| Library / Tipiṭaka / ཏིཔིཊཀ • Tipiṭaka / སཾཡུཏྟནིཀཱཡ • Saṃyuttanikāya |
༧. ཀཱུཊཱགཱརསུཏྟཾ
7. Kūṭāgārasuttaṃ
༡༨༨. ‘‘སེཡྻཐཱཔི , བྷིཀྑཝེ, ཀཱུཊཱགཱརསྶ ཡཱ ཀཱཙི གོཔཱནསིཡོ, སབྦཱ ཏཱ ཀཱུཊནིནྣཱ ཀཱུཊཔོཎཱ ཀཱུཊཔབྦྷཱརཱ; ཨེཝམེཝ ཁོ, བྷིཀྑཝེ, བྷིཀྑུ སཏྟ བོཛ྄ཛྷངྒེ བྷཱཝེནྟོ སཏྟ བོཛ྄ཛྷངྒེ བཧུལཱིཀརོནྟོ ནིབྦཱནནིནྣོ ཧོཏི ནིབྦཱནཔོཎོ ནིབྦཱནཔབྦྷཱརོ།
188. ‘‘Seyyathāpi , bhikkhave, kūṭāgārassa yā kāci gopānasiyo, sabbā tā kūṭaninnā kūṭapoṇā kūṭapabbhārā; evameva kho, bhikkhave, bhikkhu satta bojjhaṅge bhāvento satta bojjhaṅge bahulīkaronto nibbānaninno hoti nibbānapoṇo nibbānapabbhāro.
‘‘ཀཐཉྩ , བྷིཀྑཝེ, བྷིཀྑུ སཏྟ བོཛ྄ཛྷངྒེ བྷཱཝེནྟོ སཏྟ བོཛ྄ཛྷངྒེ བཧུལཱིཀརོནྟོ ནིབྦཱནནིནྣོ ཧོཏི ནིབྦཱནཔོཎོ ནིབྦཱནཔབྦྷཱརོ ? ཨིདྷ, བྷིཀྑཝེ, བྷིཀྑུ སཏིསམྦོཛ྄ཛྷངྒཾ བྷཱཝེཏི ཝིཝེཀནིསྶིཏཾ ཝིརཱགནིསྶིཏཾ ནིརོདྷནིསྶིཏཾ ཝོསྶགྒཔརིཎཱམིཾ…པེ॰… ཨུཔེཀྑཱསམྦོཛ྄ཛྷངྒཾ བྷཱཝེཏི ཝིཝེཀནིསྶིཏཾ ཝིརཱགནིསྶིཏཾ ནིརོདྷནིསྶིཏཾ ཝོསྶགྒཔརིཎཱམིཾ། ཨེཝཾ ཁོ, བྷིཀྑཝེ, བྷིཀྑུ སཏྟ བོཛ྄ཛྷངྒེ བྷཱཝེནྟོ སཏྟ བོཛ྄ཛྷངྒེ བཧུལཱིཀརོནྟོ ནིབྦཱནནིནྣོ ཧོཏི ནིབྦཱནཔོཎོ ནིབྦཱནཔབྦྷཱརོ’’ཏི། སཏྟམཾ།
‘‘Kathañca , bhikkhave, bhikkhu satta bojjhaṅge bhāvento satta bojjhaṅge bahulīkaronto nibbānaninno hoti nibbānapoṇo nibbānapabbhāro ? Idha, bhikkhave, bhikkhu satisambojjhaṅgaṃ bhāveti vivekanissitaṃ virāganissitaṃ nirodhanissitaṃ vossaggapariṇāmiṃ…pe… upekkhāsambojjhaṅgaṃ bhāveti vivekanissitaṃ virāganissitaṃ nirodhanissitaṃ vossaggapariṇāmiṃ. Evaṃ kho, bhikkhave, bhikkhu satta bojjhaṅge bhāvento satta bojjhaṅge bahulīkaronto nibbānaninno hoti nibbānapoṇo nibbānapabbhāro’’ti. Sattamaṃ.
Related texts:
ཨཊྛཀཐཱ • Aṭṭhakathā / སུཏྟཔིཊཀ (ཨཊྛཀཐཱ) • Suttapiṭaka (aṭṭhakathā) / སཾཡུཏྟནིཀཱཡ (ཨཊྛཀཐཱ) • Saṃyuttanikāya (aṭṭhakathā) / ༦-༧. ཀུཎྜལིཡསུཏྟཱདིཝཎྞནཱ • 6-7. Kuṇḍaliyasuttādivaṇṇanā
ཊཱིཀཱ • Tīkā / སུཏྟཔིཊཀ (ཊཱིཀཱ) • Suttapiṭaka (ṭīkā) / སཾཡུཏྟནིཀཱཡ (ཊཱིཀཱ) • Saṃyuttanikāya (ṭīkā) / ༦-༧. ཀུཎྜལིཡསུཏྟཱདིཝཎྞནཱ • 6-7. Kuṇḍaliyasuttādivaṇṇanā
