| Library / Tipiṭaka / ਤਿਪਿਟਕ • Tipiṭaka / ਸਂਯੁਤ੍ਤਨਿਕਾਯ (ਅਟ੍ਠਕਥਾ) • Saṃyuttanikāya (aṭṭhakathā) |
੩-੧੦. ਕੂਟਸੁਤ੍ਤਾਦਿવਣ੍ਣਨਾ
3-10. Kūṭasuttādivaṇṇanā
੧੪੧-੧੪੮. વਸ੍ਸਿਕਨ੍ਤਿ ਸੁਮਨਪੁਪ੍ਫਂ। ਇਮਂ ਕਿਰ ਸੁਤ੍ਤਂ ਸੁਤ੍વਾ ਭਾਤਿਯਮਹਾਰਾਜਾ વੀਮਂਸਿਤੁਕਾਮਤਾਯ ਏਕਸ੍ਮਿਂ ਗਬ੍ਭੇ ਚਤੁਜਾਤਿਗਨ੍ਧੇਹਿ ਪਰਿਭਣ੍ਡਂ ਕਾਰੇਤ੍વਾ ਸੁਗਨ੍ਧਾਨਿ ਪੁਪ੍ਫਾਨਿ ਆਹਰਾਪੇਤ੍વਾ ਏਕਸ੍ਸ ਸਮੁਗ੍ਗਸ੍ਸ ਮਜ੍ਝੇ ਸੁਮਨਪੁਪ੍ਫਮੁਟ੍ਠਿਂ ਠਪੇਤ੍વਾ ਸੇਸਾਨਿ ਤਸ੍ਸ ਸਮਨ੍ਤਤੋ ਮੁਟ੍ਠਿਮੁਟ੍ਠਿਂ ਕਤ੍વਾ ਠਪੇਤ੍વਾ ਦ੍વਾਰਂ ਪਿਧਾਯ ਬਹਿ ਨਿਕ੍ਖਨ੍ਤੋ। ਅਥਸ੍ਸ ਮੁਹੁਤ੍ਤਂ વੀਤਿਨਾਮੇਤ੍વਾ ਦ੍વਾਰਂ વਿવਰਿਤ੍વਾ ਪવਿਸਨ੍ਤਸ੍ਸ ਸਬ੍ਬਪਠਮਂ ਸੁਮਨਪੁਪ੍ਫਗਨ੍ਧੋ ਘਾਨਂ ਪਹਰਿ। ਸੋ ਮਹਾਤਲਸ੍ਮਿਂਯੇવ ਮਹਾਚੇਤਿਯਾਭਿਮੁਖੋ ਨਿਪਜ੍ਜਿਤ੍વਾ – ‘‘વਸ੍ਸਿਕਂ ਤੇਸਂ ਅਗ੍ਗਨ੍ਤਿ ਕਥੇਨ੍ਤੇਨ ਸੁਕਥਿਤਂ ਸਮ੍ਮਾਸਮ੍ਬੁਦ੍ਧੇਨਾ’’ਤਿ ਚੇਤਿਯਂ વਨ੍ਦਿ। ਕੁਟ੍ਟਰਾਜਾਨੋਤਿ ਖੁਦ੍ਦਕਰਾਜਾਨੋ। ‘‘ਖੁਦ੍ਦਰਾਜਾਨੋ’’ਤਿਪਿ ਪਾਠੋ। ਤਨ੍ਤਾવੁਤਾਨਨ੍ਤਿ ਤਨ੍ਤੇ ਆવੁਤਾਨਂ, ਤਨ੍ਤਂ ਆਰੋਪੇਤ੍વਾ વਾਯਿਤਾਨਨ੍ਤਿ ਅਤ੍ਥੋ। ਇਦਞ੍ਚ ਪਚ੍ਚਤ੍ਤੇ ਸਾਮਿવਚਨਂ। ਯਾਨਿ ਕਾਨਿਚਿ ਤਨ੍ਤਾવੁਤਾਨਿ વਤ੍ਥਾਨੀਤਿ ਅਯਞ੍ਹੇਤ੍ਥ ਅਤ੍ਥੋ। ਅਥ વਾ ਤਨ੍ਤਾવੁਤਾਨਂ વਤ੍ਥਾਨਂ ਯਾਨਿ ਕਾਨਿਚਿ વਤ੍ਥਾਨੀਤਿ ਏવਂ ਸਾવਸੇਸਪਾਠਨਯੇਨਪੇਤ੍ਥ ਅਤ੍ਥੋ ਦਟ੍ਠਬ੍ਬੋ। ਸੇਸਂ ਸਬ੍ਬਤ੍ਥ ਉਤ੍ਤਾਨਮੇવਾਤਿ।
141-148.Vassikanti sumanapupphaṃ. Imaṃ kira suttaṃ sutvā bhātiyamahārājā vīmaṃsitukāmatāya ekasmiṃ gabbhe catujātigandhehi paribhaṇḍaṃ kāretvā sugandhāni pupphāni āharāpetvā ekassa samuggassa majjhe sumanapupphamuṭṭhiṃ ṭhapetvā sesāni tassa samantato muṭṭhimuṭṭhiṃ katvā ṭhapetvā dvāraṃ pidhāya bahi nikkhanto. Athassa muhuttaṃ vītināmetvā dvāraṃ vivaritvā pavisantassa sabbapaṭhamaṃ sumanapupphagandho ghānaṃ pahari. So mahātalasmiṃyeva mahācetiyābhimukho nipajjitvā – ‘‘vassikaṃ tesaṃ agganti kathentena sukathitaṃ sammāsambuddhenā’’ti cetiyaṃ vandi. Kuṭṭarājānoti khuddakarājāno. ‘‘Khuddarājāno’’tipi pāṭho. Tantāvutānanti tante āvutānaṃ, tantaṃ āropetvā vāyitānanti attho. Idañca paccatte sāmivacanaṃ. Yāni kānici tantāvutāni vatthānīti ayañhettha attho. Atha vā tantāvutānaṃ vatthānaṃ yāni kānici vatthānīti evaṃ sāvasesapāṭhanayenapettha attho daṭṭhabbo. Sesaṃ sabbattha uttānamevāti.
ਅਪ੍ਪਮਾਦવਗ੍ਗੋ ਅਟ੍ਠਮੋ।
Appamādavaggo aṭṭhamo.
Related texts:
ਤਿਪਿਟਕ (ਮੂਲ) • Tipiṭaka (Mūla) / ਸੁਤ੍ਤਪਿਟਕ • Suttapiṭaka / ਸਂਯੁਤ੍ਤਨਿਕਾਯ • Saṃyuttanikāya
੩-੭. ਕੂਟਾਦਿਸੁਤ੍ਤਪਞ੍ਚਕਂ • 3-7. Kūṭādisuttapañcakaṃ
੮-੧੦. ਚਨ੍ਦਿਮਾਦਿਸੁਤ੍ਤਤਤਿਯਕਂ • 8-10. Candimādisuttatatiyakaṃ
ਟੀਕਾ • Tīkā / ਸੁਤ੍ਤਪਿਟਕ (ਟੀਕਾ) • Suttapiṭaka (ṭīkā) / ਸਂਯੁਤ੍ਤਨਿਕਾਯ (ਟੀਕਾ) • Saṃyuttanikāya (ṭīkā) / ੩-੧੦. ਕੂਟਸੁਤ੍ਤਾਦਿવਣ੍ਣਨਾ • 3-10. Kūṭasuttādivaṇṇanā
