| Library / Tipiṭaka / д̇ибидага • Tipiṭaka / д̣̇ийгха нигааяа (адтагат̇аа) • Dīgha nikāya (aṭṭhakathā) |
5. гуудад̣̇анд̇асуд̇д̇аван̣н̣анаа
5. Kūṭadantasuttavaṇṇanā
323. звам̣ мз суд̇ам̣…бз… маг̇ад̇хзсууд̇и гуудад̣̇анд̇асуд̇д̇ам̣. д̇ад̇рааяам̣ абуб̣б̣абад̣̇аван̣н̣анаа. маг̇ад̇хзсууд̇и маг̇ад̇хаа наама ж̇аанабад̣̇ино рааж̇агумаараа, д̇зсам̣ ниваасо згоби ж̇анабад̣̇о руул̣хийсад̣̇д̣̇зна маг̇ад̇хаад̇и вужжад̇и, д̇асмим̣ маг̇ад̇хзсу ж̇анабад̣̇з. ид̇о барам̣ буримасуд̇д̇ад̣̇ваяз вуд̇д̇анаяамзва. амб̣аладтигаа б̣рахмаж̇аалз вуд̇д̇асад̣̇исаава. гуудад̣̇анд̇од̇и д̇асса б̣раахман̣асса наамам̣. убагкадод̇и саж̇ж̇ид̇о. важчад̇арасад̇аанийд̇и важчасад̇аани. ураб̣бхаад̇и д̇арун̣амзн̣д̣агаа вужжанд̇и. зд̇з д̇аава баал̣ияам̣ ааг̇ад̇ааязва. баал̣ияам̣ бана анааг̇ад̇аанамби анзгзсам̣ миг̇абагкийнам̣ сад̇д̇асад̇д̇асад̇аани самбин̣д̣ид̇аанзваад̇и взд̣̇ид̇аб̣б̣аани. саб̣б̣асад̇д̇асад̇игаяааг̇ам̣ гирзса яаж̇ид̇угаамо ход̇и. т̇уун̣уубанийд̇аанийд̇и б̣анд̇хид̇ваа табанад̇т̇ааяа яуубасан̇каад̇ам̣ т̇уун̣ам̣ убанийд̇аани.
323.Evaṃme sutaṃ…pe… magadhesūti kūṭadantasuttaṃ. Tatrāyaṃ apubbapadavaṇṇanā. Magadhesūti magadhā nāma jānapadino rājakumārā, tesaṃ nivāso ekopi janapado rūḷhīsaddena magadhāti vuccati, tasmiṃ magadhesu janapade. Ito paraṃ purimasuttadvaye vuttanayameva. Ambalaṭṭhikā brahmajāle vuttasadisāva. Kūṭadantoti tassa brāhmaṇassa nāmaṃ. Upakkhaṭoti sajjito. Vacchatarasatānīti vacchasatāni. Urabbhāti taruṇameṇḍakā vuccanti. Ete tāva pāḷiyaṃ āgatāyeva. Pāḷiyaṃ pana anāgatānampi anekesaṃ migapakkhīnaṃ sattasattasatāni sampiṇḍitānevāti veditabbāni. Sabbasattasatikayāgaṃ kiresa yajitukāmo hoti. Thūṇūpanītānīti bandhitvā ṭhapanatthāya yūpasaṅkhātaṃ thūṇaṃ upanītāni.
328. д̇ивид̇ханд̇и зд̇т̇а вид̇хаа вужжад̇и табанаа, д̇идтабананд̇и ад̇т̇о. сол̣асабаригкааранд̇и сол̣асабариваарам̣.
328.Tividhanti ettha vidhā vuccati ṭhapanā, tiṭṭhapananti attho. Soḷasaparikkhāranti soḷasaparivāraṃ.
330-336. бадивасанд̇ийд̇и яан̃н̃аанубхаванад̇т̇ааяа бадивасанд̇и. бхууд̇абуб̣б̣анд̇и ид̣̇ам̣ бхаг̇аваа бат̇авийг̇ад̇ам̣ нид̇хим̣ уд̣̇д̇харид̇ваа бурад̇о раасим̣ гаронд̇о вияа бхавабадижчаннам̣ буб̣б̣ажарид̇ам̣ д̣̇ассзнд̇о ааха. махаавиж̇ид̇од̇и со гира сааг̇арабарияанд̇ам̣ маханд̇ам̣ бат̇авийман̣д̣алам̣ виж̇ини, ид̇и маханд̇ам̣ виж̇ид̇амассаад̇и махаавиж̇ид̇о д̇взва сан̇кяам̣ аг̇амааси. ад̣дход̇иаад̣̇ийсу яо гожи ад̇д̇ано санд̇агзна вибхавзна ад̣дхо ход̇и, аяам̣ бана на гзвалам̣ ад̣дхоязва, махад̣̇д̇хано махад̇аа абаримаан̣асан̇кязна д̇ханзна саманнааг̇ад̇о. бан̃жагаамаг̇ун̣авасзна маханд̇аа ул̣аараа бхог̇аа ассаад̇и махаабхог̇о. бин̣д̣абин̣д̣авасзна жзва суван̣н̣амаасагараж̇ад̇амаасагаад̣̇ивасзна жа ж̇аад̇аруубараж̇ад̇асса бахууд̇ад̇ааяа бахууд̇аж̇аад̇аруубараж̇ад̇о, анзгагодисан̇кязна ж̇аад̇аруубараж̇ад̇зна саманнааг̇ад̇од̇и ад̇т̇о. вид̇д̇ийд̇и д̇удти, вид̇д̇ияаа убагаран̣ам̣ вид̇д̇уубагаран̣ам̣ д̇удтигааран̣анд̇и ад̇т̇о. бахууд̇ам̣ наанаавид̇хаалан̇гаарасуван̣н̣араж̇ад̇абхааж̇анаад̣̇ибхзд̣̇ам̣ вид̇д̇уубагаран̣амассаад̇и бахууд̇авид̇д̇уубагаран̣о. сад̇д̇арад̇анасан̇каад̇асса нид̣̇ахид̇ваа табид̇ад̇ханасса саб̣б̣абуб̣б̣ан̣н̣аабаран̣н̣асан̇г̇ахид̇асса д̇хан̃н̃асса жа бахууд̇ад̇ааяа бахууд̇ад̇ханад̇хан̃н̃о . ат̇аваа ид̣̇амасса д̣̇звасигам̣ бариб̣б̣аяад̣̇аанаг̇г̇ахан̣аад̣̇ивасзна баривад̇д̇анад̇ханад̇хан̃н̃авасзна вуд̇д̇ам̣.
330-336.Paṭivasantīti yaññānubhavanatthāya paṭivasanti. Bhūtapubbanti idaṃ bhagavā pathavīgataṃ nidhiṃ uddharitvā purato rāsiṃ karonto viya bhavapaṭicchannaṃ pubbacaritaṃ dassento āha. Mahāvijitoti so kira sāgarapariyantaṃ mahantaṃ pathavīmaṇḍalaṃ vijini, iti mahantaṃ vijitamassāti mahāvijito tveva saṅkhyaṃ agamāsi. Aḍḍhotiādīsu yo koci attano santakena vibhavena aḍḍho hoti, ayaṃ pana na kevalaṃ aḍḍhoyeva, mahaddhano mahatā aparimāṇasaṅkhyena dhanena samannāgato. Pañcakāmaguṇavasena mahantā uḷārā bhogā assāti mahābhogo. Piṇḍapiṇḍavasena ceva suvaṇṇamāsakarajatamāsakādivasena ca jātarūparajatassa pahūtatāya pahūtajātarūparajato, anekakoṭisaṅkhyena jātarūparajatena samannāgatoti attho. Vittīti tuṭṭhi, vittiyā upakaraṇaṃ vittūpakaraṇaṃ tuṭṭhikāraṇanti attho. Pahūtaṃ nānāvidhālaṅkārasuvaṇṇarajatabhājanādibhedaṃ vittūpakaraṇamassāti pahūtavittūpakaraṇo. Sattaratanasaṅkhātassa nidahitvā ṭhapitadhanassa sabbapubbaṇṇāparaṇṇasaṅgahitassa dhaññassa ca pahūtatāya pahūtadhanadhañño. Athavā idamassa devasikaṃ paribbayadānaggahaṇādivasena parivattanadhanadhaññavasena vuttaṃ.
барибун̣н̣агосагодтааг̇аарод̇и госо вужжад̇и бхан̣д̣ааг̇аарам̣, нид̣̇ахид̇ваа табид̇зна д̇ханзна барибун̣н̣агосо, д̇хан̃н̃зна барибун̣н̣агодтааг̇ааро жаад̇и ад̇т̇о. ат̇аваа жад̇уб̣б̣ид̇хо госо – хад̇т̇ий, ассаа, рат̇аа, бад̇д̇ийд̇и. годтааг̇аарам̣ д̇ивид̇хам̣ – д̇ханагодтааг̇аарам̣, вад̇т̇агодтааг̇аарам̣, д̇хан̃н̃агодтааг̇ааранд̇и, д̇ам̣ саб̣б̣амби барибун̣н̣амассаад̇и барибун̣н̣агосагодтааг̇ааро. уд̣̇абаад̣̇ийд̇и уббаж̇ж̇и. аяам̣ гира рааж̇аа згад̣̇ивасам̣ рад̇анаавалоганажааригам̣ наама нигканд̇о. со бхан̣д̣ааг̇ааригам̣ бужчи – ‘‘д̇аад̇а, ид̣̇ам̣ звам̣ б̣ахуд̇ханам̣ гзна сан̇гхарид̇а’’нд̇и? д̇умхаагам̣ бид̇убид̇аамахаад̣̇ийхи яаава сад̇д̇амаа гулабариваддаад̇и. ид̣̇ам̣ бана д̇ханам̣ сан̇гхарид̇ваа д̇з гухим̣ г̇ад̇аад̇и? саб̣б̣зва д̇з, д̣̇зва, маран̣авасам̣ бад̇д̇аад̇и. ад̇д̇ано д̇ханам̣ аг̇ахзд̇ваава г̇ад̇аа, д̇аад̇аад̇и? д̣̇зва, гим̣ вад̣̇зт̇а, д̇ханам̣ наамзд̇ам̣ бахааяа г̇аманийяамзва, но аад̣̇ааяа г̇аманийяанд̇и. ат̇а рааж̇аа нивад̇д̇ид̇ваа сирийг̇аб̣бхз нисинно – ‘ад̇хиг̇ад̇аа ко мз’д̇иаад̣̇ийни жинд̇зси. д̇зна вуд̇д̇ам̣ – ‘‘звам̣ жзд̇асо баривид̇агго уд̣̇абаад̣̇ий’’д̇и.
Paripuṇṇakosakoṭṭhāgāroti koso vuccati bhaṇḍāgāraṃ, nidahitvā ṭhapitena dhanena paripuṇṇakoso, dhaññena paripuṇṇakoṭṭhāgāro cāti attho. Athavā catubbidho koso – hatthī, assā, rathā, pattīti. Koṭṭhāgāraṃ tividhaṃ – dhanakoṭṭhāgāraṃ, vatthakoṭṭhāgāraṃ, dhaññakoṭṭhāgāranti, taṃ sabbampi paripuṇṇamassāti paripuṇṇakosakoṭṭhāgāro. Udapādīti uppajji. Ayaṃ kira rājā ekadivasaṃ ratanāvalokanacārikaṃ nāma nikkhanto. So bhaṇḍāgārikaṃ pucchi – ‘‘tāta, idaṃ evaṃ bahudhanaṃ kena saṅgharita’’nti? Tumhākaṃ pitupitāmahādīhi yāva sattamā kulaparivaṭṭāti. Idaṃ pana dhanaṃ saṅgharitvā te kuhiṃ gatāti? Sabbeva te, deva, maraṇavasaṃ pattāti. Attano dhanaṃ agahetvāva gatā, tātāti? Deva, kiṃ vadetha, dhanaṃ nāmetaṃ pahāya gamanīyameva, no ādāya gamanīyanti. Atha rājā nivattitvā sirīgabbhe nisinno – ‘adhigatā kho me’tiādīni cintesi. Tena vuttaṃ – ‘‘evaṃ cetaso parivitakko udapādī’’ti.
337. б̣раахман̣ам̣ ааманд̇зд̇ваад̇и гасмаа ааманд̇зси? аяам̣ гирзвам̣ жинд̇зси – ‘‘д̣̇аанам̣ д̣̇знд̇зна наама згзна бан̣д̣ид̇зна сад̣̇д̇хим̣ манд̇зд̇ваа д̣̇аад̇ум̣ ваддад̇и, анааманд̇зд̇ваа гад̇агамман̃хи бажчаануд̇аабам̣ гарод̇ий’’д̇и. д̇асмаа ааманд̇зси. ат̇а б̣раахман̣о жинд̇зси – ‘‘аяам̣ рааж̇аа махаад̣̇аанам̣ д̣̇аад̇угаамо, ж̇анабад̣̇з жасса б̣ахуу жораа, д̇з авуубасамзд̇ваа д̣̇аанам̣ д̣̇знд̇асса кийрад̣̇ад̇хид̇ан̣д̣улаад̣̇игз д̣̇аанасамбхаарз аахаранд̇аанам̣ ниббурисаани г̇зхаани жораа вилумбиссанд̇и ж̇анабад̣̇о жорабхаязнзва голаахало бхависсад̇и, д̇ад̇о ран̃н̃о д̣̇аанам̣ на жирам̣ бавад̇д̇иссад̇и, жид̇д̇амбисса згаг̇г̇ам̣ на бхависсад̇и, ханд̣̇а, нам̣ зд̇амад̇т̇ам̣ сан̃н̃аабзмий’’д̇и д̇ад̇о д̇амад̇т̇ам̣ сан̃н̃аабзнд̇о ‘‘бход̇о, ко ран̃н̃о’’д̇иаад̣̇имааха.
337.Brāhmaṇaṃāmantetvāti kasmā āmantesi? Ayaṃ kirevaṃ cintesi – ‘‘dānaṃ dentena nāma ekena paṇḍitena saddhiṃ mantetvā dātuṃ vaṭṭati, anāmantetvā katakammañhi pacchānutāpaṃ karotī’’ti. Tasmā āmantesi. Atha brāhmaṇo cintesi – ‘‘ayaṃ rājā mahādānaṃ dātukāmo, janapade cassa bahū corā, te avūpasametvā dānaṃ dentassa khīradadhitaṇḍulādike dānasambhāre āharantānaṃ nippurisāni gehāni corā vilumpissanti janapado corabhayeneva kolāhalo bhavissati, tato rañño dānaṃ na ciraṃ pavattissati, cittampissa ekaggaṃ na bhavissati, handa, naṃ etamatthaṃ saññāpemī’’ti tato tamatthaṃ saññāpento ‘‘bhoto, kho rañño’’tiādimāha.
338. д̇ад̇т̇а саган̣дагод̇и жораган̣дагзхи саган̣даго. бант̇ад̣̇уханаад̇и бант̇ад̣̇ухаа, бант̇агхаад̇агаад̇и ад̇т̇о. агижжагаарий ассаад̇и агад̇д̇аб̣б̣агаарий ад̇хаммагаарий бхавзяяа. д̣̇ассукийланд̇и жоракийлам̣. вад̇хзна ваад̇и мааран̣зна ваа годданзна ваа. б̣анд̇ханзнаад̇и ад̣̇д̣̇уб̣анд̇ханаад̣̇инаа. ж̇аанияаад̇и хаанияаа; ‘‘сад̇ам̣ г̇ан̣хат̇а, сахассам̣ г̇ан̣хат̇аа’’д̇и звам̣ бавад̇д̇ид̇ад̣̇ан̣д̣знаад̇и ад̇т̇о. г̇арахааяаад̇и бан̃жасикамун̣д̣агаран̣ам̣, г̇омаяасин̃жанам̣, г̇ийвааяа гуд̣̇ан̣д̣агаб̣анд̇хананд̇и звамаад̣̇ийни гад̇ваа г̇арахабаабанзна. баб̣б̣ааж̇анааяаад̇и радтад̇о нийхаран̣зна. самууханиссаамийд̇и саммаа хзд̇унаа наязна гааран̣зна ууханиссаами. хад̇аавасзсагаад̇и мад̇аавасзсагаа. уссаханд̇ийд̇и уссаахам̣ гаронд̇и. ануббад̣̇зд̇ууд̇и д̣̇иннз аббахонд̇з буна ан̃н̃амби б̣ийж̇ан̃жа бхад̇д̇ан̃жа гасиубагаран̣абхан̣д̣ан̃жа саб̣б̣ам̣ д̣̇зд̇ууд̇и ад̇т̇о. баабхад̇ам̣ ануббад̣̇зд̇ууд̇и сагким̣ агад̇ваа бан̣н̣з анааробзд̇ваа муулажчзж̇ж̇авасзна бхан̣д̣амуулам̣ д̣̇зд̇ууд̇и ад̇т̇о. бхан̣д̣амууласса хи баабхад̇анд̇и наамам̣. яат̇ааха –
338. Tattha sakaṇṭakoti corakaṇṭakehi sakaṇṭako. Panthaduhanāti panthaduhā, panthaghātakāti attho. Akiccakārī assāti akattabbakārī adhammakārī bhaveyya. Dassukhīlanti corakhīlaṃ. Vadhena vāti māraṇena vā koṭṭanena vā. Bandhanenāti addubandhanādinā. Jāniyāti hāniyā; ‘‘sataṃ gaṇhatha, sahassaṃ gaṇhathā’’ti evaṃ pavattitadaṇḍenāti attho. Garahāyāti pañcasikhamuṇḍakaraṇaṃ, gomayasiñcanaṃ, gīvāya kudaṇḍakabandhananti evamādīni katvā garahapāpanena. Pabbājanāyāti raṭṭhato nīharaṇena. Samūhanissāmīti sammā hetunā nayena kāraṇena ūhanissāmi. Hatāvasesakāti matāvasesakā. Ussahantīti ussāhaṃ karonti. Anuppadetūti dinne appahonte puna aññampi bījañca bhattañca kasiupakaraṇabhaṇḍañca sabbaṃ detūti attho. Pābhataṃ anuppadetūti sakkhiṃ akatvā paṇṇe anāropetvā mūlacchejjavasena bhaṇḍamūlaṃ detūti attho. Bhaṇḍamūlassa hi pābhatanti nāmaṃ. Yathāha –
‘‘аббагзнаби мзд̇хаавий, баабхад̇зна вижагкан̣о;
‘‘Appakenapi medhāvī, pābhatena vicakkhaṇo;
самудтаабзд̇и ад̇д̇аанам̣, ан̣ум̣ аг̇г̇им̣ва санд̇хама’’нд̇и. (ж̇аа. 1.1.4);
Samuṭṭhāpeti attānaṃ, aṇuṃ aggiṃva sandhama’’nti. (jā. 1.1.4);
бхад̇д̇авзд̇ананд̇и д̣̇звасигам̣ бхад̇д̇ан̃жзва маасигаад̣̇ибариб̣б̣аяан̃жа д̇асса д̇асса гусалагаммасуурабхааваануруубзна таананд̇араг̇ааманиг̇амаад̣̇ид̣̇аанзна сад̣̇д̇хим̣ д̣̇зд̇ууд̇и ад̇т̇о. сагаммабасуд̇аад̇и гасиваан̣иж̇ж̇аад̣̇ийсу сагзсу гаммзсу уяяуд̇д̇аа б̣яаавадаа. раасигод̇и д̇ханад̇хан̃н̃аанам̣ раасиго. кзмадтид̇аад̇и кзмзна тид̇аа абхаяаа. аган̣дагаад̇и жораган̣дагарахид̇аа. муд̣̇аа мод̣̇амаанаад̇и мод̣̇аа мод̣̇амаанаа. аяамзва ваа баато, ан̃н̃аман̃н̃ам̣ бамуд̣̇ид̇ажид̇д̇аад̇и ад̇хиббааяо. абааруд̇агхараад̇и жораанам̣ абхаавзна д̣̇ваараани асам̣варид̇ваа вивадад̣̇ваараад̇и ад̇т̇о. зд̇ад̣̇авожаад̇и ж̇анабад̣̇асса саб̣б̣аагаарзна ид̣̇д̇хапийд̇абхаавам̣ н̃ад̇ваа зд̇ам̣ авожа.
Bhattavetananti devasikaṃ bhattañceva māsikādiparibbayañca tassa tassa kusalakammasūrabhāvānurūpena ṭhānantaragāmanigamādidānena saddhiṃ detūti attho. Sakammapasutāti kasivāṇijjādīsu sakesu kammesu uyyuttā byāvaṭā. Rāsikoti dhanadhaññānaṃ rāsiko. Khemaṭṭhitāti khemena ṭhitā abhayā. Akaṇṭakāti corakaṇṭakarahitā. Mudā modamānāti modā modamānā. Ayameva vā pāṭho, aññamaññaṃ pamuditacittāti adhippāyo. Apārutagharāti corānaṃ abhāvena dvārāni asaṃvaritvā vivaṭadvārāti attho. Etadavocāti janapadassa sabbākārena iddhaphītabhāvaṃ ñatvā etaṃ avoca.
жад̇убаригкаараван̣н̣анаа
Catuparikkhāravaṇṇanā
339. д̇зна хи бхавам̣ рааж̇аад̇и б̣раахман̣о гира жинд̇зси – ‘‘аяам̣ рааж̇аа махаад̣̇аанам̣ д̣̇аад̇ум̣ ад̇ивияа уссаахаж̇аад̇о. сажз бана ад̇д̇ано ануяанд̇аа кад̇д̇ияаад̣̇аяо анааманд̇зд̇ваа д̣̇ассад̇и. наасса д̇з ад̇д̇аманаа бхависсанд̇и; яат̇аа д̣̇аанам̣ д̇з ад̇д̇аманаа хонд̇и, д̇ат̇аа гариссаамий’’д̇и. д̇асмаа ‘‘д̇зна хи бхава’’нд̇иаад̣̇имааха. д̇ад̇т̇а нзг̇амаад̇и ниг̇амаваасино. ж̇аанабад̣̇аад̇и ж̇анабад̣̇аваасино . ааманд̇аяад̇анд̇и ааманд̇зд̇у ж̇аанаабзд̇у. яам̣ мама ассаад̇и яам̣ д̇умхаагам̣ ануж̇аананам̣ мама бхавзяяа. амажжаад̇и бияасахааяагаа. баарисаж̇ж̇аад̇и сзсаа аан̣ад̇д̇игаарагаа. яаж̇ад̇ам̣ бхавам̣ рааж̇аад̇и яаж̇ад̇у бхавам̣, д̇з гира – аяам̣ рааж̇аа ‘‘ахам̣ иссаро’’д̇и басаяха д̣̇аанам̣ ад̣̇ад̇ваа амхз ааманд̇зси, ахонзна судту гад̇а’’нд̇и ад̇д̇аманаа звамаахам̣су. анааманд̇ид̇з банасса яан̃н̃адтаанам̣ д̣̇ассанааяаби на г̇ажчзяяум̣. яан̃н̃агаало махаарааж̇аад̇и д̣̇зяяад̇хаммасмин̃хи асад̇и махаллагагаалз жа зваруубам̣ д̣̇аанам̣ д̣̇аад̇ум̣ на саггаа, д̇вам̣ бана махаад̇хано жзва д̇арун̣о жа, зд̇зна д̇з яан̃н̃агаалод̇и д̣̇ассзнд̇аа вад̣̇анд̇и. анумад̇ибагкаад̇и анумад̇ияаа багкаа, анумад̇ид̣̇ааяагаад̇и ад̇т̇о. баригкаараа бхаванд̇ийд̇и бариваараа бхаванд̇и. ‘‘рат̇о сийлабаригкааро, жхаанагко жаггавийрияо’’д̇и (сам̣. ни. 5.4) зд̇т̇а бана алан̇гааро баригкаарод̇и вуд̇д̇о.
339.Tena hi bhavaṃ rājāti brāhmaṇo kira cintesi – ‘‘ayaṃ rājā mahādānaṃ dātuṃ ativiya ussāhajāto. Sace pana attano anuyantā khattiyādayo anāmantetvā dassati. Nāssa te attamanā bhavissanti; yathā dānaṃ te attamanā honti, tathā karissāmī’’ti. Tasmā ‘‘tena hi bhava’’ntiādimāha. Tattha negamāti nigamavāsino. Jānapadāti janapadavāsino . Āmantayatanti āmantetu jānāpetu. Yaṃ mama assāti yaṃ tumhākaṃ anujānanaṃ mama bhaveyya. Amaccāti piyasahāyakā. Pārisajjāti sesā āṇattikārakā. Yajataṃ bhavaṃ rājāti yajatu bhavaṃ, te kira – ayaṃ rājā ‘‘ahaṃ issaro’’ti pasayha dānaṃ adatvā amhe āmantesi, ahonena suṭṭhu kata’’nti attamanā evamāhaṃsu. Anāmantite panassa yaññaṭṭhānaṃ dassanāyapi na gaccheyyuṃ. Yaññakālo mahārājāti deyyadhammasmiñhi asati mahallakakāle ca evarūpaṃ dānaṃ dātuṃ na sakkā, tvaṃ pana mahādhano ceva taruṇo ca, etena te yaññakāloti dassentā vadanti. Anumatipakkhāti anumatiyā pakkhā, anumatidāyakāti attho. Parikkhārā bhavantīti parivārā bhavanti. ‘‘Ratho sīlaparikkhāro, jhānakkho cakkavīriyo’’ti (saṃ. ni. 5.4) ettha pana alaṅkāro parikkhāroti vutto.
адтабаригкаараван̣н̣анаа
Aṭṭhaparikkhāravaṇṇanā
340. адтахан̇г̇зхийд̇и убхад̇о суж̇аад̇аад̣̇ийхи адтахи ан̇г̇зхи. яасасаад̇и аан̣аатабанасамад̇т̇ад̇ааяа. сад̣̇д̇ход̇и д̣̇аанасса палам̣ ад̇т̇ийд̇и сад̣̇д̣̇ахад̇и. д̣̇ааяагод̇и д̣̇аанасууро. на сад̣̇д̇хаамад̇д̇агзнзва д̇идтад̇и, барижжаж̇ид̇умби саггод̇ийд̇и ад̇т̇о. д̣̇аанабад̇ийд̇и яам̣ д̣̇аанам̣ д̣̇зд̇и, д̇асса бад̇и худ̇ваа д̣̇зд̇и, на д̣̇аасо, на сахааяо. яо хи ад̇д̇анаа мад̇хурам̣ бхун̃ж̇ад̇и, барзсам̣ амад̇хурам̣ д̣̇зд̇и, со д̣̇аанасан̇каад̇асса д̣̇зяяад̇хаммасса д̣̇аасо худ̇ваа д̣̇зд̇и. яо яам̣ ад̇д̇анаа бхун̃ж̇ад̇и, д̇ад̣̇зва д̣̇зд̇и, со сахааяо худ̇ваа д̣̇зд̇и. яо бана ад̇д̇анаа язна гзнажи яаабзд̇и, барзсам̣ мад̇хурам̣ д̣̇зд̇и, со бад̇и ж̇здтаго саамий худ̇ваа д̣̇зд̇и, аяам̣ д̇аад̣̇исод̇и ад̇т̇о. саман̣аб̣раахман̣агабан̣ад̣̇д̇хигаван̣иб̣б̣агаяаажагаананд̇и зд̇т̇а самид̇абаабаа саман̣аа, б̣аахид̇абаабаа б̣раахман̣аа. габан̣аад̇и д̣̇уг̇г̇ад̇аа д̣̇алид̣̇д̣̇амануссаа. ад̣̇д̇хигаад̇и бат̇аавино. ван̣иб̣б̣агаад̇и яз – ‘‘идтам̣ д̣̇иннам̣, ганд̇ам̣, манаабам̣, гаалзна анаваж̇ж̇ам̣ д̣̇иннам̣, д̣̇ад̣̇ам̣ жид̇д̇ам̣ басаад̣̇зяяа, г̇ажчад̇у бхавам̣ б̣рахмалога’’нд̇иаад̣̇инаа наязна д̣̇аанасса ван̣н̣ам̣ т̇омаяамаанаа вижаранд̇и. яаажагаад̇и яз – ‘‘басад̇амад̇д̇ам̣ д̣̇зт̇а, сараавамад̇д̇ам̣ д̣̇зт̇аа’’д̇иаад̣̇ийни вад̇ваа яаажамаанаа вижаранд̇и. обаанабхууд̇од̇и уд̣̇абаанабхууд̇о. саб̣б̣зсам̣ саад̇хааран̣абарибхог̇о, жад̇умахаабат̇з кад̇абогкаран̣ий вияа худ̇ваад̇и ад̇т̇о. суд̇аж̇аад̇ассаад̇и зд̇т̇а суд̇амзва суд̇аж̇аад̇ам̣. ад̇ийд̇аанааг̇ад̇абажжуббаннз ад̇т̇з жинд̇зд̇унд̇и зд̇т̇а – ‘‘ад̇ийд̇з бун̃н̃асса гад̇ад̇д̇ааязва мз аяам̣ самбад̇д̇ий’’д̇и, звам̣ жинд̇знд̇о ад̇ийд̇амад̇т̇ам̣ жинд̇зд̇ум̣ бадиб̣ало наама ход̇и. ‘‘ид̣̇аани бун̃н̃ам̣ гад̇ваава анааг̇ад̇з саггаа самбад̇д̇им̣ баабун̣ид̇у’’нд̇и жинд̇знд̇о анааг̇ад̇амад̇т̇ам̣ жинд̇зд̇ум̣ бадиб̣ало наама ход̇и. ‘‘ид̣̇ам̣ бун̃н̃агаммам̣ наама саббурисаанам̣ аажин̣н̣ам̣, маяхан̃жа бхог̇ааби сам̣виж̇ж̇анд̇и, д̣̇ааяагажид̇д̇амби ад̇т̇и; ханд̣̇аахам̣ бун̃н̃аани гаромий’’д̇и жинд̇знд̇о бажжуббаннамад̇т̇ам̣ жинд̇зд̇ум̣ бадиб̣ало наама ход̇ийд̇и взд̣̇ид̇аб̣б̣о. ид̇и имаанийд̇и звам̣ яат̇аа вуд̇д̇аани зд̇аани. зд̇зхи гира адтахан̇г̇зхи саманнааг̇ад̇асса д̣̇аанам̣ саб̣б̣ад̣̇исаахи махааж̇ано убасан̇гамад̇и. ‘‘аяам̣ д̣̇уж̇ж̇аад̇о гид̇д̇агам̣ гаалам̣ д̣̇ассад̇и, ид̣̇аани виббадисаарий худ̇ваа убажчинд̣̇иссад̇ий’’д̇и звамаад̣̇ийни жинд̇зд̇ваа на гожи убасан̇гамид̇аб̣б̣ам̣ ман̃н̃ад̇и. д̇асмаа зд̇аани адтан̇г̇аани баригкаараа бхаванд̇ийд̇и вуд̇д̇аани.
340.Aṭṭhahaṅgehīti ubhato sujātādīhi aṭṭhahi aṅgehi. Yasasāti āṇāṭhapanasamatthatāya. Saddhoti dānassa phalaṃ atthīti saddahati. Dāyakoti dānasūro. Na saddhāmattakeneva tiṭṭhati, pariccajitumpi sakkotīti attho. Dānapatīti yaṃ dānaṃ deti, tassa pati hutvā deti, na dāso, na sahāyo. Yo hi attanā madhuraṃ bhuñjati, paresaṃ amadhuraṃ deti, so dānasaṅkhātassa deyyadhammassa dāso hutvā deti. Yo yaṃ attanā bhuñjati, tadeva deti, so sahāyo hutvā deti. Yo pana attanā yena kenaci yāpeti, paresaṃ madhuraṃ deti, so pati jeṭṭhako sāmī hutvā deti, ayaṃ tādisoti attho. Samaṇabrāhmaṇakapaṇaddhikavaṇibbakayācakānanti ettha samitapāpā samaṇā, bāhitapāpā brāhmaṇā. Kapaṇāti duggatā daliddamanussā. Addhikāti pathāvino. Vaṇibbakāti ye – ‘‘iṭṭhaṃ dinnaṃ, kantaṃ, manāpaṃ, kālena anavajjaṃ dinnaṃ, dadaṃ cittaṃ pasādeyya, gacchatu bhavaṃ brahmaloka’’ntiādinā nayena dānassa vaṇṇaṃ thomayamānā vicaranti. Yācakāti ye – ‘‘pasatamattaṃ detha, sarāvamattaṃ dethā’’tiādīni vatvā yācamānā vicaranti. Opānabhūtoti udapānabhūto. Sabbesaṃ sādhāraṇaparibhogo, catumahāpathe khatapokkharaṇī viya hutvāti attho. Sutajātassāti ettha sutameva sutajātaṃ. Atītānāgatapaccuppanne atthe cintetunti ettha – ‘‘atīte puññassa katattāyeva me ayaṃ sampattī’’ti, evaṃ cintento atītamatthaṃ cintetuṃ paṭibalo nāma hoti. ‘‘Idāni puññaṃ katvāva anāgate sakkā sampattiṃ pāpuṇitu’’nti cintento anāgatamatthaṃ cintetuṃ paṭibalo nāma hoti. ‘‘Idaṃ puññakammaṃ nāma sappurisānaṃ āciṇṇaṃ, mayhañca bhogāpi saṃvijjanti, dāyakacittampi atthi; handāhaṃ puññāni karomī’’ti cintento paccuppannamatthaṃ cintetuṃ paṭibalo nāma hotīti veditabbo. Iti imānīti evaṃ yathā vuttāni etāni. Etehi kira aṭṭhahaṅgehi samannāgatassa dānaṃ sabbadisāhi mahājano upasaṅkamati. ‘‘Ayaṃ dujjāto kittakaṃ kālaṃ dassati, idāni vippaṭisārī hutvā upacchindissatī’’ti evamādīni cintetvā na koci upasaṅkamitabbaṃ maññati. Tasmā etāni aṭṭhaṅgāni parikkhārā bhavantīti vuttāni.
жад̇убаригкаараад̣̇иван̣н̣анаа
Catuparikkhārādivaṇṇanā
341. суж̇ам̣ баг̇г̇ан̣ханд̇аананд̇и махааяааг̇абадиг̇г̇ан̣ханадтаанз д̣̇аанагадажчум̣ баг̇г̇ан̣ханд̇аанам̣. имзхи жад̇уухийд̇и зд̇зхи суж̇аад̇аад̣̇ийхи. зд̇зсу хи асад̇и – ‘‘звам̣ д̣̇уж̇ж̇аад̇асса сам̣вид̇хаанзна бавад̇д̇ад̣̇аанам̣ гид̇д̇агам̣ гаалам̣ бавад̇д̇иссад̇ий’’д̇иаад̣̇ийни вад̇ваа убасан̇гамид̇ааро на хонд̇и. г̇арахид̇аб̣б̣аабхаавад̇о бана убасан̇гаманд̇иязва. д̇асмаа имааниби баригкаараа бхаванд̇ийд̇и вуд̇д̇аани.
341.Sujaṃpaggaṇhantānanti mahāyāgapaṭiggaṇhanaṭṭhāne dānakaṭacchuṃ paggaṇhantānaṃ. Imehi catūhīti etehi sujātādīhi. Etesu hi asati – ‘‘evaṃ dujjātassa saṃvidhānena pavattadānaṃ kittakaṃ kālaṃ pavattissatī’’tiādīni vatvā upasaṅkamitāro na honti. Garahitabbābhāvato pana upasaṅkamantiyeva. Tasmā imānipi parikkhārā bhavantīti vuttāni.
342. д̇иссо вид̇хаа д̣̇зсзсийд̇и д̇ийн̣и табанаани д̣̇зсзси. со гира жинд̇зси – ‘‘д̣̇аанам̣ д̣̇ад̣̇амаанаа наама д̇ин̣н̣ам̣ таанаанам̣ ан̃н̃ад̇арасмим̣ жаланд̇и ханд̣̇аахам̣ имам̣ рааж̇аанам̣ д̇зсу таанзсу батамад̇аран̃н̃зва нижжалам̣ гаромий’’д̇и. д̇знасса д̇иссо вид̇хаа д̣̇зсзсийд̇и. со бход̇о ран̃н̃од̇и ид̣̇ам̣ гаран̣ад̇т̇з саамиважанам̣. бход̇аа ран̃н̃аад̇и ваа баато. виббадисааро на гаран̣ийяод̇и ‘‘бхог̇аанам̣ виг̇амахзд̇уго бажчаануд̇аабо на гад̇д̇аб̣б̣о, буб̣б̣ажзд̇анаа бана ажалаа бад̇идтабзд̇аб̣б̣аа, зван̃хи д̣̇аанам̣ махабпалам̣ ход̇ий’’д̇и д̣̇ассзд̇и. ид̇арзсуби д̣̇вийсу таанзсу зсзва наяо. мун̃жажзд̇анааби хи бажчаасамануссаран̣ажзд̇анаа жа нижжалаава гаад̇аб̣б̣аа. д̇ат̇аа агаронд̇асса д̣̇аанам̣ на махабпалам̣ ход̇и, нааби ул̣аарзсу бхог̇зсу жид̇д̇ам̣ намад̇и, махаарорувам̣ убабаннасса сздтиг̇ахабад̇ино вияа.
342.Tisso vidhā desesīti tīṇi ṭhapanāni desesi. So kira cintesi – ‘‘dānaṃ dadamānā nāma tiṇṇaṃ ṭhānānaṃ aññatarasmiṃ calanti handāhaṃ imaṃ rājānaṃ tesu ṭhānesu paṭhamataraññeva niccalaṃ karomī’’ti. Tenassa tisso vidhā desesīti. So bhoto raññoti idaṃ karaṇatthe sāmivacanaṃ. Bhotā raññāti vā pāṭho. Vippaṭisāro na karaṇīyoti ‘‘bhogānaṃ vigamahetuko pacchānutāpo na kattabbo, pubbacetanā pana acalā patiṭṭhapetabbā, evañhi dānaṃ mahapphalaṃ hotī’’ti dasseti. Itaresupi dvīsu ṭhānesu eseva nayo. Muñcacetanāpi hi pacchāsamanussaraṇacetanā ca niccalāva kātabbā. Tathā akarontassa dānaṃ na mahapphalaṃ hoti, nāpi uḷāresu bhogesu cittaṃ namati, mahāroruvaṃ upapannassa seṭṭhigahapatino viya.
343. д̣̇асахаагаарзхийд̇и д̣̇асахи гааран̣зхи. д̇асса гира звам̣ ахоси – сажааяам̣ рааж̇аа д̣̇уссийлз д̣̇исваа – ‘‘нассад̇и вад̇а мз д̣̇аанам̣, яасса мз зваруубаа д̣̇уссийлаа бхун̃ж̇анд̇ий’’д̇и сийлаванд̇зсуби виббадисаарам̣ уббаад̣̇зссад̇и, д̣̇аанам̣ на махабпалам̣ бхависсад̇и. виббадисааро жа наама д̣̇ааяагаанам̣ бадиг̇г̇аахагад̇ова уббаж̇ж̇ад̇и , ханд̣̇асса батамамзва д̇ам̣ виббадисаарам̣ винод̣̇змийд̇и. д̇асмаа д̣̇асахаагаарзхи убажчиж̇ж̇ид̇ум̣ яуд̇д̇ам̣ бадиг̇г̇аахагзсуби виббадисаарам̣ винод̣̇зсийд̇и. д̇зсан̃н̃зва д̇знаад̇и д̇зсан̃н̃зва д̇зна баабзна анидто вибааго бхависсад̇и, на ан̃н̃зсанд̇и д̣̇ассзд̇и. яаж̇ад̇ам̣ бхаванд̇и д̣̇зд̇у бхавам̣. саж̇ж̇ад̇анд̇и виссаж̇ж̇ад̇у. анд̇аранд̇и аб̣бханд̇арам̣.
343.Dasahākārehīti dasahi kāraṇehi. Tassa kira evaṃ ahosi – sacāyaṃ rājā dussīle disvā – ‘‘nassati vata me dānaṃ, yassa me evarūpā dussīlā bhuñjantī’’ti sīlavantesupi vippaṭisāraṃ uppādessati, dānaṃ na mahapphalaṃ bhavissati. Vippaṭisāro ca nāma dāyakānaṃ paṭiggāhakatova uppajjati , handassa paṭhamameva taṃ vippaṭisāraṃ vinodemīti. Tasmā dasahākārehi upacchijjituṃ yuttaṃ paṭiggāhakesupi vippaṭisāraṃ vinodesīti. Tesaññeva tenāti tesaññeva tena pāpena aniṭṭho vipāko bhavissati, na aññesanti dasseti. Yajataṃ bhavanti detu bhavaṃ. Sajjatanti vissajjatu. Antaranti abbhantaraṃ.
344. сол̣асахи аагаарзхи жид̇д̇ам̣ санд̣̇ассзсийд̇и ид̇ха б̣раахман̣о ран̃н̃о махаад̣̇аанаанумод̣̇анам̣ наама аарад̣̇д̇хо. д̇ад̇т̇а санд̣̇ассзсийд̇и – ‘ид̣̇ам̣ д̣̇аанам̣ д̣̇аад̇аа зваруубам̣ самбад̇д̇им̣ лабхад̇ий’д̇и д̣̇ассзд̇ваа д̣̇ассзд̇ваа гат̇зси. самаад̣̇абзсийд̇и д̇ад̣̇ад̇т̇ам̣ самаад̣̇абзд̇ваа гат̇зси. самуд̇д̇зж̇зсийд̇и виббадисааравинод̣̇анзнасса жид̇д̇ам̣ вод̣̇аабзси. самбахам̣сзсийд̇и ‘сунд̣̇арам̣ д̇з гад̇ам̣, махаарааж̇а, д̣̇аанам̣ д̣̇ад̣̇амаанзнаа’д̇и т̇уд̇им̣ гад̇ваа гат̇зси. вад̇д̇аа д̇хаммад̇о над̇т̇ийд̇и д̇хаммзна самзна гааран̣зна вад̇д̇аа над̇т̇и.
344.Soḷasahi ākārehi cittaṃ sandassesīti idha brāhmaṇo rañño mahādānānumodanaṃ nāma āraddho. Tattha sandassesīti – ‘idaṃ dānaṃ dātā evarūpaṃ sampattiṃ labhatī’ti dassetvā dassetvā kathesi. Samādapesīti tadatthaṃ samādapetvā kathesi. Samuttejesīti vippaṭisāravinodanenassa cittaṃ vodāpesi. Sampahaṃsesīti ‘sundaraṃ te kataṃ, mahārāja, dānaṃ dadamānenā’ti thutiṃ katvā kathesi. Vattā dhammato natthīti dhammena samena kāraṇena vattā natthi.
345. на ругкаа чиж̇ж̇им̣су яуубад̇т̇ааяа на д̣̇аб̣бхаа лууяим̣су б̣арихисад̇т̇ааяаад̇и яз яуубанаамагз махаат̇амбхз уссаабзд̇ваа – ‘‘асугарааж̇аа асугаамажжо асугаб̣раахман̣о зваруубам̣ наама махааяааг̇ам̣ яаж̇ад̇ий’’д̇и наамам̣ ликид̇ваа табзнд̇и. яаани жа д̣̇аб̣бхад̇ин̣аани лааяид̇ваа ванамаалаасан̇кзбзна яан̃н̃асаалам̣ баригкибанд̇и, бхуумияам̣ ваа бад̇т̇аранд̇и, д̇зби на ругкаа чиж̇ж̇им̣су, на д̣̇аб̣бхаа лууяим̣су. гим̣ бана г̇ааво ваа аж̇аад̣̇аяо ваа хан̃н̃иссанд̇ийд̇и д̣̇ассзд̇и. д̣̇аасаад̇и анд̇ог̇зхад̣̇аасаад̣̇аяо. бзссаад̇и яз буб̣б̣амзва д̇ханам̣ г̇ахзд̇ваа гаммам̣ гаронд̇и. гаммагараад̇и яз бхад̇д̇авзд̇анам̣ г̇ахзд̇ваа гаронд̇и. д̣̇ан̣д̣ад̇аж̇ж̇ид̇аа наама д̣̇ан̣д̣аяадтимуг̇г̇араад̣̇ийни г̇ахзд̇ваа – ‘‘гаммам̣ гарот̇а гарот̇аа’’д̇и звам̣ д̇аж̇ж̇ид̇аа. бхаяад̇аж̇ж̇ид̇аа наама – сажз гаммам̣ гароси, гусалам̣. но жз гароси, чинд̣̇иссаама ваа б̣анд̇хиссаама ваа маарзссаама ваад̇и звам̣ бхаязна д̇аж̇ж̇ид̇аа. зд̇з бана на д̣̇ан̣д̣ад̇аж̇ж̇ид̇аа, на бхаяад̇аж̇ж̇ид̇аа, на ассумукаа род̣̇амаанаа баригаммаани агам̣су. ат̇а ко бияасамуд̣̇аажаарзнзва самуд̣̇аажарияамаанаа агам̣су. на хи д̇ад̇т̇а д̣̇аасам̣ ваа д̣̇аасаад̇и, бзссам̣ ваа бзссаад̇и, гаммагарам̣ ваа гаммагараад̇и аалабанд̇и. яат̇аанаамавасзнзва бана бияасамуд̣̇аажаарзна аалабид̇ваа ид̇т̇ибурисаб̣алаванд̇ад̣̇уб̣б̣алаанам̣ ануруубамзва гаммам̣ д̣̇ассзд̇ваа – ‘‘ид̣̇ан̃жид̣̇ан̃жа гарот̇аа’’д̇и вад̣̇анд̇и. д̇зби ад̇д̇ано руживасзнзва гаронд̇и. д̇зна вуд̇д̇ам̣ – ‘‘яз ижчим̣су, д̇з агам̣су; яз на ижчим̣су, на д̇з агам̣су. яам̣ ижчим̣су, д̇ам̣ агам̣су; яам̣ на ижчим̣су, на д̇ам̣ агам̣суу’’д̇и. саббид̇зланаванийд̇ад̣̇ад̇химад̇хупаан̣ид̇зна жзва со яан̃н̃о нидтаанамаг̇амаасийд̇и рааж̇аа гира б̣ахинаг̇арасса жад̇уусу д̣̇ваарзсу анд̇онаг̇арасса жа маж̇жхзд̇и бан̃жасу таанзсу махаад̣̇аанасаалааяо гаараабзд̇ваа згзгиссааяа саалааяа сад̇асахассам̣ сад̇асахассам̣ гад̇ваа д̣̇ивасз д̣̇ивасз бан̃жасад̇асахассаани виссаж̇ж̇зд̇ваа суурияуг̇г̇аманад̇о бадтааяа д̇асса д̇асса гааласса ануруубзхи сахад̇т̇зна суван̣н̣агадажчум̣ г̇ахзд̇ваа бан̣ийд̇зхи саббид̇злаад̣̇исаммиссзхзва яааг̇укаж̇ж̇агабхад̇д̇аб̣яан̃ж̇анабаанагаад̣̇ийхи махааж̇анам̣ санд̇аббзси. бхааж̇анаани буурзд̇ваа г̇ан̣хид̇угаамаанам̣ д̇ат̇зва д̣̇аабзси. сааяан̣хасамаяз бана вад̇т̇аг̇анд̇хамаалаад̣̇ийхи самбууж̇зси. саббиаад̣̇ийнам̣ бана махаажаадияо буураабзд̇ваа – ‘‘яо яам̣ барибхун̃ж̇ид̇угаамо, со д̇ам̣ барибхун̃ж̇ад̇уу’’д̇и анзгасад̇зсу таанзсу табаабзси. д̇ам̣ санд̇хааяа вуд̇д̇ам̣ – ‘‘саббид̇зланаванийд̇ад̣̇ад̇химад̇хупаан̣ид̇зна жзва со яан̃н̃о нидтаанамаг̇амаасий’’д̇и.
345.Narukkhā chijjiṃsu yūpatthāya na dabbhā lūyiṃsu barihisatthāyāti ye yūpanāmake mahāthambhe ussāpetvā – ‘‘asukarājā asukāmacco asukabrāhmaṇo evarūpaṃ nāma mahāyāgaṃ yajatī’’ti nāmaṃ likhitvā ṭhapenti. Yāni ca dabbhatiṇāni lāyitvā vanamālāsaṅkhepena yaññasālaṃ parikkhipanti, bhūmiyaṃ vā pattharanti, tepi na rukkhā chijjiṃsu, na dabbhā lūyiṃsu. Kiṃ pana gāvo vā ajādayo vā haññissantīti dasseti. Dāsāti antogehadāsādayo. Pessāti ye pubbameva dhanaṃ gahetvā kammaṃ karonti. Kammakarāti ye bhattavetanaṃ gahetvā karonti. Daṇḍatajjitā nāma daṇḍayaṭṭhimuggarādīni gahetvā – ‘‘kammaṃ karotha karothā’’ti evaṃ tajjitā. Bhayatajjitā nāma – sace kammaṃ karosi, kusalaṃ. No ce karosi, chindissāma vā bandhissāma vā māressāma vāti evaṃ bhayena tajjitā. Ete pana na daṇḍatajjitā, na bhayatajjitā, na assumukhā rodamānā parikammāni akaṃsu. Atha kho piyasamudācāreneva samudācariyamānā akaṃsu. Na hi tattha dāsaṃ vā dāsāti, pessaṃ vā pessāti, kammakaraṃ vā kammakarāti ālapanti. Yathānāmavaseneva pana piyasamudācārena ālapitvā itthipurisabalavantadubbalānaṃ anurūpameva kammaṃ dassetvā – ‘‘idañcidañca karothā’’ti vadanti. Tepi attano rucivaseneva karonti. Tena vuttaṃ – ‘‘ye icchiṃsu, te akaṃsu; ye na icchiṃsu, na te akaṃsu. Yaṃ icchiṃsu, taṃ akaṃsu; yaṃ na icchiṃsu, na taṃ akaṃsū’’ti. Sappitelanavanītadadhimadhuphāṇitena ceva so yañño niṭṭhānamagamāsīti rājā kira bahinagarassa catūsu dvāresu antonagarassa ca majjheti pañcasu ṭhānesu mahādānasālāyo kārāpetvā ekekissāya sālāya satasahassaṃ satasahassaṃ katvā divase divase pañcasatasahassāni vissajjetvā sūriyuggamanato paṭṭhāya tassa tassa kālassa anurūpehi sahatthena suvaṇṇakaṭacchuṃ gahetvā paṇītehi sappitelādisammisseheva yāgukhajjakabhattabyañjanapānakādīhi mahājanaṃ santappesi. Bhājanāni pūretvā gaṇhitukāmānaṃ tatheva dāpesi. Sāyaṇhasamaye pana vatthagandhamālādīhi sampūjesi. Sappiādīnaṃ pana mahācāṭiyo pūrāpetvā – ‘‘yo yaṃ paribhuñjitukāmo, so taṃ paribhuñjatū’’ti anekasatesu ṭhānesu ṭhapāpesi. Taṃ sandhāya vuttaṃ – ‘‘sappitelanavanītadadhimadhuphāṇitena ceva so yañño niṭṭhānamagamāsī’’ti.
346. бахууд̇ам̣ саабад̇зяяам̣ аад̣̇ааяаад̇и б̣ахум̣ д̇ханам̣ г̇ахзд̇ваа. д̇з гира жинд̇зсум̣ – ‘‘аяам̣ рааж̇аа саббид̇злаад̣̇ийни ж̇анабад̣̇ад̇о анаахараабзд̇ваа ад̇д̇ано санд̇агамзва нийхарид̇ваа махаад̣̇аанам̣ д̣̇зд̇и. амхзхи бана ‘рааж̇аа на гин̃жи аахараабзд̇ий’д̇и на яуд̇д̇ам̣ д̇ун̣хий бхавид̇ум̣. на хи ран̃н̃о гхарз д̇ханам̣ агкаяад̇хаммамзва, амхзсу жа ад̣̇знд̇зсу го ан̃н̃о ран̃н̃о д̣̇ассад̇и, ханд̣̇асса д̇ханам̣ убасам̣хараамаа’’д̇и д̇з г̇аамабхааг̇зна жа ниг̇амабхааг̇зна жа наг̇арабхааг̇зна жа саабад̇зяяам̣ сам̣харид̇ваа сагадаани буурзд̇ваа ран̃н̃о убахарим̣су. д̇ам̣ санд̇хааяа – ‘‘бахууд̇ам̣ саабад̇зяяа’’нд̇иаад̣̇имааха.
346.Pahūtaṃ sāpateyyaṃ ādāyāti bahuṃ dhanaṃ gahetvā. Te kira cintesuṃ – ‘‘ayaṃ rājā sappitelādīni janapadato anāharāpetvā attano santakameva nīharitvā mahādānaṃ deti. Amhehi pana ‘rājā na kiñci āharāpetī’ti na yuttaṃ tuṇhī bhavituṃ. Na hi rañño ghare dhanaṃ akkhayadhammameva, amhesu ca adentesu ko añño rañño dassati, handassa dhanaṃ upasaṃharāmā’’ti te gāmabhāgena ca nigamabhāgena ca nagarabhāgena ca sāpateyyaṃ saṃharitvā sakaṭāni pūretvā rañño upahariṃsu. Taṃ sandhāya – ‘‘pahūtaṃ sāpateyya’’ntiādimāha.
347. бурад̇т̇имзна яан̃н̃аваадассаад̇и бурад̇т̇имад̇о наг̇арад̣̇ваарз д̣̇аанасаалааяа бурад̇т̇имабхааг̇з. яат̇аа бурад̇т̇имад̣̇исад̇о ааг̇ажчанд̇аа кад̇д̇ияаанам̣ д̣̇аанасаалааяа яааг̇ум̣ бивид̇ваа ран̃н̃о д̣̇аанасаалааяа бхун̃ж̇ид̇ваа наг̇арам̣ бависанд̇и. зваруубз таанз бадтабзсум̣. д̣̇агкин̣зна яан̃н̃аваадассаад̇и д̣̇агкин̣ад̇о наг̇арад̣̇ваарз д̣̇аанасаалааяа вуд̇д̇анаязнзва д̣̇агкин̣абхааг̇з бадтабзсум̣. бажчимуд̇д̇арзсуби зсзва наяо.
347.Puratthimenayaññavāṭassāti puratthimato nagaradvāre dānasālāya puratthimabhāge. Yathā puratthimadisato āgacchantā khattiyānaṃ dānasālāya yāguṃ pivitvā rañño dānasālāya bhuñjitvā nagaraṃ pavisanti. Evarūpe ṭhāne paṭṭhapesuṃ. Dakkhiṇena yaññavāṭassāti dakkhiṇato nagaradvāre dānasālāya vuttanayeneva dakkhiṇabhāge paṭṭhapesuṃ. Pacchimuttaresupi eseva nayo.
348. ахо яан̃н̃о, ахо яан̃н̃асамбад̣̇аад̇и б̣раахман̣аа саббиаад̣̇ийхи нидтаанаг̇аманам̣ суд̇ваа – ‘‘яам̣ логз мад̇хурам̣, д̇ад̣̇зва саман̣о г̇од̇амо гат̇зд̇и, ханд̣̇асса яан̃н̃ам̣ басам̣саамаа’’д̇и д̇удтажид̇д̇аа басам̣самаанаа звамаахам̣су. д̇ун̣хийбхууд̇ова нисинно ход̇ийд̇и убари вад̇д̇аб̣б̣амад̇т̇ам̣ жинд̇аяамаано ниссад̣̇д̣̇ова нисинно ход̇и. абхиж̇аанаад̇и бана бхавам̣ г̇од̇амод̇и ид̣̇ам̣ б̣раахман̣о барихаарзна бужчанд̇о ааха. ид̇арат̇аа хи – ‘‘гим̣ бана д̇вам̣, бхо г̇од̇ама, д̇ад̣̇аа рааж̇аа ахоси, уд̣̇ааху бурохид̇о б̣раахман̣о’’д̇и звам̣ уж̇угамзва бужчаяамаано аг̇аараво вияа ход̇и.
348.Aho yañño, aho yaññasampadāti brāhmaṇā sappiādīhi niṭṭhānagamanaṃ sutvā – ‘‘yaṃ loke madhuraṃ, tadeva samaṇo gotamo katheti, handassa yaññaṃ pasaṃsāmā’’ti tuṭṭhacittā pasaṃsamānā evamāhaṃsu. Tuṇhībhūtova nisinno hotīti upari vattabbamatthaṃ cintayamāno nissaddova nisinno hoti. Abhijānāti pana bhavaṃ gotamoti idaṃ brāhmaṇo parihārena pucchanto āha. Itarathā hi – ‘‘kiṃ pana tvaṃ, bho gotama, tadā rājā ahosi, udāhu purohito brāhmaṇo’’ti evaṃ ujukameva pucchayamāno agāravo viya hoti.
нижжад̣̇аанаанугулаяан̃н̃аван̣н̣анаа
Niccadānaanukulayaññavaṇṇanā
349. ад̇т̇и бана, бхо г̇од̇амаад̇и – ид̣̇ам̣ б̣раахман̣о ‘‘сагалаж̇амб̣уд̣̇ийбаваасийнам̣ удтааяа самудтааяа д̣̇аанам̣ наама д̣̇аад̇ум̣ г̇аругам̣ сагалаж̇анабад̣̇о жа ад̇д̇ано гаммаани агаронд̇о нассиссад̇и, ад̇т̇и ну ко амхаагамби имамхаа яан̃н̃аа ан̃н̃о яан̃н̃о аббасамаарамбхад̇аро жзва махабпалад̇аро жаа’’д̇и зд̇амад̇т̇ам̣ бужчанд̇о ааха. нижжад̣̇аанаанийд̇и д̇хувад̣̇аанаани нижжабхад̇д̇аани. анугулаяан̃н̃аанийд̇и – ‘‘амхаагам̣ бид̇убид̇аамахаад̣̇ийхи бавад̇д̇ид̇ааний’’д̇и гад̇ваа бажчаа д̣̇уг̇г̇ад̇абурисзхиби вам̣сабарамбарааяа бавад̇д̇зд̇аб̣б̣аани яааг̇аани, зваруубаани гира сийлаванд̇з уд̣̇д̣̇исса ниб̣ад̣̇д̇хад̣̇аанаани д̇асмим̣ гулз д̣̇алид̣̇д̣̇ааби на убажчинд̣̇анд̇и.
349.Atthi pana, bho gotamāti – idaṃ brāhmaṇo ‘‘sakalajambudīpavāsīnaṃ uṭṭhāya samuṭṭhāya dānaṃ nāma dātuṃ garukaṃ sakalajanapado ca attano kammāni akaronto nassissati, atthi nu kho amhākampi imamhā yaññā añño yañño appasamārambhataro ceva mahapphalataro cā’’ti etamatthaṃ pucchanto āha. Niccadānānīti dhuvadānāni niccabhattāni. Anukulayaññānīti – ‘‘amhākaṃ pitupitāmahādīhi pavattitānī’’ti katvā pacchā duggatapurisehipi vaṃsaparamparāya pavattetabbāni yāgāni, evarūpāni kira sīlavante uddissa nibaddhadānāni tasmiṃ kule daliddāpi na upacchindanti.
д̇ад̇рид̣̇ам̣ вад̇т̇у – анаат̇абин̣д̣игасса гира гхарз бан̃жа нижжабхад̇д̇асад̇аани д̣̇ийяим̣су. д̣̇анд̇амаяасалаагаани бан̃жасад̇аани ахзсум̣. ат̇а д̇ам̣ гулам̣ ануггамзна д̣̇аалид̣̇д̣̇иязна абхибхууд̇ам̣, згаа д̇асмим̣ гулз д̣̇ааригаа згасалаагад̇о уд̣̇д̇хам̣ д̣̇аад̇ум̣ наасагки. сааби бажчаа сзд̇авааханараж̇ж̇ам̣ г̇анд̇ваа калам̣ сод̇хзд̇ваа лад̣̇д̇хад̇хан̃н̃зна д̇ам̣ салаагам̣ ад̣̇ааси. зго т̇зро ран̃н̃о аарожзси. рааж̇аа д̇ам̣ аанзд̇ваа аг̇г̇амахзсидтаанз табзси. саа д̇ад̇о бадтааяа буна бан̃жаби салаагабхад̇д̇асад̇аани бавад̇д̇зси.
Tatridaṃvatthu – anāthapiṇḍikassa kira ghare pañca niccabhattasatāni dīyiṃsu. Dantamayasalākāni pañcasatāni ahesuṃ. Atha taṃ kulaṃ anukkamena dāliddiyena abhibhūtaṃ, ekā tasmiṃ kule dārikā ekasalākato uddhaṃ dātuṃ nāsakkhi. Sāpi pacchā setavāhanarajjaṃ gantvā khalaṃ sodhetvā laddhadhaññena taṃ salākaṃ adāsi. Eko thero rañño ārocesi. Rājā taṃ ānetvā aggamahesiṭṭhāne ṭhapesi. Sā tato paṭṭhāya puna pañcapi salākabhattasatāni pavattesi.
д̣̇ан̣д̣аббахаараад̇и – ‘‘бадибаадияаа д̇идтат̇а д̇идтат̇аа’’д̇и уж̇ум̣ г̇анд̇ваа г̇ан̣хат̇а г̇ан̣хат̇аад̇и жа аад̣̇ийни вад̇ваа д̣̇ийяамаанаа д̣̇ан̣д̣аббахаарааби г̇алаг̇г̇аахааби д̣̇иссанд̇и. аяам̣ ко, б̣раахман̣а, хзд̇у…бз… махаанисам̣сад̇аран̃жаад̇и. зд̇т̇а яасмаа махааяан̃н̃з вияа имасмим̣ салаагабхад̇д̇з на б̣ахуухи взяяааважжагарзхи ваа убагаран̣зхи ваа ад̇т̇о ад̇т̇и, д̇асмаа зд̇ам̣ аббадтад̇арам̣. яасмаа жзд̇т̇а на б̣ахуунам̣ гаммажчзд̣̇авасзна бийл̣аасан̇каад̇о самаарамбхо ад̇т̇и, д̇асмаа аббасамаарамбхад̇арам̣. яасмаа жзд̇ам̣ сан̇гхасса яидтам̣ барижжад̇д̇ам̣, д̇асмаа яан̃н̃анд̇и вуд̇д̇ам̣, яасмаа бана чал̣ан̇г̇асаманнааг̇ад̇ааяа д̣̇агкин̣ааяа махаасамуд̣̇д̣̇з уд̣̇агассзва на сугарам̣ бун̃н̃аабхисанд̣̇асса бамаан̣ам̣ гаад̇ум̣, ид̣̇ан̃жа д̇ат̇аавид̇хам̣. д̇асмаа д̇ам̣ махабпалад̇аран̃жа махаанисам̣сад̇аран̃жаад̇и взд̣̇ид̇аб̣б̣ам̣. ид̣̇ам̣ суд̇ваа б̣раахман̣о жинд̇зси – ид̣̇амби нижжабхад̇д̇ам̣ удтааяа самудтааяа д̣̇ад̣̇ад̇о д̣̇ивасз д̣̇ивасз згасса гаммам̣ нассад̇и. наванаво уссаахо жа ж̇анзд̇аб̣б̣о ход̇и, ад̇т̇и ну ко ид̇оби ан̃н̃о яан̃н̃о аббадтад̇аро жа аббасамаарамбхад̇аро жаад̇и. д̇асмаа ‘‘ад̇т̇и бана, бхо г̇од̇амаа’’д̇иаад̣̇имааха. д̇ад̇т̇а яасмаа салаагабхад̇д̇з гижжабарияосаанам̣ над̇т̇и, згзна удтааяа самудтааяа ан̃н̃ам̣ гаммам̣ агад̇ваа сам̣вид̇хаад̇аб̣б̣амзва. вихаарад̣̇аанз бана гижжабарияосаанам̣ ад̇т̇и. бан̣н̣асаалам̣ ваа хи гаарзд̇ум̣ годид̇ханам̣ виссаж̇ж̇зд̇ваа махаавихаарам̣ ваа, згаваарам̣ д̇ханабарижжааг̇ам̣ гад̇ваа гаарид̇ам̣ сад̇д̇адтавассааниби вассасад̇амби вассасахассамби г̇ажчад̇иязва. гзвалам̣ ж̇ин̣н̣абад̇ид̇адтаанз бадисан̇каран̣амад̇д̇амзва гаад̇аб̣б̣ам̣ ход̇и. д̇асмаа ид̣̇ам̣ вихаарад̣̇аанам̣ салаагабхад̇д̇ад̇о аббадтад̇арам̣ аббасамаарамбхад̇аран̃жа ход̇и. яасмаа банзд̇т̇а суд̇д̇анд̇абарияааязна яаавад̣̇зва сийд̇асса бадигхаад̇ааяаад̇и аад̣̇аяо наваанисам̣саа вуд̇д̇аа, канд̇хагабарияааязна.
Daṇḍappahārāti – ‘‘paṭipāṭiyā tiṭṭhatha tiṭṭhathā’’ti ujuṃ gantvā gaṇhatha gaṇhathāti ca ādīni vatvā dīyamānā daṇḍappahārāpi galaggāhāpi dissanti. Ayaṃ kho, brāhmaṇa, hetu…pe… mahānisaṃsatarañcāti. Ettha yasmā mahāyaññe viya imasmiṃ salākabhatte na bahūhi veyyāvaccakarehi vā upakaraṇehi vā attho atthi, tasmā etaṃ appaṭṭhataraṃ. Yasmā cettha na bahūnaṃ kammacchedavasena pīḷāsaṅkhāto samārambho atthi, tasmā appasamārambhataraṃ. Yasmā cetaṃ saṅghassa yiṭṭhaṃ pariccattaṃ, tasmā yaññanti vuttaṃ, yasmā pana chaḷaṅgasamannāgatāya dakkhiṇāya mahāsamudde udakasseva na sukaraṃ puññābhisandassa pamāṇaṃ kātuṃ, idañca tathāvidhaṃ. Tasmā taṃ mahapphalatarañca mahānisaṃsatarañcāti veditabbaṃ. Idaṃ sutvā brāhmaṇo cintesi – idampi niccabhattaṃ uṭṭhāya samuṭṭhāya dadato divase divase ekassa kammaṃ nassati. Navanavo ussāho ca janetabbo hoti, atthi nu kho itopi añño yañño appaṭṭhataro ca appasamārambhataro cāti. Tasmā ‘‘atthi pana, bho gotamā’’tiādimāha. Tattha yasmā salākabhatte kiccapariyosānaṃ natthi, ekena uṭṭhāya samuṭṭhāya aññaṃ kammaṃ akatvā saṃvidhātabbameva. Vihāradāne pana kiccapariyosānaṃ atthi. Paṇṇasālaṃ vā hi kāretuṃ koṭidhanaṃ vissajjetvā mahāvihāraṃ vā, ekavāraṃ dhanapariccāgaṃ katvā kāritaṃ sattaṭṭhavassānipi vassasatampi vassasahassampi gacchatiyeva. Kevalaṃ jiṇṇapatitaṭṭhāne paṭisaṅkharaṇamattameva kātabbaṃ hoti. Tasmā idaṃ vihāradānaṃ salākabhattato appaṭṭhataraṃ appasamārambhatarañca hoti. Yasmā panettha suttantapariyāyena yāvadeva sītassa paṭighātāyāti ādayo navānisaṃsā vuttā, khandhakapariyāyena.
‘‘сийд̇ам̣ ун̣хам̣ бадиханд̇и, д̇ад̇о ваал̣амиг̇аани жа;
‘‘Sītaṃ uṇhaṃ paṭihanti, tato vāḷamigāni ca;
сирим̣сабз жа магасз жа, сисирз жааби вудтияо.
Siriṃsape ca makase ca, sisire cāpi vuṭṭhiyo.
д̇ад̇о ваад̇аад̇або гхоро, сан̃ж̇аад̇о бадихан̃н̃ад̇и;
Tato vātātapo ghoro, sañjāto paṭihaññati;
лзн̣ад̇т̇ан̃жа сукад̇т̇ан̃жа, жхааяид̇ун̃жа вибассид̇ум̣.
Leṇatthañca sukhatthañca, jhāyituñca vipassituṃ.
вихаарад̣̇аанам̣ сан̇гхасса, аг̇г̇ам̣ б̣уд̣̇д̇хзна ван̣н̣ид̇ам̣;
Vihāradānaṃ saṅghassa, aggaṃ buddhena vaṇṇitaṃ;
д̇асмаа хи бан̣д̣ид̇о босо, самбассам̣ ад̇т̇амад̇д̇ано;
Tasmā hi paṇḍito poso, sampassaṃ atthamattano;
вихаарз гаараяз раммз, ваасаязд̇т̇а б̣ахуссуд̇з.
Vihāre kāraye ramme, vāsayettha bahussute.
д̇асмаа аннан̃жа баанан̃жа, вад̇т̇асзнаасанаани жа;
Tasmā annañca pānañca, vatthasenāsanāni ca;
д̣̇ад̣̇зяа уж̇убхууд̇зсу, виббасаннзна жзд̇асаа.
Dadeya ujubhūtesu, vippasannena cetasā.
д̇з д̇асса д̇хаммам̣ д̣̇зсзнд̇и, саб̣б̣ад̣̇угкаабанууд̣̇анам̣;
Te tassa dhammaṃ desenti, sabbadukkhāpanūdanaṃ;
яам̣ со д̇хаммам̣ ид̇хан̃н̃ааяа, бариниб̣б̣аад̇и анаасаво’’д̇и. (жуул̣ава. 295);
Yaṃ so dhammaṃ idhaññāya, parinibbāti anāsavo’’ti. (cūḷava. 295);
сад̇д̇арасаанисам̣саа вуд̇д̇аа. д̇асмаа зд̇ам̣ салаагабхад̇д̇ад̇о махабпалад̇аран̃жа махаанисам̣сад̇аран̃жаад̇и взд̣̇ид̇аб̣б̣ам̣. сан̇гхасса бана барижжад̇д̇ад̇д̇аава яан̃н̃од̇и вужжад̇и. ид̣̇амби суд̇ваа б̣раахман̣о жинд̇зси – ‘‘д̇ханабарижжааг̇ам̣ гад̇ваа вихаарад̣̇аанам̣ наама д̣̇уггарам̣, ад̇д̇ано санд̇агаа хи гааган̣игааби барасса д̣̇уббарижжаж̇аа, ханд̣̇аахам̣ ид̇оби аббадтад̇аран̃жа аббасамаарамбхад̇аран̃жа яан̃н̃ам̣ бужчаамий’’д̇и. д̇ад̇о д̇ам̣ бужчанд̇о – ‘‘ад̇т̇и бана бхо’’д̇иаад̣̇имааха.
Sattarasānisaṃsā vuttā. Tasmā etaṃ salākabhattato mahapphalatarañca mahānisaṃsatarañcāti veditabbaṃ. Saṅghassa pana pariccattattāva yaññoti vuccati. Idampi sutvā brāhmaṇo cintesi – ‘‘dhanapariccāgaṃ katvā vihāradānaṃ nāma dukkaraṃ, attano santakā hi kākaṇikāpi parassa duppariccajā, handāhaṃ itopi appaṭṭhatarañca appasamārambhatarañca yaññaṃ pucchāmī’’ti. Tato taṃ pucchanto – ‘‘atthi pana bho’’tiādimāha.
350-351. д̇ад̇т̇а яасмаа сагим̣ барижжад̇д̇зби вихаарз бунаббунам̣ чаад̣̇анакан̣д̣апуллаббадисан̇каран̣аад̣̇ивасзна гижжам̣ ад̇т̇иязва, саран̣ам̣ бана згабхигкусса ваа санд̇игз сан̇гхасса ваа г̇ан̣асса ваа сагим̣ г̇ахид̇ам̣ г̇ахид̇амзва ход̇и, над̇т̇и д̇асса бунаббунам̣ гад̇д̇аб̣б̣ад̇аа, д̇асмаа д̇ам̣ вихаарад̣̇аанад̇о аббадтад̇аран̃жа аббасамаарамбхад̇аран̃жа ход̇и. яасмаа жа саран̣аг̇аманам̣ наама д̇ин̣н̣ам̣ рад̇анаанам̣ ж̇ийвид̇абарижжааг̇амаяам̣ бун̃н̃агаммам̣ саг̇г̇асамбад̇д̇им̣ д̣̇зд̇и, д̇асмаа махабпалад̇аран̃жа махаанисам̣сад̇аран̃жаад̇и взд̣̇ид̇аб̣б̣ам̣. д̇ин̣н̣ам̣ бана рад̇анаанам̣ ж̇ийвид̇абарижжааг̇авасзна яан̃н̃од̇и вужжад̇и.
350-351. Tattha yasmā sakiṃ pariccattepi vihāre punappunaṃ chādanakhaṇḍaphullappaṭisaṅkharaṇādivasena kiccaṃ atthiyeva, saraṇaṃ pana ekabhikkhussa vā santike saṅghassa vā gaṇassa vā sakiṃ gahitaṃ gahitameva hoti, natthi tassa punappunaṃ kattabbatā, tasmā taṃ vihāradānato appaṭṭhatarañca appasamārambhatarañca hoti. Yasmā ca saraṇagamanaṃ nāma tiṇṇaṃ ratanānaṃ jīvitapariccāgamayaṃ puññakammaṃ saggasampattiṃ deti, tasmā mahapphalatarañca mahānisaṃsatarañcāti veditabbaṃ. Tiṇṇaṃ pana ratanānaṃ jīvitapariccāgavasena yaññoti vuccati.
352. ид̣̇ам̣ суд̇ваа б̣раахман̣о жинд̇зси – ‘‘ад̇д̇ано ж̇ийвид̇ам̣ наама барасса барижжаж̇ид̇ум̣ д̣̇уггарам̣, ад̇т̇и ну ко ид̇оби аббадтад̇аро яан̃н̃о’’д̇и д̇ад̇о д̇ам̣ бужчанд̇о буна ‘‘ад̇т̇и бана, бхо г̇од̇амаа’’д̇иаад̣̇имааха. д̇ад̇т̇а баан̣аад̇ибаад̇аа взраман̣ийд̇иаад̣̇ийсу взраман̣ий наама вирад̇и. саа д̇ивид̇хаа ход̇и – самбад̇д̇авирад̇и, самаад̣̇аанавирад̇и сзд̇угхаад̇авирад̇ийд̇и. д̇ад̇т̇а яо сигкаабад̣̇аани аг̇ахзд̇вааби гзвалам̣ ад̇д̇ано ж̇аад̇иг̇од̇д̇агулаабад̣̇зсаад̣̇ийни ануссарид̇ваа – ‘‘на мз ид̣̇ам̣ бад̇ирууба’’нд̇и баан̣аад̇ибаад̇аад̣̇ийни на гарод̇и, самбад̇д̇авад̇т̇ум̣ барихарад̇и. д̇ад̇о аарагаа вирамад̇и. д̇асса саа вирад̇и самбад̇д̇авирад̇ийд̇и взд̣̇ид̇аб̣б̣аа.
352. Idaṃ sutvā brāhmaṇo cintesi – ‘‘attano jīvitaṃ nāma parassa pariccajituṃ dukkaraṃ, atthi nu kho itopi appaṭṭhataro yañño’’ti tato taṃ pucchanto puna ‘‘atthi pana, bho gotamā’’tiādimāha. Tattha pāṇātipātā veramaṇītiādīsu veramaṇī nāma virati. Sā tividhā hoti – sampattavirati, samādānavirati setughātaviratīti. Tattha yo sikkhāpadāni agahetvāpi kevalaṃ attano jātigottakulāpadesādīni anussaritvā – ‘‘na me idaṃ patirūpa’’nti pāṇātipātādīni na karoti, sampattavatthuṃ pariharati. Tato ārakā viramati. Tassa sā virati sampattaviratīti veditabbā.
‘‘аж̇ж̇ад̇аг̇г̇з ж̇ийвид̇ахзд̇уби баан̣ам̣ на ханаамий’’д̇и ваа ‘‘баан̣аад̇ибаад̇аа вирамаамий’’д̇и ваа ‘‘взраман̣им̣ самаад̣̇ияаамий’’д̇и ваа звам̣ сигкаабад̣̇аани г̇ан̣ханд̇асса бана вирад̇и самаад̣̇аанавирад̇ийд̇и взд̣̇ид̇аб̣б̣аа.
‘‘Ajjatagge jīvitahetupi pāṇaṃ na hanāmī’’ti vā ‘‘pāṇātipātā viramāmī’’ti vā ‘‘veramaṇiṃ samādiyāmī’’ti vā evaṃ sikkhāpadāni gaṇhantassa pana virati samādānaviratīti veditabbā.
арияасаавагаанам̣ бана маг̇г̇асамбаяуд̇д̇аа вирад̇и сзд̇угхаад̇авирад̇и наама. д̇ад̇т̇а буримаа д̣̇вз вирад̇ияо яам̣ воробанаад̣̇ивасзна вийд̇иггамид̇аб̣б̣ам̣ ж̇ийвид̇инд̣̇рияаад̣̇ивад̇т̇у, д̇ам̣ аарамман̣ам̣ гад̇ваа бавад̇д̇анд̇и. бажчимаа ниб̣б̣аанаарамман̣аава. зд̇т̇а жа яо бан̃жа сигкаабад̣̇аани згад̇о г̇ан̣хад̇и, д̇асса згасмим̣ бхиннз саб̣б̣аани бхиннаани хонд̇и. яо згзгам̣ г̇ан̣хад̇и, со яам̣ вийд̇иггамад̇и, д̇ад̣̇зва бхиж̇ж̇ад̇и. сзд̇угхаад̇авирад̇ияаа бана бхзд̣̇о наама над̇т̇и, бхаванд̇арзби хи арияасааваго ж̇ийвид̇ахзд̇уби нзва баан̣ам̣ ханад̇и на сурам̣ бивад̇и. сажзбисса суран̃жа кийран̃жа миссзд̇ваа мукз багкибанд̇и, кийрамзва бависад̇и, на сураа. яат̇аа гим̣? гон̃жасагун̣аанам̣ кийрамиссагз уд̣̇агз кийрамзва бависад̇и? на уд̣̇агам̣. ид̣̇ам̣ яонисид̣̇д̇ханд̇и жз, ид̣̇ам̣ д̇хаммад̇аасид̣̇д̇ханд̇и жа взд̣̇ид̇аб̣б̣ам̣. яасмаа бана саран̣аг̇аманз д̣̇идтиуж̇угагаран̣ам̣ наама бхаарияам̣. сигкаабад̣̇асамаад̣̇аанз бана вирад̇имад̇д̇агамзва. д̇асмаа зд̇ам̣ яат̇аа ваа д̇ат̇аа ваа г̇ан̣ханд̇ассааби саад̇хугам̣ г̇ан̣ханд̇ассааби аббадтад̇аран̃жа аббасамаарамбхад̇аран̃жа. бан̃жасийласад̣̇исасса бана д̣̇аанасса абхаавад̇о зд̇т̇а махабпалад̇аа махаанисам̣сад̇аа жа взд̣̇ид̇аб̣б̣аа. вуд̇д̇ан̃хзд̇ам̣ –
Ariyasāvakānaṃ pana maggasampayuttā virati setughātavirati nāma. Tattha purimā dve viratiyo yaṃ voropanādivasena vītikkamitabbaṃ jīvitindriyādivatthu, taṃ ārammaṇaṃ katvā pavattanti. Pacchimā nibbānārammaṇāva. Ettha ca yo pañca sikkhāpadāni ekato gaṇhati, tassa ekasmiṃ bhinne sabbāni bhinnāni honti. Yo ekekaṃ gaṇhati, so yaṃ vītikkamati, tadeva bhijjati. Setughātaviratiyā pana bhedo nāma natthi, bhavantarepi hi ariyasāvako jīvitahetupi neva pāṇaṃ hanati na suraṃ pivati. Sacepissa surañca khīrañca missetvā mukhe pakkhipanti, khīrameva pavisati, na surā. Yathā kiṃ? Koñcasakuṇānaṃ khīramissake udake khīrameva pavisati? Na udakaṃ. Idaṃ yonisiddhanti ce, idaṃ dhammatāsiddhanti ca veditabbaṃ. Yasmā pana saraṇagamane diṭṭhiujukakaraṇaṃ nāma bhāriyaṃ. Sikkhāpadasamādāne pana viratimattakameva. Tasmā etaṃ yathā vā tathā vā gaṇhantassāpi sādhukaṃ gaṇhantassāpi appaṭṭhatarañca appasamārambhatarañca. Pañcasīlasadisassa pana dānassa abhāvato ettha mahapphalatā mahānisaṃsatā ca veditabbā. Vuttañhetaṃ –
‘‘бан̃жимаани , бхигкавз, д̣̇аанаани махаад̣̇аанаани аг̇г̇ан̃н̃аани рад̇д̇ан̃н̃аани вам̣сан̃н̃аани бораан̣аани асам̣гин̣н̣аани асам̣гин̣н̣абуб̣б̣аани на сан̇гияанд̇и на сан̇гияиссанд̇и аббадигудтаани саман̣зхи б̣раахман̣зхи вин̃н̃уухи. гад̇амаани бан̃жа? ид̇ха, бхигкавз, арияасааваго баан̣аад̇ибаад̇ам̣ бахааяа баан̣аад̇ибаад̇аа бадивирад̇о ход̇и. баан̣аад̇ибаад̇аа бадивирад̇о, бхигкавз, арияасааваго абаримаан̣аанам̣ сад̇д̇аанам̣ абхаяам̣ д̣̇зд̇и, авзрам̣ д̣̇зд̇и аб̣яаабаж̇жхам̣ д̣̇зд̇и. абаримаан̣аанам̣ сад̇д̇аанам̣ абхаяам̣ д̣̇ад̇ваа авзрам̣ д̣̇ад̇ваа аб̣яаабаж̇жхам̣ д̣̇ад̇ваа абаримаан̣асса абхаяасса авзрасса аб̣яаабаж̇жхасса бхааг̇ий ход̇и. ид̣̇ам̣, бхигкавз, батамам̣ д̣̇аанам̣ махаад̣̇аанам̣…бз… вин̃н̃уухийд̇и.
‘‘Pañcimāni , bhikkhave, dānāni mahādānāni aggaññāni rattaññāni vaṃsaññāni porāṇāni asaṃkiṇṇāni asaṃkiṇṇapubbāni na saṅkiyanti na saṅkiyissanti appaṭikuṭṭhāni samaṇehi brāhmaṇehi viññūhi. Katamāni pañca? Idha, bhikkhave, ariyasāvako pāṇātipātaṃ pahāya pāṇātipātā paṭivirato hoti. Pāṇātipātā paṭivirato, bhikkhave, ariyasāvako aparimāṇānaṃ sattānaṃ abhayaṃ deti, averaṃ deti abyāpajjhaṃ deti. Aparimāṇānaṃ sattānaṃ abhayaṃ datvā averaṃ datvā abyāpajjhaṃ datvā aparimāṇassa abhayassa averassa abyāpajjhassa bhāgī hoti. Idaṃ, bhikkhave, paṭhamaṃ dānaṃ mahādānaṃ…pe… viññūhīti.
буна жабарам̣, бхигкавз, арияасааваго ад̣̇иннаад̣̇аанам̣ бахааяа…бз… гаамзсумижчаажаарам̣ бахааяа…бз… мусааваад̣̇ам̣ бахааяа…бз… сураамзраяамаж̇ж̇абамаад̣̇адтаанам̣ бахааяа…бз… имаани ко, бхигкавз, бан̃жа д̣̇аанаани махаад̣̇аанаани аг̇г̇ан̃н̃аани…бз… вин̃н̃уухий’’д̇и (а. ни. 8.39).
Puna caparaṃ, bhikkhave, ariyasāvako adinnādānaṃ pahāya…pe… kāmesumicchācāraṃ pahāya…pe… musāvādaṃ pahāya…pe… surāmerayamajjapamādaṭṭhānaṃ pahāya…pe… imāni kho, bhikkhave, pañca dānāni mahādānāni aggaññāni…pe… viññūhī’’ti (a. ni. 8.39).
ид̣̇ан̃жа бана сийлабан̃жагам̣ – ‘‘ад̇д̇асинзхан̃жа ж̇ийвид̇асинзхан̃жа барижжаж̇ид̇ваа рагкиссаамий’’д̇и самаад̣̇иннад̇ааяа яан̃н̃од̇и вужжад̇и. д̇ад̇т̇а гин̃жааби бан̃жасийлад̇о саран̣аг̇аманамзва ж̇здтагам̣, ид̣̇ам̣ бана саран̣аг̇аманзязва бад̇идтааяа рагкид̇асийлавасзна махабпаланд̇и вуд̇д̇ам̣.
Idañca pana sīlapañcakaṃ – ‘‘attasinehañca jīvitasinehañca pariccajitvā rakkhissāmī’’ti samādinnatāya yaññoti vuccati. Tattha kiñcāpi pañcasīlato saraṇagamanameva jeṭṭhakaṃ, idaṃ pana saraṇagamaneyeva patiṭṭhāya rakkhitasīlavasena mahapphalanti vuttaṃ.
353. ид̣̇амби суд̇ваа б̣раахман̣о жинд̇зси – ‘‘бан̃жасийлам̣ наама рагкид̇ум̣ г̇аругам̣, ад̇т̇и ну ко ан̃н̃ам̣ гин̃жи ийд̣̇исамзва худ̇ваа ид̇о аббадтад̇аран̃жа махабпалад̇аран̃жаа’’д̇и. д̇ад̇о д̇ам̣ бужчанд̇о бунаби – ‘‘ад̇т̇и бана, бхо г̇од̇амаа’’д̇иаад̣̇имааха. ат̇асса бхаг̇аваа д̇ивид̇хасийлабаарибуурияам̣ тид̇асса батамаж̇жхаанаад̣̇ийнам̣ яан̃н̃аанам̣ аббадтад̇аран̃жа махабпалад̇аран̃жа д̣̇ассзд̇угаамо б̣уд̣̇д̇хуббаад̣̇ад̇о бадтааяа д̣̇зсанам̣ аарабханд̇о ‘‘ид̇ха б̣раахман̣аа’’д̇иаад̣̇имааха. д̇ад̇т̇а яасмаа хздтаа вуд̇д̇зхи г̇ун̣зхи саманнааг̇ад̇о батамам̣ жхаанам̣, батамаж̇жхаанаад̣̇ийсу тид̇о д̣̇уд̇ияаж̇жхаанаад̣̇ийни ниб̣б̣ад̇д̇знд̇о на гиламад̇и, д̇асмаа д̇аани аббадтаани аббасамаарамбхаани. яасмаа банзд̇т̇а батамаж̇жхаанам̣ згам̣ габбам̣ б̣рахмалогз ааяум̣ д̣̇зд̇и. д̣̇уд̇ияам̣ адтагаббз. д̇ад̇ияам̣ жад̇усадтигаббз. жад̇уд̇т̇ам̣ бан̃жагаббасад̇аани. д̇ад̣̇зва аагаасаанан̃жааяад̇анаад̣̇исамаабад̇д̇ивасзна бхаавид̇ам̣ вийсад̇и, жад̇д̇аалийсам̣, садти, жад̇ураасийд̇и жа габбасахассаани ааяум̣ д̣̇зд̇и; д̇асмаа махабпалад̇аран̃жа махаанисам̣сад̇аран̃жа. нийваран̣аад̣̇ийнам̣ бана бажжанийгаанам̣ д̇хаммаанам̣ барижжад̇д̇ад̇д̇аа д̇ам̣ яан̃н̃анд̇и взд̣̇ид̇аб̣б̣ам̣.
353. Idampi sutvā brāhmaṇo cintesi – ‘‘pañcasīlaṃ nāma rakkhituṃ garukaṃ, atthi nu kho aññaṃ kiñci īdisameva hutvā ito appaṭṭhatarañca mahapphalatarañcā’’ti. Tato taṃ pucchanto punapi – ‘‘atthi pana, bho gotamā’’tiādimāha. Athassa bhagavā tividhasīlapāripūriyaṃ ṭhitassa paṭhamajjhānādīnaṃ yaññānaṃ appaṭṭhatarañca mahapphalatarañca dassetukāmo buddhuppādato paṭṭhāya desanaṃ ārabhanto ‘‘idha brāhmaṇā’’tiādimāha. Tattha yasmā heṭṭhā vuttehi guṇehi samannāgato paṭhamaṃ jhānaṃ, paṭhamajjhānādīsu ṭhito dutiyajjhānādīni nibbattento na kilamati, tasmā tāni appaṭṭhāni appasamārambhāni. Yasmā panettha paṭhamajjhānaṃ ekaṃ kappaṃ brahmaloke āyuṃ deti. Dutiyaṃ aṭṭhakappe. Tatiyaṃ catusaṭṭhikappe. Catutthaṃ pañcakappasatāni. Tadeva ākāsānañcāyatanādisamāpattivasena bhāvitaṃ vīsati, cattālīsaṃ, saṭṭhi, caturāsīti ca kappasahassāni āyuṃ deti; tasmā mahapphalatarañca mahānisaṃsatarañca. Nīvaraṇādīnaṃ pana paccanīkānaṃ dhammānaṃ pariccattattā taṃ yaññanti veditabbaṃ.
вибассанаан̃аан̣амби яасмаа жад̇уд̇т̇аж̇жхаанабарияосаанзсу г̇ун̣зсу бад̇идтааяа ниб̣б̣ад̇д̇знд̇о на гиламад̇и, д̇асмаа аббадтам̣ аббасамаарамбхам̣; вибассанаасукасад̣̇исасса бана сукасса абхааваа махабпалам̣. бажжанийгагилзсабарижжааг̇ад̇о яан̃н̃од̇и. маномаяид̣̇д̇хиби яасмаа вибассанаан̃аан̣з бад̇идтааяа ниб̣б̣ад̇д̇знд̇о на гиламад̇и, д̇асмаа аббадтаа аббасамаарамбхаа; ад̇д̇ано сад̣̇исаруубаниммаанасамад̇т̇ад̇ааяа махабпалаа. ад̇д̇ано бажжанийгагилзсабарижжааг̇ад̇о яан̃н̃о. ид̣̇д̇хивид̇хан̃аан̣аад̣̇ийниби яасмаа маномаяан̃аан̣аад̣̇ийсу бад̇идтааяа ниб̣б̣ад̇д̇знд̇о на гиламад̇и, д̇асмаа аббадтаани аббасамаарамбхаани, ад̇д̇ано ад̇д̇ано бажжанийгагилзсаббахаанад̇о яан̃н̃о. ид̣̇д̇хивид̇хам̣ банзд̇т̇а наанаавид̇хавигуб̣б̣анад̣̇ассанасамад̇т̇ад̇ааяа. д̣̇иб̣б̣асод̇ам̣ д̣̇звамануссаанам̣ сад̣̇д̣̇асаванасамад̇т̇ад̇ааяа; жзд̇обарияан̃аан̣ам̣ барзсам̣ сол̣асавид̇хажид̇д̇аж̇аананасамад̇т̇ад̇ааяа; буб̣б̣зниваасаануссад̇ин̃аан̣ам̣ ижчид̇ижчид̇адтаанасамануссаран̣асамад̇т̇ад̇ааяа; д̣̇иб̣б̣ажагку ижчид̇ижчид̇аруубад̣̇ассанасамад̇т̇ад̇ааяа; аасавагкаяан̃аан̣ам̣ ад̇ибан̣ийд̇алогуд̇д̇арамаг̇г̇асуканибпаад̣̇анасамад̇т̇ад̇ааяа махабпаланд̇и взд̣̇ид̇аб̣б̣ам̣. яасмаа бана арахад̇д̇ад̇о висидтад̇аро ан̃н̃о яан̃н̃о наама над̇т̇и, д̇асмаа арахад̇д̇анигуудзнзва д̣̇зсанам̣ самаабзнд̇о – ‘‘аяамби ко, б̣раахман̣аа’’д̇иаад̣̇имааха.
Vipassanāñāṇampi yasmā catutthajjhānapariyosānesu guṇesu patiṭṭhāya nibbattento na kilamati, tasmā appaṭṭhaṃ appasamārambhaṃ; vipassanāsukhasadisassa pana sukhassa abhāvā mahapphalaṃ. Paccanīkakilesapariccāgato yaññoti. Manomayiddhipi yasmā vipassanāñāṇe patiṭṭhāya nibbattento na kilamati, tasmā appaṭṭhā appasamārambhā; attano sadisarūpanimmānasamatthatāya mahapphalā. Attano paccanīkakilesapariccāgato yañño. Iddhividhañāṇādīnipi yasmā manomayañāṇādīsu patiṭṭhāya nibbattento na kilamati, tasmā appaṭṭhāni appasamārambhāni, attano attano paccanīkakilesappahānato yañño. Iddhividhaṃ panettha nānāvidhavikubbanadassanasamatthatāya. Dibbasotaṃ devamanussānaṃ saddasavanasamatthatāya; cetopariyañāṇaṃ paresaṃ soḷasavidhacittajānanasamatthatāya; pubbenivāsānussatiñāṇaṃ icchiticchitaṭṭhānasamanussaraṇasamatthatāya; dibbacakkhu icchiticchitarūpadassanasamatthatāya; āsavakkhayañāṇaṃ atipaṇītalokuttaramaggasukhanipphādanasamatthatāya mahapphalanti veditabbaṃ. Yasmā pana arahattato visiṭṭhataro añño yañño nāma natthi, tasmā arahattanikūṭeneva desanaṃ samāpento – ‘‘ayampi kho, brāhmaṇā’’tiādimāha.
гуудад̣̇анд̇аубаасагад̇д̇абадивзд̣̇анааван̣н̣анаа
Kūṭadantaupāsakattapaṭivedanāvaṇṇanā
354-358. звам̣ вуд̇д̇зд̇и звам̣ бхаг̇авад̇аа вуд̇д̇з д̣̇зсанааяа басийд̣̇ид̇ваа саран̣ам̣ г̇анд̇угаамо гуудад̣̇анд̇о б̣раахман̣о – ‘зд̇ам̣ абхигганд̇ам̣ бхо, г̇од̇амаа’д̇иаад̣̇игам̣ важанам̣ авожа. убавааяад̇ууд̇и убаг̇анд̇ваа сарийрад̣̇арат̇ам̣ ниб̣б̣аабзнд̇о д̇анусийд̇ало ваад̇о вааяад̇ууд̇и. ид̣̇ан̃жа бана вад̇ваа б̣раахман̣о бурисам̣ бзсзси – ‘‘г̇ажча, д̇аад̇а, яан̃н̃аваадам̣ бависид̇ваа саб̣б̣з д̇з баан̣аяо б̣анд̇ханаа можзхий’’д̇и. со ‘‘саад̇хуу’’д̇и бадиссун̣ид̇ваа д̇ат̇аа гад̇ваа ааг̇анд̇ваа ‘‘муд̇д̇аа бхо, д̇з баан̣аяо’’д̇и аарожзси. яаава б̣раахман̣о д̇ам̣ бавад̇д̇им̣ на сун̣и, на д̇аава бхаг̇аваа д̇хаммам̣ д̣̇зсзси. гасмаа? ‘‘б̣раахман̣асса жид̇д̇з аагулабхааво ад̇т̇ий’’д̇и. суд̇ваа банасса ‘‘б̣ахуу вад̇а мз баан̣аа можид̇аа’’д̇и жид̇д̇ажааро виббасийд̣̇ад̇и. бхаг̇аваа д̇асса виббасаннаманад̇ам̣ н̃ад̇ваа д̇хаммад̣̇зсанам̣ аарабхи. д̇ам̣ санд̇хааяа – ‘‘ат̇а ко бхаг̇аваа’’д̇иаад̣̇и вуд̇д̇ам̣. буна ‘галлажид̇д̇а’нд̇иаад̣̇и аанубуб̣б̣игат̇аанубхаавзна вигкамбхид̇анийваран̣ад̇ам̣ санд̇хааяа вуд̇д̇ам̣. сзсам̣ уд̇д̇аанад̇т̇амзваад̇и.
354-358.Evaṃvutteti evaṃ bhagavatā vutte desanāya pasīditvā saraṇaṃ gantukāmo kūṭadanto brāhmaṇo – ‘etaṃ abhikkantaṃ bho, gotamā’tiādikaṃ vacanaṃ avoca. Upavāyatūti upagantvā sarīradarathaṃ nibbāpento tanusītalo vāto vāyatūti. Idañca pana vatvā brāhmaṇo purisaṃ pesesi – ‘‘gaccha, tāta, yaññavāṭaṃ pavisitvā sabbe te pāṇayo bandhanā mocehī’’ti. So ‘‘sādhū’’ti paṭissuṇitvā tathā katvā āgantvā ‘‘muttā bho, te pāṇayo’’ti ārocesi. Yāva brāhmaṇo taṃ pavattiṃ na suṇi, na tāva bhagavā dhammaṃ desesi. Kasmā? ‘‘Brāhmaṇassa citte ākulabhāvo atthī’’ti. Sutvā panassa ‘‘bahū vata me pāṇā mocitā’’ti cittacāro vippasīdati. Bhagavā tassa vippasannamanataṃ ñatvā dhammadesanaṃ ārabhi. Taṃ sandhāya – ‘‘atha kho bhagavā’’tiādi vuttaṃ. Puna ‘kallacitta’ntiādi ānupubbikathānubhāvena vikkhambhitanīvaraṇataṃ sandhāya vuttaṃ. Sesaṃ uttānatthamevāti.
ид̇и суман̇г̇алавилаасинияаа д̣̇ийгханигааяадтагат̇ааяам̣
Iti sumaṅgalavilāsiniyā dīghanikāyaṭṭhakathāyaṃ
гуудад̣̇анд̇асуд̇д̇аван̣н̣анаа нидтид̇аа.
Kūṭadantasuttavaṇṇanā niṭṭhitā.
Related texts:
д̇ибидага (муула) • Tipiṭaka (Mūla) / суд̇д̇абидага • Suttapiṭaka / д̣̇ийгханигааяа • Dīghanikāya / 5. гуудад̣̇анд̇асуд̇д̇ам̣ • 5. Kūṭadantasuttaṃ
дийгаа • Tīkā / суд̇д̇абидага (дийгаа) • Suttapiṭaka (ṭīkā) / д̣̇ийгханигааяа (дийгаа) • Dīghanikāya (ṭīkā) / 5. гуудад̣̇анд̇асуд̇д̇аван̣н̣анаа • 5. Kūṭadantasuttavaṇṇanā
