| Library / Tipiṭaka / තිපිටක • Tipiṭaka / සංයුත්‌තනිකාය • Saṃyuttanikāya |
7. කූටාගාරසුත්‌තං
7. Kūṭāgārasuttaṃ
188. ‘‘සෙය්‍යථාපි , භික්‌ඛවෙ, කූටාගාරස්‌ස යා කාචි ගොපානසියො, සබ්‌බා තා කූටනින්‌නා කූටපොණා කූටපබ්‌භාරා; එවමෙව ඛො, භික්‌ඛවෙ, භික්‌ඛු සත්‌ත බොජ්‌ඣඞ්‌ගෙ භාවෙන්‌තො සත්‌ත බොජ්‌ඣඞ්‌ගෙ බහුලීකරොන්‌තො නිබ්‌බානනින්‌නො හොති නිබ්‌බානපොණො නිබ්‌බානපබ්‌භාරො.
188. ‘‘Seyyathāpi , bhikkhave, kūṭāgārassa yā kāci gopānasiyo, sabbā tā kūṭaninnā kūṭapoṇā kūṭapabbhārā; evameva kho, bhikkhave, bhikkhu satta bojjhaṅge bhāvento satta bojjhaṅge bahulīkaronto nibbānaninno hoti nibbānapoṇo nibbānapabbhāro.
‘‘කථඤ්‌ච , භික්‌ඛවෙ, භික්‌ඛු සත්‌ත බොජ්‌ඣඞ්‌ගෙ භාවෙන්‌තො සත්‌ත බොජ්‌ඣඞ්‌ගෙ බහුලීකරොන්‌තො නිබ්‌බානනින්‌නො හොති නිබ්‌බානපොණො නිබ්‌බානපබ්‌භාරො ? ඉධ, භික්‌ඛවෙ, භික්‌ඛු සතිසම්‌බොජ්‌ඣඞ්‌ගං භාවෙති විවෙකනිස්‌සිතං විරාගනිස්‌සිතං නිරොධනිස්‌සිතං වොස්‌සග්‌ගපරිණාමිං…පෙ.… උපෙක්‌ඛාසම්‌බොජ්‌ඣඞ්‌ගං භාවෙති විවෙකනිස්‌සිතං විරාගනිස්‌සිතං නිරොධනිස්‌සිතං වොස්‌සග්‌ගපරිණාමිං. එවං ඛො, භික්‌ඛවෙ, භික්‌ඛු සත්‌ත බොජ්‌ඣඞ්‌ගෙ භාවෙන්‌තො සත්‌ත බොජ්‌ඣඞ්‌ගෙ බහුලීකරොන්‌තො නිබ්‌බානනින්‌නො හොති නිබ්‌බානපොණො නිබ්‌බානපබ්‌භාරො’’ති. සත්‌තමං.
‘‘Kathañca , bhikkhave, bhikkhu satta bojjhaṅge bhāvento satta bojjhaṅge bahulīkaronto nibbānaninno hoti nibbānapoṇo nibbānapabbhāro ? Idha, bhikkhave, bhikkhu satisambojjhaṅgaṃ bhāveti vivekanissitaṃ virāganissitaṃ nirodhanissitaṃ vossaggapariṇāmiṃ…pe… upekkhāsambojjhaṅgaṃ bhāveti vivekanissitaṃ virāganissitaṃ nirodhanissitaṃ vossaggapariṇāmiṃ. Evaṃ kho, bhikkhave, bhikkhu satta bojjhaṅge bhāvento satta bojjhaṅge bahulīkaronto nibbānaninno hoti nibbānapoṇo nibbānapabbhāro’’ti. Sattamaṃ.
Related texts:
අට්‌ඨකථා • Aṭṭhakathā / සුත්‌තපිටක (අට්‌ඨකථා) • Suttapiṭaka (aṭṭhakathā) / සංයුත්‌තනිකාය (අට්‌ඨකථා) • Saṃyuttanikāya (aṭṭhakathā) / 6-7. කුණ්‌ඩලියසුත්‌තාදිවණ්‌ණනා • 6-7. Kuṇḍaliyasuttādivaṇṇanā
ටීකා • Tīkā / සුත්‌තපිටක (ටීකා) • Suttapiṭaka (ṭīkā) / සංයුත්‌තනිකාය (ටීකා) • Saṃyuttanikāya (ṭīkā) / 6-7. කුණ්‌ඩලියසුත්‌තාදිවණ්‌ණනා • 6-7. Kuṇḍaliyasuttādivaṇṇanā
