| Library / Tipiṭaka / д̇ибидага • Tipiṭaka / д̣̇ийгханигааяа (дийгаа) • Dīghanikāya (ṭīkā) |
5. гуудад̣̇анд̇асуд̇д̇аван̣н̣анаа
5. Kūṭadantasuttavaṇṇanā
323. буримасуд̇д̇ад̣̇ваязд̇и амб̣адтасон̣ад̣̇ан̣д̣асуд̇д̇ад̣̇ваяз. вуд̇д̇анаяамзваад̇и яам̣ д̇ад̇т̇а ааг̇ад̇асад̣̇исам̣ ид̇хааг̇ад̇ам̣ д̇ам̣ ад̇т̇аван̣н̣анад̇о вуд̇д̇анаяамзва, д̇ад̇т̇а вуд̇д̇анаязнзва взд̣̇ид̇аб̣б̣анд̇и ад̇т̇о. ‘‘д̇арун̣о амб̣аругко амб̣аладтигаа’’д̇и (д̣̇ий. ни. адта. 1.2) б̣рахмаж̇ааласуд̇д̇аван̣н̣анааяам̣ вуд̇д̇анд̇и ааха ‘‘амб̣аладтигаа б̣рахмаж̇аалз вуд̇д̇асад̣̇исааваа’’д̇и.
323.Purimasuttadvayeti ambaṭṭhasoṇadaṇḍasuttadvaye. Vuttanayamevāti yaṃ tattha āgatasadisaṃ idhāgataṃ taṃ atthavaṇṇanato vuttanayameva, tattha vuttanayeneva veditabbanti attho. ‘‘Taruṇo ambarukkho ambalaṭṭhikā’’ti (dī. ni. aṭṭha. 1.2) brahmajālasuttavaṇṇanāyaṃ vuttanti āha ‘‘ambalaṭṭhikā brahmajāle vuttasadisāvā’’ti.
яан̃н̃ааваадам̣ самбаад̣̇зд̇ваа махааяан̃н̃ам̣ уд̣̇д̣̇исса савин̃н̃аан̣агаани, авин̃н̃аан̣агаани жа яан̃н̃уубагаран̣аани убадтабид̇аанийд̇и вуд̇д̇ам̣ баал̣ияам̣ ‘‘махааяан̃н̃о убагкадо’’д̇и, д̇ам̣ убагкаран̣ам̣ д̇зсам̣ д̇ат̇аасаж̇ж̇ананд̇и ааха ‘‘убагкадод̇и саж̇ж̇ид̇о’’д̇и. важчад̇арасад̇аанийд̇и яувабхааваббад̇д̇аани б̣алававажчасад̇аани, д̇з бана важчаа зва хонд̇и, на д̣̇аммаа б̣алиб̣ад̣̇д̣̇аа жаад̇и ааха ‘‘важчасад̇ааний’’д̇и. зд̇зд̇и усабхаад̣̇аяо ураб̣бхабарияосаанаа. анзгзсанд̇и анзгаж̇аад̇игаанам̣. сан̇кяаавасзна анзгад̇аа сад̇д̇асад̇аг̇г̇ахан̣знзва барижчиннаа. миг̇абагкийнанд̇и махим̣сарурубасад̣̇агурун̇г̇аг̇оган̣н̣амиг̇аанан̃жзва морагабин̃ж̇арад̇ид̇д̇ирагабод̇аад̣̇ибагкийнан̃жа.
Yaññāvāṭaṃ sampādetvā mahāyaññaṃ uddissa saviññāṇakāni, aviññāṇakāni ca yaññūpakaraṇāni upaṭṭhapitānīti vuttaṃ pāḷiyaṃ ‘‘mahāyañño upakkhaṭo’’ti, taṃ upakkharaṇaṃ tesaṃ tathāsajjananti āha ‘‘upakkhaṭoti sajjito’’ti. Vacchatarasatānīti yuvabhāvappattāni balavavacchasatāni, te pana vacchā eva honti, na dammā balibaddā cāti āha ‘‘vacchasatānī’’ti. Eteti usabhādayo urabbhapariyosānā. Anekesanti anekajātikānaṃ. Saṅkhyāvasena anekatā sattasataggahaṇeneva paricchinnā. Migapakkhīnanti mahiṃsarurupasadakuruṅgagokaṇṇamigānañceva morakapiñjaratittirakapotādipakkhīnañca.
328. яан̃н̃асан̇каад̇асса бун̃н̃асса яо сам̣гилзсо, д̇асса нивааран̣ад̇о нисзд̇ханад̇о вид̇хаа вужжанд̇и виббадисааравинод̣̇анаа. д̇ад̇о зва д̇аа д̇ам̣ бун̃н̃аабхисанд̣̇ам̣ авижчинд̣̇ид̇ваа табзнд̇ийд̇и ‘‘табанаа’’д̇и вуд̇д̇аа. д̇аасам̣ бана яан̃н̃асса аад̣̇имаж̇жхабарияосаанавасзна д̇ийсу гаалзсу бавад̇д̇ияаа яан̃н̃о д̇идтабанод̇и ааха ‘‘д̇идтабананд̇и ад̇т̇о’’д̇и. баригкаронд̇и абхисан̇каронд̇ийд̇и баригкаараа, бариваараад̇и вуд̇д̇ам̣. ‘‘сол̣асабаригкааранд̇и сол̣асабариваара’’нд̇и.
328. Yaññasaṅkhātassa puññassa yo saṃkileso, tassa nivāraṇato nisedhanato vidhā vuccanti vippaṭisāravinodanā. Tato eva tā taṃ puññābhisandaṃ avicchinditvā ṭhapentīti ‘‘ṭhapanā’’ti vuttā. Tāsaṃ pana yaññassa ādimajjhapariyosānavasena tīsu kālesu pavattiyā yañño tiṭṭhapanoti āha ‘‘tiṭṭhapananti attho’’ti. Parikkharonti abhisaṅkharontīti parikkhārā, parivārāti vuttaṃ. ‘‘Soḷasaparikkhāranti soḷasaparivāra’’nti.
махаавиж̇ид̇арааж̇аяан̃н̃агат̇ааван̣н̣анаа
Mahāvijitarājayaññakathāvaṇṇanā
336. буб̣б̣ажарид̇анд̇и ад̇д̇ано буримаж̇аад̇исамбхууд̇ам̣ б̣од̇хисамбхаарабхууд̇ам̣ бун̃н̃ажарияам̣. д̇ат̇аа хисса ануг̇ааминова нид̇хисса т̇ааваро нид̇хи нид̣̇ассид̇о. ад̣дхад̇аа наама вибхавасамбаннад̇аа, саа д̇ам̣ д̇ам̣ убаад̣̇ааяубаад̣̇ааяа вужжад̇ийд̇и ааха ‘‘яо гожи ад̇д̇ано санд̇агзна вибхавзна ад̣дхо ход̇ий’’д̇и . д̇ат̇аа махад̣̇д̇ханад̇аабийд̇и д̇ам̣ уггам̣саг̇ад̇ам̣ д̣̇ассзд̇ум̣ ‘‘махад̇аа абаримаан̣асан̇кязна д̇ханзна саманнааг̇ад̇о’’д̇и вуд̇д̇ам̣. бхун̃ж̇ид̇аб̣б̣ад̇о барибхун̃ж̇ид̇аб̣б̣ад̇о висзсад̇о гаамаа бхог̇о наамаад̇и ааха ‘‘бан̃жагаамаг̇ун̣авасзнаа’’д̇и. бин̣д̣абин̣д̣авасзнаад̇и бхааж̇анаалан̇гаараад̣̇ивибхааг̇ам̣ ахуд̇ваа гзвалам̣ кан̣д̣акан̣д̣авасзна.
336.Pubbacaritanti attano purimajātisambhūtaṃ bodhisambhārabhūtaṃ puññacariyaṃ. Tathā hissa anugāminova nidhissa thāvaro nidhi nidassito. Aḍḍhatā nāma vibhavasampannatā, sā taṃ taṃ upādāyupādāya vuccatīti āha ‘‘yo koci attano santakena vibhavena aḍḍho hotī’’ti . Tathā mahaddhanatāpīti taṃ ukkaṃsagataṃ dassetuṃ ‘‘mahatā aparimāṇasaṅkhyena dhanena samannāgato’’ti vuttaṃ. Bhuñjitabbato paribhuñjitabbato visesato kāmā bhogo nāmāti āha ‘‘pañcakāmaguṇavasenā’’ti. Piṇḍapiṇḍavasenāti bhājanālaṅkārādivibhāgaṃ ahutvā kevalaṃ khaṇḍakhaṇḍavasena.
маасагаад̣̇ийд̇и аад̣̇и-сад̣̇д̣̇зна т̇аалагаад̣̇им̣ сан̇г̇ан̣хаад̇и. бхааж̇анаад̣̇ийд̇и аад̣̇и-сад̣̇д̣̇зна вад̇т̇асзяяаавасат̇аад̣̇им̣ сан̇г̇ан̣хаад̇и. суван̣н̣араж̇ад̇аман̣имуд̇д̇аавзл̣урияаваж̇ирабаваал̣аани ‘‘сад̇д̇арад̇анааний’’д̇и вад̣̇анд̇и. сааливийхиаад̣̇и буб̣б̣ан̣н̣ам̣ бурагкад̇ам̣сассапаланд̇и гад̇ваа. д̇аб̣б̣ибарияааяад̇о муг̇г̇амаасаад̣̇и абаран̣н̣ам̣. д̣̇звасигам̣…бз… васзнаад̇и д̣̇ивасз д̣̇ивасз барибхун̃ж̇ид̇аб̣б̣ад̣̇аад̇аб̣б̣авад̣дхзд̇аб̣б̣аад̣̇ивид̇хинаа баривад̇д̇анагад̇ханад̇хан̃н̃авасзна.
Māsakādīti ādi-saddena thālakādiṃ saṅgaṇhāti. Bhājanādīti ādi-saddena vatthaseyyāvasathādiṃ saṅgaṇhāti. Suvaṇṇarajatamaṇimuttāveḷuriyavajirapavāḷāni ‘‘sattaratanānī’’ti vadanti. Sālivīhiādi pubbaṇṇaṃ purakkhataṃsassaphalanti katvā. Tabbipariyāyato muggamāsādi aparaṇṇaṃ. Devasikaṃ…pe… vasenāti divase divase paribhuñjitabbadātabbavaḍḍhetabbādividhinā parivattanakadhanadhaññavasena.
годтам̣ вужжад̇и д̇хан̃н̃асса аатабанадтаанам̣, годтабхууд̇ам̣ аг̇аарам̣ годтааг̇аарам̣ д̇знааха ‘‘д̇хан̃н̃зна…бз… г̇ааро жаа’’д̇и. звам̣ саараг̇аб̣бхам̣ ‘‘госо’’д̇и, д̇хан̃н̃асса аатабанадтаанан̃жа ‘‘годтааг̇аара’’нд̇и д̣̇ассзд̇ваа ид̣̇аани д̇ад̇о ан̃н̃ат̇аа д̇ам̣ д̣̇ассзд̇ум̣ ‘‘ат̇а ваа’’д̇иаад̣̇и вуд̇д̇ам̣. д̇ад̇т̇а яат̇аа асино д̇игкабхаавабарихаарад̇о барижчад̣̇о ‘‘госо’’д̇и вужжад̇и, звам̣ ран̃н̃о д̇игкабхаавабарихаран̣ад̇д̇аа жад̇уран̇г̇иний сзнаа ‘‘госо’’д̇и ааха ‘‘жад̇уб̣б̣ид̇хо госо хад̇т̇ий ассаа рат̇аа бад̇д̇ий’’д̇и. ‘‘вад̇т̇агодтааг̇аараг̇г̇ахан̣знзва саб̣б̣ассааби бхан̣д̣адтабанадтаанасса г̇ахид̇ад̇д̇аа д̇ивид̇хам̣ годтааг̇ааранд̇и вуд̇д̇ам̣. ‘‘ид̣̇ам̣ звам̣ б̣аху’’нд̇иаад̣̇и рааж̇аа д̇амад̇т̇ам̣ ж̇аананд̇ова бхан̣д̣ааг̇ааригзна гат̇аабзд̇ваа барисааяа ниссад̣̇д̣̇абхааваабаад̣̇анад̇т̇ан̃жа ааха звам̣ мз багад̇игкобхо на бхависсад̇ийд̇и.
Koṭṭhaṃ vuccati dhaññassa āṭhapanaṭṭhānaṃ, koṭṭhabhūtaṃ agāraṃ koṭṭhāgāraṃ tenāha ‘‘dhaññena…pe… gāro cā’’ti. Evaṃ sāragabbhaṃ ‘‘koso’’ti, dhaññassa āṭhapanaṭṭhānañca ‘‘koṭṭhāgāra’’nti dassetvā idāni tato aññathā taṃ dassetuṃ ‘‘atha vā’’tiādi vuttaṃ. Tattha yathā asino tikkhabhāvaparihārato paricchado ‘‘koso’’ti vuccati, evaṃ rañño tikkhabhāvapariharaṇattā caturaṅginī senā ‘‘koso’’ti āha ‘‘catubbidho koso hatthī assā rathā pattī’’ti. ‘‘Vatthakoṭṭhāgāraggahaṇeneva sabbassāpi bhaṇḍaṭṭhapanaṭṭhānassa gahitattā tividhaṃ koṭṭhāgāranti vuttaṃ. ‘‘Idaṃ evaṃ bahu’’ntiādi rājā tamatthaṃ jānantova bhaṇḍāgārikena kathāpetvā parisāya nissaddabhāvāpādanatthañca āha evaṃ me pakatikkhobho na bhavissatīti.
337-8. б̣раахман̣о жинд̇зси ж̇анабад̣̇асса анубад̣̇д̣̇авад̇т̇ан̃жзва яан̃н̃асса жа жираанубавад̇д̇анад̇т̇ан̃жа, д̇знааха ‘‘аяам̣ рааж̇аа’’д̇иаад̣̇и.
337-8.Brāhmaṇo cintesi janapadassa anupaddavatthañceva yaññassa ca cirānupavattanatthañca, tenāha ‘‘ayaṃ rājā’’tiādi.
сад̇д̇аанам̣ хид̇асса сукасса жа вид̣̇уусанад̇о ахид̇асса д̣̇угкасса жа ааваханад̇о жораа зва ган̣дагаа, д̇зхи жораган̣дагзхи. яат̇аа г̇аамаваасийнам̣ гхаад̇аа г̇аамагхаад̇аа, звам̣ бант̇игаанам̣ д̣̇уханаа виб̣аад̇ханаа бант̇ад̣̇уханаа. ад̇хаммагаарийд̇и д̇хаммад̇о абзд̇асса аяуд̇д̇асса гаран̣асийло, ад̇д̇ано виж̇ид̇з ж̇анабад̣̇аад̣̇ийнам̣ д̇ад̇о анад̇т̇ад̇о д̇ааяанзна кад̇д̇ияо яо кад̇д̇ад̇хаммо, д̇асса ваа агаран̣асийлод̇и ад̇т̇о. д̣̇ассаво зва кийласад̣̇исад̇д̇аа д̣̇ассукийлам̣. яат̇аа хи кзд̇д̇з кийлам̣ гасанаад̣̇ийнам̣ сукаббавад̇д̇им̣ , мууласанд̇аанзна сассасса б̣уд̣̇д̇хин̃жа виб̣анд̇хад̇и, звам̣ д̣̇ассаво раж̇ж̇з рааж̇аан̣ааяа сукаббавад̇д̇им̣, муулавирул̣хияаа ж̇анабад̣̇аанам̣ бариб̣уд̣̇д̇хин̃жа виб̣анд̇ханд̇и. д̇зна вуд̇д̇ам̣ ‘‘д̣̇ассаво зва кийласад̣̇исад̇д̇аа д̣̇ассукийла’’нд̇и. вад̇ха-сад̣̇д̣̇о хим̣санад̇т̇оби ход̇ийд̇и вуд̇д̇ам̣ ‘‘мааран̣зна ваа годданзна ваа’’д̇и. ад̣̇д̣̇уб̣анд̇ханаад̣̇инаад̇и аад̣̇и-сад̣̇д̣̇зна раж̇ж̇уб̣анд̇ханасан̇калигаб̣анд̇ханаад̣̇им̣ сан̇г̇ан̣хаад̇и. ж̇аанияаад̇и д̇ханаж̇аанияаа, д̇знааха ‘‘сад̇ам̣ г̇ан̣хат̇аа’’д̇иаад̣̇и. бан̃жасикамун̣д̣агаран̣анд̇и гаагабагкагаран̣ам̣. г̇омаяасин̃жананд̇и сийсз чаган̣од̣̇агаавасзжанам̣. гуд̣̇ан̣д̣агаб̣анд̇хананд̇и г̇ад̣̇д̣̇улаб̣анд̇ханам̣. звамаад̣̇ийнийд̇и аад̣̇и-сад̣̇д̣̇зна курамун̣д̣ам̣ гарид̇ваа бхасмабудабот̇анаад̣̇им̣ сан̇г̇ан̣хаад̇и. ууханиссаамийд̇и уд̣̇д̇хариссаами, абанзссаамийд̇и ад̇т̇о. уссаханд̇ийд̇и буб̣б̣з д̇ад̇т̇а гад̇абарижаяад̇ааяа уссаахам̣ гаад̇ум̣ саггонд̇и. ануббад̣̇зд̇ууд̇и ану ану бад̣̇зд̇у, д̇знааха ‘‘д̣̇иннз аббахонд̇з’’д̇иаад̣̇и. сагкигаран̣абан̣н̣ааробанаани вад̣дхияаа саха ваа винаа ваа буна г̇ахзд̇угаамасса, ид̇ха бана д̇ам̣ над̇т̇ийд̇и ааха ‘‘сагким̣ агад̇ваа’’д̇иаад̣̇и, д̇знааха ‘‘муулажчзж̇ж̇авасзнаа’’д̇и. багаарад̇о бхан̣д̣аани аабхарад̇и самбхарад̇и барижаяад̇и зд̇знаад̇и баабхад̇ам̣, бхан̣д̣амуулам̣.
Sattānaṃ hitassa sukhassa ca vidūsanato ahitassa dukkhassa ca āvahanato corā eva kaṇṭakā, tehi corakaṇṭakehi. Yathā gāmavāsīnaṃ ghātā gāmaghātā, evaṃ panthikānaṃ duhanā vibādhanā panthaduhanā. Adhammakārīti dhammato apetassa ayuttassa karaṇasīlo, attano vijite janapadādīnaṃ tato anatthato tāyanena khattiyo yo khattadhammo, tassa vā akaraṇasīloti attho. Dassavo eva khīlasadisattā dassukhīlaṃ. Yathā hi khette khīlaṃ kasanādīnaṃ sukhappavattiṃ , mūlasantānena sassassa buddhiñca vibandhati, evaṃ dassavo rajje rājāṇāya sukhappavattiṃ, mūlaviruḷhiyā janapadānaṃ paribuddhiñca vibandhanti. Tena vuttaṃ ‘‘dassavo eva khīlasadisattā dassukhīla’’nti. Vadha-saddo hiṃsanatthopi hotīti vuttaṃ ‘‘māraṇena vā koṭṭanena vā’’ti. Addubandhanādināti ādi-saddena rajjubandhanasaṅkhalikabandhanādiṃ saṅgaṇhāti. Jāniyāti dhanajāniyā, tenāha ‘‘sataṃ gaṇhathā’’tiādi. Pañcasikhamuṇḍakaraṇanti kākapakkhakaraṇaṃ. Gomayasiñcananti sīse chakaṇodakāvasecanaṃ. Kudaṇḍakabandhananti gaddulabandhanaṃ. Evamādīnīti ādi-saddena khuramuṇḍaṃ karitvā bhasmapuṭapothanādiṃ saṅgaṇhāti. Ūhanissāmīti uddharissāmi, apanessāmīti attho. Ussahantīti pubbe tattha kataparicayatāya ussāhaṃ kātuṃ sakkonti. Anuppadetūti anu anu padetu, tenāha ‘‘dinne appahonte’’tiādi. Sakkhikaraṇapaṇṇāropanāni vaḍḍhiyā saha vā vinā vā puna gahetukāmassa, idha pana taṃ natthīti āha ‘‘sakkhiṃ akatvā’’tiādi, tenāha ‘‘mūlacchejjavasenā’’ti. Pakārato bhaṇḍāni ābharati sambharati paricayati etenāti pābhataṃ, bhaṇḍamūlaṃ.
д̣̇ивасз д̣̇ивасз д̣̇аад̇аб̣б̣абхад̇д̇ам̣ д̣̇звасигабхад̇д̇ам̣. ‘‘анумаасам̣, анубосат̇а’’нд̇иаад̣̇инаа д̣̇аад̇аб̣б̣ам̣ взд̇анам̣ маасигаад̣̇ибариб̣б̣аяам̣. д̇асса д̇асса гулаануруубзна гаммаануруубзна суурабхааваануруубзнаад̇и бажжзгам̣ анурууба-сад̣̇д̣̇о яож̇зд̇аб̣б̣о. сзнаабажжаад̣̇и таананд̇арам̣. сагагаммабасуд̇ад̇д̇аа , анубад̣̇д̣̇авад̇д̇аа жа д̇ханад̇хан̃н̃аанам̣ раасиго раасигаарабхууд̇о. кзмзна тид̇аад̇и анубад̣̇д̣̇авзна бавад̇д̇аа, д̇знааха ‘‘абхаяаа’’д̇и, гуд̇ожиби бхаяарахид̇аад̇и ад̇т̇о.
Divase divase dātabbabhattaṃ devasikabhattaṃ. ‘‘Anumāsaṃ, anuposatha’’ntiādinā dātabbaṃ vetanaṃ māsikādiparibbayaṃ. Tassa tassa kulānurūpena kammānurūpena sūrabhāvānurūpenāti paccekaṃ anurūpa-saddo yojetabbo. Senāpaccādi ṭhānantaraṃ. Sakakammapasutattā , anupaddavattā ca dhanadhaññānaṃ rāsiko rāsikārabhūto. Khemena ṭhitāti anupaddavena pavattā, tenāha ‘‘abhayā’’ti, kutocipi bhayarahitāti attho.
жад̇убаригкаараван̣н̣анаа
Catuparikkhāravaṇṇanā
339. д̇асмим̣ д̇асмим̣ гижжз ануяанд̇и анувад̇д̇анд̇ийд̇и ануяанд̇аа, ануяанд̇аа зва аануяанд̇аа яат̇аа ‘‘анубхааво зва аанубхааво’’д̇и. ассаад̇и ран̃н̃о. д̇зд̇и аануяанд̇акад̇д̇ияаад̣̇аяо. ад̇д̇аманаа на бхависсанд̇и ‘‘амхз зд̇т̇а б̣ахи гарод̇ий’’д̇и. ниб̣анд̇хавибулааг̇амо г̇аамо ниг̇амо, вивад̣дхид̇амахааааяо махааг̇аамод̇и ад̇т̇о. ж̇анабад̣̇а-сад̣̇д̣̇о хздтаа вуд̇д̇ад̇т̇о зва. чаннам̣ багад̇ийнам̣ васзна ран̃н̃о хид̇асукаабхиб̣уд̣̇д̇хи, д̇ад̣̇згад̣̇зсаа жа аануяанд̇аад̣̇аяод̇и вуд̇д̇ам̣ ‘‘яам̣ д̇умхаагам̣ ануж̇аананам̣ мама бхавзяяа д̣̇ийгхарад̇д̇ам̣ хид̇ааяа сукааяаа’’д̇и.
339. Tasmiṃ tasmiṃ kicce anuyanti anuvattantīti anuyantā, anuyantā eva ānuyantā yathā ‘‘anubhāvo eva ānubhāvo’’ti. Assāti rañño. Teti ānuyantakhattiyādayo. Attamanā na bhavissanti ‘‘amhe ettha bahi karotī’’ti. Nibandhavipulāgamo gāmo nigamo, vivaḍḍhitamahāāyo mahāgāmoti attho. Janapada-saddo heṭṭhā vuttattho eva. Channaṃ pakatīnaṃ vasena rañño hitasukhābhibuddhi, tadekadesā ca ānuyantādayoti vuttaṃ ‘‘yaṃ tumhākaṃ anujānanaṃ mama bhaveyya dīgharattaṃ hitāya sukhāyā’’ti.
амаа саха бхаванд̇и гижжзсууд̇и амажжаа, раж̇ж̇агижжавосаасанагаа. д̇з бана ран̃н̃о бияаа, сахабавад̇д̇анагаа жа хонд̇ийд̇и ааха ‘‘бияасахааяагаа’’д̇и. ран̃н̃о барисад̇и бхаваад̇и баарисаж̇ж̇аа , д̇з бана гзд̇и ааха ‘‘сзсаа аан̣ад̇д̇игараа’’д̇и, яат̇аавуд̇д̇ааануяанд̇акад̇д̇ияаад̣̇ий хи авасзсаа ран̃н̃о аан̣аагараад̇и ад̇т̇о. сад̇иби д̣̇зяяад̇хаммз аанубхаавасамбад̇д̇ияаа, бариваарасамбад̇д̇ияаа жа абхаавз д̇аад̣̇исам̣ д̣̇аад̇ум̣ на саггаа, вуд̣дхагаалз жа д̇аад̣̇исаанамби рааж̇уунам̣ д̇ад̣̇убхаяам̣ хааяад̇зваад̇и ааха ‘‘махаллагагаалз…бз… на саггаа’’д̇и. анумад̇ияаад̇и ануж̇аананзна, багкаад̇и сабагкаа яан̃н̃асса ан̇г̇абхууд̇аа. баригкаронд̇ийд̇и баригкаараа, самбхаараа. имз д̇асса яан̃н̃асса ан̇г̇абхууд̇аа бариваараа вияа хонд̇ийд̇и ааха ‘‘бариваараа бхаванд̇ий’’д̇и.
Amā saha bhavanti kiccesūti amaccā, rajjakiccavosāsanakā. Te pana rañño piyā, sahapavattanakā ca hontīti āha ‘‘piyasahāyakā’’ti. Rañño parisati bhavāti pārisajjā, te pana keti āha ‘‘sesā āṇattikarā’’ti, yathāvuttaānuyantakhattiyādī hi avasesā rañño āṇākarāti attho. Satipi deyyadhamme ānubhāvasampattiyā, parivārasampattiyā ca abhāve tādisaṃ dātuṃ na sakkā, vuḍḍhakāle ca tādisānampi rājūnaṃ tadubhayaṃ hāyatevāti āha ‘‘mahallakakāle…pe… na sakkā’’ti. Anumatiyāti anujānanena, pakkhāti sapakkhā yaññassa aṅgabhūtā. Parikkharontīti parikkhārā, sambhārā. Ime tassa yaññassa aṅgabhūtā parivārā viya hontīti āha ‘‘parivārā bhavantī’’ti.
адтабаригкаараван̣н̣анаа
Aṭṭhaparikkhāravaṇṇanā
340. яасасаад̇и аанубхаавзна, д̇знааха ‘‘аан̣аатабанасамад̇т̇ад̇ааяаа’’д̇и. сад̣̇д̣̇ахад̇ийд̇и ‘‘д̣̇аад̇аа д̣̇аанасса палам̣ бажжанубход̇ий’’д̇и бад̇д̇ияааяад̇и. д̣̇аанз суурод̇и д̣̇аанасууро д̣̇зяяад̇хаммз ийсагамби сан̇г̇ам̣ агад̇ваа муд̇д̇ажааг̇о. свааяамад̇т̇о гаммассагад̇ан̃н̃аан̣асса д̇игкависад̣̇абхаавзна взд̣̇ид̇аб̣б̣о, д̇знааха ‘‘на сад̣̇д̇хаамад̇д̇агзнзваа’’д̇иаад̣̇и. яасса хи гаммассагад̇аа бажжагкад̇о вияа убадтаад̇и, со звам̣ вуд̇д̇о. яам̣ д̣̇аанам̣ д̣̇зд̇ийд̇и яам̣ д̣̇зяяад̇хаммам̣ барасса д̣̇зд̇и. д̇асса бад̇и худ̇ваад̇и д̇аб̣б̣исаяам̣ лобхам̣ судту абхибхаванд̇о д̇асса ад̇хибад̇и худ̇ваа д̣̇зд̇и анад̇хибхаванийяад̇д̇аа. ‘‘на д̣̇аасо, на сахааяо’’д̇и вад̇ваа д̇ад̣̇убхаяам̣ анваяад̇о, б̣яад̇ирзгад̇о жа д̣̇ассзд̇ум̣ ‘‘яо хий’’д̇иаад̣̇и вуд̇д̇ам̣. д̣̇аасо худ̇ваа д̣̇зд̇и д̇ан̣хааяа д̣̇аанасса д̣̇аасаб̣яад̇ам̣ убаг̇ад̇ад̇д̇аа. сахааяо худ̇ваа д̣̇зд̇и д̇асса бияабхаавааниссаж̇ж̇анад̇о. саамий худ̇ваа д̣̇зд̇и д̇ад̇т̇а д̇ан̣хаад̣̇аасаб̣яад̇о ад̇д̇аанам̣ можзд̇ваа абхибхуяяа бавад̇д̇анад̇о. саамибарибхог̇асад̣̇исаа хзд̇ассааяам̣ бавад̇д̇ад̇ийд̇и.
340.Yasasāti ānubhāvena, tenāha ‘‘āṇāṭhapanasamatthatāyā’’ti. Saddahatīti ‘‘dātā dānassa phalaṃ paccanubhotī’’ti pattiyāyati. Dāne sūroti dānasūro deyyadhamme īsakampi saṅgaṃ akatvā muttacāgo. Svāyamattho kammassakataññāṇassa tikkhavisadabhāvena veditabbo, tenāha ‘‘na saddhāmattakenevā’’tiādi. Yassa hi kammassakatā paccakkhato viya upaṭṭhāti, so evaṃ vutto. Yaṃ dānaṃ detīti yaṃ deyyadhammaṃ parassa deti. Tassa pati hutvāti tabbisayaṃ lobhaṃ suṭṭhu abhibhavanto tassa adhipati hutvā deti anadhibhavanīyattā. ‘‘Na dāso, na sahāyo’’ti vatvā tadubhayaṃ anvayato, byatirekato ca dassetuṃ ‘‘yo hī’’tiādi vuttaṃ. Dāso hutvā deti taṇhāya dānassa dāsabyataṃ upagatattā. Sahāyo hutvā deti tassa piyabhāvānissajjanato. Sāmī hutvā deti tattha taṇhādāsabyato attānaṃ mocetvā abhibhuyya pavattanato. Sāmiparibhogasadisā hetassāyaṃ pavattatīti.
самид̇абаабаа саман̣аа, б̣аахид̇абаабаа б̣раахман̣аа уггадтанид̣̇д̣̇зсзна, баб̣б̣аж̇ж̇аамад̇д̇асаман̣аа ж̇аад̇имад̇д̇аб̣раахман̣аа бана габан̣аад̣̇иг̇г̇ахан̣знзвзд̇т̇а г̇ахид̇аад̇и ад̇хиббааяо. д̣̇уг̇г̇ад̇аад̇и д̣̇уггараж̇ийвигам̣ убаг̇ад̇аа гасиравуд̇д̇игаа, д̇знааха ‘‘д̣̇алид̣̇д̣̇амануссаа’’д̇и. ад̣̇д̇хигаад̇и ад̣̇д̇хаанамаг̇г̇аг̇аамино. ван̣иб̣б̣агаад̇и д̣̇ааяагаанам̣ г̇ун̣агид̇д̇анавасзна, гаммапалагид̇д̇анамукзна жа яаажанагаа сзяяат̇ааби наг̇г̇ажарияаад̣̇аяо, д̇знааха ‘‘идтам̣ д̣̇инна’’нд̇иаад̣̇и. ‘‘басад̇амад̇д̇а’’нд̇и вийхид̇ан̣д̣улаад̣̇ивасзна вуд̇д̇ам̣, ‘‘сараавамад̇д̇а’’нд̇и яааг̇убхад̇д̇аад̣̇ивасзна. обаанам̣ вужжад̇и ог̇аахзд̇ваа баад̇аб̣б̣ад̇о над̣̇ид̇ал̣аагаад̣̇ийнам̣ саб̣б̣асаад̇хааран̣ад̇ид̇т̇ам̣ обаанам̣ вияа бхууд̇од̇и обаанабхууд̇о, д̇знааха ‘‘уд̣̇абаанабхууд̇о’’д̇иаад̣̇и. суд̇амзва суд̇аж̇аад̇анд̇и ж̇аад̇а-сад̣̇д̣̇асса анад̇т̇анд̇араваажагад̇амааха яат̇аа ‘‘госаж̇аад̇а’’нд̇и.
Samitapāpāsamaṇā, bāhitapāpā brāhmaṇā ukkaṭṭhaniddesena, pabbajjāmattasamaṇā jātimattabrāhmaṇā pana kapaṇādiggahaṇenevettha gahitāti adhippāyo. Duggatāti dukkarajīvikaṃ upagatā kasiravuttikā, tenāha ‘‘daliddamanussā’’ti. Addhikāti addhānamaggagāmino. Vaṇibbakāti dāyakānaṃ guṇakittanavasena, kammaphalakittanamukhena ca yācanakā seyyathāpi naggacariyādayo, tenāha ‘‘iṭṭhaṃ dinna’’ntiādi. ‘‘Pasatamatta’’nti vīhitaṇḍulādivasena vuttaṃ, ‘‘sarāvamatta’’nti yāgubhattādivasena. Opānaṃ vuccati ogāhetvā pātabbato naditaḷākādīnaṃ sabbasādhāraṇatitthaṃ opānaṃ viya bhūtoti opānabhūto, tenāha ‘‘udapānabhūto’’tiādi. Sutameva sutajātanti jāta-saddassa anatthantaravācakatamāha yathā ‘‘kosajāta’’nti.
ад̇ийд̇аад̣̇иад̇т̇ажинд̇анасамад̇т̇ад̇аа наамасса ран̃н̃о анумаанавасзна, ид̇игад̇д̇аб̣б̣ад̇аавасзна жа взд̣̇ид̇аб̣б̣аа , на б̣уд̣̇д̇хаанам̣ вияа д̇ад̇т̇а бажжагкад̣̇ассид̇ааяаад̇и д̣̇ассзд̇ум̣ ‘‘ад̇ийд̇з’’д̇иаад̣̇и вуд̇д̇ам̣. ад̣дхад̇аад̣̇аяо д̇аава яан̃н̃асса баригкаараа хонд̇у д̇зхи винаа д̇асса асиж̇жханад̇о, суж̇аад̇ад̇аа суруубад̇аа бана гат̇анд̇и ааха ‘‘зд̇зхи гираа’’д̇иаад̣̇и. зд̇т̇а жа гзжи ‘‘яат̇аа ад̣дхад̇аад̣̇аяо яан̃н̃асса згам̣сад̇о ан̇г̇аани, на звамабхиж̇аад̇ад̇аа, абхируубад̇аа жаад̇и д̣̇ассзд̇ум̣ гирасад̣̇д̣̇аг̇г̇ахан̣а’’нд̇и вад̣̇анд̇и ‘‘аяам̣ д̣̇уж̇ж̇аад̇о’’д̇иаад̣̇и важанасса анзганд̇игад̇ам̣ ман̃н̃амаанаа, д̇аяид̣̇ам̣ асаарам̣, саб̣б̣асаад̇хааран̣авасзна хзса яан̃н̃аарамбхо д̇ад̇т̇а сияаа гзсан̃жи д̇ат̇аабаривид̇аггод̇и д̇ассааби авагаасаабхааваад̣̇ассанад̇т̇ам̣ д̇ат̇аа вуд̇д̇ад̇д̇аа. гира-сад̣̇д̣̇о бана д̇ад̣̇аа б̣раахман̣зна жинд̇ид̇аагаарасуужанад̇т̇о д̣̇адтаб̣б̣о. звамаад̣̇ийнийд̇и аад̣̇и-сад̣̇д̣̇зна ‘‘аяам̣ вируубо д̣̇алид̣̇д̣̇о аббзсагко ассад̣̇д̇хо аббассуд̇о анад̇т̇ан̃н̃уу на мзд̇хаавий’’д̇и зд̇зсам̣ сан̇г̇ахо д̣̇адтаб̣б̣о.
Atītādiatthacintanasamatthatā nāmassa rañño anumānavasena, itikattabbatāvasena ca veditabbā , na buddhānaṃ viya tattha paccakkhadassitāyāti dassetuṃ ‘‘atīte’’tiādi vuttaṃ. Aḍḍhatādayo tāva yaññassa parikkhārā hontu tehi vinā tassa asijjhanato, sujātatā surūpatā pana kathanti āha ‘‘etehi kirā’’tiādi. Ettha ca keci ‘‘yathā aḍḍhatādayo yaññassa ekaṃsato aṅgāni, na evamabhijātatā, abhirūpatā cāti dassetuṃ kirasaddaggahaṇa’’nti vadanti ‘‘ayaṃ dujjāto’’tiādi vacanassa anekantikataṃ maññamānā, tayidaṃ asāraṃ, sabbasādhāraṇavasena hesa yaññārambho tattha siyā kesañci tathāparivitakkoti tassāpi avakāsābhāvādassanatthaṃ tathā vuttattā. Kira-saddo pana tadā brāhmaṇena cintitākārasūcanattho daṭṭhabbo. Evamādīnīti ādi-saddena ‘‘ayaṃ virūpo daliddo appesakkho assaddho appassuto anatthaññū na medhāvī’’ti etesaṃ saṅgaho daṭṭhabbo.
жад̇убаригкаараад̣̇иван̣н̣анаа
Catuparikkhārādivaṇṇanā
341. ‘‘суж̇ам̣ баг̇г̇ан̣ханд̇аана’’нд̇и бурохид̇асса саяамзва гадажчуг̇г̇ахан̣аж̇од̇анзна звам̣ сахад̇т̇аа, саггажжан̃жа д̣̇аанз яуд̇д̇ад̇аа ижчид̇аб̣б̣аад̇и д̣̇ассзд̇и . звам̣ д̣̇уж̇ж̇аад̇ассаад̇и зд̇т̇ааби хздтаа вуд̇д̇анаязнзва ад̇т̇о взд̣̇ид̇аб̣б̣о.
341.‘‘Sujaṃ paggaṇhantāna’’nti purohitassa sayameva kaṭacchuggahaṇajotanena evaṃ sahatthā, sakkaccañca dāne yuttatā icchitabbāti dasseti . Evaṃ dujjātassāti etthāpi heṭṭhā vuttanayeneva attho veditabbo.
342. д̇ин̣н̣ам̣ таанаананд̇и д̣̇аанасса аад̣̇имаж̇жхабарияосаанабхууд̇аасу д̇ийсу бхуумийсу, авад̇т̇аасууд̇и ад̇т̇о. жаланд̇ийд̇и гамбанд̇и буримаагаарзна на д̇идтанд̇и. гаран̣ад̇т̇зд̇и д̇ад̇ияаавибхад̇д̇иад̇т̇з. гад̇д̇ари хзд̇ам̣ саамиважанам̣ гаран̣ийяасад̣̇д̣̇аабзгкааяа. ‘‘бажжаануд̇аабо на гад̇д̇аб̣б̣о’’д̇и вад̇ваа д̇асса агаран̣уубааяам̣ д̣̇ассзд̇ум̣ ‘‘буб̣б̣ажзд̇анаа бана ажалаа бад̇идтабзд̇аб̣б̣аа’’д̇и вуд̇д̇ам̣. д̇ад̇т̇а ажалаад̇и д̣̇ал̣хаа гзнажи асам̣хийраа. бад̇идтабзд̇аб̣б̣аад̇и субад̇идтид̇аа гаад̇аб̣б̣аа. звам̣ гаран̣зна хи яат̇аа д̇ам̣ д̣̇аанам̣ самбад̇и яат̇аад̇хиббааяам̣ ниббаж̇ж̇ад̇и, звам̣ ааяад̇имби вибулапалад̇ааяаад̇и ааха ‘‘зван̃хи д̣̇аанам̣ махабпалам̣ ход̇ийд̇и д̣̇ассзд̇ий’’д̇и, виббадисаарзна анубаггилидтабхаавад̇о. мун̃жажзд̇анаад̇и барижжааг̇ажзд̇анаа. д̇ассаа нижжалабхааво наама муд̇д̇ажааг̇ад̇аа буб̣б̣аабхисан̇кааравасзна ул̣аарабхааво, самануссаран̣ажзд̇анааяа бана нижжалабхааво ‘‘ахо маяаа д̣̇аанам̣ д̣̇иннам̣ саад̇ху судтуу’’д̇и д̇асса саггажжам̣ бажжавзгкан̣аавасзна взд̣̇ид̇аб̣б̣о. д̇ат̇аа агаронд̇ассаад̇и мун̃жажзд̇анам̣, д̇ад̇т̇а бажжаасамануссаран̣ажзд̇анан̃жа вуд̇д̇анаязна нижжалам̣ агаронд̇асса виббадисаарам̣ уббаад̣̇знд̇асса. кзд̇д̇ависзсз барижжааг̇асса гад̇ад̇д̇аа лад̣̇д̇хзсуби ул̣аарзсу бхог̇зсу жид̇д̇ам̣ нааби намад̇и. яат̇аа гат̇анд̇и ааха ‘‘махаарорувам̣ убабаннасса сздтиг̇ахабад̇ино вияаа’’д̇и.
342.Tiṇṇaṃ ṭhānānanti dānassa ādimajjhapariyosānabhūtāsu tīsu bhūmīsu, avatthāsūti attho. Calantīti kampanti purimākārena na tiṭṭhanti. Karaṇattheti tatiyāvibhattiatthe. Kattari hetaṃ sāmivacanaṃ karaṇīyasaddāpekkhāya. ‘‘Paccānutāpo na kattabbo’’ti vatvā tassa akaraṇūpāyaṃ dassetuṃ ‘‘pubbacetanā pana acalā patiṭṭhapetabbā’’ti vuttaṃ. Tattha acalāti daḷhā kenaci asaṃhīrā. Patiṭṭhapetabbāti supatiṭṭhitā kātabbā. Evaṃ karaṇena hi yathā taṃ dānaṃ sampati yathādhippāyaṃ nippajjati, evaṃ āyatimpi vipulaphalatāyāti āha ‘‘evañhi dānaṃ mahapphalaṃ hotīti dassetī’’ti, vippaṭisārena anupakkiliṭṭhabhāvato. Muñcacetanāti pariccāgacetanā. Tassā niccalabhāvo nāma muttacāgatā pubbābhisaṅkhāravasena uḷārabhāvo, samanussaraṇacetanāya pana niccalabhāvo ‘‘aho mayā dānaṃ dinnaṃ sādhu suṭṭhū’’ti tassa sakkaccaṃ paccavekkhaṇāvasena veditabbo. Tathā akarontassāti muñcacetanaṃ, tattha paccāsamanussaraṇacetanañca vuttanayena niccalaṃ akarontassa vippaṭisāraṃ uppādentassa. Khettavisese pariccāgassa katattā laddhesupi uḷāresubhogesu cittaṃ nāpi namati. Yathā kathanti āha ‘‘mahāroruvaṃ upapannassa seṭṭhigahapatino viyā’’ti.
со гира д̇аг̇арасиким̣ бажжзгаб̣уд̣̇д̇хам̣ ад̇д̇ано г̇зхад̣̇ваарз бин̣д̣ааяа тид̇ам̣ д̣̇исваа ‘‘имасса саман̣асса бин̣д̣абаад̇ам̣ д̣̇зхий’’д̇и бхарияам̣ аан̣аабзд̇ваа рааж̇убадтаанад̇т̇ам̣ баггаами. сздтибхарияаа саббан̃н̃аж̇аад̇игаа, саа жинд̇зси ‘‘маяаа зд̇д̇агзна гаалзна ‘имасса д̣̇зт̇аа’д̇и важанамад̇д̇ам̣ бисса на суд̇абуб̣б̣ам̣, аяан̃жа ман̃н̃з ахоси бажжзгасамб̣уд̣̇д̇хо, яат̇аа д̇ат̇аа ад̣̇ад̇ваа бан̣ийд̇ам̣ бин̣д̣абаад̇ам̣ д̣̇ассаамий’’д̇и убаг̇анд̇ваа бажжзгасамб̣уд̣̇д̇хам̣ бан̃жабад̇идтид̇зна ванд̣̇ид̇ваа бад̇д̇ам̣ аад̣̇ааяа анд̇онивзсанз бан̃н̃ад̇д̇аасанз нисийд̣̇аабзд̇ваа барисуд̣̇д̇хзхи саалид̇ан̣д̣улзхи бхад̇д̇ам̣ самбаад̣̇зд̇ваа д̇ад̣̇ануруубам̣ каад̣̇анийяам̣, б̣яан̃ж̇анам̣, суубзяяан̃жа абхисан̇карид̇ваа б̣ахи г̇анд̇хзхи алан̇гарид̇ваа бажжзгасамб̣уд̣̇д̇хасса хад̇т̇зсу бад̇идтабзд̇ваа ванд̣̇и. бажжзгаб̣уд̣̇д̇хо ‘‘ан̃н̃зсамби бажжзгаб̣уд̣̇д̇хаанам̣ сан̇г̇ахам̣ гариссаамий’’д̇и абарибхун̃ж̇ид̇ваава анумод̣̇анам̣ гад̇ваа баггаами. соби ко сздти рааж̇убадтаанам̣ гад̇ваа ааг̇ажчанд̇о бажжзгаб̣уд̣̇д̇хам̣ д̣̇исваа ахам̣ ‘‘д̇умхаагам̣ бин̣д̣абаад̇ам̣ д̣̇зт̇аа’’д̇и вад̇ваа багганд̇о, аби во лад̣̇д̇хо бин̣д̣абаад̇од̇и. аама сздти лад̣̇д̇ход̇и. ‘‘бассаамаа’’д̇и г̇ийвам̣ угкибид̇ваа ологзси. ат̇асса бин̣д̣абаад̇аг̇анд̇хо удтахид̇ваа наасабудам̣ буурзси. со ‘‘махаа вад̇а мз д̇ханаб̣яаяо ж̇аад̇о’’д̇и жид̇д̇ам̣ санд̇хаарзд̇ум̣ асаггонд̇о бажчаа виббадисаарий ахоси. виббадисаарасса бана уббаннаагааро ‘‘варамзд̇а’’нд̇иаад̣̇инаа (сам̣. ни. 1.131) баал̣ияам̣ ааг̇ад̇оязва. бхаад̇у банааяам̣ згам̣ буд̇д̇агам̣ саабад̇зяяагааран̣аа ж̇ийвид̇аа воробзси, д̇зна махаарорувам̣ убабанно. бин̣д̣абаад̇ад̣̇аанзна банзса сад̇д̇агкад̇д̇ум̣ суг̇г̇ад̇им̣ саг̇г̇ам̣ логам̣ убабанно, сад̇д̇агкад̇д̇умзва жа сздтигулз ниб̣б̣ад̇д̇о, на жаасса ул̣аарзсу бхог̇зсу жид̇д̇ам̣ нами, д̇зна вуд̇д̇ам̣ ‘‘нааби ул̣аарзсу бхог̇зсу жид̇д̇ам̣ намад̇ий’’д̇и.
So kira tagarasikhiṃ paccekabuddhaṃ attano gehadvāre piṇḍāya ṭhitaṃ disvā ‘‘imassa samaṇassa piṇḍapātaṃ dehī’’ti bhariyaṃ āṇāpetvā rājupaṭṭhānatthaṃ pakkāmi. Seṭṭhibhariyā sappaññajātikā, sā cintesi ‘‘mayā ettakena kālena ‘imassa dethā’ti vacanamattaṃ pissa na sutapubbaṃ, ayañca maññe ahosi paccekasambuddho, yathā tathā adatvā paṇītaṃ piṇḍapātaṃ dassāmī’’ti upagantvā paccekasambuddhaṃ pañcapatiṭṭhitena vanditvā pattaṃ ādāya antonivesane paññattāsane nisīdāpetvā parisuddhehi sālitaṇḍulehi bhattaṃ sampādetvā tadanurūpaṃ khādanīyaṃ, byañjanaṃ, sūpeyyañca abhisaṅkharitvā bahi gandhehi alaṅkaritvā paccekasambuddhassa hatthesu patiṭṭhapetvā vandi. Paccekabuddho ‘‘aññesampi paccekabuddhānaṃ saṅgahaṃ karissāmī’’ti aparibhuñjitvāva anumodanaṃ katvā pakkāmi. Sopi kho seṭṭhi rājupaṭṭhānaṃ katvā āgacchanto paccekabuddhaṃ disvā ahaṃ ‘‘tumhākaṃ piṇḍapātaṃ dethā’’ti vatvā pakkanto, api vo laddho piṇḍapātoti. Āma seṭṭhi laddhoti. ‘‘Passāmā’’ti gīvaṃ ukkhipitvā olokesi. Athassa piṇḍapātagandho uṭṭhahitvā nāsapuṭaṃ pūresi. So ‘‘mahā vata me dhanabyayo jāto’’ti cittaṃ sandhāretuṃ asakkonto pacchā vippaṭisārī ahosi. Vippaṭisārassa pana uppannākāro ‘‘varameta’’ntiādinā (saṃ. ni. 1.131) pāḷiyaṃ āgatoyeva. Bhātu panāyaṃ ekaṃ puttakaṃ sāpateyyakāraṇā jīvitā voropesi, tena mahāroruvaṃ upapanno. Piṇḍapātadānena panesa sattakkhattuṃ suggatiṃ saggaṃ lokaṃ upapanno, sattakkhattumeva ca seṭṭhikule nibbatto, na cāssa uḷāresu bhogesu cittaṃ nami, tena vuttaṃ ‘‘nāpi uḷāresu bhogesu cittaṃ namatī’’ti.
343. аагарод̇и ад̇д̇ано ануруубад̇ааяа самарияаад̣̇ам̣ сабарижчзд̣̇ам̣ палам̣ ниб̣б̣ад̇д̇зд̇ийд̇и аагааро, гааран̣анд̇и ааха ‘‘д̣̇асахи аагаарзхийд̇и д̣̇асахи гааран̣зхий’’д̇и. бадиг̇г̇аахагад̇о ваад̇и б̣алавад̇аро худ̇ваа уббаж̇ж̇амаано бадиг̇г̇аахагад̇ова уббаж̇ж̇ад̇и, ид̇аро бана д̣̇зяяад̇хаммад̇о, бариваараж̇анад̇оби уббаж̇ж̇зяязва. уббаж̇ж̇ид̇ум̣ яуд̇д̇анд̇и уббаж̇ж̇анаарахам̣. д̇зсам̣язва баан̣аад̇ибаад̇ийнам̣. яаж̇анам̣ наамзд̇т̇а д̣̇аанам̣ ад̇хиббзд̇ам̣, на аг̇г̇иж̇ухананд̇и ааха ‘‘яаж̇ад̇ам̣ бхаванд̇и д̣̇зд̇у бхава’’нд̇и. виссаж̇ж̇ад̇ууд̇и муд̇д̇ажааг̇авасзна виссаж̇ж̇ад̇у. аб̣бханд̇аранд̇и аж̇жхад̇д̇ам̣, сагасанд̇аанзд̇и ад̇т̇о.
343. Ākaroti attano anurūpatāya samariyādaṃ saparicchedaṃ phalaṃ nibbattetīti ākāro, kāraṇanti āha ‘‘dasahi ākārehīti dasahi kāraṇehī’’ti. Paṭiggāhakato vāti balavataro hutvā uppajjamāno paṭiggāhakatova uppajjati, itaro pana deyyadhammato, parivārajanatopi uppajjeyyeva. Uppajjituṃ yuttanti uppajjanārahaṃ. Tesaṃyeva pāṇātipātīnaṃ. Yajanaṃ nāmettha dānaṃ adhippetaṃ, na aggijuhananti āha ‘‘yajataṃ bhavanti detu bhava’’nti. Vissajjatūti muttacāgavasena vissajjatu. Abbhantaranti ajjhattaṃ, sakasantāneti attho.
344. хздтаа сол̣аса баригкаараа вуд̇д̇аа яан̃н̃асса д̇з вад̇т̇ум̣ гад̇ваа, ид̇ха бана санд̣̇ассанаад̣̇ивасзна анумод̣̇анааяа аарад̣̇д̇хад̇д̇аа вуд̇д̇ам̣ ‘‘сол̣асахи аагаарзхий’’д̇и. д̣̇ассзд̇ваа ад̇д̇ано д̣̇зсанаанубхаавзна бажжагкад̇о вияа палам̣ д̣̇ассзд̇ваа, анзгаваарам̣ бана гат̇анад̇о жа аамзд̣ид̇аважанам̣. д̇амад̇т̇анд̇и яат̇аавуд̇д̇ам̣ д̣̇аанапалавасзна гаммапаласамб̣анд̇хам̣. самаад̣̇абзд̇ваад̇и суд̇амад̇д̇амзва агад̇ваа яат̇аа рааж̇аа д̇амад̇т̇ам̣ саммад̣̇зва аад̣̇ияад̇и жид̇д̇з гаронд̇о суг̇г̇ахид̇ам̣ гад̇ваа г̇ан̣хаад̇и, д̇ат̇аа саггажжам̣ аад̣̇аабзд̇ваа. аамзд̣ид̇агааран̣ам̣ хздтаа вуд̇д̇амзва.
344. Heṭṭhā soḷasa parikkhārā vuttā yaññassa te vatthuṃ katvā, idha pana sandassanādivasena anumodanāya āraddhattā vuttaṃ ‘‘soḷasahi ākārehī’’ti. Dassetvā attano desanānubhāvena paccakkhato viya phalaṃ dassetvā, anekavāraṃ pana kathanato ca āmeḍitavacanaṃ. Tamatthanti yathāvuttaṃ dānaphalavasena kammaphalasambandhaṃ. Samādapetvāti sutamattameva akatvā yathā rājā tamatthaṃ sammadeva ādiyati citte karonto suggahitaṃ katvā gaṇhāti, tathā sakkaccaṃ ādāpetvā. Āmeḍitakāraṇaṃ heṭṭhā vuttameva.
‘‘виббадисааравинод̣̇анзнаа’’д̇и ид̣̇ам̣ нид̣̇ассанамад̇д̇ам̣ лобхад̣̇осамохаиссаамажчарияамаанаад̣̇аяоби хи д̣̇аанажид̇д̇асса убаггилзсаа, д̇зсам̣ винод̣̇анзнаби д̇ам̣ самуд̇д̇зж̇ид̇ам̣ наама ход̇и д̇игкависад̣̇абхааваббад̇д̇ид̇о. аасаннад̇арабхаавад̇о ваа виббадисаарасса д̇аб̣б̣инод̣̇анамзва г̇ахид̇ам̣, бавад̇д̇ид̇зби хи д̣̇аанз д̇асса самбхавад̇о. яаат̇аавад̇о виж̇ж̇амаанзхи г̇ун̣зхи д̇удтабахадтабхааваабаад̣̇анам̣ самбахам̣сананд̇и ааха ‘‘сунд̣̇арам̣ д̇з…бз… т̇уд̇им̣ гад̇ваа гат̇зсий’’д̇и. д̇хаммад̇од̇и сажжад̇о. сажжан̃хи д̇хаммад̇о анабзд̇ад̇д̇аа д̇хаммам̣, убасамажарияаабхаавад̇о самам̣, яуд̇д̇абхаавзна гааран̣анд̇и жа вужжад̇ийд̇и.
‘‘Vippaṭisāravinodanenā’’ti idaṃ nidassanamattaṃ lobhadosamohaissāmacchariyamānādayopi hi dānacittassa upakkilesā, tesaṃ vinodanenapi taṃ samuttejitaṃ nāma hoti tikkhavisadabhāvappattito. Āsannatarabhāvato vā vippaṭisārassa tabbinodanameva gahitaṃ, pavattitepi hi dāne tassa sambhavato. Yāthāvato vijjamānehi guṇehi tuṭṭhapahaṭṭhabhāvāpādanaṃ sampahaṃsananti āha ‘‘sundaraṃ te…pe… thutiṃ katvā kathesī’’ti. Dhammatoti saccato. Saccañhi dhammato anapetattā dhammaṃ, upasamacariyābhāvato samaṃ, yuttabhāvena kāraṇanti ca vuccatīti.
345. д̇асмим̣ яан̃н̃з ругкад̇ин̣ажчзд̣̇оби наама наахоси, гуд̇о баан̣авад̇ход̇и баан̣авад̇хаабхаавассзва д̣̇ал̣хийгаран̣ад̇т̇ам̣ саб̣б̣асо вибарийд̇аг̇аахаавид̣̇уусид̇ан̃жасса д̣̇ассзд̇ум̣ баал̣ияам̣ ‘‘нзва г̇ааво хан̃н̃им̣суу’’д̇и аад̣̇им̣ вад̇вааби ‘‘на ругкаа чиж̇ж̇им̣суу’’д̇иаад̣̇и вуд̇д̇ам̣, д̇знааха ‘‘гим̣ бана г̇ааво’’д̇иаад̣̇и. б̣арихисад̇т̇ааяаад̇и барижчзд̣̇анад̇т̇ааяа. ванамаалаасан̇кзбзнаад̇и ванабубпзхи г̇ант̇ид̇амаалаанияаамзна. бхуумияам̣ ваа бад̇т̇аранд̇ийд̇и взд̣̇ибхуумим̣ баригкибанд̇аа д̇ад̇т̇а бант̇аранд̇и. анд̇ог̇зхад̣̇аасаад̣̇аяод̇и анд̇ож̇аад̇ад̇ханаггийд̇агарамараанийд̇асаяам̣д̣̇аасаа. буб̣б̣амзваад̇и бхад̇игаран̣ад̇о баг̇зва. г̇ахзд̇ваа гаронд̇ийд̇и д̣̇ивасз д̣̇ивасз г̇ахзд̇ваа гаронд̇и. д̇аж̇ж̇ид̇аад̇и г̇аж̇ж̇ид̇аа. бияасамуд̣̇аажаарзнзваад̇и идтаважанзнзва. паан̣ид̇зна жзваад̇и зд̇т̇а жа-сад̣̇д̣̇о авуд̇д̇асамужжаяад̇т̇о, д̇зна бан̣ийд̇абан̣ийд̇аанам̣ наанаббагаараанам̣ каад̣̇анийяабхож̇анийяаад̣̇ийнан̃жзва вад̇т̇амаалааг̇анд̇хавилзбанаяаанасзяяаад̣̇ийнан̃жа сан̇г̇ахо д̣̇адтаб̣б̣о, д̇знааха ‘‘бан̣ийд̇зхи саббид̇злаад̣̇исаммиссзхзваа’’д̇иаад̣̇и.
345. Tasmiṃ yaññe rukkhatiṇacchedopi nāma nāhosi, kuto pāṇavadhoti pāṇavadhābhāvasseva daḷhīkaraṇatthaṃ sabbaso viparītagāhāvidūsitañcassa dassetuṃ pāḷiyaṃ ‘‘neva gāvo haññiṃsū’’ti ādiṃ vatvāpi ‘‘na rukkhā chijjiṃsū’’tiādi vuttaṃ, tenāha ‘‘kiṃ pana gāvo’’tiādi. Barihisatthāyāti paricchedanatthāya. Vanamālāsaṅkhepenāti vanapupphehi ganthitamālāniyāmena. Bhūmiyaṃ vā pattharantīti vedibhūmiṃ parikkhipantā tattha pantharanti. Antogehadāsādayoti antojātadhanakkītakaramarānītasayaṃdāsā. Pubbamevāti bhatikaraṇato pageva. Gahetvā karontīti divase divase gahetvā karonti. Tajjitāti gajjitā. Piyasamudācārenevāti iṭṭhavacaneneva. Phāṇitena cevāti ettha ca-saddo avuttasamuccayattho, tena paṇītapaṇītānaṃ nānappakārānaṃ khādanīyabhojanīyādīnañceva vatthamālāgandhavilepanayānaseyyādīnañca saṅgaho daṭṭhabbo, tenāha ‘‘paṇītehi sappitelādisammissehevā’’tiādi.
346. сам̣ наама д̇ханам̣, д̇асса бад̇ийд̇и сабад̇и, д̇ханаваа. д̣̇идтад̇хаммигасамбарааяигахид̇аавахад̇д̇аа д̇асса хид̇анд̇и саабад̇зяяам̣, д̇ад̣̇зва д̇ханам̣. д̇знааха ‘‘бахууд̇ам̣ саабад̇зяяам̣ аад̣̇ааяаад̇и б̣ахум̣ д̇ханам̣ г̇ахзд̇ваа’’д̇и. г̇аамабхааг̇знаад̇и сан̇гид̇д̇анавасзна г̇аамз ваа г̇ахзд̇аб̣б̣абхааг̇зна.
346. Saṃ nāma dhanaṃ, tassa patīti sapati, dhanavā. Diṭṭhadhammikasamparāyikahitāvahattā tassa hitanti sāpateyyaṃ, tadeva dhanaṃ. Tenāha ‘‘pahūtaṃ sāpateyyaṃ ādāyāti bahuṃ dhanaṃ gahetvā’’ti. Gāmabhāgenāti saṅkittanavasena gāme vā gahetabbabhāgena.
347. ‘‘яааг̇ум̣ бивид̇ваа’’д̇и яааг̇усийсзна баад̇араасабхож̇анамааха. бурад̇т̇имзна яан̃н̃аваадассаад̇и ран̃н̃о д̣̇аанасаалааяа наад̇ид̣̇уурз бурад̇т̇имад̣̇исаабхааг̇зд̇и ад̇т̇о, яад̇о д̇ад̇т̇а баад̇араасам̣ бхун̃ж̇ид̇ваа агиланд̇аруубааязва сааяанхз саалам̣ баабун̣анд̇и ‘‘д̣̇агкин̣зна яан̃н̃аваадассаа’’д̇и аад̣̇ийсуби зсзва наяо.
347.‘‘Yāguṃ pivitvā’’ti yāgusīsena pātarāsabhojanamāha. Puratthimena yaññavāṭassāti rañño dānasālāya nātidūre puratthimadisābhāgeti attho, yato tattha pātarāsaṃ bhuñjitvā akilantarūpāyeva sāyanhe sālaṃ pāpuṇanti ‘‘dakkhiṇena yaññavāṭassā’’ti ādīsupi eseva nayo.
348. барихаарзнаад̇и бхаг̇аванд̇ам̣ г̇арум̣ гад̇ваа аг̇ааравабарихаарзна.
348.Parihārenāti bhagavantaṃ garuṃ katvā agāravaparihārena.
нижжад̣̇аанаанугулаяан̃н̃аван̣н̣анаа
Niccadānaanukulayaññavaṇṇanā
349. удтааяа самудтааяаад̇и д̣̇аанз удтаанавийрияам̣ саггажжам̣ гад̇ваа. аббасамбхаарад̇арод̇и ад̇ивияа барид̇д̇асамбхааро. самаарабхийяад̇и яан̃н̃о зд̇зхийд̇и самаарамбхаа, самбхаарасамбхаран̣авасзна бавад̇д̇асад̇д̇абийл̣аа. аббадтад̇арод̇и бана ад̇ивияа аббагижжод̇и ад̇т̇о. вибаагасан̃н̃ид̇ам̣ ад̇исаязна маханд̇ам̣ сад̣̇исапалам̣ зд̇ассаад̇и махабпалад̇аро. уд̣̇аяасан̃н̃ид̇ам̣ ад̇исаязна маханд̇ам̣ ниссанд̣̇аад̣̇ипалам̣ зд̇ассаад̇и махаанисам̣сад̇аро. д̇хувад̣̇аанаанийд̇и д̇хуваани т̇ираани ажчиннаани гад̇ваа д̣̇аад̇аб̣б̣ад̣̇аанаани. анугулаяан̃н̃аанийд̇и анугулам̣ гулаануггамам̣ убаад̣̇ааяа д̣̇аад̇аб̣б̣ад̣̇аанаани, д̇знааха ‘‘амхаага’’нд̇иаад̣̇и. ниб̣ад̣̇д̇хад̣̇аанаанийд̇и ниб̣анд̇хзд̇ваа нияамзд̇ваа бавзн̣ийвасзна бавад̇д̇ид̇ад̣̇аанаани.
349.Uṭṭhāya samuṭṭhāyāti dāne uṭṭhānavīriyaṃ sakkaccaṃ katvā. Appasambhārataroti ativiya parittasambhāro. Samārabhīyati yañño etehīti samārambhā, sambhārasambharaṇavasena pavattasattapīḷā. Appaṭṭhataroti pana ativiya appakiccoti attho. Vipākasaññitaṃ atisayena mahantaṃ sadisaphalaṃ etassāti mahapphalataro. Udayasaññitaṃ atisayena mahantaṃ nissandādiphalaṃ etassāti mahānisaṃsataro. Dhuvadānānīti dhuvāni thirāni acchinnāni katvā dātabbadānāni. Anukulayaññānīti anukulaṃ kulānukkamaṃ upādāya dātabbadānāni, tenāha ‘‘amhāka’’ntiādi. Nibaddhadānānīti nibandhetvā niyametvā paveṇīvasena pavattitadānāni.
хад̇т̇ид̣̇анд̇зна бавад̇д̇ид̇аа д̣̇анд̇амаяасалаагаа, яад̇т̇а д̣̇ааяагаанам̣ наамам̣ ан̇ганд̇и. ран̃н̃од̇и сзд̇авааханаран̃н̃о.
Hatthidantena pavattitā dantamayasalākā, yattha dāyakānaṃ nāmaṃ aṅkanti. Raññoti setavāhanarañño.
аад̣̇ийнийд̇и аад̣̇и-сад̣̇д̣̇зна ‘‘сзно вияа мам̣сабзсим̣ гасмаа огканд̣̇ид̇ваа г̇ан̣хаасий’’д̇и звамаад̣̇ийнам̣ сан̇г̇ахо. буб̣б̣ажзд̇анаамун̃жажзд̇анааабаражзд̇анаасамбад̇д̇ияаа д̣̇ааяагасса васзна д̇ийн̣и ан̇г̇аани, вийд̇арааг̇ад̇аавийд̇ад̣̇осад̇аавийд̇амохад̇аабадибад̇д̇ияаа д̣̇агкин̣зяяасса васзна д̇ийн̣ийд̇и звам̣ чал̣ан̇г̇асаманнааг̇ад̇ааяа д̣̇агкин̣ааяа. абараабарам̣ уббаж̇ж̇анагажзд̇анаавасзна махаанад̣̇ий вияа, махогхо вияа жа ид̇о жид̇о жа абхисанд̣̇ид̇ваа огканд̣̇ид̇ваа бавад̇д̇ияаа бун̃н̃амзва бун̃н̃аабхисанд̣̇о.
Ādīnīti ādi-saddena ‘‘seno viya maṃsapesiṃ kasmā okkhanditvā gaṇhāsī’’ti evamādīnaṃ saṅgaho. Pubbacetanāmuñcacetanāaparacetanāsampattiyā dāyakassa vasena tīṇi aṅgāni, vītarāgatāvītadosatāvītamohatāpaṭipattiyā dakkhiṇeyyassa vasena tīṇīti evaṃ chaḷaṅgasamannāgatāya dakkhiṇāya. Aparāparaṃ uppajjanakacetanāvasena mahānadī viya, mahogho viya ca ito cito ca abhisanditvā okkhanditvā pavattiyā puññameva puññābhisando.
350. гижжабарияосаанам̣ над̇т̇и д̣̇ивасз д̣̇ивасз д̣̇ааяагасса б̣яаабаараабаж̇ж̇анад̇о, д̇знааха ‘‘згзнаа’’д̇иаад̣̇и. гижжабарияосаанам̣ ад̇т̇и яат̇аарад̣̇д̇хасса ааваасасса гад̇ибаязнааби гаалзна барисамаабзд̇аб̣б̣ад̇о, д̇знааха ‘‘бан̣н̣асаала’’нд̇иаад̣̇и. суд̇д̇анд̇абарияааязнаад̇и суд̇д̇анд̇абаал̣инаязна. (ма. ни. 1.12, 13; а. ни. 2.58) нава аанисам̣саад̇и сийд̇абадигхаад̇аад̣̇аяо бадисаллаанаараамабарияосаанаа нава уд̣̇аяаа. аббамад̇д̇ад̇ааяа жзд̇з вуд̇д̇аа.
350.Kiccapariyosānaṃ natthi divase divase dāyakassa byāpārāpajjanato, tenāha ‘‘ekenā’’tiādi. Kiccapariyosānaṃ atthi yathāraddhassa āvāsassa katipayenāpi kālena parisamāpetabbato, tenāha ‘‘paṇṇasāla’’ntiādi. Suttantapariyāyenāti suttantapāḷinayena. (Ma. ni. 1.12, 13; a. ni. 2.58) nava ānisaṃsāti sītapaṭighātādayo paṭisallānārāmapariyosānā nava udayā. Appamattatāya cete vuttā.
яасмаа ааваасам̣ д̣̇знд̇зна наама саб̣б̣амби бажжаяаж̇аад̇ам̣ д̣̇иннамзва ход̇и. д̣̇вз д̇аяо г̇аамз бин̣д̣ааяа жарид̇ваа гин̃жи алад̣̇д̇хаа ааг̇ад̇ассаби чааяууд̣̇агасамбаннам̣ аараамам̣ бависид̇ваа нхааяид̇ваа бад̇иссаяз мухуд̇д̇ам̣ нибаж̇ж̇ид̇ваа вудтааяа нисиннасса гааяз б̣алам̣ аахарид̇ваа багкид̇д̇ам̣ вияа ход̇и . б̣ахи вижаранд̇асса жа гааяз ван̣н̣ад̇хаад̇у ваад̇аад̇абзхи гиламад̇и, бад̇иссаяам̣ бависид̇ваа д̣̇ваарам̣ бид̇хааяа мухуд̇д̇ам̣ нибаннасса висабхааг̇асанд̇ад̇и вуубасаммад̇и, сабхааг̇асанд̇ад̇и бад̇идтаад̇и, ван̣н̣ад̇хаад̇у аахарид̇ваа багкид̇д̇аа вияа ход̇и. б̣ахи вижаранд̇асса жа баад̣̇з ган̣даго виж̇жхад̇и, каан̣у бахарад̇и, сарийсабаад̣̇ибариссаяаа жзва жорабхаяан̃жа уббаж̇ж̇ад̇и, бад̇иссаяам̣ бависид̇ваа д̣̇ваарам̣ бид̇хааяа нибаннасса саб̣б̣з д̇з бариссаяаа на хонд̇и, саж̇жхааяанд̇асса д̇хаммабийд̇исукам̣, гаммадтаанам̣ манаси гаронд̇асса убасамасукан̃жа уббаж̇ж̇ад̇и б̣ахид̣̇д̇хаа вигкзбаабхаавад̇о. б̣ахи вижаранд̇асса жа гааяз сзд̣̇аа мужжанд̇и, агкийни панд̣̇анд̇и, сзнаасанам̣ бависанагкан̣з ман̃жабийтаад̣̇ийни на бан̃н̃ааяанд̇и, мухуд̇д̇ам̣ нисиннасса бана агкийнам̣ басаад̣̇о аахарид̇ваа багкид̇д̇о вияа ход̇и, д̣̇ваараваад̇абаанаман̃жабийтаад̣̇ийни бан̃н̃ааяанд̇и. зд̇асмин̃жа ааваасз васанд̇ам̣ д̣̇исваа мануссаа жад̇уухи бажжаязхи саггажжам̣ убадтаханд̇и. д̇зна вуд̇д̇ам̣ ‘‘ааваасам̣ д̣̇знд̇зна наама саб̣б̣амби бажжаяаж̇аад̇ам̣ д̣̇иннамзва ход̇ий’’д̇и, д̇асмаа зд̇з яат̇аавуд̇д̇аа саб̣б̣зби аанисам̣саа взд̣̇ид̇аб̣б̣аа. д̇зна вуд̇д̇ам̣ ‘‘аббамад̇д̇ад̇ааяа жзд̇з вуд̇д̇аа’’д̇и.
Yasmā āvāsaṃ dentena nāma sabbampi paccayajātaṃ dinnameva hoti. Dve tayo gāme piṇḍāya caritvā kiñci aladdhā āgatassapi chāyūdakasampannaṃ ārāmaṃ pavisitvā nhāyitvā patissaye muhuttaṃ nipajjitvā vuṭṭhāya nisinnassa kāye balaṃ āharitvā pakkhittaṃ viya hoti . Bahi vicarantassa ca kāye vaṇṇadhātu vātātapehi kilamati, patissayaṃ pavisitvā dvāraṃ pidhāya muhuttaṃ nipannassa visabhāgasantati vūpasammati, sabhāgasantati patiṭṭhāti, vaṇṇadhātu āharitvā pakkhittā viya hoti. Bahi vicarantassa ca pāde kaṇṭako vijjhati, khāṇu paharati, sarīsapādiparissayā ceva corabhayañca uppajjati, patissayaṃ pavisitvā dvāraṃ pidhāya nipannassa sabbe te parissayā na honti, sajjhāyantassa dhammapītisukhaṃ, kammaṭṭhānaṃ manasi karontassa upasamasukhañca uppajjati bahiddhā vikkhepābhāvato. Bahi vicarantassa ca kāye sedā muccanti, akkhīni phandanti, senāsanaṃ pavisanakkhaṇe mañcapīṭhādīni na paññāyanti, muhuttaṃ nisinnassa pana akkhīnaṃ pasādo āharitvā pakkhitto viya hoti, dvāravātapānamañcapīṭhādīni paññāyanti. Etasmiñca āvāse vasantaṃ disvā manussā catūhi paccayehi sakkaccaṃ upaṭṭhahanti. Tena vuttaṃ ‘‘āvāsaṃ dentena nāma sabbampi paccayajātaṃ dinnameva hotī’’ti, tasmā ete yathāvuttā sabbepi ānisaṃsā veditabbā. Tena vuttaṃ ‘‘appamattatāya cete vuttā’’ti.
сийд̇анд̇и аж̇жхад̇д̇ам̣ д̇хаад̇угкобхавасзна ваа б̣ахид̣̇д̇хаа уд̇увибарин̣аамавасзна ваа уббаж̇ж̇анагасийд̇ам̣. ун̣ханд̇и аг̇г̇исанд̇аабам̣, д̇асса ванад̣аахаад̣̇ийсу (ванад̣̇аахаад̣̇ийсу ваа саарад̇т̇а. дий. жуул̣аваг̇г̇а 3.295) самбхаво взд̣̇ид̇аб̣б̣о. бадиханд̇ийд̇и бадиб̣аахад̇и, яат̇аа д̇ад̣̇убхаяавасзна гааяажид̇д̇аанам̣ б̣аад̇ханам̣ на ход̇и, звам̣ гарод̇и. сийд̇ун̣хаб̣бхаахад̇з хи сарийрз вигкид̇д̇ажид̇д̇о бхигку яонисо бад̣̇ахид̇ум̣ на саггод̇и. ваал̣амиг̇аанийд̇и сийхаб̣яаг̇гхаад̣̇ижан̣д̣амиг̇з. г̇уд̇д̇асзнаасанан̃хи ааран̃н̃агамби бависид̇ваа д̣̇ваарам̣ бид̇хааяа нисиннасса д̇з бариссаяаа на хонд̇ийд̇и. сарийсабзд̇и яз гзжи саранд̇з г̇ажчанд̇з д̣̇ийгхаж̇аад̇игз саббаад̣̇игз. магасзд̇и нид̣̇ассанамад̇д̇амзд̇ам̣, д̣ам̣саад̣̇ийнамби зд̇зсвзва (зд̇анзва саарад̇т̇а. дий. жуул̣аваг̇г̇а 3.295) сан̇г̇ахо д̣̇адтаб̣б̣о. сисирзд̇и сисирагаалавасзна, сад̇д̇аахавад̣̇д̣̇алигаад̣̇ивасзна жа уббаннз сисирасампассз. вудтияод̇и яад̣̇аа д̇ад̣̇аа уббаннаа вассавудтияо бадиханад̇ийд̇и яож̇анаа.
Sītanti ajjhattaṃ dhātukkhobhavasena vā bahiddhā utuvipariṇāmavasena vā uppajjanakasītaṃ. Uṇhanti aggisantāpaṃ, tassa vanaḍāhādīsu (vanadāhādīsu vā sārattha. ṭī. cūḷavagga 3.295) sambhavo veditabbo. Paṭihantīti paṭibāhati, yathā tadubhayavasena kāyacittānaṃ bādhanaṃ na hoti, evaṃ karoti. Sītuṇhabbhāhate hi sarīre vikkhittacitto bhikkhu yoniso padahituṃ na sakkoti. Vāḷamigānīti sīhabyagghādicaṇḍamige. Guttasenāsanañhi āraññakampi pavisitvā dvāraṃ pidhāya nisinnassa te parissayā na hontīti. Sarīsapeti ye keci sarante gacchante dīghajātike sappādike. Makaseti nidassanamattametaṃ, ḍaṃsādīnampi etesveva (etaneva sārattha. ṭī. cūḷavagga 3.295) saṅgaho daṭṭhabbo. Sisireti sisirakālavasena, sattāhavaddalikādivasena ca uppanne sisirasamphasse. Vuṭṭhiyoti yadā tadā uppannā vassavuṭṭhiyo paṭihanatīti yojanā.
ваад̇аад̇або гхород̇и ругкаг̇ажчаад̣̇ийнам̣ уммуулабхан̃ж̇анаад̣̇ивасзна бавад̇д̇ияаа гхоро сараж̇аараж̇аад̣̇ибхзд̣̇о ваад̇о жзва г̇имхабарил̣аахасамаязсу уббад̇д̇ияаа гхоро суурияаад̇або жа. бадихан̃н̃ад̇ийд̇и бадиб̣аахийяад̇и. лзн̣ад̇т̇анд̇и наанаарамман̣ад̇о жид̇д̇ам̣ нивад̇д̇зд̇ваа бадисаллаанаараамад̇т̇ам̣. сукад̇т̇анд̇и вуд̇д̇абариссаяаабхаавзна паасувихаарад̇т̇ам̣. жхааяид̇унд̇и адтад̇им̣сааяа аарамман̣зсу яад̇т̇а гад̇т̇ажи жид̇д̇ам̣ убаниб̣анд̇хид̇ваа убаниж̇жхааяид̇ум̣. вибассид̇унд̇и анижжаад̣̇ид̇о сан̇каарз саммасид̇ум̣.
Vātātapo ghoroti rukkhagacchādīnaṃ ummūlabhañjanādivasena pavattiyā ghoro sarajaarajādibhedo vāto ceva gimhapariḷāhasamayesu uppattiyā ghoro sūriyātapo ca. Paṭihaññatīti paṭibāhīyati. Leṇatthanti nānārammaṇato cittaṃ nivattetvā paṭisallānārāmatthaṃ. Sukhatthanti vuttaparissayābhāvena phāsuvihāratthaṃ. Jhāyitunti aṭṭhatiṃsāya ārammaṇesu yattha katthaci cittaṃ upanibandhitvā upanijjhāyituṃ. Vipassitunti aniccādito saṅkhāre sammasituṃ.
вихаарзд̇и бад̇иссаяз. гаараязд̇и гаараабзяяа. раммзд̇и манорамз ниваасасукз. ваасаязд̇т̇а б̣ахуссуд̇зд̇и гаарзд̇ваа бана зд̇т̇а вихаарзсу б̣ахуссуд̇з сийлаванд̇з галяаан̣ад̇хаммз ниваасзяяа, д̇з ниваасзнд̇о бана д̇зсам̣ б̣ахуссуд̇аанам̣ яат̇аа бажжаязхи гиламат̇о на ход̇и, звам̣ аннан̃жа баанан̃жа вад̇т̇асзнаасанаани жа д̣̇ад̣̇зяяа уж̇убхууд̇зсу аж̇жхаасаяасамбаннзсу гаммагаммапалаанам̣, рад̇анад̇д̇аяаг̇ун̣аанан̃жа сад̣̇д̣̇аханзна виббасаннзна жзд̇асаа.
Vihāreti patissaye. Kārayeti kārāpeyya. Rammeti manorame nivāsasukhe. Vāsayettha bahussuteti kāretvā pana ettha vihāresu bahussute sīlavante kalyāṇadhamme nivāseyya, te nivāsento pana tesaṃ bahussutānaṃ yathā paccayehi kilamatho na hoti, evaṃ annañca pānañca vatthasenāsanāni ca dadeyya ujubhūtesu ajjhāsayasampannesu kammakammaphalānaṃ, ratanattayaguṇānañca saddahanena vippasannena cetasā.
ид̣̇аани г̇ахадтабаб̣б̣аж̇ид̇аанам̣ ан̃н̃аман̃н̃уубагаарид̇ам̣ д̣̇ассзд̇ум̣ ‘‘д̇з д̇ассаа’’д̇и г̇аат̇амааха. д̇ад̇т̇а д̇зд̇и б̣ахуссуд̇аа. д̇ассаад̇и убаасагасса. д̇хаммам̣ д̣̇зсзнд̇ийд̇и сагалаваддад̣̇угкабанууд̣̇анам̣ сад̣̇д̇хаммам̣ д̣̇зсзнд̇и. яам̣ со д̇хаммам̣ ид̇хан̃н̃ааяаад̇и со убаасаго яам̣ сад̣̇д̇хаммам̣ имасмим̣ саасанз саммаабадибаж̇ж̇анзна ж̇аанид̇ваа аг̇г̇амаг̇г̇аад̇хиг̇амзна анаасаво худ̇ваа бариниб̣б̣аад̇и згаад̣̇асаг̇г̇ивуубасамзна сийд̇и бхавад̇и.
Idāni gahaṭṭhapabbajitānaṃ aññamaññūpakāritaṃ dassetuṃ ‘‘te tassā’’ti gāthamāha. Tattha teti bahussutā. Tassāti upāsakassa. Dhammaṃ desentīti sakalavaṭṭadukkhapanūdanaṃ saddhammaṃ desenti. Yaṃ so dhammaṃ idhaññāyāti so upāsako yaṃ saddhammaṃ imasmiṃ sāsane sammāpaṭipajjanena jānitvā aggamaggādhigamena anāsavo hutvā parinibbāti ekādasaggivūpasamena sīti bhavati.
сийд̇абадигхаад̇аад̣̇аяо вибассанаавасаанаа д̇зраса, аннаад̣̇илаабхо, д̇хаммассаванам̣, д̇хаммааваб̣од̇хо, бариниб̣б̣аананд̇и звам̣ сад̇д̇араса.
Sītapaṭighātādayo vipassanāvasānā terasa, annādilābho, dhammassavanaṃ, dhammāvabodho, parinibbānanti evaṃ sattarasa.
351. ад̇д̇ано санд̇агаад̇и ад̇д̇анияаа. д̣̇уббарижжаж̇анам̣ лобхам̣ ниг̇г̇ан̣хид̇ум̣ асаггонд̇асса. сан̇гхасса ваа г̇ан̣асса ваа санд̇игзд̇и яож̇анаа. д̇ад̇т̇аад̇и яат̇ааг̇ахид̇з саран̣з. над̇т̇и бунаббунам̣ гад̇д̇аб̣б̣ад̇аа вин̃н̃ууж̇аад̇игассаад̇и ад̇хиббааяо. ‘‘ж̇ийвид̇абарижжааг̇амаяам̣ бун̃н̃а’’нд̇и ‘‘сажз д̇вам̣ на яат̇ааг̇ахид̇ам̣ саран̣ам̣ бхинд̣̇иссад̇и, зваахам̣ д̇ам̣ маарзмий’’д̇и яад̣̇иби гожи д̇ин̣хзна сад̇т̇зна ж̇ийвид̇аа воробзяяа, д̇ат̇ааби ‘‘нзваахам̣ б̣уд̣̇д̇хам̣ на б̣уд̣̇д̇ход̇и, д̇хаммам̣ на д̇хаммод̇и, сан̇гхам̣ на сан̇гход̇и вад̣̇аамий’’д̇и д̣̇ал̣хад̇арам̣ гад̇ваа г̇ахид̇асаран̣асса васзна вуд̇д̇ам̣.
351.Attano santakāti attaniyā. Duppariccajanaṃ lobhaṃ niggaṇhituṃ asakkontassa. Saṅghassa vā gaṇassa vā santiketi yojanā. Tatthāti yathāgahite saraṇe. Natthi punappunaṃ kattabbatā viññūjātikassāti adhippāyo. ‘‘Jīvitapariccāgamayaṃ puñña’’nti ‘‘sace tvaṃ na yathāgahitaṃ saraṇaṃ bhindissati, evāhaṃ taṃ māremī’’ti yadipi koci tiṇhena satthena jīvitā voropeyya, tathāpi ‘‘nevāhaṃ buddhaṃ na buddhoti, dhammaṃ na dhammoti, saṅghaṃ na saṅghoti vadāmī’’ti daḷhataraṃ katvā gahitasaraṇassa vasena vuttaṃ.
352. саран̣ам̣ убаг̇ад̇зна гааяаваажаажид̇д̇зхи саггажжам̣ вад̇т̇уд̇д̇аяабууж̇аа гаад̇аб̣б̣аа, д̇ад̇т̇а жа сам̣гилзсо бариханид̇аб̣б̣о, сигкаабад̣̇аани бана самаад̣̇аанамад̇д̇ам̣, самбад̇д̇авад̇т̇уд̇о вираман̣амад̇д̇ан̃жаад̇и саран̣аг̇аманад̇о сийласса аббадтад̇арад̇аа, аббасамаарамбхад̇арад̇аа жа взд̣̇ид̇аб̣б̣аа. саб̣б̣зсам̣ сад̇д̇аанам̣ ж̇ийвид̇ад̣̇аанаад̣̇инаа д̣̇ан̣д̣анид̇хаанад̇о, сагалалогияалогуд̇д̇араг̇ун̣аад̇хидтаанад̇о жасса махабпаламахаанисам̣сад̇арад̇аа д̣̇адтаб̣б̣аа.
352. Saraṇaṃ upagatena kāyavācācittehi sakkaccaṃ vatthuttayapūjā kātabbā, tattha ca saṃkileso parihanitabbo, sikkhāpadāni pana samādānamattaṃ, sampattavatthuto viramaṇamattañcāti saraṇagamanato sīlassa appaṭṭhataratā, appasamārambhataratā ca veditabbā. Sabbesaṃ sattānaṃ jīvitadānādinā daṇḍanidhānato, sakalalokiyalokuttaraguṇādhiṭṭhānato cassa mahapphalamahānisaṃsataratā daṭṭhabbā.
вагкамаананаязна жа взрахзд̇уд̇ааяа взрам̣ вужжад̇и баан̣аад̇ибаад̇аад̣̇ибаабад̇хаммо, д̇ам̣ ман̣ад̇и ‘‘маяи ид̇ха тид̇ааяа гат̇ам̣ ааг̇ажчасий’’д̇и д̇аж̇ж̇знд̇ий вияа нийхарад̇ийд̇и взраман̣ий, д̇ад̇о ваа баабад̇хаммад̇о вирамад̇и зд̇ааяаад̇и ‘‘вираман̣ий’’д̇и вад̇д̇аб̣б̣з нируд̇д̇инаязна игаарасса згаарам̣ гад̇ваа ‘‘взраман̣ий’’д̇и вуд̇д̇аа. асамаад̣̇иннасийласса самбад̇д̇ад̇о яат̇ааубадтид̇авийд̇иггамид̇аб̣б̣авад̇т̇уд̇о вирад̇и самбад̇д̇авирад̇и. самаад̣̇аанавасзна уббаннаа вирад̇и самаад̣̇аанавирад̇и. сзд̇у вужжад̇и арияамаг̇г̇о, д̇аббарияаабаннаа худ̇ваа баабад̇хаммаанам̣ самужчзд̣̇авасзна гхаад̇анавирад̇и сзд̇угхаад̇авирад̇и. ид̣̇аани д̇иссо вирад̇ияо саруубад̇о д̣̇ассзд̇ум̣ ‘‘д̇ад̇т̇аа’’д̇иаад̣̇и вуд̇д̇ам̣. барихарад̇ийд̇и авийд̇иггамавасзна бариваж̇ж̇зд̇и. на ханаамийд̇и зд̇т̇а ид̇и-сад̣̇д̣̇о аад̣̇иад̇т̇о, д̇зна ‘‘ад̣̇иннам̣ наад̣̇ияаамий’’д̇и звам̣ аад̣̇ийнам̣ сан̇г̇ахо, ваа-сад̣̇д̣̇зна ваа, д̇знааха ‘‘сигкаабад̣̇аани г̇ан̣ханд̇ассаа’’д̇и.
Vakkhamānanayena ca verahetutāya veraṃ vuccati pāṇātipātādipāpadhammo, taṃ maṇati ‘‘mayi idha ṭhitāya kathaṃ āgacchasī’’ti tajjentī viya nīharatīti veramaṇī, tato vā pāpadhammato viramati etāyāti ‘‘viramaṇī’’ti vattabbe niruttinayena ikārassa ekāraṃ katvā ‘‘veramaṇī’’ti vuttā. Asamādinnasīlassa sampattato yathāupaṭṭhitavītikkamitabbavatthuto virati sampattavirati. Samādānavasena uppannā virati samādānavirati. Setu vuccati ariyamaggo, tappariyāpannā hutvā pāpadhammānaṃ samucchedavasena ghātanavirati setughātavirati. Idāni tisso viratiyo sarūpato dassetuṃ ‘‘tatthā’’tiādi vuttaṃ. Pariharatīti avītikkamavasena parivajjeti. Na hanāmīti ettha iti-saddo ādiattho, tena ‘‘adinnaṃ nādiyāmī’’ti evaṃ ādīnaṃ saṅgaho, vā-saddena vā, tenāha ‘‘sikkhāpadāni gaṇhantassā’’ti.
маг̇г̇асамбаяуд̇д̇аад̇и саммаад̣̇идтияаад̣̇имаг̇г̇асамбаяуд̇д̇аа. ид̣̇аани д̇аасам̣ вирад̇ийнам̣ аарамман̣ад̇о вибхааг̇ам̣ д̣̇ассзд̇ум̣ ‘‘д̇ад̇т̇аа’’д̇иаад̣̇и вуд̇д̇ам̣. буримаа д̣̇взд̇и самбад̇д̇асамаад̣̇аанавирад̇ияо. бажчимаад̇и сзд̇угхаад̇авирад̇и. саб̣б̣ааниби бхиннаани хонд̇и згаж̇жхам̣ самаад̣̇иннад̇д̇аа. д̇ад̣̇зва бхиж̇ж̇ад̇и висум̣ висум̣ самаад̣̇иннад̇д̇аа . г̇ахадтавасзна жзд̇ам̣ вуд̇д̇ам̣. бхзд̣̇о наама над̇т̇и бадибагкасамужчинд̣̇анзна агуббасабхаавад̇д̇аа, д̇знааха ‘‘бхаванд̇арзбий’’д̇и. яонисид̣̇д̇ханд̇и мануссад̇иражчаанаанам̣ уд̣̇д̇хам̣ д̇ирияамзва д̣̇ийгхад̇аа вияа ж̇аад̇исид̣̇д̇ханд̇и ад̇т̇о. б̣од̇хисад̇д̇з гужчиг̇ад̇з б̣од̇хисад̇д̇амаад̇усийлам̣ вияа д̇хаммад̇ааяа сабхаавзнзва сид̣̇д̇хам̣ д̇хаммад̇аасид̣̇д̇хам̣, маг̇г̇ад̇хаммад̇ааяа ваа арияамаг̇г̇аанубхаавзна сид̣̇д̇хам̣ д̇хаммад̇аасид̣̇д̇хам̣. д̣̇идтиуж̇угаран̣ам̣ наама бхаарияам̣ д̣̇угкам̣, д̇асмаа саран̣аг̇аманам̣ сигкаабад̣̇асамаад̣̇аанад̇о махадтад̇арамзва, на аббадтад̇аранд̇и ад̇хиббааяо. яат̇аа д̇ат̇аа ваа г̇ан̣ханд̇ассаабийд̇и аад̣̇араг̇ааравам̣ агад̇ваа самаад̣̇ияанд̇ассааби. саад̇хугам̣ г̇ан̣ханд̇ассаабийд̇и саггажжам̣ сийлаани самаад̣̇ияанд̇ассааби, на д̣̇иг̇ун̣ам̣, д̇иг̇ун̣ам̣ ваа уссаахо гаран̣ийяо.
Maggasampayuttāti sammādiṭṭhiyādimaggasampayuttā. Idāni tāsaṃ viratīnaṃ ārammaṇato vibhāgaṃ dassetuṃ ‘‘tatthā’’tiādi vuttaṃ. Purimā dveti sampattasamādānaviratiyo. Pacchimāti setughātavirati. Sabbānipi bhinnāni honti ekajjhaṃ samādinnattā. Tadeva bhijjati visuṃ visuṃ samādinnattā . Gahaṭṭhavasena cetaṃ vuttaṃ. Bhedo nāma natthi paṭipakkhasamucchindanena akuppasabhāvattā, tenāha ‘‘bhavantarepī’’ti. Yonisiddhanti manussatiracchānānaṃ uddhaṃ tiriyameva dīghatā viya jātisiddhanti attho. Bodhisatte kucchigate bodhisattamātusīlaṃ viya dhammatāya sabhāveneva siddhaṃ dhammatāsiddhaṃ, maggadhammatāya vā ariyamaggānubhāvena siddhaṃ dhammatāsiddhaṃ. Diṭṭhiujukaraṇaṃnāma bhāriyaṃ dukkhaṃ, tasmā saraṇagamanaṃ sikkhāpadasamādānato mahaṭṭhatarameva, na appaṭṭhataranti adhippāyo. Yathā tathā vā gaṇhantassāpīti ādaragāravaṃ akatvā samādiyantassāpi. Sādhukaṃ gaṇhantassāpīti sakkaccaṃ sīlāni samādiyantassāpi, na diguṇaṃ, tiguṇaṃ vā ussāho karaṇīyo.
абхаяад̣̇аанад̇ааяа сийласса д̣̇аанабхааво, анавасзсам̣ ваа сад̇д̇анигааяам̣ д̣̇аяад̇и д̇зна рагкад̇ийд̇и д̣̇аанам̣, сийлам̣. ‘‘аг̇г̇ааний’’д̇и н̃аад̇ад̇д̇аа аг̇г̇ан̃н̃аани. жирарад̇д̇ад̇ааяа н̃аад̇ад̇д̇аа рад̇д̇ан̃н̃аани. ‘‘арияаанам̣ саад̇хуунам̣ вам̣сааний’’д̇и н̃аад̇ад̇д̇аа вам̣сан̃н̃аани. ‘‘бораан̣ааний’’д̇иаад̣̇ийсу буримаанам̣ зд̇аани бораан̣аани. саб̣б̣асо гзнажиби багаарзна саад̇хуухи на гин̣н̣аани на кид̇д̇аани на чад̣д̣ид̇аанийд̇и асан̇гин̣н̣аани. аяан̃жа наяо нзсам̣ яат̇аа ад̇ийд̇з, звам̣ зд̇арахи, анааг̇ад̇з жаад̇и ааха ‘‘асан̇гин̣н̣абуб̣б̣аани на сан̇гияанд̇и на сан̇гияиссанд̇ий’’д̇и. д̇ад̇о зва аббабигудтаани на бадигкид̇д̇аани. на хи гад̣̇аажиби вин̃н̃уу саман̣аб̣раахман̣аа хим̣саад̣̇ибаабад̇хаммам̣ ануж̇аананд̇и. абаримаан̣аанам̣ сад̇д̇аанам̣ абхаяам̣ д̣̇зд̇ийд̇и саб̣б̣зсу бхууд̇зсу нихид̇ад̣̇ан̣д̣ад̇д̇аа сагалассаби сад̇д̇анигааяасса бхаяаабхаавам̣ д̣̇зд̇и. на хи арияасаавагад̇о гассажи бхаяам̣ ход̇и. авзранд̇и взраабхаавам̣. аб̣яаабаж̇жханд̇и нид̣̇д̣̇угкад̇ам̣.
Abhayadānatāya sīlassa dānabhāvo, anavasesaṃ vā sattanikāyaṃ dayati tena rakkhatīti dānaṃ, sīlaṃ. ‘‘Aggānī’’ti ñātattā aggaññāni. Cirarattatāya ñātattā rattaññāni. ‘‘Ariyānaṃ sādhūnaṃ vaṃsānī’’ti ñātattā vaṃsaññāni.‘‘Porāṇānī’’tiādīsu purimānaṃ etāni porāṇāni. Sabbaso kenacipi pakārena sādhūhi na kiṇṇāni na khittāni na chaḍḍitānīti asaṅkiṇṇāni. Ayañca nayo nesaṃ yathā atīte, evaṃ etarahi, anāgate cāti āha ‘‘asaṅkiṇṇapubbāni na saṅkiyanti na saṅkiyissantī’’ti. Tato eva appapikuṭṭhāni na paṭikkhittāni. Na hi kadācipi viññū samaṇabrāhmaṇā hiṃsādipāpadhammaṃ anujānanti. Aparimāṇānaṃ sattānaṃ abhayaṃ detīti sabbesu bhūtesu nihitadaṇḍattā sakalassapi sattanikāyassa bhayābhāvaṃ deti. Na hi ariyasāvakato kassaci bhayaṃ hoti. Averanti verābhāvaṃ. Abyāpajjhanti niddukkhataṃ.
нану жа бан̃жасийлам̣ саб̣б̣агаалигам̣, на жа зганд̇ад̇о вимуд̇д̇ааяад̇анам̣, саран̣аг̇аманам̣ бана б̣уд̣̇д̇хуббаад̣̇ахзд̇угам̣, зганд̇авимуд̇д̇ааяад̇анан̃жа, д̇ад̇т̇а гат̇ам̣ саран̣ааг̇аманад̇о бан̃жасийласса махабпалад̇аад̇и ааха ‘‘гин̃жаабий’’д̇иаад̣̇и. ж̇здтаганд̇и уд̇д̇амам̣. ‘‘саран̣аг̇аманзязва бад̇идтааяаа’’д̇и иминаа д̇асса сийласса саран̣аг̇аманзна абхисан̇кад̇ад̇амааха.
Nanu ca pañcasīlaṃ sabbakālikaṃ, na ca ekantato vimuttāyatanaṃ, saraṇagamanaṃ pana buddhuppādahetukaṃ, ekantavimuttāyatanañca, tattha kathaṃ saraṇāgamanato pañcasīlassa mahapphalatāti āha ‘‘kiñcāpī’’tiādi. Jeṭṭhakanti uttamaṃ. ‘‘Saraṇagamaneyeva patiṭṭhāyā’’ti iminā tassa sīlassa saraṇagamanena abhisaṅkhatatamāha.
353. ийд̣̇исамзваад̇и звам̣ сам̣гилзсам̣ бадибагкамзва худ̇ваа. хздтаа вуд̇д̇зхи г̇ун̣зхийд̇и зд̇т̇а хздтаа вуд̇д̇аг̇ун̣аа наама саран̣аг̇аманам̣, сийласамбад̣̇аа, инд̣̇риязсу г̇уд̇д̇ад̣̇ваарад̇аад̇и звам̣ аад̣̇аяо. батамаж̇жхаанам̣ ниб̣б̣ад̇д̇знд̇о на гиламад̇ийд̇и яож̇анаа. д̇аанийд̇и батамаж̇жхаанаад̣̇ийни. ‘‘батамаж̇жхаана’’нд̇и уггадтанид̣̇д̣̇зсо аяанд̇и ааха ‘‘згам̣ габба’’нд̇и, згам̣ махаагаббанд̇и ад̇т̇о. хийнам̣ бана батамаж̇жхаанам̣, маж̇жхиман̃жа асан̇кязяяагаббасса д̇ад̇ияам̣ бхааг̇ам̣, убад̣дхагаббан̃жа ааяум̣ д̣̇зд̇и. ‘‘д̣̇уд̇ияам̣ адтагаббз’’д̇и аад̣̇ийсуби иминаа наязна ад̇т̇о взд̣̇ид̇аб̣б̣о, махаагаббавасзнзва жа г̇ахзд̇аб̣б̣ам̣. яасмаа ваа бан̣ийд̇ааниязвзд̇т̇а жхаанаани ад̇хиббзд̇аани махабпалад̇арабхаавад̣̇ассанабарад̇д̇аа д̣̇зсанааяа, д̇асмаа ‘‘батамаж̇жхаанам̣ згам̣ габба’’нд̇иаад̣̇и вуд̇д̇ам̣. д̇ад̣̇зваад̇и жад̇уд̇т̇аж̇жхаанамзва. яад̣̇и звам̣ гат̇ам̣ ааруббад̇аад̇и ааха ‘‘аагаасаанан̃жааяад̇анаад̣̇ий’’д̇иаад̣̇и.
353.Īdisamevāti evaṃ saṃkilesaṃ paṭipakkhameva hutvā. Heṭṭhā vuttehi guṇehīti ettha heṭṭhā vuttaguṇā nāma saraṇagamanaṃ, sīlasampadā, indriyesu guttadvāratāti evaṃ ādayo. Paṭhamajjhānaṃ nibbattento na kilamatīti yojanā. Tānīti paṭhamajjhānādīni. ‘‘Paṭhamajjhāna’’nti ukkaṭṭhaniddeso ayanti āha ‘‘ekaṃ kappa’’nti, ekaṃ mahākappanti attho. Hīnaṃ pana paṭhamajjhānaṃ, majjhimañca asaṅkhyeyyakappassa tatiyaṃ bhāgaṃ, upaḍḍhakappañca āyuṃ deti. ‘‘Dutiyaṃ aṭṭhakappe’’ti ādīsupi iminā nayena attho veditabbo, mahākappavaseneva ca gahetabbaṃ. Yasmā vā paṇītāniyevettha jhānāni adhippetāni mahapphalatarabhāvadassanaparattā desanāya, tasmā ‘‘paṭhamajjhānaṃ ekaṃ kappa’’ntiādi vuttaṃ. Tadevāti catutthajjhānameva. Yadi evaṃ kathaṃ āruppatāti āha ‘‘ākāsānañcāyatanādī’’tiādi.
саммад̣̇зва нижжасан̃н̃аад̣̇ибадибагкавид̇хаманавасзна бавад̇д̇амаанаа буб̣б̣абхааг̇ияз зва б̣од̇хибагкияад̇хаммз саммаанзнд̇ий вибассанаа вибассагасса анаббагам̣ бийд̇исоманассам̣ самаавахад̇ийд̇и ааха ‘‘вибассанаа…бз… абхааваа’’д̇и. д̇знааха бхаг̇аваа –
Sammadeva niccasaññādipaṭipakkhavidhamanavasena pavattamānā pubbabhāgiye eva bodhipakkhiyadhamme sammānentī vipassanā vipassakassa anappakaṃ pītisomanassaṃ samāvahatīti āha ‘‘vipassanā…pe… abhāvā’’ti. Tenāha bhagavā –
‘‘яад̇о яад̇о саммасад̇и, канд̇хаанам̣ уд̣̇аяаб̣б̣аяам̣;
‘‘Yato yato sammasati, khandhānaṃ udayabbayaṃ;
лабхад̇ий бийд̇ибаамож̇ж̇ам̣, амад̇ам̣ д̇ам̣ виж̇аанад̇а’’нд̇и. (д̇ха. ба. 374);
Labhatī pītipāmojjaṃ, amataṃ taṃ vijānata’’nti. (dha. pa. 374);
яасмаа аяам̣ д̣̇зсанаа иминаа ануггамзна имаани н̃аан̣аани ниб̣б̣ад̇д̇знд̇асса васзна бавад̇д̇ид̇аа, д̇асмаа ‘‘вибассанаан̃аан̣з бад̇идтааяа ниб̣б̣ад̇д̇знд̇о’’д̇и хздтимам̣ хздтимам̣ убаримасса убаримасса бад̇идтаабхууд̇ам̣ гад̇ваа вуд̇д̇ам̣. самаанаруубаниммаанам̣ наама маномаяид̣̇д̇хияаа ан̃н̃зхи асаад̇хааран̣агижжанд̇и ааха ‘‘ад̇д̇ано…бз… махабпалаа’’д̇и. вигуб̣б̣анад̣̇ассанасамад̇т̇ад̇ааяаад̇и хад̇т̇иассаад̣̇ививид̇харуубагаран̣ам̣ вигуб̣б̣анам̣, д̇асса д̣̇ассанасамад̇т̇абхаавзна. ижчид̇ижчид̇адтаанам̣ наама буримаж̇аад̇ийсу ижчид̇ижчид̇о канд̇хаббад̣̇зсо. самаабзнд̇од̇и барияосаабзнд̇о.
Yasmā ayaṃ desanā iminā anukkamena imāni ñāṇāni nibbattentassa vasena pavattitā, tasmā ‘‘vipassanāñāṇe patiṭṭhāya nibbattento’’ti heṭṭhimaṃ heṭṭhimaṃ uparimassa uparimassa patiṭṭhābhūtaṃ katvā vuttaṃ. Samānarūpanimmānaṃ nāma manomayiddhiyā aññehi asādhāraṇakiccanti āha ‘‘attano…pe… mahapphalā’’ti. Vikubbanadassanasamatthatāyāti hatthiassādivividharūpakaraṇaṃ vikubbanaṃ, tassa dassanasamatthabhāvena. Icchiticchitaṭṭhānaṃ nāma purimajātīsu icchiticchito khandhappadeso. Samāpentoti pariyosāpento.
гуудад̣̇анд̇аубаасагад̇д̇абадивзд̣̇анаагат̇ааван̣н̣анаа
Kūṭadantaupāsakattapaṭivedanākathāvaṇṇanā
354-8. саб̣б̣з д̇з баан̣аяод̇и ‘‘сад̇д̇а жа усабхасад̇ааний’’д̇иаад̣̇инаа вуд̇д̇з саб̣б̣з баан̣ино. аагулабхаавод̇и бхаг̇авад̇о санд̇игз д̇хаммасса суд̇ад̇д̇аа баан̣ийсу ануд̣̇д̣̇аяам̣ убадтабзд̇ваа тид̇асса ‘‘гат̇ан̃хи наама маяаа д̇аава б̣ахуу баан̣ино мааран̣ад̇т̇ааяа б̣анд̇хаабид̇аа’’д̇и жид̇д̇з бариб̣яаагулабхааво уд̣̇абаад̣̇и. суд̇ваад̇и ‘‘б̣анд̇ханад̇о можид̇аа’’д̇и суд̇ваа. гаамажчанд̣̇авиг̇амзна галлажид̇д̇ад̇аа арог̇ажид̇д̇ад̇аа, б̣яаабаад̣̇авиг̇амзна мзд̇д̇аавасзна муд̣̇ужид̇д̇ад̇аа агат̇инажид̇д̇ад̇аа, уд̣̇д̇хажжагуггужжаббахаанзна вигкзбавиг̇аманад̇о винийваран̣ажид̇д̇ад̇аа д̇зхи на бихид̇ажид̇д̇ад̇аа, т̇инамид̣̇д̇хавиг̇амзна уд̣̇аг̇г̇ажид̇д̇ад̇аа сам̣баг̇г̇ан̣ханавасзна алийнажид̇д̇ад̇аа, вижигижчаавиг̇амзна саммаабадибад̇д̇ияаа ад̇химуд̇д̇ад̇ааяа басаннажид̇д̇ад̇аа жа ход̇ийд̇и ааха ‘‘галлажид̇д̇анд̇иаад̣̇и анубуб̣б̣игат̇аанубхаавзна вигкамбхид̇анийваран̣ад̇ам̣ санд̇хааяа вуд̇д̇а’’нд̇и. яам̣ банзд̇т̇а ад̇т̇ад̇о авибхад̇д̇ам̣, д̇ам̣ сувин̃н̃зяяамзва.
354-8.Sabbete pāṇayoti ‘‘satta ca usabhasatānī’’tiādinā vutte sabbe pāṇino. Ākulabhāvoti bhagavato santike dhammassa sutattā pāṇīsu anuddayaṃ upaṭṭhapetvā ṭhitassa ‘‘kathañhi nāma mayā tāva bahū pāṇino māraṇatthāya bandhāpitā’’ti citte paribyākulabhāvo udapādi. Sutvāti ‘‘bandhanato mocitā’’ti sutvā. Kāmacchandavigamena kallacittatā arogacittatā, byāpādavigamena mettāvasena muducittatā akathinacittatā, uddhaccakukkuccappahānena vikkhepavigamanato vinīvaraṇacittatā tehi na pihitacittatā, thinamiddhavigamena udaggacittatā saṃpaggaṇhanavasena alīnacittatā, vicikicchāvigamena sammāpaṭipattiyā adhimuttatāya pasannacittatā ca hotīti āha ‘‘kallacittantiādi anupubbikathānubhāvena vikkhambhitanīvaraṇataṃ sandhāya vutta’’nti. Yaṃ panettha atthato avibhattaṃ, taṃ suviññeyyameva.
гуудад̣̇анд̇асуд̇д̇аван̣н̣анааяа лийнад̇т̇аббагаасанаа.
Kūṭadantasuttavaṇṇanāya līnatthappakāsanā.
Related texts:
д̇ибидага (муула) • Tipiṭaka (Mūla) / суд̇д̇абидага • Suttapiṭaka / д̣̇ийгханигааяа • Dīghanikāya / 5. гуудад̣̇анд̇асуд̇д̇ам̣ • 5. Kūṭadantasuttaṃ
адтагат̇аа • Aṭṭhakathā / суд̇д̇абидага (адтагат̇аа) • Suttapiṭaka (aṭṭhakathā) / д̣̇ийгха нигааяа (адтагат̇аа) • Dīgha nikāya (aṭṭhakathā) / 5. гуудад̣̇анд̇асуд̇д̇аван̣н̣анаа • 5. Kūṭadantasuttavaṇṇanā
