto brāhmaṇo buddhappamukhaṃ bhikkhusaṅghaṃ paṇītena khādanīyena bhojanīyena sahatthā santappesi sampavāresi. Atha kho kūṭadanto brāhmaṇo bhagavantaṃ bhuttāviṃ onītapattapāṇiṃ aññataraṃ nīcaṃ āsanaṃ gahetvā ekamantaṃ nisīdi. Ekamantaṃ nisinnaṃ kho kūṭadantaṃ brāhmaṇaṃ bhagavā dhammiyā kathāya sandassetvā samādapetvā samuttejetvā sampahaṃsetvā uṭṭhāyāsanā pakkāmīti.
гуудад̣̇анд̇асуд̇д̇ам̣ нидтид̇ам̣ бан̃жамам̣.
Kūṭadantasuttaṃ niṭṭhitaṃ pañcamaṃ.
Footnotes:
Related texts:
адтагат̇аа • Aṭṭhakathā / суд̇д̇абидага (адтагат̇аа) • Suttapiṭaka (aṭṭhakathā) / д̣̇ийгха нигааяа (адтагат̇аа) • Dīgha nikāya (aṭṭhakathā) / 5. гуудад̣̇анд̇асуд̇д̇аван̣н̣анаа • 5. Kūṭadantasuttavaṇṇanā
дийгаа • Tīkā / суд̇д̇абидага (дийгаа) • Suttapiṭaka (ṭīkā) / д̣̇ийгханигааяа (дийгаа) • Dīghanikāya (ṭīkā) / 5. гуудад̣̇анд̇асуд̇д̇аван̣н̣анаа • 5. Kūṭadantasuttavaṇṇanā
