| Library / Tipiṭaka / திபிடக • Tipiṭaka / ஸங்யுத்தனிகாய • Saṃyuttanikāya |
7. கூடாகா³ரஸுத்தங்
7. Kūṭāgārasuttaṃ
188. ‘‘ஸெய்யதா²பி , பி⁴க்க²வே, கூடாகா³ரஸ்ஸ யா காசி கோ³பானஸியோ, ஸப்³பா³ தா கூடனின்னா கூடபோணா கூடபப்³பா⁴ரா; ஏவமேவ கோ², பி⁴க்க²வே, பி⁴க்கு² ஸத்த பொ³ஜ்ஜ²ங்கே³ பா⁴வெந்தோ ஸத்த பொ³ஜ்ஜ²ங்கே³ ப³ஹுலீகரொந்தோ நிப்³பா³னநின்னோ ஹோதி நிப்³பா³னபோணோ நிப்³பா³னபப்³பா⁴ரோ.
188. ‘‘Seyyathāpi , bhikkhave, kūṭāgārassa yā kāci gopānasiyo, sabbā tā kūṭaninnā kūṭapoṇā kūṭapabbhārā; evameva kho, bhikkhave, bhikkhu satta bojjhaṅge bhāvento satta bojjhaṅge bahulīkaronto nibbānaninno hoti nibbānapoṇo nibbānapabbhāro.
‘‘கத²ஞ்ச , பி⁴க்க²வே, பி⁴க்கு² ஸத்த பொ³ஜ்ஜ²ங்கே³ பா⁴வெந்தோ ஸத்த பொ³ஜ்ஜ²ங்கே³ ப³ஹுலீகரொந்தோ நிப்³பா³னநின்னோ ஹோதி நிப்³பா³னபோணோ நிப்³பா³னபப்³பா⁴ரோ ? இத⁴, பி⁴க்க²வே, பி⁴க்கு² ஸதிஸம்பொ³ஜ்ஜ²ங்க³ங் பா⁴வேதி விவேகனிஸ்ஸிதங் விராக³னிஸ்ஸிதங் நிரோத⁴னிஸ்ஸிதங் வொஸ்ஸக்³க³பரிணாமிங்…பே॰… உபெக்கா²ஸம்பொ³ஜ்ஜ²ங்க³ங் பா⁴வேதி விவேகனிஸ்ஸிதங் விராக³னிஸ்ஸிதங் நிரோத⁴னிஸ்ஸிதங் வொஸ்ஸக்³க³பரிணாமிங். ஏவங் கோ², பி⁴க்க²வே, பி⁴க்கு² ஸத்த பொ³ஜ்ஜ²ங்கே³ பா⁴வெந்தோ ஸத்த பொ³ஜ்ஜ²ங்கே³ ப³ஹுலீகரொந்தோ நிப்³பா³னநின்னோ ஹோதி நிப்³பா³னபோணோ நிப்³பா³னபப்³பா⁴ரோ’’தி. ஸத்தமங்.
‘‘Kathañca , bhikkhave, bhikkhu satta bojjhaṅge bhāvento satta bojjhaṅge bahulīkaronto nibbānaninno hoti nibbānapoṇo nibbānapabbhāro ? Idha, bhikkhave, bhikkhu satisambojjhaṅgaṃ bhāveti vivekanissitaṃ virāganissitaṃ nirodhanissitaṃ vossaggapariṇāmiṃ…pe… upekkhāsambojjhaṅgaṃ bhāveti vivekanissitaṃ virāganissitaṃ nirodhanissitaṃ vossaggapariṇāmiṃ. Evaṃ kho, bhikkhave, bhikkhu satta bojjhaṅge bhāvento satta bojjhaṅge bahulīkaronto nibbānaninno hoti nibbānapoṇo nibbānapabbhāro’’ti. Sattamaṃ.
Related texts:
அட்ட²கதா² • Aṭṭhakathā / ஸுத்தபிடக (அட்ட²கதா²) • Suttapiṭaka (aṭṭhakathā) / ஸங்யுத்தனிகாய (அட்ட²கதா²) • Saṃyuttanikāya (aṭṭhakathā) / 6-7. குண்ட³லியஸுத்தாதி³வண்ணனா • 6-7. Kuṇḍaliyasuttādivaṇṇanā
டீகா • Tīkā / ஸுத்தபிடக (டீகா) • Suttapiṭaka (ṭīkā) / ஸங்யுத்தனிகாய (டீகா) • Saṃyuttanikāya (ṭīkā) / 6-7. குண்ட³லியஸுத்தாதி³வண்ணனா • 6-7. Kuṇḍaliyasuttādivaṇṇanā
