| Library / Tipiṭaka / д̇ибидага • Tipiṭaka / ж̇аад̇ага-адтагат̇аа • Jātaka-aṭṭhakathā |
[218] 8. гуудаваан̣иж̇аж̇аад̇агаван̣н̣анаа
[218] 8. Kūṭavāṇijajātakavaṇṇanā
сатасса саатзяяамид̣̇анд̇и ид̣̇ам̣ сад̇т̇аа ж̇зд̇аванз вихаранд̇о згам̣ гуудаваан̣иж̇ам̣ аараб̣бха гат̇зси. саавад̇т̇иваасино хи гуудаваан̣иж̇о жа бан̣д̣ид̇аваан̣иж̇о жа д̣̇вз ваан̣иж̇аа мид̇д̇игаа худ̇ваа бан̃жа сагадасад̇аани бхан̣д̣асса буураабзд̇ваа буб̣б̣анд̇ад̇о абаранд̇ам̣ вижарамаанаа вохаарам̣ гад̇ваа б̣ахум̣ лаабхам̣ лабхид̇ваа саавад̇т̇им̣ бажжааг̇амим̣су. бан̣д̣ид̇аваан̣иж̇о гуудаваан̣иж̇ам̣ ааха – ‘‘самма, бхан̣д̣ам̣ бхааж̇змаа’’д̇и. гуудаваан̣иж̇о ‘‘аяам̣ д̣̇ийгхарад̇д̇ам̣ д̣̇угкасзяяааяа д̣̇уб̣бхож̇анзна гиланд̇о ад̇д̇ано гхарз наанаг̇г̇арасам̣ бхад̇д̇ам̣ бхун̃ж̇ид̇ваа аж̇ийрагзна мариссад̇и, ат̇а саб̣б̣амбзд̇ам̣ бхан̣д̣ам̣ маяхамзва бхависсад̇ий’’д̇и жинд̇зд̇ваа ‘‘нагкад̇д̇ам̣ на манаабам̣, д̣̇ивасо на манаабо, свз ж̇ааниссаами , бунад̣̇ивасз ж̇ааниссаамий’’д̇и гаалам̣ кзбзд̇и. ат̇а нам̣ бан̣д̣ид̇аваан̣иж̇о ниббийл̣зд̇ваа бхааж̇аабзд̇ваа г̇анд̇хамаалам̣ аад̣̇ааяа сад̇т̇у санд̇игам̣ г̇анд̇ваа сад̇т̇аарам̣ бууж̇зд̇ваа ванд̣̇ид̇ваа згаманд̇ам̣ нисийд̣̇и. сад̇т̇аа ‘‘гад̣̇аа ааг̇ад̇осий’’д̇и бужчид̇ваа ‘‘ад̣дхамаасамад̇д̇о мз, бханд̇з, ааг̇ад̇ассаа’’д̇и вад̇ваа ‘‘ат̇а гасмаа звам̣ бабан̃жам̣ гад̇ваа б̣уд̣̇д̇хубадтаанам̣ ааг̇ад̇осий’’д̇и будто д̇ам̣ бавад̇д̇им̣ аарожзси. сад̇т̇аа ‘‘на ко, убаасага, ид̣̇аанзва, буб̣б̣збзса гуудаваан̣иж̇оязваа’’д̇и вад̇ваа д̇зна яаажид̇о ад̇ийд̇ам̣ аахари.
Saṭhassasāṭheyyamidanti idaṃ satthā jetavane viharanto ekaṃ kūṭavāṇijaṃ ārabbha kathesi. Sāvatthivāsino hi kūṭavāṇijo ca paṇḍitavāṇijo ca dve vāṇijā mittikā hutvā pañca sakaṭasatāni bhaṇḍassa pūrāpetvā pubbantato aparantaṃ vicaramānā vohāraṃ katvā bahuṃ lābhaṃ labhitvā sāvatthiṃ paccāgamiṃsu. Paṇḍitavāṇijo kūṭavāṇijaṃ āha – ‘‘samma, bhaṇḍaṃ bhājemā’’ti. Kūṭavāṇijo ‘‘ayaṃ dīgharattaṃ dukkhaseyyāya dubbhojanena kilanto attano ghare nānaggarasaṃ bhattaṃ bhuñjitvā ajīrakena marissati, atha sabbampetaṃ bhaṇḍaṃ mayhameva bhavissatī’’ti cintetvā ‘‘nakkhattaṃ na manāpaṃ, divaso na manāpo, sve jānissāmi , punadivase jānissāmī’’ti kālaṃ khepeti. Atha naṃ paṇḍitavāṇijo nippīḷetvā bhājāpetvā gandhamālaṃ ādāya satthu santikaṃ gantvā satthāraṃ pūjetvā vanditvā ekamantaṃ nisīdi. Satthā ‘‘kadā āgatosī’’ti pucchitvā ‘‘aḍḍhamāsamatto me, bhante, āgatassā’’ti vatvā ‘‘atha kasmā evaṃ papañcaṃ katvā buddhupaṭṭhānaṃ āgatosī’’ti puṭṭho taṃ pavattiṃ ārocesi. Satthā ‘‘na kho, upāsaka, idāneva, pubbepesa kūṭavāṇijoyevā’’ti vatvā tena yācito atītaṃ āhari.
ад̇ийд̇з б̣аараан̣асияам̣ б̣рахмад̣̇ад̇д̇з раж̇ж̇ам̣ гаарзнд̇з б̣од̇хисад̇д̇о амажжагулз ниб̣б̣ад̇д̇ид̇ваа ваяаббад̇д̇о д̇асса винижчаяаамажжо ахоси. д̇ад̣̇аа г̇аамаваасий жа наг̇араваасий жа д̣̇вз ваан̣иж̇аа мид̇д̇аа ахзсум̣. г̇аамаваасий наг̇араваасисса санд̇игз бан̃жа пааласад̇аани табзси. со д̇з паалз виггин̣ид̇ваа муулам̣ г̇ахзд̇ваа паалаанам̣ табид̇адтаанз муусигаважжам̣ аагирид̇ваа табзси. абарабхааг̇з г̇аамаваасий ааг̇анд̇ваа ‘‘паалз мз д̣̇зхий’’д̇и ааха. гуудаваан̣иж̇о ‘‘паалаа д̇з муусигаахи каад̣̇ид̇аа’’д̇и муусигаважжам̣ д̣̇ассзси. ид̇аро ‘‘каад̣̇ид̇аава хонд̇у, муусигаахи каад̣̇ид̇з гим̣ саггаа гаад̇у’’нд̇и нхаанад̇т̇ааяа д̇асса буд̇д̇ам̣ аад̣̇ааяа г̇ажчанд̇о згасса сахааяагасса г̇зхз ‘‘имасса гад̇т̇ажи г̇анд̇ум̣ маа ад̣̇ад̇т̇аа’’д̇и вад̇ваа анд̇ог̇аб̣бхз нисийд̣̇аабзд̇ваа саяам̣ нхааяид̇ваа гуудаваан̣иж̇асса г̇зхам̣ аг̇амааси. со ‘‘буд̇д̇о мз гаха’’нд̇и ааха. ‘‘самма, д̇ава буд̇д̇ам̣ д̇ийрз табзд̇ваа мама уд̣̇агз нимуг̇г̇агаалз зго гулало ааг̇анд̇ваа д̇ава буд̇д̇ам̣ накабан̃ж̇арзна г̇ахзд̇ваа аагаасам̣ багканд̇о, ахам̣ баан̣им̣ бахарид̇ваа виравид̇ваа вааяаманд̇оби можзд̇ум̣ наасагки’’нд̇и. ‘‘д̇вам̣ мусаа бхан̣аси, гулалаа д̣̇аарагз г̇ахзд̇ваа г̇анд̇ум̣ самад̇т̇аа наама над̇т̇ий’’д̇и. ‘‘самма, ход̇у, аяуд̇д̇зби хонд̇з ахам̣ гим̣ гароми, гулалзнзва д̇з буд̇д̇о нийд̇о’’д̇и. со д̇ам̣ санд̇аж̇ж̇зд̇ваа ‘‘арз д̣̇удтажора мануссамаарага , ид̣̇аани д̇ам̣ винижчаяам̣ г̇анд̇ваа гад̣дхаабзссаамий’’д̇и нигками. со ‘‘мама ружжанагамзва гаросий’’д̇и д̇знзва сад̣̇д̇хим̣ винижчаяадтаанам̣ аг̇амааси.
Atīte bārāṇasiyaṃ brahmadatte rajjaṃ kārente bodhisatto amaccakule nibbattitvā vayappatto tassa vinicchayāmacco ahosi. Tadā gāmavāsī ca nagaravāsī ca dve vāṇijā mittā ahesuṃ. Gāmavāsī nagaravāsissa santike pañca phālasatāni ṭhapesi. So te phāle vikkiṇitvā mūlaṃ gahetvā phālānaṃ ṭhapitaṭṭhāne mūsikavaccaṃ ākiritvā ṭhapesi. Aparabhāge gāmavāsī āgantvā ‘‘phāle me dehī’’ti āha. Kūṭavāṇijo ‘‘phālā te mūsikāhi khāditā’’ti mūsikavaccaṃ dassesi. Itaro ‘‘khāditāva hontu, mūsikāhi khādite kiṃ sakkā kātu’’nti nhānatthāya tassa puttaṃ ādāya gacchanto ekassa sahāyakassa gehe ‘‘imassa katthaci gantuṃ mā adatthā’’ti vatvā antogabbhe nisīdāpetvā sayaṃ nhāyitvā kūṭavāṇijassa gehaṃ agamāsi. So ‘‘putto me kaha’’nti āha. ‘‘Samma, tava puttaṃ tīre ṭhapetvā mama udake nimuggakāle eko kulalo āgantvā tava puttaṃ nakhapañjarena gahetvā ākāsaṃ pakkhanto, ahaṃ pāṇiṃ paharitvā viravitvā vāyamantopi mocetuṃ nāsakkhi’’nti. ‘‘Tvaṃ musā bhaṇasi, kulalā dārake gahetvā gantuṃ samatthā nāma natthī’’ti. ‘‘Samma, hotu, ayuttepi honte ahaṃ kiṃ karomi, kulaleneva te putto nīto’’ti. So taṃ santajjetvā ‘‘are duṭṭhacora manussamāraka , idāni taṃ vinicchayaṃ gantvā kaḍḍhāpessāmī’’ti nikkhami. So ‘‘mama ruccanakameva karosī’’ti teneva saddhiṃ vinicchayaṭṭhānaṃ agamāsi.
гуудаваан̣иж̇о б̣од̇хисад̇д̇ам̣ ааха – ‘‘аяам̣, саами, мама буд̇д̇ам̣ г̇ахзд̇ваа нхааяид̇ум̣ г̇ад̇о, ‘гахам̣ мз буд̇д̇о’д̇и вуд̇д̇з ‘гулалзна хадо’д̇и ааха, винижчинат̇а мз ад̣д̣а’’нд̇и. б̣од̇хисад̇д̇о ‘‘сажжам̣ бхан̣з’’д̇и ид̇арам̣ бужчи. со ааха – ‘‘аама, саами, ахам̣ д̇ам̣ аад̣̇ааяа г̇ад̇о, сзнзна бахадабхааво сажжамзва, саамий’’д̇и. ‘‘гим̣ бана логз гулалаа наама д̣̇аарагз харанд̇ий’’д̇и? ‘‘саами, ахамби д̇умхз бужчаами – ‘‘гулалаа д̣̇аарагз г̇ахзд̇ваа аагаасз г̇анд̇ум̣ на саггонд̇и, муусигаа бана аяапаалз каад̣̇анд̇ий’’д̇и. ‘‘ид̣̇ам̣ гим̣ наамаа’’д̇и? ‘‘саами, маяаа зд̇асса гхарз бан̃жа пааласад̇аани табид̇аани, свааяам̣ ‘паалаа д̇з муусигаахи каад̣̇ид̇аа’д̇и вад̇ваа ‘ид̣̇ам̣ д̇з паалз каад̣̇ид̇амуусигаанам̣ важжа’нд̇и важжам̣ д̣̇ассзд̇и, саами, муусигаа жз паалз каад̣̇анд̇и, гулалааби д̣̇аарагз хариссанд̇и. сажз на каад̣̇анд̇и, сзнааби д̇ам̣ на хариссанд̇и. зсо бана ‘паалаа д̇з муусигаахи каад̣̇ид̇аа’д̇и вад̣̇ад̇и, д̇зсам̣ каад̣̇ид̇абхаавам̣ ваа акаад̣̇ид̇абхаавам̣ ваа ж̇аанаат̇а, ад̣д̣ам̣ мз винижчинат̇аа’’д̇и. б̣од̇хисад̇д̇о ‘‘сатасса бадисаатзяяам̣ гад̇ваа ж̇иниссаамийд̇и иминаа жинд̇ид̇ам̣ бхависсад̇ий’’д̇и н̃ад̇ваа ‘‘судту д̇з жинд̇ид̇а’’нд̇и вад̇ваа имаа г̇аат̇аа авожа –
Kūṭavāṇijo bodhisattaṃ āha – ‘‘ayaṃ, sāmi, mama puttaṃ gahetvā nhāyituṃ gato, ‘kahaṃ me putto’ti vutte ‘kulalena haṭo’ti āha, vinicchinatha me aḍḍa’’nti. Bodhisatto ‘‘saccaṃ bhaṇe’’ti itaraṃ pucchi. So āha – ‘‘āma, sāmi, ahaṃ taṃ ādāya gato, senena pahaṭabhāvo saccameva, sāmī’’ti. ‘‘Kiṃ pana loke kulalā nāma dārake harantī’’ti? ‘‘Sāmi, ahampi tumhe pucchāmi – ‘‘kulalā dārake gahetvā ākāse gantuṃ na sakkonti, mūsikā pana ayaphāle khādantī’’ti. ‘‘Idaṃ kiṃ nāmā’’ti? ‘‘Sāmi, mayā etassa ghare pañca phālasatāni ṭhapitāni, svāyaṃ ‘phālā te mūsikāhi khāditā’ti vatvā ‘idaṃ te phāle khāditamūsikānaṃ vacca’nti vaccaṃ dasseti, sāmi, mūsikā ce phāle khādanti, kulalāpi dārake harissanti. Sace na khādanti, senāpi taṃ na harissanti. Eso pana ‘phālā te mūsikāhi khāditā’ti vadati, tesaṃ khāditabhāvaṃ vā akhāditabhāvaṃ vā jānātha, aḍḍaṃ me vinicchinathā’’ti. Bodhisatto ‘‘saṭhassa paṭisāṭheyyaṃ katvā jinissāmīti iminā cintitaṃ bhavissatī’’ti ñatvā ‘‘suṭṭhu te cintita’’nti vatvā imā gāthā avoca –
135.
135.
‘‘сатасса саатзяяамим̣д̣̇а сужинд̇ид̇ам̣, бажжод̣д̣ид̇ам̣ бадигуудасса гуудам̣;
‘‘Saṭhassa sāṭheyyamiṃda sucintitaṃ, paccoḍḍitaṃ paṭikūṭassa kūṭaṃ;
паалам̣ жз каад̣̇зяяум̣ муусигаа, гасмаа гумаарам̣ гулалаа на харзяяум̣.
Phālaṃ ce khādeyyuṃ mūsikā, kasmā kumāraṃ kulalā na hareyyuṃ.
136.
136.
‘‘гуудасса хи санд̇и гуудагуудаа, бхавад̇и жааби нигад̇ино нигад̇яаа;
‘‘Kūṭassa hi santi kūṭakūṭā, bhavati cāpi nikatino nikatyā;
д̣̇зхи буд̇д̇анадта пааланадтасса паалам̣, маа д̇з буд̇д̇амахааси пааланадто’’д̇и.
Dehi puttanaṭṭha phālanaṭṭhassa phālaṃ, mā te puttamahāsi phālanaṭṭho’’ti.
д̇ад̇т̇а сатассаад̇и сатабхаавзна гзраадигзна ‘‘згам̣ убааяам̣ гад̇ваа барасанд̇агам̣ каад̣̇ид̇ум̣ ваддад̇ий’’д̇и сатасса. саатзяяамид̣̇ам̣ сужинд̇ид̇анд̇и ид̣̇ам̣ бадисаатзяяам̣ жинд̇знд̇зна д̇аяаа судту жинд̇ид̇ам̣. бажжод̣д̣ид̇ам̣ бадигуудасса гууданд̇и гуудасса буг̇г̇аласса д̇аяаа бадигуудам̣ судту бажжод̣д̣ид̇ам̣, бадибхааг̇ам̣ гад̇ваа од̣д̣ид̇асад̣̇исамзва гад̇анд̇и ад̇т̇о. паалам̣ жз каад̣̇зяяум̣ муусигаад̇и яад̣̇и муусигаа паалам̣ каад̣̇зяяум̣. гасмаа гумаарам̣ гулалаа на харзяяунд̇и муусигаасу паалз каад̣̇анд̇ийсу гулалаа гим̣ гааран̣аа гумаарам̣ но харзяяум̣.
Tattha saṭhassāti saṭhabhāvena kerāṭikena ‘‘ekaṃ upāyaṃ katvā parasantakaṃ khādituṃ vaṭṭatī’’ti saṭhassa. Sāṭheyyamidaṃ sucintitanti idaṃ paṭisāṭheyyaṃ cintentena tayā suṭṭhu cintitaṃ. Paccoḍḍitaṃ paṭikūṭassa kūṭanti kūṭassa puggalassa tayā paṭikūṭaṃ suṭṭhu paccoḍḍitaṃ, paṭibhāgaṃ katvā oḍḍitasadisameva katanti attho. Phālaṃ ce khādeyyuṃ mūsikāti yadi mūsikā phālaṃ khādeyyuṃ. Kasmā kumāraṃ kulalā na hareyyunti mūsikāsu phāle khādantīsu kulalā kiṃ kāraṇā kumāraṃ no hareyyuṃ.
гуудасса хи санд̇и гуудагуудаад̇и д̇вам̣ ‘‘ахамзва муусигаахи паалз каад̣̇аабид̇абурисо гуудо’’д̇и ман̃н̃аси, д̇аад̣̇исасса бана гуудасса имасмим̣ логз б̣ахуу гуудаа санд̇и, гуудасса гуудаад̇и гуудабадигуудаанам̣ зд̇ам̣ наамам̣, гуудасса бадигуудаа наама санд̇ийд̇и вуд̇д̇ам̣ ход̇и. бхавад̇и жааби нигад̇ино нигад̇яаад̇и нигад̇ино нзгад̇игасса ван̃жанагабуг̇г̇аласса нигад̇яаа абаро нигад̇игаараго ван̃жанагабурисо бхавад̇иязва. д̣̇зхи буд̇д̇анадта пааланадтасса пааланд̇и амбхо надтабуд̇д̇а буриса, зд̇асса надтапааласса паалам̣ д̣̇зхи. маа д̇з буд̇д̇амахааси пааланадтод̇и сажз хисса паалам̣ на д̣̇ассаси, буд̇д̇ам̣ д̇з хариссад̇и, д̇ам̣ д̇з зса маа харад̇у, пааламасса д̣̇зхийд̇и. ‘‘д̣̇зми, саами, сажз мз буд̇д̇ам̣ д̣̇зд̇ий’’д̇и. ‘‘д̣̇зми, саами, сажз мз паалз д̣̇зд̇ий’’д̇и. звам̣ надтабуд̇д̇о буд̇д̇ам̣, надтапаало жа паалам̣ бадилабхид̇ваа убхоби яат̇аагаммам̣ г̇ад̇аа.
Kūṭassahi santi kūṭakūṭāti tvaṃ ‘‘ahameva mūsikāhi phāle khādāpitapuriso kūṭo’’ti maññasi, tādisassa pana kūṭassa imasmiṃ loke bahū kūṭā santi, kūṭassa kūṭāti kūṭapaṭikūṭānaṃ etaṃ nāmaṃ, kūṭassa paṭikūṭā nāma santīti vuttaṃ hoti. Bhavati cāpi nikatino nikatyāti nikatino nekatikassa vañcanakapuggalassa nikatyā aparo nikatikārako vañcanakapuriso bhavatiyeva. Dehi puttanaṭṭha phālanaṭṭhassa phālanti ambho naṭṭhaputta purisa, etassa naṭṭhaphālassa phālaṃ dehi. Mā te puttamahāsi phālanaṭṭhoti sace hissa phālaṃ na dassasi, puttaṃ te harissati, taṃ te esa mā haratu, phālamassa dehīti. ‘‘Demi, sāmi, sace me puttaṃ detī’’ti. ‘‘Demi, sāmi, sace me phāle detī’’ti. Evaṃ naṭṭhaputto puttaṃ, naṭṭhaphālo ca phālaṃ paṭilabhitvā ubhopi yathākammaṃ gatā.
сад̇т̇аа имам̣ д̇хаммад̣̇зсанам̣ аахарид̇ваа ж̇аад̇агам̣ самод̇хаанзси – ‘‘д̇ад̣̇аа гуудаваан̣иж̇о ид̣̇аани гуудаваан̣иж̇ова, бан̣д̣ид̇аваан̣иж̇о бан̣д̣ид̇аваан̣иж̇оязва, винижчаяаамажжо бана ахамзва ахоси’’нд̇и.
Satthā imaṃ dhammadesanaṃ āharitvā jātakaṃ samodhānesi – ‘‘tadā kūṭavāṇijo idāni kūṭavāṇijova, paṇḍitavāṇijo paṇḍitavāṇijoyeva, vinicchayāmacco pana ahameva ahosi’’nti.
гуудаваан̣иж̇аж̇аад̇агаван̣н̣анаа адтамаа.
Kūṭavāṇijajātakavaṇṇanā aṭṭhamā.
Related texts:
д̇ибидага (муула) • Tipiṭaka (Mūla) / суд̇д̇абидага • Suttapiṭaka / куд̣̇д̣̇аганигааяа • Khuddakanikāya / ж̇аад̇агабаал̣и • Jātakapāḷi / 218. гуудаваан̣иж̇аж̇аад̇агам̣ • 218. Kūṭavāṇijajātakaṃ
