| Library / Tipiṭaka / ཏིཔིཊཀ • Tipiṭaka / དཱིགྷནིཀཱཡ • Dīghanikāya |
༥. ཀཱུཊདནྟསུཏྟཾ
5. Kūṭadantasuttaṃ
ཁཱཎུམཏཀབྲཱཧྨཎགཧཔཏིཀཱ
Khāṇumatakabrāhmaṇagahapatikā
༣༢༣. ཨེཝཾ མེ སུཏཾ – ཨེཀཾ སམཡཾ བྷགཝཱ མགདྷེསུ ཙཱརིཀཾ ཙརམཱནོ མཧཏཱ བྷིཀྑུསངྒྷེན སདྡྷིཾ པཉྩམཏྟེཧི བྷིཀྑུསཏེཧི ཡེན ཁཱཎུམཏཾ ནཱམ མགདྷཱནཾ བྲཱཧྨཎགཱམོ ཏདཝསརི། ཏཏྲ སུདཾ བྷགཝཱ ཁཱཎུམཏེ ཝིཧརཏི ཨམྦལཊྛིཀཱཡཾ། ཏེན ཁོ པན སམཡེན ཀཱུཊདནྟོ བྲཱཧྨཎོ ཁཱཎུམཏཾ ཨཛ྄ཛྷཱཝསཏི སཏྟུསྶདཾ སཏིཎཀཊྛོདཀཾ སདྷཉྙཾ རཱཛབྷོགྒཾ རཉྙཱ མཱགདྷེན སེནིཡེན བིམྦིསཱརེན དིནྣཾ རཱཛདཱཡཾ བྲཧྨདེཡྻཾ། ཏེན ཁོ པན སམཡེན ཀཱུཊདནྟསྶ བྲཱཧྨཎསྶ མཧཱཡཉྙོ ཨུཔཀྑཊོ ཧོཏི། སཏྟ ཙ ཨུསབྷསཏཱནི སཏྟ ཙ ཝཙྪཏརསཏཱནི སཏྟ ཙ ཝཙྪཏརཱིསཏཱནི སཏྟ ཙ ཨཛསཏཱནི སཏྟ ཙ ཨུརབྦྷསཏཱནི ཐཱུཎཱུཔནཱིཏཱནི ཧོནྟི ཡཉྙཏྠཱཡ།
323. Evaṃ me sutaṃ – ekaṃ samayaṃ bhagavā magadhesu cārikaṃ caramāno mahatā bhikkhusaṅghena saddhiṃ pañcamattehi bhikkhusatehi yena khāṇumataṃ nāma magadhānaṃ brāhmaṇagāmo tadavasari. Tatra sudaṃ bhagavā khāṇumate viharati ambalaṭṭhikāyaṃ. Tena kho pana samayena kūṭadanto brāhmaṇo khāṇumataṃ ajjhāvasati sattussadaṃ satiṇakaṭṭhodakaṃ sadhaññaṃ rājabhoggaṃ raññā māgadhena seniyena bimbisārena dinnaṃ rājadāyaṃ brahmadeyyaṃ. Tena kho pana samayena kūṭadantassa brāhmaṇassa mahāyañño upakkhaṭo hoti. Satta ca usabhasatāni satta ca vacchatarasatāni satta ca vacchatarīsatāni satta ca ajasatāni satta ca urabbhasatāni thūṇūpanītāni honti yaññatthāya.
༣༢༤. ཨསྶོསུཾ ཁོ ཁཱཎུམཏཀཱ བྲཱཧྨཎགཧཔཏིཀཱ – ‘‘སམཎོ ཁལུ, བྷོ, གོཏམོ སཀྱཔུཏྟོ སཀྱཀུལཱ པབྦཛིཏོ མགདྷེསུ ཙཱརིཀཾ ཙརམཱནོ མཧཏཱ བྷིཀྑུསངྒྷེན སདྡྷིཾ པཉྩམཏྟེཧི བྷིཀྑུསཏེཧི ཁཱཎུམཏཾ ཨནུཔྤཏྟོ ཁཱཎུམཏེ ཝིཧརཏི ཨམྦལཊྛིཀཱཡཾ། ཏཾ ཁོ པན བྷཝནྟཾ གོཏམཾ ཨེཝཾ ཀལྱཱཎོ ཀིཏྟིསདྡོ ཨབྦྷུགྒཏོ – ‘ཨིཏིཔི སོ བྷགཝཱ ཨརཧཾ སམྨཱསམྦུདྡྷོ ཝིཛྫཱཙརཎསམྤནྣོ སུགཏོ ལོཀཝིདཱུ ཨནུཏྟརོ པུརིསདམྨསཱརཐི སཏྠཱ དེཝམནུསྶཱནཾ བུདྡྷོ བྷགཝཱ’ཏི ། སོ ཨིམཾ ལོཀཾ སདེཝཀཾ སམཱརཀཾ སབྲཧྨཀཾ སསྶམཎབྲཱཧྨཎིཾ པཛཾ སདེཝམནུསྶཾ སཡཾ ཨབྷིཉྙཱ སཙྪིཀཏྭཱ པཝེདེཏི། སོ དྷམྨཾ དེསེཏི ཨཱདིཀལྱཱཎཾ མཛ྄ཛྷེཀལྱཱཎཾ པརིཡོསཱནཀལྱཱཎཾ སཱཏྠཾ སབྱཉྫནཾ ཀེཝལཔརིཔུཎྞཾ པརིསུདྡྷཾ བྲཧྨཙརིཡཾ པཀཱསེཏི། སཱདྷུ ཁོ པན ཏཐཱརཱུཔཱནཾ ཨརཧཏཾ དསྶནཾ ཧོཏཱི’’ཏི།
324. Assosuṃ kho khāṇumatakā brāhmaṇagahapatikā – ‘‘samaṇo khalu, bho, gotamo sakyaputto sakyakulā pabbajito magadhesu cārikaṃ caramāno mahatā bhikkhusaṅghena saddhiṃ pañcamattehi bhikkhusatehi khāṇumataṃ anuppatto khāṇumate viharati ambalaṭṭhikāyaṃ. Taṃ kho pana bhavantaṃ gotamaṃ evaṃ kalyāṇo kittisaddo abbhuggato – ‘itipi so bhagavā arahaṃ sammāsambuddho vijjācaraṇasampanno sugato lokavidū anuttaro purisadammasārathi satthā devamanussānaṃ buddho bhagavā’ti . So imaṃ lokaṃ sadevakaṃ samārakaṃ sabrahmakaṃ sassamaṇabrāhmaṇiṃ pajaṃ sadevamanussaṃ sayaṃ abhiññā sacchikatvā pavedeti. So dhammaṃ deseti ādikalyāṇaṃ majjhekalyāṇaṃ pariyosānakalyāṇaṃ sātthaṃ sabyañjanaṃ kevalaparipuṇṇaṃ parisuddhaṃ brahmacariyaṃ pakāseti. Sādhu kho pana tathārūpānaṃ arahataṃ dassanaṃ hotī’’ti.
༣༢༥. ཨཐ ཁོ ཁཱཎུམཏཀཱ བྲཱཧྨཎགཧཔཏིཀཱ ཁཱཎུམཏཱ ནིཀྑམིཏྭཱ སངྒྷསངྒྷཱི གཎཱིབྷཱུཏཱ ཡེན ཨམྦལཊྛིཀཱ ཏེནུཔསངྐམནྟི།
325. Atha kho khāṇumatakā brāhmaṇagahapatikā khāṇumatā nikkhamitvā saṅghasaṅghī gaṇībhūtā yena ambalaṭṭhikā tenupasaṅkamanti.
༣༢༦. ཏེན ཁོ པན སམཡེན ཀཱུཊདནྟོ བྲཱཧྨཎོ ཨུཔརིཔཱསཱདེ དིཝཱསེཡྻཾ ཨུཔགཏོ ཧོཏི། ཨདྡསཱ ཁོ ཀཱུཊདནྟོ བྲཱཧྨཎོ ཁཱཎུམཏཀེ བྲཱཧྨཎགཧཔཏིཀེ ཁཱཎུམཏཱ ནིཀྑམིཏྭཱ སངྒྷསངྒྷཱི གཎཱིབྷཱུཏེ ཡེན ཨམྦལཊྛིཀཱ ཏེནུཔསངྐམནྟེ། དིསྭཱ ཁཏྟཾ ཨཱམནྟེསི – ‘‘ཀིཾ ནུ ཁོ, བྷོ ཁཏྟེ, ཁཱཎུམཏཀཱ བྲཱཧྨཎགཧཔཏིཀཱ ཁཱཎུམཏཱ ནིཀྑམིཏྭཱ སངྒྷསངྒྷཱི གཎཱིབྷཱུཏཱ ཡེན ཨམྦལཊྛིཀཱ ཏེནུཔསངྐམནྟཱི’’ཏི?
326. Tena kho pana samayena kūṭadanto brāhmaṇo uparipāsāde divāseyyaṃ upagato hoti. Addasā kho kūṭadanto brāhmaṇo khāṇumatake brāhmaṇagahapatike khāṇumatā nikkhamitvā saṅghasaṅghī gaṇībhūte yena ambalaṭṭhikā tenupasaṅkamante. Disvā khattaṃ āmantesi – ‘‘kiṃ nu kho, bho khatte, khāṇumatakā brāhmaṇagahapatikā khāṇumatā nikkhamitvā saṅghasaṅghī gaṇībhūtā yena ambalaṭṭhikā tenupasaṅkamantī’’ti?
༣༢༧. ‘‘ཨཏྠི ཁོ, བྷོ, སམཎོ གོཏམོ སཀྱཔུཏྟོ སཀྱཀུལཱ པབྦཛིཏོ མགདྷེསུ ཙཱརིཀཾ ཙརམཱནོ མཧཏཱ བྷིཀྑུསངྒྷེན སདྡྷིཾ པཉྩམཏྟེཧི བྷིཀྑུསཏེཧི ཁཱཎུམཏཾ ཨནུཔྤཏྟོ, ཁཱཎུམཏེ ཝིཧརཏི ཨམྦལཊྛིཀཱཡཾ། ཏཾ ཁོ པན བྷཝནྟཾ གོཏམཾ ཨེཝཾ ཀལྱཱཎོ ཀིཏྟིསདྡོ ཨབྦྷུགྒཏོ – ‘ཨིཏིཔི སོ བྷགཝཱ ཨརཧཾ སམྨཱསམྦུདྡྷོ ཝིཛྫཱཙརཎསམྤནྣོ སུགཏོ ལོཀཝིདཱུ ཨནུཏྟརོ པུརིསདམྨསཱརཐི སཏྠཱ དེཝམནུསྶཱནཾ བུདྡྷོ བྷགཝཱ’ཏི། ཏམེཏེ བྷཝནྟཾ གོཏམཾ དསྶནཱཡ ཨུཔསངྐམནྟཱི’’ཏི།
327. ‘‘Atthi kho, bho, samaṇo gotamo sakyaputto sakyakulā pabbajito magadhesu cārikaṃ caramāno mahatā bhikkhusaṅghena saddhiṃ pañcamattehi bhikkhusatehi khāṇumataṃ anuppatto, khāṇumate viharati ambalaṭṭhikāyaṃ. Taṃ kho pana bhavantaṃ gotamaṃ evaṃ kalyāṇo kittisaddo abbhuggato – ‘itipi so bhagavā arahaṃ sammāsambuddho vijjācaraṇasampanno sugato lokavidū anuttaro purisadammasārathi satthā devamanussānaṃ buddho bhagavā’ti. Tamete bhavantaṃ gotamaṃ dassanāya upasaṅkamantī’’ti.
༣༢༨. ཨཐ ཁོ ཀཱུཊདནྟསྶ བྲཱཧྨཎསྶ ཨེཏདཧོསི – ‘‘སུཏཾ ཁོ པན མེཏཾ – ‘སམཎོ གོཏམོ ཏིཝིདྷཾ ཡཉྙསམྤདཾ སོལ༹སཔརིཀྑཱརཾ ཛཱནཱཏཱི’ཏི། ན ཁོ པནཱཧཾ ཛཱནཱམི ཏིཝིདྷཾ ཡཉྙསམྤདཾ སོལ༹སཔརིཀྑཱརཾ། ཨིཙྪཱམི ཙཱཧཾ མཧཱཡཉྙཾ ཡཛིཏུཾ། ཡཾནཱུནཱཧཾ སམཎཾ གོཏམཾ ཨུཔསངྐམིཏྭཱ ཏིཝིདྷཾ ཡཉྙསམྤདཾ སོལ༹སཔརིཀྑཱརཾ པུཙྪེཡྻ’’ནྟི།
328. Atha kho kūṭadantassa brāhmaṇassa etadahosi – ‘‘sutaṃ kho pana metaṃ – ‘samaṇo gotamo tividhaṃ yaññasampadaṃ soḷasaparikkhāraṃ jānātī’ti. Na kho panāhaṃ jānāmi tividhaṃ yaññasampadaṃ soḷasaparikkhāraṃ. Icchāmi cāhaṃ mahāyaññaṃ yajituṃ. Yaṃnūnāhaṃ samaṇaṃ gotamaṃ upasaṅkamitvā tividhaṃ yaññasampadaṃ soḷasaparikkhāraṃ puccheyya’’nti.
༣༢༩. ཨཐ ཁོ ཀཱུཊདནྟོ བྲཱཧྨཎོ ཁཏྟཾ ཨཱམནྟེསི – ‘‘ཏེན ཧི, བྷོ ཁཏྟེ, ཡེན ཁཱཎུམཏཀཱ བྲཱཧྨཎགཧཔཏིཀཱ ཏེནུཔསངྐམ། ཨུཔསངྐམིཏྭཱ ཁཱཎུམཏཀེ བྲཱཧྨཎགཧཔཏིཀེ ཨེཝཾ ཝདེཧི – ‘ཀཱུཊདནྟོ, བྷོ, བྲཱཧྨཎོ ཨེཝམཱཧ – ‘‘ཨཱགམེནྟུ ཀིར བྷཝནྟོ, ཀཱུཊདནྟོཔི བྲཱཧྨཎོ སམཎཾ གོཏམཾ དསྶནཱཡ ཨུཔསངྐམིསྶཏཱི’’’ཏི། ‘‘ཨེཝཾ, བྷོ’’ཏི ཁོ སོ ཁཏྟཱ ཀཱུཊདནྟསྶ བྲཱཧྨཎསྶ པཊིསྶུཏྭཱ ཡེན ཁཱཎུམཏཀཱ བྲཱཧྨཎགཧཔཏིཀཱ ཏེནུཔསངྐམི། ཨུཔསངྐམིཏྭཱ ཁཱཎུམཏཀེ བྲཱཧྨཎགཧཔཏིཀེ ཨེཏདཝོཙ – ‘‘ཀཱུཊདནྟོ, བྷོ, བྲཱཧྨཎོ ཨེཝམཱཧ – ‘ཨཱགམེནྟུ ཀིར བྷོནྟོ, ཀཱུཊདནྟོཔི བྲཱཧྨཎོ སམཎཾ གོཏམཾ དསྶནཱཡ ཨུཔསངྐམིསྶཏཱི’’’ཏི།
329. Atha kho kūṭadanto brāhmaṇo khattaṃ āmantesi – ‘‘tena hi, bho khatte, yena khāṇumatakā brāhmaṇagahapatikā tenupasaṅkama. Upasaṅkamitvā khāṇumatake brāhmaṇagahapatike evaṃ vadehi – ‘kūṭadanto, bho, brāhmaṇo evamāha – ‘‘āgamentu kira bhavanto, kūṭadantopi brāhmaṇo samaṇaṃ gotamaṃ dassanāya upasaṅkamissatī’’’ti. ‘‘Evaṃ, bho’’ti kho so khattā kūṭadantassa brāhmaṇassa paṭissutvā yena khāṇumatakā brāhmaṇagahapatikā tenupasaṅkami. Upasaṅkamitvā khāṇumatake brāhmaṇagahapatike etadavoca – ‘‘kūṭadanto, bho, brāhmaṇo evamāha – ‘āgamentu kira bhonto, kūṭadantopi brāhmaṇo samaṇaṃ gotamaṃ dassanāya upasaṅkamissatī’’’ti.
ཀཱུཊདནྟགུཎཀཐཱ
Kūṭadantaguṇakathā
༣༣༠. ཏེན ཁོ པན སམཡེན ཨནེཀཱནི བྲཱཧྨཎསཏཱནི ཁཱཎུམཏེ པཊིཝསནྟི – ‘‘ཀཱུཊདནྟསྶ བྲཱཧྨཎསྶ མཧཱཡཉྙཾ ཨནུབྷཝིསྶཱམཱ’’ཏི། ཨསྶོསུཾ ཁོ ཏེ བྲཱཧྨཎཱ – ‘‘ཀཱུཊདནྟོ ཀིར བྲཱཧྨཎོ སམཎཾ གོཏམཾ དསྶནཱཡ ཨུཔསངྐམིསྶཏཱི’’ཏི། ཨཐ ཁོ ཏེ བྲཱཧྨཎཱ ཡེན ཀཱུཊདནྟོ བྲཱཧྨཎོ ཏེནུཔསངྐམིཾསུ།
330. Tena kho pana samayena anekāni brāhmaṇasatāni khāṇumate paṭivasanti – ‘‘kūṭadantassa brāhmaṇassa mahāyaññaṃ anubhavissāmā’’ti. Assosuṃ kho te brāhmaṇā – ‘‘kūṭadanto kira brāhmaṇo samaṇaṃ gotamaṃ dassanāya upasaṅkamissatī’’ti. Atha kho te brāhmaṇā yena kūṭadanto brāhmaṇo tenupasaṅkamiṃsu.
༣༣༡. ཨུཔསངྐམིཏྭཱ ཀཱུཊདནྟཾ བྲཱཧྨཎཾ ཨེཏདཝོཙུཾ – ‘‘སཙྩཾ ཀིར བྷཝཾ ཀཱུཊདནྟོ སམཎཾ གོཏམཾ དསྶནཱཡ ཨུཔསངྐམིསྶཏཱི’’ཏི? ‘‘ཨེཝཾ ཁོ མེ, བྷོ, ཧོཏི – ‘ཨཧམྤི སམཎཾ གོཏམཾ དསྶནཱཡ ཨུཔསངྐམིསྶཱམཱི’’’ཏི།
331. Upasaṅkamitvā kūṭadantaṃ brāhmaṇaṃ etadavocuṃ – ‘‘saccaṃ kira bhavaṃ kūṭadanto samaṇaṃ gotamaṃ dassanāya upasaṅkamissatī’’ti? ‘‘Evaṃ kho me, bho, hoti – ‘ahampi samaṇaṃ gotamaṃ dassanāya upasaṅkamissāmī’’’ti.
‘‘མཱ བྷཝཾ ཀཱུཊདནྟོ སམཎཾ གོཏམཾ དསྶནཱཡ ཨུཔསངྐམི། ན ཨརཧཏི བྷཝཾ ཀཱུཊདནྟོ སམཎཾ གོཏམཾ དསྶནཱཡ ཨུཔསངྐམིཏུཾ། སཙེ བྷཝཾ ཀཱུཊདནྟོ སམཎཾ གོཏམཾ དསྶནཱཡ ཨུཔསངྐམིསྶཏི, བྷོཏོ ཀཱུཊདནྟསྶ ཡསོ ཧཱཡིསྶཏི, སམཎསྶ གོཏམསྶ ཡསོ ཨབྷིཝཌྜྷིསྶཏི། ཡམྤི བྷོཏོ ཀཱུཊདནྟསྶ ཡསོ ཧཱཡིསྶཏི, སམཎསྶ གོཏམསྶ ཡསོ ཨབྷིཝཌྜྷིསྶཏི, ཨིམིནཱཔངྒེན ན ཨརཧཏི བྷཝཾ ཀཱུཊདནྟོ སམཎཾ གོཏམཾ དསྶནཱཡ ཨུཔསངྐམིཏུཾ། སམཎོ ཏྭེཝ གོཏམོ ཨརཧཏི བྷཝནྟཾ ཀཱུཊདནྟཾ དསྶནཱཡ ཨུཔསངྐམིཏུཾ །
‘‘Mā bhavaṃ kūṭadanto samaṇaṃ gotamaṃ dassanāya upasaṅkami. Na arahati bhavaṃ kūṭadanto samaṇaṃ gotamaṃ dassanāya upasaṅkamituṃ. Sace bhavaṃ kūṭadanto samaṇaṃ gotamaṃ dassanāya upasaṅkamissati, bhoto kūṭadantassa yaso hāyissati, samaṇassa gotamassa yaso abhivaḍḍhissati. Yampi bhoto kūṭadantassa yaso hāyissati, samaṇassa gotamassa yaso abhivaḍḍhissati, imināpaṅgena na arahati bhavaṃ kūṭadanto samaṇaṃ gotamaṃ dassanāya upasaṅkamituṃ. Samaṇo tveva gotamo arahati bhavantaṃ kūṭadantaṃ dassanāya upasaṅkamituṃ .
‘‘བྷཝཉྷི ཀཱུཊདནྟོ ཨུབྷཏོ སུཛཱཏོ མཱཏིཏོ ཙ པིཏིཏོ ཙ སཾསུདྡྷགཧཎིཀོ ཡཱཝ སཏྟམཱ པིཏཱམཧཡུགཱ ཨཀྑིཏྟོ ཨནུཔཀྐུཊྛོ ཛཱཏིཝཱདེན། ཡམྤི བྷཝཾ ཀཱུཊདནྟོ ཨུབྷཏོ སུཛཱཏོ མཱཏིཏོ ཙ པིཏིཏོ ཙ སཾསུདྡྷགཧཎིཀོ ཡཱཝ སཏྟམཱ པིཏཱམཧཡུགཱ ཨཀྑིཏྟོ ཨནུཔཀྐུཊྛོ ཛཱཏིཝཱདེན, ཨིམིནཱཔངྒེན ན ཨརཧཏི བྷཝཾ ཀཱུཊདནྟོ སམཎཾ གོཏམཾ དསྶནཱཡ ཨུཔསངྐམིཏུཾ། སམཎོ ཏྭེཝ གོཏམོ ཨརཧཏི བྷཝནྟཾ ཀཱུཊདནྟཾ དསྶནཱཡ ཨུཔསངྐམིཏུཾ།
‘‘Bhavañhi kūṭadanto ubhato sujāto mātito ca pitito ca saṃsuddhagahaṇiko yāva sattamā pitāmahayugā akkhitto anupakkuṭṭho jātivādena. Yampi bhavaṃ kūṭadanto ubhato sujāto mātito ca pitito ca saṃsuddhagahaṇiko yāva sattamā pitāmahayugā akkhitto anupakkuṭṭho jātivādena, imināpaṅgena na arahati bhavaṃ kūṭadanto samaṇaṃ gotamaṃ dassanāya upasaṅkamituṃ. Samaṇo tveva gotamo arahati bhavantaṃ kūṭadantaṃ dassanāya upasaṅkamituṃ.
‘‘བྷཝཉྷི ཀཱུཊདནྟོ ཨཌྜྷོ མཧདྡྷནོ མཧཱབྷོགོ པཧཱུཏཝིཏྟཱུཔཀརཎོ པཧཱུཏཛཱཏརཱུཔརཛཏོ…པེ॰…
‘‘Bhavañhi kūṭadanto aḍḍho mahaddhano mahābhogo pahūtavittūpakaraṇo pahūtajātarūparajato…pe…
‘‘བྷཝཉྷི ཀཱུཊདནྟོ ཨཛ྄ཛྷཱཡཀོ མནྟདྷརོ ཏིཎྞཾ ཝེདཱནཾ པཱརགཱུ སནིགྷཎྜུཀེཊུབྷཱནཾ སཱཀྑརཔྤབྷེདཱནཾ ཨིཏིཧཱསཔཉྩམཱནཾ པདཀོ ཝེཡྻཱཀརཎོ ལོཀཱཡཏམཧཱཔུརིསལཀྑཎེསུ ཨནཝཡོ…པེ॰…
‘‘Bhavañhi kūṭadanto ajjhāyako mantadharo tiṇṇaṃ vedānaṃ pāragū sanighaṇḍukeṭubhānaṃ sākkharappabhedānaṃ itihāsapañcamānaṃ padako veyyākaraṇo lokāyatamahāpurisalakkhaṇesu anavayo…pe…
‘‘བྷཝཉྷི ཀཱུཊདནྟོ ཨབྷིརཱུཔོ དསྶནཱིཡོ པཱསཱདིཀོ པརམཱཡ ཝཎྞཔོཀྑརཏཱཡ སམནྣཱགཏོ བྲཧྨཝཎྞཱི བྲཧྨཝཙྪསཱི ཨཁུདྡཱཝཀཱསོ དསྶནཱཡ…པེ॰…
‘‘Bhavañhi kūṭadanto abhirūpo dassanīyo pāsādiko paramāya vaṇṇapokkharatāya samannāgato brahmavaṇṇī brahmavacchasī akhuddāvakāso dassanāya…pe…
‘‘བྷཝཉྷི ཀཱུཊདནྟོ སཱིལཝཱ ཝུདྡྷསཱིལཱི ཝུདྡྷསཱིལེན སམནྣཱགཏོ…པེ॰…
‘‘Bhavañhi kūṭadanto sīlavā vuddhasīlī vuddhasīlena samannāgato…pe…
‘‘བྷཝཉྷི ཀཱུཊདནྟོ ཀལྱཱཎཝཱཙོ ཀལྱཱཎཝཱཀྐརཎོ པོརིཡཱ ཝཱཙཱཡ སམནྣཱགཏོ ཝིསྶཊྛཱཡ ཨནེལགལཱཡ ཨཏྠསྶ ཝིཉྙཱཔནིཡཱ…པེ॰…
‘‘Bhavañhi kūṭadanto kalyāṇavāco kalyāṇavākkaraṇo poriyā vācāya samannāgato vissaṭṭhāya anelagalāya atthassa viññāpaniyā…pe…
‘‘བྷཝཉྷི ཀཱུཊདནྟོ བཧཱུནཾ ཨཱཙརིཡཔཱཙརིཡོ ཏཱིཎི མཱཎཝཀསཏཱནི མནྟེ ཝཱཙེཏི, བཧཱུ ཁོ པན ནཱནཱདིསཱ ནཱནཱཛནཔདཱ མཱཎཝཀཱ ཨཱགཙྪནྟི བྷོཏོ ཀཱུཊདནྟསྶ སནྟིཀེ མནྟཏྠིཀཱ མནྟེ ཨདྷིཡིཏུཀཱམཱ…པེ॰…
‘‘Bhavañhi kūṭadanto bahūnaṃ ācariyapācariyo tīṇi māṇavakasatāni mante vāceti, bahū kho pana nānādisā nānājanapadā māṇavakā āgacchanti bhoto kūṭadantassa santike mantatthikā mante adhiyitukāmā…pe…
‘‘བྷཝཉྷི ཀཱུཊདནྟོ ཛིཎྞོ ཝུདྡྷོ མཧལླཀོ ཨདྡྷགཏོ ཝཡོཨནུཔྤཏྟོ། སམཎོ གོཏམོ ཏརུཎོ ཙེཝ ཏརུཎཔབྦཛིཏོ ཙ…པེ॰…
‘‘Bhavañhi kūṭadanto jiṇṇo vuddho mahallako addhagato vayoanuppatto. Samaṇo gotamo taruṇo ceva taruṇapabbajito ca…pe…
‘‘བྷཝཉྷི ཀཱུཊདནྟོ རཉྙོ མཱགདྷསྶ སེནིཡསྶ བིམྦིསཱརསྶ སཀྐཏོ གརུཀཏོ མཱནིཏོ པཱུཛིཏོ ཨཔཙིཏོ…པེ॰…
‘‘Bhavañhi kūṭadanto rañño māgadhassa seniyassa bimbisārassa sakkato garukato mānito pūjito apacito…pe…
‘‘བྷཝཉྷི ཀཱུཊདནྟོ བྲཱཧྨཎསྶ པོཀྑརསཱཏིསྶ སཀྐཏོ གརུཀཏོ མཱནིཏོ པཱུཛིཏོ ཨཔཙིཏོ…པེ॰…
‘‘Bhavañhi kūṭadanto brāhmaṇassa pokkharasātissa sakkato garukato mānito pūjito apacito…pe…
‘‘བྷཝཉྷི ཀཱུཊདནྟོ ཁཱཎུམཏཾ ཨཛ྄ཛྷཱཝསཏི སཏྟུསྶདཾ སཏིཎཀཊྛོདཀཾ སདྷཉྙཾ རཱཛབྷོགྒཾ རཉྙཱ མཱགདྷེན སེནིཡེན བིམྦིསཱརེན དིནྣཾ རཱཛདཱཡཾ བྲཧྨདེཡྻཾ། ཡམྤི བྷཝཾ ཀཱུཊདནྟོ ཁཱཎུམཏཾ ཨཛ྄ཛྷཱཝསཏི སཏྟུསྶདཾ སཏིཎཀཊྛོདཀཾ སདྷཉྙཾ རཱཛབྷོགྒཾ, རཉྙཱ མཱགདྷེན སེནིཡེན བིམྦིསཱརེན དིནྣཾ རཱཛདཱཡཾ བྲཧྨདེཡྻཾ, ཨིམིནཱཔངྒེན ན ཨརཧཏི བྷཝཾ ཀཱུཊདནྟོ སམཎཾ གོཏམཾ དསྶནཱཡ ཨུཔསངྐམིཏུཾ། སམཎོཏྭེཝ གོཏམོ ཨརཧཏི བྷཝནྟཾ ཀཱུཊདནྟཾ དསྶནཱཡ ཨུཔསངྐམིཏུ’’ནྟི།
‘‘Bhavañhi kūṭadanto khāṇumataṃ ajjhāvasati sattussadaṃ satiṇakaṭṭhodakaṃ sadhaññaṃ rājabhoggaṃ raññā māgadhena seniyena bimbisārena dinnaṃ rājadāyaṃ brahmadeyyaṃ. Yampi bhavaṃ kūṭadanto khāṇumataṃ ajjhāvasati sattussadaṃ satiṇakaṭṭhodakaṃ sadhaññaṃ rājabhoggaṃ, raññā māgadhena seniyena bimbisārena dinnaṃ rājadāyaṃ brahmadeyyaṃ, imināpaṅgena na arahati bhavaṃ kūṭadanto samaṇaṃ gotamaṃ dassanāya upasaṅkamituṃ. Samaṇotveva gotamo arahati bhavantaṃ kūṭadantaṃ dassanāya upasaṅkamitu’’nti.
བུདྡྷགུཎཀཐཱ
Buddhaguṇakathā
༣༣༢. ཨེཝཾ ཝུཏྟེ ཀཱུཊདནྟོ བྲཱཧྨཎོ ཏེ བྲཱཧྨཎེ ཨེཏདཝོཙ –
332. Evaṃ vutte kūṭadanto brāhmaṇo te brāhmaṇe etadavoca –
‘‘ཏེན ཧི, བྷོ, མམཔི སུཎཱཐ, ཡཐཱ མཡམེཝ ཨརཧཱམ ཏཾ བྷཝནྟཾ གོཏམཾ དསྶནཱཡ ཨུཔསངྐམིཏུཾ, ན ཏྭེཝ ཨརཧཏི སོ བྷཝཾ གོཏམོ ཨམྷཱཀཾ དསྶནཱཡ ཨུཔསངྐམིཏུཾ། སམཎོ ཁལུ, བྷོ, གོཏམོ ཨུབྷཏོ སུཛཱཏོ མཱཏིཏོ ཙ པིཏིཏོ ཙ སཾསུདྡྷགཧཎིཀོ ཡཱཝ སཏྟམཱ པིཏཱམཧཡུགཱ ཨཀྑིཏྟོ ཨནུཔཀྐུཊྛོ ཛཱཏིཝཱདེན། ཡམྤི, བྷོ, སམཎོ གོཏམོ ཨུབྷཏོ སུཛཱཏོ མཱཏིཏོ ཙ པིཏིཏོ ཙ སཾསུདྡྷགཧཎིཀོ ཡཱཝ སཏྟམཱ པིཏཱམཧཡུགཱ ཨཀྑིཏྟོ ཨནུཔཀྐུཊྛོ ཛཱཏིཝཱདེན, ཨིམིནཱཔངྒེན ན ཨརཧཏི སོ བྷཝཾ གོཏམོ ཨམྷཱཀཾ དསྶནཱཡ ཨུཔསངྐམིཏུཾ། ཨཐ ཁོ མཡམེཝ ཨརཧཱམ ཏཾ བྷཝནྟཾ གོཏམཾ དསྶནཱཡ ཨུཔསངྐམིཏུཾ།
‘‘Tena hi, bho, mamapi suṇātha, yathā mayameva arahāma taṃ bhavantaṃ gotamaṃ dassanāya upasaṅkamituṃ, na tveva arahati so bhavaṃ gotamo amhākaṃ dassanāya upasaṅkamituṃ. Samaṇo khalu, bho, gotamo ubhato sujāto mātito ca pitito ca saṃsuddhagahaṇiko yāva sattamā pitāmahayugā akkhitto anupakkuṭṭho jātivādena. Yampi, bho, samaṇo gotamo ubhato sujāto mātito ca pitito ca saṃsuddhagahaṇiko yāva sattamā pitāmahayugā akkhitto anupakkuṭṭho jātivādena, imināpaṅgena na arahati so bhavaṃ gotamo amhākaṃ dassanāya upasaṅkamituṃ. Atha kho mayameva arahāma taṃ bhavantaṃ gotamaṃ dassanāya upasaṅkamituṃ.
‘‘སམཎོ ཁལུ, བྷོ, གོཏམོ མཧནྟཾ ཉཱཏིསངྒྷཾ ཨོཧཱཡ པབྦཛིཏོ…པེ॰…
‘‘Samaṇo khalu, bho, gotamo mahantaṃ ñātisaṅghaṃ ohāya pabbajito…pe…
‘‘སམཎོ ཁལུ, བྷོ, གོཏམོ པཧཱུཏཾ ཧིརཉྙསུཝཎྞཾ ཨོཧཱཡ པབྦཛིཏོ བྷཱུམིགཏཉྩ ཝེཧཱསཊྛཾ ཙ…པེ॰…
‘‘Samaṇo khalu, bho, gotamo pahūtaṃ hiraññasuvaṇṇaṃ ohāya pabbajito bhūmigatañca vehāsaṭṭhaṃ ca…pe…
‘‘སམཎོ ཁལུ, བྷོ, གོཏམོ དཧརོཝ སམཱནོ ཡུཝཱ སུསུཀཱལ༹ཀེསོ བྷདྲེན ཡོབྦནེན སམནྣཱགཏོ པཋམེན ཝཡསཱ ཨགཱརསྨཱ ཨནགཱརིཡཾ པབྦཛིཏོ…པེ॰…
‘‘Samaṇo khalu, bho, gotamo daharova samāno yuvā susukāḷakeso bhadrena yobbanena samannāgato paṭhamena vayasā agārasmā anagāriyaṃ pabbajito…pe…
‘‘སམཎོ ཁལུ, བྷོ, གོཏམོ ཨཀཱམཀཱནཾ མཱཏཱཔིཏཱུནཾ ཨསྶུམུཁཱནཾ རུདནྟཱནཾ ཀེསམསྶུཾ ཨོཧཱརེཏྭཱ ཀཱསཱཡཱནི ཝཏྠཱནི ཨཙྪཱདེཏྭཱ ཨགཱརསྨཱ ཨནགཱརིཡཾ པབྦཛིཏོ…པེ॰…
‘‘Samaṇo khalu, bho, gotamo akāmakānaṃ mātāpitūnaṃ assumukhānaṃ rudantānaṃ kesamassuṃ ohāretvā kāsāyāni vatthāni acchādetvā agārasmā anagāriyaṃ pabbajito…pe…
‘‘སམཎོ ཁལུ, བྷོ, གོཏམོ ཨབྷིརཱུཔོ དསྶནཱིཡོ པཱསཱདིཀོ པརམཱཡ ཝཎྞཔོཀྑརཏཱཡ སམནྣཱགཏོ བྲཧྨཝཎྞཱི བྲཧྨཝཙྪསཱི ཨཁུདྡཱཝཀཱསོ དསྶནཱཡ …པེ॰…
‘‘Samaṇo khalu, bho, gotamo abhirūpo dassanīyo pāsādiko paramāya vaṇṇapokkharatāya samannāgato brahmavaṇṇī brahmavacchasī akhuddāvakāso dassanāya …pe…
‘‘སམཎོ ཁལུ, བྷོ, གོཏམོ སཱིལཝཱ ཨརིཡསཱིལཱི ཀུསལསཱིལཱི ཀུསལསཱིལེན སམནྣཱགཏོ…པེ॰…
‘‘Samaṇo khalu, bho, gotamo sīlavā ariyasīlī kusalasīlī kusalasīlena samannāgato…pe…
‘‘སམཎོ ཁལུ, བྷོ, གོཏམོ ཀལྱཱཎཝཱཙོ ཀལྱཱཎཝཱཀྐརཎོ པོརིཡཱ ཝཱཙཱཡ སམནྣཱགཏོ ཝིསྶཊྛཱཡ ཨནེལགལཱཡ ཨཏྠསྶ ཝིཉྙཱཔནིཡཱ…པེ॰…
‘‘Samaṇo khalu, bho, gotamo kalyāṇavāco kalyāṇavākkaraṇo poriyā vācāya samannāgato vissaṭṭhāya anelagalāya atthassa viññāpaniyā…pe…
‘‘སམཎོ ཁལུ, བྷོ, གོཏམོ བཧཱུནཾ ཨཱཙརིཡཔཱཙརིཡོ…པེ॰…
‘‘Samaṇo khalu, bho, gotamo bahūnaṃ ācariyapācariyo…pe…
‘‘སམཎོ ཁལུ, བྷོ, གོཏམོ ཁཱིཎཀཱམརཱགོ ཝིགཏཙཱཔལློ…པེ॰…
‘‘Samaṇo khalu, bho, gotamo khīṇakāmarāgo vigatacāpallo…pe…
‘‘སམཎོ ཁལུ, བྷོ, གོཏམོ ཀམྨཝཱདཱི ཀིརིཡཝཱདཱི ཨཔཱཔཔུརེཀྑཱརོ བྲཧྨཉྙཱཡ པཛཱཡ…པེ॰…
‘‘Samaṇo khalu, bho, gotamo kammavādī kiriyavādī apāpapurekkhāro brahmaññāya pajāya…pe…
‘‘སམཎོ ཁལུ, བྷོ, གོཏམོ ཨུཙྩཱ ཀུལཱ པབྦཛིཏོ ཨསམྦྷིནྣཁཏྟིཡཀུལཱ…པེ॰…
‘‘Samaṇo khalu, bho, gotamo uccā kulā pabbajito asambhinnakhattiyakulā…pe…
‘‘སམཎོ ཁལུ, བྷོ, གོཏམོ ཨཌྜྷཱ ཀུལཱ པབྦཛིཏོ མཧདྡྷནཱ མཧཱབྷོགཱ…པེ॰…
‘‘Samaṇo khalu, bho, gotamo aḍḍhā kulā pabbajito mahaddhanā mahābhogā…pe…
‘‘སམཎཾ ཁལུ, བྷོ, གོཏམཾ ཏིརོརཊྛཱ ཏིརོཛནཔདཱ པཉྷཾ པུཙྪིཏུཾ ཨཱགཙྪནྟི…པེ॰…
‘‘Samaṇaṃ khalu, bho, gotamaṃ tiroraṭṭhā tirojanapadā pañhaṃ pucchituṃ āgacchanti…pe…
‘‘སམཎཾ ཁལུ, བྷོ, གོཏམཾ ཨནེཀཱནི དེཝཏཱསཧསྶཱནི པཱཎེཧི སརཎཾ གཏཱནི…པེ॰…
‘‘Samaṇaṃ khalu, bho, gotamaṃ anekāni devatāsahassāni pāṇehi saraṇaṃ gatāni…pe…
‘‘སམཎཾ ཁལུ, བྷོ, གོཏམཾ ཨེཝཾ ཀལྱཱཎོ ཀིཏྟིསདྡོ ཨབྦྷུགྒཏོ – ‘ཨིཏིཔི སོ བྷགཝཱ ཨརཧཾ སམྨཱསམྦུདྡྷོ ཝིཛྫཱཙརཎསམྤནྣོ སུགཏོ ལོཀཝིདཱུ ཨནུཏྟརོ པུརིསདམྨསཱརཐི སཏྠཱ དེཝམནུསྶཱནཾ བུདྡྷོ བྷགཝཱ’ ཏི…པེ॰…
‘‘Samaṇaṃ khalu, bho, gotamaṃ evaṃ kalyāṇo kittisaddo abbhuggato – ‘itipi so bhagavā arahaṃ sammāsambuddho vijjācaraṇasampanno sugato lokavidū anuttaro purisadammasārathi satthā devamanussānaṃ buddho bhagavā’ ti…pe…
‘‘སམཎོ ཁལུ, བྷོ, གོཏམོ དྭཏྟིཾསམཧཱཔུརིསལཀྑཎེཧི སམནྣཱགཏོ…པེ॰…
‘‘Samaṇo khalu, bho, gotamo dvattiṃsamahāpurisalakkhaṇehi samannāgato…pe…
‘‘སམཎོ ཁལུ, བྷོ, གོཏམོ ཨེཧིསྭཱགཏཝཱདཱི སཁིལོ སམྨོདཀོ ཨབྦྷཱཀུཊིཀོ ཨུཏྟཱནམུཁོ པུབྦབྷཱསཱི…པེ॰…
‘‘Samaṇo khalu, bho, gotamo ehisvāgatavādī sakhilo sammodako abbhākuṭiko uttānamukho pubbabhāsī…pe…
‘‘སམཎོ ཁལུ, བྷོ, གོཏམོ ཙཏུནྣཾ པརིསཱནཾ སཀྐཏོ གརུཀཏོ མཱནིཏོ པཱུཛིཏོ ཨཔཙིཏོ…པེ॰…
‘‘Samaṇo khalu, bho, gotamo catunnaṃ parisānaṃ sakkato garukato mānito pūjito apacito…pe…
‘‘སམཎེ ཁལུ, བྷོ, གོཏམེ བཧཱུ དེཝཱ ཙ མནུསྶཱ ཙ ཨབྷིཔྤསནྣཱ…པེ॰…
‘‘Samaṇe khalu, bho, gotame bahū devā ca manussā ca abhippasannā…pe…
‘‘སམཎོ ཁལུ, བྷོ, གོཏམོ ཡསྨིཾ གཱམེ ཝཱ ནིགམེ ཝཱ པཊིཝསཏི ན ཏསྨིཾ གཱམེ ཝཱ ནིགམེ ཝཱ ཨམནུསྶཱ མནུསྶེ ཝིཧེཋེནྟི…པེ॰…
‘‘Samaṇo khalu, bho, gotamo yasmiṃ gāme vā nigame vā paṭivasati na tasmiṃ gāme vā nigame vā amanussā manusse viheṭhenti…pe…
‘‘སམཎོ ཁལུ, བྷོ, གོཏམོ སངྒྷཱི གཎཱི གཎཱཙརིཡོ པུཐུཏིཏྠཀརཱནཾ ཨགྒམཀྑཱཡཏི, ཡཐཱ ཁོ པན, བྷོ, ཨེཏེསཾ སམཎབྲཱཧྨཎཱནཾ ཡཐཱ ཝཱ ཏཐཱ ཝཱ ཡསོ སམུདཱགཙྪཏི, ན ཧེཝཾ སམཎསྶ གོཏམསྶ ཡསོ སམུདཱགཏོ། ཨཐ ཁོ ཨནུཏྟརཱཡ ཝིཛྫཱཙརཎསམྤདཱཡ སམཎསྶ གོཏམསྶ ཡསོ སམུདཱགཏོ…པེ॰…
‘‘Samaṇo khalu, bho, gotamo saṅghī gaṇī gaṇācariyo puthutitthakarānaṃ aggamakkhāyati, yathā kho pana, bho, etesaṃ samaṇabrāhmaṇānaṃ yathā vā tathā vā yaso samudāgacchati, na hevaṃ samaṇassa gotamassa yaso samudāgato. Atha kho anuttarāya vijjācaraṇasampadāya samaṇassa gotamassa yaso samudāgato…pe…
‘‘སམཎཾ ཁལུ, བྷོ, གོཏམཾ རཱཛཱ མཱགདྷོ སེནིཡོ བིམྦིསཱརོ སཔུཏྟོ སབྷརིཡོ སཔརིསོ སཱམཙྩོ པཱཎེཧི སརཎཾ གཏོ…པེ॰…
‘‘Samaṇaṃ khalu, bho, gotamaṃ rājā māgadho seniyo bimbisāro saputto sabhariyo sapariso sāmacco pāṇehi saraṇaṃ gato…pe…
‘‘སམཎཾ ཁལུ, བྷོ, གོཏམཾ རཱཛཱ པསེནདི ཀོསལོ སཔུཏྟོ སབྷརིཡོ སཔརིསོ སཱམཙྩོ པཱཎེཧི སརཎཾ གཏོ…པེ॰…
‘‘Samaṇaṃ khalu, bho, gotamaṃ rājā pasenadi kosalo saputto sabhariyo sapariso sāmacco pāṇehi saraṇaṃ gato…pe…
‘‘སམཎཾ ཁལུ, བྷོ, གོཏམཾ བྲཱཧྨཎོ པོཀྑརསཱཏི སཔུཏྟོ སབྷརིཡོ སཔརིསོ སཱམཙྩོ པཱཎེཧི སརཎཾ གཏོ…པེ॰…
‘‘Samaṇaṃ khalu, bho, gotamaṃ brāhmaṇo pokkharasāti saputto sabhariyo sapariso sāmacco pāṇehi saraṇaṃ gato…pe…
‘‘སམཎོ ཁལུ, བྷོ, གོཏམོ རཉྙོ མཱགདྷསྶ སེནིཡསྶ བིམྦིསཱརསྶ སཀྐཏོ གརུཀཏོ མཱནིཏོ པཱུཛིཏོ ཨཔཙིཏོ…པེ॰…
‘‘Samaṇo khalu, bho, gotamo rañño māgadhassa seniyassa bimbisārassa sakkato garukato mānito pūjito apacito…pe…
‘‘སམཎོ ཁལུ, བྷོ, གོཏམོ རཉྙོ པསེནདིསྶ ཀོསལསྶ སཀྐཏོ གརུཀཏོ མཱནིཏོ པཱུཛིཏོ ཨཔཙིཏོ…པེ॰…
‘‘Samaṇo khalu, bho, gotamo rañño pasenadissa kosalassa sakkato garukato mānito pūjito apacito…pe…
‘‘སམཎོ ཁལུ, བྷོ, གོཏམོ བྲཱཧྨཎསྶ པོཀྑརསཱཏིསྶ སཀྐཏོ གརུཀཏོ མཱནིཏོ པཱུཛིཏོ ཨཔཙིཏོ…པེ॰…
‘‘Samaṇo khalu, bho, gotamo brāhmaṇassa pokkharasātissa sakkato garukato mānito pūjito apacito…pe…
‘‘སམཎོ ཁལུ, བྷོ, གོཏམོ ཁཱཎུམཏཾ ཨནུཔྤཏྟོ ཁཱཎུམཏེ ཝིཧརཏི ཨམྦལཊྛིཀཱཡཾ། ཡེ ཁོ པན, བྷོ, ཀེཙི སམཎཱ ཝཱ བྲཱཧྨཎཱ ཝཱ ཨམྷཱཀཾ གཱམཁེཏྟཾ ཨཱགཙྪནྟི, ཨཏིཐཱི ནོ ཏེ ཧོནྟི། ཨཏིཐཱི ཁོ པནམྷེཧི སཀྐཱཏབྦཱ གརུཀཱཏབྦཱ མཱནེཏབྦཱ པཱུཛེཏབྦཱ ཨཔཙེཏབྦཱ། ཡམྤི, བྷོ, སམཎོ གོཏམོ ཁཱཎུམཏཾ ཨནུཔྤཏྟོ ཁཱཎུམཏེ ཝིཧརཏི ཨམྦལཊྛིཀཱཡཾ, ཨཏིཐིམྷཱཀཾ སམཎོ གོཏམོ། ཨཏིཐི ཁོ པནམྷེཧི སཀྐཱཏབྦོ གརུཀཱཏབྦོ མཱནེཏབྦོ པཱུཛེཏབྦོ ཨཔཙེཏབྦོ། ཨིམིནཱཔངྒེན ནཱརཧཏི སོ བྷཝཾ གོཏམོ ཨམྷཱཀཾ དསྶནཱཡ ཨུཔསངྐམིཏུཾ། ཨཐ ཁོ མཡམེཝ ཨརཧཱམ ཏཾ བྷཝནྟཾ གོཏམཾ དསྶནཱཡ ཨུཔསངྐམིཏུཾ། ཨེཏྟཀེ ཁོ ཨཧཾ, བྷོ, ཏསྶ བྷོཏོ གོཏམསྶ ཝཎྞེ པརིཡཱཔུཎཱམི, ནོ ཙ ཁོ སོ བྷཝཾ གོཏམོ ཨེཏྟཀཝཎྞོ། ཨཔརིམཱཎཝཎྞོ ཧི སོ བྷཝཾ གོཏམོ’’ཏི།
‘‘Samaṇo khalu, bho, gotamo khāṇumataṃ anuppatto khāṇumate viharati ambalaṭṭhikāyaṃ. Ye kho pana, bho, keci samaṇā vā brāhmaṇā vā amhākaṃ gāmakhettaṃ āgacchanti, atithī no te honti. Atithī kho panamhehi sakkātabbā garukātabbā mānetabbā pūjetabbā apacetabbā. Yampi, bho, samaṇo gotamo khāṇumataṃ anuppatto khāṇumate viharati ambalaṭṭhikāyaṃ, atithimhākaṃ samaṇo gotamo. Atithi kho panamhehi sakkātabbo garukātabbo mānetabbo pūjetabbo apacetabbo. Imināpaṅgena nārahati so bhavaṃ gotamo amhākaṃ dassanāya upasaṅkamituṃ. Atha kho mayameva arahāma taṃ bhavantaṃ gotamaṃ dassanāya upasaṅkamituṃ. Ettake kho ahaṃ, bho, tassa bhoto gotamassa vaṇṇe pariyāpuṇāmi, no ca kho so bhavaṃ gotamo ettakavaṇṇo. Aparimāṇavaṇṇo hi so bhavaṃ gotamo’’ti.
༣༣༣. ཨེཝཾ ཝུཏྟེ, ཏེ བྲཱཧྨཎཱ ཀཱུཊདནྟཾ བྲཱཧྨཎཾ ཨེཏདཝོཙུཾ – ‘‘ཡཐཱ ཁོ བྷཝཾ ཀཱུཊདནྟོ སམཎསྶ གོཏམསྶ ཝཎྞེ བྷཱསཏི, ཨིཏོ ཙེཔི སོ བྷཝཾ གོཏམོ ཡོཛནསཏེ ཝིཧརཏི, ཨལམེཝ སདྡྷེན ཀུལཔུཏྟེན དསྶནཱཡ ཨུཔསངྐམིཏུཾ ཨཔི པུཊོསེནཱ’’ཏི། ‘‘ཏེན ཧི, བྷོ, སབྦེཝ མཡཾ སམཎཾ གོཏམཾ དསྶནཱཡ ཨུཔསངྐམིསྶཱམཱ’’ཏི།
333. Evaṃ vutte, te brāhmaṇā kūṭadantaṃ brāhmaṇaṃ etadavocuṃ – ‘‘yathā kho bhavaṃ kūṭadanto samaṇassa gotamassa vaṇṇe bhāsati, ito cepi so bhavaṃ gotamo yojanasate viharati, alameva saddhena kulaputtena dassanāya upasaṅkamituṃ api puṭosenā’’ti. ‘‘Tena hi, bho, sabbeva mayaṃ samaṇaṃ gotamaṃ dassanāya upasaṅkamissāmā’’ti.
མཧཱཝིཛིཏརཱཛཡཉྙཀཐཱ
Mahāvijitarājayaññakathā
༣༣༤. ཨཐ ཁོ ཀཱུཊདནྟོ བྲཱཧྨཎོ མཧཏཱ བྲཱཧྨཎགཎེན སདྡྷིཾ ཡེན ཨམྦལཊྛིཀཱ ཡེན བྷགཝཱ ཏེནུཔསངྐམི, ཨུཔསངྐམིཏྭཱ བྷགཝཏཱ སདྡྷིཾ སམྨོདི ། སམྨོདནཱིཡཾ ཀཐཾ སཱརཎཱིཡཾ ཝཱིཏིསཱརེཏྭཱ ཨེཀམནྟཾ ནིསཱིདི། ཁཱཎུམཏཀཱཔི ཁོ བྲཱཧྨཎགཧཔཏིཀཱ ཨཔྤེཀཙྩེ བྷགཝནྟཾ ཨབྷིཝཱདེཏྭཱ ཨེཀམནྟཾ ནིསཱིདིཾསུ; ཨཔྤེཀཙྩེ བྷགཝཏཱ སདྡྷིཾ སམྨོདིཾསུ, སམྨོདནཱིཡཾ ཀཐཾ སཱརཎཱིཡཾ ཝཱིཏིསཱརེཏྭཱ ཨེཀམནྟཾ ནིསཱིདིཾསུ; ཨཔྤེཀཙྩེ ཡེན བྷགཝཱ ཏེནཉྫལིཾ པཎཱམེཏྭཱ ཨེཀམནྟཾ ནིསཱིདིཾསུ; ཨཔྤེཀཙྩེ ནཱམགོཏྟཾ སཱཝེཏྭཱ ཨེཀམནྟཾ ནིསཱིདིཾསུ; ཨཔྤེཀཙྩེ ཏུཎྷཱིབྷཱུཏཱ ཨེཀམནྟཾ ནིསཱིདིཾསུ།
334. Atha kho kūṭadanto brāhmaṇo mahatā brāhmaṇagaṇena saddhiṃ yena ambalaṭṭhikā yena bhagavā tenupasaṅkami, upasaṅkamitvā bhagavatā saddhiṃ sammodi . Sammodanīyaṃ kathaṃ sāraṇīyaṃ vītisāretvā ekamantaṃ nisīdi. Khāṇumatakāpi kho brāhmaṇagahapatikā appekacce bhagavantaṃ abhivādetvā ekamantaṃ nisīdiṃsu; appekacce bhagavatā saddhiṃ sammodiṃsu, sammodanīyaṃ kathaṃ sāraṇīyaṃ vītisāretvā ekamantaṃ nisīdiṃsu; appekacce yena bhagavā tenañjaliṃ paṇāmetvā ekamantaṃ nisīdiṃsu; appekacce nāmagottaṃ sāvetvā ekamantaṃ nisīdiṃsu; appekacce tuṇhībhūtā ekamantaṃ nisīdiṃsu.
༣༣༥. ཨེཀམནྟཾ ནིསིནྣོ ཁོ ཀཱུཊདནྟོ བྲཱཧྨཎོ བྷགཝནྟཾ ཨེཏདཝོཙ – ‘‘སུཏཾ མེཏཾ, བྷོ གོཏམ – ‘སམཎོ གོཏམོ ཏིཝིདྷཾ ཡཉྙསམྤདཾ སོལ༹སཔརིཀྑཱརཾ ཛཱནཱཏཱི’ཏི། ན ཁོ པནཱཧཾ ཛཱནཱམི ཏིཝིདྷཾ ཡཉྙསམྤདཾ སོལ༹སཔརིཀྑཱརཾ། ཨིཙྪཱམི ཙཱཧཾ མཧཱཡཉྙཾ ཡཛིཏུཾ། སཱདྷུ མེ བྷཝཾ གོཏམོ ཏིཝིདྷཾ ཡཉྙསམྤདཾ སོལ༹སཔརིཀྑཱརཾ དེསེཏཱུ’’ཏི།
335. Ekamantaṃ nisinno kho kūṭadanto brāhmaṇo bhagavantaṃ etadavoca – ‘‘sutaṃ metaṃ, bho gotama – ‘samaṇo gotamo tividhaṃ yaññasampadaṃ soḷasaparikkhāraṃ jānātī’ti. Na kho panāhaṃ jānāmi tividhaṃ yaññasampadaṃ soḷasaparikkhāraṃ. Icchāmi cāhaṃ mahāyaññaṃ yajituṃ. Sādhu me bhavaṃ gotamo tividhaṃ yaññasampadaṃ soḷasaparikkhāraṃ desetū’’ti.
༣༣༦. ‘‘ཏེན ཧི, བྲཱཧྨཎ, སུཎཱཧི སཱདྷུཀཾ མནསིཀརོཧི, བྷཱསིསྶཱམཱི’’ཏི། ‘‘ཨེཝཾ, བྷོ’’ཏི ཁོ ཀཱུཊདནྟོ བྲཱཧྨཎོ བྷགཝཏོ པཙྩསྶོསི། བྷགཝཱ ཨེཏདཝོཙ – ‘‘བྷཱུཏཔུབྦཾ, བྲཱཧྨཎ , རཱཛཱ མཧཱཝིཛིཏོ ནཱམ ཨཧོསི ཨཌྜྷོ མཧདྡྷནོ མཧཱབྷོགོ པཧཱུཏཛཱཏརཱུཔརཛཏོ པཧཱུཏཝིཏྟཱུཔཀརཎོ པཧཱུཏདྷནདྷཉྙོ པརིཔུཎྞཀོསཀོཊྛཱགཱརོ། ཨཐ ཁོ, བྲཱཧྨཎ, རཉྙོ མཧཱཝིཛིཏསྶ རཧོགཏསྶ པཊིསལླཱིནསྶ ཨེཝཾ ཙེཏསོ པརིཝིཏཀྐོ ཨུདཔཱདི – ‘ཨདྷིགཏཱ ཁོ མེ ཝིཔུལཱ མཱནུསཀཱ བྷོགཱ, མཧནྟཾ པཐཝིམཎྜལཾ ཨབྷིཝིཛིཡ ཨཛ྄ཛྷཱཝསཱམི , ཡཾནཱུནཱཧཾ མཧཱཡཉྙཾ ཡཛེཡྻཾ, ཡཾ མམ ཨསྶ དཱིགྷརཏྟཾ ཧིཏཱཡ སུཁཱཡཱ’ཏི།
336. ‘‘Tena hi, brāhmaṇa, suṇāhi sādhukaṃ manasikarohi, bhāsissāmī’’ti. ‘‘Evaṃ, bho’’ti kho kūṭadanto brāhmaṇo bhagavato paccassosi. Bhagavā etadavoca – ‘‘bhūtapubbaṃ, brāhmaṇa , rājā mahāvijito nāma ahosi aḍḍho mahaddhano mahābhogo pahūtajātarūparajato pahūtavittūpakaraṇo pahūtadhanadhañño paripuṇṇakosakoṭṭhāgāro. Atha kho, brāhmaṇa, rañño mahāvijitassa rahogatassa paṭisallīnassa evaṃ cetaso parivitakko udapādi – ‘adhigatā kho me vipulā mānusakā bhogā, mahantaṃ pathavimaṇḍalaṃ abhivijiya ajjhāvasāmi , yaṃnūnāhaṃ mahāyaññaṃ yajeyyaṃ, yaṃ mama assa dīgharattaṃ hitāya sukhāyā’ti.
༣༣༧. ‘‘ཨཐ ཁོ, བྲཱཧྨཎ, རཱཛཱ མཧཱཝིཛིཏོ པུརོཧིཏཾ བྲཱཧྨཎཾ ཨཱམནྟེཏྭཱ ཨེཏདཝོཙ – ‘ཨིདྷ མཡ྄ཧཾ, བྲཱཧྨཎ, རཧོགཏསྶ པཊིསལླཱིནསྶ ཨེཝཾ ཙེཏསོ པརིཝིཏཀྐོ ཨུདཔཱདི – ཨདྷིགཏཱ ཁོ མེ ཝིཔུལཱ མཱནུསཀཱ བྷོགཱ , མཧནྟཾ པཐཝིམཎྜལཾ ཨབྷིཝིཛིཡ ཨཛ྄ཛྷཱཝསཱམི། ཡཾནཱུནཱཧཾ མཧཱཡཉྙཾ ཡཛེཡྻཾ ཡཾ མམ ཨསྶ དཱིགྷརཏྟཾ ཧིཏཱཡ སུཁཱཡཱ’ཏི། ཨིཙྪཱམཧཾ, བྲཱཧྨཎ, མཧཱཡཉྙཾ ཡཛིཏུཾ། ཨནུསཱསཏུ མཾ བྷཝཾ ཡཾ མམ ཨསྶ དཱིགྷརཏྟཾ ཧིཏཱཡ སུཁཱཡཱ’’’ཏི།
337. ‘‘Atha kho, brāhmaṇa, rājā mahāvijito purohitaṃ brāhmaṇaṃ āmantetvā etadavoca – ‘idha mayhaṃ, brāhmaṇa, rahogatassa paṭisallīnassa evaṃ cetaso parivitakko udapādi – adhigatā kho me vipulā mānusakā bhogā , mahantaṃ pathavimaṇḍalaṃ abhivijiya ajjhāvasāmi. Yaṃnūnāhaṃ mahāyaññaṃ yajeyyaṃ yaṃ mama assa dīgharattaṃ hitāya sukhāyā’ti. Icchāmahaṃ, brāhmaṇa, mahāyaññaṃ yajituṃ. Anusāsatu maṃ bhavaṃ yaṃ mama assa dīgharattaṃ hitāya sukhāyā’’’ti.
༣༣༨. ‘‘ཨེཝཾ ཝུཏྟེ, བྲཱཧྨཎ, པུརོཧིཏོ བྲཱཧྨཎོ རཱཛཱནཾ མཧཱཝིཛིཏཾ ཨེཏདཝོཙ – ‘བྷོཏོ ཁོ རཉྙོ ཛནཔདོ སཀཎྚཀོ སཨུཔྤཱིལོ༹, གཱམགྷཱཏཱཔི དིསྶནྟི, ནིགམགྷཱཏཱཔི དིསྶནྟི, ནགརགྷཱཏཱཔི དིསྶནྟི , པནྠདུཧནཱཔི དིསྶནྟི། བྷཝཾ ཁོ པན རཱཛཱ ཨེཝཾ སཀཎྚཀེ ཛནཔདེ སཨུཔྤཱིལེ༹ བལིམུདྡྷརེཡྻ, ཨཀིཙྩཀཱརཱི ཨསྶ ཏེན བྷཝཾ རཱཛཱ། སིཡཱ ཁོ པན བྷོཏོ རཉྙོ ཨེཝམསྶ – ‘‘ཨཧམེཏཾ དསྶུཁཱིལཾ ཝདྷེན ཝཱ བནྡྷེན ཝཱ ཛཱནིཡཱ ཝཱ གརཧཱཡ ཝཱ པབྦཱཛནཱཡ ཝཱ སམཱུཧནིསྶཱམཱི’’ཏི, ན ཁོ པནེཏསྶ དསྶུཁཱིལསྶ ཨེཝཾ སམྨཱ སམུགྒྷཱཏོ ཧོཏི། ཡེ ཏེ ཧཏཱཝསེསཀཱ བྷཝིསྶནྟི, ཏེ པཙྪཱ རཉྙོ ཛནཔདཾ ཝིཧེཋེསྶནྟི། ཨཔི ཙ ཁོ ཨིདཾ སཾཝིདྷཱནཾ ཨཱགམྨ ཨེཝམེཏསྶ དསྶུཁཱིལསྶ སམྨཱ སམུགྒྷཱཏོ ཧོཏི། ཏེན ཧི བྷཝཾ རཱཛཱ ཡེ བྷོཏོ རཉྙོ ཛནཔདེ ཨུསྶཧནྟི ཀསིགོརཀྑེ, ཏེསཾ བྷཝཾ རཱཛཱ བཱིཛབྷཏྟཾ ཨནུཔྤདེཏུ། ཡེ བྷོཏོ རཉྙོ ཛནཔདེ ཨུསྶཧནྟི ཝཱཎིཛྫཱཡ, ཏེསཾ བྷཝཾ རཱཛཱ པཱབྷཏཾ ཨནུཔྤདེཏུ། ཡེ བྷོཏོ རཉྙོ ཛནཔདེ ཨུསྶཧནྟི རཱཛཔོརིསེ, ཏེསཾ བྷཝཾ རཱཛཱ བྷཏྟཝེཏནཾ པཀཔྤེཏུ། ཏེ ཙ མནུསྶཱ སཀམྨཔསུཏཱ རཉྙོ ཛནཔདཾ ན ཝིཧེཋེསྶནྟི; མཧཱ ཙ རཉྙོ རཱསིཀོ བྷཝིསྶཏི། ཁེམཊྛིཏཱ ཛནཔདཱ ཨཀཎྚཀཱ ཨནུཔྤཱིལཱ༹། མནུསྶཱ མུདཱ མོདམཱནཱ ཨུརེ པུཏྟེ ནཙྩེནྟཱ ཨཔཱརུཏགྷརཱ མཉྙེ ཝིཧརིསྶནྟཱི’ཏི། ‘ཨེཝཾ, བྷོ’ཏི ཁོ, བྲཱཧྨཎ, རཱཛཱ མཧཱཝིཛིཏོ པུརོཧིཏསྶ བྲཱཧྨཎསྶ པཊིསྶུཏྭཱ ཡེ རཉྙོ ཛནཔདེ ཨུསྶཧིཾསུ ཀསིགོརཀྑེ, ཏེསཾ རཱཛཱ མཧཱཝིཛིཏོ བཱིཛབྷཏྟཾ ཨནུཔྤདཱསི། ཡེ ཙ རཉྙོ ཛནཔདེ ཨུསྶཧིཾསུ ཝཱཎིཛྫཱཡ, ཏེསཾ རཱཛཱ མཧཱཝིཛིཏོ པཱབྷཏཾ ཨནུཔྤདཱསི། ཡེ ཙ རཉྙོ ཛནཔདེ ཨུསྶཧིཾསུ རཱཛཔོརིསེ, ཏེསཾ རཱཛཱ མཧཱཝིཛིཏོ བྷཏྟཝེཏནཾ པཀཔྤེསི། ཏེ ཙ མནུསྶཱ སཀམྨཔསུཏཱ རཉྙོ ཛནཔདཾ ན ཝིཧེཋིཾསུ, མཧཱ ཙ རཉྙོ རཱསིཀོ ཨཧོསི། ཁེམཊྛིཏཱ ཛནཔདཱ ཨཀཎྚཀཱ ཨནུཔྤཱིལཱ༹ མནུསྶཱ མུདཱ མོདམཱནཱ ཨུརེ པུཏྟེ ནཙྩེནྟཱ ཨཔཱརུཏགྷརཱ མཉྙེ ཝིཧརིཾསུ། ཨཐ ཁོ, བྲཱཧྨཎ, རཱཛཱ མཧཱཝིཛིཏོ པུརོཧིཏཾ བྲཱཧྨཎཾ ཨཱམནྟེཏྭཱ ཨེཏདཝོཙ – ‘སམཱུཧཏོ ཁོ མེ བྷོཏོ དསྶུཁཱིལོ, བྷོཏོ སཾཝིདྷཱནཾ ཨཱགམྨ མཧཱ ཙ མེ རཱསིཀོ། ཁེམཊྛིཏཱ ཛནཔདཱ ཨཀཎྚཀཱ ཨནུཔྤཱིལཱ༹ མནུསྶཱ མུདཱ མོདམཱནཱ ཨུརེ པུཏྟེ ནཙྩེནྟཱ ཨཔཱརུཏགྷརཱ མཉྙེ ཝིཧརནྟི། ཨིཙྪཱམཧཾ བྲཱཧྨཎ མཧཱཡཉྙཾ ཡཛིཏུཾ། ཨནུསཱསཏུ མཾ བྷཝཾ ཡཾ མམ ཨསྶ དཱིགྷརཏྟཾ ཧིཏཱཡ སུཁཱཡཱ’ཏི།
338. ‘‘Evaṃ vutte, brāhmaṇa, purohito brāhmaṇo rājānaṃ mahāvijitaṃ etadavoca – ‘bhoto kho rañño janapado sakaṇṭako sauppīḷo, gāmaghātāpi dissanti, nigamaghātāpi dissanti, nagaraghātāpi dissanti , panthaduhanāpi dissanti. Bhavaṃ kho pana rājā evaṃ sakaṇṭake janapade sauppīḷe balimuddhareyya, akiccakārī assa tena bhavaṃ rājā. Siyā kho pana bhoto rañño evamassa – ‘‘ahametaṃ dassukhīlaṃ vadhena vā bandhena vā jāniyā vā garahāya vā pabbājanāya vā samūhanissāmī’’ti, na kho panetassa dassukhīlassa evaṃ sammā samugghāto hoti. Ye te hatāvasesakā bhavissanti, te pacchā rañño janapadaṃ viheṭhessanti. Api ca kho idaṃ saṃvidhānaṃ āgamma evametassa dassukhīlassa sammā samugghāto hoti. Tena hi bhavaṃ rājā ye bhoto rañño janapade ussahanti kasigorakkhe, tesaṃ bhavaṃ rājā bījabhattaṃ anuppadetu. Ye bhoto rañño janapade ussahanti vāṇijjāya, tesaṃ bhavaṃ rājā pābhataṃ anuppadetu. Ye bhoto rañño janapade ussahanti rājaporise, tesaṃ bhavaṃ rājā bhattavetanaṃ pakappetu. Te ca manussā sakammapasutā rañño janapadaṃ na viheṭhessanti; mahā ca rañño rāsiko bhavissati. Khemaṭṭhitā janapadā akaṇṭakā anuppīḷā. Manussā mudā modamānā ure putte naccentā apārutagharā maññe viharissantī’ti. ‘Evaṃ, bho’ti kho, brāhmaṇa, rājā mahāvijito purohitassa brāhmaṇassa paṭissutvā ye rañño janapade ussahiṃsu kasigorakkhe, tesaṃ rājā mahāvijito bījabhattaṃ anuppadāsi. Ye ca rañño janapade ussahiṃsu vāṇijjāya, tesaṃ rājā mahāvijito pābhataṃ anuppadāsi. Ye ca rañño janapade ussahiṃsu rājaporise, tesaṃ rājā mahāvijito bhattavetanaṃ pakappesi. Te ca manussā sakammapasutā rañño janapadaṃ na viheṭhiṃsu, mahā ca rañño rāsiko ahosi. Khemaṭṭhitā janapadā akaṇṭakā anuppīḷā manussā mudā modamānā ure putte naccentā apārutagharā maññe vihariṃsu. Atha kho, brāhmaṇa, rājā mahāvijito purohitaṃ brāhmaṇaṃ āmantetvā etadavoca – ‘samūhato kho me bhoto dassukhīlo, bhoto saṃvidhānaṃ āgamma mahā ca me rāsiko. Khemaṭṭhitā janapadā akaṇṭakā anuppīḷā manussā mudā modamānā ure putte naccentā apārutagharā maññe viharanti. Icchāmahaṃ brāhmaṇa mahāyaññaṃ yajituṃ. Anusāsatu maṃ bhavaṃ yaṃ mama assa dīgharattaṃ hitāya sukhāyā’ti.
ཙཏུཔརིཀྑཱརཾ
Catuparikkhāraṃ
༣༣༩. ‘‘ཏེན ཧི བྷཝཾ རཱཛཱ ཡེ བྷོཏོ རཉྙོ ཛནཔདེ ཁཏྟིཡཱ ཨཱནུཡནྟཱ ནེགམཱ ཙེཝ ཛཱནཔདཱ ཙ ཏེ བྷཝཾ རཱཛཱ ཨཱམནྟཡཏཾ – ‘ཨིཙྪཱམཧཾ, བྷོ, མཧཱཡཉྙཾ ཡཛིཏུཾ, ཨནུཛཱནནྟུ མེ བྷཝནྟོ ཡཾ མམ ཨསྶ དཱིགྷརཏྟཾ ཧིཏཱཡ སུཁཱཡཱ’ཏི། ཡེ བྷོཏོ རཉྙོ ཛནཔདེ ཨམཙྩཱ པཱརིསཛྫཱ ནེགམཱ ཙེཝ ཛཱནཔདཱ ཙ…པེ॰… བྲཱཧྨཎམཧཱསཱལཱ ནེགམཱ ཙེཝ ཛཱནཔདཱ ཙ…པེ॰… གཧཔཏིནེཙཡིཀཱ ནེགམཱ ཙེཝ ཛཱནཔདཱ ཙ, ཏེ བྷཝཾ རཱཛཱ ཨཱམནྟཡཏཾ – ‘ཨིཙྪཱམཧཾ, བྷོ, མཧཱཡཉྙཾ ཡཛིཏུཾ, ཨནུཛཱནནྟུ མེ བྷཝནྟོ ཡཾ མམ ཨསྶ དཱིགྷརཏྟཾ ཧིཏཱཡ སུཁཱཡཱ’ཏི། ‘ཨེཝཾ, བྷོ’ཏི ཁོ, བྲཱཧྨཎ, རཱཛཱ མཧཱཝིཛིཏོ པུརོཧིཏསྶ བྲཱཧྨཎསྶ པཊིསྶུཏྭཱ ཡེ རཉྙོ ཛནཔདེ ཁཏྟིཡཱ ཨཱནུཡནྟཱ ནེགམཱ ཙེཝ ཛཱནཔདཱ ཙ, ཏེ རཱཛཱ མཧཱཝིཛིཏོ ཨཱམནྟེསི – ‘ཨིཙྪཱམཧཾ, བྷོ, མཧཱཡཉྙཾ ཡཛིཏུཾ, ཨནུཛཱནནྟུ མེ བྷཝནྟོ ཡཾ མམ ཨསྶ དཱིགྷརཏྟཾ ཧིཏཱཡ སུཁཱཡཱ’’ཏི། ‘ཡཛཏཾ བྷཝཾ རཱཛཱ ཡཉྙཾ, ཡཉྙཀཱལོ མཧཱརཱཛཱ’ཏི། ཡེ རཉྙོ ཛནཔདེ ཨམཙྩཱ པཱརིསཛྫཱ ནེགམཱ ཙེཝ ཛཱནཔདཱ ཙ…པེ॰… བྲཱཧྨཎམཧཱསཱལཱ ནེགམཱ ཙེཝ ཛཱནཔདཱ ཙ…པེ॰… གཧཔཏིནེཙཡིཀཱ ནེགམཱ ཙེཝ ཛཱནཔདཱ ཙ, ཏེ རཱཛཱ མཧཱཝིཛིཏོ ཨཱམནྟེསི – ‘ཨིཙྪཱམཧཾ, བྷོ , མཧཱཡཉྙཾ ཡཛིཏུཾ། ཨནུཛཱནནྟུ མེ བྷཝནྟོ ཡཾ མམ ཨསྶ དཱིགྷརཏྟཾ ཧིཏཱཡ སུཁཱཡཱ’ཏི། ‘ཡཛཏཾ བྷཝཾ རཱཛཱ ཡཉྙཾ, ཡཉྙཀཱལོ མཧཱརཱཛཱ’ཏི། ཨིཏིམེ ཙཏྟཱརོ ཨནུམཏིཔཀྑཱ ཏསྶེཝ ཡཉྙསྶ པརིཀྑཱརཱ བྷཝནྟི།
339. ‘‘Tena hi bhavaṃ rājā ye bhoto rañño janapade khattiyā ānuyantā negamā ceva jānapadā ca te bhavaṃ rājā āmantayataṃ – ‘icchāmahaṃ, bho, mahāyaññaṃ yajituṃ, anujānantu me bhavanto yaṃ mama assa dīgharattaṃ hitāya sukhāyā’ti. Ye bhoto rañño janapade amaccā pārisajjā negamā ceva jānapadā ca…pe… brāhmaṇamahāsālā negamā ceva jānapadā ca…pe… gahapatinecayikā negamā ceva jānapadā ca, te bhavaṃ rājā āmantayataṃ – ‘icchāmahaṃ, bho, mahāyaññaṃ yajituṃ, anujānantu me bhavanto yaṃ mama assa dīgharattaṃ hitāya sukhāyā’ti. ‘Evaṃ, bho’ti kho, brāhmaṇa, rājā mahāvijito purohitassa brāhmaṇassa paṭissutvā ye rañño janapade khattiyā ānuyantā negamā ceva jānapadā ca, te rājā mahāvijito āmantesi – ‘icchāmahaṃ, bho, mahāyaññaṃ yajituṃ, anujānantu me bhavanto yaṃ mama assa dīgharattaṃ hitāya sukhāyā’’ti. ‘Yajataṃ bhavaṃ rājā yaññaṃ, yaññakālo mahārājā’ti. Ye rañño janapade amaccā pārisajjā negamā ceva jānapadā ca…pe… brāhmaṇamahāsālā negamā ceva jānapadā ca…pe… gahapatinecayikā negamā ceva jānapadā ca, te rājā mahāvijito āmantesi – ‘icchāmahaṃ, bho , mahāyaññaṃ yajituṃ. Anujānantu me bhavanto yaṃ mama assa dīgharattaṃ hitāya sukhāyā’ti. ‘Yajataṃ bhavaṃ rājā yaññaṃ, yaññakālo mahārājā’ti. Itime cattāro anumatipakkhā tasseva yaññassa parikkhārā bhavanti.
ཨཊྛ པརིཀྑཱརཱ
Aṭṭha parikkhārā
༣༤༠. ‘‘རཱཛཱ མཧཱཝིཛིཏོ ཨཊྛཧངྒེཧི སམནྣཱགཏོ, ཨུབྷཏོ སུཛཱཏོ མཱཏིཏོ ཙ པིཏིཏོ ཙ སཾསུདྡྷགཧཎིཀོ ཡཱཝ སཏྟམཱ པིཏཱམཧཡུགཱ ཨཀྑིཏྟོ ཨནུཔཀྐུཊྛོ ཛཱཏིཝཱདེན ཨབྷིརཱུཔོ དསྶནཱིཡོ པཱསཱདིཀོ པརམཱཡ ཝཎྞཔོཀྑརཏཱཡ སམནྣཱགཏོ བྲཧྨཝཎྞཱི བྲཧྨཝཙྪསཱི ཨཁུདྡཱཝཀཱསོ དསྶནཱཡ; ཨཌྜྷོ མཧདྡྷནོ མཧཱབྷོགོ པཧཱུཏཛཱཏརཱུཔརཛཏོ པཧཱུཏཝིཏྟཱུཔཀརཎོ པཧཱུཏདྷནདྷཉྙོ པརིཔུཎྞཀོསཀོཊྛཱགཱརོ; བལཝཱ ཙཏུརངྒིནིཡཱ སེནཱཡ སམནྣཱགཏོ ཨསྶཝཱཡ ཨོཝཱདཔཊིཀརཱཡ སཧཏི 1 མཉྙེ པཙྩཏྠིཀེ ཡསསཱ; སདྡྷོ དཱཡཀོ དཱནཔཏི ཨནཱཝཊདྭཱརོ སམཎབྲཱཧྨཎཀཔཎདྡྷིཀཝཎིབྦཀཡཱཙཀཱནཾ ཨོཔཱནབྷཱུཏོ པུཉྙཱནི ཀརོཏི; བཧུསྶུཏོ ཏསྶ ཏསྶ སུཏཛཱཏསྶ, ཏསྶ ཏསྶེཝ ཁོ པན བྷཱསིཏསྶ ཨཏྠཾ ཛཱནཱཏི ‘ཨཡཾ ཨིམསྶ བྷཱསིཏསྶ ཨཏྠོ ཨཡཾ ཨིམསྶ བྷཱསིཏསྶ ཨཏྠོ’ཏི; པཎྜིཏོ, ཝིཡཏྟོ, མེདྷཱཝཱི, པཊིབལོ, ཨཏཱིཏཱནཱགཏཔཙྩུཔྤནྣེ ཨཏྠེ ཙིནྟེཏུཾ། རཱཛཱ མཧཱཝིཛིཏོ ཨིམེཧི ཨཊྛཧངྒེཧི སམནྣཱགཏོ། ཨིཏི ཨིམཱནིཔི ཨཊྛངྒཱནི ཏསྶེཝ ཡཉྙསྶ པརིཀྑཱརཱ བྷཝནྟི།
340. ‘‘Rājā mahāvijito aṭṭhahaṅgehi samannāgato, ubhato sujāto mātito ca pitito ca saṃsuddhagahaṇiko yāva sattamā pitāmahayugā akkhitto anupakkuṭṭho jātivādena abhirūpo dassanīyo pāsādiko paramāya vaṇṇapokkharatāya samannāgato brahmavaṇṇī brahmavacchasī akhuddāvakāso dassanāya; aḍḍho mahaddhano mahābhogo pahūtajātarūparajato pahūtavittūpakaraṇo pahūtadhanadhañño paripuṇṇakosakoṭṭhāgāro; balavā caturaṅginiyā senāya samannāgato assavāya ovādapaṭikarāya sahati 2 maññe paccatthike yasasā; saddho dāyako dānapati anāvaṭadvāro samaṇabrāhmaṇakapaṇaddhikavaṇibbakayācakānaṃ opānabhūto puññāni karoti; bahussuto tassa tassa sutajātassa, tassa tasseva kho pana bhāsitassa atthaṃ jānāti ‘ayaṃ imassa bhāsitassa attho ayaṃ imassa bhāsitassa attho’ti; paṇḍito, viyatto, medhāvī, paṭibalo, atītānāgatapaccuppanne atthe cintetuṃ. Rājā mahāvijito imehi aṭṭhahaṅgehi samannāgato. Iti imānipi aṭṭhaṅgāni tasseva yaññassa parikkhārā bhavanti.
ཙཏུཔརིཀྑཱརཾ
Catuparikkhāraṃ
༣༤༡. ‘‘པུརོཧིཏོ 3 བྲཱཧྨཎོ ཙཏུཧངྒེཧི སམནྣཱགཏོ། ཨུབྷཏོ སུཛཱཏོ མཱཏིཏོ ཙ པིཏིཏོ ཙ སཾསུདྡྷགཧཎིཀོ ཡཱཝ སཏྟམཱ པིཏཱམཧཡུགཱ ཨཀྑིཏྟོ ཨནུཔཀྐུཊྛོ ཛཱཏིཝཱདེན; ཨཛ྄ཛྷཱཡཀོ མནྟདྷརོ ཏིཎྞཾ ཝེདཱནཾ པཱརགཱུ སནིགྷཎྜུཀེཊུབྷཱནཾ སཱཀྑརཔྤབྷེདཱནཾ ཨིཏིཧཱསཔཉྩམཱནཾ པདཀོ ཝེཡྻཱཀརཎོ ལོཀཱཡཏམཧཱཔུརིསལཀྑཎེསུ ཨནཝཡོ; སཱིལཝཱ ཝུདྡྷསཱིལཱི ཝུདྡྷསཱིལེན སམནྣཱགཏོ; པཎྜིཏོ ཝིཡཏྟོ མེདྷཱཝཱི པཋམོ ཝཱ དུཏིཡོ ཝཱ སུཛཾ པགྒཎྷནྟཱནཾ། པུརོཧིཏོ བྲཱཧྨཎོ ཨིམེཧི ཙཏཱུཧངྒེཧི སམནྣཱགཏོ། ཨིཏི ཨིམཱནི ཙཏྟཱརི ཨངྒཱནི ཏསྶེཝ ཡཉྙསྶ པརིཀྑཱརཱ བྷཝནྟི།
341. ‘‘Purohito 4 brāhmaṇo catuhaṅgehi samannāgato. Ubhato sujāto mātito ca pitito ca saṃsuddhagahaṇiko yāva sattamā pitāmahayugā akkhitto anupakkuṭṭho jātivādena; ajjhāyako mantadharo tiṇṇaṃ vedānaṃ pāragū sanighaṇḍukeṭubhānaṃ sākkharappabhedānaṃ itihāsapañcamānaṃ padako veyyākaraṇo lokāyatamahāpurisalakkhaṇesu anavayo; sīlavā vuddhasīlī vuddhasīlena samannāgato; paṇḍito viyatto medhāvī paṭhamo vā dutiyo vā sujaṃ paggaṇhantānaṃ. Purohito brāhmaṇo imehi catūhaṅgehi samannāgato. Iti imāni cattāri aṅgāni tasseva yaññassa parikkhārā bhavanti.
ཏིསྶོ ཝིདྷཱ
Tisso vidhā
༣༤༢. ‘‘ཨཐ ཁོ, བྲཱཧྨཎ, པུརོཧིཏོ བྲཱཧྨཎོ རཉྙོ མཧཱཝིཛིཏསྶ པུབྦེཝ ཡཉྙཱ ཏིསྶོ ཝིདྷཱ དེསེསི། སིཡཱ ཁོ པན བྷོཏོ རཉྙོ མཧཱཡཉྙཾ ཡིཊྛུཀཱམསྶ 5 ཀོཙིདེཝ ཝིཔྤཊིསཱརོ – ‘མཧཱ ཝཏ མེ བྷོགཀྑནྡྷོ ཝིགཙྪིསྶཏཱི’ཏི, སོ བྷོཏཱ རཉྙཱ ཝིཔྤཊིསཱརོ ན ཀརཎཱིཡོ། སིཡཱ ཁོ པན བྷོཏོ རཉྙོ མཧཱཡཉྙཾ ཡཛམཱནསྶ ཀོཙིདེཝ ཝིཔྤཊིསཱརོ – ‘མཧཱ ཝཏ མེ བྷོགཀྑནྡྷོ ཝིགཙྪཏཱི’ཏི, སོ བྷོཏཱ རཉྙཱ ཝིཔྤཊིསཱརོ ན ཀརཎཱིཡོ། སིཡཱ ཁོ པན བྷོཏོ རཉྙོ མཧཱཡཉྙཾ ཡིཊྛསྶ ཀོཙིདེཝ ཝིཔྤཊིསཱརོ – ‘མཧཱ ཝཏ མེ བྷོགཀྑནྡྷོ ཝིགཏོ’ཏི, སོ བྷོཏཱ རཉྙཱ ཝིཔྤཊིསཱརོ ན ཀརཎཱིཡོ’’ཏི། ཨིམཱ ཁོ, བྲཱཧྨཎ, པུརོཧིཏོ བྲཱཧྨཎོ རཉྙོ མཧཱཝིཛིཏསྶ པུབྦེཝ ཡཉྙཱ ཏིསྶོ ཝིདྷཱ དེསེསི།
342. ‘‘Atha kho, brāhmaṇa, purohito brāhmaṇo rañño mahāvijitassa pubbeva yaññā tisso vidhā desesi. Siyā kho pana bhoto rañño mahāyaññaṃ yiṭṭhukāmassa 6 kocideva vippaṭisāro – ‘mahā vata me bhogakkhandho vigacchissatī’ti, so bhotā raññā vippaṭisāro na karaṇīyo. Siyā kho pana bhoto rañño mahāyaññaṃ yajamānassa kocideva vippaṭisāro – ‘mahā vata me bhogakkhandho vigacchatī’ti, so bhotā raññā vippaṭisāro na karaṇīyo. Siyā kho pana bhoto rañño mahāyaññaṃ yiṭṭhassa kocideva vippaṭisāro – ‘mahā vata me bhogakkhandho vigato’ti, so bhotā raññā vippaṭisāro na karaṇīyo’’ti. Imā kho, brāhmaṇa, purohito brāhmaṇo rañño mahāvijitassa pubbeva yaññā tisso vidhā desesi.
དས ཨཱཀཱརཱ
Dasa ākārā
༣༤༣. ‘‘ཨཐ ཁོ, བྲཱཧྨཎ, པུརོཧིཏོ བྲཱཧྨཎོ རཉྙོ མཧཱཝིཛིཏསྶ པུབྦེཝ ཡཉྙཱ དསཧཱཀཱརེཧི པཊིགྒཱཧཀེསུ ཝིཔྤཊིསཱརཾ པཊིཝིནེསི། ‘ཨཱགམིསྶནྟི ཁོ བྷོཏོ ཡཉྙཾ པཱཎཱཏིཔཱཏིནོཔི པཱཎཱཏིཔཱཏཱ པཊིཝིརཏཱཔི། ཡེ ཏཏྠ པཱཎཱཏིཔཱཏིནོ, ཏེསཉྙེཝ ཏེན། ཡེ ཏཏྠ པཱཎཱཏིཔཱཏཱ པཊིཝིརཏཱ, ཏེ ཨཱརབྦྷ ཡཛཏཾ བྷཝཾ, སཛྫཏཾ བྷཝཾ, མོདཏཾ བྷཝཾ, ཙིཏྟམེཝ བྷཝཾ ཨནྟརཾ པསཱདེཏུ། ཨཱགམིསྶནྟི ཁོ བྷོཏོ ཡཉྙཾ ཨདིནྣཱདཱཡིནོཔི ཨདིནྣཱདཱནཱ པཊིཝིརཏཱཔི…པེ॰… ཀཱམེསུ མིཙྪཱཙཱརིནོཔི ཀཱམེསུམིཙྪཱཙཱརཱ པཊིཝིརཏཱཔི… མུསཱཝཱདིནོཔི མུསཱཝཱདཱ པཊིཝིརཏཱཔི… པིསུཎཝཱཙིནོཔི པིསུཎཱཡ ཝཱཙཱཡ པཊིཝིརཏཱཔི… ཕརུསཝཱཙིནོཔི ཕརུསཱཡ ཝཱཙཱཡ པཊིཝིརཏཱཔི… སམྥཔྤལཱཔིནོཔི སམྥཔྤལཱཔཱ པཊིཝིརཏཱཔི … ཨབྷིཛ྄ཛྷཱལུནོཔི ཨནབྷིཛ྄ཛྷཱལུནོཔི… བྱཱཔནྣཙིཏྟཱཔི ཨབྱཱཔནྣཙིཏྟཱཔི… མིཙྪཱདིཊྛིཀཱཔི སམྨཱདིཊྛིཀཱཔི…། ཡེ ཏཏྠ མིཙྪཱདིཊྛིཀཱ, ཏེསཉྙེཝ ཏེན། ཡེ ཏཏྠ སམྨཱདིཊྛིཀཱ, ཏེ ཨཱརབྦྷ ཡཛཏཾ བྷཝཾ, སཛྫཏཾ བྷཝཾ, མོདཏཾ བྷཝཾ, ཙིཏྟམེཝ བྷཝཾ ཨནྟརཾ པསཱདེཏཱུ’ཏི། ཨིམེཧི ཁོ, བྲཱཧྨཎ, པུརོཧིཏོ བྲཱཧྨཎོ རཉྙོ མཧཱཝིཛིཏསྶ པུབྦེཝ ཡཉྙཱ དསཧཱཀཱརེཧི པཊིགྒཱཧཀེསུ ཝིཔྤཊིསཱརཾ པཊིཝིནེསི།
343. ‘‘Atha kho, brāhmaṇa, purohito brāhmaṇo rañño mahāvijitassa pubbeva yaññā dasahākārehi paṭiggāhakesu vippaṭisāraṃ paṭivinesi. ‘Āgamissanti kho bhoto yaññaṃ pāṇātipātinopi pāṇātipātā paṭiviratāpi. Ye tattha pāṇātipātino, tesaññeva tena. Ye tattha pāṇātipātā paṭiviratā, te ārabbha yajataṃ bhavaṃ, sajjataṃ bhavaṃ, modataṃ bhavaṃ, cittameva bhavaṃ antaraṃ pasādetu. Āgamissanti kho bhoto yaññaṃ adinnādāyinopi adinnādānā paṭiviratāpi…pe… kāmesu micchācārinopi kāmesumicchācārā paṭiviratāpi… musāvādinopi musāvādā paṭiviratāpi… pisuṇavācinopi pisuṇāya vācāya paṭiviratāpi… pharusavācinopi pharusāya vācāya paṭiviratāpi… samphappalāpinopi samphappalāpā paṭiviratāpi … abhijjhālunopi anabhijjhālunopi… byāpannacittāpi abyāpannacittāpi… micchādiṭṭhikāpi sammādiṭṭhikāpi…. Ye tattha micchādiṭṭhikā, tesaññeva tena. Ye tattha sammādiṭṭhikā, te ārabbha yajataṃ bhavaṃ, sajjataṃ bhavaṃ, modataṃ bhavaṃ, cittameva bhavaṃ antaraṃ pasādetū’ti. Imehi kho, brāhmaṇa, purohito brāhmaṇo rañño mahāvijitassa pubbeva yaññā dasahākārehi paṭiggāhakesu vippaṭisāraṃ paṭivinesi.
སོལ༹ས ཨཱཀཱརཱ
Soḷasa ākārā
༣༤༤. ‘‘ཨཐ ཁོ, བྲཱཧྨཎ, པུརོཧིཏོ བྲཱཧྨཎོ རཉྙོ མཧཱཝིཛིཏསྶ མཧཱཡཉྙཾ ཡཛམཱནསྶ སོལ༹སཧཱཀཱརེཧི ཙིཏྟཾ སནྡསྶེསི སམཱདཔེསི སམུཏྟེཛེསི སམྤཧཾསེསི སིཡཱ ཁོ པན བྷོཏོ རཉྙོ མཧཱཡཉྙཾ ཡཛམཱནསྶ ཀོཙིདེཝ ཝཏྟཱ – ‘རཱཛཱ ཁོ མཧཱཝིཛིཏོ མཧཱཡཉྙཾ ཡཛཏི, ནོ ཙ ཁོ ཏསྶ ཨཱམནྟིཏཱ ཁཏྟིཡཱ ཨཱནུཡནྟཱ ནེགམཱ ཙེཝ ཛཱནཔདཱ ཙ; ཨཐ ཙ པན བྷཝཾ རཱཛཱ ཨེཝརཱུཔཾ མཧཱཡཉྙཾ ཡཛཏཱི’ཏི ། ཨེཝམྤི བྷོཏོ རཉྙོ ཝཏྟཱ དྷམྨཏོ ནཏྠི། བྷོཏཱ ཁོ པན རཉྙཱ ཨཱམནྟིཏཱ ཁཏྟིཡཱ ཨཱནུཡནྟཱ ནེགམཱ ཙེཝ ཛཱནཔདཱ ཙ ། ཨིམིནཱཔེཏཾ བྷཝཾ རཱཛཱ ཛཱནཱཏུ, ཡཛཏཾ བྷཝཾ, སཛྫཏཾ བྷཝཾ, མོདཏཾ བྷཝཾ, ཙིཏྟམེཝ བྷཝཾ ཨནྟརཾ པསཱདེཏུ།
344. ‘‘Atha kho, brāhmaṇa, purohito brāhmaṇo rañño mahāvijitassa mahāyaññaṃ yajamānassa soḷasahākārehi cittaṃ sandassesi samādapesi samuttejesi sampahaṃsesi siyā kho pana bhoto rañño mahāyaññaṃ yajamānassa kocideva vattā – ‘rājā kho mahāvijito mahāyaññaṃ yajati, no ca kho tassa āmantitā khattiyā ānuyantā negamā ceva jānapadā ca; atha ca pana bhavaṃ rājā evarūpaṃ mahāyaññaṃ yajatī’ti . Evampi bhoto rañño vattā dhammato natthi. Bhotā kho pana raññā āmantitā khattiyā ānuyantā negamā ceva jānapadā ca . Imināpetaṃ bhavaṃ rājā jānātu, yajataṃ bhavaṃ, sajjataṃ bhavaṃ, modataṃ bhavaṃ, cittameva bhavaṃ antaraṃ pasādetu.
‘‘སིཡཱ ཁོ པན བྷོཏོ རཉྙོ མཧཱཡཉྙཾ ཡཛམཱནསྶ ཀོཙིདེཝ ཝཏྟཱ – ‘རཱཛཱ ཁོ མཧཱཝིཛིཏོ མཧཱཡཉྙཾ ཡཛཏི, ནོ ཙ ཁོ ཏསྶ ཨཱམནྟིཏཱ ཨམཙྩཱ པཱརིསཛྫཱ ནེགམཱ ཙེཝ ཛཱནཔདཱ ཙ…པེ॰… བྲཱཧྨཎམཧཱསཱལཱ ནེགམཱ ཙེཝ ཛཱནཔདཱ ཙ…པེ॰… གཧཔཏིནེཙཡིཀཱ ནེགམཱ ཙེཝ ཛཱནཔདཱ ཙ, ཨཐ ཙ པན བྷཝཾ རཱཛཱ ཨེཝརཱུཔཾ མཧཱཡཉྙཾ ཡཛཏཱི’ཏི། ཨེཝམྤི བྷོཏོ རཉྙོ ཝཏྟཱ དྷམྨཏོ ནཏྠི། བྷོཏཱ ཁོ པན རཉྙཱ ཨཱམནྟིཏཱ གཧཔཏིནེཙཡིཀཱ ནེགམཱ ཙེཝ ཛཱནཔདཱ ཙ། ཨིམིནཱཔེཏཾ བྷཝཾ རཱཛཱ ཛཱནཱཏུ, ཡཛཏཾ བྷཝཾ, སཛྫཏཾ བྷཝཾ, མོདཏཾ བྷཝཾ, ཙིཏྟམེཝ བྷཝཾ ཨནྟརཾ པསཱདེཏུ།
‘‘Siyā kho pana bhoto rañño mahāyaññaṃ yajamānassa kocideva vattā – ‘rājā kho mahāvijito mahāyaññaṃ yajati, no ca kho tassa āmantitā amaccā pārisajjā negamā ceva jānapadā ca…pe… brāhmaṇamahāsālā negamā ceva jānapadā ca…pe… gahapatinecayikā negamā ceva jānapadā ca, atha ca pana bhavaṃ rājā evarūpaṃ mahāyaññaṃ yajatī’ti. Evampi bhoto rañño vattā dhammato natthi. Bhotā kho pana raññā āmantitā gahapatinecayikā negamā ceva jānapadā ca. Imināpetaṃ bhavaṃ rājā jānātu, yajataṃ bhavaṃ, sajjataṃ bhavaṃ, modataṃ bhavaṃ, cittameva bhavaṃ antaraṃ pasādetu.
‘‘སིཡཱ ཁོ པན བྷོཏོ རཉྙོ མཧཱཡཉྙཾ ཡཛམཱནསྶ ཀོཙིདེཝ ཝཏྟཱ – ‘རཱཛཱ ཁོ མཧཱཝིཛིཏོ མཧཱཡཉྙཾ ཡཛཏི, ནོ ཙ ཁོ ཨུབྷཏོ སུཛཱཏོ མཱཏིཏོ ཙ པིཏིཏོ ཙ སཾསུདྡྷགཧཎིཀོ ཡཱཝ སཏྟམཱ པིཏཱམཧཡུགཱ ཨཀྑིཏྟོ ཨནུཔཀྐུཊྛོ ཛཱཏིཝཱདེན, ཨཐ ཙ པན བྷཝཾ རཱཛཱ ཨེཝརཱུཔཾ མཧཱཡཉྙཾ ཡཛཏཱི’ཏི། ཨེཝམྤི བྷོཏོ རཉྙོ ཝཏྟཱ དྷམྨཏོ ནཏྠི། བྷཝཾ ཁོ པན རཱཛཱ ཨུབྷཏོ སུཛཱཏོ མཱཏིཏོ ཙ པིཏིཏོ ཙ སཾསུདྡྷགཧཎིཀོ ཡཱཝ སཏྟམཱ པིཏཱམཧཡུགཱ ཨཀྑིཏྟོ ཨནུཔཀྐུཊྛོ ཛཱཏིཝཱདེན། ཨིམིནཱཔེཏཾ བྷཝཾ རཱཛཱ ཛཱནཱཏུ, ཡཛཏཾ བྷཝཾ, སཛྫཏཾ བྷཝཾ, མོདཏཾ བྷཝཾ, ཙིཏྟམེཝ བྷཝཾ ཨནྟརཾ པསཱདེཏུ།
‘‘Siyā kho pana bhoto rañño mahāyaññaṃ yajamānassa kocideva vattā – ‘rājā kho mahāvijito mahāyaññaṃ yajati, no ca kho ubhato sujāto mātito ca pitito ca saṃsuddhagahaṇiko yāva sattamā pitāmahayugā akkhitto anupakkuṭṭho jātivādena, atha ca pana bhavaṃ rājā evarūpaṃ mahāyaññaṃ yajatī’ti. Evampi bhoto rañño vattā dhammato natthi. Bhavaṃ kho pana rājā ubhato sujāto mātito ca pitito ca saṃsuddhagahaṇiko yāva sattamā pitāmahayugā akkhitto anupakkuṭṭho jātivādena. Imināpetaṃ bhavaṃ rājā jānātu, yajataṃ bhavaṃ, sajjataṃ bhavaṃ, modataṃ bhavaṃ, cittameva bhavaṃ antaraṃ pasādetu.
‘‘སིཡཱ ཁོ པན བྷོཏོ རཉྙོ མཧཱཡཉྙཾ ཡཛམཱནསྶ ཀོཙིདེཝ ཝཏྟཱ – ‘རཱཛཱ ཁོ མཧཱཝིཛིཏོ མཧཱཡཉྙཾ ཡཛཏི ནོ ཙ ཁོ ཨབྷིརཱུཔོ དསྶནཱིཡོ པཱསཱདིཀོ པརམཱཡ ཝཎྞཔོཀྑརཏཱཡ སམནྣཱགཏོ བྲཧྨཝཎྞཱི བྲཧྨཝཙྪསཱི ཨཁུདྡཱཝཀཱསོ དསྶནཱཡ…པེ॰… ནོ ཙ ཁོ ཨཌྜྷོ མཧདྡྷནོ མཧཱབྷོགོ པཧཱུཏཛཱཏརཱུཔརཛཏོ པཧཱུཏཝིཏྟཱུཔཀརཎོ པཧཱུཏདྷནདྷཉྙོ པརིཔུཎྞཀོསཀོཊྛཱགཱརོ…པེ॰… ནོ ཙ ཁོ བལཝཱ ཙཏུརངྒིནིཡཱ སེནཱཡ སམནྣཱགཏོ ཨསྶཝཱཡ ཨོཝཱདཔཊིཀརཱཡ སཧཏི མཉྙེ པཙྩཏྠིཀེ ཡསསཱ…པེ॰… ནོ ཙ ཁོ སདྡྷོ དཱཡཀོ དཱནཔཏི ཨནཱཝཊདྭཱརོ སམཎབྲཱཧྨཎཀཔཎདྡྷིཀཝཎིབྦཀཡཱཙཀཱནཾ ཨོཔཱནབྷཱུཏོ པུཉྙཱནི ཀརོཏི…པེ॰… ནོ ཙ ཁོ བཧུསྶུཏོ ཏསྶ ཏསྶ སུཏཛཱཏསྶ…པེ॰… ནོ ཙ ཁོ ཏསྶ ཏསྶེཝ ཁོ པན བྷཱསིཏསྶ ཨཏྠཾ ཛཱནཱཏི ‘‘ཨཡཾ ཨིམསྶ བྷཱསིཏསྶ ཨཏྠོ, ཨཡཾ ཨིམསྶ བྷཱསིཏསྶ ཨཏྠོ’’ཏི…པེ॰… ནོ ཙ ཁོ པཎྜིཏོ ཝིཡཏྟོ མེདྷཱཝཱི པཊིབལོ ཨཏཱིཏཱནཱགཏཔཙྩུཔྤནྣེ ཨཏྠེ ཙིནྟེཏུཾ, ཨཐ ཙ པན བྷཝཾ རཱཛཱ ཨེཝརཱུཔཾ མཧཱཡཉྙཾ ཡཛཏཱི’ཏི ། ཨེཝམྤི བྷོཏོ རཉྙོ ཝཏྟཱ དྷམྨཏོ ནཏྠི། བྷཝཾ ཁོ པན རཱཛཱ པཎྜིཏོ ཝིཡཏྟོ མེདྷཱཝཱི པཊིབལོ ཨཏཱིཏཱནཱགཏཔཙྩུཔྤནྣེ ཨཏྠེ ཙིནྟེཏུཾ། ཨིམིནཱཔེཏཾ བྷཝཾ རཱཛཱ ཛཱནཱཏུ , ཡཛཏཾ བྷཝཾ, སཛྫཏཾ བྷཝཾ, མོདཏཾ བྷཝཾ, ཙིཏྟམེཝ བྷཝཾ ཨནྟརཾ པསཱདེཏུ།
‘‘Siyā kho pana bhoto rañño mahāyaññaṃ yajamānassa kocideva vattā – ‘rājā kho mahāvijito mahāyaññaṃ yajati no ca kho abhirūpo dassanīyo pāsādiko paramāya vaṇṇapokkharatāya samannāgato brahmavaṇṇī brahmavacchasī akhuddāvakāso dassanāya…pe… no ca kho aḍḍho mahaddhano mahābhogo pahūtajātarūparajato pahūtavittūpakaraṇo pahūtadhanadhañño paripuṇṇakosakoṭṭhāgāro…pe… no ca kho balavā caturaṅginiyā senāya samannāgato assavāya ovādapaṭikarāya sahati maññe paccatthike yasasā…pe… no ca kho saddho dāyako dānapati anāvaṭadvāro samaṇabrāhmaṇakapaṇaddhikavaṇibbakayācakānaṃ opānabhūto puññāni karoti…pe… no ca kho bahussuto tassa tassa sutajātassa…pe… no ca kho tassa tasseva kho pana bhāsitassa atthaṃ jānāti ‘‘ayaṃ imassa bhāsitassa attho, ayaṃ imassa bhāsitassa attho’’ti…pe… no ca kho paṇḍito viyatto medhāvī paṭibalo atītānāgatapaccuppanne atthe cintetuṃ, atha ca pana bhavaṃ rājā evarūpaṃ mahāyaññaṃ yajatī’ti . Evampi bhoto rañño vattā dhammato natthi. Bhavaṃ kho pana rājā paṇḍito viyatto medhāvī paṭibalo atītānāgatapaccuppanne atthe cintetuṃ. Imināpetaṃ bhavaṃ rājā jānātu , yajataṃ bhavaṃ, sajjataṃ bhavaṃ, modataṃ bhavaṃ, cittameva bhavaṃ antaraṃ pasādetu.
‘‘སིཡཱ ཁོ པན བྷོཏོ རཉྙོ མཧཱཡཉྙཾ ཡཛམཱནསྶ ཀོཙིདེཝ ཝཏྟཱ – ‘རཱཛཱ ཁོ མཧཱཝིཛིཏོ མཧཱཡཉྙཾ ཡཛཏི། ནོ ཙ ཁྭསྶ པུརོཧིཏོ བྲཱཧྨཎོ ཨུབྷཏོ སུཛཱཏོ མཱཏིཏོ ཙ པིཏིཏོ ཙ སཾསུདྡྷགཧཎིཀོ ཡཱཝ སཏྟམཱ པིཏཱམཧཡུགཱ ཨཀྑིཏྟོ ཨནུཔཀྐུཊྛོ ཛཱཏིཝཱདེན; ཨཐ ཙ པན བྷཝཾ རཱཛཱ ཨེཝརཱུཔཾ མཧཱཡཉྙཾ ཡཛཏཱི’ཏི། ཨེཝམྤི བྷོཏོ རཉྙོ ཝཏྟཱ དྷམྨཏོ ནཏྠི། བྷོཏོ ཁོ པན རཉྙོ པུརོཧིཏོ བྲཱཧྨཎོ ཨུབྷཏོ སུཛཱཏོ མཱཏིཏོ ཙ པིཏིཏོ ཙ སཾསུདྡྷགཧཎིཀོ ཡཱཝ སཏྟམཱ པིཏཱམཧཡུགཱ ཨཀྑིཏྟོ ཨནུཔཀྐུཊྛོ ཛཱཏིཝཱདེན། ཨིམིནཱཔེཏཾ བྷཝཾ རཱཛཱ ཛཱནཱཏུ, ཡཛཏཾ བྷཝཾ, སཛྫཏཾ བྷཝཾ, མོདཏཾ བྷཝཾ, ཙིཏྟམེཝ བྷཝཾ ཨནྟརཾ པསཱདེཏུ།
‘‘Siyā kho pana bhoto rañño mahāyaññaṃ yajamānassa kocideva vattā – ‘rājā kho mahāvijito mahāyaññaṃ yajati. No ca khvassa purohito brāhmaṇo ubhato sujāto mātito ca pitito ca saṃsuddhagahaṇiko yāva sattamā pitāmahayugā akkhitto anupakkuṭṭho jātivādena; atha ca pana bhavaṃ rājā evarūpaṃ mahāyaññaṃ yajatī’ti. Evampi bhoto rañño vattā dhammato natthi. Bhoto kho pana rañño purohito brāhmaṇo ubhato sujāto mātito ca pitito ca saṃsuddhagahaṇiko yāva sattamā pitāmahayugā akkhitto anupakkuṭṭho jātivādena. Imināpetaṃ bhavaṃ rājā jānātu, yajataṃ bhavaṃ, sajjataṃ bhavaṃ, modataṃ bhavaṃ, cittameva bhavaṃ antaraṃ pasādetu.
‘‘སིཡཱ ཁོ པན བྷོཏོ རཉྙོ མཧཱཡཉྙཾ ཡཛམཱནསྶ ཀོཙིདེཝ ཝཏྟཱ – ‘རཱཛཱ ཁོ མཧཱཝིཛིཏོ མཧཱཡཉྙཾ ཡཛཏི། ནོ ཙ ཁྭསྶ པུརོཧིཏོ བྲཱཧྨཎོ ཨཛ྄ཛྷཱཡཀོ མནྟདྷརོ ཏིཎྞཾ ཝེདཱནཾ པཱརགཱུ སནིགྷཎྜུཀེཊུབྷཱནཾ སཱཀྑརཔྤབྷེདཱནཾ ཨིཏིཧཱསཔཉྩམཱནཾ པདཀོ ཝེཡྻཱཀརཎོ ལོཀཱཡཏམཧཱཔུརིསལཀྑཎེསུ ཨནཝཡོ…པེ॰… ནོ ཙ ཁྭསྶ པུརོཧིཏོ བྲཱཧྨཎོ སཱིལཝཱ ཝུདྡྷསཱིལཱི ཝུདྡྷསཱིལེན སམནྣཱགཏོ…པེ॰… ནོ ཙ ཁྭསྶ པུརོཧིཏོ བྲཱཧྨཎོ པཎྜིཏོ ཝིཡཏྟོ མེདྷཱཝཱི པཋམོ ཝཱ དུཏིཡོ ཝཱ སུཛཾ པགྒཎྷནྟཱནཾ, ཨཐ ཙ པན བྷཝཾ རཱཛཱ ཨེཝརཱུཔཾ མཧཱཡཉྙཾ ཡཛཏཱི’ཏི། ཨེཝམྤི བྷོཏོ རཉྙོ ཝཏྟཱ དྷམྨཏོ ནཏྠི། བྷོཏོ ཁོ པན རཉྙོ པུརོཧིཏོ བྲཱཧྨཎོ པཎྜིཏོ ཝིཡཏྟོ མེདྷཱཝཱི པཋམོ ཝཱ དུཏིཡོ ཝཱ སུཛཾ པགྒཎྷནྟཱནཾ། ཨིམིནཱཔེཏཾ བྷཝཾ རཱཛཱ ཛཱནཱཏུ, ཡཛཏཾ བྷཝཾ, སཛྫཏཾ བྷཝཾ, མོདཏཾ བྷཝཾ, ཙིཏྟམེཝ བྷཝཾ ཨནྟརཾ པསཱདེཏཱུཏི། ཨིམེཧི ཁོ, བྲཱཧྨཎ, པུརོཧིཏོ བྲཱཧྨཎོ རཉྙོ མཧཱཝིཛིཏསྶ མཧཱཡཉྙཾ ཡཛམཱནསྶ སོལ༹སཧི ཨཱཀཱརེཧི ཙིཏྟཾ སནྡསྶེསི སམཱདཔེསི སམུཏྟེཛེསི སམྤཧཾསེསི།
‘‘Siyā kho pana bhoto rañño mahāyaññaṃ yajamānassa kocideva vattā – ‘rājā kho mahāvijito mahāyaññaṃ yajati. No ca khvassa purohito brāhmaṇo ajjhāyako mantadharo tiṇṇaṃ vedānaṃ pāragū sanighaṇḍukeṭubhānaṃ sākkharappabhedānaṃ itihāsapañcamānaṃ padako veyyākaraṇo lokāyatamahāpurisalakkhaṇesu anavayo…pe… no ca khvassa purohito brāhmaṇo sīlavā vuddhasīlī vuddhasīlena samannāgato…pe… no ca khvassa purohito brāhmaṇo paṇḍito viyatto medhāvī paṭhamo vā dutiyo vā sujaṃ paggaṇhantānaṃ, atha ca pana bhavaṃ rājā evarūpaṃ mahāyaññaṃ yajatī’ti. Evampi bhoto rañño vattā dhammato natthi. Bhoto kho pana rañño purohito brāhmaṇo paṇḍito viyatto medhāvī paṭhamo vā dutiyo vā sujaṃ paggaṇhantānaṃ. Imināpetaṃ bhavaṃ rājā jānātu, yajataṃ bhavaṃ, sajjataṃ bhavaṃ, modataṃ bhavaṃ, cittameva bhavaṃ antaraṃ pasādetūti. Imehi kho, brāhmaṇa, purohito brāhmaṇo rañño mahāvijitassa mahāyaññaṃ yajamānassa soḷasahi ākārehi cittaṃ sandassesi samādapesi samuttejesi sampahaṃsesi.
༣༤༥. ‘‘ཏསྨིཾ ཁོ, བྲཱཧྨཎ, ཡཉྙེ ནེཝ གཱཝོ ཧཉྙིཾསུ, ན ཨཛེལ༹ཀཱ ཧཉྙིཾསུ, ན ཀུཀྐུཊསཱུཀརཱ ཧཉྙིཾསུ, ན ཝིཝིདྷཱ པཱཎཱ སཾགྷཱཏཾ ཨཱཔཛྫིཾསུ, ན རུཀྑཱ ཚིཛྫིཾསུ ཡཱུཔཏྠཱཡ, ན དབྦྷཱ ལཱུཡིཾསུ བརིཧིསཏྠཱཡ 7། ཡེཔིསྶ ཨཧེསུཾ དཱསཱཏི ཝཱ པེསྶཱཏི ཝཱ ཀམྨཀརཱཏི ཝཱ, ཏེཔི ན དཎྜཏཛྫིཏཱ ན བྷཡཏཛྫིཏཱ ན ཨསྶུམུཁཱ རུདམཱནཱ པརིཀམྨཱནི ཨཀཾསུ། ཨཐ ཁོ ཡེ ཨིཙྪིཾསུ, ཏེ ཨཀཾསུ, ཡེ ན ཨིཙྪིཾསུ, ན ཏེ ཨཀཾསུ; ཡཾ ཨིཙྪིཾསུ, ཏཾ ཨཀཾསུ, ཡཾ ན ཨིཙྪིཾསུ, ན ཏཾ ཨཀཾསུ། སཔྤིཏེལནཝནཱིཏདདྷིམདྷུཕཱཎིཏེན ཙེཝ སོ ཡཉྙོ ནིཊྛཱནམགམཱསི།
345. ‘‘Tasmiṃ kho, brāhmaṇa, yaññe neva gāvo haññiṃsu, na ajeḷakā haññiṃsu, na kukkuṭasūkarā haññiṃsu, na vividhā pāṇā saṃghātaṃ āpajjiṃsu, na rukkhā chijjiṃsu yūpatthāya, na dabbhā lūyiṃsu barihisatthāya 8. Yepissa ahesuṃ dāsāti vā pessāti vā kammakarāti vā, tepi na daṇḍatajjitā na bhayatajjitā na assumukhā rudamānā parikammāni akaṃsu. Atha kho ye icchiṃsu, te akaṃsu, ye na icchiṃsu, na te akaṃsu; yaṃ icchiṃsu, taṃ akaṃsu, yaṃ na icchiṃsu, na taṃ akaṃsu. Sappitelanavanītadadhimadhuphāṇitena ceva so yañño niṭṭhānamagamāsi.
༣༤༦. ‘‘ཨཐ ཁོ, བྲཱཧྨཎ, ཁཏྟིཡཱ ཨཱནུཡནྟཱ ནེགམཱ ཙེཝ ཛཱནཔདཱ ཙ, ཨམཙྩཱ པཱརིསཛྫཱ ནེགམཱ ཙེཝ ཛཱནཔདཱ ཙ, བྲཱཧྨཎམཧཱསཱལཱ ནེགམཱ ཙེཝ ཛཱནཔདཱ ཙ, གཧཔཏིནེཙཡིཀཱ ནེགམཱ ཙེཝ ཛཱནཔདཱ ཙ པཧཱུཏཾ སཱཔཏེཡྻཾ ཨཱདཱཡ རཱཛཱནཾ མཧཱཝིཛིཏཾ ཨུཔསངྐམིཏྭཱ ཨེཝམཱཧཾསུ – ‘ཨིདཾ, དེཝ, པཧཱུཏཾ སཱཔཏེཡྻཾ དེཝཉྙེཝ ཨུདྡིསྶཱབྷཏཾ, ཏཾ དེཝོ པཊིགྒཎྷཱཏཱུ’ཏི། ‘ཨལཾ, བྷོ, མམཱཔིདཾ པཧཱུཏཾ སཱཔཏེཡྻཾ དྷམྨིཀེན བལིནཱ ཨབྷིསངྑཏཾ; ཏཉྩ ཝོ ཧོཏུ, ཨིཏོ ཙ བྷིཡྻོ ཧརཐཱ’ཏི། ཏེ རཉྙཱ པཊིཀྑིཏྟཱ ཨེཀམནྟཾ ཨཔཀྐམྨ ཨེཝཾ སམཙིནྟེསུཾ – ‘ན ཁོ ཨེཏཾ ཨམྷཱཀཾ པཏིརཱུཔཾ, ཡཾ མཡཾ ཨིམཱནི སཱཔཏེཡྻཱནི པུནདེཝ སཀཱནི གྷརཱནི པཊིཧརེཡྻཱམ། རཱཛཱ ཁོ མཧཱཝིཛིཏོ མཧཱཡཉྙཾ ཡཛཏི, ཧནྡསྶ མཡཾ ཨནུཡཱགིནོ ཧོམཱ’ཏི།
346. ‘‘Atha kho, brāhmaṇa, khattiyā ānuyantā negamā ceva jānapadā ca, amaccā pārisajjā negamā ceva jānapadā ca, brāhmaṇamahāsālā negamā ceva jānapadā ca, gahapatinecayikā negamā ceva jānapadā ca pahūtaṃ sāpateyyaṃ ādāya rājānaṃ mahāvijitaṃ upasaṅkamitvā evamāhaṃsu – ‘idaṃ, deva, pahūtaṃ sāpateyyaṃ devaññeva uddissābhataṃ, taṃ devo paṭiggaṇhātū’ti. ‘Alaṃ, bho, mamāpidaṃ pahūtaṃ sāpateyyaṃ dhammikena balinā abhisaṅkhataṃ; tañca vo hotu, ito ca bhiyyo harathā’ti. Te raññā paṭikkhittā ekamantaṃ apakkamma evaṃ samacintesuṃ – ‘na kho etaṃ amhākaṃ patirūpaṃ, yaṃ mayaṃ imāni sāpateyyāni punadeva sakāni gharāni paṭihareyyāma. Rājā kho mahāvijito mahāyaññaṃ yajati, handassa mayaṃ anuyāgino homā’ti.
༣༤༧. ‘‘ཨཐ ཁོ, བྲཱཧྨཎ, པུརཏྠིམེན ཡཉྙཝཱཊསྶ 9 ཁཏྟིཡཱ ཨཱནུཡནྟཱ ནེགམཱ ཙེཝ ཛཱནཔདཱ ཙ དཱནཱནི པཊྛཔེསུཾ། དཀྑིཎེན ཡཉྙཝཱཊསྶ ཨམཙྩཱ པཱརིསཛྫཱ ནེགམཱ ཙེཝ ཛཱནཔདཱ ཙ དཱནཱནི པཊྛཔེསུཾ། པཙྪིམེན ཡཉྙཝཱཊསྶ བྲཱཧྨཎམཧཱསཱལཱ ནེགམཱ ཙེཝ ཛཱནཔདཱ ཙ དཱནཱནི པཊྛཔེསུཾ། ཨུཏྟརེན ཡཉྙཝཱཊསྶ གཧཔཏིནེཙཡིཀཱ ནེགམཱ ཙེཝ ཛཱནཔདཱ ཙ དཱནཱནི པཊྛཔེསུཾ།
347. ‘‘Atha kho, brāhmaṇa, puratthimena yaññavāṭassa 10 khattiyā ānuyantā negamā ceva jānapadā ca dānāni paṭṭhapesuṃ. Dakkhiṇena yaññavāṭassa amaccā pārisajjā negamā ceva jānapadā ca dānāni paṭṭhapesuṃ. Pacchimena yaññavāṭassa brāhmaṇamahāsālā negamā ceva jānapadā ca dānāni paṭṭhapesuṃ. Uttarena yaññavāṭassa gahapatinecayikā negamā ceva jānapadā ca dānāni paṭṭhapesuṃ.
‘‘ཏེསུཔི ཁོ, བྲཱཧྨཎ, ཡཉྙེསུ ནེཝ གཱཝོ ཧཉྙིཾསུ, ན ཨཛེལ༹ཀཱ ཧཉྙིཾསུ, ན ཀུཀྐུཊསཱུཀརཱ ཧཉྙིཾསུ, ན ཝིཝིདྷཱ པཱཎཱ སཾགྷཱཏཾ ཨཱཔཛྫིཾསུ, ན རུཀྑཱ ཚིཛྫིཾསུ ཡཱུཔཏྠཱཡ, ན དབྦྷཱ ལཱུཡིཾསུ བརིཧིསཏྠཱཡ། ཡེཔི ནེསཾ ཨཧེསུཾ དཱསཱཏི ཝཱ པེསྶཱཏི ཝཱ ཀམྨཀརཱཏི ཝཱ, ཏེཔི ན དཎྜཏཛྫིཏཱ ན བྷཡཏཛྫིཏཱ ན ཨསྶུམུཁཱ རུདམཱནཱ པརིཀམྨཱནི ཨཀཾསུ། ཨཐ ཁོ ཡེ ཨིཙྪིཾསུ, ཏེ ཨཀཾསུ, ཡེ ན ཨིཙྪིཾསུ, ན ཏེ ཨཀཾསུ; ཡཾ ཨིཙྪིཾསུ, ཏཾ ཨཀཾསུ, ཡཾ ན ཨིཙྪིཾསུ ན ཏཾ ཨཀཾསུ། སཔྤིཏེལནཝནཱིཏདདྷིམདྷུཕཱཎིཏེན ཙེཝ ཏེ ཡཉྙཱ ནིཊྛཱནམགམཾསུ།
‘‘Tesupi kho, brāhmaṇa, yaññesu neva gāvo haññiṃsu, na ajeḷakā haññiṃsu, na kukkuṭasūkarā haññiṃsu, na vividhā pāṇā saṃghātaṃ āpajjiṃsu, na rukkhā chijjiṃsu yūpatthāya, na dabbhā lūyiṃsu barihisatthāya. Yepi nesaṃ ahesuṃ dāsāti vā pessāti vā kammakarāti vā, tepi na daṇḍatajjitā na bhayatajjitā na assumukhā rudamānā parikammāni akaṃsu. Atha kho ye icchiṃsu, te akaṃsu, ye na icchiṃsu, na te akaṃsu; yaṃ icchiṃsu, taṃ akaṃsu, yaṃ na icchiṃsu na taṃ akaṃsu. Sappitelanavanītadadhimadhuphāṇitena ceva te yaññā niṭṭhānamagamaṃsu.
‘‘ཨིཏི ཙཏྟཱརོ ཙ ཨནུམཏིཔཀྑཱ, རཱཛཱ མཧཱཝིཛིཏོ ཨཊྛཧངྒེཧི སམནྣཱགཏོ, པུརོཧིཏོ བྲཱཧྨཎོ ཙཏཱུཧངྒེཧི སམནྣཱགཏོ; ཏིསྶོ ཙ ཝིདྷཱ ཨཡཾ ཝུཙྩཏི བྲཱཧྨཎ ཏིཝིདྷཱ ཡཉྙསམྤདཱ སོལ༹སཔརིཀྑཱརཱ’’ཏི།
‘‘Iti cattāro ca anumatipakkhā, rājā mahāvijito aṭṭhahaṅgehi samannāgato, purohito brāhmaṇo catūhaṅgehi samannāgato; tisso ca vidhā ayaṃ vuccati brāhmaṇa tividhā yaññasampadā soḷasaparikkhārā’’ti.
༣༤༨. ཨེཝཾ ཝུཏྟེ, ཏེ བྲཱཧྨཎཱ ཨུནྣཱདིནོ ཨུཙྩཱསདྡམཧཱསདྡཱ ཨཧེསུཾ – ‘‘ཨཧོ ཡཉྙོ, ཨཧོ ཡཉྙསམྤདཱ’’ཏི! ཀཱུཊདནྟོ པན བྲཱཧྨཎོ ཏཱུཎྷཱིབྷཱུཏོཝ ནིསིནྣོ ཧོཏི། ཨཐ ཁོ ཏེ བྲཱཧྨཎཱ ཀཱུཊདནྟཾ བྲཱཧྨཎཾ ཨེཏདཝོཙུཾ – ‘‘ཀསྨཱ པན བྷཝཾ ཀཱུཊདནྟོ སམཎསྶ གོཏམསྶ སུབྷཱསིཏཾ སུབྷཱསིཏཏོ ནཱབྦྷནུམོདཏཱི’’ཏི? ‘‘ནཱཧཾ, བྷོ, སམཎསྶ གོཏམསྶ སུབྷཱསིཏཾ སུབྷཱསིཏཏོ ནཱབྦྷནུམོདཱམི། མུདྡྷཱཔི ཏསྶ ཝིཔཏེཡྻ, ཡོ སམཎསྶ གོཏམསྶ སུབྷཱསིཏཾ སུབྷཱསིཏཏོ ནཱབྦྷནུམོདེཡྻ། ཨཔི ཙ མེ, བྷོ, ཨེཝཾ ཧོཏི – སམཎོ གོཏམོ ན ཨེཝམཱཧ – ‘ཨེཝཾ མེ སུཏ’ནྟི ཝཱ ‘ཨེཝཾ ཨརཧཏི བྷཝིཏུ’ནྟི ཝཱ; ཨཔི ཙ སམཎོ གོཏམོ – ‘ཨེཝཾ ཏདཱ ཨཱསི, ཨིཏྠཾ ཏདཱ ཨཱསི’ ཏྭེཝ བྷཱསཏི། ཏསྶ མཡ྄ཧཾ བྷོ ཨེཝཾ ཧོཏི – ‘ཨདྡྷཱ སམཎོ གོཏམོ ཏེན སམཡེན རཱཛཱ ཝཱ ཨཧོསི མཧཱཝིཛིཏོ ཡཉྙསྶཱམི པུརོཧིཏོ ཝཱ བྲཱཧྨཎོ ཏསྶ ཡཉྙསྶ ཡཱཛེཏཱ’ཏི། ཨབྷིཛཱནཱཏི པན བྷཝཾ གོཏམོ ཨེཝརཱུཔཾ ཡཉྙཾ ཡཛིཏྭཱ ཝཱ ཡཱཛེཏྭཱ ཝཱ ཀཱཡསྶ བྷེདཱ པརཾ མརཎཱ སུགཏིཾ སགྒཾ ལོཀཾ ཨུཔཔཛྫིཏཱཏི’’? ‘‘ཨབྷིཛཱནཱམཧཾ, བྲཱཧྨཎ, ཨེཝརཱུཔཾ ཡཉྙཾ ཡཛིཏྭཱ ཝཱ ཡཱཛེཏྭཱ ཝཱ ཀཱཡསྶ བྷེདཱ པརཾ མརཎཱ སུགཏིཾ སགྒཾ ལོཀཾ ཨུཔཔཛྫིཏཱ, ཨཧཾ ཏེན སམཡེན པུརོཧིཏོ བྲཱཧྨཎོ ཨཧོསིཾ ཏསྶ ཡཉྙསྶ ཡཱཛེཏཱ’’ཏི།
348. Evaṃ vutte, te brāhmaṇā unnādino uccāsaddamahāsaddā ahesuṃ – ‘‘aho yañño, aho yaññasampadā’’ti! Kūṭadanto pana brāhmaṇo tūṇhībhūtova nisinno hoti. Atha kho te brāhmaṇā kūṭadantaṃ brāhmaṇaṃ etadavocuṃ – ‘‘kasmā pana bhavaṃ kūṭadanto samaṇassa gotamassa subhāsitaṃ subhāsitato nābbhanumodatī’’ti? ‘‘Nāhaṃ, bho, samaṇassa gotamassa subhāsitaṃ subhāsitato nābbhanumodāmi. Muddhāpi tassa vipateyya, yo samaṇassa gotamassa subhāsitaṃ subhāsitato nābbhanumodeyya. Api ca me, bho, evaṃ hoti – samaṇo gotamo na evamāha – ‘evaṃ me suta’nti vā ‘evaṃ arahati bhavitu’nti vā; api ca samaṇo gotamo – ‘evaṃ tadā āsi, itthaṃ tadā āsi’ tveva bhāsati. Tassa mayhaṃ bho evaṃ hoti – ‘addhā samaṇo gotamo tena samayena rājā vā ahosi mahāvijito yaññassāmi purohito vā brāhmaṇo tassa yaññassa yājetā’ti. Abhijānāti pana bhavaṃ gotamo evarūpaṃ yaññaṃ yajitvā vā yājetvā vā kāyassa bhedā paraṃ maraṇā sugatiṃ saggaṃ lokaṃ upapajjitāti’’? ‘‘Abhijānāmahaṃ, brāhmaṇa, evarūpaṃ yaññaṃ yajitvā vā yājetvā vā kāyassa bhedā paraṃ maraṇā sugatiṃ saggaṃ lokaṃ upapajjitā, ahaṃ tena samayena purohito brāhmaṇo ahosiṃ tassa yaññassa yājetā’’ti.
ནིཙྩདཱནཨནུཀུལཡཉྙཾ
Niccadānaanukulayaññaṃ
‘‘ཨཏྠི ཁོ, བྲཱཧྨཎ, ཨཉྙོ ཡཉྙོ ཨིམཱཡ ཏིཝིདྷཱཡ ཡཉྙསམྤདཱཡ སོལ༹སཔརིཀྑཱརཱཡ ཨཔྤཊྛཏརོ ཙ ཨཔྤསམཱརམྦྷཏརོ ཙ མཧཔྥལཏརོ ཙ མཧཱནིསཾསཏརོ ཙཱ’’ཏི།
‘‘Atthi kho, brāhmaṇa, añño yañño imāya tividhāya yaññasampadāya soḷasaparikkhārāya appaṭṭhataro ca appasamārambhataro ca mahapphalataro ca mahānisaṃsataro cā’’ti.
‘‘ཀཏམོ པན སོ, བྷོ གོཏམ, ཡཉྙོ ཨིམཱཡ ཏིཝིདྷཱཡ ཡཉྙསམྤདཱཡ སོལ༹སཔརིཀྑཱརཱཡ ཨཔྤཊྛཏརོ ཙ ཨཔྤསམཱརམྦྷཏརོ ཙ མཧཔྥལཏརོ ཙ མཧཱནིསཾསཏརོ ཙཱ’’ཏི?
‘‘Katamo pana so, bho gotama, yañño imāya tividhāya yaññasampadāya soḷasaparikkhārāya appaṭṭhataro ca appasamārambhataro ca mahapphalataro ca mahānisaṃsataro cā’’ti?
‘‘ཡཱནི ཁོ པན ཏཱནི, བྲཱཧྨཎ, ནིཙྩདཱནཱནི ཨནུཀུལཡཉྙཱནི སཱིལཝནྟེ པབྦཛིཏེ ཨུདྡིསྶ དིཡྻནྟི; ཨཡཾ ཁོ, བྲཱཧྨཎ, ཡཉྙོ ཨིམཱཡ ཏིཝིདྷཱཡ ཡཉྙསམྤདཱཡ སོལ༹སཔརིཀྑཱརཱཡ ཨཔྤཊྛཏརོ ཙ ཨཔྤསམཱརམྦྷཏརོ ཙ མཧཔྥལཏརོ ཙ མཧཱནིསཾསཏརོ ཙཱ’’ཏི།
‘‘Yāni kho pana tāni, brāhmaṇa, niccadānāni anukulayaññāni sīlavante pabbajite uddissa diyyanti; ayaṃ kho, brāhmaṇa, yañño imāya tividhāya yaññasampadāya soḷasaparikkhārāya appaṭṭhataro ca appasamārambhataro ca mahapphalataro ca mahānisaṃsataro cā’’ti.
‘‘ཀོ ནུ ཁོ, བྷོ གོཏམ, ཧེཏུ ཀོ པཙྩཡོ, ཡེན ཏཾ ནིཙྩདཱནཾ ཨནུཀུལཡཉྙཾ ཨིམཱཡ ཏིཝིདྷཱཡ ཡཉྙསམྤདཱཡ སོལ༹སཔརིཀྑཱརཱཡ ཨཔྤཊྛཏརཉྩ ཨཔྤསམཱརམྦྷཏརཉྩ མཧཔྥལཏརཉྩ མཧཱནིསཾསཏརཉྩཱ’’ཏི ?
‘‘Ko nu kho, bho gotama, hetu ko paccayo, yena taṃ niccadānaṃ anukulayaññaṃ imāya tividhāya yaññasampadāya soḷasaparikkhārāya appaṭṭhatarañca appasamārambhatarañca mahapphalatarañca mahānisaṃsatarañcā’’ti ?
‘‘ན ཁོ, བྲཱཧྨཎ, ཨེཝརཱུཔཾ ཡཉྙཾ ཨུཔསངྐམནྟི ཨརཧནྟོ ཝཱ ཨརཧཏྟམགྒཾ ཝཱ སམཱཔནྣཱ། ཏཾ ཀིསྶ ཧེཏུ? དིསྶནྟི ཧེཏྠ, བྲཱཧྨཎ, དཎྜཔྤཧཱརཱཔི གལགྒཧཱཔི, ཏསྨཱ ཨེཝརཱུཔཾ ཡཉྙཾ ན ཨུཔསངྐམནྟི ཨརཧནྟོ ཝཱ ཨརཧཏྟམགྒཾ ཝཱ སམཱཔནྣཱ། ཡཱནི ཁོ པན ཏཱནི, བྲཱཧྨཎ, ནིཙྩདཱནཱནི ཨནུཀུལཡཉྙཱནི སཱིལཝནྟེ པབྦཛིཏེ ཨུདྡིསྶ དིཡྻནྟི; ཨེཝརཱུཔཾ ཁོ, བྲཱཧྨཎ, ཡཉྙཾ ཨུཔསངྐམནྟི ཨརཧནྟོ ཝཱ ཨརཧཏྟམགྒཾ ཝཱ སམཱཔནྣཱ། ཏཾ ཀིསྶ ཧེཏུ? ན ཧེཏྠ, བྲཱཧྨཎ, དིསྶནྟི དཎྜཔྤཧཱརཱཔི གལགྒཧཱཔི, ཏསྨཱ ཨེཝརཱུཔཾ ཡཉྙཾ ཨུཔསངྐམནྟི ཨརཧནྟོ ཝཱ ཨརཧཏྟམགྒཾ ཝཱ སམཱཔནྣཱ། ཨཡཾ ཁོ, བྲཱཧྨཎ, ཧེཏུ ཨཡཾ པཙྩཡོ, ཡེན ཏཾ ནིཙྩདཱནཾ ཨནུཀུལཡཉྙཾ ཨིམཱཡ ཏིཝིདྷཱཡ ཡཉྙསམྤདཱཡ སོལ༹སཔརིཀྑཱརཱཡ ཨཔྤཊྛཏརཉྩ ཨཔྤསམཱརམྦྷཏརཉྩ མཧཔྥལཏརཉྩ མཧཱནིསཾསཏརཉྩཱ’’ཏི།
‘‘Na kho, brāhmaṇa, evarūpaṃ yaññaṃ upasaṅkamanti arahanto vā arahattamaggaṃ vā samāpannā. Taṃ kissa hetu? Dissanti hettha, brāhmaṇa, daṇḍappahārāpi galaggahāpi, tasmā evarūpaṃ yaññaṃ na upasaṅkamanti arahanto vā arahattamaggaṃ vā samāpannā. Yāni kho pana tāni, brāhmaṇa, niccadānāni anukulayaññāni sīlavante pabbajite uddissa diyyanti; evarūpaṃ kho, brāhmaṇa, yaññaṃ upasaṅkamanti arahanto vā arahattamaggaṃ vā samāpannā. Taṃ kissa hetu? Na hettha, brāhmaṇa, dissanti daṇḍappahārāpi galaggahāpi, tasmā evarūpaṃ yaññaṃ upasaṅkamanti arahanto vā arahattamaggaṃ vā samāpannā. Ayaṃ kho, brāhmaṇa, hetu ayaṃ paccayo, yena taṃ niccadānaṃ anukulayaññaṃ imāya tividhāya yaññasampadāya soḷasaparikkhārāya appaṭṭhatarañca appasamārambhatarañca mahapphalatarañca mahānisaṃsatarañcā’’ti.
༣༥༠. ‘‘ཨཏྠི པན, བྷོ གོཏམ, ཨཉྙོ ཡཉྙོ ཨིམཱཡ ཙ ཏིཝིདྷཱཡ ཡཉྙསམྤདཱཡ སོལ༹སཔརིཀྑཱརཱཡ ཨིམིནཱ ཙ ནིཙྩདཱནེན ཨནུཀུལཡཉྙེན ཨཔྤཊྛཏརོ ཙ ཨཔྤསམཱརམྦྷཏརོ ཙ མཧཔྥལཏརོ ཙ མཧཱནིསཾསཏརོ ཙཱ’’ཏི?
350. ‘‘Atthi pana, bho gotama, añño yañño imāya ca tividhāya yaññasampadāya soḷasaparikkhārāya iminā ca niccadānena anukulayaññena appaṭṭhataro ca appasamārambhataro ca mahapphalataro ca mahānisaṃsataro cā’’ti?
‘‘ཨཏྠི ཁོ, བྲཱཧྨཎ, ཨཉྙོ ཡཉྙོ ཨིམཱཡ ཙ ཏིཝིདྷཱཡ ཡཉྙསམྤདཱཡ སོལ༹སཔརིཀྑཱརཱཡ ཨིམིནཱ ཙ ནིཙྩདཱནེན ཨནུཀུལཡཉྙེན ཨཔྤཊྛཏརོ ཙ ཨཔྤསམཱརམྦྷཏརོ ཙ མཧཔྥལཏརོ ཙ མཧཱནིསཾསཏརོ ཙཱ’’ཏི།
‘‘Atthi kho, brāhmaṇa, añño yañño imāya ca tividhāya yaññasampadāya soḷasaparikkhārāya iminā ca niccadānena anukulayaññena appaṭṭhataro ca appasamārambhataro ca mahapphalataro ca mahānisaṃsataro cā’’ti.
‘‘ཀཏམོ པན སོ, བྷོ གོཏམ, ཡཉྙོ ཨིམཱཡ ཙ ཏིཝིདྷཱཡ ཡཉྙསམྤདཱཡ སོལ༹སཔརིཀྑཱརཱཡ ཨིམིནཱ ཙ ནིཙྩདཱནེན ཨནུཀུལཡཉྙེན ཨཔྤཊྛཏརོ ཙ ཨཔྤསམཱརམྦྷཏརོ ཙ མཧཔྥལཏརོ ཙ མཧཱནིསཾསཏརོ ཙཱ’’ཏི?
‘‘Katamo pana so, bho gotama, yañño imāya ca tividhāya yaññasampadāya soḷasaparikkhārāya iminā ca niccadānena anukulayaññena appaṭṭhataro ca appasamārambhataro ca mahapphalataro ca mahānisaṃsataro cā’’ti?
‘‘ཡོ ཁོ, བྲཱཧྨཎ, ཙཱཏུདྡིསཾ སངྒྷཾ ཨུདྡིསྶ ཝིཧཱརཾ ཀརོཏི, ཨཡཾ ཁོ , བྲཱཧྨཎ, ཡཉྙོ ཨིམཱཡ ཙ ཏིཝིདྷཱཡ ཡཉྙསམྤདཱཡ སོལ༹སཔརིཀྑཱརཱཡ ཨིམིནཱ ཙ ནིཙྩདཱནེན ཨནུཀུལཡཉྙེན ཨཔྤཊྛཏརོ ཙ ཨཔྤསམཱརམྦྷཏརོ ཙ མཧཔྥལཏརོ ཙ མཧཱནིསཾསཏརོ ཙཱ’’ཏི།
‘‘Yo kho, brāhmaṇa, cātuddisaṃ saṅghaṃ uddissa vihāraṃ karoti, ayaṃ kho , brāhmaṇa, yañño imāya ca tividhāya yaññasampadāya soḷasaparikkhārāya iminā ca niccadānena anukulayaññena appaṭṭhataro ca appasamārambhataro ca mahapphalataro ca mahānisaṃsataro cā’’ti.
༣༥༡. ‘‘ཨཏྠི པན, བྷོ གོཏམ, ཨཉྙོ ཡཉྙོ ཨིམཱཡ ཙ ཏིཝིདྷཱཡ ཡཉྙསམྤདཱཡ སོལ༹སཔརིཀྑཱརཱཡ ཨིམིནཱ ཙ ནིཙྩདཱནེན ཨནུཀུལཡཉྙེན ཨིམིནཱ ཙ ཝིཧཱརདཱནེན ཨཔྤཊྛཏརོ ཙ ཨཔྤསམཱརམྦྷཏརོ ཙ མཧཔྥལཏརོ ཙ མཧཱནིསཾསཏརོ ཙཱ’’ཏི?
351. ‘‘Atthi pana, bho gotama, añño yañño imāya ca tividhāya yaññasampadāya soḷasaparikkhārāya iminā ca niccadānena anukulayaññena iminā ca vihāradānena appaṭṭhataro ca appasamārambhataro ca mahapphalataro ca mahānisaṃsataro cā’’ti?
‘‘ཨཏྠི ཁོ, བྲཱཧྨཎ, ཨཉྙོ ཡཉྙོ ཨིམཱཡ ཙ ཏིཝིདྷཱཡ ཡཉྙསམྤདཱཡ སོལ༹སཔརིཀྑཱརཱཡ ཨིམིནཱ ཙ ནིཙྩདཱནེན ཨནུཀུལཡཉྙེན ཨིམིནཱ ཙ ཝིཧཱརདཱནེན ཨཔྤཊྛཏརོ ཙ ཨཔྤསམཱརམྦྷཏརོ ཙ མཧཔྥལཏརོ ཙ མཧཱནིསཾསཏརོ ཙཱ’’ཏི།
‘‘Atthi kho, brāhmaṇa, añño yañño imāya ca tividhāya yaññasampadāya soḷasaparikkhārāya iminā ca niccadānena anukulayaññena iminā ca vihāradānena appaṭṭhataro ca appasamārambhataro ca mahapphalataro ca mahānisaṃsataro cā’’ti.
‘‘ཀཏམོ པན སོ, བྷོ གོཏམ, ཡཉྙོ ཨིམཱཡ ཙ ཏིཝིདྷཱཡ ཡཉྙསམྤདཱཡ སོལ༹སཔརིཀྑཱརཱཡ ཨིམིནཱ ཙ ནིཙྩདཱནེན ཨནུཀུལཡཉྙེན ཨིམིནཱ ཙ ཝིཧཱརདཱནེན ཨཔྤཊྛཏརོ ཙ ཨཔྤསམཱརམྦྷཏརོ ཙ མཧཔྥལཏརོ ཙ མཧཱནིསཾསཏརོ ཙཱ’’ཏི?
‘‘Katamo pana so, bho gotama, yañño imāya ca tividhāya yaññasampadāya soḷasaparikkhārāya iminā ca niccadānena anukulayaññena iminā ca vihāradānena appaṭṭhataro ca appasamārambhataro ca mahapphalataro ca mahānisaṃsataro cā’’ti?
‘‘ཡོ ཁོ, བྲཱཧྨཎ, པསནྣཙིཏྟོ བུདྡྷཾ སརཎཾ གཙྪཏི, དྷམྨཾ སརཎཾ གཙྪཏི, སངྒྷཾ སརཎཾ གཙྪཏི; ཨཡཾ ཁོ, བྲཱཧྨཎ, ཡཉྙོ ཨིམཱཡ ཙ ཏིཝིདྷཱཡ ཡཉྙསམྤདཱཡ སོལ༹སཔརིཀྑཱརཱཡ ཨིམིནཱ ཙ ནིཙྩདཱནེན ཨནུཀུལཡཉྙེན ཨིམིནཱ ཙ ཝིཧཱརདཱནེན ཨཔྤཊྛཏརོ ཙ ཨཔྤསམཱརམྦྷཏརོ ཙ མཧཔྥལཏརོ ཙ མཧཱནིསཾསཏརོ ཙཱ’’ཏི།
‘‘Yo kho, brāhmaṇa, pasannacitto buddhaṃ saraṇaṃ gacchati, dhammaṃ saraṇaṃ gacchati, saṅghaṃ saraṇaṃ gacchati; ayaṃ kho, brāhmaṇa, yañño imāya ca tividhāya yaññasampadāya soḷasaparikkhārāya iminā ca niccadānena anukulayaññena iminā ca vihāradānena appaṭṭhataro ca appasamārambhataro ca mahapphalataro ca mahānisaṃsataro cā’’ti.
༣༥༢. ‘‘ཨཏྠི པན, བྷོ གོཏམ, ཨཉྙོ ཡཉྙོ ཨིམཱཡ ཙ ཏིཝིདྷཱཡ ཡཉྙསམྤདཱཡ སོལ༹སཔརིཀྑཱརཱཡ ཨིམིནཱ ཙ ནིཙྩདཱནེན ཨནུཀུལཡཉྙེན ཨིམིནཱ ཙ ཝིཧཱརདཱནེན ཨིམེཧི ཙ སརཎགམནེཧི ཨཔྤཊྛཏརོ ཙ ཨཔྤསམཱརམྦྷཏརོ ཙ མཧཔྥལཏརོ ཙ མཧཱནིསཾསཏརོ ཙཱ’’ཏི?
352. ‘‘Atthi pana, bho gotama, añño yañño imāya ca tividhāya yaññasampadāya soḷasaparikkhārāya iminā ca niccadānena anukulayaññena iminā ca vihāradānena imehi ca saraṇagamanehi appaṭṭhataro ca appasamārambhataro ca mahapphalataro ca mahānisaṃsataro cā’’ti?
‘‘ཨཏྠི ཁོ, བྲཱཧྨཎ, ཨཉྙོ ཡཉྙོ ཨིམཱཡ ཙ ཏིཝིདྷཱཡ ཡཉྙསམྤདཱཡ སོལ༹སཔརིཀྑཱརཱཡ ཨིམིནཱ ཙ ནིཙྩདཱནེན ཨནུཀུལཡཉྙེན ཨིམིནཱ ཙ ཝིཧཱརདཱནེན ཨིམེཧི ཙ སརཎགམནེཧི ཨཔྤཊྛཏརོ ཙ ཨཔྤསམཱརམྦྷཏརོ ཙ མཧཔྥལཏརོ ཙ མཧཱནིསཾསཏརོ ཙཱ’’ཏི།
‘‘Atthi kho, brāhmaṇa, añño yañño imāya ca tividhāya yaññasampadāya soḷasaparikkhārāya iminā ca niccadānena anukulayaññena iminā ca vihāradānena imehi ca saraṇagamanehi appaṭṭhataro ca appasamārambhataro ca mahapphalataro ca mahānisaṃsataro cā’’ti.
‘‘ཀཏམོ པན སོ, བྷོ གོཏམ, ཡཉྙོ ཨིམཱཡ ཙ ཏིཝིདྷཱཡ ཡཉྙསམྤདཱཡ སོལ༹སཔརིཀྑཱརཱཡ ཨིམིནཱ ཙ ནིཙྩདཱནེན ཨནུཀུལཡཉྙེན ཨིམིནཱ ཙ ཝིཧཱརདཱནེན ཨིམེཧི ཙ སརཎགམནེཧི ཨཔྤཊྛཏརོ ཙ ཨཔྤསམཱརམྦྷཏརོ ཙ མཧཔྥལཏརོ ཙ མཧཱནིསཾསཏརོ ཙཱ’’ཏི?
‘‘Katamo pana so, bho gotama, yañño imāya ca tividhāya yaññasampadāya soḷasaparikkhārāya iminā ca niccadānena anukulayaññena iminā ca vihāradānena imehi ca saraṇagamanehi appaṭṭhataro ca appasamārambhataro ca mahapphalataro ca mahānisaṃsataro cā’’ti?
‘‘ཡོ ཁོ, བྲཱཧྨཎ, པསནྣཙིཏྟོ སིཀྑཱཔདཱནི སམཱདིཡཏི – པཱཎཱཏིཔཱཏཱ ཝེརམཎིཾ, ཨདིནྣཱདཱནཱ ཝེརམཎིཾ, ཀཱམེསུམིཙྪཱཙཱརཱ ཝེརམཎིཾ, མུསཱཝཱདཱ ཝེརམཎིཾ, སུརཱམེརཡམཛྫཔམཱདཊྛཱནཱ ཝེརམཎིཾ། ཨཡཾ ཁོ, བྲཱཧྨཎ, ཡཉྙོ ཨིམཱཡ ཙ ཏིཝིདྷཱཡ ཡཉྙསམྤདཱཡ སོལ༹སཔརིཀྑཱརཱཡ ཨིམིནཱ ཙ ནིཙྩདཱནེན ཨནུཀུལཡཉྙེན ཨིམིནཱ ཙ ཝིཧཱརདཱནེན ཨིམེཧི ཙ སརཎགམནེཧི ཨཔྤཊྛཏརོ ཙ ཨཔྤསམཱརམྦྷཏརོ ཙ མཧཔྥལཏརོ ཙ མཧཱནིསཾསཏརོ ཙཱ’’ཏི།
‘‘Yo kho, brāhmaṇa, pasannacitto sikkhāpadāni samādiyati – pāṇātipātā veramaṇiṃ, adinnādānā veramaṇiṃ, kāmesumicchācārā veramaṇiṃ, musāvādā veramaṇiṃ, surāmerayamajjapamādaṭṭhānā veramaṇiṃ. Ayaṃ kho, brāhmaṇa, yañño imāya ca tividhāya yaññasampadāya soḷasaparikkhārāya iminā ca niccadānena anukulayaññena iminā ca vihāradānena imehi ca saraṇagamanehi appaṭṭhataro ca appasamārambhataro ca mahapphalataro ca mahānisaṃsataro cā’’ti.
༣༥༣. ‘‘ཨཏྠི པན, བྷོ གོཏམ, ཨཉྙོ ཡཉྙོ ཨིམཱཡ ཙ ཏིཝིདྷཱཡ ཡཉྙསམྤདཱཡ སོལ༹སཔརིཀྑཱརཱཡ ཨིམིནཱ ཙ ནིཙྩདཱནེན ཨནུཀུལཡཉྙེན ཨིམིནཱ ཙ ཝིཧཱརདཱནེན ཨིམེཧི ཙ སརཎགམནེཧི ཨིམེཧི ཙ སིཀྑཱཔདེཧི ཨཔྤཊྛཏརོ ཙ ཨཔྤསམཱརམྦྷཏརོ ཙ མཧཔྥལཏརོ ཙ མཧཱནིསཾསཏརོ ཙཱ’’ཏི?
353. ‘‘Atthi pana, bho gotama, añño yañño imāya ca tividhāya yaññasampadāya soḷasaparikkhārāya iminā ca niccadānena anukulayaññena iminā ca vihāradānena imehi ca saraṇagamanehi imehi ca sikkhāpadehi appaṭṭhataro ca appasamārambhataro ca mahapphalataro ca mahānisaṃsataro cā’’ti?
‘‘ཨཏྠི ཁོ, བྲཱཧྨཎ, ཨཉྙོ ཡཉྙོ ཨིམཱཡ ཙ ཏིཝིདྷཱཡ ཡཉྙསམྤདཱཡ སོལ༹སཔརིཀྑཱརཱཡ ཨིམིནཱ ཙ ནིཙྩདཱནེན ཨནུཀུལཡཉྙེན ཨིམིནཱ ཙ ཝིཧཱརདཱནེན ཨིམེཧི ཙ སརཎགམནེཧི ཨིམེཧི ཙ སིཀྑཱཔདེཧི ཨཔྤཊྛཏརོ ཙ ཨཔྤསམཱརམྦྷཏརོ ཙ མཧཔྥལཏརོ ཙ མཧཱནིསཾསཏརོ ཙཱ’’ཏི།
‘‘Atthi kho, brāhmaṇa, añño yañño imāya ca tividhāya yaññasampadāya soḷasaparikkhārāya iminā ca niccadānena anukulayaññena iminā ca vihāradānena imehi ca saraṇagamanehi imehi ca sikkhāpadehi appaṭṭhataro ca appasamārambhataro ca mahapphalataro ca mahānisaṃsataro cā’’ti.
‘‘ཀཏམོ པན སོ, བྷོ གོཏམ, ཡཉྙོ ཨིམཱཡ ཙ ཏིཝིདྷཱཡ ཡཉྙསམྤདཱཡ སོལ༹སཔརིཀྑཱརཱཡ ཨིམིནཱ ཙ ནིཙྩདཱནེན ཨནུཀུལཡཉྙེན ཨིམིནཱ ཙ ཝིཧཱརདཱནེན ཨིམེཧི ཙ སརཎགམནེཧི ཨིམེཧི ཙ སིཀྑཱཔདེཧི ཨཔྤཊྛཏརོ ཙ ཨཔྤསམཱརམྦྷཏརོ ཙ མཧཔྥལཏརོ ཙ མཧཱནིསཾསཏརོ ཙཱ’’ཏི?
‘‘Katamo pana so, bho gotama, yañño imāya ca tividhāya yaññasampadāya soḷasaparikkhārāya iminā ca niccadānena anukulayaññena iminā ca vihāradānena imehi ca saraṇagamanehi imehi ca sikkhāpadehi appaṭṭhataro ca appasamārambhataro ca mahapphalataro ca mahānisaṃsataro cā’’ti?
‘‘ཨིདྷ, བྲཱཧྨཎ, ཏཐཱགཏོ ལོཀེ ཨུཔྤཛྫཏི ཨརཧཾ སམྨཱསམྦུདྡྷོ…པེ॰… (ཡཐཱ ༡༩༠-༢༡༢ ཨནུཙྪེདེསུ, ཨེཝཾ ཝིཏྠཱརེཏབྦཾ)། ཨེཝཾ ཁོ, བྲཱཧྨཎ, བྷིཀྑུ སཱིལསམྤནྣོ ཧོཏི…པེ॰… པཋམཾ ཛྷཱནཾ ཨུཔསམྤཛྫ ཝིཧརཏི། ཨཡཾ ཁོ, བྲཱཧྨཎ, ཡཉྙོ པུརིམེཧི ཡཉྙེཧི ཨཔྤཊྛཏརོ ཙ ཨཔྤསམཱརམྦྷཏརོ ཙ མཧཔྥལཏརོ ཙ མཧཱནིསཾསཏརོ ཙ…པེ॰… དུཏིཡཾ ཛྷཱནཾ…པེ॰… ཏཏིཡཾ ཛྷཱནཾ…པེ॰… ཙཏུཏྠཾ ཛྷཱནཾ ཨུཔསམྤཛྫ ཝིཧརཏི། ཨཡམྤི ཁོ, བྲཱཧྨཎ, ཡཉྙོ པུརིམེཧི ཡཉྙེཧི ཨཔྤཊྛཏརོ ཙ ཨཔྤསམཱརམྦྷཏརོ ཙ མཧཔྥལཏརོ ཙ མཧཱནིསཾསཏརོ ཙཱཏི། ཉཱཎདསྶནཱཡ ཙིཏྟཾ ཨབྷིནཱིཧརཏི ཨབྷིནིནྣཱམེཏི…པེ॰… ཨཡམྤི ཁོ, བྲཱཧྨཎ, ཡཉྙོ པུརིམེཧི ཡཉྙེཧི ཨཔྤཊྛཏརོ ཙ ཨཔྤསམཱརམྦྷཏརོ ཙ མཧཔྥལཏརོ ཙ མཧཱནིསཾསཏརོ ཙ…པེ॰… ནཱཔརཾ ཨིཏྠཏྟཱཡཱཏི པཛཱནཱཏི། ཨཡམྤི ཁོ, བྲཱཧྨཎ, ཡཉྙོ པུརིམེཧི ཡཉྙེཧི ཨཔྤཊྛཏརོ ཙ ཨཔྤསམཱརམྦྷཏརོ ཙ མཧཔྥལཏརོ ཙ མཧཱནིསཾསཏརོ ཙ། ཨིམཱཡ ཙ, བྲཱཧྨཎ, ཡཉྙསམྤདཱཡ ཨཉྙཱ ཡཉྙསམྤདཱ ཨུཏྟརིཏརཱ ཝཱ པཎཱིཏཏརཱ ཝཱ ནཏྠཱི’’ཏི།
‘‘Idha, brāhmaṇa, tathāgato loke uppajjati arahaṃ sammāsambuddho…pe… (yathā 190-212 anucchedesu, evaṃ vitthāretabbaṃ). Evaṃ kho, brāhmaṇa, bhikkhu sīlasampanno hoti…pe… paṭhamaṃ jhānaṃ upasampajja viharati. Ayaṃ kho, brāhmaṇa, yañño purimehi yaññehi appaṭṭhataro ca appasamārambhataro ca mahapphalataro ca mahānisaṃsataro ca…pe… dutiyaṃ jhānaṃ…pe… tatiyaṃ jhānaṃ…pe… catutthaṃ jhānaṃ upasampajja viharati. Ayampi kho, brāhmaṇa, yañño purimehi yaññehi appaṭṭhataro ca appasamārambhataro ca mahapphalataro ca mahānisaṃsataro cāti. Ñāṇadassanāya cittaṃ abhinīharati abhininnāmeti…pe… ayampi kho, brāhmaṇa, yañño purimehi yaññehi appaṭṭhataro ca appasamārambhataro ca mahapphalataro ca mahānisaṃsataro ca…pe… nāparaṃ itthattāyāti pajānāti. Ayampi kho, brāhmaṇa, yañño purimehi yaññehi appaṭṭhataro ca appasamārambhataro ca mahapphalataro ca mahānisaṃsataro ca. Imāya ca, brāhmaṇa, yaññasampadāya aññā yaññasampadā uttaritarā vā paṇītatarā vā natthī’’ti.
ཀཱུཊདནྟཨུཔཱསཀཏྟཔཊིཝེདནཱ
Kūṭadantaupāsakattapaṭivedanā
༣༥༤. ཨེཝཾ ཝུཏྟེ, ཀཱུཊདནྟོ བྲཱཧྨཎོ བྷགཝནྟཾ ཨེཏདཝོཙ – ‘‘ཨབྷིཀྐནྟཾ, བྷོ གོཏམ, ཨབྷིཀྐནྟཾ, བྷོ གོཏམ! སེཡྻཐཱཔི བྷོ གོཏམ, ནིཀྐུཛྫིཏཾ ཝཱ ཨུཀྐུཛྫེཡྻ, པཊིཙྪནྣཾ ཝཱ ཝིཝརེཡྻ, མཱུལ༹ྷསྶ ཝཱ མགྒཾ ཨཱཙིཀྑེཡྻ, ཨནྡྷཀཱརེ ཝཱ ཏེལཔཛྫོཏཾ དྷཱརེཡྻ ‘ཙཀྑུམནྟོ རཱུཔཱནི དཀྑནྟཱི’ཏི; ཨེཝམེཝཾ བྷོཏཱ གོཏམེན ཨནེཀཔརིཡཱཡེན དྷམྨོ པཀཱསིཏོ། ཨེསཱཧཾ བྷཝནྟཾ གོཏམཾ སརཎཾ གཙྪཱམི དྷམྨཉྩ བྷིཀྑུསངྒྷཉྩ། ཨུཔཱསཀཾ མཾ བྷཝཾ གོཏམོ དྷཱརེཏུ ཨཛྫཏགྒེ པཱཎུཔེཏཾ སརཎཾ གཏཾ། ཨེསཱཧཾ བྷོ གོཏམ སཏྟ ཙ ཨུསབྷསཏཱནི སཏྟ ཙ ཝཙྪཏརསཏཱནི སཏྟ ཙ ཝཙྪཏརཱིསཏཱནི སཏྟ ཙ ཨཛསཏཱནི སཏྟ ཙ ཨུརབྦྷསཏཱནི མུཉྩཱམི, ཛཱིཝིཏཾ དེམི, ཧརིཏཱནི ཙེཝ ཏིཎཱནི ཁཱདནྟུ, སཱིཏཱནི ཙ པཱནཱིཡཱནི པིཝནྟུ, སཱིཏོ ཙ ནེསཾ ཝཱཏོ ཨུཔཝཱཡཏཱུ’’ཏི།
354. Evaṃ vutte, kūṭadanto brāhmaṇo bhagavantaṃ etadavoca – ‘‘abhikkantaṃ, bho gotama, abhikkantaṃ, bho gotama! Seyyathāpi bho gotama, nikkujjitaṃ vā ukkujjeyya, paṭicchannaṃ vā vivareyya, mūḷhassa vā maggaṃ ācikkheyya, andhakāre vā telapajjotaṃ dhāreyya ‘cakkhumanto rūpāni dakkhantī’ti; evamevaṃ bhotā gotamena anekapariyāyena dhammo pakāsito. Esāhaṃ bhavantaṃ gotamaṃ saraṇaṃ gacchāmi dhammañca bhikkhusaṅghañca. Upāsakaṃ maṃ bhavaṃ gotamo dhāretu ajjatagge pāṇupetaṃ saraṇaṃ gataṃ. Esāhaṃ bho gotama satta ca usabhasatāni satta ca vacchatarasatāni satta ca vacchatarīsatāni satta ca ajasatāni satta ca urabbhasatāni muñcāmi, jīvitaṃ demi, haritāni ceva tiṇāni khādantu, sītāni ca pānīyāni pivantu, sīto ca nesaṃ vāto upavāyatū’’ti.
སོཏཱཔཏྟིཕལསཙྪིཀིརིཡཱ
Sotāpattiphalasacchikiriyā
༣༥༥. ཨཐ ཁོ བྷགཝཱ ཀཱུཊདནྟསྶ བྲཱཧྨཎསྶ ཨནུཔུབྦིཾ ཀཐཾ ཀཐེསི, སེཡྻཐིདཾ, དཱནཀཐཾ སཱིལཀཐཾ སགྒཀཐཾ; ཀཱམཱནཾ ཨཱདཱིནཝཾ ཨོཀཱརཾ སཾཀིལེསཾ ནེཀྑམྨེ ཨཱནིསཾསཾ པཀཱསེསི། ཡདཱ བྷགཝཱ ཨཉྙཱསི ཀཱུཊདནྟཾ བྲཱཧྨཎཾ ཀལླཙིཏྟཾ མུདུཙིཏྟཾ ཝིནཱིཝརཎཙིཏྟཾ ཨུདགྒཙིཏྟཾ པསནྣཙིཏྟཾ, ཨཐ ཡཱ བུདྡྷཱནཾ སཱམུཀྐཾསིཀཱ དྷམྨདེསནཱ, ཏཾ པཀཱསེསི – དུཀྑཾ སམུདཡཾ ནིརོདྷཾ མགྒཾ། སེཡྻཐཱཔི ནཱམ སུདྡྷཾ ཝཏྠཾ ཨཔགཏཀཱལ༹ཀཾ སམྨདེཝ རཛནཾ པཊིགྒཎྷེཡྻ, ཨེཝམེཝ ཀཱུཊདནྟསྶ བྲཱཧྨཎསྶ ཏསྨིཉྙེཝ ཨཱསནེ ཝིརཛཾ ཝཱིཏམལཾ དྷམྨཙཀྑུཾ ཨུདཔཱདི – ‘‘ཡཾ ཀིཉྩི སམུདཡདྷམྨཾ, སབྦཾ ཏཾ ནིརོདྷདྷམྨ’’ནྟི།
355. Atha kho bhagavā kūṭadantassa brāhmaṇassa anupubbiṃ kathaṃ kathesi, seyyathidaṃ, dānakathaṃ sīlakathaṃ saggakathaṃ; kāmānaṃ ādīnavaṃ okāraṃ saṃkilesaṃ nekkhamme ānisaṃsaṃ pakāsesi. Yadā bhagavā aññāsi kūṭadantaṃ brāhmaṇaṃ kallacittaṃ muducittaṃ vinīvaraṇacittaṃ udaggacittaṃ pasannacittaṃ, atha yā buddhānaṃ sāmukkaṃsikā dhammadesanā, taṃ pakāsesi – dukkhaṃ samudayaṃ nirodhaṃ maggaṃ. Seyyathāpi nāma suddhaṃ vatthaṃ apagatakāḷakaṃ sammadeva rajanaṃ paṭiggaṇheyya, evameva kūṭadantassa brāhmaṇassa tasmiññeva āsane virajaṃ vītamalaṃ dhammacakkhuṃ udapādi – ‘‘yaṃ kiñci samudayadhammaṃ, sabbaṃ taṃ nirodhadhamma’’nti.
༣༥༦. ཨཐ ཁོ ཀཱུཊདནྟོ བྲཱཧྨཎོ དིཊྛདྷམྨོ པཏྟདྷམྨོ ཝིདིཏདྷམྨོ པརིཡོགཱལ༹ྷདྷམྨོ ཏིཎྞཝིཙིཀིཙྪོ ཝིགཏཀཐཾཀཐོ ཝེསཱརཛྫཔྤཏྟོ ཨཔརཔྤཙྩཡོ སཏྠུསཱསནེ བྷགཝནྟཾ ཨེཏདཝོཙ – ‘‘ཨདྷིཝཱསེཏུ མེ བྷཝཾ གོཏམོ སྭཱཏནཱཡ བྷཏྟཾ སདྡྷིཾ བྷིཀྑུསངྒྷེནཱ’’ཏི། ཨདྷིཝཱསེསི བྷགཝཱ ཏུཎྷཱིབྷཱཝེན།
356. Atha kho kūṭadanto brāhmaṇo diṭṭhadhammo pattadhammo viditadhammo pariyogāḷhadhammo tiṇṇavicikiccho vigatakathaṃkatho vesārajjappatto aparappaccayo satthusāsane bhagavantaṃ etadavoca – ‘‘adhivāsetu me bhavaṃ gotamo svātanāya bhattaṃ saddhiṃ bhikkhusaṅghenā’’ti. Adhivāsesi bhagavā tuṇhībhāvena.
༣༥༧. ཨཐ ཁོ ཀཱུཊདནྟོ བྲཱཧྨཎོ བྷགཝཏོ ཨདྷིཝཱསནཾ ཝིདིཏྭཱ ཨུཊྛཱཡཱསནཱ བྷགཝནྟཾ ཨབྷིཝཱདེཏྭཱ པདཀྑིཎཾ ཀཏྭཱ པཀྐཱམི། ཨཐ ཁོ ཀཱུཊདནྟོ བྲཱཧྨཎོ ཏསྶཱ རཏྟིཡཱ ཨཙྩཡེན སཀེ ཡཉྙཝཱཊེ པཎཱིཏཾ ཁཱདནཱིཡཾ བྷོཛནཱིཡཾ པཊིཡཱདཱཔེཏྭཱ བྷགཝཏོ ཀཱལཾ ཨཱརོཙཱཔེསི – ‘‘ཀཱལོ, བྷོ གོཏམ; ནིཊྛིཏཾ བྷཏྟ’’ནྟི།
357. Atha kho kūṭadanto brāhmaṇo bhagavato adhivāsanaṃ viditvā uṭṭhāyāsanā bhagavantaṃ abhivādetvā padakkhiṇaṃ katvā pakkāmi. Atha kho kūṭadanto brāhmaṇo tassā rattiyā accayena sake yaññavāṭe paṇītaṃ khādanīyaṃ bhojanīyaṃ paṭiyādāpetvā bhagavato kālaṃ ārocāpesi – ‘‘kālo, bho gotama; niṭṭhitaṃ bhatta’’nti.
༣༥༨. ཨཐ ཁོ བྷགཝཱ པུབྦཎྷསམཡཾ ནིཝཱསེཏྭཱ པཏྟཙཱིཝརམཱདཱཡ སདྡྷིཾ བྷིཀྑུསངྒྷེན ཡེན ཀཱུཊདནྟསྶ བྲཱཧྨཎསྶ ཡཉྙཝཱཊོ ཏེནུཔསངྐམི; ཨུཔསངྐམིཏྭཱ པཉྙཏྟེ ཨཱསནེ ནིསཱིདི།
358. Atha kho bhagavā pubbaṇhasamayaṃ nivāsetvā pattacīvaramādāya saddhiṃ bhikkhusaṅghena yena kūṭadantassa brāhmaṇassa yaññavāṭo tenupasaṅkami; upasaṅkamitvā paññatte āsane nisīdi.
ཨཐ ཁོ ཀཱུཊདནྟོ བྲཱཧྨཎོ བུདྡྷཔྤམུཁཾ བྷིཀྑུསངྒྷཾ པཎཱིཏེན ཁཱདནཱིཡེན བྷོཛནཱིཡེན སཧཏྠཱ སནྟཔྤེསི སམྤཝཱརེསི། ཨཐ ཁོ ཀཱུཊདནྟོ བྲཱཧྨཎོ བྷགཝནྟཾ བྷུཏྟཱཝིཾ ཨོནཱིཏཔཏྟཔཱཎིཾ ཨཉྙཏརཾ ནཱིཙཾ ཨཱསནཾ གཧེཏྭཱ ཨེཀམནྟཾ ནིསཱིདི། ཨེཀམནྟཾ ནིསིནྣཾ ཁོ ཀཱུཊདནྟཾ བྲཱཧྨཎཾ བྷགཝཱ དྷམྨིཡཱ ཀཐཱཡ སནྡསྶེཏྭཱ སམཱདཔེཏྭཱ སམུཏྟེཛེཏྭཱ སམྤཧཾསེཏྭཱ ཨུཊྛཱཡཱསནཱ པཀྐཱམཱིཏི།
Atha kho kūṭadanto brāhmaṇo buddhappamukhaṃ bhikkhusaṅghaṃ paṇītena khādanīyena bhojanīyena sahatthā santappesi sampavāresi. Atha kho kūṭadanto brāhmaṇo bhagavantaṃ bhuttāviṃ onītapattapāṇiṃ aññataraṃ nīcaṃ āsanaṃ gahetvā ekamantaṃ nisīdi. Ekamantaṃ nisinnaṃ kho kūṭadantaṃ brāhmaṇaṃ bhagavā dhammiyā kathāya sandassetvā samādapetvā samuttejetvā sampahaṃsetvā uṭṭhāyāsanā pakkāmīti.
ཀཱུཊདནྟསུཏྟཾ ནིཊྛིཏཾ པཉྩམཾ།
Kūṭadantasuttaṃ niṭṭhitaṃ pañcamaṃ.
Footnotes:
Related texts:
ཨཊྛཀཐཱ • Aṭṭhakathā / སུཏྟཔིཊཀ (ཨཊྛཀཐཱ) • Suttapiṭaka (aṭṭhakathā) / དཱིགྷ ནིཀཱཡ (ཨཊྛཀཐཱ) • Dīgha nikāya (aṭṭhakathā) / ༥. ཀཱུཊདནྟསུཏྟཝཎྞནཱ • 5. Kūṭadantasuttavaṇṇanā
ཊཱིཀཱ • Tīkā / སུཏྟཔིཊཀ (ཊཱིཀཱ) • Suttapiṭaka (ṭīkā) / དཱིགྷནིཀཱཡ (ཊཱིཀཱ) • Dīghanikāya (ṭīkā) / ༥. ཀཱུཊདནྟསུཏྟཝཎྞནཱ • 5. Kūṭadantasuttavaṇṇanā
