| Library / Tipiṭaka / திபிடக • Tipiṭaka / ஸங்யுத்தனிகாய (அட்ட²கதா²) • Saṃyuttanikāya (aṭṭhakathā) |
3-10. கூடஸுத்தாதி³வண்ணனா
3-10. Kūṭasuttādivaṇṇanā
141-148. வஸ்ஸிகந்தி ஸுமனபுப்ப²ங். இமங் கிர ஸுத்தங் ஸுத்வா பா⁴தியமஹாராஜா வீமங்ஸிதுகாமதாய ஏகஸ்மிங் க³ப்³பே⁴ சதுஜாதிக³ந்தே⁴ஹி பரிப⁴ண்ட³ங் காரெத்வா ஸுக³ந்தா⁴னி புப்பா²னி ஆஹராபெத்வா ஏகஸ்ஸ ஸமுக்³க³ஸ்ஸ மஜ்ஜே² ஸுமனபுப்ப²முட்டி²ங் ட²பெத்வா ஸேஸானி தஸ்ஸ ஸமந்ததோ முட்டி²முட்டி²ங் கத்வா ட²பெத்வா த்³வாரங் பிதா⁴ய ப³ஹி நிக்க²ந்தோ. அத²ஸ்ஸ முஹுத்தங் வீதினாமெத்வா த்³வாரங் விவரித்வா பவிஸந்தஸ்ஸ ஸப்³ப³பட²மங் ஸுமனபுப்ப²க³ந்தோ⁴ கா⁴னங் பஹரி. ஸோ மஹாதலஸ்மிங்யேவ மஹாசேதியாபி⁴முகோ² நிபஜ்ஜித்வா – ‘‘வஸ்ஸிகங் தேஸங் அக்³க³ந்தி கதெ²ந்தேன ஸுகதி²தங் ஸம்மாஸம்பு³த்³தே⁴னா’’தி சேதியங் வந்தி³. குட்டராஜானோதி கு²த்³த³கராஜானோ. ‘‘கு²த்³த³ராஜானோ’’திபி பாடோ². தந்தாவுதானந்தி தந்தே ஆவுதானங், தந்தங் ஆரோபெத்வா வாயிதானந்தி அத்தோ². இத³ஞ்ச பச்சத்தே ஸாமிவசனங். யானி கானிசி தந்தாவுதானி வத்தா²னீதி அயஞ்ஹெத்த² அத்தோ². அத² வா தந்தாவுதானங் வத்தா²னங் யானி கானிசி வத்தா²னீதி ஏவங் ஸாவஸேஸபாட²னயேனபெத்த² அத்தோ² த³ட்ட²ப்³போ³. ஸேஸங் ஸப்³ப³த்த² உத்தானமேவாதி.
141-148.Vassikanti sumanapupphaṃ. Imaṃ kira suttaṃ sutvā bhātiyamahārājā vīmaṃsitukāmatāya ekasmiṃ gabbhe catujātigandhehi paribhaṇḍaṃ kāretvā sugandhāni pupphāni āharāpetvā ekassa samuggassa majjhe sumanapupphamuṭṭhiṃ ṭhapetvā sesāni tassa samantato muṭṭhimuṭṭhiṃ katvā ṭhapetvā dvāraṃ pidhāya bahi nikkhanto. Athassa muhuttaṃ vītināmetvā dvāraṃ vivaritvā pavisantassa sabbapaṭhamaṃ sumanapupphagandho ghānaṃ pahari. So mahātalasmiṃyeva mahācetiyābhimukho nipajjitvā – ‘‘vassikaṃ tesaṃ agganti kathentena sukathitaṃ sammāsambuddhenā’’ti cetiyaṃ vandi. Kuṭṭarājānoti khuddakarājāno. ‘‘Khuddarājāno’’tipi pāṭho. Tantāvutānanti tante āvutānaṃ, tantaṃ āropetvā vāyitānanti attho. Idañca paccatte sāmivacanaṃ. Yāni kānici tantāvutāni vatthānīti ayañhettha attho. Atha vā tantāvutānaṃ vatthānaṃ yāni kānici vatthānīti evaṃ sāvasesapāṭhanayenapettha attho daṭṭhabbo. Sesaṃ sabbattha uttānamevāti.
அப்பமாத³வக்³கோ³ அட்ட²மோ.
Appamādavaggo aṭṭhamo.
Related texts:
திபிடக (மூல) • Tipiṭaka (Mūla) / ஸுத்தபிடக • Suttapiṭaka / ஸங்யுத்தனிகாய • Saṃyuttanikāya
3-7. கூடாதி³ஸுத்தபஞ்சகங் • 3-7. Kūṭādisuttapañcakaṃ
8-10. சந்தி³மாதி³ஸுத்தததியகங் • 8-10. Candimādisuttatatiyakaṃ
டீகா • Tīkā / ஸுத்தபிடக (டீகா) • Suttapiṭaka (ṭīkā) / ஸங்யுத்தனிகாய (டீகா) • Saṃyuttanikāya (ṭīkā) / 3-10. கூடஸுத்தாதி³வண்ணனா • 3-10. Kūṭasuttādivaṇṇanā
